5:27 صباحًا الثلاثاء 16 أكتوبر، 2018

غموض خالد


  • *1*
    شسوات الحين .

    ؟

    سالت نفسي هالسؤال مليون مره ,

    ,,

    محتاااااار مدري وش اسوي

    سيارة ابوي الله يرحمه وبعتها وسددت فيها شوي من الديون اللي كانت على ابوي ,

    ,,

    وواحد من الديانه وافتكيت منه باقي الديانه الثانيين وش اسويبهم ,

    ,,

    من وين اسدد لهم

    4 رجال وكلهم يطلبون ابوي

    تخلصت من اللي اكثر واحد يطلب ابوي باقي ثلاث اقلهم يبي 5000
    اوووه لا صح عمي ,

    ,,

    عمي ابو مشعل بعد يطلب ابوي والمبلغ اللي يبيه بعد كبير

    كم ياربي كم قال ,

    ,,

    ايه صح 12 الف ,

    ,,

    اووه 12 هذي منين اجيبها

    انا 500 ماعندي كيف عاد الف 12 مره

    قربت اصيح

    شسوات الحين .

    ؟

    لو سيارة ابوي كشخه وزينه كان فكت ازمه بس ابوي كان فقير من اصل وماكان له دخل مادي الا من سيارته القرنبع اللي كان يكد عليها هذا غير بيتنا شعبي وباجار

    وعمي بدل مايكون عون صار فرعون ,

    ,,

    عمي اغنى من ابوي شوي لكن طماع وماعليه من احد ,

    ,,

    وعياله كل واحد بحالة ,

    ,,

    هو صح يجينا من فتره لفتره لكن عشان كلام الناس والدليل انه اذا علمته عن اللي ناقص عندنا يقول مو مهم و مانتم محتاجين له ,

    ,,

    ويروح مثل ماجا

    وامي من دوله ثانية وتزوجت شخص من نفس جنسيتها وسافرت لديرتها ,

    ,,

    طبعا رغم عنها

    شسوات الحين .



    وين اروح .

    ؟

    سمعت مذن مسجدنا يقوم للصلاه قمت رايح اتوضى واول مابديت بالوضوء وانا اتذكر انه باقي 5 اشهر بالتمام ويجي صاحب البيت ويطلب الاجار ضاق صدري اكثر,,,

    انا القاها من وين والا من وين .

    ؟

    من وين اجيبله ماجمعت شي ووظيفه مالقيت ,

    ,,

    اصحاب الجامعات مالقوا ,

    ,,

    ابلقى انا ,

    ,,

    وانا توني ماخلصت الثانوي

    = خالد ابروح معك

    انتبهت لسالم

    انا = تروح معي وين .

    ؟

    سالم = للمسجد

    تذكرت اني اتوضى

    انا = هاه ,

    ,,

    ايه ايه يله ,

    ,,

    توضيت .

    ؟

    سالم = على وضو

    ايه واضح على وضو ,

    ,,

    هذا صلاته على مزاجه اذا حب يروح راح واذا ماحب ماراح

    توضيت على السريع لاني متاخر وطلعت انا وسالم لكن لقيت الرجال فاضوا من الصلاه

    قلت لسالم = ارجع ارجع ,

    ,,

    تاخرنا

    وحنا راجعين سمعت احد يناديني التفت لقيت جارنا ابو عبد الله يناديني

    رحت له وسلمت عليه انا وسالم

    ابو عبدالله = وراك متاخر عن الصلاة ياولدي .

    ؟

    تفشلت ,

    ,,

    شاقوله

    انا = كنت مشغول

    ابو عبدالله = الله يصلحك بس ,

    ,,

    امم خالد ابيك تتعشى عندي ,

    ,,

    لا تقول لا ,

    ,,

    تراني اعزك وابيك تخاشرني بعشاي

    انا = تسلم ياعم بس ماقدر اترك اخواتي لحالهم في البيت

    ابو عبدالله = بيتي مامن بعد عن بيتك ياولدي ,

    ,,

    والا تبي تتعذر بس

    انحرجت منه ولا قدرت ارده

    انا = خلاص تم بس بمر البيت شوي واجيك

    ابو عبدالله = خلاص احتريك

    جارنا ابو عبدالله رجال شايب و طيب مسكين فقد عياله من زمان بحادث سيارة وهم راجعين من جده للقصيم يعني لو انهم عايشين الحين اكبرهم يمديه متوظف

