يوم الأربعاء 4:40 صباحًا 22 مايو، 2019

انواع المشط للشعر

 

صور انواع المشط للشعر

 

احمى شعرك من التساقط و التقصف و خلية ناعم باسهل طريقة | نصائح للبنات

بنات كتير جدا بيعانوا من مشاكل الشعر من تساقط الشعر او تقصف الشعر او خشونه الشعر و جفافة و غيرة مشاكل كتير ممكن تكون في اي بنت و بنحاول دايما نعالج مشاكل الشعر من خلال الشامبوهات المعالجه او الوصفات الطبيعية او كريمات الشعر و غيرة كتير .

 

لكن كيف البنات تحافظ على جمال الشعر و نعومتة و في نفس الوقت تتخلص من كل مشاكل الشعر بابسط طريقة و من غير ما تحتاجى تروحى لمتخصصين او مراكز تجميل او تستخدم ادوات او مواد طبيعية و و صفات طبيعية او حتى كيماويه .

 

ندخل في المفيد اسهل طريقة و ارخص طريقة للحفاظ على صحة الشعر هي التسريح الصح ايوة التمشيط يعني انك تسرحى شعرك بطريقة صحية بيعملك حاجتين اولا بيغذى شعرك كويس جدا و بيخلية يستفيد من كل الزيوت الطبيعية اللى ربنا خلقها لينا و موجوده في فروه الراس و تانى حاجة التسريح بينضف الشعر و بيشيل كل الشوائب و الاشياء الضارة اللى ممكن تمنع الشعر انه يستفاد من الهواء و المواد اللى بيحتاجها يعني لو سرحتى شعرك بطريقة سليمه دة احسن من انك تستخدمى اي شامبو اللى الهدف منه الرئيسى هو تنظيف الشعر لكن مش معنى كدة اننا ممكن نستغني عن استخدام الشامبو ،

 

 

نرجع لموضوعنا كمان كيف الشعر لازملة حاجتين عشان يكون صحي و جميل اولها

الاكسجين بيحتاجة الشعر عشان يتنفس فاكيد لما بتسرحى شعرك صح بتقدرى تدى كميه الاوكسجين اللازمه لكل شعرايه و بكدة تمنعيها انها تتكسر او تتقصف .

 

تانى حاجة بيحتاجها الشعر هي الزيوت الموجوده في فروه الراس و هي زيوت طبيعية مخلوقه ربنا يعني موجوده في بنى ءادم سواء شباب او بنات و التي بتعتبر تغذيه كمان للشعر و بتعمل على انه يكون ناعم و مش جاف .

 

المهم كيف البنات تسرح شعرها بطريقة صح

اول حاجة لازم تختارى الفرشاه و المشط الصحي و السليم و طبعا ابعدى عن كل انواع الامشاط و الفرش البلاستيك اي نوع منها الغالى و الرخيص كله بيضر الشعر و بيعمل شحنات مع الشعر بيخلية يتقصف و يتساقط بسهولة .

 

طيب اية هي الفرشاه و المشط الكويس هتعرفى من الصور

Boar Brush علاج لكل مشاكل الشعر

دى اسمها بور برش او boar brush بتكون مصنوعه من الياف طبيعية او من الشعر و دة بيساعد جدا على تجديد الدوره الدمويه للشعر بشكل صحي و سليم هتلاقيها في الصيدليات او محلات ادوات التجميل

فرشاه دائريه للشعر مع نصائح للبنات

دة نوع تانى من بور برش boar brush و لو كنتى رايحه تعملى سيشوار عند الكوافير يفضل تاخديها معاكى و تطلبى منه يعمل بادواتك

فرشاه صحية للشعر boar brush

دى اشكال مختلفة لنفس الفرشاه و اللى بتمنع تساقط الشعر و تقصف الشعر و كمان انه يتقطع

فرشاه صحية للشعر و نصائح للبنات

اما الامشاط او المشط الصحي هو اكيد الخشب و تاكدى كمان من ان الفرشاه اللى جايباها او المشط يكون خشب بجد مش مجرد مهون بشكل يوهمك انه خشب

مشط خشب و فرشاه صحية للشعر

والمشط الخشب الكويس و الصحي هو اللى بتكون اسنان المشط بتاعتة متساويه زي اللى في الصورة

دة مشط خشب و اسع بينفع جدا و مريح في تسليك الشعر لو ملعبك في بعضة او بيهيش بسرعة

فرش خشبيه و بلاستيكيه للشعر

دى مجموعة فرش الصحية منها هي الفرشاه الخشبيه و اللى بيكون الاسنان بتاعت الفرشاه كمان خشب لكن لو كانت بلاستيك ابعدى عنها و اتادى انها خشب بجد قبل ما تشتريها

فرشاه خشبيه و صحية للشعر

زى الفرشاه دى مثلا اسنان الفرشاه خشب و لازم تكون كمان متساوية

الطريقة السليمه لتسريح الشعر

اما طريقة التسريح الصحيحة و السليمه اللى تخل عندك شعر صحي حتى لو بتستعملى مستحضرات الشعر زي الجيل و الكريمات و الزيوت الطبيعية او حتى الموس و مثبتات الشعر الاتى

اول حاجة بتجيبى المشط الخشب الواسع و بتقسمى الشعر لكزا جزى و ليكون مثلا قسمين قسم يمين و قسم شمال و بتبداى تسرحى الشعر بالتدريج يعني مثلا بتمسكى الجزء الشمال و بتبداى التسريح من شويه بشويه و انتي طالعه فوق لحد ما توصلى لفروه الراس و لازم ما تشديش الشعر و لا تكوني سريعة خلى على مهلك اهم حاجة و بعدين بتعملى نفس الشيء للشعر كله .

 

تانى حاجة بترجعى شعرك كله لورا و بترجعى تسرحية تانى بيكون متسلك و تمام

اخر حاجة استعملى الفرشاه الخشب او الفرشاه التانيه البور برش و لمى شعرك كويس او اعملى التسريحه اللى تعجبك .

 

نصيحه اولا خلى التسريح اكتر من مره في اليوم يعني يفضل او ما تصحي من النوم و في نص اليوم مثلا على المغرب و قبل ما تنامي كمان .

 

تانى حاجة لو شعرك دهنى فحاولى تخلى مدة تسريح الشعر دقيقة واحده او دقيقتين اما لو شعرك جاف فطولى المدة اكتر من 4 الى 5 دقايق لانة دة بيزود كميه الزيوت في شعرك و بيخلى الدوره الدمويه للشعر تاخد حقها .

 

واخيرا اوعى تسرحى شعرك و هو مبلول و يفضل لو ها تغسلى شعرك انك تسرحية قبل ما تغسلية و تسيبية ينشف بعد ما يتغسل بعدين تسرحية عشان لا يتقصف و لا يتساقط .

 

285 views

انواع المشط للشعر