يوم الإثنين 12:06 صباحًا 20 مايو، 2019

رواية واخيرا حبينا بعض

صور رواية واخيرا حبينا بعض

“البارت الاول”

فى بيت ابو مصعب الساعة 6 الصبح)

كانت الشمس مشرقة تنور الدنيا بنورها و على احد النوافذ منزل ابو مصعب كانت مرام نايمة او نقدر نقول في سابع نومة دخلت عليها امها و راحت لى عندها يمة مرام يلا حبيبتي قومى الساعة الحين 6 بتتاخرين يلا

مرام بصوت نايم انزين انزين بس 5 دقايق و اقوم

(مرام حلوة بمعنى الكلمة سمرة فاتحة و اايد لدرجة توصل الى البياض و عيونها مكحلة و لونها عسلية و خشمها صغير يناسب ملامح و جها الطفولى و شفاتها و رديتين غامجين متوسطين و عمرها17 سنة

ام مصعب تهز راسها يعني 5 دقايق بتشبعج نوم يلا قومى علشان ما تتاخرين على المدرسه

مرام بتعب و تكاسل و النوم في عيونها قامت و دخلت الحمام و هي تتحندة اففففف متى اخلص مدرسة مليت

ام مصعب و هي تطلع من الغرفة و ى من حلاة قعدت البيت عاد يلا بسرعة يمة لا تتاخرين.

بعد ما طلعت ام مصعب من بنتها راحت و قعدت و يا ابو مصعب يتريقون ام مصعب ربت منزل و تحب عيالها و ايد و اكثر شي تدلع و لدها العود مصعب و عمرها 44 سنه.)

كان مصعب معاهم مصعب شخص و سيم بنيتة الجسدية عريضة و فيها عضلات و هو من الطراز الشوى قديم و متشدد شوى بدين عمرة 24 سنة

ام مصعب و هي تصب الجاى حق ابو مصعب افف تعبتنى هل المرام و ايد تحب النوم

ابو مصعب و هو ياخذ منها الجاى الله يعينة و يعين الى بياخذها

ام معصب و هي تطالع مصعب و تضحك هههههههههههة اي الله يعينة وان شاء الله نشوفها عروس بس خل مصعب بالاول يعرس لانة هو البجر و اكيد يبى يفرحني

(ابو مصعب رجل شديد و صارم و يحب عيالة و ايد و عمرة 49 سنه).

مصعب مثل كل مرة يحاول يتهرب من طارى الزواج اقول يبا انا اليوم لازم اروح من وقت المكتب تعرف و ايد اشغال عندي يلا مع السلامه

قام من مكانة على طول و طلع من البيت قبل ما يقولون له مع السلامه

ام مصعب الى تضايقت من الخاطر على مصعب ياربي

ابو مصعب و هو ينزل الجاى سمعيني يا شيخة اذا و لدج يبى يتزوج بيتزوج لا تعورين راسج و قلبج يا شيخة ام مصعب اسمها شيخه في هذا الوقت نزلت مرام و هي لابسة زي المدرسة الكحلى الازرق الغامج و لامة شعرها ذيل حصان و منزلة قذلة و كانت لابسة شنطتها و هي تمشي للباب بتطلع من البيت يلا مع السلامه

ام مصعب و اابو مصعب تريقى بالاول

مرام يبا يما تعرفون انا ما احب اتفطر ايام المدرسه

ابو مصعب شالطبع يلا تعالى تريقي

ام مصعب لا تحاول ما راح ينفع معاها عنيدة و راسها يابس

مرام و هي طالعة يلا باااااااي

اابو مصعب و ام مصعب مع السلامه

————————————————————–

بيت ابو سعد الساعة 9ونص)

فى بيت ابو سعد و بالتحديد غرفة سعد كان يتكلم في التلفون سعد و هو مغمض عيونة و منسدح على السرير حياتي و لهت عليج و دى اشوف عيونج الحلوه

البنت بصوت دلع هههههههة انا بعد يا حياتي متولهة لك من زمان ما شفتك بس تعرف ظروفى في هاليومين ما اقدر

سعد و هو يتنهد بصوت عالى اقول رغودة حياتي

رغد: هلا امر عمري

سعد و هو يعدل في قعدتة انا بصراحة خلاص ما اقدر انتظر اكثر حياتي و راح اتقدم لج و لى فيها فيها