    سالم = خالد ماشريتلي شنطه ,

    ,,

    ابي شنطه جديده

    اففففففففف ياذا البلشه ,

    ,,

    كيف نسيت هالشي ,

    ,,

    الدراسه الاسبوع الجاي

    انا انتقلت لثالث ثانوي وخلود لاول ثانوي وسالم ثاني ابتدائي وسلمى عمرها 6 سنين
    ومعاذ 3 سنين

    وتوني ماشريت اغراض للمدارس ,

    ,,

    اصلا من وين لي اشتري افففففف

    العام احد جيراننا اخذ سالم للسوق من دون علمي وشرا له شنطته وبدلته الرياضيه

    والحين لا يمكن اسمح له او لغيره يتصدق علينا ,

    ,,

    صح اننا فقرا لكن عاد لي كرامه ومابي اخواني يحسون بانهم اقل من غيرهم

    ليتني القى وظيفه بس ,

    ,,

    يارب فرج همي يارب

    صارخ سالم علي

    سالم = خاااااااالد

    انا = هااااااه

    سالم = ابي شنطه

    انا = وشنطتك اللي العام

    سالم = لاااا قديمة ابي وحده جديدة وفيها رسمه سياره

    بعد على كيفه يتشرط

    انا = مافيه

    سالم = ليييييييه

    انا = قلت لك خلاص مافيه وامش خلنا نصلي

    سالم = مابي اصلي

    انا = كيفك اقعد لا تصلي

    رحت عنه ,

    ,,

    دخلت البيت وصليت ورحت ادور خلود عشان اعلمها اني معزوم

    انا = خلود تراني معزوم ,

    ,,

    تعشوا لا تحتروني

    خلود = اصلا مافيه عشا ,

    ,,

    كلها سندويش وجبن

    اففففففففف ,

    ,,

    لازم تذكرني يعني

    يوم جيت ابروح عنها

    خلود = خالد

    التفت لها

    انا = هااه

    خلود = الدراسه جت وحنا ماشرينا شي

    انا = اوووه خلود حتى انتي من وين لي .



    سكتي سالم عني اقنعيه يبقى بشنطته وبدلته اللي العام وانا ابحاول اشتري الاغراض المهمه دفاتر وكم قلم

    نزلت خلود راسها

    خلود = بس انا لازم اشتري مريول ,

    ,,

    انتقلت لمرحلة ثانية والمريول يختلف

    قالتها وهي شوي وتصيح

    ياااربي انا القاها من وين والا من وين الحين

    رحت عنها وانا متضايق ولا ادري وش اسوي

    طلعت من البيت ورحت لبيت جارنا ابو عبدالله

    ابو عبدالله = وراك تاخرت ياولدي

    انا = السموحه كنت مشغول

    ابو عبدالله = مسموح ,

    ,,

    اقول خالد محتاجين شي تراني بالخدمه ولا تستحي اعتبرني زي ابوك

    انا = تسلم ياعم مانحتاج شي

    ابو عبدالله = انا دورت لك على وظيفه لكن كل الوظايف يبون شهاده ثنوي وشهاده كمبيوتر

    انا = الله كريم

    ابو عبدالله = اكيد مانتم محتاجين شي .

    ؟

    انا = ايه اكيد ,

    ,,

    الله يطول بعمرك ياعم ,

    ,,

    الحمد الله مستوره

    جا العشا وتعشينا وانا اكل وكني مااكل

    طلعت من عند ابو عبد الله وانا مابي ارجع للبيت قلت اتمشي شوي

    طلعت من حارتنا وانا افكر بالهم مبتلش ماادري وش اسوي شكلي مضطر اتسلف ,

    ,,

    محتاجين دفاتر واقلام ومريول لخلود ومادري ايش هذا غير معاذ متطلباته كثيره

    ليت ابو عبدالله ماعرض علي المساعدة كان طلبت منه سلف وانا مرتاح ,

    ,,

    لكن الحين لو اروح له الحين بيعتبرها صدقة موب سلف ,

    ,,

    يارب فرج همي يارب

    قبل اكد بسيارة ابوي ونلقى دخل ولو بسيط ناكل منه لكن الحين سيارة ابوي وبعتها ,

    ,,

    بديت اندم ليتني مابعتها ياليت ,

    ,,

    لكن ان مابعتها مافتكيت من اكثر واحد ناشب بحلقي وكان ماقدرت اسدد شوي من الديون اللي على ابوي

