12:44 مساءً الأربعاء 12 ديسمبر، 2018

اشعار عتاب للحبيب عراقيه


 

صوره اشعار عتاب للحبيب عراقيه

 

 

 

احس متغير اني ومالي خلك الناس
واحس تعبان كلبي من الوكت مقهور
مثل غيمه حزن تمطر علي كبريت
وانه بنار عايش والدموع تفور
كل يوم الامس مثل الفلم ينعاد
وباجر والامس والجاي نفس الطور
ناعور الوكت يسگيني جان اشعار
وافتر الوكت وانه الصرت ناعور
جنت اضحك واسولف ويا هذا وذاك
على غفله ولگيت الناس كلها جور
طرت بجناح واحد للفرح فد يوم
شو حتى الفرح ردني بجنح مكسور
ضيعت البخت وانه الجنت محظوظ
حتى ويا العشك ما عشت لحضه بنور
يا كلبي شكثر عذبتك انت وياي
احس كلبي على كلبي من الحزن مفطور

—————–

يايل ماخذ صفنتي شلون بله وياك فهمني بمرامك شرد اسويلك تجر اعصاب كلبي صير جنه وتار وبدمعت عيوني راح انه اغنيلك سويتك ضريح ومنبر العشاق بعد شتريد مني وشرد اسويلك انه طيتك عمر وطيتك الدلال ولو زحمه الفضل لو رايد احجيلك من طكك برد صرت انه الك تموز ويجيك اليل انه ونت اكض ليلك تنكر عشرتي وانته بيه تخون وكت الصلاة وكلبي ضل يدعيلك ما ريدك بعد كلشي انتهه وياك ولا تحلم بعد عود انه ابجيلك

—————–

انا بلياك مثل الكاع….

اذا ما احضنك اتفطر
غده ميل انتظارك سيف … وانه بكل كتر منحر
طفت روحي وظلامي ازداد..
غطيت الشمس بالليل … صعبة بغيرك اتقشمر
الامل كد ماكبر شيب .

.

وكام بكلشي يتعثر
تناقض بيه ماينكال ….

اكرهك والتفت واشتاك .

.
اشكن صورتك واندم … وارد لطيفك اتعذر …
ضميت ومالكيتك ماي … شربت اخر عتب مافاد
نويت امشي واذبك غاد ….

يم اخر جرح واصبر .

.
واكل لرويحتي تحملي ….

كضه موسم حنيني الجايج نسيان…
بس المشكلة بطاريك ….

كلما يرجع اتذكر
يل بعمر الورد ضليت …انه عمري انربط بالليل
يكبر والصبح يزغر
خذاني الموت مالك جيه يم كبري؟
بس فكر تجي ولتخاف …
اشك جفني واجي ابالك..
انوي ومو شرط تحضر .

.
واذا نيتك صدك ياريت
تجيني ووعد تلكاني … عله باب المكبره موزر
اعزبلك نخل بالصيف … اجيب فياي مدري منين
اخاف عليك لا تحتر ….
عرضوني بغيابك ضلمه عد عميان ….وصاحو بيش يتقدر؟

..
واجه الشراي قيمني .

.وتلمس جروحي وكال …
بالميت اذا يسوه… اذان بديره الكفار …سعره ومايجيب اكثر..
كضه عمري وانه وطاري الفرح صحبان …
اموت بلا هوه المعشر …
اناشغ بس اضحك البلكبر مدفون..
واسوي الماتشيله عقول…
ادك جدمي عله باب جفاك
وارسم وجهك بمكفاك …..

واحلف كلبي ماينساك
ويمر طيفك يشضيني..
عله حايط عشرتك تذكار …
وانه شحصلت غير الطيف
اهي مره تفز عيني….

وعشر مرات تتبسمر
اعتب على الدرب من خذك مارد بيك
ماترهم واتبعك وين… اجي ولا ترهم اتكتر
لمتحف دربك اتعنيت …
بلجن محتفظ سهوا … لاثر من جدمك الهيهات
اشوفه بدربي يتكرر…
اروحن وين من طاريك
حقل الغام اليكصده ….

غصبا ماعليه يحذر
من انكل جدم سالفتي..

عله غيرك عمري يتوذر
ما اطمع واريد انساك
انه شفايتلي واتناساك
نعمه وكلبي يتمنه … وحرام ان جان يتبطر
يل مغيم عتب لاوين… حدك خاطر اتنطر
عله بالي شما يمر نسيان
اذكرك والعن الشيطان
متى تفك قيد ذاكرتي … وخيالي الماختم قصتي …
ذنبي وماعرفت انسه .

.

وكمت كلما يلومونك … اكلهم والله ماقصر
شبيدك خاطر تسويه .

.
حابسني بسجن مفتوح … انه الما اعرف اتحرر
عشت مثل اليتاني اعدام
لابس مغربيتي ثياب…بقلق من خطوه السجان
تخطف لون البوجهي … وغصب تطيني لون اصفر
اليلوم بلا سبب معذور .

.

اهو الساكن ابيت الشوك .

.
يدري بحال التهجر؟؟
بامل نيتك بقيت اتناك
واقنع عيوني اكلهن جاي ….

وكلبي يكول يتاخر
ولو شيفيد لو رديت…
علكوني بحبل طاريك…وكبرو صورتك بالطيف
واخذو حلمي من عيني
ومتت من سدو المحضر

——————

تركني وعني كال تروح ولاه
عليه وميت الف شيطان ولاه
كلتله بحبي احلفك كال والله
وظحك ظحكه خنكلي الروح بيه

629 views

اشعار عتاب للحبيب عراقيه