12:05 صباحًا الجمعة 14 ديسمبر، 2018

طريقة عمل دبابيس الطرح بعجينة السيراميك


صوره طريقة عمل دبابيس الطرح بعجينة السيراميك

مشروع عجينه السيراميك ودبابيس الطرح
طبعا كلنا عارفين عجينه السيراميك و استخدامتها الرائعه و الكتيره لكن مشروع اليوم لكل ست بيت ما بتعرفش تعمل حاجة خالص يعني المشروع دة ممكن تعملية و انتي مغمضة عنيكي مش محتاج لاي شي و هو تصنيع دبابيس الطرح للمحجبات طيب هتقوليلي ما الدبابيس الورقه بتباع بجنية و احيانا بخمسين قرش هقولك لا طبعا الكلام دة فى الدبابيس العاديه البلاستيك لكن الموضوع بتاعنا عن الدبابيس المنقوشه بعجينه السيراميك الى ب جنية ونص و احيانا لو شيك ب 2جنية ونص طيب هنعمل اية طبعا انتي لو عندك فن هتعملي اشكال روعه ممكن تبعيها حلو طب لو ملكيش في الفن ولا الورود و لا الاشكال كل الى عليكي انك تيجي معايا يلا
مكونات العجينة
1 كوب من النشا
1 ك من غراء الخشب الغره البلاستيك الابيض
2 ملعقة من الفازلين
2 م من الجليسرين
نصف كاس من الماء
قليل من عصير الليمون
الطريقة:
نخلط كل المواد في اناء ماعدا الفازلين ثم ضعيها علي نار هاديه في طاسه او مقلاه تيفال حتى لاتلتصق العجينه بالطاسة اوبالمقلاه ونحركها بملعقة خشب حتى تتجانس وتصير كره من العجين.

بعد ذلك يتم دهان مكان العمل و طبعا يديك بالفازلين بعدذلك ندلك العجينه بعصير الليمون حتى تصبح متجانسه لمدة 15 دقيقة تدليك اوكيه العجينه تمام و كل حاجة تمام نيجي للمهم
التصنيع
نحضر دبابيس ابره ونقوم بعمل كور صغيرة جدا و نضع داخل راس كل دبوس كره و نحضر اكياس الجليتر الذهبي و
الفضي و الوانات البرونز تباع هذة الاكياس في المكتبات سعر الكيس 25 قرش يعني ربع جنيه ونضع محتويات الكيسفي طبق مسطح و تلفي الدبوس الى مثبته فية الكره في طبق الجليتر عشان ياخد اللون خلاص تمام نحضر ورقةكارتون و نضع فيها 12 دبوس ونغلفها و تبداي تروحي المحلات و تسالي البائع بياخدها بكام من الناس و نزليلة فىالسعر و انت و شاطرتك علي فكرة ممكني تعملي في اليوم 100 ورقه و ممكن تكسبي في الورقه 50 قرش يعني نص جنيه و ممكن اكتر انتي و فنك و شاطرتك

558 views

طريقة عمل دبابيس الطرح بعجينة السيراميك