10:05 صباحًا السبت 20 أكتوبر، 2018

رواية سلطان الحب كاملة


صوره رواية سلطان الحب كاملة

الجزء الاول

-مشاعل “يتصل بك”
قامت ساره من النوم وردت على طول وهي خايفه:
-الو
مشاعل:هاه بشري
ساره:

وش السالفه؟
مشاعل:كم نسبتك؟
ساره بخوف:

طلعت النتايج
مشاعل وهي شوي وتطلع من السماعه:يا بردك ياختي النتايج طالعه من الساعة 8 وانتي لين الحين تشخرين
ساره تناظر الساعة ولقتها10.30
ساره:

طيب كم نسبتك؟
مشاعل:

91,21
ساره

زين مبروك انك ما نزلتي تحت ال 90
مشاعل



وش هالتناحه اللي فيك فزي روحي شوفي نسبتك وقولي لي
ساره:

خلاص بروح اشوف نتيجتي وادق عليك
دورت ساره اللاب توب ومالقته في مكانه نزلت تحت لقت امها وهند جالسين يتفرجون على موديلات في النت
هند:سويره قايمه الحين بيموت من الجن الف
ام عبدا لله:

ساره وش فيك؟
ساره



مافيني شي بس النتايج طلعت يلا بشوف نتيجتي
ام عبدا لله

لاتخافين ان شاء الله نسبتك زينه
هند:

كم رقم جلوسك علشان اطلعها
ساره:

قومي انا بطلعها
هند:قلبك قوي اخاف تدوخين علينا
ساره طنشت ومسكت الجهاز وقامت تدور نتيجتها ومالقت شي
مشاعل اتصلت تتطمن لان ساره طولت
مشاعل:

بشري
ساره:

قاعده ادور مالقيت شي انتي وين لقيتيها
مشاعل:

توها مانزلت في النت ارسلي رقم سجلك المدني على جوال الوزارة ويرسلون لك نسبتك..
سارهk شوي وادق عليك باي
مشاعل

باي
ساره ارسلت رقمها وعلى طول جاها الرد
ساره:

يمه ردوا
ام عبدالله:زين افتحيها خلينا نشوف كم جبتي
ساره

خايفه
هند:اشوف انا
رن التليفون وراحت هند ترد وساره وهي ترجف فتحت الرساله وعلى طول شافت نسبتها وكانت95.55 وعلى طول جلست على الارض وهي تصيح وتقول لامها 95 امها قامت تصيح وهند وهي في الصاله:

هاه سويره كم

امي ساره على الخط تسال
ام عبدالله:95
هند:

كذااااااابه
ساره وهي تصيح:

والله العظيم95 وبعد برسل رساله ثانية علشان اتاكد
هند:

خلصت مكالمتها مع جدتها بسرعه وراحت عند ساره:
اخس يالدافوره ومزعجتنا ونسبتي بتنزل ل80 وترى امي ساره تقول العشاء عندها اليوم بمناسبه نجاح ساره
ام عبدالله

قولي ماشاء الله
عبدالله اللي كان داخل البيت وسامع الصيحه:بشروا نجحت سويره
ساره:

ايه نجحت الحمد لله انت بس قل كم النسبه
عبدالله:

كم؟
هند:

هالدافوره95.55
عبدالله:

سويره تغشين من ورانا
ساره:

وليش ان شاء الله
عبدا لله:

ماهقيت انك يالداجه تجيبين هالنسبة انا ما اشوفك تذاكرين يعني وشلون جبتيها
ساره:

كلن يرى الناس بعين طبعه مومهم تشوفني اذاكر المهم ان فيه هنا عقل وتاشر على راسها
عبدالله:

والله ماضنيت ان عندك عقل والا معقوله سويره المصرقعه تجيب نسبة اعلى من نسبنا كلنا حتى هنيد حماره المذاكره ماجابت هالنسبة بس لاتفرحين خلينا نشوف الشهاده اول
هند:

وجع ان شاء الله هذا وانا قدامك تقول حماره بعدين لاتقارن بيننا حنا علمي وهي ادبي
ساره بعصبيه:

هي انت واياه الثانوية العامة مافيها علمي وادبي حبيبتي هالسنه الاسئله كانت موت ويكفي حطوا عنها برنامج في التلفزيون اسئله النحو والجغرافيا ما احد عرف يحلها حتى المدرسات ما عرفوا ولا تهون اسئله التوحيد والانجليزي ولا تقللون من قدرات غيركم لو سمحتوا
ام عبدالله



خلاص عاد البنت نجحت وتستاهل لاتطولون السالفه وهي قصيره
عبدا لله:

علشان امي ادبي قاعده تدافع عن سويره
في بيت عبدالعزيز السامي ريم تدق على ابوها
ابو سلطان:

الو
ريم:

هلا يبه وشلونك
ابو سلطان:

خير ريوم فيكم شي
ريم:

افا يبه يعني ما اكلمك الا وفيني شي
ابو سلطان:لا بس مو بالعاده
ريم:

لا يبه بس حبيت ابشرك اني نجحت وجبت نسبة زينه
ابوسلطان:

زين مبروك
ريم:

الله يبارك فيك
ابو سلطان:

اجل وانا ابوك انا عندي شغل مع السلامه
ريم بزعل



مع السلامه
ريم بعد ماسكرت راحت لغرفتها وهي متضايقه لان محد اهتم بنجاحها واتصلت على هيفاء بنت عمها وقالت لها الخدامه هيفاء نايمه ودقت على منى وطلعت نايمه بعد وهي ماعندها صديقات وبدت تصيح وتواسي عمرها وقامت تغسل وجهها وجلست في سريرها شوي ورن جوالها
ريم بدون ماتشوف من اللي داق:

الو
سلطان:

هلا ريم نايمه؟
ريم:

لا
سلطان:

هاه طلعت نتيجتك؟
ريم



ايه طلعت
سلطان:

هاه كم نسبتك؟
ريم:94
سلطان:

مبروك بس ليش زعلانه؟
ريم:

يعني تتوقع ليش اكيد من اهلك اللي ما يحسون ولا يهتمون ولا كان عندهم بنت بثالث ثانوي
سلطان:ليش امي وينها
ريم:

نايمه ما بعد قامت
سلطان

بشرتي ابوي
ريم:

ايه بس ولاعبرني ولا اهتم
سلطان:

خلاص ريوم,

اليوم انا بفضي عمري لك واي مكان تبينه بوديك وش تبين بعد
ريم وهي مو مصدقة اللي يقوله سلطان:

جد والله
سلطان:

من متى امزح معك
ريم تذكرت ان اليوم الاربعاء واليوم جمعتهم عند جدهم سعود
ريم:خساره سلطان اليوم الاجتماع في بيت ابوي سعود
سلطان:

موب لازم نحضر اليوم
ريم:

لا اليوم بالذات ابوي سعود محرص اننا نحضر
سلطان:

ليش


ريم

علشان احفاده ناجحين ويبي يحتفل فينا
سلطان



والله من زين الاحفاد عاد
ريم



نعم وش قصدك
سلطان:

ولا شي,

خلاص نخلي طلعتنا بكره
ريم وهي مبسوطه



الله لايحرمني منك يالغالي والله محد عبرني الا انت
سلطان:

خلاص عاد يكفي بربره انا عندي شغل مع السلامه
ريم

مع السلامه
سكرت السماعه ريم وهي فرحانه لان فيه احد عطاها وجه ولو انها ماتوقعت ان سلطان الثقيل والرزين والمتوحش على قولها هو اللي يعطيها وجه
دخل ابو عبدالله ومعه خالد وكانوا جايين من السوق يشترون اغراض البيت
خالد:

اعوذ بالله احد يتقضى من صباح الله خير لا و في الحر الله يهديك يبه والله هالماقضي اموت واعرف وين تروح
عبد الله



تروح لبطنك يامال الضعفه يزط ليل ونهار ويقول وين تروح
خالد



علبالي ما اكل انت افه البيت
ساره



بس عاد انت واياه ,



يبه بارك لي نجحت و جبت نسبة حلوه
ابو عبدالله



بشري كم جبتي
خالد:

اكيد في الثمانين يعني هالكمخه كم بتجيب لا وهذا اذا كانت مجتهده
ساره شوي وتحترق

محد كمخه غيرك يالدلخ حبيبي تحسب محد بيجيب نسبة اعلى منك ياابو89
عبدالله:الله يعينك وش خلاك تحكي بلشت عمرك معها هذي بدون شي لسانها طويل وشلون اذا صارت ناجحه وجابيه نسبه
خالد باستهزاء:

ليش الاخت جايبه100
ابو عبدالله:بس عاد انت واياه كم نسبتك ياساره
ساره تناظر خالد بتكبر وتاشر بيدها علشان تقهره اقل من ال100باربع نسب ونص
خالد باستغراب:95.50
ساره:95.55 مو50
ابو عبدا لله:

مبروك تستاهلين
خالد



اخاف59
ساره بعصبيه:

خير طايحه من عينك وش قالوا لك غبيه والا دلخه انت واياه واياها من قمت ما سمعت الا تحطيم يعني علشان ما اذاكر كثير على بالكم غبيه,

لاحبيبي يكون في معلومك المذاكره وتقطيع الكتب مخليتها لامثالكم اللي مايفهمون بسرعه ويا ليت جت بنتيجة تسوى,

يا بابا انا ادري انكم تشوفون نتايجي اول دايم اقل منكم واللي كانت في نظركم شينه بس لاتحسبونه غباء هذا اسمه تطنيش وبمزاجي يعني الاوقات اللي ابي اجيب فيها درجات اعرف شلون اجيب وباقل مجهود بعد وعن اذنك يبه وانتي يمه بروح اكلم مشاعل قبل لا اكمل نومتي ورانا سهرة في بيت امي ساره الليلة وطلعت لغرفتها
خالد:

عمى كلتني في بطنها ام لسان
ابو عبدا لله:

تستاهلون بدل ما تباركون لاختكم تقومون تتطنزون عليها وتحطمونها
ام عبدالله:

صدقت والله الاول يقول تغشين والثانية تستهتر بالادبي والثالث عاد كلامه مثل وجهه صدق ما عندكم اسلوب
عبدا لله اللي حس انهم شرشحوا ساره بزياده:

ماكان قصدنا بس حنا ما نشوفها تذاكر
ابو عبدالله:

حرام عليك واللي سوته في عمرها هالسنه شوي,

والله خفت يجيها شي من قله الاكل والنوم الى هاللحين ووجهها اشهب من التعب وهم الامتحانات
هند:

يبه بس هالشهرين اللي شدت على عمرها
ام عبدالله:

ليش مستحقرين اختكم انا يوم رحت اسال عنها المدرسات كلهم قالوا بنتك ذكيه ولو تشد على عمرها تجيب نسبة عاليه بس هي مزاجيه على قولهم
ابو عبدالله:

حرام عليكم خربتوا فرحتها واذا ما راضيتوها اليوم ترى ماني محاكيكم
خالد:

اي صدقت مسكينه مسخرناها مسخره بروح اشوفها

ساره في غرفتها تكلم مشاعل
ساره:

الله يبارك فيك يا قلبي ماتقصرين والله كان ودي تكون نسبنا زي بعض بس ماتدرين عن منال
مشاعل

لا جابت مثلي 91 حاف بدون فواصل
ساره زين مافينا احد تحت ال90 على الاقل ندخل جامعة وحده
خالد دخل على ساره



ساره سكري التليفون بكلمك
ساره تناظره بتكبر وتلف وجهها



ايه مشاعل وباقي البنات كم جابوا؟
خالد:

لو سمحتي يا اخت ممكن احاكيك شوي
ساره بتكبر تهز راسها بالنفي
خالد:

اسف على اللي قلته لك
ساره مطنشه وتحاكي مشاعل



وش كنتي تقولين اسفه ماكنت معك فيه قلق عندي هنا
مشاعل



اقول سارونه وش بتسوين في هالاجازه؟
ساره:

الحمدلله والشكر يعني وش بسوي اكيد زي العاده بروح اقعد في بيت امي ساره واذا اهلي بيسافرون بروح معهم
مشاعل:

وبتخلين بيتكم وتقعدين طول الصيف في بيت امك ساره بالله ما تملين ولا تطفشين
ساره تناظر خالد اللي واقف قدامها باستهتار:

عاد بيتنا حلاته امي وابوي والا الباقين اشباه الاودام مايسوون شي بعدين بيت امي ساره يشرح الصدر
خالد بعد ماسمع كلام ساره عصب وطلع من غرفتها
مشاعل



مو لو انها ساكنه عندكم احسن؟
ساره:

والله هي تقول ما ارتاح الا في بيتي وعماني وعيالهم مايخلونها كل يوم يزورها واحد منهم
مشاعل:

