4:01 مساءً الثلاثاء 16 أكتوبر، 2018

شيخه بنت محمد بن راشد ال مكتوم


 

صوره شيخه بنت محمد بن راشد ال مكتوم

 

نقدم لكم تفاصيل حفل زواج الشيخه شيخه بنت زايد ال مكتوم قدمت الحفله المذيعه المتالقه لجين عمران)
و زفه العروس كانت من غناء راشد الماجد وحسين الجسمي .

.
ابتدا الحفل بتقديم المذيعه لجين عمران للفنان عبد الله بالخير

ستايل العرس كان مودرن وراقي والكوشه كانت خبااال ومميزه وفكرتها غريبة ومبتكره .

.

مافيها ولا ورده س معتمدين على الاضاءه الذكيه والتقنيات الحديثه والليزر واللي مسوي الكوشه مصمم صيني حسب كلام عبد الله بالخير
الكات ووك او الممشي اللي تمشي عليه العروس نزل من السقف قبل الزفه وكانت حركة حلوة وبعد ما خلصت الزفه ارتفع مره ثانيه
قبل الزفه ابتدت قصيده من كلمات والقاء المعرس الشيخ ناصر بن حمد ال خليفه اهداء للعروس الشيخه شيخه بنت محمد ال مكتوم وكان اسم القصيده يوسفيه وكلماتها تجنن ورومنسيه وايد .

.
بعد ما خلصت القصيده اتغيرت اضاءه الكوشه وابتدت عروض مميزه ومبتكره بالتقنيات الحديثه والليزر بس صدق خبااال وتحسين انج في عالم ثاني



..

وبعدين ابتدت الزفه ودخلت على انغامها احلى عروس ونورت القاعه ما شاء الله

العروس الشيخه شيخه كانت قمر ما شاء الله عليها ربي يحفظها ومكياجها لبناني بسيط وناعم يبرز ملامح الجمال الطبيعي لان هي غاويه بدون مكياج ما شاء الله

فستان العروس كان رووعه يجنن وراقي جدا ويلفت الانظار ومخصر و قصته شرات قصة السمكه ومشغول بالالماس من فوق لين تحت ومكلف نص مليون ما شاء الله بس ماعرفت منو المصمم .

.

والطرحه كانت طبقتين على الطريقة الاوروبيه ؛



طبقه قصيرة من فوق وكلها ميمعه على الراس وعليها ورود والماس وسوارفسكي وبعدين طبقه طوييله من تحت وكانت العروس فاتحه شعرها الطويل ما شاء الله وحاطه تاج ملكي الماس

الباقه كانت نااااعمه وايد وسمبل وراقيه و بس فيها وردتين كالا ليلي Cala Lily من النوع الايلجنت Elegant اللون الابيض وملفوف عليهن الماس شرات اللي في الفستان بطريقة ناعمه

الضيافه والحلويات في العرس معظمها كانت من محل Bella Luna وكانت راقيه ما شاء الله ولذيذة .

.
و شرات ما قلتلكم مهتمين بالتفاصيل الدقيقة وابسط مثال غرشه الماي بروحها كانت تحفيه فنيه راقيه وتلفت الانظار من Filico – The Jewelry Water شرات هالصور بالظبط

توزيعات العرس كانت عبارة عن سي دي CD بعنوان “فرحه العمر” اهداء الى سمو الشيخ ناصر بن حمد ال خليفه بمناسبه زفافه

451 views

شيخه بنت محمد بن راشد ال مكتوم