8:34 مساءً السبت 22 سبتمبر، 2018

سرقتك بالزمن لحظه وعشتك بالفراق اوقات


صوره سرقتك بالزمن لحظه وعشتك بالفراق اوقات

 

 

(الفصل الاول
ام ماجد ” يمه البتول تعالي ردي على تلفون البيت ”
نزلت البتول تركض ويد فيها لفافه شعر واليد الثانية ماسكه بها شعرها ،



قالت وهي مادة بوزها “يمه وين الشغاله ليش ماردت انتي ناسيه اني بروح لاختي اماني ”
ام ماجد بابتسامه “ههههه يمه الشغاله ما تتكلم الا انقليزي من بيفهم عليها يا حسره ”
البتول “ههههههههههههههاي صدقتي اذكر خالتي ام يحيى يوم دقت علينا جلست تصارخ في التلفون هاه هاه ”
ام ماجد “هههههههههههههه طيب ردي نشفت كبد الى يدق ”
اخذت البتول السماعه قالت برباشه “yes”
“الو ”
ارتبشت البتول وطاحت اللفافات الى بيدها قالت بعصبيه “وعليكم نعم ”
قال بندر بهدوء”ينعم عليك وين ماجد ”
مسكت البتول نفسها لا تنفعل لانها ماتطيق ولد عمها ذا .

.ما تواطنه في عيشه الله قالت بدون نفس “مدري عنه ”
قال باستهزاء ” اخته وماتدرين عنه وين عايشه انتي ”
قالت بانفعال “يا سلام بتتحكم فيني من الحين ”
مسك اعصابه وهو يقول في نفسه ×صبر جميل والله المستعان×
قال بعصبيه ” عن حركات البزران قالو لك اني فرحان يعني بزواجي منك”
انجرحت البتول من كلمته مهما كانت تكرهه وتكره حركة المرحوم ابوها يوم زوجها لولد عمها الكبير وهي ما كملت عشر سنوات .

.حرام عليه هو اكبر منها ب عشر سنين ليش يسوون كذا
فيها ليش يقرر مصيرها عنها ليش


قالت له بقهر فيه دلع ” ماتعرف تجامل انت ”
قال باستهزاء ” لا،(كنه يتحسر شفتي القهر متزوجه واحد مايعرف يجامل وكبير بالسن ”
حمر وجه البتول ولقطت وجهها لانها تذكرت انها قد قالت لجود بنت عمها انها ماتبي بندر لانه كبير عليها بالسن ومن سوء حظها انه سمعهن وهن يتكلمن حتى انه قال لها “هذا نصيبك ومالاعتراضك معنى .

.”
خنقتها الغصه

-الحين انت وش تبي
بندر بدون مايقدر يمسك نفسه “هههههههههههه”
عصبت “جالسه انكت انا ”
بندر ببرود “ما يلبق لك التنكيت .

.

ليش قد سمعتي في حياتك عن مغروره تعرف تنكت ”
تاثرت مره من كلامه لو انها قدامها كانت خنقته لين يموت …
قاطع افكارها صوت …
“البتول شفيك”
التفتت بخوف وشافت اخوها ماجد واقف وراها رمت السماعه وركضت لغرفتها تبكي .

.

عقد ماجد حواجبة واخذ السماعه “الووو”
قال بندر بعصبيه

-الحين انت وينك وبعدين ليش ماترد على جوالك
ماجد وهو يتافف:-اف شفيك محترق
بندر بعصبيه

لازم يرتفع ضغطي كل مره ادق فيها عليك
ماجد بضيق

-الحين وبعدين معكم والله انكم تجيبون الهم للواحد
بندر حس انها زودها على ولد عمه وحب يروق الجو

-اسمع ما رديت لي خبر بتطلع البر معنا ولا لا
ماجد انشرح صدره وباله من سيره البر والمكاشيت

-ما يبيلها كلام اعتمد خلاص كلمت الربع
بندر

-لا هالمره بنطلع بدون ربعنا
ماجد بتعجب

-ليش


بندر

-ياخي ابوي هافه نفسه على تخييم بالبر ومن زمان وهو يطري عاد بما ان الدنيا ربيع الحين والصيد وافر قلت فرصه زينه تطلع عيلتنا كلها
سكت ماجد شوي وقال

-انت ناسي ان امه لا اله الا الله مخيمه الحين كيف تبي بناتنا يطلعن البر وينامن فيه
سحب نفس طويل وقال

-ماجدوه خل عنك حركات التعقيد البنات ودهن يطلعن البر لهن كم سنه ما طلعن
ما دخلت فكرة طلوع البنات راسه

-حتى لو



انت تعرفني وبعدين حنا ما نمنعهن عن الطلعات بس طلعه بر ماني بالي اايدها
بندر بملل

-ياربي منك بدوي معقد
ماجد

-قم انقلع
بندر

-ههههههههه ابشر بس قل تم ياخي حرام عليك تكسر بخاطرهن
ماجد يستهزا فيه

-يا ولد يا حنون
بندر

-ههههههه هاه يا النسيب شقلت
ماجد

-قلت لا اله الا الله والله انك لزقه عنزروت
بندر

-هههههههههه اعجبك
ماجد

-ههههههه لا والله ما تعجبني
بندر يستهبل

-ياربي مايعرف يجامل الله يعين الى بتاخذك
ماجد

-ههههههههاي يجيب الله مطر
بندر

الايام بيننا يا ولد عمي يا خوفي تطيح ومحد يسمي عليك
ماجد بكبر

-
ماترتضي نفسي مذله وحقران
اردها عن من سعالي بذلي..
نفسي عزيزه ساميه فوق يافلان
وابعد من نجوم الثريا محلي..
الله خلقني وهامتي فوق الامتان
واخذ من الدنيا تجارب واخلي..
واصبر على مر الليالي والاحزان
وارضى بماقدر من الله وحصلي
بندر

-اوف اوف تكلم الشاعر اسمع ياخي اقول لك من الحين انت بالشعر راح تغلبني .

.
ماجد

-ههههه طيب رح زهب العزبه متى تبينى نطلع .

.
بندر

-الخميس
ماجد بهدوء

-انت ناسي شغلي
بندر

-خذ لك اجازة حشى مكينه مو ادمي
ماجد بابتسامه كبيره:-بسم الله من عينك خلاص تم
بندر تنفس بقوه مو مصدق كيف ان ماجد الشديد وافق بشويه ضغط منه

-اتفقنا يالله مع السلامه
ماجد

-هلا والله مع السلامه
سكر ماجد السماعه وطلع لغرفه اخته .

.

وبعدين البنت ذي جابت له احباط .

.
كان واقف ويفك ازارير ثوبه الى فوق .

.

جت مه وقالت

-يمه
التفت ماجد وقال بحنان

-هلا ياالغاليه امري
امه بابتسامه فيها حزن

-يمه اختك شفيها طلعت غرفتها تصيح
مسك اعصابه لا يتافف من اخته وعنادها ودلعها الزايد

-ابدا يمه ولا شي
امه بحزن

-يمه البتول طالعه تبكي وتقول مافيها شي
حب راسها وقال وهو يحط شماغه على كتفه

-انا بطلع لها وان شاء الله يكون خير
مر من جنب امه ومسكته مع يده من فوق .

.ناظرها وقرا الى تبي فعيونها
امه

-لا تقسى يمه لاتقسى عليها
هز راسه وماتكلم وطلع لغرفه اخته لازم يحط حد لتصرفاتها ذي مع زوجها .

.

مايكفي انه مقدر مشاعرها وماجل العرس يمكن مع نهاية الجامعة تتقبل الفكرة لكن كل ما طال الوقت كلما زاد عنادها ،



عمره ماحب القسوه ولا كان يستخدمها الا نادرا جدا لكن فيه مواقف تجبره تغصبه وتفرض سيطرتها عليه .



البتول مو اخته بس البتول تربت تحت نظره تحت مسؤوليته وغلاها يفرق عن غلا باقي اخواته المتزوجات .

.
وصل لباب غرفتها ودقه ومحد رد رجع دقه مره ثانية وماردت اخته ويعرفها اكيد مطفيه النور ونايمه على السرير تصيح .

.
عد لين ثلاثه وقال بهدوء

-البتول
انخرش قلب البتول لانها تخاف من اخوها او نقدر نقول تحترمه مره لانه كان بمكان ابوها … اخوها الى ياما حن عليها اخوها الى كان عون لها الى عمره ماقصر عنها بشي .

.صحيح محد يجي وياخذ مكان الابو لكن ماجد غير ،



ماجد محور حياتها وكل شي فيها … مسحت دموعها وفتحت الباب .

.
قالت بادب

-هلا ماجد
ماجد

-ممكن ادخل
البتول وهي تحاول تخفف من خوفها

-ها…اي ايه ممكن ليه لا
دخل ماجد وجلس على الكرسي الى جنب سريرها قال بهدوء وماخفى عليه تاثيره الكبير على اخته

-انا راح ادخل مباشره للموضوع وبعدين معك
بلعت ريقها من الخوف سبحانه الى حط رهبته العظيمه بقلبها رغم ان ماعمره رفع يده عليها ولا رفع صوته حتى لكنه كذا شخصيه حازمه شديده جديه وتنزل الرهبه في قلوب الناس حتى المقربين منه .

.
قال وهو يحاول يمسك نفسه لا ينفعل

-انتظر ردك
البتول فيها احيانا نزعات متمرده حتى على ماجد الى يرهبها .

.

قالت بثقه

-ماسويت شي شسويت انا
قال بعصبيه لكن صوته ما ارتفع لحظه عن مستواه الطبيعي

-البتول
خافت وضاعت علومها

-انا…ان
وفكتها مناحه وجلست تبكي … ناظرها ماجد بضيق وهو يقول في نفسه “الحين الواحد ماياخذ من الحريم لا حق ولا باطل من ورى حركات البكا ذي ”
جلست تصيح وتنتفض كسرت خاطره وقال بحنيه

-البتول اذا بتجلسين كذا ماراح افهم منك شي
مسحت دموعها وبعد جهد جهيد قالت

-ماجد
ابتسم

-عيونه
ابتسمت ورجعت بكت من نبره الحنيه الى سمعتها في صوته وحستها من نبرته وشافتها بعيونه
تعوذ من ابليس … اليوم ذا باين من اوله …
قالت بانفعال

-انا مابي اتزوج بندر
قال بهدوء

انتي الحين زوجته
قالت بانفعال وهي ترجع شعرها الاسود الطويل ورى بقوه

-ابي الطلاق مابيه
طلعت عيون ماجد قدام وفز من مكانه قال بقوه

-طلاق
خافت وقالت بهمس

-ا .

.

ايه
قال وهو يناظرها بقوه

-ليش وش الاسباب
قالت بتمرد

-كذا مابيه
عصب ماجد منها ومن عنادها ودلعها

-كيف كذا مابيه
البتول بصراخ

-كذا مزاااااااااااج
رفع يده بيضربها لكنه مسك نفسه فاخر لحظه وهو يتذكر وصيه ابوه له قبل لا يموت .

.

انكمشت على نفسها وغمضت عيونها تنتظر الكف وحرارته على خدها …
لكنها فتحت عيونها على مسكته ليدها من فوق قال وهو يهمس بعصبيه عشان امه ماتسمعه وتتنكد

-اسمعي يا بنت بندر الف وحده تتمناه والحين هو زوجك رضيتي ولا مارضيتي وان سمعت اي اعتراض او كلام من كلامك الفاضي الى تعودت عليه لا تلومين الا نفسك
قالت وهي تبكي

-بس ياخوي…..
هزها

-ولا كلمه انتي ماتعرفيني زين يا البتول لا تخليني اتصرف معك بطريقة لا انتي ترضينها ولا انا ارضاها بعد يكفي بس انها امنيه ابوي وقراره الله يرحمه
فك يدها وطلع قبل لا يمد يده لانه حس بنفسه قريب من هالتصرف
صرخت

-لو ابوي حي ما رضى على الى تسويه فيني وينك يا بوي …
كان واصل لباب غرفتها مسك طرف الباب بيده وضغط عليه بقوه كملت كلامها الى يجرح حتى لو كانت اخته الصغيرة وجاهله ومن هالكلام

-ايه ايه لو ابوي حي ما تكبرت علي عشان بندروه خويك
وهنا وبس …
فار طبعه الحامي وراح لها بسرعه ومسكها مع يدها وهو يصارخ لاول مره حتى البتول نفسها خافت موت منه

-اسمعي سنين وانا اسمع هالكلام الى مامنه فايده وربي ان بندر السنافي خساره فيك
قالت بقله ادب نظرا لانها وصلت لمرحلة التبلد والتمرد

-اشبع فيه انا مستغنيه عنه
الي مايعرفونه ان امهم كانت واقفه برى وسمعت كل شي …
صرخ ماجد

-انا مليت منك هذا جزى التربيه .

.
البتول وهي تصارخ

-هذا حلال ابوي مو حلالك
كان كلامها كان زي طعنه الغدر الى تغافل الواحد نست ايام السهر والتعب لما كان يجي من الجامعة تعبان ويمرها بغرفتها ويلقاها مريضه ويرمي كتبه ويركض بها لاقرب مستشفى حتى امه ماكانت تدري عنه .

.
نست يوم كانوا البنات يزعجونها بالمدرسة وترجع ودمعتها على خدها وبمكالمه وحده للمديره انحلت المشكلة وماتعرضت بعدها لاي مضايقات …نست ونست ونست اشياء كثيره
التفت لجهتها وقال بصوت مافيه ملامح ومعالم

-شقلتي
البتول لا انفعلت تروح كل اخلاقها الحلوة في لمحه بصر

-الي سمعته انت مو متفضل علي بشي
لاول مره يرفع يده لكن صرخه امه منعت كفه عن وجه البتول التفت بعيون فيها من الحزن مثل التعصيب والزعل .

.
قالت امه بوجه شاحب

-لا يمه لا تضربها
قال بكل صوته الى لاطلع في مكان عمه السكون والترقب

-عشان خاطرك يمه بنسى الى قالته لكن يكون في معلومها وجلس يناظرها بقوه ان زواجها من بندر راح يكون بالعطله الطويله يعني لا انتظار لوظيفه ولا يحزنون
انصدمت البتول وشوي وتنهار قالت بدلع وبكا

-يمه
جمدت امها قلبها وقالت

-الي تشوفه يمه
طلعت عيونها قدام تزلزل الكون تقول لهم تكرهه تحقد عليه ليش مايفهمون الاهل يدورون راحه بناتهم وهم رجعيين في تفكيرهم واذا كانت هذي رغبه ابوها هذا مايعطيهم الحق في تجاهل رغبتها .

.
صرخت

-ماراح اتزوجه لو اخر يوم في حياتي
مر من جنبها وقال وهو ماشي

-لا جيتك اشاورك ذيك الساعة قولي رايك .

.
قال لامه يوم صاار جنبها

-راح نتكلم انا وانتي بكره الصبح قبل لا اروح الدوام لاني الحين تعبان وابي انام
طلع من الغرفه مايشوف قدامه مايكفي الى صار له اليوم تطلع له اخته بافلامها الهندية المعتاده
دخل غرفته ورمى الشماغ على السرير يبي يتمدد يرتاح يفرد ظهره شوي …فك ازارير ثوبه وترفق على اخر زر لسى صدره مورم ويعوره يحمد ربه انه ماجاه كسر ولا تهشم صدره وانطبق على قلبه ورئته …
دق الباب تحمل الالم وسكر ثوبه

-ادخل
دخلت امه الغرفه وقالت بعيونها الحنونه

-يمه انت بخير
ابتسم

-الحمد لله
سكتت امه لانه ماراح يتكلم ماجد وتعرفه قالت بحنيه

-نم وارتح انت لك يومين في الدوام مهلك نفسك وبكره الصبح بيننا كلام
ماجد بهدوء

-ان شاء الله
ماصدق امه طلعت من هنا الا ويحط راسه على طول …
>>في بيت ابو متعب
قالت ام بندر وهي تصب لزوجها قهوه

-تفضل
كان سرحان بعالم ثاني … كررت كلامها

-ابو متعب تقهو
التفت يم زوجته وام عياله الى عاشرته خمسين سنه على الحلوة والمره ،



اخذ الفنجال منها .

.
قالت له

-علامك مهموم وسرحان
قال ابو متعب وهو يعدل نظارته العريضه على وجهه الى جعده الزمن لكن وقاره بقى زي ماهو .

.:-والله افكر في هالعيال وفي مستقبلهم
ام بندر

-هههههه اي عيال الله يسلمك .

.كلهم كبروا
ابو متعب

-بلا المسؤوليه ماتزيد الا اذا كبروا
ام بندر يا ابن الحلال اترك عنك الافكار الى ترفع ضغطك وسكرك وتتعب صحتك وبعدين اصغر عيالنا كلهم جود وجود حرمه الحين وهذي اخر سنه لها بالجامعه
قاطعها بوجه مهموم

-اخوي سلمان الله يرحمه امن مستقبل بنيته البتول وان وش سويت لمستقبل بنتي
قالت ام بندر بضيق

-صالح علامك موسوس اليوم …
قال بكابه

-انتي عارفه ان المرض الى بكبدي كل يوم يزيد وانا موب دايم لها
خنقتها الغصه والله لولا حلفه بالطلاق عليها لتعلم عياله عشان يعرفون ان ابوهم مريض بالكبد

-لا تقول كذا
ابو متعب

-انا ما انكر ان متعب حنون وقلبه كبير لكنه مايعرف لجود مثلي وراح يقسى عليها واجد وعارف طبع بندر الحامي ولابيه يتمشكل مع اخوه غير العيال الباقين …
سكتت ام بندر هنا معه حق عيالها وتعرفهم …
ام بندر

-يعني وش السواه نخطب لبنتنا …
طقت الفكرة براسه شلون مافكر فيها من زمان … ناظرته ام بندر وعرفت ان كلامها الى تو ما مر عليه مرور الكرام وانه دخل داخل هالعقل الى لا يكل ولا يمل من التفكير والتحليل والقرارات .

.
قالت بصدمه

-بتخطب لبنتنا .

.
سكت ابو متعب ومارد عليها .

.وفي هاللحظه دخل عليهم بندر …
“ صباح الخير” ثم حب راس امه وابوه
ابوه “صباح النور ”
بندر ” كيف حالك يبه اليوم ”
ابوه ” الحمد لله زين بشر جهزت للرحله ”
بندر “-ايه كل شي زين والخيام راح تسبقنا بيوم للموقع الى اختاره ماجد ”
ابتسم ابوه “اذا ماجد الى مختاره فاكيد انه موقع طيب ”
بندر “هههههههه والله اني عارف انه مايجوز لك الا شغل ماجد فقلت احترم نفسي واخليها عليه”
ابوه

-هههههه فيكم الخير كلكم بس ماجد يعرف الى يجوز
“ماجد ماجد الحين اهلي ماعندهم سيره الا هو ”
دخلت جود الغرفه وكتبها على يدها بتروح الكليه “صباح الخير”
حبت على راس ابوها وعلى راس امها وجلست
ابوها

-صباح النور يبه .

.
اخذت لها كاسه شاهي على السريع ووقفت عشان تطلع للسواق امها

-يمه افطري كلي شي
جود بابتسامه حلوة

-تاخرت يمه عندي محاضره بعد ربع ساعه..
امها

-براحتك بس انتبهي على نفسك
جود

-من عيوني سلام
الكل “وعليكم السلام”
لبست عبايتها وتغطت وطلعت للسواق ومعها اخوها يزيد الى يدرس بالثنوي ويروح معها لانها ماتركب مع السواق بلحالها …
يزيد

-يا الله صباح خير .

.
جود

-هلا والله شفيك تقولها من ورى خشمك
يزيد

-هههههه كشتك علامها طايره
جود

-هههههههه قم ضف وجهك هذا يسمونه تجعيد يا جاهل
تذكرت

-بعدين تعال كيف شفت كشتي وانا متغطيه
يزيد

-هههههه شفتك قدام المرايه وانتي تلبسين عبايتك طبعا ما تنلامين الى يشوفك يقول ماشافت مرايات بحياتها
جود

-هههههههههههه كيفي حره
يزيد وهو يزين كتبه على يده

-طيب ياحره اركبي تاخرنا
ركبوا السيارة وراحو .

.
*
*
*
>>بيت ماجد
طلع ماجد من الشاور ولبس ملابسه …دق جواله
“الو”
بندر

-هلا يا استاذ ماجد وين الناس
ماجد بروقان

-هههه يالله صباح خير
بندر

-افا يا النسيب
انعصر قلب ماجد وتذكر اخته وجنونها قال بسرعه

-بندر انا اليوم ماخذ اجازة من الشغل برجع اكلمك بعد ما افطر
بندر

-زين انتظرك سلام
ماجد

-سلام
لبس غترته البيضاء واخذ مفتاحه وجواله ونزل تحت … مرته البتول في طريقها ونزلت عيونها بالارض قال بصوته الخشن القوي

-مافيه كليه اليوم
ارتبكت

-ا ا ا عن عندي اوف
ناظرها بطرف عينه ممكن تكون عيوب البتول واجد لكن الكذب مو منها …سفهها ونزل وقلبه يتقطع لانه زعلان منها .

.
ناظرته البتول ودمعتها في رمش عينها ودها تكلمه وخايفه منه ،

يوم صحت من النوم حست بالمصيبه وبهول الى قالته البارح …
نزل بسرعه ولقى امه كالعاده جالسه تتقهوى ومعها اخوانه الى يصحون يفطرون معها قبل لايروحون دواماتهم “صباح الخير ”
الكل “صباح النور ”
ماجد وهو يجلس

-زين اني لقيتكم هنا
فارس

-خير ان شاء الله
مشاري

-خير
ماجد بسلطته المعتاده

-انا قررت يكون زواج البتول وبندر بالصيفية الجايه
ناظروا العيال في بعض …
قال ماجد وهو رافع حاجب

-انتم اخوانها مثلي ورايكم مهم
قال مشاري

-لا يا ماجد انت اخونا الكبير والي تشوفه سوه ماعندنا مانع
قال فارس

-صادق مشاري انت اخونا الكبير والي تشوفه يصير
هز ماجد راسه وانتبه ان امه ساكته

-هاه يا الغاليه وش قلتي ان كنتي ضد تغيير الموعد علميني وماراح يصير الا الى ترضينه
ام ماجد بابتسامه

-يمه مالنا قول بعد قولك
ابتسم ماجد وقال بحنيه

-كلامك يمشي على الكل يمه وانا اولهم
مسكت امه يده وهي تهز راسها .

.:-الي تشوفه سوه انا تعبت من اختك
فارس بتعجب

-غريبة ردت فعلها بندر مايتعوض
ماجد بملل

-من يفهم اختك لنا سنتين وحنا بمشادات وهواش في هالموضوع حتى بندر شكل عنده خبر عن شعور اختنا واعتراضها عليه
مشاري طلعت عيونه

-ول هذي مصيبه
ماجد

-لا مصيبه ولاشي دلع بنات ويروح بعد الزواج
العيال:-هههههههه …
وقف ماجد قالت امه

-وين يمه هذا فطور
ماجد

-الحمد لله شبعت وراي موعد مهم
امه

-بحفظ الله
طلع ماجد فتح باب البيت الكبير الا ويحس باحد ورا التفت
رفع حاجب

-خير
قالت البتول وهي منزله عينها بالارض

-سامحني يا ماجد على الكلام الى قلته
ماجد للحين متضايق من كلامها بس مايبين

-صار خير
دمعت عيونها

لا ماصار خير انا اسفه مايحق لي اقول هالكلام .

.

انت بمكانه ابوي انت الى ربيتني
قال ببرود والم

-زين انك تذكرتي هالكلام
مسحت دموعها

-متذكرته بس لاعصبت ما اقدر افكر في الى اقوله
ماجد

-بهالشكل ماراح تعيشين مع الناس .

.
حمر وجهها من كلامه وتهزيئه لها .

.
فتح الباب وطلع لسيارته لحقته البتول وقالت له وهي تضلل عيونها عن الشمس

-ماجد انت جاد في تقريب موعد العرس سنه عن موعده الاصلي
ناظرها بقوه يمه منه لا ناظرني كذا يكسر عيني وعين اي واحد يتجرا يراده في كلامه
قال وهو يلبس نظارته الشمسيه

-تعرفيني زين لا قلت كلمه ما اتراجع عنها وان سمعت اي اعتراض ماراح تلومين الا نفسك
وركب سيارته وجحدها …
وقفت بالشمس تناظر في سيارة اخوها الى ماشيه باتجاه البوابه الكهربائيه الكبيرة …
دخلت البيت بتموت من القهر …
قابلت اخوانها وعرفت انها لو استعانت فيهم مافيه امل لانهم مايعصون كلمه لاخوهم الكبير وشورهم دايم من شوره .

.
طلعت غرفتها يحرقها القهر وقله الحيله قهر من اشتعال النار بالهشيم .

.

شتسوي ياربي تدق على بندر وتهزئه لا لا مستحيل مهما كانت مجنونه كل شي ولا سمعتها وسمعه اخوانها
×
×
@الجزء الثاني@
>>بيت بو متعب <<
اخذت جود الجوال ودقت على ريووف بنت عمها
ريووف

-اهلين جوجو
جود

-اهلين ريووف اخبارك
ريووف

-انا بخير الحمد لله .

.

عايشين
سكتت جود شوي حست بشي مو طبيعي من برود ريووف .

.
قالت بهدوء

-ريوف فيك شي
ارتبكت ريوف شوي وقالت بابتسامه حزينه

-مافيه شي جديد .

.
مسكت جود اعصابها وقالت

-لا تقولين عمه رجلك مره ثانيه
رجعت ريوف شعرها الاشقر ورى اذنها وقالت وهي تثني رجلينها تحتها

-الله يسامحها
عصبت جود

-الله لا يسامحها ياشيخه .

.
قالت بطيبه قلب

-تعودنا
انهبلت جود

-لو مكانك شرشحت هالعانس الى ماوراها شغله الا رمي الكلام يمين ويسار .

.
قالت بصوت رقيق كله محبه وشلون مايكون صوتها رقيق وهي بتنطق اسمه

-من اجل عين تكرم مدينه وعشان خالد يهون كل شي .

