يوم الأربعاء 2:41 صباحًا 22 مايو، 2019

غموض خالد

  • *1*
    شسوات الحين .

     

    ؟

    سالت نفسي هالسؤال مليون مره ,,, محتاااااار مدرى و ش اسوي

    سيارة ابوى الله يرحمة و بعتها و سددت فيها شوى من الديون اللى كانت على ابوى ,,, و واحد من الديانة و افتكيت منه باقى الديانة الثانيين و ش اسويبهم ,,, من وين اسدد لهم

    4 رجال و كلهم يطلبون ابوي

    تخلصت من اللى اكثر واحد يطلب ابوى باقى ثلاث اقلهم يبى 5000
    اوووة لا صح عمي ,,, عمي ابو مشعل بعد يطلب ابوى و المبلغ اللى يبية بعد كبير

    كم ياربى كم قال ,,, اية صح 12 الف ,,, اووة 12 هذي منين اجيبها

    انا 500 ما عندي كيف عاد الف 12 مرة

    قربت اصيح

    شسوات الحين .

     

    ؟

    لو سيارة ابوى كشخه و زينة كان فكت ازمه بس ابوى كان فقير من اصل و ما كان له دخل ما دى الا من سيارتة القرنبع اللى كان يكد عليها هذا غير بيتنا شعبى و باجار

    وعمي بدل ما يكون عون صار فرعون ,,, عمي اغني من ابوى شوى لكن طماع و ما عليه من احد ,,, و عيالة كل واحد بحالة ,,, هو صح يجينا من فترة لفترة لكن عشان كلام الناس و الدليل انه اذا علمتة عن اللى ناقص عندنا يقول مو مهم و ما نتم محتاجين له ,,, و يروح مثل ما جا

    وامي من دوله ثانية و تزوجت شخص من نفس جنسيتها و سافرت لديرتها ,,, طبعا رغم عنها

    شسوات الحين .

     

     

    وين اروح .

     

    ؟

    سمعت مذن مسجدنا يقوم للصلاه قمت رايح اتوضي و اول ما بديت بالوضوء و انا اتذكر انه باقى 5 اشهر بالتمام و يجى صاحب البيت و يطلب الاجار ضاق صدري اكثر,,, انا القاها من وين و الا من وين .

     

    ؟

    من وين اجيبلة ما جمعت شي و وظيفه ما لقيت ,,, اصحاب الجامعات ما لقوا ,,, ابلقي انا ,,, و انا تونى ما خلصت الثانوي

    = خالد ابروح معك

    انتبهت لسالم

    انا = تروح معى وين .

     

    ؟

    سالم = للمسجد

    تذكرت اني اتوضى

    انا = هاة ,,, اية اية يلة ,,, توضيت .

     

    ؟

    سالم = على و ضو

    اية و اضح على و ضو ,,, هذا صلاتة على مزاجة اذا حب يروح راح و اذا ما حب ما راح

    توضيت على السريع لانى متاخر و طلعت انا و سالم لكن لقيت الرجال فاضوا من الصلاة

    قلت لسالم = ارجع ارجع ,,, تاخرنا

    وحنا راجعين سمعت احد ينادينى التفت لقيت جارنا ابو عبد الله يناديني

    رحت له و سلمت عليه انا و سالم

    ابو عبدالله = و راك متاخر عن الصلاة ياولدى .

     

    ؟

    تفشلت ,,, شاقوله

    انا = كنت مشغول

    ابو عبدالله = الله يصلحك بس ,,, امم خالد ابيك تتعشي عندي ,,, لا تقول لا ,,, ترانى اعزك و ابيك تخاشرنى بعشاي

    انا = تسلم ياعم بس ما قدر اترك اخواتى لحالهم في البيت

    ابو عبدالله = بيتي ما من بعد عن بيتك ياولدى ,,, و الا تبى تتعذر بس

    انحرجت منه و لا قدرت ارده

    انا = خلاص تم بس بمر البيت شوى و اجيك

    ابو عبدالله = خلاص احتريك

    جارنا ابو عبدالله رجال شايب و طيب مسكين فقد عيالة من زمان بحادث سيارة و هم راجعين من جدة للقصيم يعني لو انهم عايشين الحين اكبرهم يمدية متوظف

    سالم = خالد ما شريتلى شنطه ,,, ابي شنطه جديدة

    اففففففففف ياذا البلشة ,,, كيف نسيت هال شي ,,, الدراسه الاسبوع الجاي

    انا انتقلت لثالث ثانوي و خلود لاول ثانوي و سالم ثاني ابتدائى و سلمي عمرها 6 سنين
    ومعاذ 3 سنين

    وتونى ما شريت اغراض للمدارس ,,, اصلا من وين لى اشترى افففففف

    العام احد جيراننا اخذ سالم للسوق من دون علمي و شرا له شنطتة و بدلتة الرياضية

    والحين لا يمكن اسمح له او لغيرة يتصدق علينا ,,, صح اننا فقرا لكن عاد لى كرامة و ما بى اخوانى يحسون بانهم اقل من غيرهم

    ليتنى القي و ظيفة بس ,,, يارب فرج همى يارب

    صارخ سالم علي

    سالم = خاااااااالد

    انا = هااااااه

    سالم = ابي شنطة

    انا = و شنطتك اللى العام

    سالم = لاااا قديمة ابي و حده جديدة و فيها رسمه سيارة

    بعد على كيفة يتشرط

    انا = ما فيه

    سالم = ليييييييه

    انا = قلت لك خلاص ما فيه و امش خلنا نصلي

    سالم = ما بى اصلي

    انا = كيفك اقعد لا تصلي

    رحت عنه ,,, دخلت البيت و صليت و رحت ادور خلود عشان اعلمها اني معزوم

    انا = خلود ترانى معزوم ,,, تعشوا لا تحتروني

    خلود = اصلا ما فيه عشا ,,, كلها سندويش و جبن

    اففففففففف ,,, لازم تذكرنى يعني

    يوم جيت ابروح عنها

    خلود = خالد

    التفت لها

    انا = هااه

    خلود = الدراسة جت و حنا ما شرينا شي

    انا = اوووة خلود حتى انتي من وين لى .

     

     

    سكتى سالم عنى اقنعية يبقي بشنطتة و بدلتة اللى العام و انا ابحاول اشترى الاغراض المهمة دفاتر و كم قلم

    نزلت خلود راسها

    خلود = بس انا لازم اشترى مريول ,,, انتقلت لمرحلة ثانية و المريول يختلف

    قالتها و هي شوى و تصيح

    ياااربى انا القاها من وين و الا من وين الحين

    رحت عنها و انا متضايق و لا ادرى و ش اسوي

    طلعت من البيت و رحت لبيت جارنا ابو عبدالله

    ابو عبدالله = و راك تاخرت ياولدي

    انا = السموحه كنت مشغول

    ابو عبدالله = مسموح ,,, اقول خالد محتاجين شي ترانى بالخدمه و لا تستحى اعتبرنى زي ابوك

    انا = تسلم ياعم ما نحتاج شي

    ابو عبدالله = انا دورت لك على و ظيفه لكن كل الوظايف يبون شهاده ثنوى و شهاده كمبيوتر

    انا = الله كريم

    ابو عبدالله = اكيد ما نتم محتاجين شي .

     

    ؟

    انا = اية اكيد ,,, الله يطول بعمرك ياعم ,,, الحمد الله مستورة

    جا العشا و تعشينا و انا اكل و كنى ما اكل

    طلعت من عند ابو عبد الله و انا ما بى ارجع للبيت قلت اتمشي شوي

    طلعت من حارتنا و انا افكر بالهم مبتلش ما ادرى و ش اسوى شكلى مضطر اتسلف ,,, محتاجين دفاتر و اقلام و مريول لخلود و ما درى ايش هذا غير معاذ متطلباتة كثيرة

    ليت ابو عبدالله ما عرض على المساعدة كان طلبت منه سلف و انا مرتاح ,,, لكن الحين لو اروح له الحين بيعتبرها صدقة موب سلف ,,, يارب فرج همى يارب

    قبل اكد بسيارة ابوى و نلقي دخل و لو بسيط ناكل منه لكن الحين سيارة ابوى و بعتها ,,, بديت اندم ليتنى ما بعتها ياليت ,,, لكن ان ما بعتها ما فتكيت من اكثر واحد ناشب بحلقى و كان ما قدرت اسدد شوى من الديون اللى على ابوي

    انتبهت لنفسي و وين انا فيه ,,, لقيت نفسي على الطريق العام رجعت ناوى اروح للبيت

    قبل ادخل شارعنا جانى صالح ولد جارنا ابو محمد

    افففففف و ش يبى ذا

    صالح واحد يحب المشاكل يحس نفسة يمرض اذا ما تحرش باحد

    صالح = وين كنت .

