يوم الأربعاء 7:33 مساءً 26 يونيو، 2019

رواية سلطان الحب كاملة

صور رواية سلطان الحب كاملة

الجزء الاول

-مشاعل “يتصل بك”
قامت ساره من النوم و ردت على طول و هي خايفه:
-الو
مشاعل:هاة بشري
سارة: و ش السالفة؟
مشاعل:كم نسبتك؟
ساره بخوف: طلعت النتايج
مشاعل و هي شوى و تطلع من السماعة:يا بردك ياختي النتايج طالعة من الساعة 8 و انتي لين الحين تشخرين
ساره تناظر الساعة و لقتها10.30
سارة: طيب كم نسبتك؟
مشاعل: 91,21
ساره زين مبروك انك ما نزلتى تحت ال 90
مشاعل و ش هالتناحة اللى فيك فزى روحى شوفى نسبتك و قولى لي
سارة: خلاص بروح اشوف نتيجتى و ادق عليك
دورت ساره اللاب توب و ما لقتة في مكانة نزلت تحت لقت امها و هند جالسين يتفرجون على موديلات في النت
هند:سويرة قايمة الحين بيموت من الجن الف
ام عبدا لله: ساره و ش فيك؟
ساره ما فينى شي بس النتايج طلعت يلا بشوف نتيجتي
ام عبدا لله لاتخافين ان شاء الله نسبتك زينه
هند: كم رقم جلوسك علشان اطلعها
سارة: قومى انا بطلعها
هند:قلبك قوي اخاف تدوخين علينا
ساره طنشت و مسكت الجهاز و قامت تدور نتيجتها و ما لقت شي
مشاعل اتصلت تتطمن لان ساره طولت
مشاعل: بشري
سارة: قاعده ادور ما لقيت شي انتي وين لقيتيها
مشاعل: توها ما نزلت في النت ارسلى رقم سجلك المدنى على جوال الوزارة و يرسلون لك نسبتك..
سارةk شوى و ادق عليك باي
مشاعل باي
ساره ارسلت رقمها و على طول جاها الرد
سارة: يمة ردوا
ام عبدالله:زين افتحيها خلينا نشوف كم جبتي
ساره خايفه
هند:اشوف انا
رن التليفون و راحت هند ترد و ساره و هي ترجف فتحت الرساله و على طول شافت نسبتها و كانت95.55 و على طول جلست على الارض و هي تصيح و تقول لامها 95 امها قامت تصيح و هند و هي في الصالة: هاة سويرة كم

 

امي ساره على الخط تسال
ام عبدالله:95
هند: كذااااااابه
ساره و هي تصيح: و الله العظيم95 و بعد برسل رساله ثانية علشان اتاكد
هند: خلصت مكالمتها مع جدتها بسرعه و راحت عند سارة:
اخس يالدافورة و مزعجتنا و نسبتى بتنزل ل80 و تري امي ساره تقول العشاء عندها اليوم بمناسبه نجاح سارة
ام عبدالله قولى ما شاء الله
عبدالله اللى كان داخل البيت و سامع الصيحة:بشروا نجحت سويره
سارة: اية نجحت الحمد لله انت بس قل كم النسبة
عبدالله: كم؟
هند: هالدافوره95.55
عبدالله: سويرة تغشين من و رانا
سارة: و ليش ان شاء الله
عبدا لله: ما هقيت انك يالداجة تجيبين هالنسبة انا ما اشوفك تذاكرين يعني و شلون جبتيها
سارة: كلن يري الناس بعين طبعة مومهم تشوفنى اذاكر المهم ان فيه هنا عقل و تاشر على راسها
عبدالله: و الله ما ضنيت ان عندك عقل و الا معقوله سويرة المصرقعة تجيب نسبة اعلى من نسبنا كلنا حتى هنيد حماره المذاكره ما جابت هالنسبة بس لاتفرحين خلينا نشوف الشهادة اول
هند: وجع ان شاء الله هذا و انا قدامك تقول حمارة بعدين لاتقارن بيننا حنا علمي و هي ادبي
ساره بعصبيه: هي انت و اياة الثانوية العامة ما فيها علمي و ادبى حبيبتي هالسنة الاسئلة كانت موت و يكفى حطوا عنها برنامج في التلفزيون اسئله النحو و الجغرافيا ما احد عرف يحلها حتى المدرسات ما عرفوا و لا تهون اسئله التوحيد و الانجليزي و لا تقللون من قدرات غيركم لو سمحتوا
ام عبدالله خلاص عاد البنت نجحت و تستاهل لاتطولون السالفه و هي قصيره
عبدا لله: علشان امي ادبى قاعده تدافع عن سويره
فى بيت عبدالعزيز السامي ريم تدق على ابوها
ابو سلطان: الو
ريم: هلا يبة و شلونك
ابو سلطان: خير ريوم فيكم شي
ريم: افا يبة يعني ما اكلمك الا و فينى شي
ابو سلطان:لا بس مو بالعادة
ريم: لا يبة بس حبيت ابشرك اني نجحت و جبت نسبة زينه
ابوسلطان: زين مبروك
ريم: الله يبارك فيك
ابو سلطان: اجل و انا ابوك انا عندي شغل مع السلامة
ريم بزعل مع السلامة
ريم بعد ما سكرت راحت لغرفتها و هي متضايقه لان محد اهتم بنجاحها و اتصلت على هيفاء بنت عمها و قالت لها الخدامة هيفاء نايمة و دقت على مني و طلعت نايمة بعد و هي ما عندها صديقات و بدت تصيح و تواسى عمرها و قامت تغسل و جهها و جلست في سريرها شوى و رن جوالها
ريم بدون ما تشوف من اللى داق: الو
سلطان: هلا ريم نايمه؟
ريم: لا
سلطان: هاة طلعت نتيجتك؟
ريم اية طلعت
سلطان: هاة كم نسبتك؟
ريم:94
سلطان: مبروك بس ليش زعلانه؟
ريم: يعني تتوقع ليش اكيد من اهلك اللى ما يحسون و لا يهتمون و لا كان عندهم بنت بثالث ثانوي
سلطان:ليش امي و ينها
ريم: نايمة ما بعد قامت
سلطان بشرتي ابوي
ريم: اية بس و لاعبرنى و لا اهتم
سلطان: خلاص ريوم, اليوم انا بفضى عمري لك و اي مكان تبينة بوديك و ش تبين بعد
ريم و هي مو مصدقة اللى يقوله سلطان: جد و الله
سلطان: من متى امزح معك
ريم تذكرت ان اليوم الاربعاء و اليوم جمعتهم عند جدهم سعود
ريم:خساره سلطان اليوم الاجتماع في بيت ابوى سعود
سلطان: موب لازم نحضر اليوم
ريم: لا اليوم بالذات ابوى سعود محرص اننا نحضر
سلطان: ليش

 


ريم علشان احفادة ناجحين و يبى يحتفل فينا
سلطان و الله من زين الاحفاد عاد
ريم نعم و ش قصدك
سلطان: و لا شي, خلاص نخلى طلعتنا بكره
ريم و هي مبسوطه الله لايحرمنى منك يالغالى و الله محد عبرنى الا انت
سلطان: خلاص عاد يكفى بربرة انا عندي شغل مع السلامة
ريم مع السلامة
سكرت السماعه ريم و هي فرحانه لان فيه احد عطاها و جة و لو انها ما توقعت ان سلطان الثقيل و الرزين و المتوحش على قولها هو اللى يعطيها و جه
دخل ابو عبدالله و معه خالد و كانوا جايين من السوق يشترون اغراض البيت
خالد: اعوذ بالله احد يتقضي من صباح الله خير لا و في الحر الله يهديك يبة و الله هالماقضى اموت و اعرف وين تروح
عبد الله تروح لبطنك يامال الضعفة يزط ليل و نهار و يقول وين تروح
خالد علبالى ما اكل انت افه البيت
ساره بس عاد انت و اياة , يبة بارك لى نجحت و جبت نسبة حلوه
ابو عبدالله بشرى كم جبتي
خالد: اكيد في الثمانين يعني هالكمخة كم بتجيب لا و هذا اذا كانت مجتهدة
ساره شوى و تحترق محد كمخة غيرك يالدلخ حبيبي تحسب محد بيجيب نسبة اعلى منك ياابو89
عبدالله:الله يعينك و ش خلاك تحكى بلشت عمرك معها هذي بدون شي لسانها طويل و شلون اذا صارت ناجحه و جابية نسبه
خالد باستهزاء: ليش الاخت جايبه100
ابو عبدالله:بس عاد انت و اياة كم نسبتك ياساره
ساره تناظر خالد بتكبر و تاشر بيدها علشان تقهرة اقل من ال100باربع نسب و نص
خالد باستغراب:95.50
سارة:95.55 مو50
ابو عبدا لله: مبروك تستاهلين
خالد اخاف59
ساره بعصبيه: خير طايحة من عينك و ش قالوا لك غبيه و الا دلخة انت و اياة و اياها من قمت ما سمعت الا تحطيم يعني علشان ما اذاكر كثير على بالكم غبية, لاحبيبي يكون في معلومك المذاكره و تقطيع الكتب مخليتها لامثالكم اللى ما يفهمون بسرعه و يا ليت جت بنتيجة تسوى, يا بابا انا ادرى انكم تشوفون نتايجى اول دايم اقل منكم و اللى كانت في نظركم شينة بس لاتحسبونة غباء هذا اسمه تطنيش و بمزاجى يعني الاوقات اللى ابي اجيب فيها درجات اعرف شلون اجيب و باقل مجهود بعد و عن اذنك يبة و انتي يمة بروح اكلم مشاعل قبل لا اكمل نومتى و رانا سهرة في بيت امي ساره الليلة و طلعت لغرفتها
خالد: عمي كلتنى في بطنها ام لسان
ابو عبدا لله: تستاهلون بدل ما تباركون لاختكم تقومون تتطنزون عليها و تحطمونها
ام عبدالله: صدقت و الله الاول يقول تغشين و الثانية تستهتر بالادبى و الثالث عاد كلامة مثل و جهة صدق ما عندكم اسلوب
عبدا لله اللى حس انهم شرشحوا ساره بزيادة: ما كان قصدنا بس حنا ما نشوفها تذاكر
ابو عبدالله: حرام عليك و اللى سوتة في عمرها هالسنة شوي, و الله خفت يجيها شي من قله الاكل و النوم الى هاللحين و وجهها اشهب من التعب و هم الامتحانات
هند: يبة بس هالشهرين اللى شدت على عمرها
ام عبدالله: ليش مستحقرين اختكم انا يوم رحت اسال عنها المدرسات كلهم قالوا بنتك ذكية و لو تشد على عمرها تجيب نسبة عالية بس هي مزاجية على قولهم
ابو عبدالله: حرام عليكم خربتوا فرحتها و اذا ما راضيتوها اليوم تري ما نى محاكيكم
خالد: اي صدقت مسكينه مسخرناها مسخرة بروح اشوفها

ساره في غرفتها تكلم مشاعل
سارة: الله يبارك فيك يا قلبي ما تقصرين و الله كان و دى تكون نسبنا زي بعض بس ما تدرين عن منال
مشاعل لا جابت مثلى 91 حاف بدون فواصل
ساره زين ما فينا احد تحت ال90 على الاقل ندخل جامعة و حده
خالد دخل على ساره ساره سكرى التليفون بكلمك
ساره تناظرة بتكبر و تلف و جهها اية مشاعل و باقى البنات كم جابوا؟
خالد: لو سمحتى يا اخت ممكن احاكيك شوي
ساره بتكبر تهز راسها بالنفي
خالد: اسف على اللى قلتة لك
ساره مطنشة و تحاكى مشاعل و ش كنتى تقولين اسفة ما كنت معك فيه قلق عندي هنا
مشاعل اقول سارونة و ش بتسوين في هالاجازه؟
سارة: الحمدلله و الشكر يعني و ش بسوى اكيد زي العاده بروح اقعد في بيت امي ساره و اذا اهلى بيسافرون بروح معهم
مشاعل: و بتخلين بيتكم و تقعدين طول الصيف في بيت امك ساره بالله ما تملين و لا تطفشين
ساره تناظر خالد اللى و اقف قدامها باستهتار: عاد بيتنا حلاتة امي و ابوى و الا الباقين اشباة الاودام ما يسوون شي بعدين بيت امي ساره يشرح الصدر
خالد بعد ما سمع كلام ساره عصب و طلع من غرفتها
مشاعل مو لو انها ساكنة عندكم احسن؟
سارة: و الله هي تقول ما ارتاح الا في بيتي و عماني و عيالهم ما يخلونها كل يوم يزورها واحد منهم
مشاعل: زين انا بخليك الحين بروح اشوف امي تناديني
سارة: يلا اجل مع السلامة
مشاعل مع السلامة
ساره سكرت على نفسها الغرفه و رتبت اغراضها علشان تروح بيت جدتها و بعد ما خلصت نامت