.
تنهدت جود بصوت عالي

-بدينا في كلام الحب
ريووف

-هههههه ياشين الغيره
عصبت جود

-انا اغار هههاي لا يمكن حياتي
ريوف

-اعصابك طيب لا يصير فيك شي
جود وهي تناظر في الساعة

-ريووفوه ووجع لازم انام بدري ورانا مسراح بدري
ريووف

-ياي وناسه
جود بحماس

-تعالي معنا بلا سخافه
ريووف بتردد

-والله مدري عن فضوه خالد
تنحنحت جود وقالت بلهجه فيها خبث

-علينا انتي لا بغيتي الدرب مشيتيه
ريووف

-هههههههههههه وجع استحي
قالت ببراءه

وجعين ماقلت شي انتي الى تفكيرك غلط
ريووف بصوت فيه ضحكه

-انا
جود

لاجدتي يالله سيو بروح انام وبليز حاولي تجين والله من زمان عن المكاشيت
ريووف مو تايهه عن طبع جود ولا عن حماسها الزايد للطلعه قالت بجد

-عارفه انك تحبين الشي الى يغث ماجد عشان كذا بتتشققين وناسه
طار النوم من عيون جود وقالت بعصبيه

-من قال له
ريووف

-غشيمه عنك انا
ارتبكت جود وقالت

-بصراحه ايه على ايش شايف نفسه ابوي الى المفروض هو كبير العيله والي المفروض رايه يمشي على الكل ما يسوي شي الا يشوره
قالت ريووف بعقلانيه

-شي طبيعي هذا بدال ماتفخرين بولد عمك تعصبين
ارتفع ضغطها

-افخر بايش يا حظي باستبداديته لحقت على عمرها تكفين ريوف لا تزعلين عشاني اتكلم عن اخوك كذا
ريووف

-هههههه مازعلت ولاشي انتي بنت عمي ومجبوره اتحملك غير اني اعرف ماعندك سالفه
كنها ارتاحت شوي

-شكرا دايم تحرجيني بذوقك
ريووف

-هههههههههههههه ولكمو
الا ويقاطعها صوت خالد زوج ريوف

-مسا الخير قلبي
قالت بحنيه

-هلا حبيبي …
ولع وجه جود وصرخت باستهبال:-وجع ريوفوه يالي ماتستحين نعنبو ابليسك توني ما خشيت دنيا عيب هالكلام
ريووف وش الى مخلي جود غير الناس عندها .

.

غير روحها الحلوة الطاهره لا تعرف الحقد ولا النفاق ولا الاشياء الشينه ممكن تدعي انها ماتحب ماجد لسبب ما ريووف شاكه فيه … معقول بعد كل الى صار بينهم فيه شعور باقي ما مات

؟
مافيه غير هالسبب لسبب بسيط ان جود ماتعرف تكره
طفلة في جسد امراه … ملامح كلاسيكيه وجه دائري عيون ناعسه بشره بيضا وشعر اسود مقصوص طبقات يوصل لنص الظهر .

.

الي يشوفها مايعطبها 23 سنه يعطيها 18 ،

19 سنه …لجمالها وبراءه مظهرها
قالت ريووف وهي تضحك

-اقطع يدي ان كنتي صاحيه يالله انا بسكر
جود بخبث

-ايه الحين احترق كرتي
ريووف وهي تضحك بصوت عالي

-جودوه
جود تستهبل

-يمه خلاص بسكر سيوووووو
ريووف

-هههههههه سيو
سكرت جود التلفون وجلست تتقلب ساعة في الفراش .

.

عيا يجيها النوم سبحان الله قبل شوي كانت راح تنام وهي تكلم ريوف والحين طار النوم من عيونها هواجيس وافكار تضايقها تجي وتروح …
ماجد ماجد ماجد
الناس ذولا ماعندهم غيره .

.

مالهم الا سيرته .

.

وش شايفين فيه بالله يوم متشققين عليه هالكثر .

.

بصراحه ماتشوف فيه زود عن اخوانها
اخ من اخوانها …
والله انهم قاهرينها خصوصا بندر الى ماوافق على روحتهن البر الا بعد مشوره ماجد ضربت المخده بيدها بقوه من القهر ليش ياخذ رايه شي يقهر …
ماتدري كم جلست على هالحالة الا وهي نايمه …
*
*
*
*
>>> بيت ماجد
صحى ماجد من النوم قبل صلاه الفجر بنص ساعة عشان يصحي اهله يصلون وعلى طول يمشون .

.

توضى استعدادا للصلاه وجلس على سريره ينتظر الاذان .

.

عقد حواجبة ووقف وهو يحمد ربه انه ذكر هالشي فتح درجه وطلع منه سلاح الصيد ابتسم بسعه صدر وبال كان وراح يظل الصيد وطلعات البر من احب الاشياء على قلبه نظف سلاحه الا والاذان ياذن للصلاه .

.

طلع من غرفته وراح لغرفه اخوانه مشاري وفارس عشان يصحيهم للصلاه …
دق الباب وقال مشاري بصوت كله نوم

-نعم
ماجد بصوته القوي

-قوموا للصلاه
قال مشاري بكسل

-طيب
ماجد بهدوء

-قم وصحي فارس معك
مشاري وهو مدلي يده من طرف السرير

-ان شاء الله
تركه ماجد وراح لغرفه امه الى كان نورها طالع دق الباب..
امه بحنيه وهي على سجادتها جالسه

-ادخل يا ماجد
دخل وهو مبتسم

-كيف عرفتيني
امه بابتسامه

-مافيه احد من اخوانك عنده دم وذوق الا انت انا ادري طالعين على من في دفاشتهم
ماجد

-هههههههههههههههههههههه غريبة هالدفاشه ما اشوفها لابغاني احد منهم
امه باعتزاز

-لانهم يهابونك
كشر

-والله ذي مشكلة عمري ماسويت شي يخليهم يهابوني دايم عادي معهم
امه

-هذي هبه من الله مو كل شخص مهيوب ولا كل شخص يحط الله رهبته في قلوب الناس
هز راسه وهو يقول في نفسه /مهيوب مهيوب مهيوب .

.

لكني مو قريب من احد /
ماجد

-طيب يمه انا طالع المسجد
امه

-الله يحفظك خلاص بنمشي عقب الصلاه
ماجد وهو واقف يعدل شماغه

-ايه ان شاء الله نبي نطلع سيده لبيت عمي ابو متعب عشان نمشي سوى تعرفين مايدل الموقع الا بندر وبندر مو فيه
امه

-وينه


ماجد

-سبقنا للمخيم .

.
امه بحزن

-والله انه رجال طيب
ماجد بثقه

-عارف
امه بتردد

-لو البتول تقتنع فيه
ماجد وهو يناظر امه بعيون لابوه اكثر ماهي له

-يمه الكلام في هالموضوع انتهى من 12 سنه تقريبا بندر بيسوي العرس بالعطله الجايه سواء رضت ولا مارضت انا استعجب قالها بقهر قبل كان الموضوع عادي عندها ومن سنتين مسوده لي حياتي بعنادها ودلعها الزايد
امه تحاول تلقى تبرير لسلوك بنتها لكن مالقت … استاذن ماجد وطلع من الغرفه طفشان وزهقان …
تذكر اخوانه ومن التعصيبه رجع لغرفتهم وصرخ بصوته

-مشاري فارس
فزوا من اسرتهم متروعين منه قال فارس لمشاري

ياشينك ورى ماقومتني
مشاري بربشه

-انت الى ورى ماقومتني
فارس وهو يركض يدور ثوبه

-انا عندي دوام ومارجعت الا متاخر
مشاري وهو يلبس ثوبه

-لا انا الى جالس العب ماعندي دوام
فارس بمزاج مقفل

ها ها ها خفيف دم
مشاري وهو يلقط شماغه

-امش لا يجي يميدنا بالعقال
فارس بدون نفس

-هههههه اشك في عقلك
مشاري وهو يفتح باب الغرفه

-شعور متبادل
قال ماجد بدون نفس

-لمتى وانا الى اقومكم للصلاه
قال مشاري يستهبل

-مالنا غنا عنك
ابتسم ماجد غصب وقال

-هذا الى فالح فيه وين اخوك
فارس من راهم وهو يرجع اكمام ثوبه من بعد الوضوء

-وراكم
التفت ماجد ،



قال فارس

-صبحه بالخير
ماجد “صبحه بمثله يالله بيقيم اخلصوا علينا ”
سبقهم مشاري تحت عشان يتوضا .

.

وطلعوا كلهم سوا
×
بعد ما صلت ام ماجد راحت تصحي البتول لقتها صاحيه ومجهزه اغراضها
ام ماجد

-هههههه وش صاير بالدنيا اول مره تقومين من بدري
البتول وهي ترفع شعرها ذيل حصان

-اول مره نطلع من يمكن وانا بالمتوسط ماتوقعت ماجد يوافق
قالت امها بلهجه لها معنى

-الفضل من بعد الله لبندر هو الى اقنعه .

.
ارتبكت البتول وخرب شعرها وماردت بكلمه
ابتسمت امها وقالت

-عجلي اخوانك على وصول
البتول بوجه مولع

طيب
ربطت شعرها اي كلام وهي بتموت من التعصيب خير ان شاء الله وش الى صار ولجم لسانها لا يكون بس مصدومه ان فيه احد على وجه الارض يقدر يثني ماجد عن شي ما هو مقتنع فيه .

.

لايكون بدت تفكر في ايجابياته اكثر من سلبياته الى ترفع لها ضغطها …
رمت هالافكار عنها هي ماتبيه ماتبيه ولها الحق تختار شريك حياتها بنفسها
وش نقصها عن غيرها …
رمت فرشه شعرها في شنطتها … كان باب غرفتها مفتوح قال ماجد وهو مار من عندها” يالله البسي عبايتك مشينا ”
ما امداها تلمحه حتى كان زعلان منها رغم انه عادي على طبيعته ماجد العاقل الساكت الى لا تكلم سكت كل من حوله وخلا كلام غيره قدام كلامه حكمته ونبره صوته ضباب ماله ملامح ولا وزن ولا قيمه …
الا انها تعرفه من نظرته القاسيه الى كلها جرح من كلامها صحيح انها اعتذرت وانه تقبل اعتذارها لكن احساسها يقول انه زعلان عليها .

.
مد بوزها من الضيق .

.

وراحت تسكر الشنط اقل شي تسويه ماتحرق دمه على هالصبح بتاخيرها المعتاد .

.
×
×
×
>>> بيت متعب ابو طارق)
قال ابو طارق لزوجته

-وين بناتك جهزن للروحه
ام طارق

-اسماء جالسه تلبس ومبسوطه وعايشه مادة بوزها شبر ماتبي تروح ونجوى في المطبخ تطبخ مدري وش تسوي
ابو طارق بعصبيه

محد جالس فاهمه ولا لا ،



ابوي رجال كبير ونفسه يجتمع مع عيلته كلها مو نصها
خافت زوجته وقالت

-والله ماقلت شي
ابو طارق بنص عين

-لا انت ابد ماتقولين شي
انقلب لون وجهها وسكتت …
قال

قومي نادي بناتك بنروح بيت ابوي عجلي
فزت من مكانها بسرعه وراحت لغرفه بناتها … لقت اسماء تتزين وعايشه بقميص البيت لسى
قالت بعجله

-ماخلصتن
اسماء بوجه كنه مزهريه ملونه

-انا بخلص
عايشه

-ااااااااف مابي اروح ودوني بيت خالتي
دخلت نجوى الغرفه وهي تنزل كموم جلابيتها قالت تستهزء

-تتركين اهلك وتروحين للغرب
عصبت امها

-غرب ايش هذي خالتك اختي
نجوى

-ماقلت شي يمه لكن ذولا اهلنا وعيال عمنا
قلبت امها عيونها دلاله ان الكلام ماعجبها وقالت

-والتبن والله
عصبت نجوى وسكتت نفسها تعرف سبب كره امها الى تتقاسمه هي وخواتها لعيال عمهن
اسماء بدلع

-يممممممه
امها بضحكه لها معنى

اغدي في حالك كود الى في بالك يشوفك صدفه ويخطبك
اسماء من قلب

-اااااااااااامين
عايشه ببلاده وهي تاكل فصفص من صباح ربي

-هههههههههه حلوه
حقرتهن نجوى باشمئزاز وراحت تاخذ عبايتها صحيح انها اكبر خواتها وعمرها 25 وماتزوجت لسى الا ان الزواج مو من اول اهتماماتها ومحور كلامها زي خواتها .

.
صحيح تتمنى تتزوج وتكون ام لكن عمر الموضوع ماكان وسوسه لانها مؤمنه وفيها دين كثير وتعرف ان الزواج قسمه ونصيب .

.
رفعت شعرها الطويل المصبوغ درجات البني بشباصه ولبست عبايتها
قالت اسماء بلهجه ممطوطه

-تعالي هنا صواني الحلا ذي كلها لمن
ناظرتها نجوى ببرود

-انتي في اعتقادك لمن


تفشلت اسماء وقالت لامها

-يمه ان ماخاب ظني بنتك ترسم على واحد من صقور العيله
قالت نجوى باستهزاء

-الله لا يبلاني بالي بلاك فيه
قالت اسماء ببزاره

-وانا شفيني
نجوى بصراحتها المعتاده

-روحي شوفي وجهك ذا الى كنه صحن حلاو العيد وتعالي تكلمي
ام طارق

-خلااااااااص نجوى لا تحطمين اختك
نجوى

-احطم ايش يمه وين حنا فيه نسيتوا عاداتنا نسيتوا الدين والشرع وبنتك تتكلم كاني مو متزوجه
انقلب لون وجه امها وقالت

-ليه وش سوينا حنا يوم تقولين اننا نسينا الشرع
نجوى

-مدري عنكم تخططون على فلان وعلان وهذا مايجوز
اسماء بوقاحه

-خليك في دينك اصرف لك واجلسي عند امك طول العمر عانس غبيه
ثقتك نجوى في نفسها مالها حدود ومايهزها احد خصوصا ان كان مثل اسماء
قالت بدلع قهر اسماء:-انتي ناسيه اني مملكه عيوني
اسماء باستهزاء

-مملكه طل لو رجلك يبيك كان يمديكم تزوجتوا مو ملكه 3 سنوات والعرس بح
حزت الكلمه بقلب نجوى وسفهتها
واخذت اغراضها وطلعت من الغرفه قبل لا تكبر السالفه ويتهاوشن .

.
قالت عايشه

-اووووووف طفش دايم هاوش
صرخت امها

قومن البسن بسرعه
تجهزن بسرعه وطلعن قال اخوهن تركي بعصبيه

-سااااااعه
طبعا تركي اصغر من نجوى بسنه عمره 24 سنه بس خواته يخافن منه موت لانه عصبي مره مو مثل طارق الحكيم الى اصلا يالله ينشاف بحكم عمله طيار وسفرياته واجد
ناظر في اسماء بصدمه وصارخ

_انتي وش صابه على وجهك هذا وجه ينتصبح به من صباح ربي
قال ابوه من وراهم

-تركي علام صوتك واصل لبرى
تركي بقرف

-شف وجه ذي كيف قايل
ماتت اسماء من الخوف ناظر ابوها في وجهها بصدمه وقال بذهول

-بسم الله وش ذا الازرق والاخضر الى حاطته روحي اغسلي خشتك ذي الى كنها خيشه بصل
تحطمت اسماء وراحت تركض لغرفتها … لحقتها عايشه …
قالت اسماء وهي تمسح دموعها

-شفتي اخوك وابوك
عايشه بخبث

هم ركبوا السيارة مصدقة عمرك بتغسلين وجهك امشي يالله تغطي ومحد منتبه
طلعت عيونها قدام

-والله وجبتيها .

.
عدلت لبسها الى ملون كانها ببغاء فيه وزينت شعرها البرتقالي ولبست عبايتها وتغطت .

.

طبعا عايشه موب احسن منها بس الفرق ان عايشه ماتحب تحط مكياج ابد وشعرها الاسود الخشن نوعا ما مرفوع بشباصه فوق .

.
يمكن احسنهن لبس وترتيب نجوى انسانه رايقه مره ونعومه ولبسها دايم يليق بها .

.
&&
&
&&
@الجزء الثالث@
حطت جود واقي من الشمس على وجهها ويدينها صحيح مافيه شمس قوية والجو معتدل لكن هذي هي عاداتها وشمس الرياض ما تنظمن ساعة حر مره وساعة براد …
لبست بنطلون جنز ازرق وبلوزه بيضاء وسوت شعرها جديله ثم لبست عبايتها الى مسكره من قدام حتى ما يبين لبسها اذا مشت او تحركت .

.

ولولا انهم طالعين بر مع اهلهم ماكانت لبست كذا
طل يزيد عليها وهي تجمع اغراضها

-هاه ما خلصتي
جود: الا خلصت قالت تمصلح يزوووووودي حبيبي
يزيد وهو مكشر

-ماتعرفين تتمصلحين خير
قالت بابتسامه تشق الحلق

نزل لي شنطتي
يزيد

شغال عندك انا
جود تستهبل

-لا انت الخير والبركة بس يرضيك اشيل شنطه واطيح وينكسر عصعصي
يزيد

هههههههههههههههه وما تتزوجين وتقعدين عله على قلوبنا لا ياشيخه اشيلها واشيل امها بعد
جود وهي تمد لسانها

-عله على قلبك .

.
يزيد

-ههههههههه الله يعيننا
جود

-يزيدووووووووووه …
الا وابوها يدخل بما ان الباب مفتوح

-شعندكم يا عيال
حبوا راس ابوهم وصبحوا عليه .

.جود

-سلامتك يبه تعرف يزيد يحي يرفع ضغطي من الصبح
يزيد

-وجع قلبت السالفه علي
ابوهم بابتسامه

-يالله ماودكم تنزلون .

.

نبي نمشي .

.
جود ويزيد

-ابشر يبه
ونزلوا العيال ورى ابوهم وهم يدفون في بعض ويتهاوشون بصوت واطي كنهم بزران …
دق جوال ابوهم وطلعه

-الو
الوليد:-صبحك الله بالخير يبه
ابوه

-هلا هاه جبت الذبايح والاغراض الى موصيك عليها
الوليد

-ايه الذبايح معي وباقي الاغراض راح عمر يجيبهم
ابوه

-انت تعرف عمر بربوس ماهو بجاي الا تالي الليل
الوليد مسك نفسه لايضحك معه حق ابوه عمر لاراح في درب ابطا قال ابوه يكمل

-انت وينك الحين


خلاص مابيني وبين المخيم الا ساعة .

.
عصب ابوه

مهبول انت كم ماشي
الوليد ببراءه

-السرعه القانونيه يبه


ابوه يستهزء فيه

-السرعه القانونيه وان اسمع صوت جرس السرعه هد ترى الطريق الى انت فيه صحراوي يمكن يطلع لي بعير منا ولا منا
الوليد

-على خشمي تامر بشي
ابوه

-لا
الوليد

-سلام
سكر ابوه الجوال وقال لام بندر

-وين ندى ماشوفها
طلعت ندى من المطبخ بابتسامه

-هنا يبه امر
ابوها: مايامر عليك ظالم يبه لاتنسين علاجاتي
ندى بحنيه

-ولو يبه انسى عمري ولا انسى علاجك حطيته بالبراد وباخذه بنفسي بالسياره
ابوها

-بارك الله فيك يبه بشريني وش اخبار تجهيزات العرس
استحت مره من ابوها وولع وجهها قالت وراسها بالارض

-زينه يبه بالاذن .

.
وهجت بسرعه تلقط وجهها …
جود

-هههههههههه اموت على الحيا حبيب الالب وينه
ندى بهمس

-انطمي وجع لايسمعك واحد من العيال ويحوسك وانا معك
جود

-هههههههه خوافه
ندى

-عندك مانع
جود

-عني دواس هههههههههههاي
ندى

-الشرهه مو عليك على الى يكلمك يالبزر
جود

-انا بزر يالمشيبه ترى مابينا الا سنه
ندى

-قرويه ماعليك شرهه ولا وش يفهمك بالصبغات
جود

-قومي انقلعي المهم ماتدري عن خواتنا المعرسات بيجن ولا لا
ندى تستهبل

-توام اخونا الوليد المدام اريام بتجي والاخت امال ماتدري تعرفين هالاسبوع اخر اسبوع لامتحانات المدارس ولدها عنده امتحانات …
جود

-ايه صح حسبتهم نفس حالتنا معطلين
ندى تبي تقهرها

-احسدك على ذكائك
جود

-حسووووووده
الا واريام تقاطعهن

-لا اله الا الله ماتتركن المحانك انتن
صرخت جود

-ريووووووووووووووومه
وضمت اختها قالت اريام

-وجع بشويش بتموتين ولدي انتي
جود بحركة عفويه

-يوم نسيت انك حامل
ندى

-هههههههههه وخري هناك بسلم على اختي
جود بحركات بزران

-كليها واشبعي بها بعد
تذكرت ندى

-الا وين رجلك

.
اريام وهي مادة بوزها

-اخونا الغبي عمر مسكته الشرطة لانه قطع اشاره وراح سلمان يكفله
جود بتكشيره

-يوم خربت الرحله
طبعا كانن يتكلمن بصوت عالي وهن بالصاله وسمعهن ابوهن وقال

-لا خربت ولا شي البسن عباياتكن بكلم واحد من عيال عمك يجون يودونا
انقبض قلب جود

-يبه ورى مايودينا السواق
ناظرها ابوها ذيك النظره الى خلى خواتها يمسكون انفسهم لايضحكون على شكلها
قالت جود تصرف

-نعم يمه جااااايه
وراحت تركض للمطبخ بعد طيحه هالوجه لان امها مانادتها ولا يحزنون .

.
قالت امها وهي تناظرها

-جود شفي وجهك احمر فيك شي يمه
جوود تصرف

-لا ابد يالله مشينا
امها وهي تهز راسها

-الله يهديه اخوك عمر مالقى يخربها الا اليوم
جود وهي تناظر في الشغاله وهي ترتب ترامس القهوه في السلال

-يمه هذا عمر وهذي طبوعه شنسوي يعني .

.
امها

-الله يهديه …
جود

-امين .

.
×
×
×
×
×
>>>>بيت ماجد..
سكر ماجد جواله وقال ودق على جوال مشاري
ماجد

-الو سلام
مشاري

-هلا ماجد
ماجد

-اسمع انت وينك


مشاري

-ويني ياحظي انا سبقتكم للمخيم معي اماني وريووف
ماجد ماحب يقول له عشان مايشغله عن السواقه

-رحتو بعيد
مشاري وهو ينزل شماغه جنبه ويشغل مكيف السيارة

-ايه حنا بمنطقة ……….
ماجد عرف ان مافيه مجال يروح مشاري لبيت عمه

-زين يالله مع السلامة بس حبيت اشوف وينكم
عرف يلف السالفه زين عن مشاري النشبه
سكر الجوال وراح يدور فارس لقاه جالس يشيك على كفر السيارة ومنشغل .

.

الظاهر لازم يروح هو بنفسه
قال لفارس اسمع انت اخذ امي والبتول واسبقونا للمخيم راح نتقابل بعد ربع ساعة في …….فيه طريق مختصر بمنطقة عمي يخلينا نلحقكم .

.
فارس عقد حواجبة

-وانت


ماجد وهو يرجع شعره بيده

-انا بودي عمي واهله
طبعا عمهم اعور والعين السليمه نظرها مره ضعيف ويتعب من السواقه ولازم احد يسوق به في كل مشاوريه لان عياله تادبوا من عقب الحوادث الى صارت له بسبب النظر الشبه معدوم عنده .


فارس

وين العيال



عمر والوليد..ويزيد
ماجد وهو ياخذ شماغه من سيارته الى موجوده بموقف سيااراتهم الكبير

-مدري هو كلمني وقال ارسل له مشاري ومشاري معه البنات وسبقنا بواجد مقدر ارجعه
فارس بشماته

-ههههههههههههه بيموت من القهر لو يدري وش فوت
ابتسم ماجد وقال له

-لا تسرع
فارس

-ابشر
وطلع فارس مفتاح سيارته الكامري 2006 وعطاه لماجد لانهم بيرحون على سيارة ماجد الكابريس 2006 .

.
ركب ماجد سيارة فارس وراح لبيت عمه …
،
،
،
بعد عشر دقايق وصل ….
لقى يزيد واقف برى ينتظره .

.

رمى عليه السلام
قال يزيد

-بفتح لك بوابه السيارات عشان تدخل السياره
ماجد

-زين
فتح يزيد باب السيارات .

.ودخل ماجد السيارة ونزل .

.

عطاه يزيد مفتاح الجمس وركب ماجد وطلعه برى .

.

ثم نزل
ربط شماغه زي الحمدانيه الاماراتية ماله خلق يشيل العقال مدة ثلاث ساعات تقريبا لبس نظارته الشمسيه ووقف ينتظر عمه يطلع …
مشي بسرعه وحب راس عمه

-صبحك بالخير
عمه

-هلا يا ولدي ليش متعب عمرك ورى ما ارسلت واحد من العيال
ماجد بابتسامه

-تعبك راحه ياعمي يالله صار لهم فايضين من الصلاة نص ساعة تاخرنا
عمه

-الحق معك وانا ابوك التفت يم يزيد رح ناد امك وخواتك
يزيد بسرعه:-ابشر
ودخل يناديهم .

.مشي ماجد مع عمه لين ركب وسكر الباب وراه والتفت راجع .

.قبل لايركب سمع صوت ناعم يهبل

-تو ما انور الحي
انصدم ماجد مو معقوله ماتوقعها من بنت من بنات عمه .

.
انهبلت ندى وهي تشوف مشاري قدامها يا زينه هو وحركة شماغه …
قالت جود بهمس لكن ماجد سمعها

-استحي على وجهك عيب
ندى بنعومه وكنها تكلمه هو مو اختها

-عيب ايش مشاري رجلي صح ولا لا
ماقدر يمسك نفسه ابتسم وهو معطيهم جنب وجهه ومنزل راسه ،



رفع راسه والتفت يمهن طلعت عيون ندى قدام من فتحه برقعها ورجعت تغطت امحق لها ساعة تخبص من هالكحول تحسب مشاري هو الى يوديهم واخر شي طاحت لها في مطب قوي بالحيل .

.ومع مين مع ماجد يا خزياه بيشره عليها
شهقت جود بقوه وعطتها ندى كوع في بطنها
قالت ندى ترقعها

-صباح الخير ماجد كيف حالك؟؟
ابتسم وقال وهو مدنق

-بخير عساك بخير شخبارك يا ندى

؟
على الاقل عارف منهي اشواااا شي ارحم من شي …
قال وهو ماسك نفسه لايضحك من ارتباكها

-مشاري لو موجود كان جا يوديكم
فهمت ندى تلميحه انه فاهم انها تحسبنه اخوه قالت تبلع ريقها

-انت الخير والبركه
وركبت السيارة طوالي ووجهها طايح على الاخير …
قالت جود تهمس

-وجع ان شاء الله فضحتينا
همست لها

-يوم انك فالحه ورى ماقلتي لي انه ماجد مو رجلي
جود بعصبيه وتوتر وقلبها بينفجر في صدرها

-انتي تخلين احد يشوف تهبدين ماتعطين احد فرصه
ندى فيها صيحه من الفشله

-لا يكثر بس .

.
جود مرتبكه على الاخير

-فالحه وخري بركب بالمرتبه الثالثه
ندى بقهر

-جودوه اقعد بلحالي يعني
جود

-تعالي معي انا بقرا الصراحه مالي خلق ارتز كني سكني قدام مغيمين الجمس ليه عشان نصور معه .