زين انا بخليك الحين بروح اشوف امي تناديني
ساره:

يلا اجل مع السلامه
مشاعل

مع السلامه
ساره سكرت على نفسها الغرفه ورتبت اغراضها علشان تروح بيت جدتها وبعد ما خلصت نامت

في بيت سعود السامي واللي كان جامع عياله و بناته بمناسبه نجاح احفاده

كانوا كلهم جالسين في الصاله الرجال والحريم اللي كانوا متغطين واكثر السوالف مشتركه
وجود بنت حنان راحت عند جدها:

مشكور يبه عسى عمرك طويل تعيش وتحتفل باحفادك
طارق



هي انتي من لعب عليك وقال ان العزيمه لك
وجود ويدها على خصرها



اجل لمن لك انت ووجهك
ناصر:

للبنات الكبار ريوم اللي خلصت الثانوي والعنود ومنى اللي خلصوا اول سنه في الجامعه
فهد:

وهيفاء اللي راحت ثالث ثانوي
هيفاء تحاكي ريم:

بعد عمري فهود مانساني
ريم



انطمي عاد خلينا نشوف شكلها بتصير هوشه
نواف



ما بقى الا البزران يالله يابنات المتوسطة ضفي وجهك
وجود



تكفى انت واياه من زينكم مالت عليكم اصلا انتوا من كلمكم يالشييف
ناصر



اقول انطمي بس وروحي تغطي انتي ماتستحين مثل باقي البنات
وجود



مالك دخل اصلا توني صغيره
ناصر:

كبر البقره وتقول توني صغيره
وجود:

بقره في عينك على الاقل احسن منك ياالبغل
طارق:

وش فيه البغل الحين طلع وع حبيبتي اصلا البغل يونس البزران في الحدايق يركبون عليه يوسعون صدورهم وياخذون لفه في الحديقه ياما ركبتيه وانتي صغيرة الحين كبر راسك عليه
ناصر وهو بادي يعصب



انطم عاد بالبعير
فيصل



والله جبتها صح يا ناصر مع هالبراطم كنه بعير
طارق



على هونك يا الدب القطبي
نواف



وش الحكمه من الدب القطبي ليش ما قلت الدب بلحالها
طارق



ما ادري والله بس يمكن نفس نظره الكابه اللي في وجيههم
عادل



ما شاء الله فطين وش دراك ان الدب القطبي مكتئب والله انه فالها متكي وعايش في ذا البراد وموسع صدره موب حنا اللي نكرف في هالشموس
سلطان



الحمد لله والشكر اجل الدب القطبي فالها انت طبيعي والا شارب شي
عادل



والله لو انك تكرف في هالشموس مثلنا كان تمينت انك دب قطبي
طارق



لا,

لاتقول حمستني اعيش هالتجربه
فيصل



هاهاها ما يمديك يالبعير رح بس خل هالشموس ترضخ فيك في هالبران وانا موسع صدري واتزلج عالجليد
ناصر



افا تراضها علي توسع صدرك وانا اخوك شقيقك قاعد احوس على قطره مويه
فيصل



احد قالك صر بعير كان صرت دب على اخوك
فهد



هي انتوا محششين اليوم
فيصل



لا تونا ما بعد حششنا
عادل



اذا حششتوا علموني
طارق



بتحشش معنا؟
عادل



لا والله باوديكم للقسم لعلي اخذ ترقيه بسببكم
ناصر



ما يهبى الا انت تودي عيال عمي للقسم وانا موجود
طارق



ذيبان يا ولد عمي
ناصر



لا تنسانا من الحشيش
طارق



ابشر كم قطعة تبي؟
سلطان



بس عاد انت واياه لامردغكم بذا العقال اللي على راسي
فيصل



تكلم هادم اللذات يا اخي حنا داخلين جو لا تطير هالكم قطعة من روسنا
سلطان



لو يسمعكم احد يصدق انكم تحششون
طارق يبي يطفر سلطان



ومن قالك اننا ما نحشش
سلطان



الحمد لله والشكر بس اشك في عقولكم والله

ابو عبد العزيز



بس عاد ياعيال كل ماجيتوا تهاوشتوا وانتي ياحنان روحي للخدامات خلهم يجيبون لنا شي بارد نشربه دبلت كبودنا هالقهوه والشاهي في ذا الحر
حنان:

ابشر يبه انا اللي بخدمك بنفسي بس وش تبي تشرب؟
ابو عبدالعزيز:

اي شي بارد
سالت حنان الرجال والحريم عن اللي يبون يشربونه ووصلت عند الشباب اللي كانت وجود تتهاوش معهم
حنان:

هاه شباب وش تشربون؟
ناصر



عسل يا عسل
وجود:

عنك يمه روحي ارتاحي انا بجيب لهم اللي يبون
وراحت عند ناصر



هاه وش تشرب؟
ناصر



حليب يابقره
وجود:ضف وجهك ,



وانت طويرق وش تبي؟
طارق:

حليب بس خلفات مو بقر خبرك محاكيك بعير
وجود:مالت عليكم والله نقوتكم فيصل وسلطان هم اللي ينوخذ رايهم والا انتوا لوتمتون ماجبت لكم شي
ريم تحاكي هيفاء:

شوفي الكلبه وجيد ما لقت الا فيصل هين باطب في بطنها
هيفاء



قالت سلطان بعد
ريم:

ايه سلطان تخاف منه بس فيصل لا ,

تستهبل ام راس يبيلها تكفيخ
راحت وجود عند سلطان اللي كانوا يحترمونه لانه هو الكبير والعاقل والرزين في العايله واكثرهم غموض
وجود:

لو سمحت سلطان وش تبي تشرب؟
سلطان



اي شي بارد
وجود:

وانت فيصل
فيصل اللي يحب يقهر ريم لانه عارف انها تحبه



والله ياوجود كل شي يجي منك حلو على قلبي
ريم شوي وتغتال فيصل
منى:

ريوم هدي شوي تراه يدري انك تحبينه ويتغلى والا هو اصلا يموت فيك بس تعرفين حركات الشباب

بيت ام محمد الجده ساره)
في مجلس الحريم كانوا الحريم الكبار في جهه والبنات في جهه ثانية طبعا ام محمد ماعندها بنات بس اربع اولاد وكلهم متزوجين وعندهم عيال
اسماء بنت عم ساره:

ساره تعالي معي شوي برى ابيك في سالفه
ساره طلعت مع اسماء

خير اسماء
اسماء وش رايك نروح فوق في غرفتك احسن
ساره والله من البثاره في ذا الادميه



يلا
دخلت ساره الغرفه هي و اسماء اللي سكرت الباب وطلعت جوالها ودقت رقم
اسماء:

الو هلا لحظه شوي ومدت الجوال لساره
ساره:

وش السالفه؟
اسماء:

هذا صالح يبي يبارك لك في النجاح
ساره خذت الجوال بعصبيه وسكرت بدون ما تكلم
اسماء:

ليه؟
ساره:

وش اللي ليه خير ان شاء الله من متى نكلم رجال غرب علينا ومو محارمنا
اسماء:

هذا مو غريب هذا ولد عمك ويبي يبارك لك
ساره:

واذا هو ولد عمي عادي اكلمه واكلم كل عيال عماني
اسماء



بس هذا غير وانتي تعرفين
ساره:

اسماء هالسالفه شيليها من راسك صالح زيه زي اخوي عبدالله وخالد فاهمه والا لا وان عدتي هالسالفه ماراح يصير لك خير
اسماء:

ساره حرام عليك والله صالح يحبك ويموت عليك ويتمنى يسمع منك كلمه وحده بس
ساره عصبت:

وانا ما احبه ما احبه عجزت وانا اقولك انتوا ما تفهمون
اسماء:

وليش عاد والله انه ينحب وتراه ناوي يخطبك من عمي
ساره خلاص وصلت لحد ماتقدر تتحمل كلام اسماء لانها عارفه لو احد خطبها من ابوها وابوها شاف انه كفو ماراح يرفضه وما راح يشاورها
ساره



اسماء افهميني الله يخليك انا ما ابي اتزوج قبل لااخلص الجامعة وصالح انا اعزه مثل اخواني وماني متخيلته زوج لي فا الله يوفقك قولي لصالح لا يستعجل ويخطبني خليه يصبر فتره على الاقل لين نتخرج ما تدرين يمكن ربي يهديني
اسماء:

يعني اذا انتظر لين ما تخلصين الجامعة بتوافقين عليه
ساره اللي اضطرت تكذب لانها عارفه ان ولد عمها يبيها ولو بالغصب:

اذا ربك اراد باوافق بس خليني اخلص الجامعة اول بس والله لو خطبني قبل لا اخلص ماراح اخذه لو تنطبق السماء على الارض
جت سوسن يالله يا بنات امي ساره تقول انزلوا تعشوا نزلت ساره وامل وتعشوا
راحت وجود للمطبخ وقالت للخدامات يجيبون العصير ورجعت للبنات
جواهر اللي راحت لبنات اخوها



هاه بنات اشوف عيونكم ماطاحت من على الشباب
اصايل



لاياعمتي لاتعمميين ترى فيه المخطوبة بيننا
جواهر



غثيتينا عاد ندري انك مخطوبة انا اقصد الباقين
العنود:

وش تبين عاد ياعمتي تبينا نسكر عيوننا بعدين من زينهم هالشباب كل واحد اشين من الثاني
جواهر

لا والله يحصلون لك انتي ووجهك .



بس ابي اعرف من السنعه اللي فيكم
البنات بصوت واحد:

كلنا سنعات
جواهر:لاوالله مافيكم احد سنع الا اللي بتجيب الراس الكبير
وجود:

اي راس
جواهر:انطمي انتي بلا بزران انا احاكي الكبار,من فيكم بتطيح سلطان على وجهه وتجيب راسه وتخليه ياخذها
اصايل



الحمد لله انا سنعه انخطبت وارتحت
منى



افا يا عمتي عاد مالقيتي الاهالسليطين نجيب راسه اسفه انا مانيب سنعه
هيفاء



وانا اخته من الرضاعه
ريم



وانا اخته الصدقيه
كلهم ناظروا العنود
العنود:

هي انتوا وش تناظرون لو تمتون ما نيب محاوله ما لقيتوا الا سلطان الموت اهون ,

اصلا اللي بتجيب راسه مابعد جابتها امها اقول خلو السناعه لكم انا ما ابيها
طبعا وجود مسويه نفسها حرمه



خلاص انا اجيب راسه
جواهر



مابقى الاهي انطقي بس لا اعلم عليك امك
وجود



تتحدون اوريكم
طبعا اروى طبعها تشيل الكلام راحت وقالت لاخوها فيصل اللي مات من الضحك بعد ما هاوشها وهزئها بس عجبته السالفه وقال للشباب طبعا سلطان ضحك على البزر وجود وكان مستعد لحركات البثاره اللي بتسويها والشباب ناوين يشرشحونها جت وجود وجلست عند سلطان والكل ساكت ومسوي نفسه مشغول بشي بس يبون يسمعون
وجود:

وش اخبارك سلطان؟
سلطان وهو ماسك نفسه تمام,

وش تبين؟
وجود بخوف



ما ابي شي بس بسولف فيها شي
سلطان:لا مافيها شي بس روحي سولفي مع البنات
وجود



سولفت معهم والحين ابي اسولف معك
سلطان



يلا سولفي
وجود وهي ما تدري وش تقول من الخوف من سلطان اللي الكل يهابه:

انت تعرف تتكلم انجليزي صح
سلطان:

ايه اعرف
وجود:

زين ممكن تعلمني ودي اتعلم
سلطان:

اسف وقتي ما يسمح لي بعدين معاهد اللغات وش كثرها سجلي في واحد منها وتعلمي
وجود:

طيب اكيد انت تعرف للرياضيات
سلطان ياصبر ايوب



ايه اعرف ليش؟
وجود



ابغاك تدرسني
فهد



هي انتي ام راس مسويه دافوره ترانا عطله
وجود:

مالك دخل انا احاكيه ما حاكيتك
سلطان



صادق فهد ترانا عطله
وجود:

ايه علشان اذا بدت الدراسه اصير عارفه المنهج يقولون رياضيات ثالث متوسط صعبه
سلطان اللي بدا يعصب:

اقول روحي دوري مدرسة ابتدائي والا متوسط تدرسك تخصصي ماجستير ادارة اعمال تبيني اتفرغ لتدريس بنت في ثالث متوسط
الشباب كلهم ضحكوا على وجود اللي عصبت
وجود



سلطان سكتهم يضحكون علي
سلطان



اقول تراني كبر ابوك قولي عمي سلطان فاهمه
طلعت وجود معصبه وتحاكي نفسها هين ياسلطان ان ما خليتك انت اللي تترجاني علشان اكلمك ما اكون وجود وذيك الساعة انا اللي ابطنشك