رغد طايرة روحها من السعادة و الوناسة صج حياتي

سعد و بنبرة رومانسية اكيد يا عمري اكيد

رغد و بصوت فرحان يالله اشكثر انا مستانسه

سعد خلاص عيل انا اليوم بكلم الاهل

رغد طيب حياتي

سعد: طيب ان شاء الله انا الحين باروح الشغل اكلمج بعدين

رغد: ان شاء الله باى حياتي

سعد رغد

رغد هلا بعيون رغد

سعد انا احبج

رغد ………………………

سعد: رغد انتي معاي

رغد اي معاك

سعد انا احبج

رغد و انا

سعد: و انتي شنو

رغد مثلك

سعد شنو مثلي

رغد انت تعرف يلا اخليك الحين علشان ما تتاخر على الشغل يلا باى حياتي

سعد: اوكو باى عمري

سعد انسان رومانسي و ايد و طيب و يشتغل مع اابوة بالشركة و هو اكبر من اختة و اخوة و عمرة 25 سنة و دوم يحب يتسبب في اخوة …سعد يهبل بكل معنى << يعني تحطيم و سكسوكتة عذااااااب .

 

 

بالاختصار معذب قلوب.).

 

شعرة بنى فاتح و عيونة عسلية فاتحة ما ااااايلة للذهبى …

شعرة طويل شوى لين تحت اذنة .

 

 

و عندة سكسووووكة تجنننن و عندة غمازة على خدة اليسار .

 

.

عيونة عسلية

اما رغد فهي و ايد بنت نعومة و خجولة و رومانسية و حلوة كلها انوثة و تجذب الكل و عمرها 20 سنه

شعرها اسود طويل و عيونها سودة و واسعة و بياضها بياض الثلج)

سكر سعد التلفون و هو فرحان و من كثر الفرح ضم التلفون و قام يحببة و بعد الجنون طلع من غرفتة في الصالة كانت ام سعد و سلطان يتفطرون

سعد صباح الخير

ام سعد سلطان صباح النور

قعد سعد علشان يتفطر الى وين اابوى يما

ام سعد اابوك راح الشغل يقول و ايد عندة اشغال تريق بسرعة و طلع

سلطان اي احسن من سعد راقد لى هالحزة و لا كانة عندة دوام اليوم

سعد عشتوا اقول اسكت و اكل تبن احسن لك و انسرد لا اعطيك ابوكس الحين

سلطان افففففففففف خلاص شبعت انا باروح الجامعة احسن لى باي

ام سعد تو الناس

سعد خلية يمة احسن يفكنا من لسانه

سلطان يما شفتي و لدج شيقول عني

ام سعد الله يهداك يا سعد ليش تقول له جذي

سعد انا ما قلت شي غلط علشان يزعل

سلطان افففف شكلة اذا قعت زيادة بتزيد عندي الغثة يلا باى و طلع سلطان من البيت اما ام سعد فقعدت تعاتب و لدها سعد على الى سواة حق سلطان

(سلطان عمرة 19 سنة و دوم يتهاوش مع اخوة و بعدين يتراضون و يصيرون سمنة على عسل هو انسان حابوب و كومدى و دمة خفيف و مغازلجى من الدرجة الاولي يخقق مرررة <<< انقلبت اللهجة خخخخخ و عندة سكسوكه

عذااااااااااب ….

 

يميل للبساطة في كل شي …شعرة اسود نااعم و عيونة عسلية ناعسة و شخصية مرحة و ااااايد و غشمرجى و الباقى راح تعرفونة من احداث القصه)

(ام سعد تحب زوجها و عيالها و ايد و هي كبيرة بسن و مريضه

بمرض القلب و عمرها 47 سنه)

ام سعد شفت اسويت اكاهوا طلع و هو زعلان

سعد بطقاق لا تعورين راسج يما المهم يما انا ابيج في موضوع

ام سعد خير ان شاء الله

سعد و هو يناظر الفراغ يمة ….

