يوم الأربعاء 4:17 صباحًا 22 مايو، 2019

تنظيف الاستانلس من الحرق

صور تنظيف الاستانلس من الحرق صور تنظيف الاستانلس من الحرق

 

الحكاية بقي في البراد الستانلس اللى بيتحرق و بعد ما كان زي الفضة بيبقي زي الصفيح المصدي

البراد بتاعى النهاردة بقي كان محروق لا و كمان مركون و مصدى و حالتة بالبلا

واحكيلكم ليه

ما تتفضلوا شوفوا الصور

دة صورة البراد اللى ما ل حالة بدرى بدرى ياعيني
وهنا صورة لية من جوا
المهم بقي قريت على و صفات كتير منها اريال و ملح ليمون و كلور و اللى يقول مفيش فايدة اصلا

المهم بقي لقيت حاجة كدة شدتني
الا و هيا

الكركديه

فقلت انا حجرب طريقة الكركدية ده

وجبت البراد و مليتة ما ية و حطيت فيه حبة كركدية و غليتة و طفيت و سيبتهم شوية و بعدين جبت طبق كبير غويط و دلقت الماية و حطيت البراد فيه

لكن علشان برضة اشوف الافتكاسات حطيت نص البراد في الماية علشان اعرف الاختلاف
المهم بعد ساعتين دخلت كدة ابص بصة و برفع البراد لقيت فرق رهيييييب
بصوا كدة و معلش الصور مش باينة قوي بس انا عاملة سهم على الخط الفاصل بينهم

وبعدين جبت جردل كبير و حطيت فيه الماية و المرة دة غطست البراد و كان جنبى الكلور قلت لما احط عليه شوية صغننين برضة اهم يعملوا اي شغل

وسيبتة لتانى يوم منقوع و تانى يوم يادوب طلعتة و دعكتة بالسلكة دعكة خفيفة و شطفتة و اليكم العريس بعد ما نضف

تاتاتاتاااااااااا

721 views

تنظيف الاستانلس من الحرق