4:15 صباحًا الأربعاء 20 فبراير، 2019


روايات سعوديه جريئه

بالصور روايات سعوديه جريئه 8fb017d27bea22b57db6b3d220375db2

 

•الشخصيات:
ابو نايف
1 الاب: عبد العزيز عمره 50 سنه محبوب عند الكل و يحب اخوانه كلهم يشتغل مهندس معمارى و هو اول المهندسين الماهرين في الخبر
الام: سماهر عمرها 49 سنه تحب زوجها و عيالها و متعلقه في ملاك كثير و عصبيه وقت الجد و تشتغل مع مثايل هى المشرفه على الجمعية
نايف عمره 33 سنه يشتغل دكتور و متزوج من بنت خاله هنادى و له ولد اسمه((عبد العزيز) مملوح و طيب متزوج بنت خاله عن حب
سعود عمره 30 سنه يشتغل ضابط و سيم بالمره يعنى (مزيووون) و قلبه طيب يحب الرومانسيه يهوي القصيد و يعشق ركوب الخيل مغرور و بنفس الوقت غيور لدرجه تموت و مطيح بنات الشرقيه بجماله
رانيم عمرها 27 سنه تدرس في كليه الحاسب لانها تعشق الحاسب مملوحه و هاديه رومانسيه تحب سلطان و تعشقه بجنون
نواف عمره 24 سنه يدرس في ثالث جامعه في كليه الطيران مملوح يهوي الصيد يحب الكره القدم بجنون يحب شذي و ميت عليها
ريما عمرها 19 سنه تدرس في ثالث ثانوى مملوحه تحب الرومانسيه درجه ثالثه شى واحد حلو فيها كلامها الرومنسى فرفوشه و طيبه هى القريبه لملاك اكثر و هى العقل المدبر الثالث بالبيت
ليلي عمرها 16 سنه اول سنه لها بالثانويه تحب الهبال و الهستره و دايما مع شله ريما و ملاك مملوحه و شقيه راعيه لعب مو طبيعى و العيال دائما تهبل فيهم

ابو تركي
الاب: فيصل عمره 49 سنه و سيم و قلبه طيب و يشتغل ضابط عصبى في الجد جد و في وقت المزح مزح متعلق بملاك كثير و يحب عياله كثير و خوانه و مرته اهم شى بحياته
الام: مناير عمرها 48 سنه حلوه و طيبه اهم شى زوجها و عيالها تشتغل في جمعيه خيريه للنساء هى المديرة
تركى عمره 33 يشتغل مهندس معمارى متزوج من بنت عمه بحب اميره له بنت و ولد الولد (فيصل و البنت (ملاك) عصبى وقت الجد و طيب و سيم درجه خفيفه متعلق باخته ملاك و يحبها بجنون

اسيل عمرها 30 سنه تشتغل في كليه الحقوق طيبه و رومانسيه و دائما هى القريبه لملاك و مخطوبه لولد عمتها زياد
سلطان عمره 27 سنه يدرس في كليه الطب و باقى له سنه و يتخرج و وسيم مثل ابووه و مطيح نص بنات الشرقيه .



دائما يحب يهبل بملاك يحب رانيم و يعشقها بجنون
شذي عمرها 24 سنه مملوحه تدرس في ثالث جامعه لغه انجليزيه و احلي ما فيها جسمها و صوتها هى العقل المدبر الثالث بالبيت و رومانسيه درجه ثانيه و مطيحه نص شباب الشرقيه بكلامها و تحب نوااااف بجنون
ملاك و ما ادراك ما ملاك عمرها 19 سنه اخر سنه لها بالثانويه حلمها تكون دكتوره هاديه ناعمه و طيبه و فرفوشه و رومانسيه درجه اولي و هى العقل المدبر الثانيومطيحه شباب الشرقيه بجمالها و كلامها
طلال عمره 16 اول سنه له بالثانوى و هو ما هر في المقالب مملوح و مجنن عايلته يعشق انواع الرياضه و ما هر فيها و حلمه يطلع رياضى مشهور في فريق الهلال او المنتخب السعودية
ابو سالم
الاب: مساعد عمره 44 سنه يشتغل في التجاره همه الفلوس و بس
الام: عبير عمرها 42 سنه جنيه و حيه من تحت تبن و دائما توسوس في راس زوجها بالفلوس
سالم عمره 29 سنه يشتغل مع ابوه في التجاره و لعاب و كل شوى مع بنت شوى مملوح((مو ذااااااك الزين )
خلود عمرها سنه تدرس في كليه اللغه العربية26 مملوحه تحب امير بجنون و تكره ملاك لانها اجمل منها