     

    ؟

    انا = اتمشي عندك ما نع

    صالح = تعال تعال و ش رايك تروح معنا نتمشى

    انا = انت و من .

     

    ؟

    صالح = انا و ابراهيم و ما جد

    انا = لا موب رايح

    صالح = و راة .

     

    ؟

    انا = لا و راة و لا قدامة موب رايح و خلاص

    صالح = لا بتروح غصب عنك

    انا = و رنى و شلون غصبا عني

    رحت و خليتة و لا قالى شي ,,, بعد هذا اللى ناقص ,,, قال غصب عنى قال

    انتهي اخر اسبوع من الاجازة و انا الى الحين ما شريت شي للدراسه و اصلا ما معى الا 150 ريال ,,, مضطر ابيع جوالى و عساة يكفى بعد

    يوم السبت اول اسبوع من الدراسة رحت العصر و بعت جوالى و مريت اقرب مكتبة من شارعنا و شريت الاغراض المهمة للدراسه و البيت

    باقى مريول لخلود و هذي لازم اخذها معى و انا ما معى سيارة شسوات الحين .

     

    ؟

    بعد صلاه العشا طلعت رايح لابراهيم اطلبة يعطينى سيارته

    بعد السلام

    ابراهيم = ياحيا الله خالد ,,, تفضل ياهلا فيك

    انا = الله يحييك لا ما يحتاج مضطر اروح لكن بغيتك بحاجه

    ابراهيم = امر ياخالد بغيت شي .

     

    ؟

    انا = الصراحة محتاج سيارتك شوى عندي مشوار و مضطر اروحله

    ابراهيم = و متى تبيها .

     

    ؟

    انا = الحين

    ابراهيم = الصراحة عندي مشوار الليلة و احتاج السيارة بعد

    سكتت و انا احس باحباط

    ابراهيم = طيب خالد اذا اخذتها الحين متى تخلص منها .

     

    ؟

    انا = الساعة 11 او 12 بالكثير

    ابرهيم = اووة زين اجل ,,, انا اصلا ما حتاجها الا الساعة 2 و ورا ,,, خلاص تقدر تاخذها اصبر اجيب المفاتيح

    وراح دقيقة و جا و معه المفاتيح

    انا = مشكور ابراهيم

    رجعت للبيت و اخذت اخوانى للسوق و شرت خلود مريول لها من المرايل الجاهزة

    اف منهم و ش هالغلا مريول ب 370 ريال و بعد المكاسر ب 350
    وليتة مريول زين ,,, من المرايل اللى يقالها رخيصه

    ماطولنا بالسوق على الساعة 11 رجعنا

    وحنا داخلين الحارة لقيت سيارة مرسيدس اخر موديل عند باب بيت ابو عبدالله

    ماقد شفتها بحارتنا من قبل الصراحه حلوة هالسيارة و واضح ان راعيها رجل اعمال

    صح سيارات صالح و ابراهيم و محمد و بعض شباب الحارة سيارتهم حلوة لكن موب اكشخ من ذي

    لبقت عند بيتنا و نزلوا اخواني

    دخلت البيت معهم و السيارة شغالة لانى ناوى ارجعها لابراهيم بعد شوي

    انا = خلود ابرجع السيارة لراعيها ,,, قولى لسالم لا يطلع و راي

    خلود = سالم زعلان يقول ما هو رايح للمدرسة بكره ,,, زعلان عشان الشنطة

    انا = اووة خلية يزعل مصيرة يرضي ,,, و حنا تونا في اول اسبوع عادي لو يغيب

    رحت عنها و طلعت من البيت ,,, انتبهت ان السيارة المرسيدس اللى قبل شوى ما هي موجودة بمكانها

    اخذت سيارة ابراهيم و لبقتها عند بيتهم و شكرته

    ثم رجعت للبيت

    اليوم اللى بعدة انا ما كان لى نفس اروح المدرسة و سالم فعلا كان زعلان و لا راح اما خلود كانت متحمسة للعوده للمدارس و راحت

    طبعا لان خلود بالمدرسة فاضطريت انا اسوى الغدا ,,, العام كانت تسوى الغدا في الليل و تحطة بالثلاجه او تتبرع احدي الجارات و تبلغ خلود بانها ما تسوى الغدا وان غدانا بتجيبة لنا

    على الساعة 11 و نص قام سالم و جانى في المطبخ

    سالم = وين خلود .

     

    ؟

    انا = خلود احسن منك راحت المدرسه

    سالم = خالد ابي شنطة كل اصدقاى شروا ليش انا ما تشتريلي

    قالها و هو شوى و يصيح

    التفت له احاول افهمة و ضعنا و عساة يفهم

    انا = سالم انا ما معى شي ما بقى معى الا فلوس شوى و اكيد بنحتاجها في اشياء مهمه
    فسحة لكل واحد منا مثلا او امممم اغراض للبيت او اي شي مهم ,,, الشنطه مو شي مهم خاصة ان عندك شنطه ,,, صح و الا لا .

     

    ؟

    برطم سالم و لا رد علي

    انا = صح سالم و الا لا .

     

    ؟

    دمعت عيونه

    سالم = صح

    كسر خاطري

    انا = سالم انا اذا صار معى فلوس زياده راح اشتريلك بس اهم شي ما تغيب مثل اليوم
    خلاص لازم تدرس و تجتهد عشان تنجح و الا ما تبى تنجح و تصير كبير

    ساكت و ما يرد علي

    انا = رح سلوم رح العب مع سلمي و معاذ وان شاء الله اذا صار معى بشترى لك كل اللى تبي

    طلع سالم من المطبخ ,,, و انا قعدت اكمل شغلى و بالى ما هو معي

    شسوات الحين .

     

    ؟

    قيمة جوالى ما بقى منه الا شوى و سيارة ما عندي عشان اكد

    على اذان الظهر رجعت خلود و كنت و قتها انا و سالم و سلمي و معاذ في حجره التلفزيون

    خلود =

    انا = و عليكم السلام

    ركضت سلمي و معاذ يستقبلون خلود

    سلمي = خلوووود جبتيلى شي معك

    خلود = اووووة لا نسيت ,,, كنت جوعانة و نسيت

    التفتت لي

    خلود = خالد تذكرت شي و انا في المدرسه

    انا = يالله ظهر خير ,,, و ش تذكرتى .

     

    ؟

    خلود = سلمي و معاذ

    انا = و ش فيهم .

     

    ؟

    خلود = اذا كنت انا و انت و سالم في المدرسة سلمي و معاذ وين نوديهم .

     

    ؟

    انا = مثل العام

    هذي السنة الثانية من تيتمنا ,,, و كنا اذا رحنا للمدرسة مررنا سلمي و معاذ ببيت ابو سعد و اذا طلعت انا من المدرسة امر بيت ابو سعد و ارجعهم معي

    خلود = عند مين تبيهم هالمرة .

     

    ؟

    انا = مثل العام ,,, عند ابو سعد عندة بنات كبر سلمي يلعبون معهم لين نرجع

    خلود = اهاا

    والتفتت خلود هالمرة على سالم

    خلود = ساااااالم بكرة ياويلك ان غبت ,,, علمتك ترا

    برطم سالم

    سالم = انا محد يحبني

    خلود = اية ما حد يحبك

    انا = قم قم صل ,,, مذن من زمااااان

    سالم = ما اااابي اصلي ,,, بلعب

    سلمي = انا بروح معك

    خلود = انتي صلى معي

    سلمي = لا ابي مع خالد

    خلود = تصلين مع رجال ,,, كللللللللللهم رجال ما فيه حريم

    سلمي = و لا حرمه و حدة .

