يوم الأحد 11:56 مساءً 19 مايو، 2019

روايات كوميدية رومانسية

صور روايات كوميدية رومانسية

قصة مضحكة جدا

كان يا ما كان في قديم الزمان،

 

ملك عندة ثلاث بنات .

 


حب في يوم من الايام انه يختبر حبهم اله.

 

جاب الكبيرة و قالها يابا يا حبيبتي قديش بتحبى ابوك الملك .

 


البنت من غير تفكير بحبك قد ما السمك بحب البحر .

 


الملك فكر و قال في بالة ايهو السمك بقدر يعيش بدون بحر .

 


هاى البنت بتحبنى كتير .

 

 

و قال الها انا كنت عارف انك بتحبينى بس مش لهدرجه و قام اعطاها قصر كبير و مجوهرات .

 


جاب البنت التانيه و سالها نفس السؤال .

 

 

فقالتلة بحبك قد ما الطير بحب السما انبسط الزلمه و كيف .

 

 

و اعطاها قصر جنب اختها و مجوهرات .

 

بعدين جاب البنت الصغيرة اخر العنقود اللى بموت فيها و سالها نفس السؤال .

 

قامت جاوبتة بحبك قد ما الدقه يعني زعتر بتحب الشطه .

 

الزلمه زعل و عصب و قام لفحها كف.

 

و مسكها من شعرها و زتها بره القصر.

وما رضى يسمع منها و لا نص كلمه .

 

البنت دارت بالحوارى و على ارصفه الطرقات و تسمع كلمه من هاد و كلمتين من هداك .

 

 

لغايه ما جاها مزارع مسكين حبها و حبتة و راحوا تزوجوا و سكنوا بالكوخ تبعة اللى بنص الغابه .

 

ودارت الايام و مرت الايام .

 

 

و في يوم من الايام كان الملك قاعد بتصيد بالغابه و نسى حالة و سرح و ضاع بالغابه دور على المرافقين .

 

ولا هم هون .

 

 

طب الحرس .

 

 

فص ملح و داب

 

؟

 

.

 

ضل الملك يمشي و يمشي لغايه ما لقى هالكوخ لصغير .

 

 

قال بفوت برتاح و باكلى لقمه .

 

 

دق على الباب فتحلوا صاحب البيت و هو مش عارفة .

 

 

دخلوا جوا و هو شايفة تعبان .

 

 

و صار يحكى مع الزلمه .

 

 

مرتة مش خافى عليها الصوت .

 

 

قام الزلمه بيقول للمره اذبحيلنا جاجتين خلينا نتعشي و نع شي الضيف .

 

 

المره مين طبعا

 

 

و اضحه بنت الملك الصغيرة .

 

بدت تشتغل بالجاجات و خطر على بالها فكرة .

 

 

نادت جوزها و قالتلة خود شويه الدقه يعني زعتر هاى مع صحن زيت سلكو فيهم على بين ما يخلص الاكل شكلة الزلمه ميت جوع .

 

 

و الله الزلمه عجبتة الفكرة و قام حط الزيت و الدقه قدام الملك و قالة اتفضل يا عمي على بين ما يجهز الاكل .

 

 

الملك ميت جوع و هو بحب الدقه كمان يعني زعتر كتير .

 

 

ما بلع اول لقمه و لا صار بدة يستفرغ .

 

 

و صاح بالزلمه و لك شو هاد دقه من غير شطه

 

؟

 

كيف بتاكلوها هاى

 

؟؟؟

وفجاه اتذكر بنتة الصغيرة و صار يعيط .

 

 

قالة الزلمه .

 

شو ما لك يا زلمه انت العاقل .

 

 

كل هاد مشان شويه دقه زعتر يا جماعة هسه الجاج بخلص.

 

راح الملك حكي للزلمه القصة .

 

 

و هو خلص من هون نطت البنت و قالت بخ كيفك بابا

 

 

عرفت اديش بحبك

 

وهيك عرف الملك قديش بتحبة بنتة .

 

 

و جابتلة دقه بشطه .

 

 

طبعا ما اكل منها و لا لقمه لانة نزل بالجاج جرد , و اعطاها قصرين و مجوهرات .

 

812 views

روايات كوميدية رومانسية