ابو مشعل عبد الرحمن 33 سنه طيار متزوج من بنت خالته اسماء عن حب و له ولد و بنت الولد (مشعل16) و البنت (رنا16) ترااهم تؤام يحليلهم

ملاحظة: تحسون ان ابو تركى و ابو سعود اولادهم كبر بعض لانهم متزوجين في نفس اليووووم فيه شخصيات ما عرفتكم عليها بس مروووور الروايه راح تتعرفون على الشخصيات بالتدرج

^^البارت الاول^^
كانت جالسه بغرفتها و متسطحه على سريرها تتامل بالسقف و عيونها تدور بين انوار الغرفه كان الهدوء يعم ارجاء غرفتها و بعد الهدوء غمضت عيونها و صارت تفكر كيف راح تكون حياتها هى تعرف ان سالم ولد عمها يحبها و هى ما تحبه و لا تبيه بس هو قالها انك لى و ما راااح احد ياخذك منى ياملاكى قالت بينها و بين نفسها<<والله لو بقي بدنيا واحد غيرك ما اخذتك يا سويلم> و بعدها النووووم صار يتسلل لاعماق عيونها و نامت و كملت احلامها الورديه البريئة
^^^^^^^^^^^^^
تحت كانت العايله جالسه و يسولفون و يضحكون فجاه عم الهدوء و صار تركى يدور بعيونه اخته ملاك.
وسال تركى شذى/ملاكى وين؟
شذى/فوق بالغرفه تلاقيها يا جالسه على التلفزيون و لا بهالجوال تطقطق فيه
سلطان/ ليه ما تجى تتفرج على التلفزيون اللى عندنا و الا الجلسه معنا مو عجبتها
مدلعه تبى كل شى يمشى على هواها
ابو تركي/لا يا و ليدى لا تقول عن اختك كذا هى الايام هذى مو على بعضها احسها فيها شى و ما تبى تقوله لا احد
ام تركى /كلام ابوكم صح يا ولاد اختكم مو بطبيعية
طلال / يمه ملاك طوال الايام هذى ما تشوفينها شاقه هالفره تضحك
ام تركى / ما تعرفون اختكم ما تبين لاحد انها زعلانه تخبى جروحها و را الضحكه
تركى / يمه لا تخافين عليها انا راااايح اشوفها
ترن ترن بهاللحظه دق جرس الباب راحت كيتى تفتحه الا اسيل داخله عليهم و هى كلها تعب
اسيل و هى تلهث من العطش/سلام
طلال يووووم شاف شكل اخته كذا فطس ضحك و من بين ضحكاته قال/شوفو شكلها كان احد لاحقها مو كانها جايه من جامعه
اسيل / ضحكت بلا سنون ان شاء الله لى ساعه و انا احوووووم مع هالسواق اللى فرقع راسى بقرقه
تركي/ و ليه هالدواره المفروض من الجامعه للبيت
سلطان / كلام تروووك صح
شذى/ اصغر عيالك هو تقوله تروووووك
اسيل/ رحت لبيت عمى اخذ من ريما بنت عمى المواد اللى خذوهم اليوم
العايله كلهم مو فاهمين شى .