     

    ؟

    خلود = و لا حرمه و حدة

    سلمي = اوووة لا خلاص ما بي

    خلود = واحد

    سلمي = لا لا بس

    ضحكت انا و خلود عليها ,,, شكلها مضحك كان احد يعزمها

    طلعت من البيت صليت و رجعت

    فى الليل جانا عمي ابو مشعل يقالة يزورنا

    انا = عم

    ابو مشعل = نعم

    انا = عمي محتاج فلوس ,,, ما معى شي و البيت يطفر هذا غير خلود و سالم محتاجين لاشياء تنقصهم و وو

    ابو مشعل = و وو ,,, و ش بعد ياكثر طلباتكم

    انا = عمي المدرسة تطلب علينا اشياء للدراسة اللى يبى هندسه و اللى يبى بدلة و اللى يبى كراسة و ما ادرى ايش الاغراض كثيرة ياعم ,,, هذا غير متطلبات البيت ,,, و معاذ بعد ,,, و انا ما معى شي ,,, و الله ما معى شي

    دخل عمي يدة في جيبة و طلع محفظتة و مدها على 1000
    ابو مشعل = خذ هذا اللى اقدر عليه

    انا = بس .

     

    ؟

    ابو مشعل = اية بس و ش تبى بعد .

     

     

    متزوج حرمتين و اصرف على بيتين تجى انت تزود على بطلباتك اللى ما تنتهي

    انا = 1000 ما يكفون

    ابو مشعل = انت لية ما تشتغل و تفكنى من شرك

    انا = و انا لاقى شغل و قايل لا

    ابو مشعل = اشتغل لو حارس

    انا = و ظيفه الحارس ما تناسبني

    ابو مشعل بسخريه = لية ان شاء الله تبى و ظيفه بمكتب و تحت مكيف

    انا = ما قدر اصير برا البيت للفجر و اخوانى بالبيت لحالهم

    ابو مشعل = خالد دبر نفسك و دور لك و ظيفه ترا هذا اخر شي اعطيكياه

    نزلت راسي و انا اشوف الدنيا بدت تصغر بعيني

    ابو مشعل = يلة مع السلامة

    وطلع من دون ما رد عليه

    السبت

    انتهي الاسبوع الاول من بداية الدراسة

    انا ما رحت للمدرسة في الاسبوع الاول الا مره اما خلود و سالم كانوا يرحون يوميا

    الحين عاد بدا الجد خاصة اني في اخر سنة من الثانوي لازم اجتهد و اجيب نسبة لكن و شلون اجيب نسبة و هذي ضروفى و المبلغ اللى معى ما باقى عليه شي و يخلص من وين اصرف على اخوانى و على من وين .

     

    ؟

    = خااااااالد

    انتبهت على صالح و هو ينادينى ,,, كنا انا و صالح و ابراهيم و ما جد تونا طالعين من المدرسة و لان المسافه بين مدرستنا و حارتنا ما هي بعيدة و كنا نروح للمدرسة مشي

    صالح= وين و صلت ,,, يسالك ما جد .

     

     

    ,,, و ش رايك باللى قاله

    انا = و ش قال .

     

    ؟

    ماجد = اقول اليوم العصر فيه مباراه عند الملعب اللى مجنبنا و ش رايك ننضم لهم و اكييييييد بنفوز

    انا = طيب و انا و ش علي

    ابراهيم = كلنا بنلعب و بيجتمعون شباب مدرستنا و سمعت انه فيه من شباب الجامعة بيجون

    انا = مدرى اذا كنت فاضى بجي

    صالح = تجى غصبا عنك

    سكتت عنه ,,, عليه اسلوووووب

    وصلنا شارعنا و لان ما جد مو من حارتنا كمل مشوارة لبيته

    انتبهت ان السيارة المرسيدس اللى شفتها قبل اسبوع دخلت الحارة و وقفت عند بيت ابو عبد الله ,,, صح كنت ناسيها طوال الاسبوع اللى فات ما شفتها الا مرة

    نزل منها شاب لابس بنطلون اسود و فنيلة بيظا مخططة خطوط اي كلام في الصدر و شعرة طويل نوعا ما يوصل لكتفة ,,, اول ما شفتة ما رتحت له ما احب هالنوع من الشباب احسة مغرور

    قال صالح مستغرب

    صالح = خالد

     


    كنت اظنة ينادينه

    التفت له احترية يقول و ش يبي

    ابراهيم = صالح هذا مو خالد ولد اخت ابو عبدالله .

     

    ؟

    صالح = الا هو ,,, غريبة و ش جابة بهالوقت من الرياض

    كنى تذكرتة ,,, كان يجى هو و اهلة بالعطل عند ابو عبدالله لكن ما كان بينى و بينة اي كلام لانة ما كان يطول و على طول يرجعون للرياض

    انا = هذا خالد ,,, تغير ,,, ما عرفته

    قربنا منه قبل يضرب الجرس على بيت ابو عبدالله

    صاح فيه صالح

    صالح = خاااااالد و يييين يابو الشباب ,,, سلم سلم

    التفت لنا خالد و جا

    خالد =

    الكل = و عليكم السلام

    وبعد السلامات

    ابراهيم = و شلونك خالد ,,, تصدق تغيرت ما عرفتك

    خالد = بخير شلونك انت .

     

    ؟

    ابراهيم = بخير دامك بخير

    صالح = و ش جابك بهالوقت .

     

    ؟

    التفت خالد على صالح و ابتسم بسخرية

    خالد = و ش هالاستقبال .

     

    ؟

    صالح = لا يكون صحيح اللى سمعتة .

     

    ؟

    ابراهيم = و ش سمعت .

     

    ؟

    سال خالد صالح متجاهل سؤاله

    خالد = خالي ابو عبدالله هنا .

     

    ؟

    تذكرت ان زوجة ابو عبدالله تكون عمه صالح اخت ابوة
    صالح = و انا و ش درانى .

     

     

    قلى لية جاى ,,, الرياض ما فيها مدارس ثانوي عشان تجى تدرس هنا

    خالد = جالس على قلبك انا .

     

    ؟

    صالح = جالس ببيت عمتي

    خالد = جالس ببيت خالي

    صالح = و اذا طلع خالك .

     

    ؟

    خالد = ما لك دخل

    صالح بعصبيه = انا ما لى دخل

     


    و دفع خالد ناوى على هواش

    تدخل ابراهيم

    ابراهيم = هدوا اللعب ياشباب ,,, و شبك صالح خالد ما سوي شي حرام ساكن ببيت خاله

    صالح = و انا ما بية يسكن

    خالد = قلتلك ما لك دخل فيني

    صالح = تشوف يانا يانت ببيت عمتي

    خالد = تراك اذيتنى بعمتك

    صالح بسخرية = اقوووووول الى الحين ما شفت ابوك ,,, و ش رايك تدرس عندة هاااااااااااي

    عطي خالد نظره لصالح و راح يضرب الجرس على بيت خالة من دون ما يرد عليه

    حسيت من نظرتة تالم من سخريه صالح

    ابراهيم = هدوا اللعب شباب تعال خالد تعال و ش فيك زعلت

    وراح ابراهيم له

    ابراهيم = اقول خالد بما انك بتدرس هنا فيه مباراه اليوم العصر و ش رايك تجى معنا تتفرج و لو تلعب معنا بعد احسن

    صالح بعصبيه = لا ما نبية يجي

    خالد = معليش مره ثانية تونى جاى من سفر و تعبان

    وفتح الباب خاله

    ابو عبدالله = هلا هلا بولدى خالد هلا

    وسلموا على بعض حسيت ان ابو عبدالله فرحان بخالد ,,, معذور ما عندة عيال

    ابو عبدالله = و ينك يابوك الدراسه بدت لها اسبوع شكلك كسلان ههههههه

    سلمنا على ابو عبدالله

    صالح ابراهيم انا =

    اخيرا التفت لنا ابو عبد الله = هلا هلا و عليكم السلام ياحيا الله الشباب تفضلوا حياكم

    انا = الله يحييك تونا جايين ,,, بس شفنا خالد بطريقنا و سلمنا عليه

    ابو عبدالله = فيكم الخير و الله

    ابراهيم = يلة نستاذن منك مع السلامة

    مشينا و كل واحد راح لبيته الا صالح دخل ببيت ابو عبدالله ,,, يوم اقول يمرض ان ما تحرش باحد ,,, شكلة ناوى يكمل هواش مع خالد

  • 2

    بعد صلاه العصر رحنا للملعب

    فعلا كان فيه شباب كثير مجتمعين ,,, لعبنا المباراه

    المغرب جلست انا و ابراهيم نرتاح شوي

    انا = ابراهيم و ش كان يقصد صالح يوم قال لخالد الى الحين ما شفت ابوك .