 

ابي… ابي

ام سعد و هي عاقدة حواجبها تبى شنو يمه

سعد انا يمة قررت اكمل نص دينى و اتزوج

ام سعد الى طارت من الفرح هذي الساعة المباركة مبروك يا نظر عيني

سعد استانس لوناسة امة تسلمين الله يبارج فيج يمه

ام سعد و بفرح خلاص اليوم بكلم اابوك علشان نزوجك و اذا على البنت انا بدور لك بنت الحلال الى تناسبك و تسعدك يما

سعد و هو يقوم من مكانة لالا يمه

ام سعد و هي مستغربة ليش!!

سعد يحرك يدة في الهواء على دليل الشرح انا يمة الى حبيت اقوله انه ما لا داعى تدورين لانة البنت موجوده

ام سعد و هي تناظرة على طرف عيونها و الابتسامة شاقة حلجها البنت موجودة هاااا من و رانه

سعد و هو يبتسم حق امة يمة لاتحرجيني

ام سعد و هي تضحك: هههههههههههة فديتة الى ينحرج انزين قولى من هذي البنت يعني عروستنا

سعد: هذي بنت اسمها رغد راشد ال…..

ام سعد و النعم انزين قلت حق اابوك

سعد يما ان قلت لو انتي تقولين له احسن

ام سعد ابشر ان شاء الله خير يما يلا الحين روح الشغل لا تتاخر اكثر

سعد و هو يحب راس امة ان شاء الله

طلع سعد من البيت و ام سعد تدعى له بالتوفيق

————————————————————–

فى الجامعة الساعه11 الصبح)

كان حمد توة طالع من المحاظرة مع ربعه

حمد اففففف حشي اليوم المحاظرات ما تخلص الى بطلعت روح

خالد صديق حمد): اي و الله صدقت

وليد(صديق حمد): طيب عيل شباب خلونا نروح الكافتيريا احسن لنا

الشباب كلهم يلااااا

راحوا الشباب الكافتيريا و قعدوا يم طاولة كله فيها بنات كانوا البنات يطالعون الشباب و اكثرهم حمد حمد و سيم يشبة اختة مرام شعرة ناعم لونة بنى غامج و اسمر اللون لكن فاتح و بنيتة الجسدية قوية و هو مفتول العضلات مثل اخوة مصعب و عمره22 سنه في الجهة الثانية كانت نورة مع صديقتها طالعين من المحاظره

نورة اقول ساره

سارة هلا قولي

نورة شرايج تين اليوم بيتنا علشان ندرس مع بعض حق الاختبار تعرفين انا ما ينفع معاى الدراسة بروحي

سارة و هي تضحك ههههههههة و الله انتي شي بصراحة كانج ياهل صغيرة لازم حد يدرسها و يوقف فوق راسها

نورة و هي تسوى روحها زعلانة انا اوكو ايى منج اكثر يا سارة مشكورة يا الغلا

سارة و هي تراضى نوره: و ية عليج فديتج ياحياتي و الله

فى هالحظة دق جوال سارة شافت سارة التلفون(خلود سارة و هي تابوز حق نورة افففففف هذي خلود الهبله

نوره: انزين ردى سارة و هي ترد الوو هلا و الله ههههههة و الله انتي الى ما تسالين..هاا ….

 

اى اي انا و نورة تونا طالعين من المحاظره……اوكو وين انتوا…….خلاص الحين يايين … باي

سكرت سارة من خلود سالتها نوره: خير شتبي

سارة و هي تتافف: افففففف تقول تعالوا قبل لايفوتكم

نورة و هي تعقد حواجبها ليش شنو بفوتنا

سارة و الله ما ادرى بس قلت لها بنروح لهم

نورة عيل يلاا

(نورة بنت حبابة و كول و ايد نعومة و حلوة و شخصيتها الكل يحبها و عمرها 18 سنة نورة فتاة راااائعة جدا و حلوة .

 

.