تركى يتكلم و هو معصب / ليكون ما درست اليوم؟؟
ام تركي/ ايه يمه ما درست انا قلت لها تغيب حسيتها تعبانه و غيبتها و قلت لبنت عمك تكتب اللى عليها و هى تحضر دروسها حق بكره
ابو تركى و زاد خوفه على بنته /ملاك اكيد فيها شى اختكم لها ثلاث ايام ما درست
سلطان و بدا الخوف على اخته حبيبته يتسلل لعروقه و هو ما بين لهم خوفه/ يبه الله يهدااااااك يعنى و ش فيها ما فيها الا العافيه يمكن دلع بنات
$$$$$$$$$$$$$$$
فووووووق عند ملاك ما قدرت تنام من الالم اللى جاها فجاه قالت/{خلينى اقووووم يمكن من النوم قبل ما تقووم من سريرها اتصلت على ريما
والتلفون بدا يرن
ملاك/الووووو
سمع سعود صوووت بحياته كلها ما سمعه صوت ناعم خلاه جامد مكانه/ هلا
ملاك سمعت صوت رجال صوته خلا كل عرووووق ملاك تجمدت و الصدااااع شوى و يتلاشئ و قالت من يكون هذا من و اولاد عمي/ابى اكلم ريما اذا ممكن؟
سعود/ من اقولها؟
ملاك/ملاك
سعودوعرف انه صوت ملاك قال بينه و بين نفسه<اسم على مسمي هذا صوتها كيف شكلها>/طيب لحظة
ريما و توها تنزل من الدرج شافهاسعود.

و قالها/رووووحى بنت عمى تبيك
ريما/ منو من بنات عمي؟؟
سعود/ملاك
ريما/ يا حياتى و الله مشتاقه لها
ريما و بلهفه لملاك/ هلا و غلا بصاحبه الصوت
ملاك بعصبيه و بنفس الوقت مشتاقه لبنت عمها اللى لها ثلاث ايام ما شفتها/بدررررى لو جلستى احسن
ريما/ و الله توى نزلت و سعود هو اللى قالي
ملاك حست بشى يتجمد بعروقها/س س سعود هو اللى كلمني
ريما و هى فاسطه من الضحك على ردت فعل ملاك/يب و ش فيك ترا عادى ما علق
ملاك و زاد الالم اللى تحس فيه و قالت بصوووت عصبي/ ضحكتى بلا سنوون قولى اااامين
ريما/امييييين على و على الداعين
ملاك/وربى احرااااااااج
ريما/ عادى عادى حصل خير
ملاك و زادت العصبية/ان شاء الله يدق و ااااحد من اولاد خوالك و تردين عليه بطفاقتكي
ريما/ لا حراااااااام عليك استغفرى … ملاكى صار الغداء بتغداء و اكلمك
ملاك /بالعافيه على قلبك
ريما/ و على قلبك تامرينى على شي
ملاك/ لا ابى سلامتك
ريما/ باااااااااي
ملاك/ بااااااااااياااااات
شووى و قامت و نزلت من سريرها و كانت بتروووح تغسل الا بدا الم الصداع يمسكها و صارت الدنيا تدوووور فيها و جسمها يزداد المه و بدت بنوبه العطاس الحاده اللى عندها و صارت تمشى بخطواااااااات ثقيله الين ما وصلت عند الدرج و قعدت تناظر الا اهلها جالسين و اضح انهم مستمتعين حاولت تمسك نفسها و تبين لهم انها ما فيها شى و نزلت
ملاك و هى تناظر الكل/ سلام
الجميع /وعليكم السلام
ما كانوا متاملين فيها كثير جلست جنب خواتها .

وبهاللحظه تكلم تركي/ ليش ما درستى اليوم؟
ملاك و عيونها على الارض/ حسيت نفسى تعبانه و غبت
ما احد ركز عليها غير سلطان اللى شاف ملامح اخته و اضح التعب عليها و لاول مره يشوف وجه اخته ذبلان و تحت عيونها سواد خفيف و عيونها بدت تدمع و شعرها مربوط باهمال و انفها فيه احمرار ما قدر يتحمل يشوف اخته بها لحال.
تكلم بصوت خوف على اخته / ملاك فيكى شي
ملاك ياللى حست ان سلطان كشفها قالت/ لا ما فينى شى بس شويه صداع
بها اللحظه الكل بدا الخوف يدخل مستعمر قلوبهم و حسوا ان ملاك فيها شى بس تكابر و را تعاليها و ضحكتها ياللى تعودوا يشوفونها.حاولت ملاك تقوم نفسها من عندهم علشان ما يكشفونها البقيه بس ما قدرت جسمها كل ما له يزداد الم و راسها بدا الصداع عندها مثل السكاكين قعدت على الفور و من دون ما احد يحس حست بروده تجرى باعماق جسمها.
قالت لشذى/شذوى حبيبتى خففى شوى من المكيف
شذي ياللى شكت من حاله اختها اللى مو طبيعيه حبت تستهبل على اختها/ملاكوه تستهبلين المكيف اصلا ما شغلناه
ملاك اللى ما ركزت على كلام اختها و على قومتها تبى تروووووح الا و هى يغمي عليها
الكل حس انهم مو قادرين يسووووون شى شافوها طايحه عليهم
ابو تركي/ قلت لكم ان اختكم مو طبيعية

