يوم الأربعاء 8:08 صباحًا 22 مايو، 2019

شعر كفايه

صور شعر كفايه

 

كفاية صار لك شهرين غايب عنى يالغالي

كفاية يااعز الناس تري و الله ما اقدر..

دخيلك لاتخيب فيك هقواتى و امالي…

واذا انها عالصبر و الله و غلاتك عندي راح اصبر..

ابتحمل عنا فرقاك و حالى يرثى لحالي..

مع اني و الله لين اليوم مدرى ليش بس تهجر..

ابعرف شالسبب ارجوك و ش اللى بس يجرالي

انا شسويت ياربى عشان تثور و تتفجر..

انا و الله ما استاهل ابد كل اللى يجرالي

اقل ما فيها بس قلى سبب خلاك تتغير..

ابعرف بس شالموضوع علامك صرت ما تبالي..

بذمه كل اهلك فيوم شفتنى ب شي انا مقصر

عطيتك قلبي و روحى و هبتك حالى و ما لي..

حملت احساس هالدنيا و عطيتة لك و انا افخر.

عشقتك عشق لاقبلة و لابعدة انعشق تالي

هويتك موت و اتخيل الين الموت و اتصور..

واذا جانى مسج منك مخزن رقمك الغالي

ولاامسح رسالاتك اتم اقراها و افكر

واحلل كل كلمة بالمسج الله ياغربالي

واقول بخاطرى معقوله حاسس فينى و يشعر..

وارد اقول لا يمكن تذكرنى و هو سالي

لانى تونى مطرش مسج طرش مسج يشكر

وارد اقول لا ادرى يبينى و حاسس بحالي

وارد اقول لا ما اظن على بالة انا اخطر

الين اني انا اتاكدت قلبة بالفعل خالي

ولاغيرى انا بقلبة يحبنى موت و يقدر..

لانى مرة ما لمرات طرت فكرة على بالي

نويت ازعل بدون اسباب و اشوفة لو بيتاثر..

ابعرف قدرى بقلبة بيهمة و ضعى الحالي..

اوانة راح يطنشنى و لايسال و يستفسر

وفعلا دق ما جاوبت حرق لى و الله جوالي.

ثلاث الاف مرة دق و انا مطنش و لامعبر..

كتب لى بالمسج اطلع انا عند بابك لحالي..

قسم بالله ما تطلع لاخربها انا واحدر..

ومشكلتى اعرفة زين يسويها و لايبالي..

نزلت و خاطرة مكسور يقول شفيك متغير

وقلت له بس ابتاكد اذا قدرى معك عالي..

ضحك لى و قال لى اتاكدت و دمعة بلل المحجر

وطارت فينى الدنيا لمكانى صاحبى جا لي

تعذر لى و انا الغلطان و انا اللى لازم اتعذر..

بعدها عشت احلى ايام في قربة هنيالي..

وصلنا لمرحلة ما نفترق عن بعضنا و اكثر

بعدها فجاة خلانى و لا يسال عن احوالي..
وانا في خاطرى ادرى محال في يوم يتغير..

ادق له ما يجاوبنى بديت اشك في حالي

اخاف انه حصل له شي اخافة بس متكدر..

لعب في قلبي الوسواس خيالة ما تهيالي..

حوالى الف مسج طرشت حبيبي ياعسي ما شر

ولا جاوب و انا قاعد على اعصابي و غربالي..

حبيبي صار له اسبوع فينى حتى ما فكر..

الين اني عرفت شلون اخلى خلى الغالى يكلمني

وجت فكرة بعد ما مت و انا افكر..

وفعلا” اتصل فينى و بدت احزانى و اهوالي..

وكانت صدمتى كبيرة على الغالى اتغير

سالتة قلت له و ش فيك ما من شر يالغالي..

وش اللى صار بالدنيا علامك ليش متبعثر..

اوانك يعني ما تدرى بدونك صرت انا لحالي

ولا لى خلق اي انسان كثر ما فيك انا افكر..

(وجاوبنى و قال ارجوك ابي هالدنيا تصفالي)..