فى بيت سعود السامي و اللى كان جامع عيالة و بناتة بمناسبه نجاح احفاده

كانوا كلهم جالسين في الصاله الرجال و الحريم اللى كانوا متغطين و اكثر السوالف مشتركه
وجود بنت حنان راحت عند جدها: مشكور يبة عسي عمرك طويل تعيش و تحتفل باحفادك
طارق هي انتي من لعب عليك و قال ان العزيمه لك
وجود و يدها على خصرها اجل لمن لك انت و وجهك
ناصر: للبنات الكبار ريوم اللى خلصت الثانوي و العنود و مني اللى خلصوا اول سنة في الجامعة
فهد: و هيفاء اللى راحت ثالث ثانوي
هيفاء تحاكى ريم: بعد عمري فهود ما نساني
ريم انطمى عاد خلينا نشوف شكلها بتصير هوشه
نواف ما بقي الا البزران يالله يابنات المتوسطة ضفى و جهك
وجود تكفي انت و اياة من زينكم ما لت عليكم اصلا انتوا من كلمكم يالشييف
ناصر اقول انطمى بس و روحى تغطى انتي ما تستحين مثل باقى البنات
وجود ما لك دخل اصلا تونى صغيره
ناصر: كبر البقره و تقول تونى صغيره
وجود: بقرة في عينك على الاقل احسن منك ياالبغل
طارق: و ش فيه البغل الحين طلع و على حبيبتي اصلا البغل يونس البزران في الحدايق يركبون عليه يوسعون صدورهم و ياخذون لفة في الحديقه ياما ركبتية و انتي صغيرة الحين كبر راسك عليه
ناصر و هو بادى يعصب انطم عاد بالبعير
فيصل و الله جبتها صح يا ناصر مع هالبراطم كنة بعير
طارق على هونك يا الدب القطبي
نواف و ش الحكمة من الدب القطبي ليش ما قلت الدب بلحالها
طارق ما ادرى و الله بس يمكن نفس نظره الكابة اللى في و جيههم
عادل ما شاء الله فطين و ش دراك ان الدب القطبي مكتئب و الله انه فالها متكى و عايش في ذا البراد و موسع صدرة موب حنا اللى نكرف في هالشموس
سلطان الحمد لله و الشكر اجل الدب القطبي فالها انت طبيعي و الا شارب شي
عادل و الله لو انك تكرف في هالشموس مثلنا كان تمينت انك دب قطبي
طارق لا, لاتقول حمستنى اعيش هالتجربه
فيصل هاهاها ما يمديك يالبعير رح بس خل هالشموس ترضخ فيك في هالبران و انا موسع صدري و اتزلج عالجليد
ناصر افا تراضها على توسع صدرك و انا اخوك شقيقك قاعد احوس على قطره مويه
فيصل احد قالك صر بعير كان صرت دب على اخوك
فهد هي انتوا محششين اليوم
فيصل لا تونا ما بعد حششنا
عادل اذا حششتوا علموني
طارق بتحشش معنا؟
عادل لا و الله باوديكم للقسم لعلى اخذ ترقية بسببكم
ناصر ما يهبي الا انت تودى عيال عمي للقسم و انا موجود
طارق ذيبان يا ولد عمي
ناصر لا تنسانا من الحشيش
طارق ابشر كم قطعة تبي؟
سلطان بس عاد انت و اياة لامردغكم بذا العقال اللى على راسي
فيصل تكلم هادم اللذات يا اخي حنا داخلين جو لا تطير هالكم قطعة من روسنا
سلطان لو يسمعكم احد يصدق انكم تحششون
طارق يبى يطفر سلطان و من قالك اننا ما نحشش
سلطان الحمد لله و الشكر بس اشك في عقولكم و الله

ابو عبد العزيز بس عاد ياعيال كل ما جيتوا تهاوشتوا و انتي ياحنان روحى للخدامات خلهم يجيبون لنا شي بارد نشربة دبلت كبودنا هالقهوة و الشاهى في ذا الحر
حنان: ابشر يبة انا اللى بخدمك بنفسي بس و ش تبى تشرب؟
ابو عبدالعزيز: اي شي بارد
سالت حنان الرجال و الحريم عن اللى يبون يشربونة و وصلت عند الشباب اللى كانت وجود تتهاوش معهم
حنان: هاة شباب و ش تشربون؟
ناصر عسل يا عسل
وجود: عنك يمة روحى ارتاحى انا بجيب لهم اللى يبون
وراحت عند ناصر هاة و ش تشرب؟
ناصر حليب يابقره
وجود:ضف و جهك , و انت طويرق و ش تبي؟
طارق: حليب بس خلفات مو بقر خبرك محاكيك بعير
وجود:مالت عليكم و الله نقوتكم فيصل و سلطان هم اللى ينوخذ رايهم و الا انتوا لوتمتون ما جبت لكم شي
ريم تحاكى هيفاء: شوفى الكلبة و جيد ما لقت الا فيصل هين باطب في بطنها
هيفاء قالت سلطان بعد
ريم: اية سلطان تخاف منه بس فيصل لا ,تستهبل ام راس يبيلها تكفيخ
راحت وجود عند سلطان اللى كانوا يحترمونة لانة هو الكبير و العاقل و الرزين في العايلة و اكثرهم غموض
وجود: لو سمحت سلطان و ش تبى تشرب؟
سلطان اي شي بارد
وجود: و انت فيصل
فيصل اللى يحب يقهر ريم لانة عارف انها تحبة و الله ياوجود كل شي يجى منك حلو على قلبي
ريم شوى و تغتال فيصل
منى: ريوم هدى شوى تراة يدرى انك تحبينة و يتغلي و الا هو اصلا يموت فيك بس تعرفين حركات الشباب

بيت ام محمد الجده سارة)
فى مجلس الحريم كانوا الحريم الكبار في جهه و البنات في جهه ثانية طبعا ام محمد ما عندها بنات بس اربع اولاد و كلهم متزوجين و عندهم عيال
اسماء بنت عم سارة: ساره تعالى معى شوى بري ابيك في سالفة
ساره طلعت مع اسماء خير اسماء
اسماء و ش رايك نروح فوق في غرفتك احسن
ساره و الله من البثارة في ذا الادمية يلا
دخلت ساره الغرفه هي و اسماء اللى سكرت الباب و طلعت جوالها و دقت رقم
اسماء: الو هلا لحظة شوى و مدت الجوال لسارة
سارة: و ش السالفة؟
اسماء: هذا صالح يبى يبارك لك في النجاح
ساره خذت الجوال بعصبية و سكرت بدون ما تكلم
اسماء: ليه؟
سارة: و ش اللى لية خير ان شاء الله من متى نكلم رجال غرب علينا و مو محارمنا
اسماء: هذا مو غريب هذا ولد عمك و يبى يبارك لك
سارة: و اذا هو ولد عمي عادي اكلمة و اكلم كل عيال عماني
اسماء بس هذا غير و انتي تعرفين
سارة: اسماء هالسالفة شيليها من راسك صالح زية زي اخوى عبدالله و خالد فاهمة و الا لا وان عدتى هالسالفة ما راح يصير لك خير
اسماء: ساره حرام عليك و الله صالح يحبك و يموت عليك و يتمني يسمع منك كلمة و حدة بس
ساره عصبت: و انا ما احبة ما احبة عجزت و انا اقولك انتوا ما تفهمون
اسماء: و ليش عاد و الله انه ينحب و تراة ناوى يخطبك من عمي
ساره خلاص و صلت لحد ما تقدر تتحمل كلام اسماء لانها عارفة لواحد خطبها من ابوها و ابوها شاف انه كفو ما راح يرفضة و ما راح يشاورها
ساره اسماء افهمينى الله يخليك انا ما ابي اتزوج قبل لااخلص الجامعة و صالح انا اعزة مثل اخوانى و ما نى متخيلتة زوج لى فا الله يوفقك قولى لصالح لا يستعجل و يخطبنى خلية يصبر فترة على الاقل لين نتخرج ما تدرين يمكن ربى يهديني
اسماء: يعني اذا انتظر لين ما تخلصين الجامعة بتوافقين عليه
ساره اللى اضطرت تكذب لانها عارفة ان ولد عمها يبيها و لو بالغصب: اذا ربك اراد باوافق بس خلينى اخلص الجامعة اول بس و الله لو خطبنى قبل لا اخلص ما راح اخذة لو تنطبق السماء على الارض
جت سوسن يالله يا بنات امي ساره تقول انزلوا تعشوا نزلت ساره و امل و تعشوا
راحت وجود للمطبخ و قالت للخدامات يجيبون العصير و رجعت للبنات
جواهر اللى راحت لبنات اخوها هاة بنات اشوف عيونكم ما طاحت من على الشباب
اصايل لاياعمتي لاتعمميين تري فيه المخطوبة بيننا
جواهر غثيتينا عاد ندرى انك مخطوبة انا اقصد الباقين
العنود: و ش تبين عاد ياعمتي تبينا نسكر عيوننا بعدين من زينهم هالشباب كل واحد اشين من الثاني
جواهر لا و الله يحصلون لك انتي و وجهك .

 

 

بس ابي اعرف من السنعة اللى فيكم
البنات بصوت واحد: كلنا سنعات
جواهر:لاوالله ما فيكم احد سنع الا اللى بتجيب الراس الكبير
وجود: اي راس
جواهر:انطمى انتي بلا بزران انا احاكى الكبار,من فيكم بتطيح سلطان على و جهة و تجيب راسة و تخلية ياخذها
اصايل الحمد لله انا سنعة انخطبت و ارتحت
مني افا يا عمتي عاد ما لقيتى الاهالسليطين نجيب راسة اسفة انا ما نيب سنعه
هيفاء و انا اختة من الرضاعة
ريم و انا اختة الصدقيه
كلهم ناظروا العنود
العنود: هي انتوا و ش تناظرون لو تمتون ما نيب محاولة ما لقيتوا الا سلطان الموت اهون ,اصلا اللى بتجيب راسة ما بعد جابتها امها اقول خلو السناعة لكم انا ما ابيها
طبعا وجود مسوية نفسها حرمة خلاص انا اجيب راسه
جواهر ما بقي الاهى انطقى بس لا اعلم عليك امك
وجود تتحدون اوريكم
طبعا اروي طبعها تشيل الكلام راحت و قالت لاخوها فيصل اللى ما ت من الضحك بعد ما هاوشها و هزئها بس عجبتة السالفه و قال للشباب طبعا سلطان ضحك على البزر وجود و كان مستعد لحركات البثارة اللى بتسويها و الشباب ناوين يشرشحونها جت وجود و جلست عند سلطان و الكل ساكت و مسوى نفسة مشغول ب شي بس يبون يسمعون
وجود: و ش اخبارك سلطان؟
سلطان و هو ما سك نفسة تمام, و ش تبين؟
وجود بخوف ما ابي شي بس بسولف فيها شي
سلطان:لا ما فيها شي بس روحى سولفى مع البنات
وجود سولفت معهم و الحين ابي اسولف معك
سلطان يلا سولفي
وجود و هي ما تدرى و ش تقول من الخوف من سلطان اللى الكل يهابه: انت تعرف تتكلم انجليزي صح
سلطان: اية اعرف
وجود: زين ممكن تعلمنى و دى اتعلم
سلطان: اسف و قتى ما يسمح لى بعدين معاهد اللغات و ش كثرها سجلى في واحد منها و تعلمي
وجود: طيب اكيد انت تعرف للرياضيات
سلطان ياصبر ايوب اية اعرف ليش؟
وجود ابغاك تدرسني
فهد هي انتي ام راس مسوية دافورة ترانا عطله
وجود: ما لك دخل انا احاكية ما حاكيتك
سلطان صادق فهد ترانا عطله
وجود: اية علشان اذا بدت الدراسه اصير عارفة المنهج يقولون رياضيات ثالث متوسط صعبه
سلطان اللى بدا يعصب: اقول روحى دورى مدرسة ابتدائى و الا متوسط تدرسك تخصصى ما جستير ادارة اعمال تبينى اتفرغ لتدريس بنت في ثالث متوسط
الشباب كلهم ضحكوا على وجود اللى عصبت
وجود سلطان سكتهم يضحكون علي
سلطان اقول ترانى كبر ابوك قولى عمي سلطان فاهمه
طلعت وجود معصبة و تحاكى نفسها هين ياسلطان ان ما خليتك انت اللى تترجانى علشان اكلمك ما اكون وجود و ذيك الساعة انا اللى ابطنشك