     

    ؟

    ابراهيم = الصراحه مدرى ,,, انا خالد هذا ما عرفة زين و لا اشوفة الا من عطلة لعطله

    انا = اهااا

    ابراهيم = و ش رايك نرجع

    انا = نصلى العشا و نرجع

    ابراهيم = طيب صار

    بعد الصلاة رجعنا

    كان شارعنا مليان بالاطفال يلعبون

    دخلت البيت و ما لقيت فيه الا خلود و معاذ

    استغربت انا متاكد اني ما شفت اخوانى برا

    انا = خلود وين سالم و سلمي .

     

    ؟

    التفتت على خلود مستغربة

    خلود = برا ,,, ما شفتهم و انت جاى .

     

    ؟

    انا = لا

    وطلعت مره ثانية من البيت

    وقفت عند الباب و لا شفت احد منهم

    غريب ,,, شفت مجموعة بنات صغيرات يلعبن

    رحت لهن و لا شفت سلمي عندهن و لا حتى سالم

    افففففف وين راحوا

    = خااااااااالد

    التفتت لمصدر الصوت

    وكانت سلمي راكبة بالسيارة المرسيدس بمكان الراكب و مطلعه راسها من الدريشه و تناديني

    وش جابها هذي هنا

    رحت لها و انتبهت ان خالد بالسيارة و بحظنة سالم و يتفرجون على شي و لما قربت كان اللى يتفرجون فيه جوال ,,, و سالم يكركر من الضحك

    سلمي = خالد و خالد هههههة 2 خالد

    وقفت عند باب الراكب و فتحت الباب و انا معصب

    بطرف عيني شفت خالد يشوفنى مستغرب

    انا = سلمي انزلى ,,, سالم انزل اشوف ,,, معليش خالد من اليوم و انا ادورهم و الحين وقت نومهم تعرف بكره مدارس

    سلمي = انا ما درس

    انا = انزلى و انتي ساكتة

    سالم = خالد بس شوى بشوف هذا و بعدين اروح انام

    انا بعصبيه = و ش تشوف .

     

    ؟

    اخذ سالم الجوال من يد خالد و مدة لى يورينى اللى يشوفه

    سالم = هذا ,,, يضحك ,,, بشوفة بس شوي

    انا = قلت لك رح البيت

    خالد = خلاص سلومى رح نام بكره مدرسة

    سالم = يووووة ,,, مدرسة مدرسة مدرسة كل يوم مدرسة

    خالد = هههههههة اية كل يوم مدرسة

    نزل و نزل سالم معه و انا نزلت سلمى

    قلت لسالم و سلمى

    انا = يلة اشوف قدامي

    راحوا يركضون و دخلوا البيت

    التفتت على خالد ,,, لقيتة يقفل سيارتة ,,, مدرى لية ما نى مرتاحله

    انا = باى سنة تدرس .

     

    ؟

    التفت لي

    خالد = بثالث ثانوي ,,, مع السلامة

    ودخل بيت خالة ,,, استغربت و ش فيه ذا ,,, معقول زعل لانى اخذت اخوانى منه

    يولى ,,, مو مرتاحلة اصلا

    رجعت البيت ,,, و حنا نتعشي سالت سالم و سلمى

    انا = و ش كنتوا تسوون مع خالد .

     

    ؟

    سالم = ما سوينا شي

    سلمي = ركبنا معه السيارة و ورانا جوالة فيه اشياء تضحك مررررررة و فيه العاب

    انا = من متى و انتم معه .

     

    ؟

    سالم = من شوي

    انا = قال لكم شي .

     

    ؟

    سالم = ما قال شي

    قلت له احذره

    انا = ساااالم

    فعلا خاف

    سالم = قال باى سنة تدرس و وو قال و قال

    و برطم و سكت

    انا مستغرب = و ش قال .

     

    ؟

    خلود = خالد و ش فيك خل سالم ياكل

    انا بعصبيه = سالم و ش قالك خالد .

     

    ؟

    سالم = سال ابوى و ينة .

     

    ؟

    انصدمت و وقفوا اخوانى كلهم عن الاكل انسدت نفسهم مثل ما نسدت نفسي ,,, سد الله نفسك ياخالد

    انا بالم = و ش رديت عليه .

     

    ؟

    سالم = قلت انا ما عندي اب و ام

    بكت خلود بصمت

    سلمي = خالد حنا لية ما لنا ام و اب مثل صديقاتى .

     

    ؟

    قلت لها اصرفها

    انا = يلة روحوا ناموا بكره مدرسة

    وقمت عنهم رايح غرفتي

    خالد ما سال سالم هالسؤال الا انه عارف من خالة اننا ايتام

    لية يستعبط و يسال بزر و يجرحة بسؤال مثل و جهه

    ان ما وريتة بكره ,,, اكيد بيدرس بنفس مدرستنا وين بيروح يعني

    دخل سالم على الغرفه و دخل فراشه

    انا = صليت .

     

    ؟

    سالم = لا

    انا = ليه

    سالم = تونى صغير

    انا = لا و الله احلف

    سالم = و الله

    اففففف

    انا بعصبيه = كيفك اقعد لا تصلي

    فى المدرسة دورت على خالد و لا شفتة و لا حبيت اسال عنه

    وحنا راجعين كالعاده انا و ما جد و ابراهيم و صالح

    ابراهيم = صالح ما درس خالد اليوم .

     

    ؟

    صالح = من خالد .

     

    ؟

    ابراهيم = خالد تركي قريبك

    صالح = و انا و ش درانى عنه

    ماجد = قريبك

    صالح بعصبيه = يخسى ما هو قريبي

    استغربت كرة صالح له

    انا = طيب و ش فيك معصب

    صالح = زوج عمتي يصير خالة ,,, ياخال ابوى حك ظهري ,,, ما هو قريبي

    سكت و سكتنا ,,, و صلنا شارعنا ,,, و انتبهت ان سيارة خالد ما هي موجودة

    دخلت البيت و كان فاضى رحت لبيت ابو سعد عشان اجيب سلمي و معاذ

    ورجعنا ,,, لقيت سالم رجع البيت و كان لابس بدلتة الرياضه بس

    انا مستغرب = متى جيت .

     

    ؟

    سالم = تو ,,, خالد شف

    واشر على ركبتة و كانت بدلتة متمزقه من عند الركبة

    فهمت عليه

    انا = خل خلود تخيطة ما نى شارى شي

    سالم زعلان = لاااا ابي اشترى و حده جديدة

    سالم = لا ما نى شارى ,,, خيط هذا و خلاص

    سالم = لا خالد لاااا ابي اشترى و حده جديدة كل اصدقاى شروا جديدة الا انا و بعدين انت ما شريتلى شنطه بعد ما نت شاريلى بدله و قعد يصيح ابي و حده جديدة

    ضاق صدري ما معاى الا 100 ريال اخربها ببدلة ,,, و ش يفهمة ذا الحين

    انا بعصبيه = سالم قلت لا يعني لا

    وطلعت من عندة و انا متضايق شسوات الحين لازم القي و ظيفه لازم

    سالم طلباتة كثيرة و خلود بعد لكن ساكتة عن الاشياء اللى يخصها لكن ادرى انها تبى ,,, سشوات .

