10:29 صباحًا الأربعاء 19 ديسمبر، 2018

طريقة عمل فازة من الخرز


 

 

صوره طريقة عمل فازة من الخرز

 

لادوات
نص كيلو كرستال مقاس 10او12 خيط سناره مقاس 80 ده اللي انا بشتغل بيه كمان ممكن 60وكمان 70
الطريقة
نلضم 8 خرزات في الخيط و نربطهم كويس
فوق كل خرزه بتعملي رباعيه بمعني فوق كل خرزه من التمانيه بتحطي تلاته و تدخلي في الخرزه و تطلعي منها و تدخلي في اللي جنبهاوتحطي اتنين و تدخلي في اول واحده من التلاته اللي دخلتيهم و اللي طلعتي منها و اللي جنبها و تمشي كده لغايه الاخر
فوق الرباعيه خماسيه يعني فوق كل واحده رباعيه تعملي غرزه خماسية
خلصتي الخماسيه عدي الخيط لغايه التمانيه اللي بدئتي بيهم الاول و اشتغلي رباعية
فوق الرباعيه خماسيه و بعدين دورين رباعية
وبعدين خماسيه خدي بالك من دى
من نص الخماسيه لنص الخماسيه اللي جنبها اعملي سداسية
سطر جديد نعمل واحده خماسي و واحده سداسي من نص السداسية
سطر جديد من نص السداسيه لنص السداسيه سباعية
من نص السباعيه لنص السباعيه اللي جنبها اعملي خماسيه بعد كده رباعيه للطول المطلوب 3او4او5ادوارويعدين اخر سطر اعملي خماسية
كده خلصنا مبروك عليكي الفازه عمايل ايدك

ودلوقتي اسيبك مع الصور ح تكون موضحه اكتر

 

 

  • كيف نعمل فازه من الخرز
693 views

طريقة عمل فازة من الخرز