حنان راحت عند الشباب من اللى زعل بنيتى فيكم
سلطان: انا
حنان: و ليش و ش سوت عاد, حرام عليكم
سلطان ياحليلها طموحة تبى تجيب راسي و اتزوجها
حنان و هي تضحك هذي الساعة المباركه على الاقل تفكنى منها
سلطان تخسى ما بقي الا هي اخذ و حدة اربيها بعدين تراك مدلعتها مره
حنان توها صغيره
ناصر اي صغيرة بعدين متى بتغطونها و ش كبرها تقولين بقره
حنان دامها و ش كبرها ليش ما احد منكم ياخذها
الشباب كلهم و ع
حنان حرام عليكم بنتى ملكه جمال بس غثيثة شوى الله يصلحها و اذا تزوجت بتعقل
سلطان انتي تبين تبليشينا في بنتك ما له منها
حنان انت خلك بري الموضوع مستحيل ازوجك اياها
سلطان عاد انا بموت و اخذها ما لت عليها
حنان لا مو قصدى بس انت ما تصلح لها انت عاقل و راكد ما لها غير احد هالمراجيج نواف و الا ناصر و الا طارق
نواف و ليش فيصل و فهد بري القائمة على بالك انهم عقال
حنان و هي تناظر فهد و فيصل بنظرات لها معنى: لا مو عقال بس هم دارين ليش
طبعا فيصل يحب ريم و فهد يحب هيفاء و ما احد يعرف الا البنات بس و حنان شاكة في الموضوع
طارق من الحين اقولك لاتخططين على ترانى محجوز
نواف لمين

 


ناصر لناقه ابوى سعود
طارق كل تبن بس
ناصر توك تقول بعير بعدين احمد ربك بنزوجك ازين ناقه
طارق يااخي ليش انت تغث انا لى ساعة اشبك مع فصيل علشان اروح معه للقطب المتجمد و انت كل شوى تذكرنى اني بعير
فيصل لاتحاول ما نيب ما اخذك لو تحب الثريا ما نستقبل بعارين ما بقي الا هي و ش بيقولون عنى الدببة اخوة بعير ناوى تقص و جهي
ناصر خلاص طروق خذ و اسطة من ملك الغابة سليطين
سلطان اسف ما احب الواسطات
طارق هين يا سليطين و انا ناوى اعرفك على ذيك اللبوة السنعة اللى تقول للقمر قم و انا اجلس محلك
سلطان من جدك؟
طارق افا عليك و ش اوصف و ش اخلى جمال و بياض و شعر و عيون لا و راعيه مطبخ بعد
نواف هذي مواصفات لبوه
سلطان و ش دخلك كمل طروق ما عليك منه
فهد ابشر بالترقية يا عادل كل ما لهم و يزيدون واحد

جاء الجد سعود: يالله ياعيال قوموا تعشوا و خلوا عنكم الحكى الزايد
والكل قاموا يتعشون

بعد العشاء الكل راح لبيته و ساره قعدت عند جدتها
ام محمد ساره و انا امك و ش فيك ضايق صدرك عسي ما انتي تعبانه
سارة: لا يمة بس تعرفين بعد الامتحانات تعب و قله نوم و ارهاق
ام محمد: اجل يمة روحى ارتاحى و نومى و بكرة ان شاء الله نقعد و نسولف مع بعض

راحت ساره لغرفتها و على طول اتصلت على مشاعل و قالت لها السالفة
مشاعل: بالله ولد عمك ما يستحى على و جهة ما عندة كرامة و حدة ما تبية الا بالغصب يبيك تحبينه
سارة: المصيبه اخاف يخطبنى و انا عارفة ابوى بيوافق على طول خصوصا للابن المثالى على قول خالد
مشاعل لا تخافين اكيد مو موافق الا بموافقتك
سارة: انتي ما تعرفين ابوى من عقب نجوي اختي يوم ترفض كل اللى خطبوها لين ما تخلص دراسه و تتوظف, خلاص حرم انه يشاور البنت على قوله بغت تعنس وصل عمرها28 يوم تتزوج و هند مسكينه اول ما انخطبت و افق بدون ما ياخذ رايها يقول الكفو ما ينرد
مشاعل اية بس انتي غير و دلوعتة و ولد عمك بعد توة صغير و طالب يعني ما بعد كون نفسه
سارة: اي مو علشانة صويلح الحقنة اكيد بيوافق ابوى معجب فيه يقول يدرس و يشتغل مع ابوة بنفس الوقت و اخلاقة زينه
مشاعل: قولى امين يخطبك واحد سنع و يجيك عي ذاك الخيل الابيض و ياخذك قبل ما يخطبك صويلح و يوافق ابوك
سارة و ش شريط الفيديو اللى شايفتة قبل شوي؟
مشاعل بغباء انا قعدت شوى مع بزران عمتي حطيت لهم سالى بعدين سندريلا
سارة بعذرك تقولين خيل ابيض .

 

 

فية احد يركب خيول الحين
مشاعل خلاص و لا يهمك يجيك ان شاء الله في جمس ملكي
سارة تخسين تجيبين لى سواق ما فيه شباب يسوقون جموس انا ابي Bmw
مشاعل اللى تبين اهم شي تفتكين من عله صويلح
سارة: تصدقين انا ما ابي اتزوج تونى صغيرة ابي ادرس و اتخرج
مشاعل طيب انتي اهدى الحين وان شاء الله ربى بيفرج همك و روحى صلى ركعتين و ادعى ربك و خلى الباقى على رب العالمين
ساره يلا اجل ما اطول عليك اكلمك بعدين
مشاعل: يلا مع السلامة
سارة: مع السلامة

وش بيصير مع سارة و ولد عمها

 

و هل وجود بتقدر على سلطان

 

!!!

الجزء الثاني

فى بيت ابو بدر

ابو بدر و ام بدر جالسين في الصاله

دخل بدر و مشاري
بدر
ابو بدر و ام بدر و عليكم السلام
مشارى هاة يبة و ش سويت كلمت ابو اصايل
بدر و هو يضحك يا حليلة اخوى مستعجل
مشارى و انت و ش حارك
بدر: لا احتريت و لا شي حتى المسنى علشان تعرف اني بارد
مشارى هاهاها بايخة ما تضحك دمك ثقيل
بدر صب عليه موية علشان تخففه
ابو بدر بس عاد انت و اياة هذا كبركم و تتناقرون متى بتعقلون
بدر قل لولدك اللى مسوى رجال و غاثنا يبى يعرس و عقلة لين الحين ما كبر
مشارى احلف عاد تراك اكبر منى لاتنسى
بدر بس الحمد لله عارف لنفسي و عارف اني ما بعد عقلت
ام بدر و ما ادرى متى بتعقل و بتتزوج اللى اصغر منك تزوجوا و انت و صلت للثلاثين و انت عزابي
بدر بملل يا الله يمة انا كم مرة قلت لك شيلى هالفكرة من راسك عرس ما نيب معرس
ابو بدر: لين متى يعني؟
بدر يبة خلاص قفل على الموضوع الله يخليك
ابو بدر بدر اسمعنى و انا ابوك لا انت اول و لا اخر واحد فيه سكر تبى تحرم عمرك من العرس و العيال علشانك مريض
بدر يبة خلاص مليت و انا اقولكم ما ابي اجيب عيال و اعذبهم يكفى اللى شفتة من هالسكر يوم كنت صغير
(بدر مريض بالسكر من يوم كان عمرة اربع سنوات
مشارى يا اخي انت ليش موسوس السكر و راثة ما قلنا شي بس تري مو كل واحد فيه سكر لازم يجى عيالة سكر و الدليل انت امي و ابوى ما فيهم شي و انت فيك من يوم كنت صغير
بدر خلاص طيب حفظت هالكلام ما و دكم تغيرون الموضوع
مشارى لا ما و دنا و بعدين و ش فيها اذا جبت عيال و كان فيهم سكر يا اخي خل حلاوتهم تزيد
بدر يا ثقل دمك بس و حب يغير الموضوع هاة يبة دقيت على ابو اصايل و الا لا
ابو بدر: اية دقيت و حددنا الملاك يوم الجمعة الجايه
مشارى يوة يا بعدها
بدر اركد لا تفشلنا
مشارى يا اخي انت ما تبى تفرح و لاتبى غيرك يفرح و الله انك نذل
بدر افرح بس اثقل شوى خلك راكد و ش بيقولون عنك الناس ما صدقت بنتهم توافق
مشارى اية و الله ما صدقت
بدر ما منك فايدة مرجوج
ام بدر: عاد عسي يمدى البنات يتجهزون قبل الملاك
ابو بدر: الملاك ما فيه حريم بس عزيمه غداء للرجال و انتوا بتروحون للشبكة اللى بعدها باسبوع
مشارى بصدمة يعني ما نيب شايف اصايل يوم الجمعه
ابو بدر و انا و ش دراني
مشارى كان سالت ابوها
ابو بدر: الحمد لله و الشكر انت صاحى تبينى اقول لابوها بنتكم بتخلى و لدى يشوفها و الا لا
بدر: يا اخي فشلتنا كانك بزر
مشارى لا تلومنى اول مرة اعرس
يوم الجمعة بعد صلاه الظهر بيت فهد السامي

اصايل دخلت لغرفه العنود و ارتاعت عنيدة قومى جعلك القام اللى يلقط قلبك يالخايسة الساعه1.30
العنود و هي مغمضة اصايلوة اذلفى و صكى الباب خلينى انام
اصايل نام عليك بعير يالدوبة قومى نسيتى ان اليوم ملكتي
العنود و هي تغطى و جهها باللحاف و اذا صار انتي اللى بتتملكين موب انا
اصايل راحت و سحبت اللحاف عنود قومى لا تستهبلين بنات عمي تحت و انتي لين الحين خامده
العنود محد قالك اعزميهم
اصايل احمدى ربك ما عزمت الا البنات اجل لو اني عازمة عماتى و حريم عماني
العنود اقول اقضبى الباب و انقلعى تري ما نمت الا الساعة تسع
ابو اصايل و هو بينزل تحت انتوا لين الحين ما نزلتوا مع امكم
اصايل يبة العنود ما تبى تنزل
ابو اصايل العنود و وجع ليش ما تبين تنزلين
العنود فزت بسرعة كذابة يبه
ابو اصايل يلا بسرعة و ش تحترين
العنود تناظر اختها بحقد ان شاء الله يبه
وطلعت من الغرفة و هي معصبة و لحقتها اصايل
اصايل هي انتي
العنود بعصبية و ش تبين؟
اصايل بتنزلين ببجامتك
العنود كيفى ما لك دخل و نزلت و دخلت المجلس اللى فيه بنات عمها
العنود بدون نفس و راحت بسرعة و انسدحت على الكنب و غطت و جهها بالخداديه
مني هي انتي وين عايشة سلمى زي الناس
العنود منوة كلى تراب و انطمى ما نيب ناقصتك
ريم انا من شفتها نازلة بهالبيجامة و انا غاسلة يدي
العنود كانت لابسة بيجامة لونها رمادى بنطلونها برمودا و البلوزة كت عليها صورة قلب احمر كبير
اصايل لا تواخذونها هذي اذا فيها النوم ما تعرف امها من ابوها و لاتحارشونها تري بتسوى لنا فضيحه
اصايل ناداها ابوها و طلعت و وقعت على الموافقة و رجعت للمجلس و هي مستحيه
البنات قاموا يباركون لها
العنود رفعت المخدة و هي فيها النوم مبروك و رجعت غطت و جهها
هيفاء الحمد لله و الشكر هالانسانة مريضه
العنود هييف احترمى نفسك لا اتوطى في بطنك
جت ام اصايل و باركت لبنتها و جلست في المجلس مع البنات و دخل ابو اصايل و هومستعجل
ابو اصايل هاة السفرة جاهزه؟
ام اصايل اي جاهزة خلهم يقلطون
ابو اصايل الله يعطيك العافية و طلع
فى مجلس الرجال الكل قاموا يباركون لمشارى و بعد ما جلسوا شوى دخل ابو اصايل
ابو اصايل تفضلوا على الغداء الله يحييكم
قام الجد سعود و ابوبدر و مشارى و باقى الرجال و بدر جلس شوى يبى المجلس يفضي علشان يدق ابره السكر
ابو اصايل تفضل يا بدر
بدر باحراج شوى ياعم بس بادق ابره السكر
ابو اصايل حس انه احرجة و طلع يغسل علشان يتغدي مع الرجاجيل
ابو اصايل راح للمغاسل و ما لقي عليها مناديل و عصب و دخل على الحريم و هومعصب الحين ما تقولون لى ليش ما حطيتوا مناديل على المغاسل , المخزن مليان تونى جايب ثلاث كراتين و ش بيقولون عنا حموله اختك
ام اصايل و هي متفشلة يا خزياة نسينا باروح اجيب
ابو اصايل شاف العنود نايمة عنيدة جعلك النعاس قومى عن امك حد ما تتسدحين كنك نفاس
العنود قامت بسرعة و هي متفشلة ان شاء الله يبه
البنات يناظرون بعض و هم يضحكون على العنود اللى تتحلطم
العنود راحت للمخزن و جابت دسته مناديل و هي معصبة و راحت عندالمغاسل و ش قالوا لهم خدامه
بدر طلع ابرتة بعد ما فضي المجلس و دق عمرة و هو يكلم نفسه: ياربى متى بارتاح من هالهم يارب اشفينى من عندك
وطلع علشان يغسل و يتغدي مع الرجال و انصدم من المنظر اللى شافه
بنت متربعة على الارض و هي تفكك كراتين المناديل و تحاكى عمرها بصوت عالي:
استغفر الله احد يتملك في ذا القوايل و الشموس الحمد لله و الشكر بس, شكلهم بيجيبون ضبان و بعارين بدال العيال اصلا اصايلوة الفيلة خذت مشارى الجرادة اكيد عيالهم بيجون تحف الله لايبلانا , بس ما اكون عنيدة ان ما طينت عيشتهم معاريس الغفله
بدر مسك نفسة لايضحك و هو يسمع كلامها و ش تبى ذى جالسة هنا