     

    ؟

    العصر طلعت من البيت و انا الدنيا مسوده بعيني

    شسوات الحين الشهر اللى فات لقيت و ظيفه لكن حارس سوبرماركت و كانت الفتره من العصر الى الساعة 3 في الليل

    اترك اخوانى لحالهم من العصر الى الساعة 3 في الليل .

     

    ؟

    صعبة ,,, ما قدر اتركهم ,,, شسوات الحين ,,, اترك الدراسه و اشتغل حارس في الفتره الصباحيه و الا و شلون

    مالى الا اكد

    بس و شلون اكد و انا ما معى سيارة ,,, ليتنى ما بعت سيارتى ياليت

    بعد تفكير طوييييل بهمي

    رجعت البيت و انا مقرر اطلب سيارة احد جيراننا و اغيب بكره عن المدرسة و اروح اكد طوال اليوم لين احصل مبلغ يسدنى على الاقل يومين ,,, مع اني عارف ان ما ورا المكده مكسب ,,, كل اللى اكسبة يروح بنزين للسيارة ,,,.

     

    لكن ان شاء الله ما نى كاد الا بوسط المدينه اما اللى يبون توصيلهم خارج المدينه ما نى موصلهم ,,, ما عندي حل الا كذا

    وصلت شارعنا على اذان المغرب لقيت اخوانى سلمي و سالم يلعبون كالعاده مع اطفال زيهم

    رحت المسجد و صليت و رجعت البيت

    وبعد العشا بفتره طلعت من البيت عشان اطلب سيارة احد جيراننا

    جيت ابروح لابو عبدالله بس تذكرت خالد و شفت سيارتة و اقفه

    لا لا ما نى رايح لابو عبدالله اخاف يطلعلى الخايس خويلد

    ورحت لابو سعد و استاذنت منه سيارتة ليوم كامل

    وطلعت من عندة و رجعت للبيت

    وقلت لخلود

    انا = خلود ترانى بكره ما نى راجع للبيت الا اخر الليل لا تحترونى لا على الغدا و لا على العشا

    والتفتت لسالم

    انا = سالم اذا رجعت بكره من المدرسة هات معك سلمي و معاذ من بيت ابو سعد ,,, مفهوم

    سالم = طيب

    خلود = لية وين بتروح .

     

    ؟

    انا = بكد

    خلود = و شلون ما عندك سيارة .

     

    ؟

    انا = اخذت سيارة ابو سعد

    خلود = و بتتاخر .

     

    ؟

    انا = مدرى على حسب

    يوم الاثنين

    غبت عن المدرسة و طوال اليوم و انا اكد اوصل هذا و اوصل غيرة اروح جنوب المدينه و اوصل شخص لشمالها لكن كل اللى و صلتهم 6 اشخاص

    اكثرهم يبون توصيل خارج المدينه ,,, و ليتنى كسبت مبلغ زين ,,, ما صفالى من المكده بسبب البنزين الا 140 ريال

    بعد صلاه العشا كنت تعبان و هلكان و نعسان ما نمت اليوم بطولة و فوق هذا جوعان

    خلنى ارجع البيت و اشوف اخوانى يمكن محتاجين شي ثم ارجع اكد مره ثانية لاخر الليل

    دخلت الحارة و ما شفت سالم و سلمي يلعبون مع الاطفال

    دخلت البيت

    انا =

    خلود مستغربه = خالد

     

     

    و عليكم السلام ,,, مو تقول بتجى اخر الليل .

     

    ؟

    انا = برجع مره ثانية بس جوعان ,,, سويلى اي شي

    التفتت على سالم و سلمي و معاذ لقيتهم يلعبون بالعاب اول مره اشوفها

    سلمي تلعب بعروسة كبيرة نوعا ما

    وسالم يلعب بسيارة على شكل همر كبيرة

    استغربت و سالتهم

    انا = و ش هذا .

     

    ؟

    خلود = و ش .

     

    ؟

    انا = و ش الالعاب هذي .

     

     

    من وين .

     

    ؟

    ترك سالم لعبتة و راح شوى و جا و معه بدله رياضيه جديدة

    سالم بفرح = خالد شف ,,, اليوم اخذنى خالد للسوق و شرالى بدله و سيارة و سلمي شرالها هذا و اشر على الدميه

    انا مستغرب = مين خالد .

     

    ؟

    سالم بغرور = خالد صديقي

    اخذت مدة عشان استوعب ,,, نقزت شيطانى قدامي ,,, الحين انا غايب عن المدرسة و طوال اليوم تحت الشمس اكد و تعبان و حارم نفسي عن النوم بس عشان اوفر قيمه احتياجاتهم

    واخر شي ,,,,,,,,,,,,,,,,,,,,,,

    توجهت لسالم بعصبيه و عطيتة كفففف و قعدت اضربه

    انا = و ش قلت انا ,,, مو قلت لا تاخذ شي من احد

    واخذت اضربة ,,, طلعت كل التعب و الجوع اللى احس فيه ,,, و قعدت اضرب سالم

    اسب و اشتم و ابرد كبدى فيه

    جت خلود و قعدت تجرنى عنه

    خلود بخوف = خالد بس ابعد عنه خاالد ,,, هو جا استاذن منى ابعد ابعد

    تركت سالم و التفتت لخلود

    انا بعصبيه = انتي كنتى تدرين انه راح للسوق .

     

    ؟

    خلود و هي خايفه منى = ايه

    دفعتها على و را

    انا بعصبيه = و انا رايح اكد لمن .

     

     

    ليش خليتية يروح لييييش

    خلود بخوف = قال ابروح مع خالد و سمحتله

    عصبت و عطيتها كف

    انا = و لييييييش تسمحينلة ليييييية و انا معلمك اني ابروح اكد لييييييه

    بكت ,,, التفتت على سالم اللى الى الحين يصيح

    انا = متى رحت معه ياحماااااار

    يبكى و لا رد علي

    انا بعصبيه = متااااااااا

    خلود و هي تبكي = العصر

    سالت سالم

    انا بعصبيه = معكم احد .

     

    ؟

    سالم و هو يبكى و خايف منى = سلمى

    تفاجات ,,, سلمي بعد ,,, التفتت على سلمي و لقيتها هي الثانية تصيح

    عصبت اكثر ,,, ان ما وريتك ياخالد

    طلعت بعصبيه من البيت و رحت لبيت ابو عبدالله ,,, ان ما طحنت عظامك ياخالد ,,, امس جارح الولد بسؤال مثل و جهة و الحين يتصدق عليه ,,, ان ما وريتك

    لقيت سيارتة و اقفه ,,, و ضربت الجرس بعصبيه ,,, طلع لى ابو عبدالله

    حاولت اكون طبيعي قدامه

    انا =

    ابو عبدالله = هلا و عليكم السلام ياهلا و الله بخالد تفضل تفضل ياحيا الله خالد

    انا = تسلم ياعم لكن ما عليك امر تناديلى خالد

    ابو عبدالله = خالد رايح للدكان مرسلتة العجوز الحين يجى اقلط

    حظة فلت منى لكن وين يروح

    انا = اجل مره ثانية انا بس بغيت خالد ان جا ياعم قلة اني بغيته

    ابو عبدالله و هو يشر على مكان و راى = هة هذا هو جا

    التفتت و راى لقيت خالد لابس بنطلون جنز و فنيلة سودا و معه كيسة ,,, ذا ما يلبس الا بناطيل ما عمري شفتة لابس ثوب ,,, ما لت عليه و على شكله

    قرب خالد و وقف عندنا ,,, هالمرة مهمل نفسة شعرة الطويل صاير حوسه

    خالد بهمس =

    استغربت صوتة متغير

    ابو عبدالله = و عليكم السلام

    والتفت ابو عبدالله لي

    ابو عبدالله = و هذا خالد جا ,,, اقلط ياحياك الله

    انا = تسلم ياعم لكن بغيت خالد بحاجة

    والتفتت لخالد لقيتة ما سك راسة بيد و يالله يفتح عيونة كانة مصدع

    خالد بتعب = بغيتنى انا .

     

    ؟

    ابو عبدالله لخالد

    ابو عبدالله بخوف = خالد فيك شي ياولدى .

