9:12 مساءً الأربعاء 20 فبراير، 2019


طريقة تورتة بالصور

بالصور طريقة تورتة بالصور bc97c2b7873d6853f7d88c1914df5500

نبدتي الاول بعمل الكيكه الاسفنجية

مقادير الكيكه الاسفنجية(لصينيه 30

– 12 بيضات مفصولين البياض عن الصفار)
– 300 جرام سكر مطحون اوزن السكر الاول و بعدين اطحنه السكر الخشن بيهبط الكيكة)
– 400 جرام دقيق منخول مضاف عليه ملعقه نشا كبيرة
النشا بيطري الكيكه)
– فانيليا

– 6 ملاعق ميه من الحنفيه يضاف عالصفار)
-ملعقه خل كبيرة يضاف عالبياض باكو بيكنج بودر

الطريقة:
– طبعا استخدام كوب المقياس المدرج هو افضل حل بتكون المقادير مظبوطه جدا
– مرحله التجهيز اهم من مرحله الاعداد لانها بنسهل و تقلل الخطوات و تخليكى تركزى في مراحل ضرب البيض و اهم حاجه في التجهيز هي
– يبات البيض في الثلاجه قبلها بليله و يفصل قبل عمل الكيكه تقريبا بساعتين و يترك ليصل لدرجه حراره الغرفه
نجهز الصينيه بدهنها بسمن سايح و فرش ورق زبده من القعر و الجوانب ورق الزبده اسهل من رشه الدقيق باضمن بيها ان ما فيش نقطه سمن توصل للكيك و تهبطه و كمان و هو ده المفيد اسهل في فصل الكيك عن الصينيه من غير ما حاجه تلزق في قعر الصينيه – ينخل السكر البودره و يقسم لنصفين نصفه يضرب مع الصفار و النصف الاخر مع البياض
– ينخل الدقيق و البيكنج باودر بعد وزنه و يمكن اضافه ملعقه نشا و خصم وزنها من الدقيق-نضع صفار البيض في و عاء و نخفق بالمضرب الكهربائي على البطيء ثم على السريع ثم نضيف نصف كميه السكر تدريجيا و الفنيلا و ملاعق الماء ال6 و نستمر في الخفق لمده خمس دقائق تقريباحتى يتضاعف حجمه 3مرات و يتغير قوامه تماما يصبح ابيض و كثيف جدا جدا كانه كريمه-ضعى الصفار المخفوق في و عاء و اسع و اغسلى العجانه و المضارب كويس جدا و نشفيهم جامد و ابداى في ضرب البياض اضيفى باقى كميه السكر ستجدين انه اصبح يكون رغاوى زى الصابون زودى السرعه الثانيه و اضيفى ملعقه شاى خل يثبت القوام و يبيضه اكثر
اضربى على اقصى سرعه و ادخلى الجوانب بملعقه بلاستيك نظيفه و جافه استمرى في الخفق حتى يتحول لميرانج

]-نضع الميرانغ على جنب .. ثم ننخل الدقيق تدريجيا نصف المقدار اولا ثم النصف الاخر على صفار البيض و نخلط بواسطه ملعقه خشبيه او بلاستيكيه حتى يتجانس الدقيق مع صفار البيض . بعد ذلك نضيف الميرانغ بياض البيض المخفوق بالسكر و المثبت بمعلقه الخل نصف المقدار اولا ثم النصف الاخر .. و نحرررررررص في هذه المرحله ان لا نخفق بشده .. ما نريد عمله هو مزج الخليطين مع بعض قلبى بهدؤ الهدف هو خلط المكونان من دون ما نفقد جزيئات الهواء المتجمعه في بياض البيض الذى كلما حافظنا عليه كلما زادت نسبه اسفنجيه الكيكه ..صبى الخليط المتجانس في الصينيه المدهونه و زعيه بالملعقه الخشبيه و ساويه جيدا – ثم ادخليها في الفرن سبق تسخينه لدرجه 180 لمده 20 دقيقه قبل الخبز في المنتصف و اقفلى باب الفرن بلطف دون حدوث اي ارتجاج ,تستوي خلال 40 دقيقه ان شاء الله وده شكلها بعد ما طلعت من الفرن

اولا لازم تسيبى الكيكه تبرد شويه قبل ما تشيلى الورق من عليها او تطلعيها من الصينيه و تتاكدى اصلا انها استوت جيدا قبل خروجها من الفرن عشان ما تهبطش
برديها كويس على منخل سلك و بعدها نقسمها على حسب السمك انا قسمتها 3 طبقات

*ندخل بقي على المهم طريقه عمل العروسة

– نحضر بوله استيل او بيركس ده شكلها

وده و هي مقلوبه – على حسب مقاسات البوله حضرت دواير من الورق المقوي متدرجه في المقاس عشان اقص عليها طبقات الكيكه و ممكن تستعيضي عن دواير الورق المقوي ده باطباق لها نفس المقاسات , انا حضرت دواير بقطر10 ,13 ,16 ,22,19 سم

بس الدايره اللي قطرها 22 سم دي طبق مسطوح هيبقي قاعده التورتة – نضع الدواير على طبقات الكيكة

ونقصها على مقاسها

هنحصل على 5 دواير متدرجه القياس

والباقي طبعا من الكيكه تعملي بيه احلي بورفيترول او ترتيفل نبطن البوله بكيس بلاستيك

لمنع الالتصاق و نبدا في رص الطبقات نبدا باصغر طبقه كيك

وبعدها كريمه و مكسرات و هكذا لحد اخر طبقة

وبعدها نقفل الكيس على اخر طبقه و نضع الطبق المسطوح قاعده التورتة على اخر طبقه و نضع ثقل عليه كيس سكر مثلا

وتبات كده في التلاجه عشان تتماسك و تاخد شكل القالب

 

نشيل بعدها الكيس البلاستيك هنلاقيها بقت شكل القالب بالظبط

وبعدها نغطيها بالكريمة

 

ونجيب عروسه و نشيل هدومها و نلفها لحد و سطها بالفويل و نلف شعرها برضه عشان الكريمه ما تبهدلوش

 

ونعمل خرم للعروسه بالسكينه في و سط التورتة عشان نحطها فيه

 

وبعدها نكمل زينه التورتة و نعمل فستان العروسه و كل واحده و مزاجها في لون و شكل الفستان انا عملته بالابيض و البمبي عشان بنتي بتحب البمبي جدا و ضيفت بودره جيلي فراوله للكريم شانتيه عشان يدي اللون البمبي و كان مدي طعم الفراوله للكريمه و كان شكلها رقيق قوي و ده شكلها بعد ما خلصت

 

واللي على و سط العروسه و الفيونكه بودره جيلي فراوله رشيتها مباشره على جيبه العروسه كانت مديه لمعه و منظر جميل وده شكلها على السفره من كل الاتجاهات

293 views

طريقة تورتة بالصور