حنان راحت عند الشباب



من اللي زعل بنيتي فيكم
سلطان:

انا
حنان:

وليش وش سوت عاد,

حرام عليكم
سلطان



ياحليلها طموحه تبي تجيب راسي واتزوجها
حنان وهي تضحك



هذي الساعة المباركه على الاقل تفكني منها
سلطان



تخسي ما بقى الا هي اخذ وحده اربيها بعدين تراك مدلعتها مره
حنان



توها صغيره
ناصر



اي صغيرة بعدين متى بتغطونها وش كبرها تقولين بقره
حنان



دامها وش كبرها ليش ما احد منكم ياخذها
الشباب كلهم



وع
حنان



حرام عليكم بنتي ملكه جمال بس غثيثه شوي الله يصلحها و اذا تزوجت بتعقل
سلطان



انتي تبين تبليشينا في بنتك ماله منها
حنان



انت خلك برى الموضوع مستحيل ازوجك اياها
سلطان



عاد انا بموت واخذها مالت عليها
حنان



لا مو قصدي بس انت ماتصلح لها انت عاقل وراكد مالها غير احد هالمراجيج نواف والا ناصر والا طارق
نواف



وليش فيصل وفهد برى القائمة على بالك انهم عقال
حنان وهي تناظر فهد وفيصل بنظرات لها معنى:

لا مو عقال بس هم دارين ليش
طبعا فيصل يحب ريم وفهد يحب هيفاء وما احد يعرف الا البنات بس وحنان شاكه في الموضوع
طارق



من الحين اقولك لاتخططين علي تراني محجوز
نواف



لمين


ناصر



لناقه ابوي سعود
طارق



كل تبن بس
ناصر



توك تقول بعير بعدين احمد ربك بنزوجك ازين ناقه
طارق



يااخي ليش انت تغث انا لي ساعة اشبك مع فصيل علشان اروح معه للقطب المتجمد وانت كل شوي تذكرني اني بعير
فيصل



لاتحاول مانيب ما اخذك لو تحب الثريا ما نستقبل بعارين ما بقى الا هي وش بيقولون عني الدببه اخوه بعير ناوي تقص وجهي
ناصر



خلاص طروق خذ واسطه من ملك الغابه سليطين
سلطان



اسف ما احب الواسطات
طارق



هين يا سليطين وانا ناوي اعرفك على ذيك اللبوه السنعه اللي تقول للقمر قم وانا اجلس محلك
سلطان



من جدك؟
طارق



افا عليك وش اوصف وش اخلي جمال وبياض وشعر وعيون لا وراعيه مطبخ بعد
نواف



هذي مواصفات لبوه
سلطان



وش دخلك كمل طروق ماعليك منه
فهد



ابشر بالترقيه يا عادل كل ما لهم ويزيدون واحد

جاء الجد سعود:

يالله ياعيال قوموا تعشوا وخلوا عنكم الحكي الزايد
والكل قاموا يتعشون

بعد العشاء الكل راح لبيته وساره قعدت عند جدتها
ام محمد



ساره وانا امك وش فيك ضايق صدرك عسى ما انتي تعبانه
ساره:

لا يمه بس تعرفين بعد الامتحانات تعب وقله نوم وارهاق
ام محمد:

اجل يمه روحي ارتاحي ونومي وبكره ان شاء الله نقعد ونسولف مع بعض

راحت ساره لغرفتها وعلى طول اتصلت على مشاعل وقالت لها السالفه
مشاعل:

بالله ولد عمك مايستحي على وجهه ما عنده كرامه وحده ما تبيه الا بالغصب يبيك تحبينه
ساره:

المصيبه اخاف يخطبني وانا عارفه ابوي بيوافق على طول خصوصا للابن المثالي على قول خالد
مشاعل



لا تخافين اكيد مو موافق الا بموافقتك
ساره:

انتي ما تعرفين ابوي من عقب نجوى اختي يوم ترفض كل اللي خطبوها لين ماتخلص دراسه وتتوظف,

خلاص حرم انه يشاور البنت على قوله بغت تعنس وصل عمرها28 يوم تتزوج وهند مسكينه اول ما انخطبت وافق بدون ما ياخذ رايها يقول الكفو ماينرد
مشاعل



ايه بس انتي غير ودلوعته و ولد عمك بعد توه صغير وطالب يعني مابعد كون نفسه
ساره:

اي مو علشانه صويلح الحقنه اكيد بيوافق ابوي معجب فيه يقول يدرس ويشتغل مع ابوه بنفس الوقت واخلاقه زينه
مشاعل:

قولي امين يخطبك واحد سنع ويجيك عى ذاك الخيل الابيض وياخذك قبل ما يخطبك صويلح ويوافق ابوك
ساره



وش شريط الفيديو اللي شايفته قبل شوي؟
مشاعل بغباء



انا قعدت شوي مع بزران عمتي حطيت لهم سالي بعدين سندريلا
ساره



بعذرك تقولين خيل ابيض .



فيه احد يركب خيول الحين
مشاعل



خلاص ولا يهمك يجيك ان شاء الله في جمس ملكي
ساره



تخسين تجيبين لي سواق مافيه شباب يسوقون جموس انا ابي Bmw
مشاعل



اللي تبين اهم شي تفتكين من عله صويلح
ساره:

تصدقين انا ما ابي اتزوج توني صغيرة ابي ادرس واتخرج
مشاعل



طيب انتي اهدي الحين وان شاء الله ربي بيفرج همك وروحي صلي ركعتين وادعي ربك وخلي الباقي على رب العالمين
ساره



يلا اجل ما اطول عليك اكلمك بعدين
مشاعل:

يلا مع السلامه
ساره:

مع السلامه

وش بيصير مع ساره وولد عمها

وهل وجود بتقدر على سلطان

!!!

الجزء الثاني

في بيت ابو بدر

ابو بدر وام بدر جالسين في الصاله

دخل بدر ومشاري
بدر




ابو بدر وام بدر



وعليكم السلام
مشاري



هاه يبه وش سويت كلمت ابو اصايل
بدر وهو يضحك



يا حليلة اخوي مستعجل
مشاري



وانت وش حارك
بدر:

لا احتريت ولا شي حتى المسني علشان تعرف اني بارد
مشاري



هاهاها بايخه ما تضحك دمك ثقيل
بدر



صب عليه مويه علشان تخففه
ابو بدر



بس عاد انت واياه هذا كبركم وتتناقرون متى بتعقلون
بدر



قل لولدك اللي مسوي رجال وغاثنا يبي يعرس وعقله لين الحين ما كبر
مشاري



احلف عاد تراك اكبر مني لاتنسى
بدر



بس الحمد لله عارف لنفسي وعارف اني ما بعد عقلت
ام بدر



وما ادري متى بتعقل وبتتزوج اللي اصغر منك تزوجوا وانت وصلت للثلاثين وانت عزابي
بدر بملل



يا الله يمه انا كم مره قلت لك شيلي هالفكرة من راسك عرس ما نيب معرس
ابو بدر:

لين متى يعني؟
بدر



يبه خلاص قفل على الموضوع الله يخليك
ابو بدر



بدر اسمعني وانا ابوك لا انت اول ولا اخر واحد فيه سكر تبي تحرم عمرك من العرس والعيال علشانك مريض
بدر



يبه خلاص مليت وانا اقولكم ما ابي اجيب عيال واعذبهم يكفي اللي شفته من هالسكر يوم كنت صغير
(بدر مريض بالسكر من يوم كان عمره اربع سنوات
مشاري



يا اخي انت ليش موسوس السكر وراثه ما قلنا شي بس ترى مو كل واحد فيه سكر لازم يجي عياله سكر والدليل انت امي وابوي ما فيهم شي وانت فيك من يوم كنت صغير
بدر



خلاص طيب حفظت هالكلام ما ودكم تغيرون الموضوع
مشاري



لا ما ودنا وبعدين وش فيها اذا جبت عيال وكان فيهم سكر يا اخي خل حلاوتهم تزيد
بدر



يا ثقل دمك بس وحب يغير الموضوع



هاه يبه دقيت على ابو اصايل والا لا
ابو بدر:

ايه دقيت وحددنا الملاك يوم الجمعة الجايه
مشاري



يوه يا بعدها
بدر



اركد لا تفشلنا
مشاري



يا اخي انت ما تبي تفرح ولاتبي غيرك يفرح والله انك نذل
بدر



افرح بس اثقل شوي خلك راكد وش بيقولون عنك الناس ما صدقت بنتهم توافق
مشاري



ايه والله ما صدقت
بدر



ما منك فايده مرجوج
ام بدر:

عاد عسى يمدي البنات يتجهزون قبل الملاك
ابو بدر:

الملاك ما فيه حريم بس عزيمه غداء للرجال وانتوا بتروحون للشبكه اللي بعدها باسبوع
مشاري بصدمه



يعني ما نيب شايف اصايل يوم الجمعه
ابو بدر



وانا وش دراني
مشاري



كان سالت ابوها
ابو بدر:

الحمد لله والشكر انت صاحي تبيني اقول لابوها بنتكم بتخلي ولدي يشوفها والا لا
بدر:

يا اخي فشلتنا كانك بزر
مشاري



لا تلومني اول مره اعرس
يوم الجمعة بعد صلاه الظهر بيت فهد السامي

اصايل دخلت لغرفه العنود وارتاعت



عنيده قومي جعلك القام اللي يلقط قلبك يالخايسه الساعه1.30
العنود وهي مغمضه



اصايلوه اذلفي وصكي الباب خليني انام
اصايل



نام عليك بعير يالدوبه قومي نسيتي ان اليوم ملكتي
العنود وهي تغطي وجهها باللحاف



واذا صار انتي اللي بتتملكين موب انا
اصايل راحت وسحبت اللحاف



عنود قومي لا تستهبلين بنات عمي تحت وانتي لين الحين خامده
العنود



محد قالك اعزميهم
اصايل



احمدي ربك ما عزمت الا البنات اجل لو اني عازمه عماتي وحريم عماني
العنود



اقول اقضبي الباب وانقلعي ترى ما نمت الا الساعة تسع
ابو اصايل وهو بينزل تحت



انتوا لين الحين ما نزلتوا مع امكم
اصايل



يبه العنود ما تبي تنزل
ابو اصايل



العنود و وجع ليش ما تبين تنزلين
العنود فزت بسرعه



كذابه يبه
ابو اصايل



يلا بسرعه وش تحترين
العنود تناظر اختها بحقد



ان شاء الله يبه
وطلعت من الغرفه وهي معصبه ولحقتها اصايل
اصايل



هي انتي
العنود بعصبيه



وش تبين؟
اصايل



بتنزلين ببجامتك
العنود



كيفي مالك دخل ونزلت ودخلت المجلس اللي فيه بنات عمها
العنود بدون نفس



وراحت بسرعه وانسدحت على الكنب وغطت وجهها بالخداديه
منى



هي انتي وين عايشه سلمي زي الناس
العنود



منوه كلي تراب وانطمي ما نيب ناقصتك
ريم



انا من شفتها نازله بهالبيجامه وانا غاسله يدي
العنود كانت لابسه بيجامه لونها رمادي بنطلونها برمودا والبلوزه كت عليها صورة قلب احمر كبير
اصايل



لا تواخذونها هذي اذا فيها النوم ما تعرف امها من ابوها ولاتحارشونها ترى بتسوي لنا فضيحه
اصايل ناداها ابوها وطلعت ووقعت على الموافقه ورجعت للمجلس وهي مستحيه
البنات قاموا يباركون لها
العنود رفعت المخده وهي فيها النوم



مبروك ورجعت غطت وجهها
هيفاء



الحمد لله والشكر هالانسانه مريضه
العنود



هييف احترمي نفسك لا اتوطي في بطنك
جت ام اصايل وباركت لبنتها وجلست في المجلس مع البنات ودخل ابو اصايل وهومستعجل
ابو اصايل



هاه السفره جاهزه؟
ام اصايل



اي جاهزة خلهم يقلطون
ابو اصايل



الله يعطيك العافيه وطلع
في مجلس الرجال الكل قاموا يباركون لمشاري وبعد ما جلسوا شوي دخل ابو اصايل
ابو اصايل



تفضلوا على الغداء الله يحييكم
قام الجد سعود وابوبدر ومشاري و باقي الرجال وبدر جلس شوي يبي المجلس يفضى علشان يدق ابره السكر
ابو اصايل



تفضل يا بدر
بدر باحراج



شوي ياعم بس بادق ابره السكر
ابو اصايل حس انه احرجه وطلع يغسل علشان يتغدى مع الرجاجيل
ابو اصايل راح للمغاسل وما لقى عليها مناديل وعصب ودخل على الحريم وهومعصب