ام تركي/ياويل حالى بنتى و ش صار لها
ابو تركي/ فيها شى انا متاكد؟
تركي/ يبه الله يهدااااك لا تخوفنا عليها زياده اول شى خلونا نوديها للمستشفي و بعدها نشوف و ش فيها
سلطان تكلم بصوت كله خوووف/وش تتوقعون فيها
الكل كانو منذهلين من اللى شافوووه سلطان اللى ما توقعوا يشوفونه بهالانكسار و بهالخوف اللى رف قلبه و خاصه على ملاك قالهم/لاتناظرونى هذى اختى من الطبعى بخاف عليها
شذى/ يالله سوهارتو هذاهو و اقف عند الباب
واخذوا اختهم و على طول لا قرب مستشف و دخلوها على الطواري
&&&&&&&&&&&&

فى البيت اللى كله اصوات البنات العاليه .

.ابو نايف وين تبونا نرووووح الاربعاء
ليلى/المنتزه
ريما/لا يبه الشاليه
راااااانيم/ يبه نبى نروووووح للمزرعه
ام نايف/ كلام رانيم صح لنا زماااان عنها
نواااااف/ ايه يبه خلنا نروووح لها نغير جو
ابو نايف/ابشوف خوانكم سعود و نايف يمكن عندهم اشغال
سعود/اذا عنى عادى اقوول لسلمان يروووح بدااالى و نايف على خبرى الاربعاء و الخميس و الجمعه ما عنده شي
ابو نايف/ اجل على بركه الله
ليلى/ اليوووم ايش
ريما/ الاثنين يا سلام باقى يومين لروحتنا للمزرعه
دق التلفون ريما و ليلي ركض عليه و قفن و صارن يتهاوشن مين اللى ترد بالاخير طرااااخ على ظهورهن ما همن شي
ريما/ ليلوه انا الاكبر
ليلى/ ما لى دخل انا برد يعنى برد
وما سمعن الا الصوت اللى جاهن من و راء .

سعود /ريما ردي
ريما و هى مطلعه لسانها ليلى/طيب
ريما/ الو
شذى/ هلا فيك
ريما/ هلا و غلا
شذي و بصوت كله تعبان/كيفك
ريما حست بالصوت شذي /تمااام…انتى كيفك
شذى/دوووووم ان شاء الله..بخير الله يسلمك
ريما/ شذي فيكم شى حاسه ان صوتك فيكم شي
شذى/ اي و الله نايف عندكم
ريما/ ايه موجود
شذى/ قولى له يجى عالمستشفي ملاك اغمي عليها
ريما لما عرفت ان ملاك هى اللى بالمستشفي صرخت صرخه بحياتها ما صرختها و تقولون ان ملاك ما تت مو بالمستشفي <<شفتو قلب بنت العمه و الصديقه كيف>>خلت كل اللى بالبيت يخافون و يجون عندها ركض ريما اللى و اضح من صوتها انها تبكى و الدموع تنزل بغزاره
ريما/طيب حنا ايين
سكرو كلهم الثنتين.

و ريما من بين البكي/نايف عمى يقول تعال للمستشفي ملاك اغمي عليها
رانيم/ و ش قلتي

و كيف

و ش فيها؟
ريما/ ما ادرى بس لازم نرووووح من صوت شذي و اضح ان حالتها خطره دخلوها على الطوارئ
الكل لبسوا و طلعوا و مثل الصاروخ على المستشفي ريما كانت ترجف من الخوف على صديقتها كيف بتشوفها ابو نايف و زوجته و عياله ما يدرون و ش اللى صار بملاك
^^^^^^^^^^^^^^^^^^
وفى هاللحظه تقابلوا الاخوان بالمستشفي و قلب ابو نايف عند اخوه الغالي
ابو نايف/ سلامات ما تشوف شر و ش فيها
ابو تركي/ ما ادرى ياويل قلبى عليك يا بنتي
نايف/ دخل عليها احد يا عمي
تركي/ لا يا نايف احنا اتصلنا عليك علشان تشوفها و طمنا عليها
نايف/ توكلوا على الله ما فيها شي
راااااح نايف غرفته و بدل ملابسه و لبس معطفه الابيض و وراااه مجموعه من الممرضات.دخلوا الغرفه اللى فيها ملاك و كشف عليها و شاف ان ما فيها الا حراره و بس ضحك بينه و بين نفسه و قال / خوفتى عايله باكملها و انا على بالى فيك شى اكبر من كذا
وبعدها اعطاها ابره تنزل حرارتها و حطولها مغذى .