     

    ؟

    خالد = لا ياخال ,,, تعب بسيط ,,, ما عليك

    ابو عبدالله = اكلت دواك .

     

    ؟

    هز خالد راسة بلا

    ابو عبدالله بتنهيدة = الله يهديك

    استغربت دوا ,,, و ش دواه

    التفت لى خالد و كان زاد عليه الالم

    خالد بتعب = اعذرنى خالد مصدع و تعبان

    وراح و سلم على راس خاله

    خالد = اعذرنى ياخال تعبان و ابي انوم ,,, شف هذا و ش يبى ,,, و هو يشر لى

    ابو عبدالله = تعشي اول ياولدي

    خالد = ما شتهي

    وراح ,,, ياسلام ,,, الحين انا جاى له يروح و يتركنى ,,, ما لت عليه احرجنى قدام ابو عبدالله

    انا متفشل = جاى له ياعم يتركنى و يروح

    ابو عبدالله = و الله ما درى و ش اقولك ياولدى ,,, اعذرة و انا عمك خالد عندة صداع مزمن يجية من فترة لفترة تنهد ابو عبدالله و كمل بحزن بعض الاحيان يفقد و عية ,,, ادعلة و انا عمك ان الله يشفية ,,, انا و امة ما لنا غيره

    انصدمت صداع مزمن و يفقد و عيه

    انا مستغرب = و ووشش صداع مزمن ,,, ااا ,,, لية و ش عندة بالضبط ياعم .

     

    ؟

    ابو عبدالله = و الله مدرى ياولدى ما جالة هالمرض الا بعد حادث صار له بالرياض

    صدمة ثانية حادث ,,, و اخذت وقت عشان استوعب

    انا = اا ,,, الله يشفية ,,, طيب انا استاذن مع السلامة

    ابو عبدالله = محتاج شي ياخالد اعتبرنى زي ابوك لا تستحي

    انا = تسلم ياعم ما حتاج شي ,,, مع السلامة

    رجعت و انا افكر بخالد

    حادث و صداع مزمن لدرجه يفقد و عيه

    اهاااا تونى افهم ,,, دايم اشوف على و جهة التعب لكن ما نتبهت انه بسبب مرض كنت اظن انه هو شكلة كذا ,,, بس صح و ش يقصد ابو عبدالله انه ما له و امة الا خالد ,,, يعني خالد ما له اخوان .

     

     

    و الا و شلون

    اول ما دخلت البيت خاف منى سالم و هو ما زال عليه اثار الصياح

    جلست بحجره التلفزيون و انا الى الحين افكر بخالد

    خلود = خالد تبى اجيب العشا الحين .

     

    ؟

    تذكرت اني جوعان

    انا = ايه

    وحنا نتعشي سالت سالم

    انا = سالم خالد قال لكم شي .

     

    ؟

    خلود بخوف = خالد خلاص عاد ما صارت ,,, ااا ,,, ضربتنى و ضربت سالم بس عشان بدلة و كم لعبه ,,, ما صارت

    انا = اية خلاص صار اللى صار ,,, بس انا ابي اعرف و ش قالهم خالد

    والتفتت لسالم

    انا = سالم و ش تكلمتوا عنه .

     

    ؟

    سالم بخوف = ما تكلمنا عن شي بس و دانا للسوق و دخلنا الالعاب و لعبنا شوى و رجعنا بس

    انا = طيب هو و شلون عرف انك تبى بدله .

     

    ؟

    سالم = انا علمته

    عصبت و جيت بهاوشة لكن و ش اسوى اذا الله بلانى باخو بقره مثل سالم

    انا بعصبيه = كلللل ابلعععع

    كملت عشاى و انا افكر فيه

    يضحك مع اخوانى و يكلمهم و انا يتهرب مني

    كل ما حاولت اكلمة تركنى و راح ,,, لية .

     

    ؟

    رجعت السيارة لابو سعد و رجعت البيت انام

  • 3

    الثلاثاء

    طوال اليوم و انا في المدرسة ما شفت خالد ,,, لا يكون الى الحين تعبان عشان كذا ما درس اليوم

    الظهر بعد ما طلعنا من المدرسة و حنا داخلين الحارة سال ابراهيم صالح بعناد

    ابراهيم = اقوووول صالح قريبك اليوم بعد ما درس ,,, و ييييينة .

     

    ؟

    صالح بعصبيه = ياليل الليل ,,, تفهم انت و الا ما تفهم قلتلك ما هو قريبى ,,, و بعدين انا و ش على منه درس و الا ما درس

    انتبهت ان سيارة خالد ما هي موجودة

    انا = سيارتة ما هي موجودة

    ابراهيم = شكلة يدرس بمدرسة غير مدرستنا ,,, قليل ما شوفة و ما سولفت معه الى الحين

    انا = صالح هو له اخوان .

     

    ؟

    صالح بملل = له 4 اخوات ,,, تراكم اذيتونا فيه انت و اياه

    ابراهيم = انا ابي اعرف و ش بينك و بينه

    صالح = اففففف اروح للبيت احسن

    وراح

    ابراهيم = و ش فيه ذا .

     

    ؟

    انا = انا ادري

    استغربت كرهة لخالد فعلا و ش بينة و بين خالد .

     

    ؟

    بعد صلاه العصر بفتره و قفت عند باب البيت طفشان

    وكانوا اطفال الحارة يلعبون و منهم سالم و سلمى

    لقيت ابراهيم و اقف مع خالد عند سيارتة و طاقينها سوالف

    التفتوا لى و نادانى ابراهيم ,,, رحت لهم و وقفت عندهم

    انا =

    خالد و ابراهيم = و عليكم السلام

    التفتت على خالد ,,, شكل صحتة اليوم احسن من امس لكن فيه هالات و اضحة تحت عيونة ,,, تفاجات يوم ابتسم لي

    خالد = معصب امس ,,, و ش عندك

    تلعثمت شاقوله قدام ابراهيم

    انا = اا ,,, انا امس معصب .

     

     

    ما عصبت

    خالد بابتسامة = امس و اضح من شكلك انك معصب ,,, لا يكون جالس ببيت عمتك و انا مدري

    ضحكت انا و ابراهيم

    انا = شكل صالح مطلع ريحتك

    خالد بتنهيدة = اي و الله و المشكلة خالي و خالتي ساكتين هو اللى مدرى و ش يبي

    ابراهيم = ما عليك منه والتفت لى خالد اثر خالد ما يدرس عندنا يدرس بمدرسة اهلية هههة و حنا ندورة بمدرستنا هههه

    انا = اهاااا

    خالد = خالد

    التفتت له

    انا = نعم

    خالد = انت ما عندك سيارة .

     

    ؟

    تفاجات من سؤالة ,,, نزلت راسي

    انا = لا ,,, كانت عندي و بعتها

    رفعت راسي

    انا = لية تسال .

     

    ؟

    خالد = لا مجرد سؤال

    وش فيه ذا اسالتة دايم مثل و جهة ,,, ما لت عليه

    ابراهيم = و ش رايكم نفرفر بالشوارع شوى .

     

    ؟

    لان معاذ يومة كله حرارتة مرتفعه عشان كذا ما قدر اترك البيت يمكن تحتاجنى خلود او شي

    انا = مره ثانية ,,, ما قدر اروح الحين

    ابراهيم = و راة .

     

    ؟

    انا = مشغول

    التفت ابراهيم على خالد

    ابراهيم = و انت .

     

    ؟

    خالد = انا ابمشي الحين للرياض .

     

    ؟

    ابراهيم = الرياض .

     

     

    و المدرسة ,,, بكره الاربعاء يالحبيب

    خالد بابتسامة = غيااااااااب

    ابراهيم = اوووووة ما فيكم خير اروح لماجد و صالح ابركلي

    وراح ,,, التفتت على خالد

    انا = خالد بتسافر للرياض و انت امس تعبان

    خالد باستغراب = ما نى تعبان ,,, من قالك اني تعبان

    انا =

     

    !!!!!!!!

    خالد = قصدك امس

     

     

    ,,, امس تعب عادي و بسيط يمكن لانى ما نمت بالامس كله

    انا = و الصداع اللى يجيك دايم

    طير عيونة فينى و سكت ,,, و طول و هو ما رد علي

    انا = و ش فيك .

