يوم السبت 2:07 مساءً 25 مايو، 2019

طريقة الكيكة الاسفنجية بالصور , هقولك على سر عمل الكيكة الاسفنجيه فى البيت

اولا نخرج البيض و الدقيق من الثلاجه قبل الاستخدام بحوالي نص ساعة او اكتر يعني يكونو بنفس حراره المطبخثانيا انخلي الدقيق و البيكنج بودر كويسثالثا لازم الخليط يكون في نص الصنيه و ما يعديش عشان هو طبيعي بينفشرابعا سخني الفرن اثناء تجهيز الكيكه على حراره 170 و لما تجهزيها دخليها الفرن على الشبكه اللي في النص و ما تفتحيش عليها لمدة 40 دقيقة متواصله و بعدين تقدري تعملي اختبار السكين انك تجربي السكينه في قلب الكيكه و خرجي السكينه لو خرجت نظيفه يبقي كدة الكيكه استوت و لو خرجت و فيها عجين يبقي لسة خامسا لما تطفي الفرن ما تخرجيهاش قبل نص ساعة عشان ما تبوظ لما تخرج من الحراره السخنه للباردة فجاةسادسا ضيفي الدقيق معلقه معلقه او اكتر شويه بس بحاجة بسيطة و قلبي بالمضرب من غير ما تشغلي الكهربا لحد ما الدقيق يختفي في العجين و بعدين شغلي كهربت المضرب دقيقة كل مرةسابعا الضرب بالمضرب يكون في اتجاة واحدثامنا الكوب المستخدم للدقيق يكون هو هو للسكر و باقي المكوناتمكونات الكيكه الاسفنجيه التورتة 6 بيضاتورقه فانيليا تاج الملوكورقه بيكنج بودر تاج الملوك2 كوب دقيق عيار الكوب حوالي 200 جرام2 كوب سكر ناعممعلقه نشا صغيرةالطريقةا ندهن الصنيه سمنه و ممكن ترشي دقيق على السمنه انا بصراحه بدهنها سمنة بس 2 حطي البيض و عليه الفانيليا و على اعلى سرعة اضربي البيض و الفانيليا لمدة دقيقتين و بعدين متفصليش الكهربا عن المضرب و هو شغال بعد الدقيقتين ضيفي السكر مرة واحدة و احسبي حوالي ربع ساعة على اعلى سرعة في البداية حتلاقي المزيج عبارة عن رغاوي لكن بعد كدة حتلاقي المزيج بقي كريمة و حجمها بقي تلت اضعاف حجم البيض في الاول لازم يبقي الحجم تضاعف لاننا عاوزين الهوا اللي جعل البيض ينتفخ اول ما تلاقي الخليط تضاعف بعد الربع ساعة شيلي المضرب خالص و متستخدميهوش تاني في ناس بتحط الدقيق و تشغل على اقل سرعة و دة خطا كبير جدا جدا الطريقة دي حتخلي الهوا اللي نفخ البيض يخرج تاني و مش حتبقي هشة ابدا3 نضيف الدقيق و النشا و البيكنج بودر بس زي ما قولنا حبه حبه عشان ما تتكتمش و نضربها كويس على السرعه العاليه و في اتجاة واحد4 – لو عايزه الكيكه بالشيكولاتة ضيفي نص كوب كاكاو او كوب الا ربع و كملي الباقي دقيق يعني كوب و نص دقيق و نص كاكاو او كوب و ربع دقيق و كوب الا ربع كاكاو5 ندخلها الفرن على حراره 170 لمدة حوالي 40 دقيقة6 – بعد ما بردت في الفرن حوالي نص ساعة نخرجها و نقلبها في طبق التحضير و نتركها حتى تبرد في الجو العادي و بعدين نحطها في التلاجه حوالي ساعة7 نخرجها من الثلاجه للتزيين اولا نقسمها بالخيط لنصفين عشان نحشيها يعني تلفي الخيط عليها من الجناب و تمسكية على شكل حرف x حتتقسم معاكي كويس اوي و ممكن تحشيها كريم شانتيه بس او كريم شانتيه و مربي ممزوجين ببعض و سمعت ان في ناس بتشربها سفن عشان تطري بس دي ما جربتهاش بصراحة8 زينيها من فوق بالشكل اللي انتي عايزاة و دخليها الثلاجه شويه و بالهنا و الشفاالكريم شانتيةانا بحب اجيبة من موتير بودره و عامة التورتة بتحتاج 1/4 كيلو للحشو و التزيينبتضربي نص كوب سكر و كوب لبن ساقع و ربع كيلو كريم شانتية بودر و تتركية شويه في الثلاجةممكن نضيفي كاكاو للكريم شانتيه بس زودي اللبن شويه صغيرين و ممكن عصير ما نجو او فراوله بس يبقي ربع كوب لبن او اقل و الباقي عصيرثم نضربها جيدا و نضعها شويه في التلاجةالكيكه العاديةالمقادير 2 كوب دقيق3 بيضات1 و نص كوب سكر1 كوب لبن لو عايزاها بطعم البرتقال ابشري برتقالتين و اضربي عصيرهم في الخلاط بدل اللبن ورقه فانيليا تاج الملوكورقه بيكنج بودر تاج الملوكنص كوب زيت او زبد او سمن او قشطة لبنلو عايزه الكيكه بالشيكولاتة ضيفي نص كوب كاكاو او كوب الا ربع و كملي الباقي دقيق يعني كوب و نص دقيق و نص كاكاو او كوب و ربع دقيق و كوب الا ربع كاكاوالطريقةنتبع نفس خطوات الكيكه الاسفنجيه و نضيف السمن او الزبدة مع البيض و نضربهم جيداوطريقة الفرن كمان نفس الطريقة و بالهنا و الشفاودي تورت انا اللي عملاها

704 views

طريقة الكيكة الاسفنجية بالصور , هقولك على سر عمل الكيكة الاسفنجيه فى البيت