طلع من الغرفه متوجه للاستراحه اللى اهله ينطرونه فيها دخل عليهم و هو فرحان
ابو تركي/ هاه يا و لدى بنتى و ش فيها؟؟
نايف/ عمى قلت لك لا تخاف عليها بنتك بس فيها حرارة
الكل ضحكوا .

تركي/ملاك الله يقطع ابليسها خوفتنا عليها على بالى فيها شي
راحو كلهم لملاك يشوفونها دخلوا خوانها عليها بعد ما تطمنوا عليها اما طلال لما شاف السيروم معلق و اخته بيدها الابره .

قال/ان شاء الله لو تصير حرارتى اربعين ما دخل المستشفى
ابو تركي/اخبارك يالغاليه

خوفتينا عليك
ملاك/ يا لغالى لا تخاف انا بخير
دق ابو مشعل عم ملاك..

و كلم اخوه ابو تركى و قاله/ الوووو
ابو تركي/ هلا و غلا باخوى ابو مشعل
ابو مشعل/ هلا فيك
ابو تركي/ اخبارك و اخبار مشيعل و رنا؟
ابو مشعل/بخير…الله يسلمك و يسلمون عليك
ابو تركي/الله يسلمهم
ابو مشعل/ملاك و ش فيها يا بو تركي؟قلى لا تخبى شى عنى يابو تركي؟
ابو تركي/ لا تخاف يابو مشعل بس فيها حرارة
ابو مشعل/ طيب استئذنك بما انى تطمنت عليها و الله عندى شغل لفوق راااسي
ابو تركي/ اذنك معك يابو مشعل دير بالك على نفسك
ابو مشعل/ انت تامر يالغالى فمان الله
ابو تركي/فمان الكريم
%%%%%%%%%%%%
بهاللحظه عيال عمها بيدخلون جاء تركى .

وقال لملاك /تغطى عيال عمى بيسلمون عليك
ملاك/ شذوى عطينى طرحتي
وتلثمت شذي مثل اختها ملاك اما الشباب ما يخقون الا على عيونها اللى تطيح الطير من السماء المره هذى و هى تعبانه و عيونها ناعسه و الكحل الاسود الخفيف على عيونها دخل نايف و شاف عيون ملاك اللى ذوبته في مكانه كيف لما يدخل سعود و نواف
نايف و هو يسولف مع عمه .

ناظر بملاك و قالها/كيفك يا ملاك بعد الابره اللى حطوها لك
ملاك و لانها ما تعودت تتكلم مع اي رجال و لو كان ولد عمها حركت يد امها و قالت/ يمه قولى له بخير و متى با اطلع لانى ما اطيق المستشفيات و لا اطيق ريحتها؟؟\
ام تركي/والله يا و ليدى هى بخير و تقول متى بتطلع لانها ملت؟؟
نايف بينه و بين نفسه<والله عمى يعرف يربى بناته البنت ما نطقت و لا بكلمه و عيونها بالارض لو انهن ريما و ليلي كان الاقيهن قبال الرجال>/ضحك و قال لسي باقى يومين و تطلع هذا عقاب للى يتعبون
ملاك كان احد صب عليها موياء بارده بلعت ريقها لانها ما تطيق المستشفيات
دخلو سعود و نواف و ابو نايف و ام نايف و ريما و ليلي و رانيم و في هاللحظه ريما شافت ملاك قدامها ركض عندها و ضمتها و تقولها بهمس/يا جعل عدوينك للماحى و الله خفت عليك ان شاء الله كان فينى و لا فيك
ملاك ترد عليها بهمس/ في عدوينك حياتى و الحين فكينى الكل قاعدين يناظرون فينا
ليلى/انا احسب ان راسها منفلق فلقتين و لا جاها كسر اثارى فيها حرارة
نواااااااف/لا تفاولين على البنت ما فيها شى فالله و لا فالك
شذي فرحت لان قال لاخته كذا و تقول بقلبها<<احسن ما حد قالكى فاولى على اختي>>
رانيم و نواف و سعود يكلمون عمهم و قالوا له/الحمد الله على سلامتها
جاء نايف و قال لهم /ان الزياره خلصت و ملاك لازم يكون عندها مرافق
طبعا ملاك رفعت عيونها لما درت انها بتنام و جت عينها بعين سعود حمر و جهها و نزلت عيونها على طوول بعد هذى النظره كل واحد فيهم جمد فمحله و تعالت اصواتهم و كل واحد قال انا بصير المرافق عند ملاك …طبعا ملاك اختارت اللى تبيهم شذي و ريما نواف لما عرف ان شذي بتقعد قال انا المرافق حقهم ابجلس عندهن
طلعوا الشباب علشان يخلون ملاك تتكلم على راحتها .