مسك ماجد نفسه بصعوبه لا يضحك بكل صوته بنت عمه ذي مخروشه ولسانها متبري منها.
ركب يزيد معهم قدام وركبت اريام وام بندر بعد مارموا السلام …
قال ابو متعب لماجد

-اقول وانا بوك متى بتتزوج
ماجد بابتسامه

-ناسي اني متزوج ياعمي
ابو متعب

-ههههه لا وانا عمك انت فاهم قصدي
ماجد وهو يسند ظهره لكرسي السيارة

-ان شاء الله لين تتزوج البتول واتطمن عليها
عمه

-البتول ان شاء الله بتعرس بعد شهرين ماعاد لك عذر
سكت ماجد
كمل عمه

-ياولدي العمر يركض وانت مملك لك سنين
قال ماجد وهو يناظر في عمه

-الراي رايك ياعمي والشور شورك
عمه

-ياولدى الى بيعرس انت موب انا
ماجد

-هههههههه عارف ياعمي خلاص الله يقدم الى فيه الخير
عمه

-الله يوفقك ويرزقك كثر برك وطيبك
ماجد

-تسلم يا عمي
طبعا الانسه جود كانت بالمرتبه الثالثة وفالتها منزله طرحتها وفاتحه لها كتاب لها ساعة وماقرت حرف واحد
ما كانت تدري ان ولد عمها من قريب كذا روعه شويه فيه … لا ومسوي حمدانيه اماراتية بشماغه ياويل قلبي …
عضت طرف الكتاب بقهر ياحظ بنت شيخوه فيه …انتبهت لعمرها ورجعت تقرا..غصب غصب لازم تقرا هالروايه الى كرهتها من قلب لانها فكرت فيه وهي ماسكتها بيدها …
مر نص ساعة قال ابو متعب لولد اخوه

-عطنا من قصيد الزين مبطين عنه
ام بندر والي تعز ماجد من معزتها لعيالها

-ايه وان امك سمعنا شي من شعرك الى يشرح القلب
ماجد

-هذي قصيده الفتها من ثلاث سنين …
يزيد بحماس

-ماقدر نشرتها
ماجد بضيق لكنه ابتسم

-لا خاصة ما نشرتها
يزيد

-يالله هاتها ترى كل قصايدك حافظها وبعرف ان كانت قد نزلت …
ماجد بلع ريقه وقال بالقاءه الى يهجد كل من حوله حماس ورغبه في سماع كل حرف وكل كلمه وكل تعبير …
انا والليل والعبره وجرح وخاطر مكسور
ونفس من هجير البعد والحرمان مقهوره

وقلب ظامي لشوفك ولايروى ظماه بحور
وعين تحتري لحظه غياب الطيف وحظوره

ونار تنطفي مره ومره تشتعل وتثور
واقول النار مقدوره وهي ما هيب مقدوره

حسبت الليل بغيابك يمرن الليال دهور
وكني شايل بقلبي ليال الوقت وشهوره

تصبرت وتقدرت وبنيت من الخيال قصور
الين ان الجفا شد الركايب وانتهى دوره

تحريتك على درب القصيد من ثلاث دهور
وحشا ما مات لك غصن يشف الماي بجذوره

تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره

وانا ما كان لي رغبه ابين واكشف المستور
ولكن الجمال اكبر من الخفاق وشعوره

جمال وود وعيون ودلال وكبرياء شعور
وفتنه تخذل عيون النهار وينطفي نوره

ولك في خافقي صورة تلاشت بين ضي ونور
واخاف اسكت من الفرحه وتنطق باسمك الصوره

عرفتك وانتهت رحله قساوه دربي المهجور
والا يا جمله ايام الجفا والصد مشكوره

خذتني للجفا عزه واخذني للعناد غرور
واخاف اكون بعنادى حبيب ومات بغروره

واذا كانت مسافات الخيانة للغرام قبور
وش اللي يجبر العاشق يخون ويحفر قبوره؟

وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره

غمضت عيونها بقووووووووه وخلت دمعها يسيل ويسيل ….
مايدري كيف جاله قلب وقال هالقصيده بوجودها ولكن لابد بشي من التنفيس تعب تعب تعب من الكبت …
لمن كتب الشعر وابدع به …؟

مافيه غيرها
لكنها اختارت وهو بعد اختار

!
(الفصل الثاني
×>الجزء الاول <×
>>في السيارة .

.
قال ابو متعب

-الحين المكان انت متذكره ولا شلون
فهم ماجد عليه وقال

-ايه اذكر ان هالمنطقة زينه لكني جيت بنفسي قبل ايام واغلب المخيمين عوايل وينعدون على الاصابع يعني مكان مناسب لحريمنا ويقدرن ياخذن راحتهن..
هز عمه راسه رضا على تصرفات ولد اخوه الى حنكه بيدينه وهو صغير وطلع رجال والنعم فيه .


ناظر ماجد في يزيد ووجهه الاصفر

-يزيد اخذت علاجك
كشر يزيد مايبي احد يجيب سيره الدواء المقرف الى ياخذه
قالت امه

-يو يمه ليش ماذكرتني انت تعرفني نسايه .


يزيد بضيق

-ياليتك نسيتي
قال ماجد بقوه رغم انه صوته ما ارتفع عن طبيعته درجه وحده

-الي معك القلب مو لعبه خلك رجال واخذ علاجك
سكت يزيد ومارد واخذ علاجه لاني مايبي يضيق خلق امه وابوه .

.
دق جوال ماجد ورد

-هلا .

.زين انا اكلمكم بعدين
ضرب عرق في راس جود ونطت عند راس ندى الى جالسه قدامها قالت بصوت واطي مره

-ندوش تهقينها تكلمه
طلعت عيون ندى قدام وقالت بهمس

-وجع انطمي وانا شدراني
تفشلت جود من لقافتها وقالت

-يختي سؤال برئ .

.
ندى

-تلعبين على مين انتي انسي انسي تراه ماخذ بنت اخوك يعني محرم عليك
طعنه .

.
طعنه..
طعنه..
في صميم القلب .

.
سكنت وهجدت .

.وخفقات القلب تلاشت ولا كنها كانت واستفاضت وهاجت قبل لحظات .

.

لحظه بس لحظه عاشتها بدون مكابره والنتيجة صدمه الواقع تهزها هز..
كلام ندى زي الضربه الى جت قوية على الصدر وخدرت كل الاحاسيس من قوه المها .

.زي الى يتوجع والالم تعدى الجسد وتوغل في الروح .

.
رجعت ورى لكرسيها ونزلت دموعها وهي كابته شهقتها بيدينها الثنتين عشان محد يسمعها ودها تصارخ تبكي تبكي .

.تترجاه تعتذر منه اخطت عليه واخذها الغرور بمحبته لها وتاليتها خسرته وياليت من بعد الخساره فيه امل .

.لا الخساره جتها مزدوجه فزود على انها خساره مات الامل واحترق واستحال رماد للابد .


قال ابو متعب لماجد السرحان الى ماسك الدركسون بيد واليد الثانية مسندها لباب السيارة .

.:-غريبة ماشوف عزبتك معك
ابتسم ماجد ذيك الابتسامه الى تقلب ملامح وجهه 180 ولانه يعرف عمه ويفهم مقاصد كلامه حتى اكثر من عياله قال

-ههههه لا مانسيتها لكنها مع فارس
ابو متعب بابتسامه جعدت وجهه اكثر

-انا استغربت يوم ماشفت سلاحك معك
ماجد

-هههههههه بعذرك يا عمي ماقد طلعنا بر الا وهو معي
قال عمه وهو يتذكر

-الا على طاري فارس وين قال انه فيه
ماجد

-راح يوصلون بعدنا بربع ساعة ماعليه فارس يخبر هالمنطقة زين لانه يخيم احيانا مع خوياه هنا
ابو متعب

-ايه اشوا بس قل له ينتبه الارض ممطوره ماشاء الله لا يطيح له في بركة مويه
ماجد

-قلت له ينتبه ماعليه الوالده معه ماهي تاركته فحالة هههههه
ابو متعب

-ههههههههه
/
/
/
/
في المخيم>>>>
مشاري وخواته لهم ساعة واصلين والوليد وصل بعدهم بدقايق وذبحوا ذبيحه وجهزوا الفطور وشبوا النار وحطوا الدلال عليها وكل شي جاهز بس ينتظرون العيله توصل .

.
بعده بربع ساعة وصل ماجد والعيله ووراه كان فارس وامه واخته .


نزل ابو متعب من السيارة ومعه يزيد بقى ماجد بالسيارة يشغل جواله الثريا لان المنطقة الى هم فيها ما تشتغل فيها الجوالات العاديه .

.نزلت ام بندر واريام وندى الى كانت مستعجله تبي تشوف مشاري قبل لا يروح يعني فرصه اما بالنسبة لجود كانت غافيه بالسيارة وانتبهت للهدوء الى حولها بسبب صوت ماجد وهو يلعن الجهاز الى معه جلست بسرعه وشافت الجمس فاضي احترق وجهها وبردت عظامها جمعت اغراضها وحطتها بشنطتها الكبيرة وحاولت تنزل .

.في هالوقت نزل ماجد من السيارة ودنق يبي يزين شي بمرتبته الى كان جالس عليها ،



من العجله والرباشه دخلت عبايه جود في مكان ونشبت فيه وهي ما انتبهت الا يوم جت بتحط رجلها بالارض الا والعبايه تشد عليها بتطيحها على وجهها صرخت صرخه خوفت ماجد وانتبه لها ترك باب سيارته مفتوح عشان محد ينتبه له وهو يساعدها ما يبي يجيب لها المشاكل “دقيقة ”
شب وجهها نار وضرب قلبها ضرب لو جا قدام الطبول نافسها .

.
كانت العبايه شاده عليها وتخنقها حاول ماجد يفكها بس مافيه امل والبنت تختنق ماقدر يتحمل مسك العبايه وبكل قوته قطعها وقبل لا تطيح مسكها من ذراعها لا تطيح على وجهها بسبب الموقف كانت اعصابها بتنفجر وبسبب قربه منها زاد حالها سوء والطيحه كملتها نفضت يده وهي تحس ودها تبكي بقوه وترتجف وحالتها حالة قالت بدون شعور

-وخر عني وش سويت انت خربت عبايتي توني شاريتها جديدة مكلفتني واجد
تغير لون وجهه هذا جزى الى نسى نفسه وجروحه وجا يساعدها قال يستهزء

-ايهم اهم حياتك ولا عبايتك
ومشي وتركها لانها ان مشت قبله بيبين لبسها لان العبايه صايره قطعتين منفصلات وهي ماسكتها بكل قوتها وكانها بتموت اذا تركتها .

.
ناظرت فيه ونزلت دموعها لانها شافته يروح لمجلس الحريم عشان يسلم على جدته ام ابوه ام صالح وكانت نجوى واقفه عند الباب تبتسم له رمت عبايتها وشنطتها بالسيارة وركضت تبي تختفي قبل لا يشوفها احد ويتشمت فيها ما تتحمل ما تتحمل كرامتها فوق كل اعتبار ركضت ماتدري وين وجهتها بس اهم شي تبعد عشان تبكي براحتها وترتاح حتى ترجع قوية وتقدر تتحمل بنات اخوها من ابوها وامهن الحيه والاهم تقدر تتحمل شوفه من حرمتها من ماجد …
ناظرت في الساعة ولقتها 8 الصبح غريبة مافيه شمس قوية كان الجو مره حلو وكان فيه ريحه مطر المكان كان روعه نفود وعشب ووناسه والاهم ارض فاضيه يعني حريه شخصيه للي يبي يتمشي ويوسع صدره .

.
مسحت دموعها وغسلت وجهها بقاروره المويه الى معها من اول مامشوا من بيتهم …
رفعت راسها للسما وهي تشوف رشاش مطر خفيف ابتسمت من كل قلبها كان جو ولا اروع .

.شي يبث التفاؤل في قلبها لكن وش فايده التفاؤل لما نرجع لواقع يقتلنا ويالمنا

خذتني للجفا عزه واخذني للعناد غرور
واخاف اكون بعنادى حبيب ومات بغروره

واذا كانت مسافات الخيانة للغرام قبور
وش اللي يجبر العاشق يخون ويحفر قبوره؟

وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره

رجعت الدموع بقوه وكانها نار تشتعل في هشيم تحرق روحها معها .

.
اه ثم اه ثم اه
ليه يا ماجد ليه …؟؟
ليه اخذت عزتك مني ماقصدت ماقصدت ماقصدت وش الى سويته تزوجت بنت اخوي خليتني محرمه عليك لابد الابدين .

.
حست بشويه برد وفكت شعرها الطويل عشان يدفي رقبتها شوي .

.
جلست على الارض وضمت ركبها لحضنها وهي تشوف كابه حياتها تتصادم مع روعه الجو .

.
×قلي يا زمن وش باقي حزن تخفيه!!×
&
&
>>بالخيمه
قالت جده ماجد لنجوى

-يمه روحي اجلسي جنب رجلك موجنبي
طاح وجه نجوى مره ونزلت راسها ووجهها احمر .

.

استغلت امها الفرصه وقالت

-ايه جدتك صادقه .

.
حست بقلبها بيطلع من محله وقالت بهمس

-لا بجلس جنبك يا جده
ضحكت جدتهم الكبيرة بالسن والمريضه

-يوه من دلعكم يا شباب هالزمن
ابتسم ماجد وقال

-لا تحرجينها يا جده قال بيغير السالفه الا القهوه الزينه ذي من مسويها
قالت ام طارق

-ذي نجوى من فجريه ربي وهي ناشبه في المطبخ تشتغل
قالت بحيا

-يمه
قال ماجد بابتسامه حنونه

-الله يسلم هاليدين
حمرت خدودها

-صحة وعافيه
ماجد

-يعافيك .

.
قالت ام ماجد بابتسامه

-لك نفس يمه في الطبخ ماشاء الله عليه فنان
قالت نجوى وهي تناظر عمتها ام زوجها

-صحة ياعمه
“وخري عني دوري بشوف”
كانت عايشه واسماء مرتزات عند واحد من بيبان الخيمه المسكره ويقزن ماجد من الفتحات الى بالجوانب .

.
قالت عايشه

-اف منك شوفيه واشبعي منه
اسماء

-اشبع ما اقول الا مالت على حضوضنا الطين
عايشه

-هههههه اي والله وانتي الصادقه
اسماء

-اقول عايشه ما تلاحظين انها غريبة انهم ماتزوجوا لسى
عايشه بغباء:-مو هو يقول مايبي يتزوج الا عقب زواج المدلعه الماصخه
قالت اسماء بكره

-قصدك البتولوه
عايشه

-ايه ماغيرها …
اسماء

-ماظنيته يا عايشه يعني لو تزوج باختنا وش بيصير للزفت ذي احساسي يقول لي انه مايبيها
عايشه وعيونها طايره قدام

-مجنونه انتي شلون مايبيها ليه حرمه هو ينغصب
اسماء وهي تتنهد من قلب

-الا رجال ونص بس مدري احس فيه نظرته لنجوى شي حزن او فراغ مدري
عايشه

-قومي فارقي الافلام الهندية ماثره عليك
اسماء

-الشرهه مو عليك خليني املي عيني ابرك لي
عايشه وهي نازله تقز من تحت

-هههههههه بالله شوفي نجوى الهبلا عيونها بالارض
اسماء

-ههههههههه يختي اختنا ذي طالعه هبلا على مين
عايشه

-ههههههههههه مدري
وقف ماجد وقال بهدوء

-انا بروح لخيمه الرجال تجين يا جده معي
جدته

-والله يا وليدي رجيلاتي ماتساعدني خيمتكم بعيده شوي
ابتسم وسكت مشي للباب وقال

-نجوى
رفعت راسها وقالت بلهفه

-سم
ماجد تحامل على نفسه وقال

-تعالي شوي
قالت جدته

-يوه اثرنا عذال
ماجد

-هههههه محشومين ياجده
طلعت نجوى وهي تعدل جلابيتها الحلوة تمنت لو فكت شعرها بدل رفعه شنيون كذا وقفوا عند سيارته وقال

-كيف حالك
شوي وتطير من الفرحه كانه حس بحاجتها له وان هالدقايق الى جلسها ما كفتها ولا ارضت شوقها له قالت بابتسامه

-تمام انت كيف حالك
ماجد

-بخير .

.
ناظر في ملامح وجهها الناعمه الراكزه ماشاء الله عليها عيون عجيبة لكن ليش يحس بنفسه كلما طال الوقت انه متضايق ومو فرحان .

.ليش؟؟
جواب هو يعرفه بسبب مرض اسمه جود استبد بكيانه وجلس ينهش بروحه ووقف حاجز منيع قدامه وقدام اي بنت ثانيه
قال وهو ياخذ جواله

-يالله تامرين بشي
كانه لمح ومضه حزن بعيونها
قالت بضعف

-اجلس شوي بدري
قال بابتسامه وهو يزين ربطه شماغه

-مره ثانية ان شاء الله ،



يالله سلام
ومشي وما التفت جهتها لو التفاته وحده .

.حس بضيق يفوق الوصف لكنه كبته ومشي لين وصل لخيمه الرجال .

.لقاهم حاطين الفطور سلم على ولد عمه متعب وعلى ولده تركي وجلس اكل لقمتين وبعد القهوه والشاهي انفضوا الى نام والي راح يمشي والي راح يشوف تجهيزات الغداء .

.والي جالسين يسولفون .

.
فتح ماجد باب سيارته واخذ سلاح الصيد بيده كن الجو بدا يبرد اخذ معه جاكيته الطويل ولبسه …
قال له عمه

-الله الله بالصيد الزين
ابتسم وقال

-والله يقولون الصيد هنا زين
عمه

-اجل الحق عمك بارينب يشتويها بدل هاللحوم والشحوم
ماجد

-هههههههه ابشر وبدل الارنب عشر كم ابو متعب عندي
ومشي ماجد مسافه وشاف له ذيك الارنب ولانه لا رمى مايخطي ابد بطلقه وحده ذبحها .

.راح لها وذبحها بالسكين واخذها بيده…
فزت جود من مكانها بخوف ورعب ماحسته في حياتها هذا طلق نار …
ماتت من الخووووف دورت جوالها وطلعته لقت مافيه ارسال طلعت عيونها قدام من الخوف .

.
الا وطلقه ثانية نقزت من مكانها وتجمعت بعيونها الدموع المصيبه انها ماتذكر وين مكان مخيمهم .

.وش هالمصيبه الى طاحت فيها
ارهفت سمعها الا وصوت مشي التفتت تدور مكان تتوزا فيه لقت الارض صحرا ممتده ولا شي يقدر يحجبها عن النظر .

.
رحتي فيها يا جود يا بنت الاصل والفصل ضاع مستقبلك وانتهت حياتك …
كان خطواته تمشيه مسيره مو مخيره .

.شي قبض قلبه وخلاه ينبض وكانه بينصدم صدمه بتهزه هز …
مشي ماجد الا هو يوقف مكانه مصدووم من ذي الى واقفه لابسه جنز وبلوزه بيضاء وشعرهاااااا اه عذاب .

.
تعوذ من ابليس وتنحنح
تجمدت مكانها وشوي ويغمى عليها .

.قال ماجد بهدوء

-يا بنت روحي لاهلك المكان ذا فيه شباب وعوايل
ماتت في جلدها مااااااااااااااجد ماتدري هي تفرح ولا تتمنى الموت ولا يشوفها كذا …
استغرب ماجد من هالادميه الى ماتحس على دمها ياترى هي ادميه ولا بسم الله ابتسم وقال

-انتي انس ولا جن
عصبت “جن بعينك”
قالت وهي تلتفت

-انا جود
انصدم ماجد وقست ملامحه عصب بقووووه وقال

-وش تسوين هنا صاحيه انتي ولا مجنونه
نزلت عيونها بالارض وهي ترتجف من الخوف والفشله والظروف الزفت الى حطتها بهالموقف …
جا لمها وهو واصل اقصى مراحل التعصيب صرخ

-ماتردين ليه يا بنت عمي ردي ليش انتي هنا


قالت بعصبيه

-ضيعت الطريق
سمع اصوات قريبه منهم اصوات شباب انقلب لون وجهه وتمنت جود لو تموت وترتاح …
رمى سلاحه وصيده وقال وهو ينزل الجاكيت

خذي البسيه
اخذته منه وهي شبه مخدره
نزل شماغه وقال

-لفيه على راسك بسرعه
جمدت من البرد والخوف ولفته وتلثمت به …
قربوا لمهم الشباب وهم يقزون جود رد ماجد السلام وهو يقرب منهم عشان تكون جود بعيده عنهم .

.
قال واحد وهو يقز جود

-اشوف الصيد وافر هالايام
رفع ماجد راسه ومسك اعصابه وقال

-ايه وافر
قال الشاب

-صيد عن صيد يفرق


ضحكوا خوياه من معنى كلامه …
حمد ماجد ربه ان سلاحه به رصاص .

.قال بعصبيه

-تسهلوا ابرك لكم
قال واحد منهم جثه وشكله مقزز

-وان ماتسهلنا نسيت المثل الى يقول الكثرة تغلب الشجاعه
قال ماجد وهو يقرب منه ويتحداه

-نسيت المثل الى يقول احذر الحليم اذا غضب
صفروا الشله من كلام ماجد وكانهم يحقرونه …
بلمح البصر رمى ماجد طلقه جت من جنب وجه اول واحد كلمه وقال

-هالمره تحذير والجايه بين عيونك خذ شلتك وتسهل …
حست جود بنفسها راح يغمى عليها توقعت الولد تفجر راسه طلع ماجد يبي يخوفه بس …
التفتوا يم بعض وعرفوا انه ما يمزح خافوا موت وخصوصا انهم شله مظاهر مو رياجيل بحق وحقيق .

.ومشوا على طول
قال الى خوفه ماجد برميته

-ماراح اضحي وعمري عشان وحده ………
كانت كلمه قوووووووووووووويه نسى ماجد نفسه وهدوءه وعقله وثقله مسكه من رقبته وشاله وضرب به الارض اصدقائه جمدوا من الخوف ماعمرهم شافوا واحد معصب زيه
قال ماجد وهو يصارخ

-لا تتجرا وتفتح فمك بكلمه عن بنات الحمايل يا بن …….

قم انقلع قم لا والله لا ادفنك بارضك
ووقفه على رجلينه ثم رماه لاخوياه وقال معكم عشر ثواني ان شفت واحد قدام عيني ثورت فيكم ولا يهمني احد …
شافو الجديه بوجهه وركضوا وماينشاف منهم الا غبرتهم .

.
جمد ماجد مكانه وهو يتنفس بقوه رجع شعره بيده وهو يحاول يمسك نفسه لا ينفجر ولا يجيه جلطه .

.
سكتت جود ماتدري شتقول .

.ماجد بغى يموت بسببها وشرفها بغى يضيع بسببها .

.
التفت يمها اخذ سلاحه وصيده وقال

-مشينا للمخيم
مشت معه وهي ماتتكلم بحرف …توها تدري انها مشت بعيد عن المخيم
قال ماجد بدون مايلتفت لها

-لا تجيبين سيره لاحد عن انك قابلتيني وعن كل الى صار لمصلحتك يا بنت العم
عصبت وقالت بتهور ماهي بطبيعتها بعد الاحداث الى صارت

-تهددني يعني
التفت يمها وقال بعصبيه وطبعه يثور

-اهددك ايش مجنونه انتي ولا صاحيه وش بيقولون اهلنا لا شافونا راجعين مع بعض هااااااه .

.انا رجال مايضرني شي لكن انتي بنت والبنت زي الثوب الابيض اقل شي يدنسها
امتلت عيونها دموع وسكتت وهي تمسحها …
ضاق صدره ماكان يبي يقسى لكنها تستاهل التهزيئ بسبب فعلتها وتصرفاتها اللا مسؤوله .

.
نزل مطر قوي عليهم غمض ماجد عيونه هذا الناقص …
فجاه قال لجود: وقفي لا تتحركين
ماتت خوف .

.وسوت زي ماقال بهدوء طلع من جيبه سكين ونزل الارض بسرعه طش دم على رجل جود نزلت عيونها تحت لقتها حيه صرخت من الخوف ومسكت ذراعه بقوه بدون شعور وهي خايفه لاقصى درجه
قال بحنيه

-ربك ستر لا تخافين الثعابين مو كثيرة هنا بس انتبهي لخطواتك وانتي تمشين احتياط …
انتبهت لعمرها وفكت يدها منه ووجهها طاااااااااايح .


هذي الطلعه الى تحمستي لها يابنت صالح كلها ماسي في ماسي …
ومشوا شوي وقف ماجد وقال

-الخيمه ذيك خيمه البنات روحي لها …وانا بجي بعد شوي
وقبل لاتمشي قال لها

-مانسيتي شي
طاح قلبها وانتبهت لشماغه وجاكيته .

.
عطاها ظهره ونزلتهم ومدتها عليه وقالت

-خذ يا ولد عمي حسافتي عليك تزيد يوم بعد يوم
تصلب وجمد وكملت هي طريقها التفت لقاها تركض شعرها الطويل وراها كنه سحابه صيف .

.
×
×
×
×
(الجزء الثاني)
دخلت جود الخيمه لقت مافيه احد …الا بدخله ندى الى قالت بعصبيه

-جود وينك من اليوم
ارتبكت جود وقالت

-رحت اتمشى
ندى وهي من جد معصبه

-تتمشين بلحالك
جود كانت واصله معها قالت

-ااااااااف ايه بلحالي ليه فيه مانع


استغربت ندى من رد اختها …
ثانيه…ثانيتين…ثلاث …مسكت جود من يدها من فوق وقالت وعيونها فيها دموع

-كنتي معه صح
عصبت جود وصرخت

-ندى احترمي نفسك
قالت ندى وهي شوي وتنهار

-احترم نفسي من الى مفروض يحترم نفسه يا بنت امي وابوي ريحه عطره معك واضحه للكل هذا شي مايختلف عليه اثنين
احترق وجه جووووود وسالت دموعها وجلست على الارض تبكي …
طاح قلب ندى واخذتها الظنون يمين ويسار قالت ندى بخوف وهي تهزها

جود تكفين طمنيني لا تخليني افكر بشي مو زين
قالت جود

-اااااااه يا اختي وش اقول
ندى جلست ترتجف قالت بعصبيه

-سوى لك شي
صرخت جود

-حشا ما سوى شي لو الناس مثله كان الدنيا بخير .

.ياحسرررررره قلبي يا ندى ياحسرررررررره قلبي
سالت دموع ندى غصب

-تقولين ولا شلون …؟؟
قامت جود وقالت لها كل شي صار من سالفه العبايه لين ماوصلها …
انقلب وجه ندى ازرق وقلبت كبدها من كل الى سمعته بغت تروح اختها فيها لولا ستر ربي ورحمته …
قالت جود وهي حاطه راسها بحضن اختها

-خسارتي ماتتعوض يا ندى ما تتعوض
مسحت ندى دموعها

-كله مقدر ومكتوب يا جود ارضي بحكمه الله ولا تنسين انتي اخترتي وهو اختار …
جلست جود تبكي وهي متمسكه باختها

-اخترت الندامه والله
ماتحملت ندى ياس اختها الى تفجر بسبب الضغط النفسي الى مرت فيه

-جود خلاص ما اقول انسي لا اقول ارضي بالنصيب لا تخلين الناس يشمتون فيك لا تخلين المك يصير اثنين الم قلب والم عزه وكرامه قومي بدلي ملابسك لا تموتين من البرد قومي ريحته ما راح تساعد نفسيتك لو مكانك حرقت هالملابس الى شالت واحتوت ريحته …
سكتت جود ماتدري ندى انها مستحيل تفرط بها لو يكون فيها موتها .

.
وقفت واخذت الملابس الى عطتها ياه ندى لبست ملابس دافيه مشطت شعرها .

.