 

!
العنود جت تفك واحد من الكراتين و انكسر ظفرها و عصبت و سحبت الشباصة من شعرها اللى لافتة و انهد الشلال الاسود و غطي كل ظهرها و جزء منه لمس الارض
بدر يكلم نفسة و هو مستغرب ما شاء الله هذا شعر و الا باروكه!!
العنود بعصبية و هي بنص عين من النعاس تحاول تفك الكرتون بالشباصة علشان ما تتكسر باقى اظافرها و طارت الشباصة بعيد و وصلت عند رجل بدر و هي مومنتبهة كملت فك المناديل و هي تتطنز على عمرها و الله من الحولة اللى في هالكشرة الله يشفينى و يعافى المسلمين مما ابتلاني!!
فكت العنود الكراتين و من العجز مغطت عمرها و هي جالسة علشان تاخذ شباصتها و تحاكى الشباصة الله لا يبلانا تعالى يا ما ل الكسر جانى مصع في كتوفى بسبتك و شافت الجزمة الرجالية السوداء و شالت الكراتين علشان تقوم بدون ما تشوف الرجال خلاص يبة هذي المناديل و جبتها لاينقدون عليك نسباك السنعين و رفعت راسها و انصدمت صدمه عمرها
بدر حس بتيار كهرب نفض جسمة يوم شاف و جهها على كلامها توقع بيشوف و حدة شينة بس اللى قامت كانت ملاك عيون و سيعة و سود و رموش طويلة بشرة بيضاء و خشم طويل و شفايف و ردية و جسم نحيف و شلال اسود مثل الحرير يغطى ظهرها
العنود و اقفة و هي مومصدقة اللى تشوفة و قامت تغمض و تفتح بعيونها على بالها تحلم لين الحين , بدر مسك نفسة لا يذوب مع حركة رموشها
العنود ارتبكت يوم شافت الرجال الطويل و الوسيم اللى و اقف قدامها و كان اسمر خشمة طويل و عريض و عيونة سود و نظراتة حادة و السكسوكة المحددة و الوجة العريض و بصوت عالى و بدون تفكير معقوله ابوى رجع شباب

 

!
بدر ما قدر يمسك نفسة و ضحك بصوت عالي
العنود بخوف و هي تتذكر انها كانت قاعدة على الارض عند باب الحمام يمه, انت ادمى و الا جنى من وين طلعت؟
بدر ابتسم و بصوت هادى بسم الله عليك الرحمن الرحيم لا تخافين ادمى و الله العظيم, و طلعت من مجلس الرجال و اشر على المجلس
العنود استوعبت الموضوع و طاحت المناديل من يدها و حطت رجلها و دخلت بسرعة للصالة و سكرت الباب اللى يفصل قسم الرجال عن باقى البيت و تسندت على الباب و هي حاطة يدها على قلبها اللى يدق بسرعة جنونية و تفكر من ذا الرجال يا خزياة و ش بيقول الحين
بدر رفع كراتين المناديل و حطها على المغسلة ما شاء الله و ش هالملاك معقوله فيه بنات بهالجمال لاوتقول حولا و ش خلت للشيون اكيد هذي تصير بنت ابو اصايل بس اي و حدة فيهم

 

انا اصلا ما اعرف كم عدد بناتة بس بسال امي و الا مشارى , و هز راسة و هو يكمل: استغفر الله انا و ش فينى قاعد اخربط و اهذر و اذا عرفت و ش بيصير يعني

 

 

اعقل يا بدر انت وين و الزواج و هالحركات و ين.

 

انت اللى مثلك المفروض ما يفكر في الزواج ابدا و تذكر نوبات السكر اللى تجية يوم كان صغير و كيف كانوا الطلاب يضحكون عليه من كثر ما يدوخ و يسمونة الخكرى و قعد يدعى ربة يا رب ريحنى من اللى انا فيه يا رب و دخل على الغداء و هو متنكد
مرت ريم و هي رايحة للمطبخ و شافت العنود متسندة على الباب و هي شوى و تدوخ و حالتها حالة و شعرها طايح على و جهها
ريم و ش فيك عنيده؟
العنود بصوت متقطع ما فينى شي
ريم عنيدة على هالحركات و ش فيك عمي مهاوشك؟
العنود لا
ريم عنيدة قولى و ش فيك تري بانادى امك
العنود ريوم شفت واحد
ريم باستهبال واحد و الا اثنين
العنود ريوم بلا استهبال اقولك طلعت في و جة واحد من الرجاجيل
ريم بصدمة كذاااااابه
العنود و الله العظيم
ريم من هو؟
مني و هيفاء كانوا طالعين من المجلس و سمعوا اخر كلامهم و راحوا للعنود و هم يركضون
مني من هو عنودة

 


العنود من هو اللى من هو؟
مني اللى هو!!
هيفاء تستهبلون انتوا و ش السالفه؟
ريم انطموا انتوا العنود من هو الرجال

 


العنود ما ادرى و الله واحد طويل و اسمر
ريم يمكن سلطان اخوي
العنود لا موب اخوك جاهلنى عن سليطين
مني اجل فيصل
العنود من زين اخوانكم
هيفاء ليش هالرجال حلو
العنود يهبل الا قولى يجنن يخبل يطير العقل ملك جمال
مني وين شفتيية

 

 

و هو شافك؟
العنود تذكرت الموقف و هي فيها الصيحة شفتة عند المغاسل قبل شوى و هو ما شافنى و بس الا قزنى قز
هيفاء و عيونها بتطلع شافك بهاللبس
العنود و هي تناظر نفسها و شافت بيجامتها و شهقت بصوت عالى و حطت يدها على راسها ضاع مستقبلك يا عنيدة يا بنت السامي يا خزياه
ريم عنيدة و ش اللى صار علمينا
نزلت اصايل من فوق و هي كاشخة و مو منتبة لحالة البنات لانها بتقعد بعد الغداء مع مشاري: هاة بنات شكلى حلو
اصايل طويلة و جسمها حلو و شعرها اسود يوصل لنص ظهرها و بشرتها حنطية و عيونها حلوة مثل العنود و ملامحها ناعمة و كانت لابسة فستان اسود مشجر بالاحمر ضيق و كت و يوصل لنص الساق و فيه حزام جلد اسود عريض تحت الصدر و شعرها كيرلي و حاطة و ردة حمراء فوق اذنها و مكياجها احمر و لابسة صندل اسود
العنود غمزت للبنات علشان ما يقولون شي لاصايل
مني تهبلين قمر ما شاء الله
اصايل و الله
ريم لا تخافين بيطير عقل مشارى اذا شافك
دخل ابو اصايل اصايل و انا ابوك يلا امشي خلنى ادخلك على مشارى اشغلنا و هو يسال عنك اصايل استحت و احمر و جهها و البنات قاموا يضحكون
اصايل ان شاء الله يبة و راحت للمجلس مع ابوها
دخلت اصايل و هي مطمنة راسها من الحياء
مشارى بصوت و اطى هلا و الله بالزين كله
ابو اصايل سمعة و عطاة ذيك النظرة اللى خلتة يسكت
ابو اصايل انا باروح عند الرجاجيل نتقهوي الشاهى الحقنى بعد شوى علشان تتقهوي معنا و طلع و صك الباب
مشارى النفس عافت الشاهى و القهوة بعد شوفه الغالين
اصايل استحت و حمدت ربها ان ابوها طلع
مشارى كيفك يا اصايل؟
اصايل بصوت و اطى بخير , انت كيفك؟
مشارى دامك تحت نظرى فانا بالف خير
مشارى شاف و جهها احمر و حب يهبل بها زيادة اموت على اللى يستحون ياناس
اصايل تبى تصرف الموضوع كيف الوالدة و الاهل
مشارى بخير و الوالدة تقول سلم لى على اصايل و بوسها بالنيابه
اصايل انصدمت و طيرت عيونها و هي تناظر مشاري
مشارى و هو ما سك نفسة و ش فيك الوالدة اللى تقول
اصايل قل لها سلامها وصل الله يسلمها
مشارى يستهبل و البوسه
اصايل و هي معصبة يستخف دمة هو و جهة عيب و ش هالكلام وين عايشين فيه
مشارى اوف عصبت امزح معك
اصايل ما احب هالمزح لو سمحت
مشارى تامرين امر يالغاليه
اصايل تسلم ياقلبي
مشارى و هو مو مصدق نعم و ش قلتى ما سمعت
اصايل قلت تسلم
مشارى و الكلمة اللى بعدها
اصايل و هي تضحك ما قلت شي بعدها
مشارى يناظرها و هو مكشر متاكده
اصايل بثقة اية متاكده
مشارى طلع من جيبة علبة مستطيلة و عطاها اصايل هذي هدية بسيطة وان شاء الله تعجبك
اصايل فتحت العلبة و لقت فيها تعليقة اسوارة الماس مبرومة و فيها احجار زمرد صغيره
اصايل مشكورالله يعطيك العافية ليش كلفت على عمرك
مشارى ما فيها كلافة , اهم شي اعجبتك؟
اصايل اية ما شاء الله عليك ذوقك مرة حلو و قامت من المجلس
مشارى وين تو الناس
اصايل شوى و ارجع
البنات مسكوا العنود و راحوا فوق لغرفتها
مني يلا تكلمى و ش السالفه
العنود و الله كنت قاعدة على الارض افكك كراتين المناديل و رفعت راسي و لقيت هالاطخم و اقف و ما بينى و بينة الا كم خطوه
مني ياشيخة على هاللبس بيحسبك الشغاله
العنود احلفى بس قد شفتي شغالة قاعدة تدعى و تسب في العالم
ريم بخوف عنيدة و ش دعيتى و ش قلتى عسي ما فشلتينا
العنود و هي شوى و تصيح فشلتكم و بس الا قولى و ش الفضيحة اللى سويتها و قالت لهم عن كل الكلام اللى قالتة و هي تحت
البنات قاموا يضحكون
العنود بعصبية سلامات قاعدة انكت عليكم انا
مني و الله انك خبلة تسبين في اختك و تقولين عنها فيلة و رجلها جرادة قدامة افرضى انه واحد من جماعة مشاري
العنود لا و الله و اذا سبيتهم

 

 

تري سبيت نفسي بعد و قلت حولا
ريم و هي تضحك انتي جادة و الا تستهبلين
العنود و حدة فيها النوم فاتحة عين و مغمضة الثانية تبينها تستهبل
مني و الرجال و ش بيدرية ان فيك النوم
هيفاء و هي ميتة من الضحك كل شي كوم و ابوى رجع شباب كوم ثاني
والبنات انفجروا من الضحك مرة ثانية و العنود ضحكت معهم هالمره
مني بالله و ش سوا يوم قلتى هالكلمه
العنود اة يا قلبي ضحك ذيك الضحكة اللى تنسى الواحد الدنيا و ما فيها
ريم و هي تضحك لا و تسالينة انت ادمى و الاجني
العنود و ش درانى عقدتى الجن و سوالفهم و خفت لايكون جنى تعرفين قاعدة و متربعة عند الحمام و اسب و اهاوش و ما عندي احد قلت يمكن طلع لى احد منهم
ريم بتفكير بس من هو هالرجال