.نايف و هو يضحك/وش شعوركم لما دريتوا ان فيها حراره بس
تركى /والله بغيت اقوم و اقضى عليها بس ارتحت ان ما فيها شى ثاني
فى الغرفه عند ملاك امها و ام نايف و رانيم و شذي و ليلي و اسيل
ملاك/يمه الله يهديك روووووحى للبيت انا شذوى و ريومى عندى تطمنى و شذوى مو صغيره تعرف تدير بالها علي
ام نايف/ يام تركى لا تخافين على ملاك عيالى عندها نواف و نايف
اسيل/ايه يمه شذاوى عندها و نواف و نايف عندها ما قصروا
شذي لما سمعت بسيره نواف و جهها انقلب الوان و ارتاحت لما عرفت انه هو معهم
شذى/ ايه يمه حسسينى انى الكبيره خاصه ان اسول بتتزووووج و تروح
اسيل/ابقول لزياد اباجل زواجى بعد سنه ابقعد على قلبك
شذى/ الشرهه مو عليك على اللى يدلعك
رانيم/وانتى احد طلب منك تدلعينها ابلعى اللسانك ليسحبونك للبيت
ملاك تضحك/ شكلها حلوووو و هم يسحبونها للبيت
ريما و هى تضحك الثانية/كلام ملاكى صح
الكل ما توا ضحك على هبال بناتهم و في هاللحظه كلن راح للدوام و الحريم و البنات للبيت و بقت ريما و شذى…
جاء نوااااف طق الباب و بهاللحظه قلب شذي يدق ملاك حست بشذي و طلعت ريما تشوف اخوها و ملاك نفردت بشذي اختها
ملاك/شذووووووى نواااااف هنا عند الباب
شذي و وجها انقلب الوان اشكال/وش اسوى له ارقص له مثلا و لا اغنيله
ملاك/اقوووول لا تكابرين قلبك يدق لما سمعتيه يدق الباب و تبين تطلعين له بدااااال ريما تري عادى انادى ريما و انتى اطلعي
شذى/ ملاكوه خلاص اسكتى من زينه قلبى يدق علشانه و على الحمد الله و الشكر سوهارتو احلي منه
ملاك و هى تضحك و ما سكه نفسها لا تنفجر/ايه صح سوهارتو اجمل منه
جتهم ريما و قعدوا يسولفون و يضحكون و جابوا السراير و لصقوها على بعض و ناموا و كل و حده تحلم بفارس احلامها
######################
فى بيت ثانى ما احد ناااااام و اللى فيه صاحيين كانوا جالسين بالصاله ابوهم و امهم على التلفزيون و ولدهم على اللاب و بنتهم فوق بغرفتها و هى جالسه بطفش
<ياربى ما عندى شى اسويه و ش اسوى الطفش بيذبحنى ما عندى الا اكلم اموري>
خلود تمسك الجوااااااااال و دق على امير….امير لما شاف رقمها يبى يرد عليها بلهفه و طلع من خويااااااااه
خلود/الوووووووه
امير/ هلا حبيبي
خلود و صوتها كله خوف عليه/كيفك حبي
امير حس بصوتها/بخير يا بعد قلبي
خلود بضيقه/ ليش ما رديت على قبل شوى لما كنت ادق عليك خفت ليكون صار لك شي
امير بارتياح من كلامها/ كنت باجتماع مع ابوي
خلود براحة/ طيب حياتى بما انى تطمنت عليك ابسكر الحين
امير/لا عمرى انا ما صدقت انك تكلميني
خلود/ياليت اطووول بس ابوى يبني
امير/ طيب
خلود/باااااي
امبر/باااااياااات
سكروا الاثنين نزلت تحت عند امها و ابوها و اخوها ….