وعدلت شكلها وراحت مع اختها تقابل المناحيس بنات اخوها وامهم العقربه …
دخلت جود الخيمه ورمت السلام .

.سلمت على جدتها وحبت راسها
قال ام طارق بانتقاد

-وينك فيه من اليوم يا جود صار لكم ساعتين من يوم ماجيتوا …
قالت جود وهي رافعه حاجب

-اتمشي ليه فيه مانع لا سمح الله
ام طارق تكره جود لانهم كانوا يقولون انها لماجد من سنين غير عن كذا ان جود ماتواطنها في عيشه الله
قالت ام طارق بكره وهي ناويه تركبها الحق تخليها مخطيه

-لا مافيه مانع لكن الاصول انك تسلمين على جدتك وعلينا ثم تسوين الى تبين
ارتفع ضغط جود وخواتها حسن بطبعها يبي ينفجر قالت جود

-مخلين الاصول لاهلها .

.
قالت ام بندر

-يمه جود عبايتك شفيها منقطعه
انفجر قلب جود وانقلب وجه ندى قالت جود بهدوء

-جيت بنزل من السيارة ونشبت بطرف المرتبه ومادريت الا وهي مقطوعه
قالت عايشه بتخلف

-يوه عبايتك غاليه رغم انها عبايه راس وعاديه مافيه ميزه
ناظرتها جود باحتقار وقالت

-العبايه للستر ياماما مو للفت الانتباه هذا يسمونه سفور وبعدين قيمتها بقماشها وطريقة خياطتها اذا ماعندك خبر
ابتسمت ندى مايعرف يهجدهن الا جود …
قالت نجوى تدق

-ذوقي الحلا الى مسويته ماجد تخبل يوم ذاقه
سد الله نفسك يا بنت اخوي …حتى كاسه الحليب عافته وانسدت نفسها عنها
قالت جود ببرود

-تعرفيني ماحب الحلا يسمن يخلي الواحد كانه بالونه بينفقع
حمر وجه جود لانها ردتها لها بما انها سمينه شوي …
قال ندى في نفسها “هذا وهي المدينه ،



صدق العرق دساس ”
قالت اريام

-وش اخبارك يا البتول .

.
ابتسمت البتول

-بخير الحمدلله
قالت اسماء بهباله

-من قدها بتعرس بعد شهرين …
خزتها البتول بنظره وسكتت وظلت جالسه عشان ماتفشل امها في الحريم …
قالت جدتها

-يمه جود وش صار بالنسبة حامد
قالت ام طارق بلقافه

-حامد ولد سعد
ام بندر

-ايه ماغيره
قالت جود وهي ماسكه كاسها بقوه

-ولا شي ياجده اظنك عارفه قراري
قالت نجوى والغيره تطحنها طحن

-لمتى يا اخت ابوي وانتي ترفضين الزواج الناس بيتكلمون ترى
جود مو طايقتها خلقه وزود عن كذا جالسه تدقها بالحكي
قالت جود

-موب ازين من اني اتزوج وانلطع محد يعبرني
انقلب لون وجه نجوى ولان الكلام في مجمله عام لكن معانيه واهدافه واضحه محد قدر يرد …
قالت ريووف تبي تطلع لان الجو العام يوتر

-جود قومي نطلع الجو روعه
ماصدقت جود خبر طلعت مع بنت عمها القريبه منها مره …
قالت ريوف

-ياربي الله يعين امي على مقابل هالنحسه نجوى
جود

-الله يعين الى يستحق العون جد
تقصد ماجد كلامها واضح!
قالت ريووف

-خلاص جود انسي
التفتت يمها جود وقالت باستهزاء

-انسى



انسى!

هو القلب يقدر ينسى نبضه ووريده
سكتت ريوف لا حياة لمن تنادي


شوي الا ولد اماني توه بثاني ابتدائي جاي لجود قال لها

-خاله جود
التفتت جود وقالت بحنيه

-هلا قلبي
مد عليها شي ملفوف بقصدير وقال

-خذي
عقدت جود حواجبها

-وشو ذا
قال ماجد الصغير وهو يناظر في خالته ريوف

-سر
ريووف

-هههههه سر علي يا قليل الخاتمه
قال لجود

-عطيني اذنك
عطته جود اذنها وقال

-هذي من خالي ماجد يقول انتي بردانه وما افطرتي كليها انا الى مسويها
ماتت الابتسامه عن وجهها وراح ماجد يلعب انتبهت ريوف لوجهها الى متغير وقالت

-وشو ذا؟؟
قالت جود تحاول تخلي الوضع ايزي

-لحم صيد مشوي
ريووف

-يا قلبي يا مجود والله ويعرف يعطي لحم
ارتبكت جود

-من قال انها من ماجد هبلا انتي
ناظرتها ريووف وقالت

-هيه اقصدك ماجد ولد اختي اماني وين راح فكرك …(شوي الا تستوعب … جودوه من ماجد اخوي ذي
قالت جود

-هههههههه اقول اص لا يسمعنك ذا السعالوه ترى مو ناقصة مشاكل
ريووف

-هههههه على قولتك
كلت جود من الشوي وهي كل ماتبلع قطعة تبلع معها غصه …
قالت جود

-ريووف انا حاسه فيه شي منغص عليك عيشتك وش فيه
قالت ريوف وهي تضم يدينها لصدرها

-يختي عمه خالد بس ترمي حكي علي تخيلي تجرات وقالت لزوجي وانا جالسه انت طب وتخير الى تبي من بناتي وانا مستعده ازوجها لك
انصدمت جود

-وشو

؟؟
ريووف

-والله العظيم وقحه مررررررررره وبناتها اوقح
غمضت جود عيونها وقالت

-وكلي امرك لله والزم ماعليك رجلك قولي من جد هو يحبك
ريووف برقه

-الا يموت فيني زي ما اموت فيه
جود

-اجل ماعليك من الناس ولا من عمته المريضه ذي
قالت ريووف بكابه وياس

-كثر الدق يفك اللحام يا جود
عصبت جود

-الحمد لله لا تخلين هالمهبوله تاثر عليك لا تخلينها تزرع الشك بينك وبين رجلك
ريووف

-ايه وانتي الصادقه .

.
ورجعن للمخيم …
،
،
،
،
،
>>> بمخيم الرجال
قال ماجد لابو طارق

-والله يبو طارق بغيت زواجي من نجوى يكون بالصيفية شرايك
ابو طارق بابتسامه

-الي يريحك يا ولد العم لو تبي تاخذها الحين ماني برادك
ابتسم ماجد وقال

مو بنت متعب بن صالح الى تتزوج بدون عرس
ابتسم ابو طارق وقال

-الي تشوفه سوه
ماجد

-الله يقدم الى فيه الخير …
،
،
>>في نفس الوقت
قال مشاري لبندر

-الحين انت بتسوي الغداء
بندر بغرور

-ايه انا
مشاري يستهبل

-عز الله ما تغدينا
بندر

-اقول اسكت لا تجلس بدون غداء اعرفك يالنسيب
مشاري بلهجه ماساويه

-الله لايبارك في عدوكم مالقيتم تطلعون الا قبل عرسي باسبوعين
بندر يستهبل

-ليه خايف على بشرتك يالمزيون
مشاري

-هههههههههه ايه عندك مانع
بندر

-اقول قم قطع البصل ابرك لك
مشاري

-بصل عاد
بندر

-مشاريوه تقطعة ولا شلون
مقالب بندر في مشاري المسكين كثيره
قال مشاري

-لا لا اقطع امها اذا بغيت
بندر

-مابيك تقطع امها قطع الى بالصحن
مشاري

-ههههههه اشوف فيك يوم
بندر

-هههههههههههه
،
،
،
×وقت الغداء×
طبعا شباب العيله متكفلين بالطبخ وكل شي .

.دق بندر على جود يعلمها ان الغداء جهز وبيجيبونه بعد شوي…
سمعت جود اصوات اخوانها وطلعت لهم تنتظرهم عشان تساعدهم
قالت لعمر وبندر

-ياهلا بالحامل والمحمول
عمر

-ههههه الى يسمعها يقول مشفوحه
جود

-هلا والله بالسيد عمر مشاكل بالله اشرح لي شعورك يوم ابوي شاف خشتك
بندر

-ههههههههه ايه اشرح لها بالله ،



والله وناسه
عمر وهو مكشر

-ماللطيبين نصيب بذا الدنيا
بندر وجود

-هههههههههههههه
عمر

-ايه اضحكوا شعليكم انا الى تشرشحت موب انتم
جود

-ههههههههه تستاهل ابرك فتح عيونك بعدين لاجيت تسوق
عمر

-هذا جزا الى طاير عشان ماياخركم
جود تستهبل

-بالله عليك لا تفكر بمشاعرنا مره ثانيه
بندر

-ههههههههههه حلوووووه
عمر

-ما اقول الا مالت عليكم .

.هين يا جويده وانا جايب معي علبه جلكسي
طلعت عيون جود قدام

-هاااااا وشو .



انت اخوي حبيبي
عمر

-هههههههههه يا شين المصالح
بندر

-هههههههههه يالله مشينا الرياجيل يحترونا بالغداء
جود

-عموري جبلي الجالكسي قبل لا تتغدا تعرفني مو راعيه غداء
عمر يغني

افكر وابقى ارد عليك
ومشي وبندر معه يضحك عليه يوم يغني مصري .

.
نادى جود من بعيد

-استني دقايق بجيبه لك ماتهونين علي
ارسلت له بوسه

-يعيشون الاخوان الى كذا يعيشون
عمر وبندر

-ههههههههههه انهبلت هالبنت
ومشوا راح بندر للرياجيل وعمر راح لسيارته يجيب علب الجالكسي الى شاريها .

.
قال ماجد لبندر

-فيه ببسي وحليب ولبن بترامس الثلج وديت للحريم شي
قال بندر

-يووووو نسيت
جا بيوقف وجلسه ماجد

-انا بوديها
فارس

-اجلس انا اوديها
ماجد

-لا انا رايح رايح لاني مبقي لجدتي من الشوي ماودي تاكل رز مسلوق بس على الغداء
جلس فارس

-براحتك
وقف ماجد واخذ الاغراض وراح لمخيم الحريم .

.
وقف وجمد مكانه كانت جود جالسه على السيارة من قدام وتغني .

.ورجلينها رايحه جايه كانت روعه ناعمه والاهم انها حبيبته …
حبيبته …؟
سنين مرت ولا قدر ينساها يوم اغترت عليه ورد لها الحركة بتهور .

.وفي النهاية خسرها للابد .

.
ياحبيبي اقرب ليه..بظمك بايدي
انت بتعرف انا شو بحبك..ومنتش غالي علي
ياحبيبي خلك حدي .

.غير عيونك مابدي
بخاف لوحدي ابقى لوحدي..لو بتغيب شوي
صوتها يجنن ناعم حلو .

.والاهم ان التوتر والخوف والحزن الى كانت مرتسمه على وجهها اليوم اختفت .

.
قالت له خذ يا ولد عمي حسافتي عليك تزيد يوم بعد يوم
هي فعلا متحسفه ولا كلام …
رديتيني يوم جيتك كلي امل يا بنت عمي .

.عرفتي حبي لك .

.الي نظمته لك عقود في قصيدي .

.عرفتي انك اليوم والامس والحاضر والمستقبل .

.وكسرتيني
ياما تمنيت اشوفك كسيره .

.واليوم شفتك كذا .

.شفت الحزن الى حفر في روحك قبور .

.ولكن ماحسيت بالرضى ليه ليه .

.؟؟
كلها الام خفيه في قلب عاشق لك .

.رجال من صلب رياجيل قوي العود كلمته نافذه والكل يحسب له الف حساب .

.ولكنه في النهاية اسيرك .

.وانتي هاجسه .

.
ناظرت جود في ساعتها “طيب يا عمر جحدتني بس هين مردوده”
وقامت ودخلت خيمه الحريم .

.انتبه ماجد لعمره وانه واقف مايتحرك .

.نزل الاغراض عند باب الخيمه ونادى البتول تجي تاخذها وقال تعطي جدته الصحن المقصدر .

.
وقفت نجوى بعجله يوم طلعت لقته معطيها ظهره يمشي بغت تموت من الاحباط …اخذت الاغراض ودخلتها وعيون الشك على جود الى اول مادخلت نادى ماجد من برى ياترى هل هي صدفه ولا كانت برى وهو بعد كان موجود .

.؟؟
انقلب لون وجهها من الخوف والله ان قالت هالكلام ولا طلعته ليذبحونها .

.
تغدوا البنات .

.

الا جود الى كانت جالسه تقرا لها كتاب .

.
قالت ام طارق بخبث

-الا على طاري الكتب هاه مالقيتي وظيفه
ناظرت فيها جود بغرور

-الوظيفه لو بغيتها كان من بكره توظفت لكني مابي اتوظف
ام طارق بذهول كاذب

-يو وهالمصاريف والتكاليف تروح كذا
جود بدلع

-ليه احد شكا لك .

.؟؟
قالت نجوى بغرور

-اذا تبغين واسطه عطيني خبر
ناظرتها جود وضحكت ضحكه بدون نفس

-ليه انتي الى بتتوسطين لي
قالت نجوى بقهر وعيونها مركزه تدور نقطه ضعف تلوح في وجه جود ولا شي

-لا بس ماجد واسطته نافذه
مسك جود اعصابها وقالت بغرور وبرود

-ان احتجت لواسطه ولد عمي طلبتها منه هو مادورت وسيط بيني وبينه
قلب لون وجه نجوى احمر بلون الدم …بتموت الاكيد انها بتموت بسبب عمتها ذي ،



عمتها الى هي عدوه لها .

.
جت نجوى بترد وقالت اماني بقوه

-نجوى خلاص خير ان شاء الله كلامك كله ماله داعي
انفجرت نجوى

-الحين كلامي ماله داعي لا تنسين اني زوجه اخوك
اماني ببرود ورزانه

-ماهي معلومه جديدة انك زوجه اخوي لكن عن الدق الى ماله داعي جود ما جت صوبك ولا غلطت عليك
جت بترد وقالت الجده

-خلاص بس ولا اسمع حس ماللكبير عنكم احترام لعنبو ابليسكم انتم لحم ودم .

.
تفشلت نجوى وسكتت …وناظرت ندى في جود الشامته “اه يا قوتك يا اختي كيف تتعمدين البرود وانا الى اعرفك واعرف ان الى بداخلك بركان قتال ”
كملت جود تقرا كتابها وهي ما تشوف ولا حرف من القهر والدموع الى تحاول ترجعها ومافيه فايده .

.
،
،
مرت فتره العصر بهدوء الى نام والي يتمشي والي يسوي الى يبي …
طلعت جود برى ونادت ماجد الصغير …
ماجد الصغير

-نعم يا خاله
جود بحنيه

-يا قلب خاله اسمع يا قلبي روح لخالك عمر وقل له خاله جود تقول تعال شب لنا النار قبل لا تغيب الشمس
ماجد الصغير

-طيب
وراح يركض …
مالقى عمر وقال لخاله ماجد

-خالي
التفت يمه ماجد وهو يزيد نارهم حطب ويزينها

-بغيت شي مجود
ماجد الصغير

-خالي وين خالو عمر
ماجد وقف يدوره وشافه نايم في ظل سيارته

-شفه هناك نايم
وراح له ماجد الصغير وجلس يكلمه

-خالي عمر خالي قم قم خاله جود تبيك تشب لها النار
سمع اسم جود من جهه وترك البيده من جهه .

.
نادى

-مجود تعال
جاه ماجد الصغير

نعم
ماجد

-وش تبي من عمر
ماجد الصغير

-خاله جود تبي خالي عمر يشب النار
ابتسم ماجد

-طيب يالله مشينا انا بشبها لكم عمر نايم
واخذ معه حطب وساعده ماجد الصغير بعد ازعاج …
دخلت جود الخيمه ولبست شابو ابيض على راسها عشان يدفيها وطلعت .

.لبسها كان دافي بلوزه بيضاء صوف طويله للخصر وبنطلون ابيض من الجينز الثقيل كانت اكمام البلوزه طويله ومن جهه نازله عن كتفها طالع شكلها ناعم مره
وقفت تناظر جهه وجه رجال جالس يزين الجزه ورابط شماغه بقوه
“اااااه من الحمدانيه وراعيها ”
تمسكت بطرف بابا الخيمه وهي تناظر بعيون غايمه .

.لهفه .

.وشوق وحنين .

.وندم
رفع ماجد الصغير راسه وشافها قال ببراءه

-خاله جود النار جمرت يالله تعالي …
جمد ماجد في مكانه …كانه حس بنظرات من وراه لكنه تعمد اللامبالاه .

.والحين يحس بالبرود يسري في عروقه …
طلعت عيون جود قدام ودخلت الخيمه فجاه …
طلعت لها نجوى وقالت

-شفيك كنك متروعه
ماردت جود عليها ودخلت داخل وطلعت من الباب الخلفي .

.عقدت نجوى حواجبها ملامح جود غريبة .

.
طلت مع الباب وشافت ماجد شايل ماجد الصغير ويضحكون …شبت نار الغيره بقلب نجوى
سحبت نفس وجلست تردد في نفسها ان الزواج مو من اول اهتماماتها ومن هالعبارات الى امنت فيها طول عمرها
الفصل الثالث..
الجزء الاول..
دخلت نجوى الخيمه وغيره العالم بقلبها قالت لجود وهي ترفع اصبعها علامه تهديد في وجهها

-ابعدي عن رجلي يا عمه قالتها باستهزاء)
حقرتها جود ماتبي المشاكل بينهم تكبر .

.والحقران يقطع المصران
قالت نجوى وهي ترتجف

-لاتحقريني وتناظريني بغرور على ايش انتي مغتره على الاقل ماجد لي فاهمه لي حلالي يعني ما من خوف منك ابدا هههههه
وبكل لغات العالم جود انقهرت منها قهر ماله مثيل ونوت ترد لها الحركة حتى ولو ماكانت تقصد وقالت بملامح هاديه وحاجب مرفوع وصوت هامس

-متاكده ان ما مني خوف يا بنت اخوي
طلعت عيون نجوى قدام من الفجيعه والله وطلعت جود موب سهلة قالت بخوف

-تهدديني
همست جود بثقه

-لا تخليني احطك براسي ترى مو من صالحك
قالت بثقه تتدعيها وهي ابعد شي عنها في هالوقت

-ما تقدري


قالت جود وهي تمر من جنبها

-جربيني
وقفت نجوى وهي ميته غيض قهر …تناظر في جود الى طلعت تمشي من عندها .

.
دخلن خواتها الخيمه وشافن وجهها مولع وعيونها متحجره من التعصيب
ناظرن بعض وقالت اسماء بطفاقه

-نجيو شفيك كن ميت لك احد
عايشه تهزئها

-يا ثقل دمك فيه وحده تكلم اختها كذا
اسماء ببلاهه

-انطمي خلينا نشوف علامها معصبه
وقفت نجوى تعض اظافيرها قهر

-جودوه ذي تبي تموتني ناقصة عمر
قالت عايشه

-ليه وش صاير


نجوى وهي تعض على اسنانها لا تصارخ

-تهددني انها تبي تاخذ ماجد مني
صرخت اسماء

-سايبه هي .

.
نجوى بقهر

-مدري مدري بموت من الخوف
عايشه

-هه والله انك غبيه لاتعطينها اكبر من حجمها ماتقدر تسوي شي انتي عارفه تفكير عيال العيله مستحيل ماجد يطلقك لو ايش انتي ناسيه ان ابوي ولد عمه وناسيه جدي ياماما انتي مستنده على ظهر قوي
ناظرتها نجوى بلهفه وقالت

-تهقين
عايشه بثقه

الا اهقى ونص
كن نجوى ارتاحت شوي من كلام خواتها …
*
*
*
قالت اماني للبنات

-بنات شرايكم نسوي لنا جلسه برى بدل القعده بوسط الخيمه
البتول بلهفه

-اي والله تكفين حنا نبي نطلع نشم هوى مو ننحكر بالخيمه
قالت نجوى بدلع

-معكم حق وناسه
وطلعن برى وتجمعن حول الجزه وراح الوقت في السوالف وسعه الصدر توقعت جود ان جمعتهن نكد بس عدت على خير وكانت حلوة وممتعه .

.
قال نجوى وهي توقف

-انا استاذن بروح انام
ووقفن خواتها معها .

.وراحن
قالت جود من قلب

-اوف فكه
ندى

-هههههه الى يسمعك يقولون جالسات على قلبك
البنات:-هههههههههه
جود

-اي والله كنهن جالسات على قلبي .

.
قالت اريام

-شرايكم نلعب لعبه الصراحه
تحمسن البنات ونظراتهن على جود بالذات فهمت جود نيتهن وقالت بدلع

-الحين انتم ماعندكم الا انا
ريووف وهي تغمز لها

-ماحد في حياته اكشن زيك
جود بخبث

-عندكم الانسه ندى حياتها اكشنات حاليا تقصد موقفها مع ماجد)
حمر وجه ندى

-جوووووودوه
جود وهي تحط يدينها على خصرها

-لا والله يعني اكلها انا لحالي
البتول

-ههههههه هذي اولتها وش عندكم كل وحده خايفه من الثانيه
اريام

-هههههههه اي والله شعندكم كل وحده خايفه من الثانيه
حمر وجه جود ووجه ندى وجلسوا البنات يضحكون عليهم
اماني

-يالله بسم الله نبدء
وفرت علبه المويه وطاحت على ندى والي يسالها جود
جلست جود تحرك حواجبها يعني ناويتك ناويتك …وندى تتميلح عندها

-جود قلبي اذا لسى تبغين العطر الى شريته ذيك المره مايغلى عليك
جود

-ها ها ها فاتت ياا قلبي ماعاد ابيه عقب ماكرشتيني انا انسانه عندي كرامه
ريووف بهمس

-ياشين المهايط
جود

-تلايطي انتي دورك جاي
اماني

-ههههههههههههه خير وش ذا الاسلوب حشا جالسه بوسط عيال مو بنات
جود

-هههههههه تكلمت الرقيقه اقول اها بس وناظرت في ندى وابتسمت بخباثه والان يا مدام ندى علمينا بموقف محرج معك صار اليوم .

.
حمر وجه ندى وجلست اريام تضحك لانها فهمت قصد جود .

.قالت ندى وهي تتوعد

-هين يا جويده مردي منتقمه منك
تحمست البتول وقالت

-يووووه يالله علمينا اكيد صاير شي جود ونعرفها
ريووف

-هههههههههه اكيد اقطع يدي ان ماكان صاير شي
اماني

-يالله ولا حس ندى جاوبي على سؤال جود
اضطرت ندى تعلمهم عن موقفها المحرج الى صار مع ماجد اليوم .

.

وجلسوا البنات يضحكون بشكل هستيري خصوصا ان جود واريام يعلقون عليها …
اماني وهي متقطعة ضحك

ههههههههه يالله فشيله بحق
ندى وهي مكشره

-حرام عليكم تعذبوني تراي ما تخطيت فشلتي للحين .

.
البنات

-هههههههههههههههه
ودارت العلبه مره ثانية وطاحت على جود والي تسالها ندى .

.

انقلب لون وجه جود واستانست ندى .

.
قالت ارياااام

-الليلة السهرة تهبل
جود

-ايه شعليك اننتي فالتها …
قالت ندى الى ماقدرت تتحمل تضيع وقت

-والان يا انسه جود علمينا ليش رفضتي تتزوجين حامد مدري شسمه هذاك الى خطبك
ارتاحت جود صحيح ان اختها عليها حركات نذاله بس مستحيل تعلم بالموقف الى صار لها مع ماجد اليوم قالت جود بدون نفس:-كذا مو معجبني
البتول

-لا ياشيخه دوري غيرها
رمتها جود بشالها .

.
اماني

-ههههه يالله علمينا هذا واحد من كذا واحد رفضتيه
جود بضيق

-كلهم اربعه لا تكبرين السالفه
ندى وهي مبققه عيونها

-هه مستقله اربعه ترى ما خطبني احد قبل مشاري بعد قلبي
جود

-ههههههه احمدي ربك طيب بعدين انتي متملكه من زمان يعني لو ما ملكتي كان الخطاب طوابير
ناظرتها ندى بنص عين وقالت وهي تغمز

-للاسف ماراح تقدرين تنسيني السؤال
تاففت جود وقالت وهي تدفي يدينها على الجمر

-لاني مابي اتزوج ارتحتوا
هجدوا البنات فجاه وعم السكون .

.ممكن تكون صدمه ممكن تكون مفاجاه الجمتهم .

.
قالت اريام

-تتكلمين جد
سكتت جود
كررت اريام السؤال

-جد
جود بعناد لكن بهدوء

-ايه صدق
قالت البتول بفجيعه

-ليه
طبعا البتول ماعندها خبر عن قصة ماجد وجود تعرف عن الشي الى جمعهم بس ماتدري وش الى يعتمل بالقلوب للحين
جود وخدودها حمر

-كذا
وناظرت في الساعة ووقفت .

.:-يالله الساعة ثلاث الفجر تصبحون على خير
وبعدها قامن البنات عشان ينامن …
*
*
*
(الله اكبر ،



الله اكبر ،

اشهد ان لا اله الا الله اشهد ان لا اله الا الله ،



اشهد ان محمد رسول الله اشهد ان محمد رسول الله ،

حيا على الصلاة حيا على الصلاة ،



الله اكبر الله اكبر اشهد ان لا اله الا الله)
قامت ام صالح من النوم على صوت ماجد وهو ياذن بهم لصلاه الفجر .

.وصحوا البنات عشان يتوضون و يصلون .

.
وبعد الصلاة رجعوا ناموا .

.
طبعا ابو متعب ومتعب ماناموا عقب صلاه الفجر لانهم نايمين بدري .

.اما الشباب فبعد الصلاة رجعوا ناموا على اساس يصحون الضحى .

.
وقبل لاينام ماجد شب النار وزين القهوه ورجع نام
<<الساعة 7 ونص الصبح >>
صحيح ان الشباب كانوا سهرانين لكنهم صحوا واحد ورى الثاني الجو حلو وريحه المطر
تخلي الواحد ما ينام كثير ولا قام يقوم نشيط ومنتعش .

.
قامت جود قبل البنات وغيرت ملابسها ودورت امها لقتها تزين الحطب عشان تشب النار
حبت راس امها وقالت

-يسعد لي صباح احلى ام
امها

-هلا حبيبتي غريبة صاحيه
قالت جود وهي تمد يدينها في الجو وتتحسس قطرات المطر

-فيه احد يجيه نوم في هالجو الى يرد الروح
امها

-اي والله
ناظرت جود لقت امها مجهزه دقيق بر بتعجن وتخبز على الجمر طلعت عيونها قدام من الوناسه مافيه زي خبز الجمر .

.
قالت جود ببزاره وهي ضامه يدينها وكانها طفلة

-يمه تكفين تكفين بعجن انا
ناظرتها امها بابتسامه جعدت وجهها

-من يوم منتي صغيرة وانتي تحبين الحوسه والتخبيص تعالي بس ارفعي اطراف بلوزتك قبل .

.
جلست جود وتربعت متحمسه وامها تناظرها بحنان وحب والغصه بحلقها تخنقها تحسبيني يمه مدري عن الى بقلبك والي تحسين فيه
رفعت جود اكمامها وجلست تخبص في ذا الدقيق والمويه وامها تعلمها وتنبهها .