 

 

متاكدة انه موب من عيال عماني
العنود اية متاكدة مية في الميه
هيفاء و لا هو من خوالك
العنود لا موب من خوالي
مني اكيد من اهل مشاري
ريم يمكن واحد من اخوانه
العنود بتفكير لا ما اظن اخوان مشارى اثنين بدر اكبر منه و عمرة في الثلاثين و هذا شكلة اصغر من الثلاثين و عبد الرحمن اخر سنة في العسكرية و تعرفين طلاب العسكرية يجون نحاف و شهبان و هذا جسمة مليان و وجه ينور و شكلة اكبر من انه طالب
هيفاء يمكن من عمانة و الا عيال عمه
ريم خلى اصايل تسئل مشاري
العنود لا تكفون ما ابي اصايل تدرى عن الموضوع
هيفاء ليش؟
العنود اول شي بتعطينى محاضرة بعنوان كيف تمسكين لسانك بعدين هي ما تخبى شي عن امي و حتى لو علمتها و ش بتقول لمشارى

 

 

بتقول اسئل جماعتك من اللى شاف اختي و هي تحش فيكم
ريم معك حق بس و شلون بنعرف
العنود ما ادرى هو دخل على و الرجاجيل يتغدون و هذا يدل على شيئين يا انه ما قلط معهم او انه تغدي بسرعة و طلع
مني عاد ما لقيتى الا الرجاجيل نسالهم
ريم اسمعوا انا بامسك اخوانى و احقق معهم و انتي يامني امسكى اخوانك و حققى معهم و هيفاء تتولي ابوى سعود و انتي يالعنود حاولى في عمي و بنشوف يمكن نطلع بفايده
مني و اذا قالوا ليش تحققين
ريم ياذا الكمخة صرفى الموضوع قولى لقافه بنات
العنود تكفون اللى تعرف اي شي تقولي
مني بنص عين اشوفك طحتى في الغرام
العنود لو انك شايفتة كان ما لمتيني

اصايل خذت العلبة اللى حاطتها في الصالة و رجعت للمجلس
اصايل تفضل هذي الهدية منى وان شاء الله تعجبك مثل ما عجبتنى هديتك
مشارى فتح العلبة و كان فيها ميدالية سوداء مربعة و محفور فيها بالفضى حرفها و حرفة اللى متداخلة مع بعض
مشارى رفع الميدالية و هو يضحك
اصايل لاتكون ما عجبتك
مشارى لا و الله بس و دى اشوف رده فعل بدر اذا شافنى معلق مفاتيحى في هالميداليه
اصايل ليش؟
مشارى و الله بدر يحب الكشخة و دايم يهاوشنى علشان مفاتيحى جامعها في هالحديدة و كم مرة جاب لى ميداليات و انا اعاندة و ما استخدمها و طلع مفاتيحة و كانت كثيرة و ما سكتها حلقة فضية عادية فك مفاتيحة و ركبها في الميداليه
اصايل شكل اخوك بيكرهنى و السبة الميداليه
مشارى ما لقيتى الا بدر يكرهك و الله هالكلمة ما قد سمعتها على لسانه
اصايل ما شاء الله عليه , الا على فكرة هو ليش ما تزوج لين الحين؟
مشارى و الله هو معقد
اصايل و هي مصدومة معقد!!
مشارى لا موب قصدى انه معقد اللى في بالك .

 

 

الله يسلمك اخوى فيه سكر من يوم كان ابو اربع سنين و هو صغير تبهذل منه و تعب و كانت تجية نوبات سكر و بعد ما كبر قال ما نيب متزوج اخاف اجيب عيال و ما ابي احد يتعذب مثلى خصوصا الصغار
اصايل ضاق صدرها عاد ليش يحرم عمرة من الزواج و العيال تري موشرط المرض يجى لعياله
مشارى و ش نسوى عجزنا و حنا نقول له نفس الكلام بس ما يفهم
اصايل الله يشفية و يعافيه
مشارى امين
دخل ابو اصايل و هو يضحك هاة يا مشارى ما و دك تجيب فراشك و تنام عندنا
مشارى و الله ما عندي ما نع دامك موافق
اصايل و لع و جهها من الفشيله
ابو اصايل و الله انك ما تستحى و جة بن فهره
مشارى انت اللى اقترحت
ابو اصايل و انت ما صدقت عالعموم كانك تبى تشوف حرمتك مرة ثانية الحقنى عند الرجال و الا بتقعد ما شفتها لين يوم العرس و طلع و خلاهم
مشارى يالله يا قلبي ابوك نذل يسويها
اصايل هي تراك تتكلم عن ابوي
مشارى الحين طلع اللسان و عرفنا نرد
اصايل كل شي الا ابوي
سلم عليها مشارى و عطاها رقمة و طلع للرجال
اجابة و حدة يدورون عليها البنات و كل و حدة و طريقتها و في اربع اماكن مختلفه

ريم ركبت في سيارة ناصر في طريق الرجعة للبيت لان سلطان ما يتكلم كثير و دايم ساكت
ريم هاة كيف كانت الملكه؟
ناصر يعني و شلون كيف كانت عادية مثل كل مره
ريم جايين رجاجيل و اجد من اهل مشاري

 

يقولون ربعهم كثيرين
ناصر اي و الله عمانة و عيالهم و ش كثرهم
ريم يوة و شلون بنعرفة و هم كثيرين ما تعرفت عليهم
ناصر لا و الله انا قعدت مع طروق في زاوية و قعدنا نسولف
ريم ما لت عليك حدك طويرق و يخب الا كم عدد اخوانه
ناصر اثنين
ريم جايين كلهم
ناصر و ش هالتحقيق؟
ريم و شو عادي لقافه بنات الا اخوانة جايين معه
ناصر اكيد بيجون
ريم كانا سمعنا صوت الباب فيه احد ما تغدي معكم مره عمي ضاق صدرها تقول شكل المطعم تاخر بالغدى
ناصر: اية هذا عبد الرحمن اخو مشارى ما تغدي معنا عندة سفرة لجدة و راح بسرعه
ريوم و هي فرحانة اية اهم شي يحضر ملاك اخوة و الا الغدي بيتغدي في اي مكان
ناصر لا ما حضر الملاك الشيخ تاخر و هو مسكين ما قدر ينتظرة و راح للمطار
ريم يعني طلع قبل لا يملكون
ناصر اية اصلا ما جلس الا عشر دقايق حتى ما كمل فنجالة و تري كسرتى راسي بالبربره
ريم يالله و ش هالحظ يالعنود ان شاء الله مني تعرف شي عنه

مني في السيارة مع فيصل و طارق
مني هاة عسي رجل اصايل و سيم هي حلوة ما شاء الله
فيصل الرجال مخابر موب مظاهر
مني انا لله تكلم الفيلسوف لا بس الشكل بعد له دور يعني حرام تقابل واحد شيفه
طارق اية زين و وسيم ارتحتي
مني و اهلة و اخوانة حلوين
فيصل ليش بعد

 

هى بتقابل اهلة و اخوانه
مني و ش فيك معصب انا اسئل بس
فيصل ياذا الحريم فيهم بلاغه شف و لقافه
مني هاة طروق اهلة حلوين
طارق اية ما عليهم
مني و الله لو اني اطر منهم الكلام و من احسن واحد من اهله
فيصل خير و ش هالسؤال كان دخلتى لمجلس و شفتي بعد
مني ياليت و الله لا يعني انا اقول عسي رجل اصايل يكون احلى واحد في عايلتهم
فيصل احلى واحد و الا اشين واحد انتي و ش حارق دمك هي اللى بتعرس و الا انتي
مني و هي مكشرة هي الله يوفقها

فى بيت الجد سعود السامي

هيفاء هاة يبة تغديت زين
ابوعبد العزيز اية الحمدلله
هيفاء بس ما طولتوا على الغداء خلصتوا بسرعه
ابوعبد العزيز الحمدلله تغدينا و عينا من الله خير و ما قصرنا
هيفاء شكل الغداء ما عجب الضيوف سمعنا انهم ما كلوا الا شوى و طلعوا بسرعة حتى مره عمي ضاق صدرها<< الله يصبر مره عمهم
ابو عبد العزيز و الله محد طلع بسرعة انا اول من قام من على السفره
هيفاء لاحول ما استفدنا شي: يقولون بعض الشباب ما قلطوا على الغداء معكم
ابو عبد العزيز من اللى يقول؟
هيفاء حست انها تورطت الخدامات يبه
ابوعبد العزيز و الخدامات و ش دراهم

 

 

كل اللى في المجلس قلطوا و تغدوا و محد قعد برى
هيفاء عليهم بالعافيه
ابو عبد العزيز: انا باروح انام و بقوم اذا اذن

العنود و هي جالسة مع امها و ابوها

ابو اصايل وين اصايل
العنود تحاكى نفسها خامرة على التليفون تكلم حبيب القلب
العنود شكلها نايمة , اقول يبة عسي عجبكم الاكل هالمطعم اول مرة نجربه
ابو اصايل اية و الله اكلهم زين
العنود عساهم تغدوا كلهم
ابو اصايل الحمدلله ما طلعوا الا و هم راضين
ام اصايل اهل مشارى اللى اليوم جايين كثيرين؟
ابواصايل اية و الله ما لين المجلس
العنود عسي صاله الطعام كفتهم و دخلوا كلهم مرة و حده
ابو اصايل اية كفتهم
ام اصايل زين اخذنا حسابنا و جبنا كراسي زيادة و الله اني خايفة يقصر عليكم شي
ابو اصايل دامك تشرفين على كل شي بنفسك اكيد بتبيضين الوجة الله لا يخلينا منك
ام اصايل الله يخليك لنا
العنود في نفسها الاهل بدوا يتغزلون معناها ما راح ناخذ من الوالد لا حق و لا باطل خلنى اروح لغرفتي و ادق على البنات اشوف و ش صارمعهم
العنود عن اذنكم و راحت لغرفتها
ام اصايل الله يرزقها بواحد مثل مشاري
ابو اصايل امين , مشارى رجال ما شاء الله عليه حتى اخوانة بعد بس احس اني اليوم احرجت بدر اخو مشاري
ام اصايل و شلون؟
ابو اصايل يوم قاموا الرجاجيل هو ما قام معهم على طول يوم لزمت عليه قال و هو منحرج بادق ابره السكر و بالحقكم المسيكين فيه سكر و هو في عز شبابه
ام اصايل مسكين الله يشفية و يعافيه
العنود كالعادة استعجلت و قامت و فاتها الجواب اللى بتتعب و هي تدوره

فى مكتب سلطان السامي يرن التليفون
سلطان: الو
متعب: الو ممكن اكلم سلطان السامي
سلطان احلى يا المؤدب ياحليلة متعب يستاذن من متى تعلمت الادب؟
متعب يا اخي شجعنى لا تحطمني
سلطان ما تبى نجوم بعد
متعب بقهر اقولك شي و ما تضحك
سلطان يلا قل
متعب يوم كنت صغير اكرة شي اسمه نجوم
سلطان سلامات!!
متعب كنت انقهر من الاستاذ اذا حليت شي و طلع صح على يرسم على دفترى نجمة بالقلم و اذا رحت البيت القي خواتى فرحانات كل و حدة حاطت لها الابلة لصقة على شكل نجمة و ملونة بعد عاد انا اقعد اصيح و اقول ما ابي ادرس لين يحط لى الاستاذ مثل خواتى , فنيت عمري في هالابتدائى و ما شفت الا النجوم بالقلم الاحمر لا و قلم ناشف ابو نص ريال
سلطان يتمسخر صدق معاناه و انا اقول و ش فيه متعب ما يرفع راسة فوق اذا طلعنا في الليل اثرك تخاف ترجع لك الحاله
متعب كل تبن بس انا قلت يوم اني صغير موب الحين
سلطان بس اشك ان الاثار ما زالت موجودة و الدليل ذيك الحرمة اللى بغيت تاخذها و اسمها نجمه
متعب تكفي لاتذكرنى انا ما صدقت على الله انسي , يوم قالوا اسمها نجمة قلت اكيد اسم على مسمي ما دريت انها الله بالخير و مرجوجة و عقلها لك عليه لا و اسماء اخوانها سحاب و بدر و قمر و شمس و سماء و المشكلة العقول ما ش
سلطان هاهاها من جدك

 