     

    ؟

    خالد = خالي قاللك .

     

    ؟

    هزيت راسي بايه

    خالد بتنهيدة = الحمد الله على كل حال ,,, و ش تبينى اسوى يعني ,,, اقعد في البيت و لا اسافر لاهلي

    تلعثمت انا = ااا ,,, لا ما قصدت ,,, اا ,,, اممم

    ماادرى شاقوله

    خالد = و ش فيك معصب امس .

     

     

    كنت تبيني

    زين سالنى ,,, لازم اعلمة كيف يتادب عشان ما يتصدق على اخوانى مره ثانية

    انا = كم قيمه بدله سالم و الالعاب .

     

    ؟

    خالد باستغراب = لية .

     

    ؟

    انا = انت اللى لية تشترى لسالم ,,, احد شكالك .

     

     

    احد طلب منك تتدخل في شي ما يعنيك .

     

    ؟

    سكت و ما رد

    انا بعصبيه = كم .

     

    ؟

    خالد = هديه لسالم و سلمى

    انا = ما نى بزر عندك تكذب على ,,, انت ما شريت البدله لسالم الا لما هو علمك ,,, صح و الا لا .

     

    ؟

    سكت و لانى عارف اني ما قدر اسدد قيمه البدله و الالعاب سكتت عنه

    خالد = تاخرت لازم امشي و مد يدة لى اشوفك على خير ,,, مع السلامة

    انا = توصل بالسلامة و صافحتة

    ركب سيارتة و شغلها ,,, تفاجات بسالم و سلمي جوة اول ما ركب سيارته

    سلمي = وين بتروح .

     

    ؟

    خالد بابتسامة = الرياض

    سالم = امك و ابوك لية ما يجون هنا .

     

    ؟

    ضحك خالد = ههههة ان شاء الله اجيب امي هنا بس هاة لازم تسلم عليها ,,, اتفقنا

    سالم بفرح = اتفقنا

    ومد سالم يدة يصافح خالد يقالة توكيد اتفاق ,,, ضحك خالد و صافحه

    تذكرت سؤال صالح لخالد عن ابوة ,,, قلت احرجه

    انا = و ابوك ما تبى سالم يسلم عليه .

     

    ؟

    طالعنى و سكت ,,, ابتسمت شكلى احرجته

    انا بابتسامة = ليش ما ترد .

     

    ؟

    خالد = اذا شفتة انا خليت سالم يشوفة ,,, و ثاني مره لا تتدخل في شي ما يعنيك والتفت لسالم و سلمي يلة مع السلامة ياحلوين اشوفكم يوم السبت ان شاء الله

    وراح ,,, انصدمت ,,, و ش يقصد بالضبط اذا شفتة انا خليت سالم يشوفة تونى ادرى انه يتيم ,,, الصراحة ندمت على احراجى له ,,, يالله كيف النعمة اللى هو فيها و السيارة الفخمه اللى معه مخليتة كانة مو يتيم ,,, ليتنى ما حرجتة ياليت

    الاربعاء

    خلود غابت عن مدرستها عشان معاذ ,,, مع ان جارتنا ام سعد طلبت منها تجيبة عندها لكن خلود عيت

    فى الليل كانت سلمي جالسه عندي في حجره التلفزيون و تلعب بعروستها ,,, فرصه افهمها ان عروستها هذي حرام

    انا = سلمي تخلصى من الدميه هذي

    التفتت لى سلمي موب فاهمة شي

    سلمي = لية ,,, ابيها

    جلست عندها احاول افهمها

    انا = سلمي شوفى هذي لها عيون كانها عيون حقيقيه و المسى فمها و خشمها شوفى بارز ,,, الملائكه ما يدخلون بيتنا لان هذي فيه ,,, فيه عروسات اسلامية ما لها ملامح مثل هذي ,,, هذي صارت كانها صنم ,,, تبين بيتنا يصير فيه صنم .

     

    ؟

    سلمي = الملائكه ما يدخلون بيتنا .

     

    ؟

    انا = اذا كانت هذي فيه ما يدخلون بيتنا

    سلمي = بس ابيها

    انا = انا ابحاول اشترى لك و حده اسلامية

    برطمت سلمي و كان ما عجبها الكلام

    انا = خلاص تخلصى منها ,,, شاطره سلمي ,,, و اوعدك اشتريلك و حده غيرها بس اسلامية

    قمت عنها ,,, افففف الله ياخذ و جهك ياخالد و رطتنى ,,, الحين لازم اخرب الفلوس القليلة اللى معى بدميه ,,, شسوات الحين افففف

    طلعت من البيت اسولف مع ابراهيم و صالح و كان معهم ما جد

    بعد مرور يومين ,,, فجر السبت

    قمت اصلي الفجر و كالعاده حاولت اقوم سويلموة و عيا يقوم

    طلعت من البيت و تفاجات بسيارة خالد و اقفه قدام باب بيتي ,,, الحمد الله و الشكر قضن الاماكن ما يوقفها الا هنا ,,, بيورينى انه عندة سيارة و الا ايش ,,, ما لت عليه و على شكله

    بعد الصلاة و قبل ادخل البيت

    = خاااااالد

    التفتت و كان خالد ينادينى ,,, و ش يبى ذا ,,, كان لابس بنطلون كالعاده و شكلة توة جاى من المسجد ,,, وصل عندي

    خالد =

    انا = و عليكم السلام

    خالد = بترجع تنوم .

     

    ؟

    ابتسمت قالها بلهجه اهل الرياض

    انا = تبى شي .

     

    ؟

    خالد = لا ,,, بس طفشان و ما عندي احد اسولف معه و ما بى ادخل البيت

    انا مستغرب = لية ما تبى تدخل البيت .

     

    ؟

    خالد = البيت ما فيه الا خالتي و خالي ما هو موجود

    ضحكت عليه ,,, مطير عيشتة صالح

    انا = هههههههههه

    خالد بابتسامة = لا تضحك يبليك الله بواحد مثل صالح عمتي و عمتي كان محد له عمه الا هو ,,, اذا شافنى بالبيت و خالي مو هنا قام يتهاوش معي

    انا = لا ما برجع انام

    ابتسم و مسك ذراعى و سحبني

    خالد = اجل تعال نسولف في السيارة

    فتح سيارتة و ركب و ركبت معه ,,, هذي اول مره اركب سيارتة ,,, الصراحه فخمة لكن المرتبة الورانيه صايره حوووووسة ما ينركب فيها كتب و دفاتر و كم بنطلون و فنيلة و الثوب و الشماغ معلقين ,,, و الله ما درى و شولة هالثوب و هو ما يلبسه

    التفتت له

    انا = خالد ليش موقف سيارتك هنا .

     

    ؟

    خالد = شف صالح وين موقف سيارته

    وكان صالح موقف سيارتة بالمكان اللى بالعاده خالد يوقف سيارتة فيها قدام بيت ابو عبدالله

    انا = شكلة يبى يضايقك ,,, من يوم ما عرفت صالح ما عمري شفتة يوقف سيارتة هنا ,,, ما عليك منه و انت ما سويت شي غلط ,,, ساكن عند خالك

    خالد تنهد = الله يصبرنى عليه بس المشكلة كرة العجوز فيني

    انا باستغراب = اي عجوز .

     

    ؟

    خالد = مره خالي و كمل بسخريه خالتي

    انا = لية و ش سوت .

     

    ؟

    خالد = يوم جيت امس من الرياض

    قاطعته

    انا = انت متى جيت .

     

    ؟

    خالد = اممم اظن الساعة 11 في الليل

    انا = اية كمل و ش سوت خالتك .

     

    ؟

    خالد = يوم جيت امس من الرياض لقيتها ناقلة غرفتي للملحق تبينى انام و اذاكر و احل و اجباتى في الملحق ,,, مدرى و ش غيرها على ,,, اول ما جيت كانت تعاملنى مثل و لدها ,,, و الحين ,,, تنهد و سكت

    انا = اكيد احد نقل الغرفه لها هي عجوز و لا تقدر تنقل شي ,,, تتوقع خالك موافق على اللى تسوية .