.
جت ام صالح من برى لانها حبت تطلق رجلينها شوي ودارت حول الخيمه ورجعت
قالت بابتسامه مجعده وجهها الحنون

-بنيتي جود تسوي الفطور لنا
الا ام طارق تقول

-عز الله ما افطرنا اجل
رفعت جود حاجب وقالت ترد على جدتها

-ابشري بالخير ياجده
قالت ام صالح وهي تخز ام طارق

-يكفي بس تلمسه جود عشان تزيد حلاوته
الا وام ماجد تقول وراها

-اي والله صدقتي ياعمه جود تحلي الشي لا لمسته
انطمت ام طارق .

.وماردت ام بندر لانه ما تنزل نفسها للمستوى ذا من التردي .

.
خلصت جود ووقفت قالت

-يالله يا احلى ام خلصت مهمتي
وابتسمت احلى ابتسامه …
قالت امها

-طيب يمه لاغسلتي يدينك تعالي ودفيها على الجزه لا تموتين برد
جود

-ابشري يا قلبي
وطلعت تغسل
قالت ام طارق منتقده وهي تصب لها فنجال قهوه

-البنت ما تنتدلع يا ام بندر
ناظرتها ام بندر بنص عين وقالت

هذي جود حبيبتي واصغر بناتي
قالت ام طارق وهي مصره تخرب صباح ام بندر

-عارفه بس شوفي الى بعمرها متزوجات وهي تتدلع وكل خطيب ترده عمر الى يروح مايرجع
مسكت ام بندر اعصابها لانها عرفت المعاني بكلام ام طارق بس ماتبي تنفعل وتحقق لها مناها وقالت

-هذا جود بنت صالح وما راح تتزوج الا رجال من مستواها
قالت ام ماجد وهي تناظر ام طارق بعدم رضاء وتاييد

-صدقتي يا ام بندر مو اي واحد يصلح لجود جود يصلح لها رجال مركز وهيبه وشخصيه
قالت ام طارق بضحكه حاده ترفع الضغط وهي ميته قهر من رد ام ماجد

-هالكلام ماراح ينفعها لا عنست بنتها
قالت ام بندر ببرود

-واذا فرضنا انها ما تزوجت بتنتهي حياتها ولا بتقل محبتنا لها .

.
قالت ام طارق غصب: لا ما تنتهي
ام بندر

-اجل فضيها سيره
قالتها ام بندر باسلوبها القاطع وطبعا ام طارق ضعيفه الشخصيه سكتت .

.
ابتسمت ام ماجد من قوه ام بندر وقالت في نفسها ماجابت جود القوه من احد غير امها


طبعا ام صالح كانت متفرجه للي صار وهي تقول في نفسها بو طبيع ما يجوز عن طبعه
دخلت جود الخيمه ووجهها احمر من البرد دفت يدينها وجلست تفطر مع جدتها وام طارق وامها وام ماجد وطبعا نظرات ام طارق تخزها من وقت للثاني .

.
طنشت جود نظرات ام طارق الاستفزازيه وجلست تسولف مع جدتها وامها ومره عمها وتضحك وشوي الا البنات صاحيات من النوم وكبرت الجلسه …

الجزء الثاني
قالت عايشه لاسماء

-اه يا قلبي شفتي فارس
اسماء وهي تعقد حواجبها

متى

؟
عصبت عايشه

-يا البقره الى توه جايب لنا ابريق الحليب
قالت اسماء

-ااااايه شفته
عايشه وهي متحمسه

-شرايك
اسماء

-ماركزت مالت عليك .

.وبعدين انا كنت مخططه عليه بس يالله حلال عليك
دفتها عايشه بدفاشه

-طسي هناك الى يسمعك يقول خطبني وقضينا
اسماء

-هههههه ماعليك خلي نجوى تاخذ اخوه وتتمكن منه وعقبها اضمنيه
لمعت عيون عايشه

-تهقينه
اسماء

-اجل
عايشه من قلب

-من بؤك لباب السما قلبي ارتقص يوم شافه
اسماء

-ههههههههههه الحمد لله والشكر بس
عايشه

-هبلا يوم تتحمدين علي
طارت عيون اسماء وسحبت عايشه معها وعايشه تصارخ شفيك حطت اسماء يدها على فم اختها لان صوتها مرتفع مره ومزعج .

.
قالت اسماء لعايشه وهم ورى وحده من السيارات الى بينهم وبين خيام الرجال

شوفي خالد زوج ريوف ما اقول الا مالت وكشت على وجهها ووجه اختها)
ناظرت عايشه فيه بوله

-ماشاء الله يجنننننن يهببببببل طوووووويل
شوي الا وريووف تتنحنح وراهن جمد الدم في عروقهن .

.
قالت ريووف وهي تحاول تسيطر على اعصابها

-وش هالجمعة الحلوه
طلعت عيون اسماء قدام وقالت بوجه مشحب

-ولاشي يالله يا عايشه
وركض راحن للخيمه
وقفت ريووف تناظرهن وتتحمد ربها على نعمه العقل .

.
عدلت لبسها ووقفت تنتظر زوجها يجي وقفت ريووف والبسمه تنور وجهها في هالصباح الندي .

.
قال خالد وهو يقرب

-يا صباح الورد يا صباح النور والزين والحب ياصباح الخير ياروحي
حمرت خدود ريووف ولا كنهم متزوجين لهم قرابه السنتين .

.
ريووف وعيونها تعكس شعورها

-صباحك ورد يا قلبي نمت زين
غمز لها خالد

-الحين ذا سؤال تسالينه
حمر وجهها مره .

.: تفكيرك دايم غلط
قال ببراءه

-حرام عليك انا تفكيري غلط
ريوف

-هههه لا الى واقف وراك هو الى تفكيره غلط
وبسرعه رفعها عن الارض وقال

-اسحبي كلامك
جلست ريوف تصارخ وتقول

-خالد بلا فضايح نزلني
قال بعناد

-جاك العلم اسحبيه اول
ريوف بعناد

-منيب ساحبته
خاالد جلس يصارخ

-عمه عمه ام ماجد
طلعت عيون ريوف قدام

-خالد وجع شتسوي
خالد وهو يناظرها بنص عين

-تسحبينه ولا شلون
ريووف

-طيب طيب سحبته حقك علي يا استاذ خالد
نزلها على الارض والابتسامه من الاذن للاذن .

.
قال خالد لها يوم شافها مسويه نفسها معصبه

-شرايك نتمشي على السيارة شويه
ريووف تتغلى

مابي
خالد وهو يهمس باذنها

-واذا قلت انك انتي الى بتسوقين بنا
طارت عيونها قدام ونست الزعل جلست تناقز مثل طفلة

-جد
خالد

-هههههههه ايه يالله مشينا
مسكها مع يدها وقالت

-عبايتي هناك
خالد

-خليها ما حنا بمبعدين وبعدين معك ذا الشال الى وش كبره
ريووف

-هههههه اول مره اركب سيارة بدون عبايه بس يالله نوبروبلمز
وراحوا لسيارة خالد …
*
*
*
*
*
>>>> في الخيمه .

.
قالت عايشه لاسماء

-الله ياخذك يا اسماء اخاف تسوي ريوف لنا مشكله
اسماء

-ليه ما سوينا شي
عايشه

-نقز رجلها وتقولين ما سوينا شي
اسماء

-محد قال له يترزز قدامنا
طلعت عيون عايشه قدام

-مجنونه انتي رجلها مادرى عنا حتى .

.
اسماء وهي تكش عليها

-قومي طسي هبلا طول عمرك
عايشه

-اقول الشرهه على الى يتكلم معك فارقي هناك
اسماء

-فارقي انتي
الا امهم تقاطعهم

-خير بزران انتم اصواتكم ليش عاليه
البنات

-ولاشي
ام طارق

-اجل اص ولا كلمه اثقلن يا مال الى مانيب قايله
البنات

-طيب
ام طارق

-روحن ساعدن نجوى بدال ما انتن جالسات تتهاوشن
وراحن لاختهن وهن طفشانات .

.
عايشه وهي تتحلطم

-شغل شغل اف اكره الشغل
اسماء

-ههههه وامي شدراها خلينا نرتز مع نجوى ونسولف عليها كالعاده
عايشه

-ههههههه جبتيها
وراحن لقن نجوى تسوي قهوه وشاهي .

.
نجوى وهي تناظرهن

-وينكن فيه من اليوم
قالت اسماء بحماس وهي تجلس مقابل لاختها

-رحنا نقز الرياجيل وشفنا زوج ريووف
عقدت نجوى حواجبها

-من خالد .


عايشه تتطنز:-ايه خالد ليه هي متزوج غيره
اسماء

-ههههههه كفك
نجوى

-يا ثقل دمك انتي وياها وليش تقزونه لو شايفتكم ريوف قامت مشكله
اسماء

-لا تذكرينا
نجوى

-وشو
عايشه

-شافتنا وحنا نقزه من ورى وحده من السيارات الله يعيننا بس
نجوى وهي تهز راسها

-تستاهلن الى يصير لكن
عايشه

-امحق اخت
ناظرتها نجوى بقوه وجلست اسماء تضحك عليها …
،
،
،
>>في نفس الوقت
راحت جود وندى للخيمه .

.وجلسن مع الحريم الكبار
دخلت ام طارق الغرفه والبسمه شوي وتشق وجهها
قالت ام صالح

-خير علامك مبسوطه يا ام طارق فرحينا معك
قالت ام طارق وهي تناظر جود بشماته

-ماجد يبي يتزوج نجوى بالعطله هذي علمني تركي قبل شوي
مات شي بداخل جود وقالت تكلم نفسها تماسكي يا جود ،



تماسكي حست بيد اختها تمسك يدها الى على الارض بقوه .

.وتدعمها حست بقوه خلتها تتماسك وملامح وجهها ماتغيرت بشي
قالت ام ماجد

-ايه عندنا خبر
ام طارق بعصبيه

-وليش ماقلتوا لي تراي ام العروس
ام ماجد

-السالفه ماصارت الا امس لا تكبرين المواضيع يا شيخه
ام طارق وهي تكلم ام صالح

-يرضيك الى يصير يا عمه
ام صالح

ما صار الا الخير لا تكبرين السالفه
مسكت جود نفسها لا تضحك على شكل ام طارق الى انصدمت صدمتين صدمه انهم سحبوا عامل المفاجاه منها وثانيا ان جود كانت عاديه وعفويه ولا ماتغيرت ملامحها ولا انفعلت وسوت مشكله
قالت ندى وهي تكح عشان تضحك

-جود وجع لا تضحكين
لكن جودكانت تضحك ومحد منتبه لها سحبتها ندى وطلعن برى وهن فاطسات ضحك من شكل ام طارق
قالت ندى بعد ماراحت نوبه الضحك

-غريبة توقعت رده فعلك غير الضحك
تعمدت جود البرود وقالت بعفويه

-عادي تحصيل حاصل ذا
ناظرتها ندى بشك وهي مقرره ما تخلي اختها تغيب عن عينها دقيقة .

.
وراحن يمشن بهالجو الحلو ولو انه يشمس شوي وفجاه تختفي حراره الشمس ورى غيمه ويبرد الجو .


رمشت جود وهي تحمد ربها لان نظارتها مخفيه عيونها عن اختها ووجهها الاحمر ماراح تظنه دموع وحزن لا راح تحسبه تاثيرات الجو البارد .

.
راح كلام ام طارق يتردد براسها زي الصدا .

.ويحفر بذاكرتها وقلبها زي النار .

.الي حتى لو راح الالم يبقى ذكره محفور ما يروح
ظمت يدينها ببعض وهي ماسكتها بقوه ياليت الالم النفسي بالم الجسد يروح .

.ياليت الدمعه الى تنزل تطهر كل الوجع وتاخذ في دربها الاه .

.لكن لا الم الجسد يخفف ولا دموع العين تشفي .

.
كانت ندى تكلمها وهي ضايعه في عالمها تنحنحت وقالت

-وش كنتي تقولين .

.
ندى

-لي ساعة اتكلم
جود

-ماعليه ما انتبهت
ندى وهي تتافف

-ولا شي كنت اقول اخاف فستان الزواج ما يعدلونه زي ما ابي
جود

-ان شاء الله يضبطونه انتي غسلتي شراعهم وماقصرتي .

.
ندى

-هههههه يستاهلون ادفع الوف على الفاضي
جود

-هههههه مايضيع لك حق
ندى

-هههههه طبعا
ناظرت جود في الساعة ,

,

سبحان الله كيف الوقت يركض وهم الظهر الحين .

.
قالت جود

-سبحان الله الجو ينسى الواحد الوقت
ناظرت ندى في ساعتها

اف اف تاخر الوقت وناظرت في جوالها باحباط
جود

هههههههه للحين رافضه تكلمين فارس احلامك
ندى

-ايه طبعا ليش يكلمني وزواجنا بقي عليه كم اسبوع
جود

-حركااات
ندى

-هههههههه اعجبك انا ،



خليه يشتاق لي
جود

هههههه ومنكم نستفيد
شوي الا وماجد ولد اماني جاي يركض وامه واريام وراه .

.
ضم جود وجلست جود تدور فيه وتضحك .

.
ندى

-ياربي احمدك واشكرك على نعمه العقل
البنات

-ههههههههه
،
،
،
>>بعد يومين .

.
ضاق صدر جود وموب قادره تتحمل هاليومين الى فاتوا و خواتها والبنات متناوبين عليها وما تركوها دقيقة طفشت ملت .

.باليل لا جت تنام توصل الدمعه وبعنادها وعنفوانها تردها وتنهرها ,

,
لا دموع لا يا جود لا .

.ان بكيتي ما وقفتي .

.كافحي .

.قاومي .

.كابري .

.بس لا تنهاري ابدا لا يطري عليك ذا الشي .

.
ناظرت في ساعتها لقتها 6 ونص الصبح .

.والبنات نايمات قدامهن نص ساعة على بال ما يقومن من النوم .

.
وقفت ثم لبست ملابس دافيه واخذت معها شال ثقيل تبي تمشي شوي تجلي افكارها وتترك الحريه لدموعها .

.لبست بنطلون جينز ازرق وبلوزه صوف هاي نك بيج وفوقها بالطو بني طويل للركبه .

.لفت انتباهها الهوائيه حقت اخوها عمر اخذتها تبي تتسلى وتحط شارات وترميها
طلعت من الخيمه تمشي وهالمره هي مركزه على الطريق عشان ما تنسى درب الرجعه زي ذيك المره .

.
راحت عن الخيم شوي يعني مو بعيد مره بس تقدر تشوف المخيم .

.
حطت لها علب وجلست ترمي .

.
،
،
شده صوت خفيف ولما ركز عرفه ذا صوت البندق الهوائيه .

.السلاح المخصص للصيد الخفيف زي العصافير وقوته مو ذاك الزود .

.
طق اللطمه وراح لمكان الصوت .

.وقف في مكانه مصدوم هذي هي ولا يتخيل …
غمض عيونه بالم وش هالصدف الى ماترحم.
سمع صوت شهقاتها وهي ترمي الطلقه ورى الثانية واغلب رمياتها ما تصيب الشارات الى حاطتها .

.
قال بهدوء

-اليوم ضايعه بعد .

.
جمدت جود في مكانها وبردت عظامها وجلست ترجف .

.وش ذا الحظ الطين يوم لقت فرصه تفضي فيها الى بقلبها وصدرها يطلع لها هو .

.

هو ماغيره .

.لو البنات كان اهون بميه مره .

.
ياشينها لا صرت باصعب حالاتك واضعف احاسيسك وفجاه تقابل سبه عذابك وحنينك
غمضت عيونها وهي تحط الشال على راسها وقالت بصوت يرتجف

-لا ما ضعت المخيم وراي مو بعيد
وقف جامد مو قادر يتحرك ماقدر يمنع نفسه وقال

-وش قصدك يوم قلتي ان حسافتك علي تزيد يوم عن يوم
تمنت جود تنشق الارض وتبلعها وش جالسه تسوي وهي واقفه معه كذا .

.
قبل لا ترجع المخيم قالت له بهمس

-قصدي واضح يا ولد عمي انت الله يوفقك وانا يعوضني الله .

.ورجعت ركض للخيام ودموعها زي السيل على وجهها .

.
دنق بالارض .

.ولمعه الدموع بعيونها مثل لمعه سيف انغرز بقلبه واجتثه .

.
انتبهت لدمعها بالهدب والكحل سال
لين جفت عينها دمع والقاع ارتوى

وابتدت لحضه جفا وانتهت لحضه وصال
وانطفى نور السعادة واحسب انه ضوى

ما اكتفيت من الهوى والغرام اربع ليال
واقفت ايام التلاقي وجا وقت النوى

كنت ابسلى وابتسم والتفت عنها شمال
لا قويت الصد عنها ولا قلبي قوى

ما هقيت ان الهوى عذب قلوب الرجال
لين ضاع القلب مني وتفكيري سوى

رحت ادور دفوه الشمس ضيعت الضلال
جيت اطفي شعله النار والقلب انكوى

ماهقيت ان السعادة خيال في خيال
تروى قلوب الحبايب وقلبي ما روى

كنت ابشتال الهوى والهوى ثقل الجبال
وان تحملت الجبل ما تحملت الهوى

كنت ابسلى بالهوى والهوى صعب المنال
ما رضا لي حظي اللي طواني وانطوى

قلت لا فراحي تعالي ولا قالت تعال
والخفوق ان قلت ابقبل على صدي نوى

الله اكبر لا شرقت شمس يتلاها زوال
كيف ابفرح في صباح مع الليال استوى؟

لاحصل بالحب قسمه ولا جا لي مجال
غير اشوف معاند الجرح وعناد الدوى

شبت النيران واقفت وجاء رد السؤال
ما تشب النار يا كود يوصلها هوى .

.
*
*
ماتدرين يا غناتي عن الى بقلبي واني كنت مجبور .

.صديتي عني وحطمتيني لكن سعادة مشاري كانت متعلقه فيني وسويت الى سويته واه لو تعرفين شكثر انا ندمااااان .

.
كانت عيونه الى زي عيون الصقر تناظر في اتجاه واحد وماتشوف .

.تنهد من قلب يا شينها لا صرت مظلوم وظلمت .

.
رجع يكمل مشي وهو عاقد حواجبة والمزاج مقفل كالعاده لاصحى من النوم .

.
سمع صوت ضحك .

.يوم ناظر اخته ريووف تركض وخالد يلحقها .

.وش ذا الحظ الى مطيحه في الصدف اليوم


قال لهم

-ياربي لك الحمد والشكر انتم وش مصبحكم
حمر وجه ريوف وقال خالد

-يا شين العذال واحد ومرته انت ليش قاط وجهك
قالت ريووف وعيونها طالعه

-هيه لا تغلط على اخوي
ماجد

-هههههههههه بعدي وخيتي
خالد قزها وكشر كانه مسكين):-اجل خلي اخوك ينفعك وانا بروح لامي اصرف لي محد يحبني غيرها
ريووف برقه

-يا قلبي انا قلت كذا مصالح عشان ما يطردنا ماجد من المخيم
خالد

-ايه صدقتي .

.
ومسكها يظمها طاح وجه ريووف وماجد جلس يضحك عليهم ورجع للمخيم .

.
جاء لقى عمه وابو طارق جالسين وبندر معهم .

.
ماجد

.

.
“وعليكم السلام”
ابو متعب

-وينك يا ماجد من اليوم
ماجد وهو يجلس جنب عمه

-رحت اتمشي شوي
ابو متعب وهو يقلب عيونه في التراب الندي الى قدامه …كانوا مسوين جلسه عند باب الخيمه الكبيرة وشابين نار وجالسين حولها .

.غمض ابو متعب عيونه يتنشق الهواء البارد العذب .

.
شي يرد الروح ويجلي القلب من همومه …
ناظر ابو متعب في جنب وجه اخوه الى كان مستمع للهرج الى يدور حوله بصمت وتركيز لطالما كان قليل حكي ولا حكى جت هرجته حاسمه قاطعه واضحه .

.
قال ابو متعب

-قل لي يا ماجد تفاهمت مع ابو طارق على موعد عرسك
ماجد

-ايه يا عمي العرس ان شاء الله بيكون عقب عرس بندر والبتول
ابو متعب

-هههه الله يوفقكم عيلتنا السنه ذي عروسها واجد مشاري وبندر وانت الله يوفقكم يا عيالي وترى تكاليف زواجاتكم كلكم علي
بندر

-جعلك سالم يبه ما قصرت انت ربيتنا وعلمتنا وجا الوقت الى نعتمد فيه على انفسنا
ماجد

-معه حق يا عمي حنا الى مفروض نعطيك
جا مشاري بيحكي وقال ابو متعب

-جاكم العلم انتم ترادوني
ماجد

-محشوم يا عمي .

.
عمه

اجل لا يكثر هرجكم
ماجد

-الي تشوفه يا عمي عساك ذخر لنا …
*
*
********************
(الفصل الرابع .

.)
كانت جود جالسه برى وتناظر في الفراغ .

.ارض ممتده قدامها الى مالانهاية عشب ندي وهواء لا بارد ولاحار شي يحرك شعور اقسى البشر .

.غمضت عيونها ورجعت فتحتها ترف على وجهها اجمل الرموش .

.رجعت شعرها بيدها وهي تتنفس باحباط .

.
/بدا العد العكسي ومشوار الالم بيبدا /
لا دمعه ولا دمعتين .

.ولا شي ممكن يغسل هالوجع الى يطحن قلبها طحن .

.
بس لازم تتماسك مالها الا كذا .

.اغتريتي يا جود بنت صالح اغتريتي عليه وقلتي انت موب عايش بدوني ,

,

اغتريتي وقلتي محبته لي ما فيها شكه .

.نسيتي من هو نسيتي عزته ونسيتي انه طال الزمن او قصر رجال من ظهر رجال .

.

وعمر الحر ما حنى راسه في ذل .

.
جمعت وجهها بين يدينها تنوح بصمت وهمس…
كنت بزر .

.كنت صغيره
ما دريت ان الكلمه لا طلعت زي السيف .

.
ما دريت ان كلمه لا طلعت تداوي .

.وكلمه لا طلعت تذبح .

.
وانا ذبحته يوم وهو ذبحني دوم .

.
وقفت جود ومسحت دموعها .

.تكبرتي يوم في وقت غلط الحين جا الوقت الى تكبرين فيه بحق ،



احيانا الكبر مهرب ومخرج وحاجز بين الناس وبين الشي المكسور بصدرك .

.
قربت من الخيمه بتدخل وسمعت نجوى تقول لريووف واماني عن خطط زواجها .

.فستان ابيض نافش وذيل طويل …
ما قدرت تستحمل اكثر وطلعت تركض باقصى ما عندها من قوه .

.بعدت شوي عن الخيم .

.وكالعاده لعبت الصدف دورها هنا لكن هالمره انعكست الادوار..
عقدت حواجبها شوي ومشت على مهل .

.ناظرت زين وعرفته كان ماجد جالس ومعطيها ظهره غمضت عيونها .

.

الجنون قريب قريب .

.
العطله ذي كلها عذاب في عذاب .

.زواج اختها قريب .

.زواج اخوها اقرب .

.
والاهم
زواج الروح .

.

زواج النفس .

.

زواج الهنا .

.

زواج الغالي بعدهم كلهم
“الرحمه ياربي ،



الرحمه ،



انا بشر قلبي موب اقوى القلوب ”
دق جواله .

.ثلاث رنات وطلعه من جيبه ناظر في الرقم وتافف ثم رجعه لجيبه
انتبهت جود انها واقفه كالعاده متسمره وزي ماجت مادرى رجعت مادرى .

.
بقي قداهم اسبوع ويرجعون الرياض وهي على نار الايام دهور والساعات سنين .

.
رجعت الخيمه لقت نجوى مندمجه في تجهيزات زواجها .

.
قالت نجوى

-جود بغيت رايك .

في شغله .


قالت جود

-وش تحتاجين رايي فيه .

؟
قال نجوى وهي مبتسمه ابتسامه نصر شماته تشفي الله اعلم

-ابد انا اقول للبنات ابي فستان ابيض وهم يقولون جيبي سكري احلى شرايك .

.
طعنه بصميم القلب .

.
قالت جود

-انتي ابخص ومقدر اعطيك رايي في شي ما شفته
قالت نجوى

-طيب لا رجعنا الرياض اذا كنتي فاضيه نطلع نتسوق سوى
انكمش قلب ندى .

.

وش تلف وتدور نجوى عليه من اليوم .

.
وفجاه عرفت .

.
لاااااااا
نجوى تستفز جود تبي تطلعها من طورها .

.

لكن على مين موب جود الى تفقد اعصابها بسهولة .

.
صارت لها مره وانهارت .

.

لكن عقب مافيه اقسى واقوى من جود .

.
رجعت ندى ثلاث سنوات ورى .

.
كل شي صار وكانه امس … ما تدري للان من الجاني والمجني عليه لكن الى تعرفه ان جود ماهيب الاوليه .

.وانها طلعت من المستشفى من هنا انسانه ثانية .

.
غابت اختها .

.اختها المرحه المغروره احيانا .

.الطيبه دايم والحنونه .

.وجاء بدالها طيف يعيش ويحيا للغير .

.
مسكت ندى نفسها لاتبكي وبلعت غصتها لا تطلع .

.
انهارت جود اول ما وصلها خبر ملكه ماجد وما يعرف با السالفه ذي الا البنات ويزيد لانه اقربهم لخواته .

.
كان الخبر مفاجاه لان الكل كان شبه متيقن ان جود هي عروس ماجد …
بس ماكان صدمه الا للمقربين الى يعرفون بالشعور الى يجمعهم .

.
حب عذري .

.كبر مع الوقت .

.
ونما وبناء اساساته واشتد .

.
حبته من سيرته وحب اهلها له .

.

وحبها لانها بنت عمه بنت الاصل والفصل والتربيه .

.
حبها لانها بنت صالح .

.واخت بندر
وحبها لانها جود .

.جود بس


لما انهارت جود ماكان بالبيت احد الا ندى و يزيد واختهم الكبيرة امال .

.اخذوها للمستشفى وقالو لهم ان الى جاها صدمه نفسيه شديده .

.
تنهدت ندى .

.صدمه نفسيه مره وحده .

.شكل الى صار كان صدمه هدت كيان جود .

ذبحتها من الوريد للوريد
طبعا الطبيب قال لهم انها تعرضت لصدمه قوية ادت الى انهياريها..تتذكر نجوى ذاك اليوم يوم ناظرت في امال وامال ناظرتها .

.ويزيد ظل ساكت ما يدري شيقول كان وقتها صغير عمره 16 سنه تقريبا .

.
قالت امال للطبيب

-لها زميله بالجامعة توفت
الطبيب بتفهم

-ايوه من شان هيك اجتها صدمه
قالت امال بغصه

-عسى مابها شر
الطبيب

-لا مافي الا كل خير بس لازم تظل تحت المراقبه كم يوم الى صار مو سهل هيدي صدمه نفسيه
امال بالغصب

طيب خير ان شاء الله
وطلعن من عند الدكتور .