متعب اي و الله
سلطان و ش يحس به ابوهم و هو مسميهم هالاسماء , بالله و ش و ظيفتة لا يكون فلكي
متعب: لا و الله يقولون طيار
سلطان هاهاها يقطع ابليسة هالمنتهى و ظيفتة ما ثرة عليه
متعب لا تتطنز بكرة تجيب تعرس و يجيك عيال و تطلع الابداعات
سلطان كشر يوم سمع طارى العرس و العيال لا ان شاء الله بس و الله خويك ابو نجمة يهون عند غيرة ,اسامي عيالة زينة مو مثل بعض الناس اللى يسمون عيالهم اسماء تفشل و ما يخافون على عيالهم يتعقدون اذا كبرا , المهم انت و ينك و ش الدنيا بك قاطع هاليومين
متعب: اعذرنى يا اخوى تعرف هالصيف و مناسباتة ما نفضى
سلطان: يا اخي ما قلت تعال رز خشتك كل يوم على الاقل دق تليفون
متعب: و الله تونى راجع من امريكا
سلطان و ش عندك هناك لاتكون رايح تقدم دكتوراة من و رانا تري حنا متفقين ندرس مع بعض
متعب: لالا تخاف انا ادرس و انتم منتب معى ما استغنى عن نجومك, بس رحت اخلص اوراق مساعد اخوى تخرج هالسنة من الثانوي و بيكمل هناك
سلطان: ما شاء الله الله يوفقه, الا كيف الجو هناك و كيف الشباب عساك شفتهم
متعب: الجو هناك روعة و الشباب ما عليهم و يسلمون عليك
سلطان: الله يسلمك و يسلمهم
متعب: سلطان
سلطان:نعم
متعب: شفت فيونا
سلطان حس بسكين في قلبة و وجهة تغير و حمد ربة ان متعب ما يشوفه
متعب سلطان اكلمك وين رحت
سلطان: معاك و ش اخبارها

 

سلطان كان و دة ان متعب يقوله انها تسلم عليك او انها انفصلت عن..
متعب اللى قطع عليه افكاره: تزوجت من حمدان
سلطان كسر القلم اللى في يدة بدون ما يحس و انجرحت يده
متعب سلطان و ش فيك؟
سلطان ما فينى شي بس متى تزوجت
متعب: لها سنة يمكن
سلطان بعصبيه: الحيوانة ما صدقت اني ارجع و راحت تاخذة بسرعة
متعب: انت اللى جبتها لنفسك المفروض تحمد ربك انك ما تورطت معها ب شي و الا تزوجتها
سلطان اقول متعب انا عندي شغل الحين اكلمك بعدين
متعب: مع السلامه
سلطان: مع السلامه
سلطان حط راسة بين يدية و قام يسترجع ذكرياته
سلطان كان انطوائى نوعا ما ما يحب يختلط الا مع الناس اللى يعرفهم و ما كان يحب احد يتدخل في خصوصياتة حتى لو كانوا اهلة و ما كان يحب يكلم احد عن حياتة و اموره, لين ما تعرف على فيونا, فيونا بنت امريكية تدرس معهم في الجامعة و كانت تعرف تتكلم عربي لانها عاشت كم سنة بالخليج و كانت في نفس الكلاس اللى فيه سلطان و متعب و عدد من شباب و بنات عرب سلطان كانت علاقتة زينة مع الكل بس ما كان يحب يجلس كثير مع البنات خصوصا البنات اللى ما لهم اصدقاء شباب لانة ما كان يحب فكرة ان تكون له صديقة مميزة زي باقى الشباب فيونا بدت تتقرب منه و ما كان يعطيها و جه, طبعا فيونا كانت تجلس مع القروبات اللى كلها عرب و اللى كانوا يعرفون ان سلطان من عايلة غنية و جدة مليونير و مشهور ,سلطان ما كان يحب يجرحها و حاول يصدها عنه باكثر من طريقة لحد ما جتة يوم في شقته

سلطان فتح الباب و لقاها في و جهة تصيح و قامت تتكلم عن معاناتها مع زوج امها و كيف انه يتحرش فيها و انه اليوم بغي يعتدى عليها و هي ما تقدر تعيش معهم, سلطان احتار و ما يدرى و ش يسوى خصوصا البنت جتة في الليل و خلاها تنام في شقتة و طلع هو و راح لشقه متعب, و في الصباح راح لشقتة علشان يغير ملابسة و لقاها مرتبة الشقة و مصلحة له فطور و قامت تشكرة و تتاسف منه لانها خلتة يطلع من شقتة طبعا سلطان طلب منها تدور لها شقة او غرفة و هو بيدفع عنها الايجار لين ما تتعدل امورها ,وبعد اسبوع طلعت فيونا لبيت قريب من بيت سلطان و كانت كل يوم تزورة و مرات ترتب له غرفتة و تصلح له العشاء و كل ما طلب منها انها ما تزورة تعذرت له انها تحاول ترد له الجميل , سلطان تعود عليها و صار يفقدها اذا تاخرت و صار هو و فيونا اصدقاء بس بدون ما يلاحظ عليهم احد, في الجامعة كانت علاقتهم رسمية ما عدا متعب اللى كان يدرى و كل ما شاف سلطان حذرة منها الى ان بدي سلطان يحبها و في يوم من الايام قالها سلطان انه يحبها و هي اعترفت له انها كانت تحبة من اول يوم شافتة و اقترحت انها تجى تعيش معه في شقتة بس هو عارض و قال انه بيقول لاهلة انه بيتزوجها بس تذكر سالفه هناء و موضوع خطوبتة لها اللى ما يدرى عنه الا اهلة و متعب,هناء هي من عايله السامي بس مو من القريبين من اهل سلطان , بعد ما تخرج سلطان من البكالوريس حط له جدة عزيمة و جمع كل عايله السامي و في يوم العزيمة و بعد ما طلع اكثر المعازيم و خفوا الناس جاء ابراهيم ابو هناء لسلطان
وقاله: و الله ياسلطان ما ادرى و شلون ابدي بالموضوع
سلطان خير ياعم
ابراهيم: و الله المثل يقول اخطب لبنتك و لا تخطب لولدك
سلطان حس ان السالفه فيها شي غلط بس سكت و ما قال شي
ابراهيم: و انا بصراحة قبل فترة حسيت بتعب و صار عندي القلب و الاطباء قالوا قلبك ضعيف
سلطان: سلامتك ما تشوف شر
ابراهيم: علشان كذا انا قلت اعرض عليك الموضوع انت عارف ان عندي ثلاث بنات و ما جوا الا عقب التعب و علاج 17 سنة و ما عندي اولاد و هالبنات انا خايف عليهم و انا و دى ازوجك بنتى هناء و ما ابي منك الا انك بس تسعدها, و الله لوعيال اخوانى كبار كان زوجتها منهم بس كلهم اصغر منها و انا ما ابيها تطلع و تاخذ واحد من بري العايلة و انت ما شاء الله عليك رجال و كفو و ما ينخاف على البنت معك
سلطان ما يدرى و ش يقول يحس الدنيا تدور فيه كانة في حلم و يحاكى نفسة هالرجال يا انه مجنون او يستهبل
ابراهيم هاة و ش رايك؟
سلطان هذا يمزح و الا جاد: ما ادرى بصراحة انت فاجاتنى بالسالفه
ابراهيم: و الله السالفه عادية ليش متفاجا البنات هم اللى يقولون هالحكي
سلطان و دة يرد على الرجال بس هو مقدر مرضة و كبر سنه
سلطان و هو منحرج: بس اللى اعرفة ان بناتك توهم صغار و مو في سن زواج
ابراهيم: اية الكبيرة 16 سنة و حنا الحين نملك بكم و بعد سنتين تزوجوا
سلطان ياربى لا و بنتة بزر بعد, اكبر من ريوم بسنة انا ريوم لو بكيفى تبريت منها هالبزر
سلطان: بس ياعمي الله يرضي عليك انا بعد كم شهر بارجع اكمل ما جستير
ابراهيم: ما فيها شي و البنت بتنتظرك الين تخلص
سلطان: لا ياعم انت تبينا نملك و انا بسافر و مدرى كم بجلس هناك و الواحد ما يضمن عمرة اخاف يصير لى شي و تترمل بنتك و هي ما بعد تزوجت
ابراهيم: ياوليدى خلاص نخليها خطوبة و بس اهم شي انكم تصيرون قدام الناس لبعض هاة نقول مبروك
سلطان و دة يطق الرجال اللى و اقف قدامة و ما يفهم
جاء ابو سلطان هاة و ش عندكم و اقفين هنا
ابراهيم: ابد قلت لسلطان تري بازوجك بنتى و هو موافق
سلطان يناظر ابوة و دة يصرخ لدرجه بغي يصيح و هو اللى من يوم عمرة سبع سنين ما نزلت منه دمعه
ابوسلطان يناظر و لدة و هو مستغرب: بس توهم العيال صغار
ابراهيم: لا الحين بس خطوبة و بعدين الزواج اذا اخذ سلطان الماجستير
ابوسلطان: الله يوفقهم و سكت
سلطان طلع من العزيمة و راح لبيت خوية متعب و قام يشكى له
متعب: و انت ثور ما تعرف تقول لا ما ابي اتزوج
سلطان: الرجال كبير في السن و مريض
متعب: اجل مبروك الزواج
سلطان: متعب تكفي لاتستهبل
متعب:وش اسوى فيك يعني اذا انت غبي, كان قلت يصير خير نتفاهم بعدين
سلطان: هو ما عطانى فرصة اتكلم, يالله اهون على اموت و لا اتزوج الحين
متعب: كلم اهلك خلهم يشوفون لك حل
سلطان ما ادرى شكلى باقول لابوى سعود
رن جوالة و لقاة رقم جدة و كلمه
ابوعبدالعزيز: مبروك ياسلطان و ش هالاخبار الزينة و اخيرا قررت تتزوج بس شغلك عندي تروح تخطب من و رانا
سلطان لا يبة انت فاهم الموضوع خطا
ابو عبدالعزيز: عالعموم مبروك و انت تستاهل كل خير و بنات ابراهيم الكل يمدحهم
سلطان: لايبة انا
ابو عبد العزيز: خلاص عن الحكى الزايد العايلة كلها درت و هاك عمانك بيباركون لك
كلموة عمانة و رجال عماتة و باركوا له بعدين كلمة اخوة فهد: هاة سليطين سويتها من و رانا اوريك يا ان الشباب متحلفين فيك علشانك ما قلت لهم
سلطان: اقول انطم بس انت و اياهم و سكر السماعه
متعب: و الله لو انا منك و هذي عايلتى كان اتبرا منهم ما يعطون احد فرصة يتكلم
سلطان تلومنى في ابراهيم
متعب: و السواه الحين
سلطان ما لى الا امي بس على الله تفضى نفسها لي
متعب: اية و انت صادق امك اللى بتحل السالفه
ثاني يوم راح سلطان لامة و ما لقاها, طلعت لمشغلها و محلاتها
ومر على السالفة اسبوع كل ما جاء يكلم امة ما قدر اما ان ابوة يكون موجود اواحد من اخوانه
ودخل عليها الصباح قبل ما تطلع
سلطان: صباح الخير يمه
ام سلطان: صباح النور
سلطان: يمة دريتى عن سالفه الخطوبه
ام سلطان: اية مبروك و انا امك بس كان قلت لى ادور لك على عروس يوم و دك تتزوج صحيح بنات ابراهيم ما عليهم بس عاد فيه من هو اجمل منهم
سلطان: يمة انا ما ابي اتزوج
ام سلطان و هي تلبس عبايتها و ش السالفة لعب بزران عقب ما حاكيت ابوها تقول ما ابي هذا انتم يالرجاجيل اذا خطبتوا و صار الموضوع جد تذكرتوا ايام العزوبية و قلتوا هونا بس عادي تري خوالك قالوا كذا قبلك بس محد طاوعهم لو بنطاوعهم كان ما تزوجوا عالعموم يمديك تغير رايك كم مرة في هالسنتين يلا انا باروح للمشغل مع السلامه
سلطان يناظر امة و هي تتطلع و معصب جت ريم من و راة و قرصتة مع ظهره
سلطان بعصبية وجع يالحيوانه
ريم: و ش فيك معصب بس تصدق ما الومك تعصب دامك بتاخذ هناء, و على الخايسة ما لقيت الاهي
سلطان تعرفينها
ريم: اية هالمغرورة ما اطيقها و شلون باتحملها ما ادري, و ش رايك اذا تزوجتوا تسكن انت معنا و هي تسكن في بيت لحالها.
سلطان: اقول انا باطلع ابرك من مقابل و جهك
ريم: لاحق على الطلعات اذا تزوجت هناء لان و جهها اشين من و جهى بمراحل
سلطان طلع و راح عند متعب
متعب: هاة و ش قررت
سلطان: انا حجزت بعد بكرة لامريكا بارجع اكمل دراستى قبل ما يجينى شي في عقلي
متعب: تو الناس انت توك مقدم اوراقك يمكن ما يقبلونك
سلطان:قعدة في الرياض ما نيب قاعد اذا ما قبلونى باسجل في اي جامعة هناك و لا رحت لدولة ثانيه
متعب: على راحتك عالعموم انا باكون هناك اذا قبلوني
سلطان راح لامريكا بعد ما اهلة تعبوا و هم يقنعونة يجلس بس هو قال انه بياخذ له دورة قبل ما تبدا الدراسه
وبدت قصة سلطان مع فيونا, طبعا هو كان ناوى يرجع يفك خطوبتة و يفاتح اهلة بموضوع زواجة من فيونا اللى صارت ما تفارقة حتى في الجامعة لدرجه انها اخذت اغراضها و راحت سكنت في شقه سلطان لمدة شهر و سلطان كان منحرج انه يقولها تطلع بس بعد ما قالت لكل الشلة انها سكنت مع سلطان عصب عليها و طلب انها ترجع لشقتها لين ما يتزوجون
ومرة كانوا جالسين سلطان و فيونا و جت مناير و هي بنت كويتية تدرس معهم هي و ولد عمها سليمان و كانوا مخطوبين لبعض و معهم ميرفت السورية و فاطمة البحرينية و راشد الاماراتي و ياسر السعودي و جلسوا معهم ميرفت كانت تحب سلطان بس ما احد يدرى غير فاطمة و مناير
ميرفت: شو عندك فيونا بشوفك ما بتفارقى سلطان و لا لحظه
فيونا عادي ليش انتي معصبه
سلطان: و ش عندك يا ميرفت تحققين
فاطمه: هذا اهو ياء شوفية يا مناير
سليمان: فطوم كفى بلاج عن خطيبتي و يوزى عنها
مناير: اشدعوة سليمان عاد البنية ما قالت شي
سلطان يناظر الرجال اللى مر من عندهم و كان شكلة عربي و معه بنات و شباب
سلطان: من هذا
راشد: هذا اسمه حمدان اسماعيل ابوة من اشهر تجار الامارت بس لاتغتر بمظهرة صحيح اهو تاجر حيل بس شايف نفسة عالعالم
سليمان: من حلاه و يهة عاد
ياسر: اية انت شوف الجيش المرافق له بالله هالبنات و ش لاقين فيه
راشد: اهم يمشون معه علشان بيزاتة يقولون مغرق هالشلة اللى معاة بالفلوس و رفيجتة صارت غنية بعد
سلطان: تصدق اول مرة اشوفه
فاطمه: علشان اهو ما يى كل يوم و انت بعد دايم حاكر عمرك بالدراسه
ميرفت: اة نيالها رفيقته
مناير: ما لت عليج انت و اياها طاح حظج
ميرفت: وين بتحصلى واحد بيحبك و يغرقك بالمصارى متله
سلطان: اقول انا باروح عندنا محاضرة تبون تجون و الا في قريح
الشله: شنو و ميرفت شو قلت
ياسر انت ابد ما عندك اسلوب يا اخي قول الفاظ تحببنا في الدراسه
سلطان: كانك كبر الحمار و تبينى احببك في الدراسة فما عاد في الدنيا خير
راشد: و هاى كله جى ما يعرف يتحجي عدل
ياسر: ما عليكم منه تصدق سلطان حزات و دى البخك و ادبغك ثم امسط بك
سلطان يقلد متعب في كلامة الجنوبي:فى تيه القفا تاك ان هالشنب ما هو على رجال
سليمان: لاعاد انت و اياة مصختوها تحجوا عربي نبى نفهم كله تقطون بدليات
ياسر: و ش دعوة قاعدين نرطن
سلطان: هي سليمان لاتفشلنا هذا كلام عربي قال بدليات قال
راشد: معاة حق سليمان ما فهمنا شي من حجيكم
ياسر: ابوية راشد انت اخر واحد يتحجي على لهجتنا لان اكثر جلامك ما افهمه
راشد: هية عيل ترجم لى شقاعدين تقولون من شويه
سلطان: قل في تيه القفاتاك عشر مرات و نترجم لك
راشد: لا هاى جلمت متعب جلامة صعب و ايد
سليمان: حتى يسور من يبدي يتحجي قصيمى ثم يقلب حجازى احسة يقول حجى غريب
سلطان: خلصونا المحاضرة بتخلص و انتوا تبربرون
فيونا انا تعبانة ما راح احضر بروح للبيت
الشباب قاموا كلهم ما عدا سلطان
سلطان: سلامات فيونا فيك شي اوديك المستشفى
فيونا: لا بس شوية وجع بالراس و بيروح
سلطان: خلاص راح اوصلك للبيت
فيونا: لاحبيبي انت روح احضر المحاضرة علشان اخذها منك انا ما فينى شي
سلطان اكيد
فيونا: اكيد
سلطان اذا بغيتى اي شي اتصلى علي
فيونا: طيب
ومن هاللحظة بدت فيونا تتحجج و تقلل طلعاتها مع سلطان و قلت روحاتها على الجامعة و كل ما سالها سلطان تحججت انها بتسكن مع جدتها المريضة و مشغولة بنقل اغراضها سلطان انشغل بالامتحانات و بعد الامتحان اتصلت فيونا على سلطان و سالتة وين هو موجود فيه و كان في شقه متعب و قالها عن مكانة و طلبت منه ما يتحرك من مكانة لين ما تجى جت فيونا و فتح سلطان الباب:
اهلين فيونا تفضلي
فيونا: لاسلطان انا ابغي اعطيك شي و اروح لانى مستعجلة و طلعت من شنطتها ظرف و عطتة اياه
سلطان و ش هذا
فيونا: هذا لك يلا مع السلامه
سلطان لحظة فيونا
فيونا راحت و ما ردت
جاء متعب: و ينها
سلطان باستغراب: راحت بس عطتنى هذا الظرف
متعب: و ش ذا
سلطان: مدري
متعب افتحة و شف
سلطان فتح الظرف و لقي فيه و رقة و صورة صغيرة لفيونا
حط الصورة في جيبة و فتح الرسالة و كان مكتوب فيها
حبيبي سلطان:

لا اعرف ماذا اقول لك و لكنى مضطرة لاخبارك بكل شئ و انا اسفة لذلك
لقد احببتك منذ اول لحظة رايتك فيها و عملت جاهدة لكي الفت نظرك و استميل قلبك نحوى بشتي الطرق و قد نجحت في ذلك قد اكون اخطات في هذا الامر و لكن هذا لايهم الان, حاولت جاهدة ان اجرك لاقامه علاقة معى و لكنك رفضت و طلبت انت ان يكون ذلك بالزواج و قد و عدتنى بذلك
وفرحت انا لهذا و لكن بعد ان اقتربت منك كثيرا و عرفت اطباعك جيدا فكرت مرة اخرى في هذا الموضوع لاننى لم اشعر بانك تحبنى او تهتم لامرى اعلم انك قد قلت لى انك لاتجيد التعبير عن مشاعرك و لكنك ايضا لم تظهر لى اهتمامك بى كنت اتمني ان نكون مثل باقى العشاق تغمرنى بكلماتك الجميلة و تغدق على الهدايا فانا اعرف انك شخص غنى جدا حتى عائلتى كانت امالها معلقة عليك لانتشالنا من الفقر و لكنك شخص و اعى جدا صحيح انك ساعدتنا في كثير من الامور المادية و لكنك كنت حذرا في ذلك, انا لم اندم لحظة على تلك الايام التي قضيناها سويه و تلك الليالي التي سهرناها معا, بل ما زلت اتذكرها و انا سعيدة بتلك الذكريات عندما اخبرتنى بانك ستخبر اهلك بموضوع الزواج في هذا الصيف اردت ان اخبرك با اننى لا استطيع الزواج منك لاننى و قعت في حب شخص اخر و هو رجل غنى جدا و وعدنى بمساعدة عائلتى و قد قام بذلك فعلا و لم يبخل علينا بشئ, لذلك اردت اخبارك بكل ما حدث معى و الاعتذار منك عن الوعد الذى و عدتك به و هو عدم التخلى و الابتعاد عنك, لقد حاولت و لكنى لم استطع فقلبي الان يملكة رجل اخر و عقلى يملكة ما ل ذلك الرجل, و انا اسفة من اجلك