مدت يدها و قالت/ سلام
سالم/بدرررررررررى لو نمتى بغرفتك احسن
ابوسالم/ سويلم شوى شوى على اختك
سالم متنرفز من اسلوب اخته اللى مو عاجبه/ يبه من يوووووم ما جت من شغلها و هى بالغرفه و ما طلعت الا الحين
ام سالم/ خلها على راحتها ما لك دخل فيها انا اذا بغيت اهاوشها هاوشتها انت لا تتدخل فيها
خلود و هى مستانسه من اسلوب الدفاع اللى جاها من امها و ابوها/الله يخليكم لى يالغوالى و لا يحرمنى منكم سمعت يعنى بالعربى الفصيح ما انت ابوي
سالم/يبه يكفى تدلعها ترا ان عطيتها وجه بتتمادي و لا تقول سالم ما قالي
ابو سالم/ انا مربى بنتى على الاخلاق
سالم بعصبيه و هو يقول بقلبه<واضحه التربيه تربيتك لها بالسجون>/ يبه الساعه و حده من الليل هذا وقت تقووم فيه بنت؟
ام سالم/ يا ولد تشك من تربيت ابووووك
سالم / لا يمه ما عاش من يشك بابوي
خلود و كانها تتذكر سالفه بنت عمها ملاك و قالت/يبه يمه سمعتوا عن الخبر
ابو سالم و ام سالم بصوت و ااااااحد/ لا
وسالم ساكت لانه دارى ان اخبار اخته سامجه
خلود/يبه يمه ملاك بنت عمى اغمي عليها و ودوها المستشفى
وام سالم/وش قلتي

من قالك؟
سالم اللى قلبه بدا يدق لما سمع بالخبر (يعنى يحب ملاك و ملاك ما تطيقه خير شر))
ابو سالم / و ش فيها؟؟
خلود/ ما ادري
سالم اللى الخووف تسلل لاعماق قلبه بس ما بين لاحد/جايبه الخبر ناقص
خلود/ هذا اللى سمعته و الله ما كان لى شغل الا ملاكوه جعلها ما طابت
سالم بصوت و اطئ/ على الداعين اااااااامين
خلود/ نعم ما سمعت
سالم/ اقول خبركى مثل و جهكى اللى يلوع الكبد
ابوسالم/يالله ياعيال تصبحون على خير
ام سالم/انا بعد بناااااام و انتوا ناموا يا عياااال بكره عندكم قومه من الصبح
الاولاد/ و انتوا من اهله
سالم/انا برووووح لغرفتى ما ابى انغث بالجلسه
خلوووود/ لا خلك انا اخاف
سالم/انا ما نى فاضى بنام عندى قومه من الصبح
وخلود رااااحت بعد لغرفتها و نامت العايله ما عدا سالم اللى مو راضى النوووم يجيه قال لازم اكلمها عيونى ما رااح يجافيها النووووم الا بعد ما اكلمها و اتطمن عليها فتح ايميله و شافها فاتحته

ملاك لما تشوف سالم يراسلها بالايميل رااح تكلمه و لا لا

؟
شذي و سلطان لما يتقابلون شراااح يصير بينهم في المستشفى؟؟
سعود و ملاك لما سمعوا اصوات بعض شنو الشعور اللى يحسون فيه؟؟
سعود و سلمان ايش الحديث اللى رااااااح يكوون بينهم و عن مين؟؟

  • 1 الاب: عبدالعزيز عمَرة 50 سنة محبوب عِند الكُل ويحب اخوانة كلهم يشتغل مهندس معماري
  • رواية سلطان ورانيم
1٬021 views

روايات سعوديه جريئه