.
كان يزيد معصب

-وش بيقولون عنا الناس جتها صدمه بسبب ملكه ولد عمها
مسكته امال على طرف وهزئته قالت بهمس

-يزيدوه اسكت ولا تجيب السيره على لسانك ابد انت سمعتني وش قلت للطبيب اعتمد هالكلام ولا تزيد ولا تنقص
يزيد بقهر

-طيب
ندى كانت طول الوقت ساكته وقلبها مع اختها .

.
امال لندى

-سمعتي شقلت ندى
ندى بغصه

-ايه سمعت
امال وهي تحط يدها على جبهتها من كثر الضغط

-الله يعين لا تجلس حرمه اخونا تطلع كلام على جود
ندى بعصبيه

-تخسي والله ليطلقها اخوي انا جابت سيره جود بالباطل
امال بثقه

-ما علينا منها شيخه واعرفها بتنطم موب قايله شي خنقتها الغصه انتي متخيله الى صار لاختك
ندى والدموع متجمعه في عيونها

-اه يا امال وش بنسوي الى صار ماراح ينتهي على انهيارها وبس الى صار للابد ماجد تزوج نجوى .

.يا ويل قلبي مالقى يتزوح الا نجوى ،



(قالتها بدون تصديق نجووى .


امال والقهر مضطرمه نيرانه بصدرها

-عز الله طاح وما حدسما عليه .

.وهو اختار ويتحمل نتيجة اختياره
ندى وهي تمسح دموعها

-ليش يسوي كذا في جود ليه .


قالت امال وعيونها تناظر ورى ندى

-اص ابوي ووامي وصلوا .

.
ابو متعب والهم مالي وجهه

-امال اختك شفيها وش صاير
ام بندر بكرب

-يمه اختك شفيها شصاير طلعنا من عندكم مابكم الا الخير وش الى صار
امال في نفسها اه لو تدرون بس)
امال بهدوء

-والله يمه وحده من زميلاتها بالكليه صار لها حادث وماتت
امها

-لا اله الا الله ،



انا لله وانا له لراجعون
ابو متعب

-لاحول ولاقوه الا بالله
امال

-واغمى عليها جبناها هنا
ام بندر وهي مدمعه

-بنتي وين ابي اشوفها
امال

-هناك يمه بس هي نايمه الحين معطينها مهدئات
ام بندر وهي تمسح دموعها

-يا ويلي عن بنيتي مهدئات بعد
ابو متعب

-اذكري الله يا حصه والبنت مابها الا العافيه
ام بندر

-ونعم بالله .

.
وراحوا لغرفتها كانت نايمه وبيدها حاطين مغذي .

.
جلست امها جنبها ومافارقتها دقيقة …
غمض ندى عيونها من هالذكريات الشينه .

.ذكريات انطواء جود والشهور الصعبة الى عاشوها معها لين طلعت من وحدتها ظاهريا طبعا .

.لان الى ينكسر ما يتصلح وان تصلح تبقى به ثغرات مايملاها شي .


قالت جود بهدوء

-ياليت بس زواج بندر وندى ماخذين كل وقتي
نجوى بقهر لان عذر جود مقنع

-خساره .

.بس لازم توعديني ان تجهيزات اول ولد لي تكون منك
رفعت جود حاجب .

.وهي باردة داخليا وخارجيا
من الداخل حست ببروده سكين الالم الى انغرست في قلبها وخارجيا بروود اللاتصديق
عيال ماجد ونجوى .

.
كيف بتتحمل .

.كيف بتعيش .


قالت جود بحياديه

-اذا عطانا الله عمر
نجوى

-طبعا
قالت ام طارق بصوت في تشفي

جود شفيك وجهك اصفر
ناظرتها جود وقالت بهدوء

-مابي الا العافيه متاكده انك تتوهمين .

.
قالت ام ماجد تغير السالفه الى لها سنين ما انتهت واسلوب الاستفزاز ماتغير

-قولي يمه طلع فستانك
جود بابتسامه صادقه

-ايه يا خاله فستان زواج ندى طلع وبندر جت صدمه لنا زواجه بس يالله معنا شهرين الله يعيننا ونخلص كل شي بالوقت المناسب
عايشه بهباله

-شلون فستانك .

؟
جود

-ليموني
عايشه

-وع ليموني وانتي اخت العروس
جود

-واذا اخت العروس
عايشه

-اخت العروس تلبس زهر لون مميز
جود بدون نفس

-ههههه الليموني مو مميز
عايشه

-حتى لو انا واسما ء في زواجنا بنلبس زهر
ناظرتها جود مو مصدقة

-كلكم بتلبسون زهر
عايشه بغباء

-ايه
مسكت جود نفسها لا تضحك

-واو روعه
انبسطت عايشه تحسب جود جاده .

.
قالت نجوى للبتول تتمصلح

-اقول البتول وش جهزتي للزواج
استحت البتول وولع وجهها
جود في نفسها تحسب الكل مثلها مغسول وجهه بمرق)
اسمااااء

-على بالك مستحيه يا الله قولي لنا
مسكت البتول نفسها لا تعصب .

.هي تحاول تنسى موضوع الزواج وتجهيزاته مشاكله وبنات ولد عمها قليلات الذوق ما يفهمن ابد .

.
لازم الا ستفزاز لازم تتذكر هالزواج الى ما تبيه الزواج الى تبغضه .

.
قالت البتول بعصبيه

-مالك دخل في الى اسويه
ام ماجد طاح وجهها من بنتها العصبيه .

.
ابتسمت جود يستاهلن من يهزئهن علني .

.
دخل ماجد الصغيرون للخيمه وطوالي جلس عند جود .

.
ام صالح

-مدري وش هالسحر الى راميته على البزران الصغار
جود

-ههههههه سجر مره وحده لا تسمعنا اماني تصدق
الا واماني داخله
قالت تمزح

-لا والله اكيد مسويه لولدي شي
جود

-هههههههه شفتي قلت لك .

.
ام صالح

-هههههههههههههه
قاطعتهم نجوى الى تحب تقط وجهها بكل شي يخص ماجد واهله

مجود حياتو تعال سلم على خاله
دفن ماجد الصغير وجهه في حضن جود وعيا يروح لها .

.حاولت فيه وهو رافض
انقهرت منه مره قالت اماني تصرف

-قم سلم على خاله نجوى
ماجد بهمس

-مابي
اماني

مجود عيب هذي خاله
ماجد

-مابي خاله جود
تغير لون نجوى .

.سكتت اماني ما تكلمت عارفه انها لا قالت انه بزر بتاكلها نجوى وتقول انها هي السبب وانها متحيزه لجود .

.
قالت ندى تغير الجو

-كلمتني امال وهي جايه بالطريق
تحمسو البنات .

.قالت ريووف

-خساره ماجت الا قبل رجعتنا بيوم
ندى

-بركة انها قررت تجي تعرفين موسوسه على عيالها
ام صالح

-عقبال ماشوفك يمه وعيالك حولك
استحت ندى وسكتت .

.
،
،
بعد بساعة وصلت امال وعيالها معها وزوجها عبدالمجيد
كانت امال مكتمله الجمال لانها وصلت لسن النضج .

.شعر اسود كثير لحد الكتوف .

.وجسم مليان حلو وبياض فيها من خواتها كثير .


دخلت امال تشيل بنتها رهف الى عمرها 6 شهور .

.
امال

-السلام
وراحت تحب راس جدتها وامها وتسلم على الباقي .

.
ام صالح

-ياهلا يمه زين انك جيتي
امال

-والله يا جده اخاف على رهف من البرد وقلت ليلة ماراح تضر وجيت
جود تستهبل

-هههههه قولي ما قدرتي تتحملين وجيتي
امال تستهبل

-ايه ماقدرت اتصبر وجيت عندك مانع ههههههه
ام بندر

-حشا بزران
امال

-هههههه ماعليك منها يمه بزر اخبارك انتي
ام بندر

-بخير يمه مادامنك انتي واخوانك بخير
امال

-الله يخليك لنا يارب
ام بندر

-سلمتي على ابوك
امال

-ايه سلمت عليه قبل لا اجيكم
وتذكرت شي..
امال بفجيعه

-يوه يمه نسيت مجود يبي يسلم عليك برى
جود

هههههههههههههه الله يخلف عليه من رجال
امال

-بنت انطمي
البنات

-هههههههههههههههههههههه
ام بندر وهي توقف

-الله يهديك يمه احد ينسى رجله
امال ووجها احمر

-مانسيته يمه السبب كله من جود
جود وعيونها متر قدام

-انا السبب اصلا انا شماعه العيله مالت عليكم
ندى

-طالع ذي هههههههههه
امال بهمس لندى

-ترى فستانك طلع قبل يومين ومعدلينه صح يجنن
ندى بوناسه

-جد
امال

-ايه روعه ماعليه كلام
ندى براحه واضحه

-والله اني شايله همه
امال

-ماله داعي التوتر وهالامور خليك ريلاكس
تدخلت ام طارق بلقافتها المعتاده

-وش تساسرون فيه .

؟
قلبت امال عيونها والتفتت يمها

-ولا شي الله يسلمك نتكلم عن تجهيزات العرس
ام طارق ببشاشه

-مادريتي .

؟
امال

-خير


ام طارق

-خير اكيد خير تحدد زواج ماجد ونجوى
غاب اللون عن وجه امال وبغت تطيح رهف من حضنها لولا ان ندى لفت السالفه وخذتها من امها بدون محد ينتبه
قالت امال بابتسامه ظاهريه

-لا زين مبروك
ام طارق

-يبارك فيك
تدخلت نجوى

-شفتي ياعمه اقول لجود تساعدني ومعيه
امال في نفسها عقربه طالعه على الوالده الله يسلمها)
امال

-ياعمري يا جود بحلانه في عمرها عندنا زواج ندى وزواج بندر انتي بس رتبي امورك وان شاء الله كل شي بيمشي اوكي .

.
خزتها جود بنص عين وسكتت وقفت وقالت لندى

-عطيني رهوف
واخذتها وقامت ندى معها قالت جود بتعصيبه

-مصدقة انها ميته على ذوقي في اللبس
ندى بقهر

-عارفه انها تستفزك .


جود وهي شاخصه بالنظر قدام من القهر

-تخسي ان فتحت فمها مره ثانية توطيت في بطنها انا ماقد دست لها على طرف وانا ماحبها خلقه حتى قبل لا تتزوج ماجد وخنقتها الغصه)
انهارت جود بالبكاء اخذت ندى رهف منها وضمتها تهديها

-الله يخليك يا جود بلا صياح هذا الى تبيه
جود وهي ترجف وتمسح دموعها بقفا يدها

-يكفي انها ذبحتني يوم اخذته مقدر اتحمل يا ندى ماعاد فيني قدره اتحمل
ارمشت ندى كم مره عشان توخر دموعها

-جود خلاص اذكري الله هذا النصيب
جود بانهيار وهي متمسكه في اختها

-يا ندى مقدر اعيش بدونه مقدر احس اني بموت
ندى وهي تمسح شعرها

-مرت ثلاث سنين على ملكته خلاص يا جود انتهينا .


غمضت جود عيونها وهي مو قادره توقف دموعها .

.

وتلومني فيك يوم اغليك..
يا اول همومي وتاليها
ابيع كل البشر واشريك .

.
باول سنيني وماضيها
ياغايب صرت افكر فيك..
يا اغلى جروحي ومشقيها
تطول بي حروتي واجيك .

.
والرجل تسبق خطاويها
اطلب عيوني وانا بعطيك .

.
تستاهل الروح واهديها
اشاره من نظر عينيك .

.
اجيبها لك ووديها
قلبي يكلمك ويناديك .

.
من غيرك الناس مابيها
روحي بها محدن يساويك .

.
انت الذي ساكن فيها
العين في غيبتك تطريك .

.
تبكي من فراق غاليها
يكفي عذاب الله يخليك .

.
بعدك وصدك معنيها
قصيده الحب بين يديك .

.
ماظنك تكون ناسيها
بحروفها الدافيه تبكيك .

.
وعيوني الدمع معميها

بعد دقايق لحقتهم امال وشاف وجه جود ودموعها .

.
امال

-خير شصاير .

.
جود بصوت متحشرج من البكا

-ولاشي بروح اغسل وجهي
وراحت
قالت امال لندى

-علامها .

.؟؟
ندى وهي تحب راس رهف

-لاشي جديد
امال جاها احباط من اختها

-ياربي لمتى .


ندى بواقعيه

-امال نلعب على انفسنا الى يحب حب صادق عمره ماينسى
امال وهي تاخذ رهف

-كان عندي امل يا ندى يكون حب مراهقه وخرابيط مادريت ان السالفه جد في جد اختنا بيضيع شبابها في حب وهم
طلعت عيون ندى قدام

وهم


امال

-ايه وهم اجل ايش ماجد ماراح يكون لجود لانه متزوج بنت اخوها انتي مستوعبه شقول بنت اخوها يعني محرم عليها خلاص .

.غير ان ماجد مانسى حركة جود فيه وعلى طول تزوج نجوى رد عليها ياليتنا نقنعها بالشي ذا عشان تشوف حياتها وزي مامشي هو حياته لازم تمشي اهي حياته .

.
ندى باكتئاب

من اول يوم خيمنا فيه ونجوى تستفزها مدري وش تبي منها .

.
امال وهي عاقده حواجبها

-اه هي حاقده لان ماجد كان يبي جود ولو تدري عن الى صار كان ولعت في جود حريقه
ندى بخوف

-بسم الله على اختي من هالشينه
امال

-الله يعين والله احباط
ندى

-لا تذكريني على كثر مانا فرحانه على كثر ماني شايله هم جود
امال

-الله يستر
ندى

-يالله نرجع الجو بيتعب رهوف
امال

-يالله
/
/
/
/
>>>في خيمه الرجال
ضرب صداع راس خالد وحس بالم مو طبيعي .

.
بندر وهو يشوف وجهه اصفر

-خالد فيك شي
خالد بابتسامه

-سلامتك صداع
بندر

-لايكون اخذت برد
خالد

-محتمل بروح اخذ دواء من السياره
ووقف لسيارته مايشوف من الالم الى يضغط على راسه .

.
دق جواله الثريا ابتسم رغم وجعه .

.:-ياهلااااا وغلاااااا
طارق

-ياهلا فيك
خالد هو يجلس على طرف مرتبه السيارة ورجوله بالارض

-اخبارك وينك الحين .

.
طارق

-هههههههههه وحده وحده
خالد

-هههههههه الله يرجك ياشيخ قل لا يكون بس متزوج اوروبيه وحنا ما ندري
طارق

-ههههههه فالك ماقبلناه انا ان تزوجت اخذت بنت اصل وفصل من ديرتي
خالد

-كفو يالنسيب
طارق

-هههههههه نسيب من بعيد هو انت كل من يقرب لحرمك المصون صار نسيب لك
خالد

-احممممممم
طارق

-ههههههههههههه فهمنا الاشاره .

.
خالد

-ايه خلك محترم ازين لك
طارق(يستهبل

-جرحت مشاعري
خالد

-هههههههههه فارق مناك
عقد طارق حواجبة

-خالد صوتك علامه
خالد

-مصدع
طارق

-اخذت مسكنات
خالد

-الحين باخذ ما قلتلي وينك
طارق وابتسامه خبيثه على فمه

-عندي سفريه الليلة مقدر اجي
جلس خالد يفكر

-غريبة توك جاي قبل امس من برى
طارق ببراءه

-واحد من الطيارين اخذ اجازة وبما انك طاقها اجازة طاحت في راس العزوبي المسكين طارق
خالد

-ههههههههههه تنرحم صراحه تزوج وفكنا
طارق

-احلف بس
خالد

-والله
طارق

-ههههههه اقول خذ المسكن ابرك لك
خالد

-ان شاء الله عمي
طارق

-هههههههه يالله سلام
خالد

-سلام
سكر طارق الجوال وهو يبتسم باقي ربع ساعة ويوصل للمخيم بيذبحه خالد .

.
اخذ خالد المسكن وتدريجيا خف الالم …ثم رجع المخيم
قال بندر

-هاه بشر
خالد بابتسامه

-تمام ميه ميه …
بندر

-الحمد لله
وقف بندر وقال لخالد

-انا بروح اتمشي تجي معي
خالد

-لا والله ماصدقت الصداع خف خلني جالس ابرك
بندر

-ههههههه طيب
طلع بندر من المخيم يمشي كان لابس نظاره شمسيه ومالبس شماغ ولا شي .

.الجو كان روعه مثل الايام الى فاتت .

.
وقف بندر جامد هذولي خواته والبتول والا يحلم .

.ابتسم بخبث ومشي يمهن .

.
كانت البتول مندمجه بالسوالف وما انتبهت لابتسامات امال وندى .

.
لكن بندر اشر لهن يسكتن .

.
قرب منهم وقال

-
جمدت البتول في مكانها من الخوف والرجفه استبدت فيها من راسها لاصابيع رجولها
ما التفتت ولا شي وعيونها متسمره بالارض .

.
قال بندر بابتسامه

-القاء السلام سنه ورده واجب
شب وجهها ضو لانه يقصدها قالت للبنات

-انا برجع المخيم
ومن الرباشه التفتت بسرعه وصدمت فيه بقوه كان موقف محرررررج بكل معنى الكلمه
مسكها لا تطيح قال يهمس بدون شعور

-بسم الله عليك
رفعت عيونها وطاحت بعيونه الى كلها خوف عليها لا تطيح استوعبت الوضع الى هي فيه وحطت رجلها للمخيم .

.
امال

-اخس والله ونعرف للرومنسيه
قلبه يرجف بقوه .

.

وروحه مع الى راحت تركض للمخيم
ناظر اخته وفي عيونه ضحكه

-لايكثر بس
لكن امال ما تفوت اي فرصه

-روح الحقها ماله داعي تجلس وانت ماتبي
بندر فيه نفسه وده يلحقها بس الثقل صنعه

-ههههههههه طالع ذي تبي تفتك مني باي طريقة ليه مواعده الاخ مجود وتبين تصرفيني
طلعت عيون ندى قدام

-هيه تراي هنا وانتي مواعده رجلك وانا معك
بندر

-هههههههههههههههههه
امال

-هههههههههههههههه اختي ذي فيها نسبة غباء
ندى

-مخليه لك الذكاء هههههه
ناظرته امل وهي تغمز

-وانت شعندك تجول في الانحاء
بندر

-الحين ماعندك شي بريء انتي
امال

-هههههههههه نو وي
بندر

ماقول الا مالت اعود للشباب ابرك
امال

-ههههههههه ايه قل كذا من اليوم
ضحك بندر وراح راجع للمخيم .

.
وفي دربه لقى ماجد يمشي رايح .

.
بندر

-على وين
ماجد وهو يرفع النارية

-الصيد طبعا
بندر

-هههههههه طيب انتظرني بجيب سلاحي ونروح سوا
ماجد

-تم
ووقف ينتظره وراح بندر للمخيم .

.
بعد خمس دقايق رجع ,

,
ماجد

-ماشاء الله عليك سريع
بندر

-هههههههههههه تطنز على راحتك
ماجد يستهبل

-يحق لي
بندر

-ههههههههه الله يعين الى بتاخذك
ناظره ماجد بنص عين

-قل يا حظها شوي الا يتذكر اقول انت ناسي اني معرس
بندر يفكر

-هههههههههههههه ايه صح نسيت
ماجد

مالت عليك ما تلاحظ انك دايم تنسى
بندر

-شسوي لك وانت نساي مثلي وبعدين يتكلم كنه شايب يا وليدي الخطا خطاك لانك ما سويت عرسك للحين
جا بيرد ماجد الا ويقز بعيونه شي .

.
بندر وهو يشوف ملامحه تنقلب جديه وكلها تركيز

شفيه..؟؟
ماجد وهو ياشر بيده

-طالع هناك مو ذاك جمس
بندر وهو يناظر المكان الى ياشر له ماجد

-ياخي مدري كيف تشوف زين من هالمسافه .

.
ومع شويه تركيز شاف الى كلمه عنه ماجد

-ايه ايه شفته
ماجد

-شكلهم في مشكلة تعال نشوف من بعيد لبعيد .

.
بندر

-مشينا
قربو من الجمس لقوه كله بنات وكانو مغرزين .

.
شافتهم وحده من البنات وطاح قلبها .

.قالت تكلم الباقيات

-فيه رجالين جايين ومعهم سلاح
قالت الثانية

-يمه رحنا فيها .

.
الثالثة

-لاتفاوولين
الرابعة

-لاااا يا فضيحتنا كله بسببك يا نوف
الاولى نوف

-انا ما سويت شي الحين بدال الهواش دورن لنا حل في مصيبتنا ذي
والي جلست تصيح والي تنافض خوف .

.الا نوف بقت متماسكه تدور حل .

.راحت تفتش السيارة مالقت فيها شي الا العجرا صحيح انها بديل غبي بس شي ارحم من انها توقف بدون مقاومه بدون شي .

.
حطت العصا على طرف قريب منها وجلست تنتظر..
،
قال ماجد

-شكلهن مغرزات متاكد ما معهن احد
بندر

-ايه انت تشوف رجال
ماجد

-لا
وناظر في ساعته .

.وكمل

-الشمس بتغيب تعال نطلعهن خلهن يتسهلن
الا وتركي طاب عليهم

-سلام وش تسوون
ماجد

-جابك الله تعال نبيك تعاونا
تركي

-ابشر بالمعونه وش صاير
ماجد وهو ياشر على الجمس

-تعال وبعدين تفهم
ومشوا لين قربو من الجمس .

.قال ماجد

-بس وقفوا هنا مانبي نخوفهن .

.
،
قالت وحده من البنات وهي تبكي وتتراجف

-نوف وش السواه صارو ثلاثه والدنيا بتليل الحين والله اعلم كم واحد كلمو يجي
بدت نوف تراجف وتفقد شجاعتها

-خلاص اص اعصابي موب ناقصة صياح
طلعت عيونها قدام

-نوف فيه واحد ينادينا .

.
تغطت نوف وقالت

-نعم
ماجد

-خير ان شاء الله فيكم شي يا اختي
نوف بتوتر

-لا مافينا شي خذ اخوياك وتسهل اهلنا بيجون الحين
ماجد عرف انها في مشكلة وخايفه منهم زين انها ماجتها حالة هستيريه زي باقي خوياتها .

.
ماجد بهدوء وثقل

-اسمعي يا بنت الاجواد ما يهون علينا نشوف بنات في مشكلة ونعطيهن ظهورنا ونروح والمكان زي ماتشوفين مليان ناس ومو كلهم يضمرون خير خلينا نساعدكم ونوصلكم لاهلكم سالمات .

.
لكنها مازالت معنده

-لا انتم تسهلو وحنا ندبر امورنا .

.
ماجد

-ما تبينا نساعدكم اجل ما حنا متحركين من هنا الا لين نتاكد انكن بخير
جت بترد عليه الا سيارة مليانه شباب جايه يمهم .

.
قرب ماجد من سيارة البنات وتراجعت نوف ورى .

.
قال واحد من الى بالسيارة

-خير يالاخو
(حمد ماجد ربه لانه يحسبون السيارة له)
ماجد بهدوء وهو يناظر بسرعه في كفر السيارة

-الخير بوجهك شي بسيط ان شاء الله
الرجال

-تبي معونه شي
ماجد

-لا الله يسلمك بس زي منت شايف الاهل معنا وودنا نخلص قبل لا تطيح الشمس
فهم الرجال تلميح ماجد

-الله يقويك سلام
ماجد

-هلا .

.
وبدون ما يشاورهن نزل تحت يحفر عن الكفر وبندر وتركي يساعدونه .

.
مرت ساعة وهم يجاهدون السيارة .

.ناظر ماجد في بندر وقال

-رح جب الجيب حقك مالنا الا نسحبها وجب معك وحده من بناتنا
بندر

تم
،
قالت وحده من البنات الى جالسات شوي عن السيارة

عز الله انهم رياجيل قول وفعل
نوف وعيونها معلقه بماجد

-اقول عن الخرابيط ذي وش يضمنا انهم كذا
مها

-والله مدري وش يضمنك احمدي ربك انك سليمه للحين
نوف وهي تناظرها قوه

-اقول المنيه ولا يلمسون مني شعره
مها

-فالك ما قبلناه فكينا من هالتفكير الاقشر .

.
نوف وهي تشوف بندر رايح

-وين راح ذا .

.
مها

-مدري
نوف في نفسها الله يستر .

.
شوي الا تركي جاي يمشي لجهتهن وقفت نوف
تركي وهو ينفض التراب عن يده

-اقول يالاخت ماتعرفون رقم جوال احد من اهلكم
نوف

-جوالاتنا ما تشتغل هنا
تركي

مامعهم جوال الثريا
نوف

-لا
تركي

-طيب ماتدرين وين مخيمهم
نوف وهي تحاول تتذكر

-والله ياخوي ماذكر حنا تونا مخيمين اليوم وعلى اساس بنطلع نتمشي وغرزنا ومع العج ضيعنا دربنا
تركي وهو عاقد حواجبة

-طيب مايخالف ان ما لقيناهم يصير خير
ورجع لماجد بدون ماينتظر ردها .

.
قال تركي لماجد الى جالس على ركبه يحاول يلقى طريقة تطلعهم من هالتغريزه العميقه

-البنات ما يعرفن مكان اهلهم ومامعهم جوالات
عصب ماجد

-الحين احد يطلع البر بدون مايكون معه احتياطات ويخلي بنات يسوقن سيارة في البر بدون رقيب
وقف ماجد وهو عاقد حواجبة .

.ينتظر بندر يجي .

.
،
،
،
،
>>>> في المخيم
بعد عشر دقايق وصل بندر المخيم اخذ جراكل مويه ومر على طريقة بمخيم الحريم لقى امال وجود جالسات برى .

.
بندر من سيارته

-امال تعالي معي
امال

-وين
بندر

-فيه بنات صاير لهن مشكلة و سيارتهن مغرزه ونبي وحده تجي معنا عشان يتطمنن
امال وهي تناظر في بنتها الا تبكي

-زي منت شايف رهف تبكي مدري شفيها
بندر

-خليها مع جود
امال

-ماراح تسكت
دق ماجد على بندر وعرف ان صبر ولد عمه على اخره
قال بندر بعصبيه

-جود تعالي معي
جود

-انا
بندر

-اجل جدتي
سكتت جود تعرف اخوها لاعصب موب زينه اخلاقه قالت لامال

-امال وين عبايتك
امال

-شوفيها هناك بوسط سجاده الصلاة نسيت اجيب جلال معي
دخلت جود الخيمه واخذت عبايه اختها وركبت مع بندر .

.
دق الجوال مره ثانيه
بندر

-هلا يالله انا اشوفكم الحين
رمى الجوال وهو يكلم نفسه بهمس بس سمعته جود “ياشينك لا عصبت يا ماجد”
طاح قلبها وقالت لبندر بدون شعور وهي تراجف

-بندر رجعني المخيم
ناظرها بندر

-خير ان شاء الله
جود بهستيريا

-بس مابي اروح
عصب بندر

-اقول اهجدي بس نلعب حنا
الا وهو يهدي السرعه .

.رفعت عيونها وشافت ماجد وتركي واقفين ينتظرونه .

.
كان وجه ماجد مشحب على الاخير وانقبض قلبها مليون مره .

.
نزلت وراحت للبنات والعيال بدو يشوفون شغلهم مع السيارة .