الحين ما تقولون لي ليش ما حطيتوا مناديل على المغاسل ,



المخزن مليان توني جايب ثلاث كراتين وش بيقولون عنا حموله اختك
ام اصايل وهي متفشله



يا خزياه نسينا باروح اجيب
ابو اصايل شاف العنود نايمه



عنيده جعلك النعاس قومي عن امك حد ما تتسدحين كنك نفاس
العنود قامت بسرعه وهي متفشله



ان شاء الله يبه
البنات يناظرون بعض وهم يضحكون على العنود اللي تتحلطم
العنود راحت للمخزن وجابت دسته مناديل وهي معصبه وراحت عندالمغاسل وش قالوا لهم خدامه
بدر طلع ابرته بعد ما فضى المجلس ودق عمره وهو يكلم نفسه:

ياربي متى بارتاح من هالهم يارب اشفيني من عندك
وطلع علشان يغسل ويتغدى مع الرجال وانصدم من المنظر اللي شافه
بنت متربعه على الارض وهي تفكك كراتين المناديل وتحاكي عمرها بصوت عالي:
استغفر الله احد يتملك في ذا القوايل والشموس الحمد لله والشكر بس,

شكلهم بيجيبون ضبان وبعارين بدال العيال اصلا اصايلوه الفيله خذت مشاري الجراده اكيد عيالهم بيجون تحف الله لايبلانا ,



بس ما اكون عنيده ان ما طينت عيشتهم معاريس الغفله
بدر مسك نفسه لايضحك وهو يسمع كلامها



وش تبي ذي جالسه هنا

!
العنود جت تفك واحد من الكراتين وانكسر ظفرها وعصبت وسحبت الشباصه من شعرها اللي لافته وانهد الشلال الاسود وغطى كل ظهرها وجزء منه لمس الارض
بدر يكلم نفسه وهو مستغرب



ماشاء الله هذا شعر والا باروكه!!
العنود بعصبيه وهي بنص عين من النعاس تحاول تفك الكرتون بالشباصه علشان ما تتكسر باقي اظافرها وطارت الشباصه بعيد ووصلت عند رجل بدر وهي مومنتبهه كملت فك المناديل وهي تتطنز على عمرها



والله من الحوله اللي في هالكشره الله يشفيني ويعافي المسلمين مما ابتلاني!!
فكت العنود الكراتين ومن العجز مغطت عمرها وهي جالسه علشان تاخذ شباصتها وتحاكي الشباصه الله لا يبلانا تعالي يا مال الكسر جاني مصع في كتوفي بسبتك وشافت الجزمه الرجاليه السوداء و شالت الكراتين علشان تقوم بدون ما تشوف الرجال



خلاص يبه هذي المناديل وجبتها لاينقدون عليك نسباك السنعين ورفعت راسها وانصدمت صدمه عمرها
بدر حس بتيار كهرب نفض جسمه يوم شاف وجهها على كلامها توقع بيشوف وحده شينه بس اللي قامت كانت ملاك عيون وسيعه وسود ورموش طويله بشره بيضاء وخشم طويل وشفايف ورديه وجسم نحيف وشلال اسود مثل الحرير يغطي ظهرها
العنود واقفه وهي مومصدقة اللي تشوفه وقامت تغمض وتفتح بعيونها على بالها تحلم لين الحين ,



بدر مسك نفسه لا يذوب مع حركة رموشها
العنود ارتبكت يوم شافت الرجال الطويل والوسيم اللي واقف قدامها وكان اسمر خشمه طويل وعريض وعيونه سود ونظراته حاده والسكسوكه المحدده والوجه العريض و بصوت عالي وبدون تفكير



معقوله ابوي رجع شباب

!
بدر ما قدر يمسك نفسه وضحك بصوت عالي
العنود بخوف وهي تتذكر انها كانت قاعده على الارض عند باب الحمام



يمه,

انت ادمي والا جني من وين طلعت؟
بدر ابتسم و بصوت هادي



بسم الله عليك الرحمن الرحيم لا تخافين ادمي والله العظيم,

وطلعت من مجلس الرجال واشر على المجلس
العنود استوعبت الموضوع وطاحت المناديل من يدها وحطت رجلها ودخلت بسرعه للصاله وسكرت الباب اللي يفصل قسم الرجال عن باقي البيت وتسندت على الباب وهي حاطه يدها على قلبها اللي يدق بسرعه جنونيه وتفكر



من ذا الرجال يا خزياه وش بيقول الحين
بدر رفع كراتين المناديل وحطها على المغسله ماشاء الله وش هالملاك معقوله فيه بنات بهالجمال لاوتقول حولا وش خلت للشيون اكيد هذي تصير بنت ابو اصايل بس اي وحده فيهم

انا اصلا ما اعرف كم عدد بناته بس بسال امي والا مشاري ,



وهز راسه وهو يكمل:

استغفر الله انا وش فيني قاعد اخربط واهذر واذا عرفت وش بيصير يعني



اعقل يا بدر انت وين والزواج وهالحركات وين.

انت اللي مثلك المفروض ما يفكر في الزواج ابدا وتذكر نوبات السكر اللي تجيه يوم كان صغير وكيف كانوا الطلاب يضحكون عليه من كثر ما يدوخ ويسمونه الخكري وقعد يدعي ربه



يا رب ريحني من اللي انا فيه يا رب ودخل على الغداء وهو متنكد
مرت ريم وهي رايحه للمطبخ وشافت العنود متسنده على الباب وهي شوي وتدوخ وحالتها حالة وشعرها طايح على وجهها
ريم



وش فيك عنيده؟
العنود بصوت متقطع



ما فيني شي
ريم



عنيده علي هالحركات وش فيك عمي مهاوشك؟
العنود



لا
ريم



عنيده قولي وش فيك ترى بانادي امك
العنود



ريوم شفت واحد
ريم باستهبال



واحد والا اثنين
العنود



ريوم بلا استهبال اقولك طلعت في وجه واحد من الرجاجيل
ريم بصدمه



كذاااااابه
العنود



والله العظيم
ريم



من هو؟
منى وهيفاء كانوا طالعين من المجلس وسمعوا اخر كلامهم وراحوا للعنود وهم يركضون
منى



من هو عنوده


العنود



من هو اللي من هو؟
منى



اللي هو!!
هيفاء



تستهبلون انتوا وش السالفه؟
ريم



انطموا انتوا العنود من هو الرجال


العنود



ما ادري والله واحد طويل واسمر
ريم



يمكن سلطان اخوي
العنود



لا موب اخوك جاهلني عن سليطين
منى



اجل فيصل
العنود



من زين اخوانكم
هيفاء



ليش هالرجال حلو
العنود



يهبل الا قولي يجنن يخبل يطير العقل ملك جمال
منى



وين شفتييه



وهو شافك؟
العنود تذكرت الموقف وهي فيها الصيحه



شفته عند المغاسل قبل شوي و هو ماشافني وبس الا قزني قز
هيفاء وعيونها بتطلع



شافك بهاللبس
العنود وهي تناظر نفسها وشافت بيجامتها وشهقت بصوت عالي وحطت يدها على راسها



ضاع مستقبلك يا عنيده يا بنت السامي يا خزياه
ريم



عنيده وش اللي صار علمينا
نزلت اصايل من فوق وهي كاشخه و مو منتبه لحالة البنات لانها بتقعد بعد الغداء مع مشاري:

هاه بنات شكلي حلو
اصايل طويله وجسمها حلو وشعرها اسود يوصل لنص ظهرها و بشرتها حنطيه وعيونها حلوة مثل العنود وملامحها ناعمه وكانت لابسه فستان اسود مشجر بالاحمر ضيق و كت ويوصل لنص الساق وفيه حزام جلد اسود عريض تحت الصدر وشعرها كيرلي وحاطه ورده حمراء فوق اذنها ومكياجها احمر ولابسه صندل اسود
العنود غمزت للبنات علشان ما يقولون شي لاصايل
منى



تهبلين قمر ما شاء الله
اصايل



والله
ريم



لا تخافين بيطير عقل مشاري اذا شافك
دخل ابو اصايل



اصايل وانا ابوك يلا امشي خلني ادخلك على مشاري اشغلنا وهو يسال عنك اصايل استحت واحمر وجهها والبنات قاموا يضحكون
اصايل



ان شاء الله يبه وراحت للمجلس مع ابوها
دخلت اصايل وهي مطمنه راسها من الحياء
مشاري بصوت واطي



هلا والله بالزين كله
ابو اصايل سمعه و عطاه ذيك النظره اللي خلته يسكت
ابو اصايل



انا باروح عند الرجاجيل نتقهوى الشاهي الحقني بعد شوي علشان تتقهوى معنا وطلع وصك الباب
مشاري



النفس عافت الشاهي والقهوه بعد شوفه الغالين
اصايل استحت وحمدت ربها ان ابوها طلع
مشاري



كيفك يا اصايل؟
اصايل بصوت واطي



بخير ,



انت كيفك؟
مشاري



دامك تحت نظري فانا بالف خير
مشاري شاف وجهها احمر وحب يهبل بها زياده



اموت على اللي يستحون ياناس
اصايل تبي تصرف الموضوع



كيف الوالده والاهل
مشاري



بخير والوالده تقول سلم لي على اصايل وبوسها بالنيابه
اصايل انصدمت و طيرت عيونها وهي تناظر مشاري
مشاري وهو ماسك نفسه



وش فيك الوالده اللي تقول
اصايل



قل لها سلامها وصل الله يسلمها
مشاري يستهبل



والبوسه
اصايل وهي معصبه يستخف دمه هو وجهه



عيب وش هالكلام وين عايشين فيه
مشاري اوف عصبت



امزح معك
اصايل



ما احب هالمزح لو سمحت
مشاري



تامرين امر يالغاليه
اصايل



تسلم ياقلبي
مشاري وهو مو مصدق



نعم وش قلتي ما سمعت
اصايل



قلت تسلم
مشاري



و الكلمه اللي بعدها
اصايل وهي تضحك



ما قلت شي بعدها
مشاري يناظرها وهو مكشر



متاكده
اصايل بثقه



ايه متاكده
مشاري طلع من جيبه علبه مستطيله وعطاها اصايل



هذي هديه بسيطة وان شاء الله تعجبك
اصايل فتحت العلبه ولقت فيها تعليقه اسواره الماس مبرومه وفيها احجار زمرد صغيره
اصايل



مشكورالله يعطيك العافيه ليش كلفت على عمرك
مشاري



ما فيها كلافه ,



اهم شي اعجبتك؟
اصايل



ايه ماشاء الله عليك ذوقك مره حلو وقامت من المجلس
مشاري



وين تو الناس
اصايل



شوي وارجع
البنات مسكوا العنود وراحوا فوق لغرفتها
منى



يلا تكلمي وش السالفه
العنود



والله كنت قاعده على الارض افكك كراتين المناديل ورفعت راسي ولقيت هالاطخم واقف وما بيني وبينه الا كم خطوه
منى



ياشيخه على هاللبس بيحسبك الشغاله
العنود



احلفي بس قد شفتي شغاله قاعده تدعي وتسب في العالم
ريم بخوف



عنيده وش دعيتي وش قلتي عسى ما فشلتينا
العنود وهي شوي وتصيح



فشلتكم وبس الا قولي وش الفضيحة اللي سويتها وقالت لهم عن كل الكلام اللي قالته وهي تحت
البنات قاموا يضحكون
العنود بعصبيه



سلامات قاعده انكت عليكم انا
منى



والله انك خبله تسبين في اختك وتقولين عنها فيله ورجلها جراده قدامه افرضي انه واحد من جماعة مشاري
العنود



لا والله واذا سبيتهم



ترى سبيت نفسي بعد وقلت حولا
ريم وهي تضحك



انتي جاده والا تستهبلين
العنود



وحده فيها النوم فاتحه عين ومغمضه الثانية تبينها تستهبل
منى



والرجال وش بيدريه ان فيك النوم
هيفاء وهي ميته من الضحك



كل شي كوم وابوي رجع شباب كوم ثاني
والبنات انفجروا من الضحك مره ثانية والعنود ضحكت معهم هالمره
منى



بالله وش سوا يوم قلتي هالكلمه
العنود



اه يا قلبي ضحك ذيك الضحكه اللي تنسى الواحد الدنيا وما فيها
ريم وهي تضحك



لا وتسالينه انت ادمي والاجني
العنود



وش دراني عقدتي الجن وسوالفهم وخفت لايكون جني تعرفين قاعده ومتربعه عند الحمام واسب واهاوش وما عندي احد قلت يمكن طلع لي احد منهم
ريم بتفكير