حبيبتك الدائمة فيونا

سلطان انصدم من اللى قراة و رمي الورقة على الارض بدون ما يحس و صار يمشي و هو يصيح و هو ما يدرى وين يروح حس بكل انواع العذاب و الحسرة تمني ان الايام ترجع و يسوى لفيونا كل اللى تبغاه
متعب اخذ الورقة و قام يقري و عصب لانة من الاول عارف حقيقة فيونا انها ما تبغي غير الفلوس: الحيوانة قايل لك من الاول انتبة من هالبنت رفع متعب راسة و ما لقي سلطان طلع من الشقة و طل مع الدرج لقي سلطان ينزل و هو حالتة حاله
لحق سلطان و لقاة و اصل عند الشارع العام و هو مثل الضايع ناداة بصوت عالى علشان ينتبة من السيارات بس سلطان كان عقلة مشغول مومنتبة للى يصير حواليه
متعب راح يركض يبى يبعد سلطان عن السيارة اللى جاية بسرعة من ناحيتة ركض متعب و هو ينادى على سلطان و وصل قبل السيارة و دف سلطان و طاح هو و اياة من الجهة الثانية للشارع
متعب: انت مجنون و ش تبى تسوى تبى تذبح عمرك
سلطان ما رد عليه بس دموعة تنزل
متعب و هو يمسكه: قم يارجال خلنا نروح البيت
قام سلطان بدون ما يتكلم مسكة متعب و دخلة لشقتة و يوم شافة تعبان و موب قادر يتكلم معه, دخلة الغرفة و خلاة ينام على السرير
وطلع و سكر عليه الباب و جلس في الصالة مرت الساعات و متعب كل شوى يتطمن على سلطان و يلاقية نايم
فى نصف الليل قام متعب اللى كان نايم في الصالة على صوت الباب و طلع بسرعة لقي سلطان نازل مع الدرج و حالتة حالة و جهة اصفر و عيونة حمر
متعب: وين بتروح
سلطان: بروح اذبح الكلب اللى بياخذها مني
متعب: تعوذ من ابليس و امش معي
سلطان: لا خلنى اروح ابرد قلبي ليش انا اللى احبها و يجى واحد ثاني ياخذها منى ليش و الله ما اخليه
متعب: استغفر ربك يا رجال على بالك اذا ذبحتة بتاخذها اصلا البنت ما تبيك من الاول, هي ما تبى الا فلوسك و الحمدلله انها قالت لك بنفسها في الرساله
سلطان بس انا احبها احبها و قام يصيح و قعد على الارض
متعب مسك سلطان و قومة علشان يمشي معه ادخل يا ابن الحلال ازعجنا الناس في هالليل
سلطان كانت حالتة صعبة و نفسيتة تعبانة دخل مع متعب لشقتة و جلس في الصالة جاء متعب و جلس جنبه: سلطان تعوذ من ابليس و اذكر ربك يااخي الحمدلله انك ما بعد اخذتها هالبنت تدور على الفلوس اصلا هي ما تحبك هي تحب فلوسك
متعب شاف فيونا مرة مع حمدان بس ما قال لسلطان حب انه يعرف السالفة بنفسه
سلطان: ياليتنى عطيتها اللى تبى و لا خليتها تروح من يدى انا الغبى اللى ضيعتها
متعب: انت ما ضيعتها و لا تعذب عمرك علشانها الحرمة بدالها حرمه
سلطان بعصبية انت ما تفهم اقولك احبها تعرف و ش معنى هالكلمه
متعب: و هالحب انتهي و هي اللى اختارت تنهيه
سلطان: و انا ما راح اخلية ينتهي
متعب: اصلا هذا مصيركم انكم تتفارقون و الا انت مصدق ان اهلك بيخلونك تاخذها
سلطان: انا باخذها غصب على اللى ما يرضى
متعب: و غصب عليها بعد
سلطان: انا ما راح اخليها بروح لها و بكلمها
متعب يصير خير اذا جاء بكرة رح و سو اللى تبى بس هاللحين خلنا ننام و الصبح يصير خير
دخل سلطان الغرفة و هو معزم انه يروح لفيونا الصبح و كان عندة امل ان الامور بترجع بينهم مثل الاول
متعب بعد ما نام سلطان طلع و راح لفيونا طق الباب عليها و فتحت له و كانت حاطة اغراضها و شنطها عند الباب
فيونا: اهلين متعب تفضل
دخل متعب للصالة و فيونا و راة تفضل
متعب بعصبيه: انا ما جيت علشان اجلس انا عندي كلمتين بقولها لك معك وقت الى الصباح علشان تبعدين عن هالمكان و اذا جاء الصبح و انتي ما رحتى بتشوفين شي ما عمرك شفتيه
فيونا: انت تهددني
متعب: اية اهددك علشان سلطان اسوى اي شي
فيونا باستهزاء: ليش و ش بتسوي
متعب: شوفى فيونا لاتتحدينى لانى اقدر اسوى اي شي و اذا انتي خايفة على حياتك فالاحسن تبعدين عن هالمكان انتي تدرين اني مسكت سلطان قبل شوى على الدرج و هو كان ناوى يجى يخلص عليك انتي و حبيبك, بس انا منعته, حرام يصير مجرم علشان و حدة زيك و على فكرة انا ما قلت لسلطان من هو حبيبك و انتي عارفة سلطان اذا عرف و ش ممكن يسوى فيك و فيه , عالعموم اذا تبين تعيشين انتي و حمدان بسلام ياليت تطلعين من هنا قبل الصبح و تغيرين رقمك و ما تجين هالمنطقة مرة ثانية او تحاولين تتصلين في سلطان و الا و الله لا اذبحك انا هالمرة موسلطان فاهمه
فيونا و الخوف باين عليها: انا اصلا كنت مجهزة اغراضى لانى بطلع بكره
متعب: الحين تطلعين
فيونا: ما اقدر خلاص بكره
متعب انا رايح و برجع بعد ثلاث ساعات وان لقيتك هنا ما راح يصير لك خير
فيونا سكتت و ما ردت
نزل متعب و شغل سيارتة و وقفها بعيد عن عمارتها و قعد يراقبها
بعد ساعتين شاف فيونا تنزل اغراضها و ركبت السيارة و راحت
متعب رجع لشقتة و دخل على سلطان و لقاة نايم
صحي سلطان الصباح و لقي متعب قاعد يشرب شاهى في الصاله
متعب صباح الخير
سلطان صباح النور
متعب: كيفك اليوم
سلطان: لا احسن الحمدلله , انا طالع
متعب: بدرى وين بتروح على الصبح
سلطان: بروح لفيونا
متعب اجل انا بجى معك
سلطان: لاانت خلك هنا ابغي اتكلم معها لحالنا
متعب: لا انا بقعد في السيارة انتظرك ما راح اخليك تروح لحالك
سلطان:يلا اجل
راح سلطان و متعب لشقه فيونا سلطان موقلت بتنتظرنى في السيارة و ش جابك
متعب: ياخي اذا جيتوا تتكلمون بطلع لاتخاف
سلطان طق الجرس اكثر من مرة و ما ردت عليه و عصب: اكيد عرفت انه انا و ما تبى تفتح و صار يطق الباب بقوه
انفتح الباب اللى مقابل لشقه فيونا و طلعت و حدة كبيرة في السن و قالت لهم ان فيونا تركت العماره
سالها سلطان وين راحت
قالت ان فيونا سلمت عليها امس و قالت لها انها بتسافر خارج امريكا
سلطان عصب ليش تسوى فينى كذا ليش طلع جوالة و دق عليها و صار جوالها مقطوع
متعب: هاة يرن
سلطان بعصبيه: مقطوع
متعب:يلا خلنا نمشي
سلطان ما رد عليه قاعد يناظر في باب الشقة متعب سحبة مع يدة علشان يروحون ركب سلطان السيارة و حط راسة بين يديه
متعب: خلاص يا سلطان لاتضيق صدرك علشان هالحيوانه
سلطان: لاتقول عنها كذا
متعب هز راسة و سكت
سلطان: نزلنى هنا
متعب ليش
سلطان بتمشي شوي
متعب نتمشي مع بعض اجل
سلطان: انت ليش نشبه
متعب قول كل اللى في خاطرك ما راح ازعل بس انا ما راح اخليك لحالك لو و ش يصير
سلطان: اجل و دنى لشقتي
متعب: لا انت بتجى معى بنروح ناخذ اغراضك و بتجى عندي
سلطان: متعب و بعدين معك
متعب خلاص اجل انا اللى بجى معك بس نمر شقتى اول اخذ اغراضي
سلطان اول ما وصل لشقتة دخل غرفتة و قفل على نفسة الغرفة و قعد يصيح و هو يتحسر على فيونا و لحظاتهم مع بعض سوالفهم و ضحكهم فيونا هي الوحيدة اللى قدرت تدخل حياتة هو انسان كتوم انطوائى نوعا ما ما يحب احد يعرف اسرارة و لا احد يشاركة تفكيرة شخصيتة كانت غامضة حتى بالنسبة لاهلة , فيونا اللى دخلت حياتة و قلبت كيانة خلتة يحس ان الدنيا لها طعم لانة كان عايش من قبل حياة مملة من هو صغير و امة كانت مشغولة عنه باشغالها و ابوة نفس ال شي و تربيته كانت على يد الخدامات و ام حمدان و هي حرمة كبيرة في السن اهلها يشتغلون عند جد سلطان ابو عبد العزيز و هي بعد ما تزوجت صارت هي و زوجها يشتغلون في بيت ابو سلطان هي اللى كانت شايلة البيت و ربت سلطان مع و لدها حمدان و رضعتة معه و صار و لدها بالرضاع و اعتنت فيه لين ما كبر و دخل المدرسة بعدين امة حطت له مربية متعلمة علشان تساعدة في دراستة بس سلطان صار انطوائي, كبر و صار انسان غامض ما يحب احد يتدخل في خصوصياتة سافر و درس و شخصيتة ما تغيرت الا لما دخلت فيونا في حياتة و صارت تجلس معه و تسولف له عن حياتها و هو صار يتجاوب معها و يسولف لها عن نفسة عاش احلى ايام حياتة مع فيونا كان يسولف لها عن كل شي, صارت تعرف قصة حياتة و كل كبيرة و صغيرة كانت قريبة منه لاقصي حد و تفهمة مثل ما هو يفهم نفسة يطلعون مع بعض و يتمشون و يدرسون و يسولفون و يضحكون لدرجه انهم اتفقوا على الزواج بعد التخرج و على المكان اللى بيحتفلون فيه حتى عدد العيال اللى بيجيبونهم و كان ناوى يفاتح اهلة في هالموضوع في هالاجازة و حجزة بعد يومين و فاجاة و بدون مقدمات انتهى كل شي .

 


سلطان ما طلع من غرفتة اسبوع كامل كان متعب يدخل عليه و يغصبة على الاكل و يحاول انه يطلعة من الحالة اللى اهو فيها بس سلطان ما كان راضى كانت نفسيتة تعبانة و دايم ساكت يناظر اللى حوالية بدون ما يحس مثل الغبى و صورة فيونا ما سكها طول الوقت في يدة ,متعب تعب من حالة سلطان و اللى يسوية في نفسة اخذ مراية كبيرة و دخل على سلطان
جلس على السرير و سحب صورة فيونا و رماها على الارض
سلطان يناظرة و هو معصب: و ش سويت
متعب بعصبيه: الا انت و ش سويت شف نفسك شف حالتك وين و صلت و حط المراية قدامة طالع عمرك بالله هذا و جة هذا, معقوله سلطان السامي يصير فيه كل هذا وين سلطان العاقل الرزين الراكد اللى الكل يحترمة و اللى الشباب يحسدونة على عقلة و شخصيتة القوية شف نفسك و جاوب بالله لو يشوفك احد بهالحالة و ش تتوقع يقول عنك ,ابوك اللى و اثق فيك و مخليك تروح تدرس و ما منعك مع انه في اشد الحاجة لك علشان تمسك معه اشغالة لو شافك في هالحال و ش بيقول عنك
وجدك اللى مفضلك على باقى احفادة و يعدك ولد مو حفيد و ش بيقول عنك و امك و اخوانك حتى ابراهيم اللى جاك بنفسة و عرض عليك بنتة لانة و اثق فيك
سلطان و هو يصيح: خلاص متعب اسكت تكفي اسكت
متعب: لا ما نيب ساكت انت قاعد تدمر عمرك و علشان ايش و حدة حقيرة تركتك تعذب عمرك و هي عايشة مبسوطة و لا فكرت فيك انا ما نيب مخليك تذبح عمرك و اسكت فاهم و الا لا و طلع متعب و هومعصب
وبعد يومين قام سلطان من السرير و وقف يشوف نفسة في المراية حالتة حالة و جهة اصفر و عيونة حمر و شفايفة بيض و لحيتة نابتة و شعرة معفوس دخل الحمام غسل و جهة و طلع و شاف صورة فيونا اللى رماها متعب على الارض رفعها و حطها في بوكة و راح عند التسريحة و شاف علبه دخان عليها و قعد يتذكر يوم اخذها من فيونا كانت جاية تاخذ منه فلوس ايجار شقتها قبل شهر دخل يجيب الفلوس من غرفتة و طلع و لقاها تدخن
سلطان مستغرب: من متى تدخنين؟
فيونا: من كم يوم بس
سلطان: يلا طفى السيجاره
فيونا: ليش؟
سلطان: انا ما احب التدخين اولا, ثاني شي ما عندنا حريم يدخنون عيب
فيونا: بس انا غير مو مثل باقى الحريم
سلطان: ادرى يا حبيبتي انك غير علشان كذا اقولك لا تدخنين
فيونا بدلال: حبيبي خلنى على راحتى و مدت له العلبة و الولاعة يلا سلطان جرب
سلطان اخذ العلبة و الولاعة و حطها في جيبه: اذا كنتى تحبينى اتركي التدخين
فيونا: طيب باحاول اتركه
فيونا ما تركت التدخين و سلطان عارف لان ريحتها دايم دخان و ما قال شي علشان ما يتهاوشون
دخل متعب على سلطان و شاف العلبة معه و باستغراب: سلطان من متى تدخن
سلطان يناظر العلبة و تذكر فيونا و ريحه سجايرها
سلطان: من اليوم و طلع و حدة من السجاير و حطها في فمة و ولعها
متعب يهز راسة و هو ما يدرى و ش يقول: يلا امش معى مصلح لك ذاك الفطور السنع
سلطان: ما اشتهيت متعب راسي يعورنى و دى بكوب قهوه
متعب: قهوة و دخان على الصبح
سلطان: يا اخي خلنى على راحتي
متعب: بس بشرط تطلع تقعد معى في الصالة طفشت و انا لحالي
سلطان: طيب انت اطلع و انا جاي
متعب و هو عند الباب و هو يضحك: بقولك شي و لا تعصب يا ليت تتسبح و تحلق لانك تقرف, و انت نظيف يا الله اتحملك و شلون و انت مبهذل
سلطان ضحك على متعب و هز راسه
متعب طلع من الغرفة و هو مبسوط لان سلطان اليوم نفسيتة احسن من الاسبوع اللى راح
طلع سلطان من الغرفة و هو محلق و متسبح و مغير ملابسة و جلس في الصاله
متعب و ش رايك بعد شوى نطلع نتمشي و نحجز عاد علشان نرجع و الله اني مشتاق للرياض و اهلها
سلطان: انا ما راح ارجع
متعب و هو مو مصدق: ليش ان شاء الله اخبرك بتموت علشان ترجع
سلطان بياس و هو يتنهد: هذاك اول يوم عندي سبب بس الحين و سكت
متعب: و اذا جلست علبالك الدنيا بتتغير و الا الامور بتتصلح
سلطان: لا انا بجلس و بسجل في كورس هالصيف لانى ناوى انزل كل المواد اللى باقية لى الفصل الجاي
متعب: انت ناوى تذبح عمرك بهالدراسه
سلطان: خلاص متعب لاتناقشنى في هالموضوع انا قررت و خلصت
متعب اسمعنى ياسلطان
سلطان يقاطعه: خلاص متعب قفل الموضوع
متعب على راحتك بس تري انا معك في كل شي حتى في الدراسة بنزل المواد اللى بتنزلها
سلطان: يا اخي ما عليك منى ادرس على راحتك
متعب لا انا ما اتخيل اني ادرس و انت مو معى يا اخي مستحيل اتخلي عن ملخصاتك و شرحك
سلطان: يعني مو علشانى علشان الملخصات
متعب من زين و جهك علشان اقابلك

3٬102 views

رواية سلطان الحب كاملة