2:33 صباحًا الأربعاء 19 ديسمبر، 2018

اشعار ليبيه قصيره تهبل


صوره اشعار ليبيه قصيره تهبل اشعار ليبيه ميه مية

هذا جيل الجو الفايح قليل ربايح ديمه نص الليل ذوايح
جيل الباهي جيل اللي في الكيكه لاهى
نسيوه بريريد الشاهي و على المكياطه تما طايح
جيل الراب لا يقرا و لا يحل كتاب
ديما شاطح دون اسباب و من الدخان خياله سايح
جيل الموضات جيل اخر واحدث طرحات
يتبع في الفيديو كليبات و ما شى في التيار و رايح
جيل فضيحه جيل نوادر اخر صيحة
فى الجو مزنح تزنيحه مع هيفا و روبى سايح
جيل ال ok جيل اللي يحكي بيديه
تتعب و انت تعدل فيه و لا ما تثمر فيه نصايح
جيل التوخيره جيل يقلد في شاكيرا
و مسكر راسه تسكيره مقفول و مفتاحه رايح

——————————————————————-

عالكرت نملا كرت
من سحر صوتك في الغرام اسكرت
انا مدمنك
ندير نغمتك نبظه القلب الحاني
وبالدم نرسلك مرايف راني
ولك نشحن النقال من شرياني
وعالصامت اندير الشوق كان نكرت

—————————————————————–

المكياج يا البنات موش حضاره
المكياج جاكم من بلاد نصاره

***
كل يوم في المزين
في لبسها تلبس رقيق يبين
لا تستحي من الله لا تدين
غشيمه ما تعرف الادب و اقداره
وتقول يا و ليدي الباسى قنين
موديل راقي عاليات اسعاره

***
البنت في طلعتها
ع الناس تلقا عارضه زينتها
وتلقا الصنه مفيحه ريحتها
والجسم يتمايل يمين يساره
وتلقاها بطيه دوم في مشيتها
تخلي عقول العاشقين حياره

***
طالعه تسلى
وفي الفم دارت مستكه تتحلى
والشعر طايح طالقاته كله
والوجه يتلاصف اتقول شراره …

——————————————————–

مازلت نا هونا لادرت حوش و لا لقيت مراء انموت خيرلى
مازال نا العزابي و ما زال نرجا في القروض و عابى
ومازال تحت الحيط نا و صحابي لابيع بعنا و لاهناك شراء
وياصاحبي بالحال ما نك غابي تمت علينا جايزه الزكاه

———————————————————

مانك الا غلطانه…حسك رقيق و شفرتك لبيانا ترني عقاب الليل

يامريوحه …ويا قاعده في الحوش كيف اللوحه…انا عارفه النقال كيف اطروحه
ياكبر خوفي تطلعي شوشانا.

——————————————————–

يا ما بكيت عليها… و هى زاد تبكى و نا انودع فيها … يوم السفر

مانى ناكر… بكايا عليها في الصباح الباكر
وهى زاد تبكى ما سكه التذاكر… امنين ما ايديا لامسن ايديها
صار الوداع مغير ما نى فاكر… مغمى علينا كل حد في جيهه

يكيت بحرقه … و نا في الصعود و في السلالم نرقى
سيل م الدموع النازفه بالدرقه … بيدى انكفف غير و احل فيها
الله لاتعودك يا ايام الفرقه … امجرب و غيرى ما انوده بيها

————————————————————

خلك معاى حنون تكسب غلاى و تربح المليون
من غير اسئله

تكسب حبى … و للى تطلبه يبقى احداك ملبي
وانجيك بالتاكيد كى ما تبى … من غير قسوه ياعزيز اتمون
انت علتى و انت شفاى و طبى … و احلى زهره مفتحه في الكون

——————————————————–

روفى عليا ياامناى و حنى … صبرى كمل مرسولكم مستني
روفى بيا… لى وقت شاقى بغيتك ياابنيه

امراجى ثلاث اشهور بالعديه… مرسول منكم ما لفا طمني
روفى قولى … كلمه اتخفف حيرتى و احمولي