بس من هو هالرجال



متاكده انه موب من عيال عماني
العنود



ايه متاكده ميه في الميه
هيفاء



ولا هو من خوالك
العنود



لا موب من خوالي
منى



اكيد من اهل مشاري
ريم



يمكن واحد من اخوانه
العنود بتفكير



لا ما اظن اخوان مشاري اثنين بدر اكبر منه وعمره في الثلاثين وهذا شكله اصغر من الثلاثين وعبد الرحمن اخر سنه في العسكريه وتعرفين طلاب العسكريه يجون نحاف وشهبان وهذا جسمه مليان ووجه ينور وشكله اكبر من انه طالب
هيفاء



يمكن من عمانه والا عيال عمه
ريم



خلي اصايل تسئل مشاري
العنود



لا تكفون ما ابي اصايل تدري عن الموضوع
هيفاء



ليش؟
العنود



اول شي بتعطيني محاضره بعنوان كيف تمسكين لسانك بعدين هي ما تخبي شي عن امي وحتى لو علمتها وش بتقول لمشاري



بتقول اسئل جماعتك من اللي شاف اختي وهي تحش فيكم
ريم



معك حق بس وشلون بنعرف
العنود



ما ادري هو دخل علي والرجاجيل يتغدون وهذا يدل على شيئين يا انه ما قلط معهم او انه تغدى بسرعه وطلع
منى



عاد ما لقيتي الا الرجاجيل نسالهم
ريم



اسمعوا انا بامسك اخواني واحقق معهم وانتي يامنى امسكي اخوانك وحققي معهم وهيفاء تتولى ابوي سعود وانتي يالعنود حاولي في عمي وبنشوف يمكن نطلع بفايده
منى



واذا قالوا ليش تحققين
ريم



ياذا الكمخه صرفي الموضوع قولي لقافه بنات
العنود



تكفون اللي تعرف اي شي تقولي
منى بنص عين



اشوفك طحتي في الغرام
العنود



لو انك شايفته كان ما لمتيني

اصايل خذت العلبه اللي حاطتها في الصاله ورجعت للمجلس
اصايل



تفضل هذي الهديه مني وان شاء الله تعجبك مثل ما عجبتني هديتك
مشاري فتح العلبه وكان فيها ميداليه سوداء مربعه ومحفور فيها بالفضي حرفها وحرفه اللي متداخله مع بعض
مشاري رفع الميداليه وهو يضحك
اصايل



لاتكون ما عجبتك
مشاري



لا والله بس ودي اشوف رده فعل بدر اذا شافني معلق مفاتيحي في هالميداليه
اصايل



ليش؟
مشاري



والله بدر يحب الكشخه ودايم يهاوشني علشان مفاتيحي جامعها في هالحديده وكم مره جاب لي ميداليات وانا اعانده وما استخدمها وطلع مفاتيحه وكانت كثيرة وماسكتها حلقه فضية عاديه فك مفاتيحه وركبها في الميداليه
اصايل



شكل اخوك بيكرهني والسبه الميداليه
مشاري



ما لقيتي الا بدر يكرهك والله هالكلمه ما قد سمعتها على لسانه
اصايل



ما شاء الله عليه ,



الا على فكرة هو ليش ما تزوج لين الحين؟
مشاري



والله هو معقد
اصايل وهي مصدومه



معقد!!
مشاري



لا موب قصدي انه معقد اللي في بالك .



الله يسلمك اخوي فيه سكر من يوم كان ابو اربع سنين وهو صغير تبهذل منه وتعب وكانت تجيه نوبات سكر وبعد ما كبر قال مانيب متزوج اخاف اجيب عيال وما ابي احد يتعذب مثلي خصوصا الصغار
اصايل ضاق صدرها



عاد ليش يحرم عمره من الزواج والعيال ترى موشرط المرض يجي لعياله
مشاري



وش نسوي عجزنا وحنا نقول له نفس الكلام بس ما يفهم
اصايل



الله يشفيه ويعافيه
مشاري



امين
دخل ابو اصايل وهو يضحك



هاه يا مشاري ما ودك تجيب فراشك وتنام عندنا
مشاري



والله ما عندي مانع دامك موافق
اصايل ولع وجهها من الفشيله
ابو اصايل



والله انك ما تستحي وجه بن فهره
مشاري



انت اللي اقترحت
ابو اصايل



وانت ما صدقت عالعموم كانك تبي تشوف حرمتك مره ثانية الحقني عند الرجال والا بتقعد ما شفتها لين يوم العرس وطلع وخلاهم
مشاري



يالله يا قلبي ابوك نذل يسويها
اصايل



هي تراك تتكلم عن ابوي
مشاري



الحين طلع اللسان وعرفنا نرد
اصايل



كل شي الا ابوي
سلم عليها مشاري وعطاها رقمه وطلع للرجال
اجابه وحده يدورون عليها البنات وكل وحده وطريقتها و في اربع اماكن مختلفه

ريم ركبت في سيارة ناصر في طريق الرجعه للبيت لان سلطان ما يتكلم كثير ودايم ساكت
ريم



هاه كيف كانت الملكه؟
ناصر



يعني وشلون كيف كانت عاديه مثل كل مره
ريم



جايين رجاجيل واجد من اهل مشاري

يقولون ربعهم كثيرين
ناصر



اي والله عمانه وعيالهم وش كثرهم
ريم يوه وشلون بنعرفه وهم كثيرين



ما تعرفت عليهم
ناصر



لا والله انا قعدت مع طروق في زاويه وقعدنا نسولف
ريم مالت عليك حدك طويرق ويخب



الا كم عدد اخوانه
ناصر



اثنين
ريم



جايين كلهم
ناصر



وش هالتحقيق؟
ريم



وشو عادي لقافه بنات الا اخوانه جايين معه
ناصر



اكيد بيجون
ريم



كانا سمعنا صوت الباب فيه احد ما تغدى معكم مره عمي ضاق صدرها تقول شكل المطعم تاخر بالغدى
ناصر:

ايه هذا عبد الرحمن اخو مشاري ما تغدى معنا عنده سفره لجده وراح بسرعه
ريوم وهي فرحانه



ايه اهم شي يحضر ملاك اخوه والا الغدى بيتغدى في اي مكان
ناصر



لا ما حضر الملاك الشيخ تاخر وهو مسكين ما قدر ينتظره وراح للمطار
ريم



يعني طلع قبل لا يملكون
ناصر



ايه اصلا ما جلس الا عشر دقايق حتى ما كمل فنجاله وترى كسرتي راسي بالبربره
ريم يالله وش هالحظ يالعنود ان شاء الله منى تعرف شي عنه

منى في السيارة مع فيصل وطارق
منى



هاه عسى رجل اصايل وسيم هي حلوة ما شاء الله
فيصل



الرجال مخابر موب مظاهر
منى انا لله تكلم الفيلسوف



لا بس الشكل بعد له دور يعني حرام تقابل واحد شيفه
طارق



ايه زين ووسيم ارتحتي
منى



واهله واخوانه حلوين
فيصل



ليش بعد

هي بتقابل اهله واخوانه
منى



وش فيك معصب انا اسئل بس
فيصل



ياذا الحريم فيهم بلاغه شف ولقافه
منى



هاه طروق اهله حلوين
طارق



ايه ما عليهم
منى والله لو اني اطر منهم الكلام



ومن احسن واحد من اهله
فيصل



خير وش هالسؤال كان دخلتي لمجلس وشفتي بعد
منى ياليت والله



لا يعني انا اقول عسى رجل اصايل يكون احلى واحد في عايلتهم
فيصل



احلى واحد والا اشين واحد انتي وش حارق دمك هي اللي بتعرس والا انتي
منى وهي مكشره



هي الله يوفقها

في بيت الجد سعود السامي

هيفاء



هاه يبه تغديت زين
ابوعبد العزيز



ايه الحمدلله
هيفاء



بس ما طولتوا على الغداء خلصتوا بسرعه
ابوعبد العزيز



الحمدلله تغدينا وعينا من الله خير وما قصرنا
هيفاء



شكل الغداء ما عجب الضيوف سمعنا انهم ما كلوا الا شوي وطلعوا بسرعه حتى مره عمي ضاق صدرها<< الله يصبر مره عمهم
ابو عبد العزيز



والله محد طلع بسرعه انا اول من قام من على السفره
هيفاء لاحول ما استفدنا شي:

يقولون بعض الشباب ما قلطوا على الغداء معكم
ابو عبد العزيز



من اللي يقول؟
هيفاء حست انها تورطت



الخدامات يبه
ابوعبد العزيز



والخدامات وش دراهم



كل اللي في المجلس قلطوا وتغدوا ومحد قعد برى
هيفاء



عليهم بالعافيه
ابو عبد العزيز:

انا باروح انام وبقوم اذا اذن

العنود وهي جالسه مع امها وابوها

ابو اصايل



وين اصايل
العنود تحاكي نفسها



خامره على التليفون تكلم حبيب القلب
العنود



شكلها نايمه ,



اقول يبه عسى عجبكم الاكل هالمطعم اول مره نجربه
ابو اصايل



ايه والله اكلهم زين
العنود



عساهم تغدوا كلهم
ابو اصايل

الحمدلله ما طلعوا الا وهم راضين
ام اصايل



اهل مشاري اللي اليوم جايين كثيرين؟
ابواصايل



ايه والله مالين المجلس
العنود



عسى صاله الطعام كفتهم ودخلوا كلهم مره وحده
ابو اصايل



ايه كفتهم
ام اصايل



زين اخذنا حسابنا وجبنا كراسي زياده والله اني خايفه يقصر عليكم شي
ابو اصايل



دامك تشرفين على كل شي بنفسك اكيد بتبيضين الوجه الله لا يخلينا منك
ام اصايل



الله يخليك لنا
العنود في نفسها الاهل بدوا يتغزلون معناها ما راح ناخذ من الوالد لا حق ولا باطل خلني اروح لغرفتي وادق على البنات اشوف وش صارمعهم
العنود



عن اذنكم وراحت لغرفتها
ام اصايل



الله يرزقها بواحد مثل مشاري
ابو اصايل



امين ,



مشاري رجال ماشاء الله عليه حتى اخوانه بعد بس احس اني اليوم احرجت بدر اخو مشاري
ام اصايل



وشلون؟
ابو اصايل



يوم قاموا الرجاجيل هو ما قام معهم على طول يوم لزمت عليه قال وهو منحرج بادق ابره السكر وبالحقكم المسيكين فيه سكر وهو في عز شبابه
ام اصايل



مسكين الله يشفيه ويعافيه
العنود كالعاده استعجلت وقامت وفاتها الجواب اللي بتتعب وهي تدوره

في مكتب سلطان السامي يرن التليفون
سلطان:

الو
متعب:

الو ممكن اكلم سلطان السامي
سلطان



احلى يا المؤدب ياحليلة متعب يستاذن من متى تعلمت الادب؟
متعب



يا اخي شجعني لا تحطمني
سلطان



ما تبي نجوم بعد
متعب بقهر



اقولك شي وما تضحك
سلطان



يلا قل
متعب

يوم كنت صغير اكره شي اسمه نجوم
سلطان



سلامات!!
متعب



كنت انقهر من الاستاذ اذا حليت شي وطلع صح علي يرسم على دفتري نجمه بالقلم واذا رحت البيت القى خواتي فرحانات كل وحده حاطت لها الابله لصقه على شكل نجمه وملونه بعد عاد انا اقعد اصيح واقول ما ابي ادرس لين يحط لي الاستاذ مثل خواتي ,



فنيت عمري في هالابتدائي وما شفت الا النجوم بالقلم الاحمر لا وقلم ناشف ابو نص ريال
سلطان يتمسخر



صدق معاناه وانا اقول وش فيه متعب ما يرفع راسه فوق اذا طلعنا في الليل اثرك تخاف ترجع لك الحاله
متعب



كل تبن بس انا قلت يوم اني صغير موب الحين
سلطان



بس اشك ان الاثار ما زالت موجوده والدليل ذيك الحرمه اللي بغيت تاخذها واسمها نجمه
متعب



تكفى لاتذكرني انا ما صدقت على الله انسى ,



يوم قالوا اسمها نجمه قلت اكيد اسم على مسمى ما دريت انها الله بالخير ومرجوجه وعقلها لك عليه لا واسماء اخوانها سحاب وبدر وقمر وشمس وسماء والمشكلة العقول ماش
سلطان



هاهاها من جدك


متعب



اي والله
سلطان



وش يحس به ابوهم وهو مسميهم هالاسماء ,



بالله وش وظيفته لا يكون فلكي
متعب:

لا والله يقولون طيار
سلطان



هاهاها يقطع ابليسه هالمنتهي وظيفته ماثره عليه
متعب



لا تتطنز بكره تجيب تعرس ويجيك عيال وتطلع الابداعات
سلطان كشر يوم سمع طاري العرس والعيال



لا ان شاء الله بس والله خويك ابو نجمه يهون عند غيره ,

اسامي عياله زينه مو مثل بعض الناس اللي يسمون عيالهم اسماء تفشل وما يخافون على عيالهم يتعقدون اذا كبرا ,



المهم انت وينك وش الدنيا بك قاطع هاليومين
متعب:

اعذرني يا اخوي تعرف هالصيف ومناسباته ما نفضى
سلطان:

يا اخي ما قلت تعال رز خشتك كل يوم على الاقل دق تليفون
متعب:

والله توني راجع من امريكا
سلطان



وش عندك هناك لاتكون رايح تقدم دكتوراه من ورانا ترى حنا متفقين ندرس مع بعض
متعب:

لالا تخاف انا ادرس وانتم منتب معي ما استغني عن نجومك,

بس رحت اخلص اوراق مساعد اخوي تخرج هالسنه من الثانوي وبيكمل هناك
سلطان:

ماشاء الله الله يوفقه,

الا كيف الجو هناك وكيف الشباب عساك شفتهم
متعب:

الجو هناك روعه والشباب ما عليهم ويسلمون عليك
سلطان:

الله يسلمك ويسلمهم
متعب:

سلطان
سلطان:نعم
متعب:

شفت فيونا
سلطان حس بسكين في قلبه ووجهه تغير وحمد ربه ان متعب ما يشوفه
متعب

سلطان اكلمك وين رحت
سلطان:

معاك وش اخبارها

سلطان كان وده ان متعب يقوله انها تسلم عليك او انها انفصلت عن..
متعب اللي قطع عليه افكاره:

تزوجت من حمدان
سلطان كسر القلم اللي في يده بدون ما يحس وانجرحت يده
متعب



سلطان وش فيك؟
سلطان



مافيني شي بس متى تزوجت
متعب:

لها سنه يمكن
سلطان بعصبيه:

الحيوانه ما صدقت اني ارجع وراحت تاخذه بسرعه
متعب:

انت اللي جبتها لنفسك المفروض تحمد ربك انك ما تورطت معها بشي والا تزوجتها
سلطان



اقول متعب انا عندي شغل الحين اكلمك بعدين
متعب:

مع السلامه
سلطان:

مع السلامه
سلطان حط راسه بين يديه وقام يسترجع ذكرياته
سلطان كان انطوائي نوعا ما ما يحب يختلط الا مع الناس اللي يعرفهم وما كان يحب احد يتدخل في خصوصياته حتى لو كانوا اهله وماكان يحب يكلم احد عن حياته واموره,

لين ماتعرف على فيونا,

فيونا بنت امريكية تدرس معهم في الجامعة وكانت تعرف تتكلم عربي لانها عاشت كم سنه بالخليج وكانت في نفس الكلاس اللي فيه سلطان ومتعب وعدد من شباب وبنات عرب سلطان كانت علاقته زينه مع الكل بس ما كان يحب يجلس كثير مع البنات خصوصا البنات اللي مالهم اصدقاء شباب لانه ما كان يحب فكرة ان تكون له صديقه مميزه زي باقي الشباب فيونا بدت تتقرب منه وما كان يعطيها وجه,

طبعا فيونا كانت تجلس مع القروبات اللي كلها عرب واللي كانوا يعرفون ان سلطان من عايله غنيه وجده مليونير ومشهور ,

سلطان ما كان يحب يجرحها وحاول يصدها عنه باكثر من طريقة لحد ماجته يوم في شقته

سلطان فتح الباب ولقاها في وجهه تصيح وقامت تتكلم عن معاناتها مع زوج امها وكيف انه يتحرش فيها وانه اليوم بغى يعتدي عليها وهي ما تقدر تعيش معهم,

سلطان احتار وما يدري وش يسوي خصوصا البنت جته في الليل و خلاها تنام في شقته وطلع هو وراح لشقه متعب,

وفي الصباح راح لشقته علشان يغير ملابسه ولقاها مرتبه الشقه ومصلحه له فطور و قامت تشكره وتتاسف منه لانها خلته يطلع من شقته طبعا سلطان طلب منها تدور لها شقه او غرفه وهو بيدفع عنها الايجار لين ما تتعدل امورها ,

وبعد اسبوع طلعت فيونا لبيت قريب من بيت سلطان وكانت كل يوم تزوره ومرات ترتب له غرفته وتصلح له العشاء وكل ما طلب منها انها ما تزوره تعذرت له انها تحاول ترد له الجميل ,



سلطان تعود عليها وصار يفقدها اذا تاخرت وصار هو وفيونا اصدقاء بس بدون ما يلاحظ عليهم احد,

في الجامعة كانت علاقتهم رسمية ماعدا متعب اللي كان يدري وكل ماشاف سلطان حذره منها الى ان بدى سلطان يحبها وفي يوم من الايام قالها سلطان انه يحبها وهي اعترفت له انها كانت تحبه من اول يوم شافته واقترحت انها تجي تعيش معه في شقته بس هو عارض وقال انه بيقول لاهله انه بيتزوجها بس تذكر سالفه هناء وموضوع خطوبته لها اللي ما يدري عنه الا اهله ومتعب,هناء هي من عايله السامي بس مو من القريبين من اهل سلطان ,



بعد ما تخرج سلطان من البكالوريس حط له جده عزيمه وجمع كل عايله السامي وفي يوم العزيمه وبعد ما طلع اكثر المعازيم و خفوا الناس جاء ابراهيم ابو هناء لسلطان
وقاله:

والله ياسلطان ما ادري وشلون ابدى بالموضوع
سلطان خير

ياعم
ابراهيم:

والله المثل يقول اخطب لبنتك ولا تخطب لولدك
سلطان حس ان السالفه فيها شي غلط بس سكت وما قال شي
ابراهيم:

وانا بصراحه قبل فتره حسيت بتعب وصار عندي القلب والاطباء قالوا قلبك ضعيف
سلطان:

سلامتك ماتشوف شر
ابراهيم:

علشان كذا انا قلت اعرض عليك الموضوع انت عارف ان عندي ثلاث بنات وماجوا الا عقب التعب وعلاج 17 سنه وماعندي اولاد وهالبنات انا خايف عليهم وانا ودي ازوجك بنتي هناء وما ابي منك الا انك بس تسعدها,

والله لوعيال اخواني كبار كان زوجتها منهم بس كلهم اصغر منها وانا ما ابيها تطلع وتاخذ واحد من برى العايله وانت ما شاء الله عليك رجال وكفو وما ينخاف على البنت معك
سلطان مايدري وش يقول يحس الدنيا تدور فيه كانه في حلم ويحاكي نفسه هالرجال يا انه مجنون او يستهبل
ابراهيم



هاه وش رايك؟
سلطان هذا يمزح والا جاد:

ما ادري بصراحه انت فاجاتني بالسالفه
ابراهيم:

والله السالفه عاديه ليش متفاجا البنات هم اللي يقولون هالحكي
سلطان وده يرد على الرجال بس هو مقدر مرضه وكبر سنه
سلطان وهو منحرج:

بس اللي اعرفه ان بناتك توهم صغار ومو في سن زواج
ابراهيم:

ايه الكبيرة 16 سنه وحنا الحين نملك بكم وبعد سنتين تزوجوا
سلطان ياربي لا وبنته بزر بعد,

اكبر من ريوم بسنه انا ريوم لو بكيفي تبريت منها هالبزر
سلطان:

بس ياعمي الله يرضى عليك انا بعد كم شهر بارجع اكمل ماجستير
ابراهيم:

مافيها شي والبنت بتنتظرك الين تخلص
سلطان:

لا ياعم انت تبينا نملك وانا بسافر ومدري كم بجلس هناك والواحد مايضمن عمره اخاف يصير لي شي وتترمل بنتك وهي ما بعد تزوجت
ابراهيم:

ياوليدي خلاص نخليها خطوبة وبس اهم شي انكم تصيرون قدام الناس لبعض هاه نقول مبروك
سلطان وده يطق الرجال اللي واقف قدامه وما يفهم
جاء ابو سلطان

هاه وش عندكم واقفين هنا
ابراهيم:

ابد قلت لسلطان ترى بازوجك بنتي وهو موافق
سلطان يناظر ابوه وده يصرخ لدرجه بغى يصيح وهو اللي من يوم عمره سبع سنين مانزلت منه دمعه
ابوسلطان يناظر ولده وهو مستغرب:

بس توهم العيال صغار
ابراهيم:

لا الحين بس خطوبة وبعدين الزواج اذا اخذ سلطان الماجستير
ابوسلطان:

الله يوفقهم وسكت
سلطان طلع من العزيمه وراح لبيت خويه متعب وقام يشكي له
متعب:

وانت ثور ما تعرف تقول لا ما ابي اتزوج
سلطان:

الرجال كبير في السن ومريض
متعب:

اجل مبروك الزواج
سلطان:

متعب تكفى لاتستهبل
متعب:وش اسوي فيك يعني اذا انت غبي,

كان قلت يصير خير نتفاهم بعدين
سلطان:

هو ما عطاني فرصه اتكلم,

يالله اهون علي اموت ولا اتزوج الحين
متعب:

كلم اهلك خلهم يشوفون لك حل
سلطان



ما ادري شكلي باقول لابوي سعود
رن جواله ولقاه رقم جده وكلمه
ابوعبدالعزيز:

مبروك ياسلطان وش هالاخبار الزينه واخيرا قررت تتزوج بس شغلك عندي تروح تخطب من ورانا
سلطان



لا يبه انت فاهم الموضوع خطا
ابو عبدالعزيز:

عالعموم مبروك وانت تستاهل كل خير وبنات ابراهيم الكل يمدحهم
سلطان:

لايبه انا
ابو عبد العزيز:

خلاص عن الحكي الزايد العايله كلها درت وهاك عمانك بيباركون لك
كلموه عمانه ورجال عماته وباركوا له بعدين كلمه اخوه فهد:

هاه سليطين سويتها من ورانا اوريك يا ان الشباب متحلفين فيك علشانك ما قلت لهم
سلطان:

اقول انطم بس انت واياهم وسكر السماعه
متعب:

والله لو انا منك وهذي عايلتي كان اتبرا منهم ما يعطون احد فرصه يتكلم
سلطان



تلومني في ابراهيم
متعب:

والسواه الحين
سلطان



مالي الا امي بس على الله تفضي نفسها لي
متعب:

ايه وانت صادق امك اللي بتحل السالفه
ثاني يوم راح سلطان لامه ومالقاها,

طلعت لمشغلها ومحلاتها
ومر على السالفه اسبوع كل ما جاء يكلم امه ما قدر اما ان ابوه يكون موجود او احد من اخوانه
ودخل عليها الصباح قبل ما تطلع
سلطان:

صباح الخير يمه
ام سلطان:

صباح النور
سلطان:

يمه دريتي عن سالفه الخطوبه
ام سلطان:

ايه مبروك وانا امك بس كان قلت لي ادور لك على عروس يوم ودك تتزوج صحيح بنات ابراهيم ماعليهم بس عاد فيه من هو اجمل منهم
سلطان:

يمه انا ما ابي اتزوج
ام سلطان وهي تلبس عبايتها



وش السالفه لعب بزران عقب ما حاكيت ابوها تقول ما ابي هذا انتم يالرجاجيل اذا خطبتوا وصار الموضوع جد تذكرتوا ايام العزوبيه وقلتوا هونا بس عادي ترى خوالك قالوا كذا قبلك بس محد طاوعهم لو بنطاوعهم كان ماتزوجوا عالعموم يمديك تغير رايك كم مره في هالسنتين يلا انا باروح للمشغل مع السلامه
سلطان يناظر امه وهي تتطلع ومعصب جت ريم من وراه وقرصته مع ظهره
سلطان بعصبيه



وجع يالحيوانه
ريم:

وش فيك معصب بس تصدق ما الومك تعصب دامك بتاخذ هناء,

وع الخايسه ما لقيت الاهي
سلطان



تعرفينها
ريم:

ايه هالمغروره ما اطيقها وشلون باتحملها ما ادري,

وش رايك اذا تزوجتوا تسكن انت معنا وهي تسكن في بيت لحالها.
سلطان:

اقول انا باطلع ابرك من مقابل وجهك
ريم:

لاحق على الطلعات اذا تزوجت هناء لان وجهها اشين من وجهي بمراحل
سلطان طلع و راح عند متعب
متعب:

هاه وش قررت
سلطان:

انا حجزت بعد بكره لامريكا بارجع اكمل دراستي قبل ما يجيني شي في عقلي
متعب:

تو الناس انت توك مقدم اوراقك يمكن مايقبلونك
سلطان:قعده في الرياض ما نيب قاعد اذا ما قبلوني باسجل في اي جامعة هناك ولا رحت لدوله ثانيه
متعب:

على راحتك عالعموم انا باكون هناك اذا قبلوني
سلطان راح لامريكا بعد ما اهله تعبوا وهم يقنعونه يجلس بس هو قال انه بياخذ له دوره قبل ما تبدا الدراسه
وبدت قصة سلطان مع فيونا,

طبعا هو كان ناوي يرجع يفك خطوبته و يفاتح اهله بموضوع زواجه من فيونا اللي صارت ما تفارقه حتى في الجامعة لدرجه انها اخذت اغراضها وراحت سكنت في شقه سلطان لمدة شهر وسلطان كان منحرج انه يقولها تطلع بس بعد ما قالت لكل الشله انها سكنت مع سلطان عصب عليها وطلب انها ترجع لشقتها لين ما يتزوجون
ومره كانوا جالسين سلطان وفيونا وجت مناير وهي بنت كويتية تدرس معهم هي وولد عمها سليمان وكانوا مخطوبين لبعض ومعهم ميرفت السورية وفاطمه البحرينية وراشد الاماراتي وياسر السعودي وجلسوا معهم ميرفت كانت تحب سلطان بس ما احد يدري غير فاطمه ومناير
ميرفت:

شو عندك فيونا بشوفك ما بتفارقي سلطان ولا لحظه
فيونا



عادي ليش انتي معصبه
سلطان:

وش عندك يا ميرفت تحققين
فاطمه:

هذا اهو ياء شوفيه يا مناير
سليمان:

فطوم كفي بلاج عن خطيبتي ويوزي عنها
مناير:

اشدعوه سليمان عاد البنيه ماقالت شي
سلطان يناظر الرجال اللي مر من عندهم وكان شكله عربي ومعه بنات وشباب
سلطان:

من هذا
راشد:

هذا اسمه حمدان اسماعيل ابوه من اشهر تجار الامارت بس لاتغتر بمظهره صحيح اهو تاجر حيل بس شايف نفسه عالعالم
سليمان:

من حلاه ويهه عاد
ياسر:

ايه انت شوف الجيش المرافق له بالله هالبنات وش لاقين فيه
راشد:

اهم يمشون معه علشان بيزاته يقولون مغرق هالشله اللي معاه بالفلوس ورفيجته صارت غنيه بعد
سلطان:

تصدق اول مره اشوفه
فاطمه:

علشان اهو ما يي كل يوم وانت بعد دايم حاكر عمرك بالدراسه
ميرفت:

اه نيالها رفيقته
مناير:

مالت عليج انت واياها طاح حظج
ميرفت:

وين بتحصلي واحد بيحبك ويغرقك بالمصاري متله
سلطان:

اقول انا باروح عندنا محاضره تبون تجون والا في قريح
الشله:

شنو وميرفت شو قلت
ياسر

انت ابد ما عندك اسلوب يا اخي قول الفاظ تحببنا في الدراسه
سلطان:

كانك كبر الحمار وتبيني احببك في الدراسه فما عاد في الدنيا خير
راشد:

وهاي كله جي ما يعرف يتحجى عدل
ياسر:

ماعليكم منه تصدق سلطان حزات ودي البخك وادبغك ثم امسط بك
سلطان يقلد متعب في كلامه الجنوبي:في تيه القفا تاك ان هالشنب ماهو على رجال
سليمان:

لاعاد انت واياه مصختوها تحجوا عربي نبي نفهم كله تقطون بدليات
ياسر:

وش دعوه قاعدين نرطن
سلطان:

هي سليمان لاتفشلنا هذا كلام عربي قال بدليات قال
راشد:

معاه حق سليمان ما فهمنا شي من حجيكم
ياسر:

ابويه راشد انت اخر واحد يتحجى على لهجتنا لان اكثر جلامك ماافهمه
راشد:

هيه عيل ترجم لي شقاعدين تقولون من شويه
سلطان:

قل في تيه القفاتاك عشر مرات ونترجم لك
راشد:

لا هاي جلمت متعب جلامه صعب وايد
سليمان:

حتى يسور من يبدى يتحجى قصيمي ثم يقلب حجازي احسه يقول حجي غريب
سلطان:

خلصونا المحاضره بتخلص وانتوا تبربرون
فيونا



انا تعبانه ماراح احضر بروح للبيت
الشباب قاموا كلهم ماعدا سلطان
سلطان:

سلامات فيونا فيك شي اوديك المستشفى
فيونا:

لا بس شويه وجع بالراس وبيروح
سلطان:

خلاص راح اوصلك للبيت
فيونا:

لاحبيبي انت روح احضر المحاضره علشان اخذها منك انا مافيني شي
سلطان



اكيد
فيونا:

اكيد
سلطان



اذا بغيتي اي شي اتصلي علي
فيونا:

طيب
ومن هاللحظه بدت فيونا تتحجج وتقلل طلعاتها مع سلطان وقلت روحاتها على الجامعة وكل ما سالها سلطان تحججت انها بتسكن مع جدتها المريضه ومشغوله بنقل اغراضها سلطان انشغل بالامتحانات وبعد الامتحان اتصلت فيونا على سلطان وسالته وين هو موجود فيه وكان في شقه متعب وقالها عن مكانه وطلبت منه ما يتحرك من مكانه لين ماتجي جت فيونا وفتح سلطان الباب:
اهلين فيونا تفضلي
فيونا:

لاسلطان انا ابغى اعطيك شي واروح لاني مستعجله وطلعت من شنطتها ظرف وعطته اياه
سلطان



وش هذا
فيونا:

هذا لك يلا مع السلامه
سلطان

لحظه فيونا
فيونا راحت وماردت
جاء متعب:

وينها
سلطان باستغراب:

راحت بس عطتني هذا الظرف
متعب:

وش ذا
سلطان:

مدري
متعب



افتحه وشف
سلطان فتح الظرف ولقى فيه ورقه وصورة صغيرة لفيونا
حط الصورة في جيبه وفتح الرساله وكان مكتوب فيها
حبيبي سلطان:

لا اعرف ماذا اقول لك ولكني مضطره لاخبارك بكل شئ وانا اسفه لذلك
لقد احببتك منذ اول لحظه رايتك فيها وعملت جاهده لكي الفت نظرك واستميل قلبك نحوي بشتى الطرق وقد نجحت في ذلك قد اكون اخطات في هذا الامر ولكن هذا لايهم الان,

حاولت جاهده ان اجرك لاقامه علاقه معي ولكنك رفضت وطلبت انت ان يكون ذلك بالزواج وقد وعدتني بذلك
وفرحت انا لهذا ولكن بعد ان اقتربت منك كثيرا وعرفت اطباعك جيدا فكرت مره اخرى في هذا الموضوع لانني لم اشعر بانك تحبني او تهتم لامري اعلم انك قد قلت لي انك لاتجيد التعبير عن مشاعرك ولكنك ايضا لم تظهر لي اهتمامك بي كنت اتمنى ان نكون مثل باقي العشاق تغمرني بكلماتك الجميلة وتغدق علي الهدايا فانا اعرف انك شخص غني جدا حتى عائلتي كانت امالها معلقه عليك لانتشالنا من الفقر ولكنك شخص واعي جدا صحيح انك ساعدتنا في كثير من الامور الماديه ولكنك كنت حذرا في ذلك,

انا لم اندم لحظه على تلك الايام التي قضيناها سويه وتلك الليالي التي سهرناها معا,

بل مازلت اتذكرها وانا سعيدة بتلك الذكريات عندما اخبرتني بانك ستخبر اهلك بموضوع الزواج في هذا الصيف اردت ان اخبرك با انني لا استطيع الزواج منك لانني وقعت في حب شخص اخر وهو رجل غني جدا ووعدني بمساعدة عائلتي وقد قام بذلك فعلا ولم يبخل علينا بشئ,

لذلك اردت اخبارك بكل ما حدث معي والاعتذار منك عن الوعد الذي وعدتك به وهو عدم التخلي والابتعاد عنك,

لقد حاولت ولكني لم استطع فقلبي الان يملكه رجل اخر وعقلي يملكه مال ذلك الرجل,

وانا اسفه من اجلك

حبيبتك الدائمه



فيونا

سلطان انصدم من اللي قراه ورمى الورقه على الارض بدون ما يحس وصار يمشي وهو يصيح وهو مايدري وين يروح حس بكل انواع العذاب والحسره تمنى ان الايام ترجع ويسوي لفيونا كل اللي تبغاه
متعب اخذ الورقه وقام يقرى وعصب لانه من الاول عارف حقيقة فيونا انها ما تبغى غير الفلوس:

الحيوانه قايل لك من الاول انتبه من هالبنت رفع متعب راسه وما لقى سلطان طلع من الشقه وطل مع الدرج لقى سلطان ينزل وهو حالته حاله
لحق سلطان ولقاه واصل عند الشارع العام وهو مثل الضايع ناداه بصوت عالي علشان ينتبه من السيارات بس سلطان كان عقله مشغول مومنتبه للي يصير حواليه
متعب راح يركض يبي يبعد سلطان عن السيارة اللي جايه بسرعه من ناحيته ركض متعب وهو ينادي على سلطان ووصل قبل السيارة ودف سلطان وطاح هو واياه من الجهه الثانية للشارع
متعب:

انت مجنون وش تبي تسوي تبي تذبح عمرك
سلطان مارد عليه بس دموعه تنزل
متعب وهو يمسكه:

قم يارجال خلنا نروح البيت
قام سلطان بدون ما يتكلم مسكه متعب ودخله لشقته ويوم شافه تعبان وموب قادر يتكلم معه,

دخله الغرفه وخلاه ينام على السرير
وطلع وسكر عليه الباب وجلس في الصاله مرت الساعات ومتعب كل شوي يتطمن على سلطان ويلاقيه نايم
في نصف الليل قام متعب اللي كان نايم في الصاله على صوت الباب وطلع بسرعه لقى سلطان نازل مع الدرج وحالته حالة وجهه اصفر وعيونه حمر
متعب:

وين بتروح
سلطان:

بروح اذبح الكلب اللي بياخذها مني
متعب:

تعوذ من ابليس وامش معي
سلطان:

لا خلني اروح ابرد قلبي ليش انا اللي احبها ويجي واحد ثاني ياخذها مني ليش والله ما اخليه
متعب:

استغفر ربك يا رجال على بالك اذا ذبحته بتاخذها اصلا البنت ما تبيك من الاول,

هي ما تبي الا فلوسك والحمدلله انها قالت لك بنفسها في الرساله
سلطان



بس انا احبها احبها وقام يصيح وقعد على الارض
متعب مسك سلطان وقومه علشان يمشي معه ادخل يا ابن الحلال ازعجنا الناس في هالليل
سلطان كانت حالته صعبة ونفسيته تعبانه دخل مع متعب لشقته وجلس في الصاله جاء متعب وجلس جنبه:

سلطان تعوذ من ابليس واذكر ربك يااخي الحمدلله انك ما بعد اخذتها هالبنت تدور على الفلوس اصلا هي ما تحبك هي تحب فلوسك
متعب شاف فيونا مره مع حمدان بس ما قال لسلطان حب انه يعرف السالفه بنفسه
سلطان:

ياليتني عطيتها اللي تبي ولا خليتها تروح من يدي انا الغبي اللي ضيعتها
متعب:

انت ما ضيعتها ولا تعذب عمرك علشانها الحرمه بدالها حرمه
سلطان بعصبيه



انت ما تفهم اقولك احبها تعرف وش معنى هالكلمه
متعب:

وهالحب انتهى وهي اللي اختارت تنهيه
سلطان:

وانا ما راح اخليه ينتهي
متعب:

اصلا هذا مصيركم انكم تتفارقون والا انت مصدق ان اهلك بيخلونك تاخذها
سلطان:

انا باخذها غصب على اللي ما يرضى
متعب:

وغصب عليها بعد
سلطان:

انا ما راح اخليها بروح لها وبكلمها
متعب



يصير خير اذا جاء بكره رح وسو اللي تبي بس هاللحين خلنا ننام والصبح يصير خير
دخل سلطان الغرفه وهو معزم انه يروح لفيونا الصبح وكان عنده امل ان الامور بترجع بينهم مثل الاول
متعب بعد ما نام سلطان طلع وراح لفيونا طق الباب عليها وفتحت له وكانت حاطه اغراضها وشنطها عند الباب
فيونا:

اهلين متعب تفضل
دخل متعب للصاله وفيونا وراه



تفضل
متعب بعصبيه:

انا ما جيت علشان اجلس انا عندي كلمتين بقولها لك معك وقت الى الصباح علشان تبعدين عن هالمكان واذا جاء الصبح وانتي ما رحتي بتشوفين شي ما عمرك شفتيه
فيونا:

انت تهددني
متعب:

ايه اهددك علشان سلطان اسوي اي شي
فيونا باستهزاء:

ليش وش بتسوي
متعب:

شوفي فيونا لاتتحديني لاني اقدر اسوي اي شي واذا انتي خايفه على حياتك فالاحسن تبعدين عن هالمكان انتي تدرين اني مسكت سلطان قبل شوي على الدرج وهو كان ناوي يجي يخلص عليك انتي وحبيبك,

بس انا منعته,

حرام يصير مجرم علشان وحده زيك وعلى فكرة انا ما قلت لسلطان من هو حبيبك وانتي عارفه سلطان اذا عرف وش ممكن يسوي فيك وفيه ,



عالعموم اذا تبين تعيشين انتي وحمدان بسلام ياليت تطلعين من هنا قبل الصبح وتغيرين رقمك وما تجين هالمنطقة مره ثانية او تحاولين تتصلين في سلطان والا والله لا اذبحك انا هالمره موسلطان فاهمه
فيونا والخوف باين عليها:

انا اصلا كنت مجهزه اغراضي لاني بطلع بكره
متعب:

الحين تطلعين
فيونا:

ما اقدر خلاص بكره
متعب



انا رايح وبرجع بعد ثلاث ساعات وان لقيتك هنا ما راح يصير لك خير
فيونا سكتت وما ردت
نزل متعب وشغل سيارته ووقفها بعيد عن عمارتها وقعد يراقبها
بعد ساعتين شاف فيونا تنزل اغراضها وركبت السيارة وراحت
متعب رجع لشقته ودخل على سلطان ولقاه نايم
صحى سلطان الصباح ولقى متعب قاعد يشرب شاهي في الصاله
متعب



صباح الخير
سلطان



صباح النور
متعب:

كيفك اليوم
سلطان:

لا احسن الحمدلله ,



انا طالع
متعب:

بدري وين بتروح على الصبح
سلطان:

بروح لفيونا
متعب

اجل انا بجي معك
سلطان:

لاانت خلك هنا ابغى اتكلم معها لحالنا
متعب:

لا انا بقعد في السيارة انتظرك ماراح اخليك تروح لحالك
سلطان:يلا اجل
راح سلطان ومتعب لشقه فيونا سلطان



موقلت بتنتظرني في السيارة وش جابك
متعب:

ياخي اذا جيتوا تتكلمون بطلع لاتخاف
سلطان طق الجرس اكثر من مره وماردت عليه وعصب:

اكيد عرفت انه انا وما تبي تفتح وصار يطق الباب بقوه
انفتح الباب اللي مقابل لشقه فيونا وطلعت وحده كبيرة في السن وقالت لهم ان فيونا تركت العماره
سالها سلطان وين راحت
قالت ان فيونا سلمت عليها امس وقالت لها انها بتسافر خارج امريكا
سلطان عصب

ليش تسوي فيني كذا ليش طلع جواله ودق عليها وصار جوالها مقطوع
متعب:

هاه يرن
سلطان بعصبيه:

مقطوع
متعب:يلا خلنا نمشي
سلطان مارد عليه قاعد يناظر في باب الشقه متعب سحبه مع يده علشان يروحون ركب سلطان السيارة وحط راسه بين يديه
متعب:

خلاص يا سلطان لاتضيق صدرك علشان هالحيوانه
سلطان:

لاتقول عنها كذا
متعب هز راسه وسكت
سلطان:

نزلني هنا
متعب

ليش
سلطان بتمشي شوي
متعب نتمشي مع بعض اجل
سلطان:

انت ليش نشبه
متعب



قول كل اللي في خاطرك ماراح ازعل بس انا ماراح اخليك لحالك لو وش يصير
سلطان:

اجل ودني لشقتي
متعب:

لا انت بتجي معي بنروح ناخذ اغراضك وبتجي عندي
سلطان:

متعب وبعدين معك
متعب



خلاص اجل انا اللي بجي معك بس نمر شقتي اول اخذ اغراضي
سلطان اول ما وصل لشقته دخل غرفته وقفل على نفسه الغرفه وقعد يصيح وهو يتحسر على فيونا ولحظاتهم مع بعض سوالفهم وضحكهم فيونا هي الوحيده اللي قدرت تدخل حياته هو انسان كتوم انطوائي نوعا ما ما يحب احد يعرف اسراره ولا احد يشاركه تفكيره شخصيته كانت غامضه حتى بالنسبة لاهله ,



فيونا اللي دخلت حياته وقلبت كيانه خلته يحس ان الدنيا لها طعم لانه كان عايش من قبل حياة ممله من هو صغير وامه كانت مشغوله عنه باشغالها وابوه نفس الشي وتربيته كانت على يد الخدامات وام حمدان وهي حرمه كبيرة في السن اهلها يشتغلون عند جد سلطان ابو عبد العزيز وهي بعد ماتزوجت صارت هي وزوجها يشتغلون في بيت ابو سلطان هي اللي كانت شايله البيت وربت سلطان مع ولدها حمدان ورضعته معه وصار ولدها بالرضاع واعتنت فيه لين ما كبر ودخل المدرسة بعدين امه حطت له مربيه متعلمه علشان تساعده في دراسته بس سلطان صار انطوائي,

كبر وصار انسان غامض ما يحب احد يتدخل في خصوصياته سافر ودرس وشخصيته ماتغيرت الا لما دخلت فيونا في حياته وصارت تجلس معه وتسولف له عن حياتها وهو صار يتجاوب معها ويسولف لها عن نفسه عاش احلى ايام حياته مع فيونا كان يسولف لها عن كل شي,

صارت تعرف قصة حياته وكل كبيرة وصغيرة كانت قريبه منه لاقصى حد وتفهمه مثل ماهو يفهم نفسه يطلعون مع بعض ويتمشون ويدرسون ويسولفون ويضحكون لدرجه انهم اتفقوا على الزواج بعد التخرج وعلى المكان اللي بيحتفلون فيه حتى عدد العيال اللي بيجيبونهم وكان ناوي يفاتح اهله في هالموضوع في هالاجازة وحجزه بعد يومين وفاجاه وبدون مقدمات انتهي كل شي .


سلطان ما طلع من غرفته اسبوع كامل كان متعب يدخل عليه ويغصبه على الاكل ويحاول انه يطلعه من الحالة اللي اهو فيها بس سلطان ما كان راضي كانت نفسيته تعبانه ودايم ساكت يناظر اللي حواليه بدون مايحس مثل الغبي وصورة فيونا ماسكها طول الوقت في يده ,

متعب تعب من حالة سلطان واللي يسويه في نفسه اخذ مرايه كبيرة ودخل على سلطان
جلس على السرير وسحب صورة فيونا ورماها على الارض
سلطان يناظره وهو معصب:

وش سويت
متعب بعصبيه:

الا انت وش سويت شف نفسك شف حالتك وين وصلت وحط المرايه قدامه طالع عمرك بالله هذا وجه هذا,

معقوله سلطان السامي يصير فيه كل هذا وين سلطان العاقل الرزين الراكد اللي الكل يحترمه واللي الشباب يحسدونه على عقله وشخصيته القوية شف نفسك وجاوب بالله لو يشوفك احد بهالحالة وش تتوقع يقول عنك ,

ابوك اللي واثق فيك ومخليك تروح تدرس وما منعك مع انه في اشد الحاجة لك علشان تمسك معه اشغاله لو شافك في هالحال وش بيقول عنك
وجدك اللي مفضلك على باقي احفاده ويعدك ولد مو حفيد وش بيقول عنك وامك واخوانك حتى ابراهيم اللي جاك بنفسه وعرض عليك بنته لانه واثق فيك
سلطان وهو يصيح:

خلاص متعب اسكت تكفى اسكت
متعب:

لا مانيب ساكت انت قاعد تدمر عمرك وعلشان ايش وحده حقيره تركتك تعذب عمرك وهي عايشه مبسوطه ولا فكرت فيك انا مانيب مخليك تذبح عمرك واسكت فاهم والا لا وطلع متعب وهومعصب
وبعد يومين قام سلطان من السرير ووقف يشوف نفسه في المرايه حالته حالة وجهه اصفر وعيونه حمر وشفايفه بيض ولحيته نابته وشعره معفوس دخل الحمام غسل وجهه وطلع وشاف صورة فيونا اللي رماها متعب على الارض رفعها وحطها في بوكه وراح عند التسريحه وشاف علبه دخان عليها وقعد يتذكر يوم اخذها من فيونا كانت جايه تاخذ منه فلوس ايجار شقتها قبل شهر دخل يجيب الفلوس من غرفته وطلع ولقاها تدخن
سلطان مستغرب:

من متى تدخنين؟
فيونا:

من كم يوم بس
سلطان:

يلا طفي السيجاره
فيونا:

ليش؟
سلطان:

انا ما احب التدخين اولا,

ثاني شي ما عندنا حريم يدخنون عيب
فيونا:

بس انا غير مو مثل باقي الحريم
سلطان:

ادري يا حبيبتي انك غير علشان كذا اقولك لا تدخنين
فيونا بدلال:

حبيبي خلني على راحتي ومدت له العلبه والولاعه



يلا سلطان جرب
سلطان اخذ العلبه والولاعه وحطها في جيبه:

اذا كنتي تحبيني اتركي التدخين
فيونا:

طيب باحاول اتركه
فيونا ما تركت التدخين وسلطان عارف لان ريحتها دايم دخان وما قال شي علشان ما يتهاوشون
دخل متعب على سلطان وشاف العلبه معه وباستغراب:

سلطان من متى تدخن
سلطان يناظر العلبه وتذكر فيونا وريحه سجايرها
سلطان:

من اليوم وطلع وحده من السجاير وحطها في فمه وولعها
متعب يهز راسه وهو ما يدري وش يقول:

يلا امش معي مصلح لك ذاك الفطور السنع
سلطان:

ما اشتهيت متعب راسي يعورني ودي بكوب قهوه
متعب:

قهوه ودخان على الصبح
سلطان:

يا اخي خلني على راحتي
متعب:

بس بشرط تطلع تقعد معي في الصاله طفشت وانا لحالي
سلطان:

طيب انت اطلع وانا جاي
متعب وهو عند الباب وهو يضحك:

بقولك شي ولا تعصب يا ليت تتسبح وتحلق لانك تقرف,

وانت نظيف يا الله اتحملك وشلون وانت مبهذل
سلطان ضحك على متعب وهز راسه
متعب طلع من الغرفه وهو مبسوط لان سلطان اليوم نفسيته احسن من الاسبوع اللي راح
طلع سلطان من الغرفه وهو محلق ومتسبح ومغير ملابسه وجلس في الصاله
متعب



وش رايك بعد شوي نطلع نتمشي ونحجز عاد علشان نرجع والله اني مشتاق للرياض واهلها
سلطان:

انا ماراح ارجع
متعب وهو مو مصدق:

ليش ان شاء الله اخبرك بتموت علشان ترجع
سلطان بياس وهو يتنهد:

هذاك اول يوم عندي سبب بس الحين وسكت
متعب:

واذا جلست علبالك الدنيا بتتغير والا الامور بتتصلح
سلطان:

لا انا بجلس وبسجل في كورس هالصيف لاني ناوي انزل كل المواد اللي باقيه لي الفصل الجاي
متعب:

انت ناوي تذبح عمرك بهالدراسه
سلطان:

خلاص متعب لاتناقشني في هالموضوع انا قررت وخلصت
متعب

اسمعني ياسلطان
سلطان يقاطعه:

خلاص متعب قفل الموضوع
متعب

على راحتك بس ترى انا معك في كل شي حتى في الدراسه بنزل المواد اللي بتنزلها
سلطان:

يا اخي ما عليك مني ادرس على راحتك
متعب



لا انا ما اتخيل اني ادرس وانت مو معي يا اخي مستحيل اتخلى عن ملخصاتك وشرحك
سلطان:

يعني مو علشاني علشان الملخصات
متعب

من زين وجهك علشان اقابلك

  • رواية سلطان الحب كاملة
  • رواية سلطان الحب البارت الاخير
  • رواية سلطان الحب
  • رواية سلطان الحب الجزء الثاني والخمسون الارشيف
  • سلطان الحب
  • روايه سلطان الحب
  • رواية سلطان الحب الجزء الاخير الارشيف
  • تحميل رواية سلطان الحب كاملة
  • الجزء الاخير من رواية سلطان الحب
  • البارت الاخير من روايه سلطان الحب
2٬419 views

رواية سلطان الحب كاملة