.
جود

-السلام
نوف بلهفه

-هلا وعليكم السلام
جود وهي تناظر الحوسه الى صايره

-خير ان شاء الله شصاير
وعلمنها البنات بكل شي …
جود وهي تبتسم والابتسامه كانها تشق وجهها شق

-الحمد لله ربي ستر وان شاء الله العيال مو مقصرين
نوف

-والله مدري كيف نشكرهم .

.
جود

-الشكر لله
ناظرت في ساعتها لقتها بحدود سبع باليل .

.
ركزت النظر على ماجد شكله غريب مره وكان وجهه متغير لونه .

.
وبعد كم محاوله قدروا يطلعون السيارة اخيرا
قالت جود

-غريبة محد بين من اهلكم شكلك مبعدين عن مخيمهم مره
نوف بندم

-اي والله شكلنا ياخوفي لايصير في امي شي قلبها مو متحمل وابوي بعد
جود

-الله بيستر ان شاء الله
نوف

-امين .

.
فجاه الا تشوف ماجد يطيح .

.وكن الى انشلع قلبها وبدون شعور لقت نفسها تركض لهم
قالت بخوف

-وش فيه .


بندر بخوف

-مدري .

.
تركي وهو يرش ماء على وجه ماجد وماصحى جلست جود تبكي وظهرها لباب السيارة وتناظرهم وهم يحاولون يصحونه
صرخت بندر صدره كله دم .

.
نزل بندر راسه وشاف صدر ماجد عليه دم وبدون تردد شق بندر ثوبه من فوق والصدمه كانت جرح على طول الصدر وكانت به خياطه واسلاكها لسى فيه ماراحت
..
ناظر بندر في تركي يحاولون يلقون اجوبه للي يشوفونه .

.شكله من المجهود الجرح انفتح .

.
جود تحس بيغمى عليه قالت وهي تبكي

-بندر ماجد وش فيه .

.
ناظرها اخوها وهو في كرب من الى يشوفه

-جود روحي للبنات حنا جبناك عشان تجلسين معهن
جود

-لاااا .

.مقدر
ناظرها بندر وقالت تحاول تبرر موقفها

-ماجد زي اخوي مقدر اروح هناك بندر تاكد الله يخليك هو حي ولا لا .

.
*هو يسمع صوتها تبكي وتترجى ولا يتخيل صوتها كالعاده باحلامه
ورجع يغمى عليه .

.
قال تركي

-الدم واجد لازم نوقفه بسم الله كل هالدم من هالجرح
بندر

-احمد ربك ذا النزف ولا شي .

.
تركي

-دور لنا شي نحطه على صدره .

.
نزلت جود شالها الابيض وعطته ولد اخوها يحطونه على الجرح .

.
قال بندر لتركي

انا بطلع الرياض بماجد مانيب جالس اشوفه ينزف لين يموت انت اخذ البنت على الجمس لمخيمنا
تركي

-طيب بس انتبه على الطريق
بندر

-ساعدني ندخله السيارة .

.
وبطاقة عجيبة قدروا يشيلونه لان ماجد طويل وبنيته قوية .

.ركبه بندر بالسيارة وطلع على طول للرياض
جت نوف لهم

-خير ان شاء الله
وكانت جود تبكي في عالم ثاني .

.
تركي

-ماصار الا كل خير نادي خواتك بنروح مخيمنا والوقت متاخر والجو بدا يبرد
نوف بتردد

-بس….
تركي بضيق وهو يناظر في يدينه المدميه من جرح ماجد

-يا اختي نجلس بالخلا شنسوي خلينا نروح نتعشى ونتدفا عند اهلنا ابرك لنا
رحمه حالة ووافقت …
قال تركي بالسيارة بشكل عام

-الي صار لماجد تو مانبي احد يدري عنه مانبي نخوفهم على الفاضي وحنا بكره راجعين للرياض وراح يعرفون كل شي .

.سمعتي ياجود
هزت راسها وهي تبكي ووتراجف ماجد حي ولا ……….

نبذت هالفكرة من راسها بسم الله عليه فيها ولا فيه .

.
وصلو المخيم وغسل تركي يدينه .

.
قالت نوف لجود

-جود انتي بخير مقدرت جود تتكلم وهزت راسها …
بعد شوي قالت جود

-تعالي بنادي اختي ندى تعرفك على الاهل
نوف

-وانتي .


جود

-بجلس بلحالي شوي
نوف

-ان شاء الله بيكون بخير يا جود
انكمش قلب جود وهي تدعي في سرها يكون سالم .

.
نادت ندى الى نست الضيوف وهي تشوف اختها تصيح

جود شفيه .


جود

-تهاوشت مع بندر خذي البنات عرفيهم على العايله
ومشت طوالي .

.بعد ربع ساعة جت ندى لجود تمشي بسرعه …
قالت بعصبيه

-جود شصاير .


ضمتها جود

-ندى ماجد اغمى عليه وصدره ينزف دم …خايفه لايموت .

.ولا………..
قاطعتها ندى بخوف

-جود قلبي فهميني وش الى صار حبه حبه
جلست جود تشرح لها وهي تشاهق وتبكي وحالتها حالة .

.ناظرت ندى وشافت نظاره ماجد الشمسيه في يد جود …
سكتت ندى وهي راحمه حال اختها …وضامتها لصدرها .

.وجا موعد العشا ولازم يروحن غسلت جود وجهها وكان مبين انها تعبانه وعيونها محاجرها سودا …
قالت امها

-يمه فيك شي
جود بصوت رايح

-تعبانه يمه شوي
ام صالح

-سلامتك يا بنيتي وش يوجعك
جود

-راسي مصدع
ام طارق

-الله يعين الحين شكلك منتهيه وهذا بس صداع .

.
حقرتها جود لان مالها طاقة تحكي …
ام ماجد

-طيب يمه تعشي
جود

-تسلمين يا عمه مالي فيه .

.
ام ماجد

-لقمه طيب شكلك ماخذه برد
جود

-يمكن والله ياعمه ان كليت برجع مالي فيه بروح انام تصبحون على خير .

.
ريووف

-وانتي من اهله تبيني اسوي لك كابتشينو او اي شي يدفيك
جود

-تسلمين بنام مابي شي
وطلعت من الخيمه ولحقتها امال وعقب ندى …
حاولت امال تخليها تاكل بس مافيه امل .

.
ندى وهي مدمعه

-يعني تموتين نفسك جوع .

.
ناظرت بعيون ندى وفهمت ندى الرساله(كيف اكل وهو مايطب جوفه الاكل)
انسدحت على الفراش وغمضت عيونها وطلعن خواتها من هنا الا والدموع ترجع تهل من هنا …
***************************
(الفصل الخامس)
على العشاء فقدو بندر وماجد قال ابو متعب

-العيال وينهم .

.
قال ابو طارق

-على حدود المغرب شفتهم ماخذين سلاحهم يصيدون وبعده جا بندر واخذ السيارة .

.
ابو متعب

-ايه عشان كذا ما بانو للعشا شكلهم بيباتون هناك
ابو طارق

-والله يمكن .

.
الا وتركي جاي وجالس .

.وتجمعوا العيال على العشا .

.وعلى بالهم ان بندر وماجد قانصين وحمد تركي ربه انهم ما سالوه عنهم لانه ما يبي يكذب على ابوه وجده .

.
قال ابو متعب

-الجمس الى قدام مخيم الحريم لمن .

؟
قال مشاري

-اي والله صدق لمن الجمس انا كنت بسالك ونسيت
تركي

-الجمس لبنات لقيناهن مغرزات اليوم
فارس جلس يصفر .

.
خالد

-ههههههههههه خير يا فارس
فارس يستهبل

-فاتني نص عمري .

.
طارق

-هههههههههه والله حسوفه
تركي

-هههههههههه
ابو متعب وهو يخزهم بس سكت لانه عارف عياله وقت الجد ما فيه زي نخوتهم
لكنه قال

-طيب من طلع البنات انت .

.

واهلهن وين .


تركي

-طلعناهن انا وبندر وماجد
ابو متعب

-ماجد .

.
وابتسم لانه عرف ان شي ينذكر فيه ماجد منتهي موضوعه
كمل تركي .

.:-ايه ماجد وحفرنا وحاولنا نطلع السيارة بس تغريزتهن كانت عميقه
ابو طارق

-ورى ما جبتو وحده من السيارات وسحبتوهن
تركي:-يوم تعبنا جبنا جيب بندر وسحبناهن لين الوقت متاخر والبارد والجوع ذابحينا
ابو متعب

-اهلهن وين .

؟
تركي

-مدري وينهم ومامعهم جوالات ولا شي وما لقيت حل الا اجيبهن هنا ماعاد فيني حيل
ابو متعب

-وين العيال .

؟
ارتبك تركي وتماسك عشان صحة الشياب

-مدري عنهم انا جيت مع جود وهم ركبو الجيب
ابو متعب

-جود معكم
تركي

-ايه ماجد قال لبندر يجيب وحده من البنات تجلس معهن لين نخلص
ابو متعب برضا

-ونعم الراي
تركي

والله مشكلة ان ماجو اهلهن لاننا نبا نمشي الرياض بكره
ابو متعب بلهجه حاسمه

-منتم مخطين من هنا الا اذا لقينا اهل البنات
سكتو كلهم لان كلمه ابو متعب وحده وما تتثنا ولا تنعاد
تازم مشاري لان وراه اشغال وعرسه مابقي عليه شي ويا دوب يلحق عمره بس سكت واذا ما مشوا بكره سبقهم هو للرياض .

.
قال عبدالمجيد زوج امال

-اقول يا عمي وش رايك بكره ندور اهل البنات اكيد مخيمين حولنا
ابو متعب وهو جالس متركي على المركى وحاجونه بيده

-ما هيب شينه ومن هنا لبكره يمكن يجون اهلهن وما يحتاج تطلعون تدورون
عبدالمجيد

-خير ان شاء الله .

.
،
،
>>>>> بعد ساعتين ونص
دخل بندر الرياض كان يمشي بسرعه غير قانونيه ووقفته الشرطه
قال بندر للشرطي

-يا خوي ولد عمي ينزف وابي اوديه المستشفى وانا جاي من مكان بعيد
قال الشرطي بسرعه

-تسهل اجل
ومشي بندر للمستشفى …
وصل لقسم الطوارئ ونزل وبعد شوي جو الممرضين واخذو ماجد لداخل المستشفى ,

,
جلس بندر بالطوارئ ملابسه مغبره وعليها دم وشماغه بالمخيم وحالته حالة .

.
وقف يسال الطبيب

-بشر يا دكتور .


الطبيب وهو يناظر فيه

-انت تعرف المريض .

؟
بندر

-ايه اعرفه المريض هو ولد عمي .

.
الطبيب

-معك اثباته .


بندر وهو ماسك نفسه

-ايه معي اثباته ولا كيف كتبت الاوراق هنا
الطبيب

-ايه صحيح طيب تفضل معي المكتب .

.
بندر بخوف

-خير ان شاء الله ماجد فيه شي
الطبيب

-لا ان شاء الله مافيه الا الخير بس مافيني حيل اكلمك وانا واقف والمكتب قدامنا تفضل
مشي الطبيب ولحقه بندر واعصابه شوي وتحترق .

.
جلس الطبيب وقال

-ولد عمك مصاب من فتره وسبب النزف انه باذل مجهود واسلاك خياطه الجرح تقطعت وانفتح جزء من الجرح من جديد
سكت بندر ووجهه اصفر ثم اخيرا لقى لسانه وقال

-ط..طيب وش سبب الجرح ماعندك فكره
الطبيب وهو يعقد حواجبة

-ماعندك فكرة عن سبب الجرح
بندر وهو يدخل يده في شعره

-يا خوي ما دريت الا وهو طايح وصدره كله دم ماعندنا فكرة ان فيه شي
الطبيب قدر صدقة وقال

-ان ما خاب ظني انه مطعون بمادة حاده يا سكين يا قزاز ماعرف ما هيته بس هو مطعون .

.
طلعت عيون بندر قدام من الصدمه والقهر لان ماجد ماجاب له سيره وهو صديقه الروح بالروح قال للدكتور

-طيب والحين كيفه
الطبيب

-نظفنا الجرح لا يلتهب ورجعنا سكرناه هو بخير وصاحي الحين لاننا سوينا له تخدير موضعي بس لكنه دايخ لانه فقد كميه كبيرة من دمه ويحتاج للتغذيه عشان يعوض وراح اكتب له مضادات ولازم يبقى بالمستشفى اسبوع لانه اهمل بنفسه وبغى يروح فيها لولا ستر الله
بندر وملامحه لسى متوتره

-ما ظنيته بيجلس لانه ما يحب المستشفيات خير شر
الدكتور

-لو انه متبع تعليمات الطبيب صح كان يمدي جرحه طاب وانفكت خيوطه من نفسها وللاسف موب باختياره بيجلس وهذي مهمتك اقنعه وخله يتعقل
بندر وهو يوقف ويمد يده للطبيب

-الحمد لله على كل حال والله يعطيك العافيه ماقصرت اقدر اشوفه الحين
الطبيب

-خله يرتاح انا افضل تجيه بكره الصبح .

.
بندر

-ما يخالف مع السلامه
وطلع من مكتب الطبيب يجر رجوله جر .

.والافكار تجيبه وتوديه ناظر في حالته يبيله حمام دافي ونومه عشان يرتاح .

.
/
/
/
/
>>اليوم الثاني…
فتح ماجد عيونه ويغشى عليه الشوف يحس بصداع والم خفيف زي الوخز بصدره .

.
ركز النظر لقى نفسه بغرفه وعنده ممرضه تكلم الطبيب بهمس .

.
انتبه الطبيب الى ان ماجد صحى من النوم

-صباح الخير
ماجد بصوت خشن

-صباح النور
الطبيب

-كيفك اليوم
ماجد وهو يسحب نفسه ويجلس

-بخير الحمد لله كم الساعة .


الطبيب

-6 الصبح
تاوه ماجد لان صلاه الفجر فاتته .

.ونزل من السرير جت لمه الممرضه بتساعده ووقفها بحركة من يده وبجهد وقف …بعد ما توضى جا وصلى الصلوات الى فاتته بسبب الى صار له ثم فحص الطبيب الجرح واخذ الدواء
الطبيب

-لا اليوم الحمد لله فيه تحسن
ماجد

-يوم صابني الجرح ما اغمى علي زي امس كانه منقهر بسبب ضعفه المفاجئ)
الطبيب

-شي بديهي الى صار صحيح انت رجال قوي وصحتك ممتازه لكن كلن له حدوده وانت اهملت بنفسك وماخذت المضادات .

.
ماجد بهدوء: محد يموت قبل يومه
الطبيب

ولا تلقوا بايديكم الى التهلكه وبسبب اهمالك راح تبقى معنا بالمستشفى اسبوع على الاقل
ماجد بقرف

-هه اسبوع ما انهبلت للحين
الا وبدخله بندر …….
ما رد الطبيب واستاذن طالع .

.كان بندر زعلان من ماجد لانه خبا عليه سبب جرحه وعرف ماجد هالشي من ملامح بندر المكشره
بندر

-السلام
ماجد

-وعليكم السلام
بندر وهو يخزه

-شخبارك اليوم .


ماجد

-بخير الحمد لله احسن من الايام الى فاتت بكثير
طلع بندر من طوره

-ياشينك بس تعبان ومهمل بنفسك وبعدين ترى واصله معي ورى ماعلمتني وش صار لك انا كنت حاس قبل مانطلع انك متغير وفيك شي متعبك
ماجد وهو يناظر في ملابس المستشفى بقرف

-كنت بعلمك بس تعرف اختي وافلامها وجت طلعتنا وماجا وقت
بندر وهو رافع حاجب

-خلني من اعذارك ولا تلف الموضوع وش الى صاير .

.
سكت ماجد شوي ثم قال

-تعرف العم عبدالكريم
سكت بندر يتذكر .

.
كمل ماجد

-الساعي الى بالشركة الى يودي ويجيب اوراق
بندر

-ذاك الشايب الطيب
ماجد

-ايه
بندر

-علامه
ماجد بقهر

-له ولد عمره 23 مدمن مخدرات يعني مايكفي ان ابوه يالله يصرف على امه وخواته يجيهم بهالمصيبه ويبذر الفلوس الى هم بامس الحاجة لها
بندر وهو مركز مع ماجد

-طيب
ماجد وهو يعدل جلسته

-ولا شي كنت بمكتبي الا اسمع صراخ وصوت عالي طلعت بالسيب الا اشوفه ماسك ابوه مع حلقه
عصب بندر

-لا يا الخسيس
ماجد وهو يهز راسه

-ويصارخ على ابوه ويدينه تنبش جيوب الشايب يدور فلوس وطبعا البهايم الى عندي بالمكتب ما قدرو يخلصون الشايب من يدين هالعاق مالقيت نفسي الا ضاربه لين قال الله حق والتفت يم ابوه ارفعه عن الارض ناداني باسمي والتفت الا بيده سكين جا بيطعني بس مسكته لكن هالشي ما منعه انه ياذيني والحمد لله على كل حال وجت الاصابة مو عميقه حيل
بندر بدون ما يتمالك نفسه:-لا يالكلب .

.
ماجد

-ماقصروا فيه رجال الامن عطوه الى فيه النصيب
بندر بحقد

-وينه فيه الحين .

.؟؟
ماجد

-بمستشفى الامل
بندر بحقد

-كانت تركته يخيس بالسجن ماعاش من يرفع يده عليك
ماجد بمنطقيه

-ما يصير نعالج الغلط بغلط صحيح انه اخطا علي وبغا يذبحني بس تعرفني مانيب طيب مره وابتسم لاني ضربته والامن عندي ضربوه وشفيت غليلي .

.لكن بالنهاية ما هانت علي نظره الانكسار الى شفتها بعيون ابوه الشايب الضعيف الى يحتاج للدعم والراحه في سنه ذا ولا هان علي اشوف شاب بعمر الزهور يضيع وانا بيدي اكون سبب حتى يشافيه الله والواحد ما يدور الا الاجر ورضى الله عليه
هز بندر راسه

-الله يجيرنا من الحياد عن الطريق المستقيم والله يجزاك خير لو مكانك دبغته لين يقول بس ثم كرشته برى الشركه
ماجد

-هههههههههه ايه هين ماعرفك انا
بندر

-ههههههههههه الله يقطع ابليسك خوفتني عليك وبس
ماجد يستهبل

-هههههه ماصار الا الخير يعني ما يحق لي اتدلع
بندر

-هههههههههههههههههههههه تدلع مو تفقع قلوبنا
ماجد

-ههههه طيب طلعني من هنا مو متحمل اجلس مليت
طلعت عيون بندر

-نعنبو ابليسك مالك الا كم ساعة وتقول مليت
ماجد بطفش

-غيري احق بهالسرير وانا مابي الا العافيه
بندر بعناد

-عايف نفسك انت طلعه مافيه الا اذا كتب لك الطبيب خروج
ماجد بعصبيه

-بيغصبني يعني ،



يذلف عني لا اشوته من وظيفته .

.؟؟
تافف بندر

-شكل تاثير المسكنات منتهي
خزه ماجد وسكت بندر وهو ماسك نفسه لا يضحك .

.
،
،
،
،
،
،
>>>بالمخيم
كان الوقت الضحى … وابو متعب جالس جنب الجزه يتقهوى .

.الا ويشوف سيارتين جايات لجهتهم .

.
وقفت السيارات ونزل منها شايب معه اربعه شباب طول وعرض
الشايب

-
ابو متعب وهو يوقف

-وعليكم السلام .

.
يوم تبين وجه الرجال الى كلمه جلس دقايق يسترجع الذاكره …فجاه تذكر

-ابو فيصل
انتبه الشايب لنبره الصوت وعرفه ابو متعب ياهلا وغلا
وسلمو على بعض وبالاحضان .

.
ابو متعب وابو فيصل كانو جيران زماااااااان بس نقل جارهم واختفت اخباره وبذيك الايام ماكان فيه جوالات ويمكن فيه بس مو متداوله بشكل كبير ومهم وهم بعد نقلو لبيتهم الجديد .

.
ابو متعب

-وش هالمصادفه الزينه وينك يا رجال قطعتنا ولا ندري عن اخبارك
ابو فيصل

-اه يا وخيي يوم سافرت الديره بسبب مرض الوالد توفى واضطريت استقر هناك وارتب اموري واستلمت متطقته من بعده ويوم رجعت مره للرياض اخلص لي كم معامله لقيتكم تاركين البيت وعجزت اوصل لكم والسنين جرت سنين واخذتنا المشاغل بس والله انكم بالبال .

.
ابو متعب وهو يشد على يد صديق عمره الى فقده هالسنين الطويله

-بس انتم شلون عرفتوا اننا مخيمين هنا
ابو فيصل

-شفت الجمس الى موقف قدام مخيم اهلكم
ابو متعب

-علامه
ابو فيصل

-هذا الجمس لنا
ابو متعب

-البنات بناتكم
ابو فيصل وخطوط الهم الى على وجهه تخف شوي

-والله ما ذقنا اكل ولا نوم من امس دورناهن ومالقيناهن واخذتنا الوساوس شرق وغرب .


ابو متعب بابتسامه

-ماصار الا الخير وبناتكم بالحفظ والصون
ابو فيصل

-مايجي من اهل الاصول الا الاصول
ابو متعب

-ماعليك زود يابو فيصل
الا بدخله تركي ومشاري وابو طارق معهم:-
سلموا على ضيوفهم وحلفوا عليهم بالغداء .

.وراحت الساعات تمر من احلى ما يكون بين ذكريات الماضي واحداث الحاضر …
،
،
،
>>>مخيم الحريم
ناظرت ام صالح في جود وقالت

-بنيتي فيك شي .


ام بندر

-شكلها مسخنه يا عمه
ام صالح وهي تناظرها بقوه

-شرهتها مب زينه لا رجعنا الرياض وديها مستشفى
قالت جود وهي تحاول تاكل تفاحه عشان تسكتهم عنها

-انا بخير شكل دخلني برد امس وماثر علي
ام ماجد

-شكل السالفه كذا …
ناظرتها نجوى نظره جامدة وهي تحكي في نفسها “انتقامي منك ما انتهى ان ما دمرتك ماني نجوى ”
جود في نفسها وهي حاسه بنظرات نجوى عليها “لو النظرات تذبح كان غديت قتيله الحين عسى عيونك العمى ”
قالت ريووف لنوف

-سبحان الله الى جعل تغريزتكم سبب في جمع عمي مع رفيق عمره
ابتسمت نوف

-ههههه اشوا بيخف عنا العقاب لان ابوي لقى عمي ابو متعب
ريووف

-ههههههههههههه تهون على اتفه سبب اهم شي يكون درس مفيد لكم وماعاد تسوقن بلحالكن في البران
نوف

-هههههههههه توووووووبه .

.
مها وهي تخز اختها

-ماني مها ان طعتك بعد اليوم
ريوف بنت علاقه حلوة مع البنات الاربع والاكثر مع نوف لانها تقاربها في السن غير قوتها ووضوح تاثير اخوانها العيال عليها لانها تتكلم بمنطقهم وتتصرف زيهم بنت رجال بحق وحقيق .

.
ريووف

-مو لا رجعتو الرياض تنسوننا
نوف كانت تبادل ريووف الشعور الحلو الى نما بينهن في يوم وليلة

-ولو معي ورقه ربحانه انه ابوي رفيق عمي ابو متعب هانت يعني وان شاء الله ما نقطع عن بعض
قالت نوف بتردد

-ريووف ممكن اسال سؤال .


ريووف

-تفضلي
نوف

-الحين من زوجه ماجد من البنات انا فهمت انه متزوج وتحسرت في قلبها بس محتاره منو زوجته
قلب لون وجه ريوف وقالت بربكه

-ايه اخوي متزوج وزوجته نجوى
تاكدت ظنون نوف ان نجوى هي زوجته بس كانت محتاره الى تشوفه شي والي تسمعه شي غير
قالت ريوف

-ليش تسالين
نوف صح انها حبت ريوف اكثر من الكل وهذا ما يقلل من معزتهم وحسن استقبالهم لهم بس للان ما وصلت هالعلاقه للميانه .

.
“لا ابد سؤال بس .




ريوف “سؤال بدون قصد”
ابتسمت نوف “لا بس شفت جود متاثره واجد بسبب الى صار……………وسكتت ووجهها احمر
ناظرتها جود بتركيز وقالت “وش الى صار ”
ناظرت مها في خواتها وهن يعاتبن نوف بنظراتهن بسبب زله لسانها .

.
تورطت نوف ماتدري وش تقول لانها ان علمتهم ان ماجد مريض بتقوم القيامه وتقعد .

.وهي ماتبي ترد جميلهم عليها هي وخواتها بربكتهم وترويعهم .

.وجاهم الفرج لان مشاري جا يقول ان ابوهم يبيهم يمشون معه …وماصدقت نوف خبر عطت رقم جوالها لريووف وطلعت بعد ماسلمت على الكل .

.
بعد مشاري عن باب الخيمه عشان يمرن البنات ومع الباب الثاني سمع ضحكه زي النسيم العذب .

.ماقدر يقاوم مشي للجهه الثانية وشافها معطيته ظهرها وتحكي مع وحده من البنات كانت واقفه بس داخل الخيمه مو متبينه
مشااري

-احمممممممم
ارتاعت ندى وامال معها جت بتدخل الخيمه الا ويد قوية تمسكها من يدها من فوق طاح قلب ندى .

.لفها مشاري لمه قال وهو بيتقطع وناسه

-اجل الحبايب مجافينا ومسوين علينا حضر
حمر وجه ندى وابتسمت .

.
مشاري وهو يتنهد بقوه ومبالغه

-حرام عليك لاصوت ولاشوف وش سويت انا
ندى استحت منه وخصوصا انه ماسكها ومقربها منه …همست

-مستعجل على رزقك ليه .

.
طبعا امال سوت حركة نذاله ونادت جدتها عليهم .

.
طلعت ام صالح وعصاها بيدها

-مشاريوه وش تسوي هنا .

.
كشر مشاري وقال يستهبل

-ابد جالس اصيد سمك
رفعت جدته العصا بوجهه وهي ماسكه نفسها لاتضحك من مشاري وهباله قالت وهي تناظر وشلون ماسك ندى ومايبي يفكها

-الحين العجله ماتخليها البنت بتدخل عليها عقب اسبوعين وبعدها اشبع فيها
شب وجه ندى ضو وفكت يدها من مشاري ودخلت الخيمه .

.
مشاري وهو ماد بوزه شبر

-حرام عليك يا جده ما يكفي انها ساحبه علي لها اكثر من شهر .

.
ام صالح

-بعدي بنيتي ابركها من حزه
مشاري

-حرام عليك يا جده النوم ماعاد له طعم بدون حسها
ام صالح تتعزوى

-انا بنت فالح
طلعت عيون مشاري قدام وقال وهو يضحك

-تعزوت نوره احط رجلي ابرك لي
واناحش لانه يعرف جدته ان تعزوت بابوها يعني بتصفقه …
ام صالح

-ههههههه الله يرج عدوك
ودخلت الخيمه ولقت البنات مستلمين ندى تعليقات وضحك .