سواء كانها بالرفض و لا اقبولى … خير من اقعادى هكذا مستني

—————————————————————

لا مكسما لا كيه … انسى غلاى و اتركى يابنيه … الله و النبي
لامكسما لافلوس … لامال عندى لا سحر لافانوس
ولا كنز من جدى ظهر مدسوس … راتب ضمان و ما وصل للميه
وانتى الحاله زايطه بفلوس … تجيبى شقف اسماح للكلية
ونقال فيدك ملك ليك اخصوص … تكلمى البابا هيا روح بيا
قولى لباتك فاتحيه اخصوص … يشبحلى تري تعيين في الشعبيه
وتبقى معايا يامناى عروس … الفلوس منك و الحنان عليا
لامكسما لا كيه … انسى غلاى و اتركى يابنيه … الله و النبي

————————————————————-
قالت ام العريس .

.
يا ام اشروط اتقول شكاوي … ياريت و لدنا ما هو غاوى

ام العروس .

.
ولدكم ما درنالا شي … جانا يجرى كا الجدي

ام العريس .

.
عروسك يا خايل الاباس … جراده تشعبط على الساس

ام العروس .

.
ها البشوبو الى جبتنا … كان اتريدنا خودنا

ام العريس .

.
لانك عين و لانك جمه … و لانك من عيله تسما
ياسلم جياب الدبله …فرح ها العيله المنهبلا
سيقانك سيقان دجاجه… ما جيناك الا من العازه

ام العروس .

.
ولدكم بو كرعين اكبار … جانا يجري كا الحمار

ام العريس .

.
بو عين كبيره فلا ته … لو ما جاها راهي جاته

——————————————————————————

مش هكا تكون الليبيه … بنت الاجواد انكان تنشد فيا
سود الميامي و بالسواد سفيا … ام الخدود امورده دهنيه
فيها محاسن و اضحه و جليه … بيض القلوب و صافيات النيه
حلوه و جميله و كلها حنيه … كريمه عطوفه من العظيم هديه
تستر البيت امربيه ذريه … تكرم الضيف انجاك وان الجيه
في طاعه المولي و زاد رضيه … تعرف الله و عاشقه في نبيه

—————————————————————————

مرات نحمل في احموله الزايله …
ومرات حتى الجرد نوحل فيه …
ومرات نذهب في الضحا و القايله …
ومرات حتى الليل نخبر فيه …
ومرات نفرح و المدامع سايله …
ومرات حتى العيد نبكى فيه …
ومرات اثقل ثقل نقعد شايله …
ومرات حتى حمل الريش نعجز فيه …
ومرات ننسى اجروحى الغايره …
و نشقى بجرح الرفيق و نداويه

—————————————————–

فى شارع المدار زاد قهرنى …
وين ما خطم احداى ما عبرنى .

زاد جنونى …
ونزلن بلا رادات دمع عيوني
وهو بالمواجع كاويه مكنوني
نصبر عليه و الله بيصبرني
وشيط النار اليوم في كانوني
علي جمر هافى يريدها تاكلني
اللى قبل كنت انقول ضى عيوني
علي مر كاسه هواللى جابرني

————————————————

يابعيد الجوبه …
معاى نار تكبر دايره لهلوبه … وصلنى جوابك .

قريت كلامه …
مالسطر لول لاعقاب سلامه
كلام بعدها ناعشت في دوامه
وايام ما ضيه ما لعمر مى محسوبه

يابعيدالديره
عايش على ذكراك سمح السيره
والعقل من فرقاك حاير حيره
ناوى يتوب و ما قدر عالتوبه

يابعيد الساكن …
عالبعد و الهجران حبك ما كن
وين ما نويت اندير عزم بلاكم
جميع المناضر شفتهن مقلوبه .

———————————————————

  • اشعار ليبيه قصيره تهبل
  • أشعار ليبيه تهبل
  • شتاوى ليبية قوية 2015
  • اشعار ليبية تهبل
  • اشعار ليبيه قصيره
  • اشعار ليبيهتهبل
  • اشعار ليبيه تهبل
  • اشعار ليبية مضحكة قصيرة
  • مرفوعات اقدارة ديمة
  • اشعار علي الميامي
3٬104 views

اشعار ليبيه قصيره تهبل