 

شعرها اسود طويل و عيونها سودة و واسعة …هابوولة و اايد…

بس حنونة و اايد و حساسة و واعية و اعقل و حدة من البنات)

(سارة صديقة نورة بروح من ايام المدرسة و دوم مع بعض بس للاسف السنة الجامعة صارت محاظرات سارة تختلف مع نورة و ما تكون معاها الا في محاظرة و حدة و عمرها 18 سنة و جميلة و ايد بس السانها طويل)

راحوا سارة و نورة الكافتيريا و قاموا يدورون على البنات شافوا طاولة عودة كلها بنات و يمهم طاولة كلها شباب و الحالة مصخرة لدرجة انه نورة و صديقتها سارة استحوا يروحون يقعدون معاهم سارة بصوت اشبة للهمس نورة شنو بنقعد معاهم

نورة ههة و الله ضحكتينى اكيد لا يلاا يبا نمشي ما لى انا على هالسوالف اخاف احد يشوفنا مع هالبنات و يقولون عنا حجي

سارة اي و الله و انتي الصاجة يلا نمشي

نوره: مشينا

توهم بلفون الى صوت و حدة من البنات تصارخ بسمهم ساااارة نوووورة في هالحظة سارة و نورة انصدموا يقولون في روحهم فشلتينا الله يفشلج فضحتينا نورة تطالع ساره: بل بل بل حشي فضحتنا بصوتها الحين ما اعتقد احد في الجامعة ما عرف اسمنا

سارة و هي تهز راسها اي و الله

فى الطرف الثاني كانوا الشباب يدورون سارة و نورة الى ياهم فضول يعرفون من هم و انصدموا يوم عرفوا سارة و نورة لانة شكلهم محترمين و لابسين شيلات و محتشمين في لبسهم يعني مو راعين سوالف و خصوصا حمد الى تفاجا بنورة بنت عمة طبعا ما يحتاى اقول لكم شلون شكل نورة و سارة بهل اللحظة و يهم طماط و يطلع منهم شرار من الحمق الى هم فيه و الموقف المحرج الى ما ينحسدون عليه تجدموا لطاولة البنات و حدة من البنات راحت لهم تسلم و انصدمت منهم لانهم صدوا عنها و راحوا حق خلود الى هي صارخت عليهم

سارة و هي تصر على ضروسها خلود شالحركة الى سويتيها انتي ما تستحين انتي لين متى بتمين جذى تدرين هذا الى سويتية يسمونة قله ادب و محد يسوى مثلة الا الى ما تربة ما خليتى احد في الجامعة ما سمع و عرف اسمى و اسم نوره

خلود و هي رافعة حاجب نعم عفوا شقلتى انا شنو

نورة و هي تطالعها من فوق الى تحت اعتقد سمعتى شقالت سارة ما لا داعى تعيد و تزيد ياخلود هانم

خلود عصبت و قامت و لزقت بسارة و نورة و هي تهمس لهم انا ما سويت شي غلط اولا ثانيا انا ما اسمح لكم تكلمونى بهالطريقة اوكو

(خلود بنت و العياذ بالله و ايد شايفة نفسها و مغترة بعمرها على انها بنت عادية يعني مو جميلة و لا هي بكريها لكن مقابولة و تحب تلفت انظار الشباب و هي من النوع الى عادي يبيع عمرة و هي بعمرسارة و نوره)

نورة و هي تتهزء فيها وثانيا شنو يا ابلة مفيده

سارة تبى تحر خلود ههههههة حلوة منج يا نوره

نورة و هي تطالع خلود بكل احتقار: سمعيني بلا هالحركات بايخة مثل و يهج اوكو اولا و ثانيا انا انسانة ما ابي انزل مستواى لى مستواج

خلود بصوت يرتفع تدريجيا: و ثالثا يا نورة محمد يا انسة الشرف

نورة ما استحملت و عطت خلود كف حار خلا خدها يصير حمر الكل مستغرب و يطالع الى قاعد يصير

————————————————————

هل اابوة سعد ابوافق على زواج سعد من الى ملكة قلبة رغد

 

؟؟؟؟

هل راح يقتنع مصعب بانه يفكر بالزواج؟؟؟؟؟؟؟

 

و هل كانت عندة تجربة و ما يبى يكررهاااا؟؟؟؟

 

او انه عندة سر و راة رفضة و تجاهل الموضووووع؟؟؟؟؟؟؟

شنو راح يصير بين حمد و نوره؟؟؟؟؟؟؟؟

وشنو الموقف الى راح تنحط فيه نورة بعد الكف الى عطتة خلود؟؟؟؟

كل هذا راح نعرفة في الاجزاء القاادمة و اتمني انكم استمتعتوا في هذا البارت

794 views

رواية واخيرا حبينا بعض