10:54 مساءً الإثنين 17 ديسمبر، 2018

انت عمري


صوره انت عمري

رجعونى عنيك لايامى اللى راحوا

علمونى اندم على الماضى و جراحه

اللى شفته قبل ما تشوفك عنيه

عمر ضايع يحسبوه ازاى علي

انت عمرى اللى ابتدى بنورك صباحه

قد ايه من عمرى قبلك راح و عدى

يا حبيبى قد ايه من عمرى راح

ولا شاف القلب قبلك فرحه وجبة

ولا داق في الدنيا غير طعم الجراح

ابتديت دلوقت بس احب عمري

ابتديت دلوقت اخاف لا العمر يجري

كل فرحه اشتاقها من قبلك خيالي

التقاها في نور عنيك قلبى و فكري

يا حياه قلبى يا اغلي من حياتي

ليه ما قابلتش هواك يا حبيبى بدري

اللى شفته قبل ما تشوفك عينيه

عمر ضايع يحسبوه ازاى علي

انت عمرى اللى ابتدى بنورك صباحه

الليالى الحلوه و الشوق و المحبة

من زمان و القلب شايلهم عشانك

دوق معايا الحب دوق حبه بحبة

من حنان قلبى اللى طال شوقه لحنانك

هات عنيك تسرح في دنيتهم عنيا

هات ايديك ترتاح للمستهم ايديا

يا حبيبى تعالى و كفايه اللى فاتنا

هو اللى فاتنا يا حبيب الروح شوية

اللى شفته قبل ما تشوفك عنيه

عمر ضايع يحسبوه ازاى علي

انت عمرى اللى ابتدى بنورك صباحه

يا حبيبى تعالى و كفايه اللى فاتنا

هو اللى فاتنا يا حبيب الروح شوية

اللى شفته قبل ما تشوفك عنيا

عمر ضايع يحسبوه ازاى علي

انت عمرى اللى ابتدى بنورك صباحه

يا اغلي من ايامي

يا احلي من احلامي

خدنى لحنانك خدني

من الوجود و ابعدني

بعيد بعيد انا و انت

بعيد بعيد و حدينا

ع الحب تصحي ايامنا

ع الشوق تنام ليالينا

صالحت بيك ايامي

سامحت بيك الزمن

نستنى بيك الامي

ونسيت معاك الشجن

ودعونى عنيك للايام اللى راحوا

علمونى اندم على الماضى و جراحه

اللى شفته قبل ما تشوفك عنيه

عمر ضايع يحسبوه ازاى علي

728 views

انت عمري