.
ام صالح

-ايه لا تضحك الا مصلي وصوام نشوف وش بتسوون بعدين مع رجالكم
قالت اريام

-ههههههههه مافيه عزوبيه هنا الا جود واسماء وعايشه
اماني

-ههههههههه يعني حنا بامان
قالت نجوى وهي تناظر جود

-نشوف من سعيد الحظ الى بياخذ جود
ابتسمت جود رغم ان قلبها وتفكيرهاااااا هناااااك في مكان علمه عند الله .

.مكان فيه النصف الثاني ,

,

والنفس ,

,

والروح
“قلتي سعيد الحظ هذا امه داعيتله ياخذني”
ابتسمت نجوى ابتسامه من ورى قلبها …
قالت البتول

-بنات غريبة ماجد ماله حس وبندر بعد قالتها بقد ماتقدر من عفويه)
امال وهي تغمز

-قولي بندر وريحينا
البتول وهي تحذف امال بكرتون المنديل …:-الشرهه على الى يسال
التفتت يم جود وسالتها

-جود وين راحو يوم طلعوا البنات
ناظرتها نجوى بكره وقالت

-ليش ماخذوني بدالك على الاقل الثلاثه كلهم محارمي
البتول طبعا ما تعرف تمسك لسانها

-الحين حنا بوادي وانتي بوادي واذا اخذوا جود وشفيها كلنا متربين كل ولا يكون براسك تفكير ثاني صدقيني ان درى ماجد جت علوم
نجوى بعصبيه “تهدديني”
البتول ببرود وكبر “انا ما اهددك بس ثمني كلامك وترى حنا ساكتين مو لسواد عيونك لا عشان ماجد بس ”
اماني بهدوء ” البتول خلاص يكفي”
البتول لاعصبت عصبت “وش الى يكفي ترى انا ما قلت شي للحين وسكوتي احترام لاخوي اصلا انا كنت داريه ان هالزواج غلط من اساسه ”
نجوى فقدت اعصابها “على الاقل انا ما زوجوني اهلي وانا صغيرة ما افهم شي”
جرحت هالجمله البتول حتى البنات ما توقعوا من نجوى هالتصرف لانها اكبر من البتول بالسن واعقل والبتول معروف عنها ان طبعها حامي تقدر ترادها وتهزئها بس ماتجرحها كذا وهي عندها فكرة ان هالموضوع مازم البتول ومازم اهلها معها ,

,
قالت البتول ترميها في وجهها “حالي ارحم من الى زوجها مايبيها ويوم ملكته كان عزا للكل ”
عصبت اماني “البتووووووول”
البتول وهي واصله لاقصى مراحل التعصيب “اماني اتركي عنك المثاليه الزايده هي لو تحترم نفسها وتحترم الغير ما قلت الى قلته لكنها تنفث سمومها على الكل الله يعين اخوي بس ”
وقفت نجوى وقالت “انتم كلكم ما تهموني وانا زوجه ماجد غصب عن الى يرضى والي مايرضى وبتشوفون نجوى على حقيقتها لا عشت معه”
التفتت اماني لاختها الملسونه وقالت بعصبيه “البتولوه وبعدين في طوله لسانك”
البتول وهي شابه ضو “ابرك تستاهل يبيلها من يكسر شوكتها وانتن ساكتات هي تقرص زي الحيه وكلكم رخوم”
جود بهدوء “هذي مي رخامه هذا تقدير لماجد ”
خزتها البتول “لا تحسبيني غبيه ماشوف سهومها المسمومه الى ترميها عليك من يوم ماجينا لليوم ”
جود بغصه “زوجها ويحق لها تغار عليه”
البتول محد يقدر يسكتها او يركبها الحق “على اي اساس تغار ”
حمر وجه جود “وش دراني”
البتول “الا داريه وكلنا دارين بس لو مكانها مافضحت نفسي وطلعتها رخيصه كذا والي بينكم كان كلام الكبار وكلن راح بطريقة حب طفوله وانتهى”
انت ه ى

!
ويننا ووين النهاية كل ما وصلنا لاخر الطريق تمتد الخطوه
لا ما انتهينا .

.
ما انت ه ا

!
عمر الشعور والحب الصادق ما لقى لبداياته نهاية .

.يبدا .

.يكبر..يزيد .

.بس يموت لا حشا
ناظرت ندى في اختها وعرفت ،



عرفت الجواب على تعليق البتول .

.
دق يزيد على ندى “الو”
“هلا ندوش”
“اهلين يزودي”
“يالله ابوي يقول جاهزين نمشي”
“ايه جاهزين والخيام من الى بيهدمها”
“الله يخلي العمال هم بيتكفلون فيها …….(قال بيحرجها …على فكرة الى بيودينا البيت حبيب القلب ”
حمر وجه ندى وقالت تستهبل ” اجل بطير للسياره”
يزيد بصوت عالي “انا ولد ابوي”
ندى “هههههههههه الحين تتعزوى ”
يزيد يستهبل “يالله بس لايكثر البسي عبايتك قبل لا تخطين برى الخيمه وتغطي ”
ندى “هههههههههههه شرايك اروح مع اخوي متعب موب احسن بعد”
يزيد “-موب شينه ابد”
ندى “هههههههه ايه باحلامك يابابا”
انتبه يزيد لانه طول يكلم “نديو قطيعه طفرتييييييييني ”
ندى “ههههههههههههههاي تكلم دلوع الماما ”
يزيد “ياشين الغيره ”
ندى “اغااااااار منك انت يابو عصاقيل ”
“ايووووووووه بدت الحالة النفسيه حقت الريجيم تطلع”
ندى “ريجيم ايش احد يسوي ريجيم بعيلتنا ”
“هههههههههههه البلا اني اوصلك دايم للنادي بنفسي بالله وش تسوين هناك تعرضين ازياء”
ندى بخباثه “يزودي كم راح من رصيدك للحين”
انتبه يزيد ان ندى مسويه في مقلب وتماطل عشان تروح رصيده “قطييييييييييييييعه ”
وسكر الجوال وندى ميته ضحك .

.
جود بابتسامه سطحيه “شعنده ذا الخبل”
ندى “يالله سقول مشينا”
امال تستهبل “يو بعلي ما كلمني يقول امشي”
ندى “ههههههههه ناسيه ان الجوالات ماتشتغل هنا”
امال براحه

-ايه صح
ريووف وهي تقوم “هههههههههه يالله سيو بطلع اكيد خلودي ينتظرني برى”
اماني “مالت على رجلي ماعنده رومنسيه”
اريااام “ههههههههههههه عندي وعندك خير ”
ندى تستهبل “لا تعقدونا تونا ماخشينا دنيا”
ريووف “مالت يالله سيووووو”
ودق يزيد معصب …وطلعوا البنات …
ركبت جود السيارة وجلست بمكانها ورى عشان تاخذ راحتها .


‘‘سبحان الله اخوان .

.

بس فرق فرق كبير ‘‘
ياترى كيف حالك يا ماجد .

.مافيه حس ولاخبر من امس .

.
تنفست بقوه تجلي هالعبره الى جرحت ضامرها وتحاول تبعد التفكير عن بكره .

.

خليتلي بغياب روحك مساكين
عيني وقلبي والامل والاماني

كن الثواني في غيابك سكاكين
ليتك تذوق شلون طعم الثواني

القلب ماهو قلب والعين مو عين
حتى مكاني ما احسه مكاني

شفني على جال السهر انطرك لين
حسيت بان الجال يصفق عشاني

قلي دخيلك بس وين ابلقاه من وين
من غيبتك بلقاه او من زماني

وش بيننا غير التعب واسود البين
وش لعب في حسبتي واحتواني

كل شي من بكاني من غيابك الى الحين
حتى عدوي من غيابك بكاني

،
،
،
،
،
،
،
،
>>>>المغرب
وصلت العيله للرياض .

.وكلن راح بيته
>>بيت ابو متعب
بعد صلاه العشاء جاء بندر البيت ولقى اهله موجودين .

.دخل المجلس العربي وسلم على راس ابوه وامه .

.
ابو متعب “وينك فيه”
بندر بهدوء ومبتسم عشان اهله ما يرتاعون “ماجد كان تعبان ورجعنا الرياض”
تروعت امه وطاح فنجالها ونزل ابوه فنجاله “خير اخوك علامه”
بندر بهدوء “علامكم مرتاعين مافيه الا العافيه حادث بسيط وهو بخير”
ابوه “من متى .

؟”
بندر “من البارح”
عصب “ورى ما علمتنا ”
بندر يحاول يدور عذر “يبه حاولت اتصل بكم وجوالاتكم ما تتصل شسوي ”
كاشفه ابوه بس سكت وقال “وينه الحين”
“منوم بالمستشفى ”
ابوه بصدمه “منوم”
بندر “ايه هو به جرح وملتهب ولازم ينومونه”
ابوه بسلطته “الصبح تكون عندي عشان نزوره”
“ابشر يبه ”
امه بكدر “يا عزي عن وليدي هو من امس يعاني وحنا ماندري ”
بندر بحنيه ” وش بيدينكم يمه لو دريتوا ترى نفس الحالة حنا مانبي نخوفكم وماجد منبهني لا تخلونه يشب فيني حريقه لادرى انكم تضايقتو”
ابتسم ابوه وقال يذكره “سبع وانت عندي ”
بندر وهو يحب راس ابوه “على خشمي قال بتردد يبه تراي حجزت قاعه للزواج ”
امه بفرح “احلى خبر سمعته للحين ”
ابوه بصوت فيه تعصيبه مكبوته “ما قلت ان تكاليف عرسك انت ومشاري وماجد علي ”
بندر وهو منزل عيونه “ايه”
ابوه “كم دفعت عربون للقاعه ”
جا بندر بيعترض ويوم شاف نظره ابوه سكت وعلمه بالمبلغ .

.طلع ابوه البوك وعطاه ياه
“لا تتعودها وتكسر لي كلمه مره ثانية ”
بندر بفشله “ماعاش من يكسر لك كلمه يبه وان شاء الله ما اتعودها ”
ابو متعب “خير ان شاء الله ”
طلع بندر من المجلس لغرفته وبطريقة لقى جود جادله شعرها جديلتين
“وش مسويه بشعرك هههههه”
“حلو صح ”
قال يستهبل “يهبل”
جود بدلع “لا والله الا صدق شخبار ماجد ”
مشي السؤال على بندر وكانه عفوي او اهتمام عادي .

.
“ماعليه ولو انه مطين عيشه الدكاتره والممرضات ”
“هههههه ليه”
“يبي يطلع مل من المستشفى ”
جود ماقدرت تمنع نفسها “وش سبب الجرح يا بندر ”
خزها اخوها “ياكثر اسئلتك يا جود انا تعبان من اليوم افر بقاعات الزواجات مو رايق لك”
جود “حجزت قاعه ”
“ايه القاعه ……….”
جود بحماااس “رووووووووعه تهبل الله يوفقك ”
بندر “عقبالك ”
تغير لون وجهها ومافات هالشي اخوها قالت بسرعه “يالله بروح اشوف لي فلم مابيه يفوتني”
هز راسه وهو عارف انها تتهرب “طيب”
وراحت لغرفتها يدها على قلبها …جلست على سريرها الزهر وحضنت المخده الكبيرة امتلت عيونها بدموع قله الحيله كالعاده .

.الا وجوالها يدق
—>>>نصفي الاخر
ابتسمت يوم شافت رقم صديقتها من ايام الابتدائي
“الو”
اريج “هلاااااا وغلاااااا تو مانور الرياض ”
“منور باهله”
اريج “شدعوه وراك تهرجين بدون نفس ”
سالت دموعها غصب ثنتين تضعف قدامهم جود بشكل عجيب هم اختها ندى وصديقتها اريج .

.حست اريج بصوت جود وكالعاده فيه دموع “جود فيه شي الاهل صاير لهم شي”
همست باسمه “ماجد”
تروعت اريج لانها تعرف من ماجد بالنسبة لجود “علامه يا كافي صاير له شي ”
جود وهي تشاهق “ماجد تعبان بالمستشفى”
طاح قلب اريج وطلعت بسرعه لغرفتها لا يسمعها احد “جود هدي نفسك وقوليلي وش صار ابي افهم وبليز عن الصياح مو فاهمه ولا كلمه”
مسحت جود دموعها بيد ترجف بشكل مو طبيعي وقالت لها كل شي صار..غريبة لما نكون على علم بهالشي المؤلم وبلحظه
>>كل شي بقصتنا لحظات مسروقه .

.لحظه بس >>
لحظه .

.!
ننفجر
..

نتبعثر
..شخص واحد يكون هو البلسم الشافي …
الصديق الوفي .

.
الي صدره بحر الهموم .

.وكلامه بلسم ودوا
حتى اقسى خلق الله ما يستغنون عن الصداقه حتى ولو ماقدروها
قالت اريج “خير ان شاء الله ما دام بندر طالع يدور قاعه لزواجه فهذا معناه ان ماجد طيب انتي تعرفين محبته لماجد شلون احيان اشك في انه يحب الوليد وعمر زيه ”
جود من ورى دموعها “ههههههه الله يخس ابليسك”
اريج تستهبل “ايه سمعينا هالضحكه الجونان”
جود “هههههه قوليلي انا من غيرك وش بسوي”
“بتضيعين او تنتحرين وحده منهم هههههه”
“يا واثقه هههههههههه”
اريج “طبعا واثقه دنا صديقتك حبيبتك ”
“اجل اروج بطلب منك طلب ”
اريج بخوف “هههههه والله اني داريه من يوم ما قلتي اروج ”
جود وصوتها يرجع يرتجف “بطلب طلب بس لا تقاطعيني لين اخلص”
اريج وكن قلبها حاسسها “جويده قلبي مو متطمن قولي اشوف ”
جود بضعف “وماتقاطعيني”
اريج بدت تعصب “جويده لا تطولينها الزبدة ”
وبدت جود تكلم صديقتها وتشرح لها طلبها …
صرخت اريج بعد ما خلصت جود “بنت انتي انهبلتي اكيد”
جود تترجاها “الله يخليك اروج ”
اريج بعصبيه “لا مستحيل ”
“تكفين اريج ما قد طلبتك ”
اريج تستهبل “ايه اجحدي ”
جود وهي تبتسم غصب “طيب عارفه اني دايم اتطلبك بس هالمره غير لاترديني يا صديقه عمري ”
اريج بعصبيه “وجعوه يا جود لازم تمسكيني من يدي الى تعورني ”
جود بترقب “موافقه ”
اريج بغصيبه ولو انها مو مقتنعه “طيب اف منك اطلبي زي هالطلب بعدين وشوفي وش يجيك ”
جود “يا بعد قلبي يا صديكتي الصدوكيه”
“ههههههههههه وتستهبلين بعد موب انتي الى بتطير رقبتك لا درو اهلك ”
“فالك ما قبلناه والله لاردها لك يوما ما ”
اريج “يوما ما اذا جا ماني منهبله زيك ”
جود “هههههههه اذكرك يا اروج ”
اريج “فالك ما قبلناه يوووووه بدا حمود بالصراخ عشان عشاه يالله لا تنسين ارسلي الابيات لجوالي الله يعينني عليك سلام ”
جود “هههههه سلام”

،
،
،
>>>الساعة 8 الصبح .

.
راح ابو متعب مع بندر وعمر للمستشفى .

.
ابو متعب وهو يدخل الغرفه بهيبته ووقاره “ ”
انبسط ماجد بشوفه عمه ووقف يسلم عليه “وعليكم السلام ”
ابو متعب “ريح يا ولدي ”
ماجد بعد ما سلم على عيال عمه “شوفتك راحه يا عمي ”
ابو متعب “شلونك اليوم ”
ماجد بملل “طيب بس طفشت من الجلسه لا شغل ولا مشغله والدكاتره مصممين اجلس على الاقل اسبوع ”
بندر وهو لسى حاقد على ماجد “احسن طبخ طبختيه يالرفلا كليه ”
ماجد “هذا وانا مريض ومسكين”
بندر “هه انت مسكين ياشيخ جب غيرها ”
عمر “هههههههههههه حتى وانتم بالمستشفيات ماتخلون طبعكم ”
ابو متعب “وش سبب الجرح الى بصدرك ”
ناظر ماجد في بندر الى اشر له انه ما قال لاحد
ماجد “والله يا عمي مشكلة صارت بالشركة عندي وتهجم علي واحد وطعني ”
ابو متعب “انا ابو متعب متى ذا الكلام ”
ماجد وهو يبتسم لان عمه يتعزوى “قبل طلعتنا بيومين ”
ابو متعب “ليه تهجم عليك صاحي ولا مجنون ”
ماجد “لا والله مو صاحي يا عمي مدمن مخدرات ”
ابو متعب عصب .

.
كمل بندر “الرجال ادبغوه لين قال بس واخذوه لمستشفى الامل ”
ابو متعب “ليتهم جدعوه بالسجن عشان يتربى ”
ماجد “ابوه شايب كبير وهو اكبر عياله ولا ماهو لعيونه اننا ماسلمناه للشرطة ”
هز ابو متعب راسه وهو يحمد الله على عياله وتربيتهم بينه وبين نفسه .

.
“ونعم الراي يا ولدي وان شاء الله بس تطلع من هنا لذبح قعود ”
عمر يستهبل “من قدك يا ماجد قعود مره وحده احيان اشك اني ابوي يحبك اكثر منا ”
ابو متعب بفخر وهو يناظر في ولد اخوه تربيه يده “غلاكم واحد يا ولدي بس ماجد ريحه الغالي ماجد تربيه يدي عاش معي وتحت نظري اكثر من عيشته مع ابوه وله معزه ماهي لغيره ”
حب ماجد يد عمه “عسى عمرك طويل يا عمي ما حسيت بفراق ابوي بوجودك الله يديمك لنا ”
ما درو ان الوقت سرقهم هالكثر الا يوم جت النيرس وتبلغهم بانتهاء الزياره .

.
بعد نص ساعة .

.دخلت النرس تشيل باقه ورد احمر يجنن وحطته عند ماجد وبدون كلام طلعت عقد ماجد حواجبة وفتح البطاقة الى مع الباقه .

.كانت بدون اسم وفيها قصيده طويله جلس ماجد على الصوفا يقراها .

.
اكذب عليك ان قلت ماني بمشتاق…
واكذب عليك ان قلت حبك نسيته*
خل الكلام اللي طعن صمت الاوراق…
يحكي لك اللي ما نطقت وحكيته*
ناظر عيوني شوف تاثير الاشواق…
شوف الفرح وشلون بعدك جفيته*
كتفي يشيل من الزمن فوق ما طاق…
والضيق يرضابي وانا مارضيته*
الى متى وانا انتظر لحظه اشراق…
الى متى والحزن هالقلب بيته*
الى متى والهم ينحت بالاعماق…
واسقيه من فراقك دمع بكيته*
ياصاحبي شف خاطري ما بعد راق…
بنفس الطريق اللي انتهى وابتديته*
ضاق الزمان وكل شي بعدك ضاق…
حتى القصيد اللي بصدري احتويته*
عمر الشعر ما ضيق صدور الاوراق…
الضيق ضيقي لاكتبت وقريته*
تعبت اجمع ما بقالي من اشوااق…
واقول ليت الوقت يفهم ياليته*
ياقو قلبك وانت محرقني احراق
ارفق بحال اللي ذكرك ونسيته*

تدري عزاي ان حدك القلب تشتاق…
دور علي بكل درب مشيته*

يمكن تلاقي درب بدروب الفراق…
يجوز ربي كاتبه واهتديته*
ومدام ربي في يده قسمت الارزاق
انا اقتنعت بما كتبه ورضيته*
شخصت عيونه وطاحت البطاقة من يده على الارض وهمس باسمها “جود”

يسلمواايديك يااحلى اميره بالدنيا انا ماقريتها قبل بس انشاء الله راح اقراها واقولك رايي فيها … وموفقه حبيبتي
” الفص الس 7ا بع ل ”
>>بيت ماجد .

.
ماصدقت ام ماجد البتول راحت للمطبخ قالت لاماني “يمه مهر البتول بحسابها الحين والعرس مابقي عليه شي ابيك انتي واختك تساعدنها في التجهيز للعرس”
اماني وهي تحب راس امها “افا يالغاليه البتول اختنا الصغنونه ما يحتاج توصين ”
الا بدخله ريووف “سلاااام”
اماني وامها “هلا وعليكم السلااااام”
سلمت عليهن .

.وجلست قالت ريووف وهي تنزل عبايتها وتنفض شعرها الاشقر المجعد “وين اخواني والبتول”
ام ماجد “البتول راحت تجيب حلا .



والعيال تعرفينهن حايسين بزواج مشاري وماجد ”
ريووف بابتسامه”الله يوفقهم والله وجا اليوم الى يراكض فيه ماجد ويجهز لعرسه”
ابتسمت امها وقالت “هههه اخوك على خبرك لاهي بشغله ”
عقدت ريوف حواجبها “اما عاد ،



ومن يشوف امور العرس”
امها “فارس الله يعافيه ”
استغربن البنات …وقالت اماني وهي تضحك “ياخذ خبره فارس عشان لا اعرس بعدين”
امه “الله يبلغني هاليوم على خير”
دق تلفون البيت الا انها ام يحي جاره ام ماجد وصديقتها ،



جلست ام ماجد تسولف معها وتسحبن البنات لغرفتهن لقديمة .

.
قالت اماني وهي تجلس على الصوفا “مهر البتول وصل”
ريوف بفرحه “حلوووو يالله متى نبدا نقضي لها ابي استرجع ذكريات التجهيز للعرس”
اماني”هههههههه هذا الى هامك ”
ريووف “هههههه حرام عليك .

.” سكتت شوي ثم كملت “اماني ليش احس ان ماجد مو فرحان بعرسه ”
اماني وهي تعقد حواجبها “من وين لك ذا الاحساس”
ريووف وهي تهز كتوفها “مدري بس فررررق كبير بينه وبين مشاري ”
اماني وهي ترجع شعرها ورى “لاتنسين ماجد طبعه غير عن باقي اخوانا ماجد ثقيل ورزين طول الوقت ”
ريووف “ممكن بس احسه مو مبسوط والدليل انه رامي حمل عرسه على فارس اخوي”
اماني بدا الشك يتغلغل براسها قالت تدور اعذار “ماجد مشغووول ومو فاضي ابد انتي تعرفينه زين من يوم ما مات ابوي وحمل الكل على راسه حتى اخواني طالعين منها وكل واحد منهم بوظيفه حكوميه ”
ريووف تذكر اختها “لاتنسييين ان ماجد ضابط بفرقه القناصين ”
اماني “ههه احيان انسى لان اغلب وقته بالشركة ودوامه وقت الازمات”
ريووف بتكشيره وذا شي ينساها لواحد نسيت استدعاءهم له في المداهمات الى صارت الفتره الى فاتت على الارهابين ”
انقلب وجه اماني من هالسيره “ماقول الا حسبي الله ونعم الوكيل على الى يهددون امن البلد ويشوهون صورة الدين قدام العالم ”
ريووف بكابه “وحسبي الله عليهم بسبب ارواح رجال الامن الى راحت بسببهم وهم يكافحون ويدافعون عن الوطن والعرض والحمى ”
الا بدخله البتول “اهلييييييييين والله ريووف هنا ”
ريووف “ههههههه اهلين قلبي اخبارك”
البتول “بخيييير الحمد لله اخبارك انتي؟”
“انا طيبه الحمد لله ”
اماني وهي تجلس جنب اختها البتول “اسمعي اليوم بنطلع السوق تطلعين معنا ”
البتول باستغراب “اليوم”
ريووف “ايه امي بتجيها جارتها ومعنا فرصه نفر شوي المول مو بعيد من البيت ”
البتول وهي رافعه حاجب “احس ان فيه مؤامره”
اماني وهي توقف وتسحب اختها جنبها وتجلسها “ماجد حول مهرك لحسابك بالبنك”
قالت اماني مهرك من هنا الا وتفز البتول من هنا كن قارصتها عقرب .

.مسكتها اماني وجلستها .

.
قالت بحنيه “البتول عن الحركات الى مالها داعي”
دمعت عيون البتول وبدت تتنافض “اي حركات على الاقل انتي ما تزوجتي غصب”
شهقت اماني “البتول انا متزوجه زواج تقليدي ولا اعرف زوجي قبل ولا عمري سمعت عنه ”
البتول وهي تحاول ما تصيح “بس على الاقل ما زوجوك غصب”
اماني وهي تتمسك بالحلم قد ما تقدر “يا حبيبتي محد زوجك غصب ”
البتول ارتبكت “كنت بزر معرف مصلحتي ماعطوني فرصه”
اماني بابتسامه “البتول بسالك سؤال وابي جواب صريح”
البتول “قولي”
اماني “لو فرضنا انه ما زوجك ابوي المرحوم لبندر وجاك بندر يخطبك بترفضين”
انلجم لسان البتول ما تدري شتقول .

.
ريووف كانت متفرجه على حوار خواتها وماتدخلت لان اماني تعرف تعالج اي موقف مهما كان صعب وذي موهبه من الله .

.
قالت البتول وجراتها بدت ترجع لها “يمكن ليه لا ”
يمكن.؟؟
وش جالسه تقول وهي شابه فيهم نار ما تبيه
اماني “بسالك طيب اخوك ماجد تهقين لو يخطب اي بنت بترفضه”
البتول بسرعه “ماجد ما ينرد ابد ”
اماني وهي توقف ويدها على خد اختها “ماجد وبندر وجهين لعمله وحده وانا مسؤوله عن كلامي لاني تربيت طول عمري بوسطهم وما تغطيت عن بندر الا بالهواش والطقاق لانه اخوي الى ما جابته امي ومازال”
وطلعت قبل لا ترد عليها البتول .

.جلست البتول تفكر في كلام اختها ومع كذا تحس انها مجروحه بسبب تصرف ابوها وبسبب قبول بندر له..
دخلت اماني بعدها بدقايق ومعها عبايتها وعبايه البتول .

.
البتول بعناد وبزاره “مابي اروح ”
ريووف وهي تغمز لها “وتفوتين عليك الفرفره بدون ما يكون معنا احد من العيال ويعجلنا ”
ماقدرت البتول تقاوم بس لان السالفه بندر فيها .

.
بس على مين اماني وريوف بالطيب بالغصب ناويات يعدلن تفكيرها الاعوج .

.
،
،
،
،
>>> بعده بساعه
دخل ماجد البيت وكان الوقت على الساعة 9 باليل..
لقى امه بالصاله جالسه تتقهوى بلحالها .

.
ماجد “” وحب راس امه ثم جلس جنبها
امه “وعليكم السلام والرحمه”
استغرب ماجد جلوس امه بلحالها .

.”وين البتول”
امه “راحت مع خواتها للسوق”
ماجد “السوق .

.

ايه زين ما يخالف ”
امه “اقول يمه عرسك مابقى عليه شي متى بتاثث جناحك هذا اذا كنت مصمم تسكن معنا هنا”
ابتسم وقال يمزح “افا يمه تبين الفكه مني”
امه بحنان وغصه “لا يمه وش هالكلام انت تعرف انك عندي غير كل الناس صح اني احب اخوانك وخو

  • رواية سرقتك بالزمن لحظه وعشتك بالفراق اوقات
787 views

سرقتك بالزمن لحظه وعشتك بالفراق اوقات