     

    ؟

    خالد = لا طبعا ,,, اصلا خالي من يوم الجمعة و هو ما هو فيه ,,, و بعدين ما يبيلها تفكير اكيد ياصالح يامحمد او اي احد من عيال اخوها

    انا = طيب و ش حادك تدرس هنا ,,, الرياض مليانة مدارس ,,, و غير كذا اهلك كلهم هناك

    غمض عيونة و نزل راسة على الدركسون ,,, مدرى لية حسيت انه متالم ,,, حاولت فيه يجاوبني

    انا = خالد قلى و ش حادك تدرس هنا .

     

    ؟

    رفع راسة و سند ظهرة على المرتبه مره ثانية

    خالد = انا اقدر استاجر شقه ,,, بس اعرف خالي ما يبينى اطلع من بيته و استاجر … بيزعل مني

    انتبهت ان الشمس طلعت و صار لازم اقوم اخوانى للمدرسة

    انا = عن اذنك خالد شوى ابروح اقوم اخواني

    خالد بابتسامة = صح تعاااال و شلون سالم و سلمي ,,, ههة تصدق اشتقت لهم

    انا = ههههة تسلم ,,, سالم و سلمي بخييييير

    وطلعت ,,, قومت خلود و اخذت نص ساعة عشان اقوم سالم ,,, غيرت ملابسى على السريع و يوم تاكدت ان سالم قام طلعت لخالد ,,, فتحت باب الراكب لكن تفاجات بخالد نايم ….

     

    شكلة تعبان بس لا يمكن اخلية يكمل نومة على الاقل عشان مدرستة يمكن تروح عليه نومة ,,, ركبت و سكرت الباب ,,, لكن ما قام شكل نومة ثقيل

    انا = خالد ,,, خالد قم

    قام و قعد يتلفت كانة متفاجئ

    خالد = اوووة شكلى نمت ,,, و ينك تاخرت

    انا بابتسامة = سالم و سلمي نومهم ثقيل

    خالد = شف بدا الطلاب يطلعون من بيوتهم

    انا = بعضهم يرحون بدري

    = صدتكم ,,, و ش تسوون .

     

    ؟

    نقزت انا و خالد متفاجئين ,,, و كان ابراهيم مدخل راسة من عند دريشه الراكب من عندي و فاجانا

    انا = ,,, تنحنح ياخي

    ابراهيم = ههههههة ماذا تفعلان ايها الخالدان .

     

    ؟

    خالد = نسرق ,,, من وين طلعت انت .

     

    ؟

    ابراهيم = من تحت الارض

    خالد = ما خبرك شيطان

    ابراهيم = يلة عاد

    خالد = ههههههههة امزح معك يارجال

    ابراهيم = بتروحون مشوار هالحزه ,,, الحين وقت مدارس

    انا = ندرى ,,, اففففف متى نفتك من هالمدارس

    ابراهيم = هااااانت ,,, هذي اخر سنة ياسلااااام ,,, تصدقون ما نى مصدق

    شفت صالح جاى لنا ,,, اووووة ,,, التفتت لخالد

    انا = خالد شف صالح جا

    خالد متضايق = اشوفه

    وصل صالح و على و جهة ابتسامة سخريه و دخل راسة من عند دريشه السواق من عند خالد

    صالح = اشوفكم مجتمعيييييين

    والتفت على خالد و توسعت ابتسامته

    صالح = قايم بدرى اليوم ,,, لية ما رتحت بالنوم .

     

    ؟

    خالد بعصبيه = و ش قايل لخالتي انت .

     

    ؟

    صالح = ههههههههههاى ,,, حلوة ذى خالتي ,,, اقووووول متى جيت

    خالد = ما لك دخل

    همس باذنى ابراهيم

    ابراهيم = بدت الهوشة

    صالح = قلتلك ياخي من البداية لا تجى عندنا اذلف لابوك و عيش عندة ,,, و فكنا من و جهك ,,, بس انت دجاجة ما تفهم

    طوال ما صالح يتكلم اخذ خالد ربع و رقه من احد الدفاتر اللى و را و دخلها بفمة و اخذ يعلجها و لما انتهي صالح من كلامة تفل الورقه بوجة صالح ,,, كلنا تفاجانا من حركتة ,,, لما استوعب صالح الحركة ,,, فتح باب خالد بعصبيه و هجم عليه ,,, ما ل خالد على بسبب ركوب صالح عليه ,,, و صاروا يتهاوشون ,,, حاولت ابعد صالح عنه ,,, و ابراهيم دار حولين السيارة و حاول يجر صالح ,,, حاولنا نبعدهم عن بعض لكن صالح اخذ يضرب خالد كفوف و خالد يحاول يضربة و يدافع عن نفسة ,,, لين اخيرا قدرنا نبعدهم

    صالح بعصبيه = ان ما وريتك يالكلب ,,, و سحب يدة من ابراهيم فكني

    خالد بعصبيه = ما لكلب غيرك

    صالح = قسم لردها لك

    وراح و هو يسب و يشتم

    انا = ابراهيم رح له

    ابراهيم = خلك مع خالد

    وراح يلحق صالح ,,, التفتت على خالد ,,, كانت انفاسة سريعة ,,, اخذ منديل و مسح خشمة عن الدم ,,, كان باب خالد ما زال مفتوح و بسبب الهوشه منزل رجل و حده بالارض
    تفاجات بسالم و اقف قدام خالد و هو يتفحصة ,,, متى طلع ذا

    سالم = لية تتصارعون انت و صالح ,,, اشووووف و رني

    وركب بحضن خالد و شنطتة على ظهره

    انا = سالم متى طلعت .

     

     

    يلة رح مدرستك

    مارد على ما زال يتفحص خالد

    خالد و انفاسة سريعة = سالم يلة رح مدرستك لا تتاخر

    ونزل سالم من حضنة ,,, و التفت لي

    خالد = و انت بعد رح مدرستك

    انا = و انت .

     

    ؟

    خالد = و انا بعد

    انا = خالد ابعد عنه تراة يحب المشاكل

    نزل خالد من السيارة و فتح الباب اللى و را و اخذ الثوب و الشماغ المعلقين

    خالد = ابروح اغير و اغسل و جهى ما راح اطول

    ودخل بيت خاله

    دخلت البيت حاولت اقوم سلمي و عيت تقوم شلتها و معاذ يمشي و راى ,,, طلعت خلود و راحت مدرستها ,,, نزلت سلمي و معاذ ببيت ابو سعد ,,, و رجعت البيت و قفلتة ,,, جانى خالد و لاول مررره اشوفة لابس ثوب و لا و بعد كااشخ بشماغ

    خالد = خالد شفتك تودى سلمي و هي نايمة لهذاك البيت ,,, لية ,,, و من البزر اللى كان معك .

     

    ؟

    انا مستغرب = بزر .

     

    ؟

    خالد = اية البزر اللى كان يمشي و راك ,,, من و لدة .

     

    ؟

    انا بابتسامة = هذا اخوي

    خالد مستغرب = لك اخو غير سالم .

     

    ؟

    انا = ايه

    خالد = تصدق تونى ادرى … طيب ليش و ديت سلمي لهذاك البيت … و من بيته هذاك .

     

    ؟

    صور غموض خالد
    انا = اجل اخلى سلمي لحالها في البيت

    خالد = دخلها الروضة

    على بالة كل الناس قادرة مثله

    انا = و معاذ ادخلة الروضة بعد .

     

     

    و تراك بتاخرنى عن المدرسة ,,, مع السلامة

    مشيت عنه ,,, لكن هو مسك ذراعي

    خالد = تعال بوصلك بطريقي

    انا = لا ما يحتاج مدرستى قريبة

    خالد = الا يحتاج ,,, اركب اركب

    ركبت معه و وصلنى و راح ,,, دخلت الفصل ,,,

    لحظه لحظه و شلون نسيييييييت ,,, مو كنى سمعت صالح يقول لخالد اذلف لابوك ,,, حركة خالد نستنى ,,, و شلون يعني ,,, يعني خالد موب يتيم مثل ما كنت متوقع

774 views

غموض خالد