(انا مليت من و ضعى و اشوف الكل متغير

(انا ضاقت بى الدنيا و ابي ابقي انا لحالي)..

(خلاص اتركنى لاتسال و انا برجع عقب اشهر)..

وقلت له مو على تكذب اعرفك تضعف قبالي

تكلم قول شالموضوع بدا قلبي يدق اكثر..

سكت لحظة “وقال ارجووك ابعد عنى يالغالي”..

وخلنى اذكرك بالخير و انتة مثلى اتذكر..

(ولاتطرش مسج واحد و لااتدق لى ابد تالي)..

واذا لى خاطرن عندك “لاتتكلم ابد صكر”..

وقلت له و الله ما اصكر الين تقول و تصفا لي

وقالى و الله ما اتكلم و لوتبكي دمع احمر..

ولكن شوف ربعك و انتة تعرف بس و ش جا لي..

“خلاص افهمها عالطاير و لاتحرجنى بعد اكثر

وصكر و الدمع فينى على الخدين همالي..

“قسم بالله ما ادرى علامة قلبة اتحجر”….

فؤادى انهار و انا حملي يهد جبال و جبالي

فى لحظة صارت الدنيا في عيني هالكبر و اصغر

حسافة ما توقعتة يصدق فينى عذالي

حسافة ما هقيتة يوم يصد عنى و يتغير

بعدها صارلى ما صار و ربى يعلم بحالي

فوادى باقى بس شوى و احسة ما لجسم يظهر

بديت اعرق و مدرى ليش و خابت كل امالي

انا اتوقعت كل الناس و لا توقعت هو ينكر

وقلت بخاطرى خلة مصيرة يرجع الغالي

اكيد انه سمع اي شي و جوة صار متعكر

ولكن طول اغيابة و زادت فينى اعلالي

مرض قلبي تعب فكرى و احسة جسمي متخدر

وقلت خلنى اطرشلة مسج و اشكيلة احوالي

وطرشت المسج و شوى دق لى و دون ما افكر

هلا و الله يا اغلى الناس هلا و الله بالغالي

الو ما قلتلك لا تذكرنى او اذكر

ابي بس اذكرك بالخير ياخي خلنى في حالي

وقلت و خاطرى مكسور انا اسف و ما اكرر

قسم بالله لين اليوم و حالى يرثى لحالي

قسم بالله الين اليوم و لا ادرى ليش اهو اتغير

قسم بالله ما غطت عيوني و لا هدي بالي

قسم بالله ما مر يوم الا و فيه انا افكر

قسم بالله قلت بنساة بس طيفة يتهيالي

قسم بالله لو حاولت انا انساة اتذكر

الين اليوم انا عندي امل يرجع و يصفالي

اقول الشوق بيردة على فرقاى ما يقدر

الين اليوم و ظحكاتة و بسماتة على بالي

الين اليوم ما ارقد كثر ما فيه انا افكر

ابعرف شالسبب ارجوك و ش اللى بس يجرالي

انا شسويت ياربى عشان تثور و تتفجر

انا و الله ما استاهل ابد كل اللى يجرالي

اقل ما فيها بس قلى سبب خلاك تتغير

ابعرف بس شالموضوع علامك صرت ما تبالي

بذمه كل اهلك فيوم شفتنى ب شي انا مقصر

انا راح انتظر ردك و لو حتى بمسج خالي

واذا ما جانى منك الرد و غلاتك عندي راح اصبر

سنة سنتين اللى يهم اشوفك ثاني قبالي

ثلاث سنين او اربع ابصبر يعني راح اصبر

ولكن حكم احساسك و جاوب يا اغلى كل غالي

بذمه و الديك يهون تنسانى و لا تذكر

يهون انك تخلينى و لا تسال و لا تبالي

يهون انك تنام الليل و تتركنى انا اسهر

كفاية صار لك كم غايب عنى يالغالي

كفاية يا اعز الناس ترا و الله ما اقدر

دخيلك لا تخيب فيك هقواتى و امالي

واذا انها عالصبر و الله و غلاتك عندي راح اصبر

280 views

شعر كفايه