    انتبهت لنفسي ووين انا فيه ,

    ,,

    لقيت نفسي على الطريق العام رجعت ناوي اروح للبيت

    قبل ادخل شارعنا جاني صالح ولد جارنا ابو محمد

    افففففف وش يبي ذا

    صالح واحد يحب المشاكل يحس نفسه يمرض اذا ماتحرش باحد

    صالح = وين كنت .

    ؟

    انا = اتمشي عندك مانع

    صالح = تعال تعال وش رايك تروح معنا نتمشى

    انا = انت ومن .

    ؟

    صالح = انا وابراهيم وماجد

    انا = لا موب رايح

    صالح = وراه .

    ؟

    انا = لا وراه ولا قدامه موب رايح وخلاص

    صالح = لا بتروح غصب عنك

    انا = ورني وشلون غصبا عني

    رحت وخليته ولا قالي شي ,

    ,,

    بعد هذا اللي ناقص ,

    ,,

    قال غصب عني قال

    انتهى اخر اسبوع من الاجازة وانا الى الحين ماشريت شي للدراسه واصلا مامعي الا 150 ريال ,

    ,,

    مضطر ابيع جوالي وعساه يكفي بعد

    يوم السبت اول اسبوع من الدراسه رحت العصر وبعت جوالي ومريت اقرب مكتبه من شارعنا وشريت الاغراض المهمه للدراسه والبيت

    باقي مريول لخلود وهذي لازم اخذها معي وانا مامعي سيارة شسوات الحين .

    ؟

    بعد صلاه العشا طلعت رايح لابراهيم اطلبه يعطيني سيارته

    بعد السلام

    ابراهيم = ياحيا الله خالد ,

    ,,

    تفضل ياهلا فيك

    انا = الله يحييك لا مايحتاج مضطر اروح لكن بغيتك بحاجه

    ابراهيم = امر ياخالد بغيت شي .

    ؟

    انا = الصراحه محتاج سيارتك شوي عندي مشوار ومضطر اروحله

    ابراهيم = ومتى تبيها .

    ؟

    انا = الحين

    ابراهيم = الصراحه عندي مشوار الليلة واحتاج السيارة بعد

    سكتت وانا احس باحباط

    ابراهيم = طيب خالد اذا اخذتها الحين متى تخلص منها .

    ؟

    انا = الساعة 11 او 12 بالكثير

    ابرهيم = اووه زين اجل ,

    ,,

    انا اصلا ماحتاجها الا الساعة 2 وورا ,

    ,,

    خلاص تقدر تاخذها اصبر اجيب المفاتيح

    وراح دقيقة وجا ومعه المفاتيح

    انا = مشكور ابراهيم

    رجعت للبيت واخذت اخواني للسوق وشرت خلود مريول لها من المرايل الجاهزه

    اف منهم وش هالغلا مريول ب 370 ريال وبعد المكاسر ب 350
    وليته مريول زين ,

    ,,

    من المرايل اللي يقالها رخيصه

    ماطولنا بالسوق على الساعة 11 رجعنا

    وحنا داخلين الحارة لقيت سيارة مرسيدس اخر موديل عند باب بيت ابو عبدالله

    ماقد شفتها بحارتنا من قبل الصراحه حلوة هالسيارة وواضح ان راعيها رجل اعمال

    صح سيارات صالح وابراهيم ومحمد وبعض شباب الحارة سيارتهم حلوة لكن موب اكشخ من ذي

    لبقت عند بيتنا ونزلوا اخواني

    دخلت البيت معهم والسيارة شغاله لاني ناوي ارجعها لابراهيم بعد شوي

    انا = خلود ابرجع السيارة لراعيها ,

    ,,

    قولي لسالم لا يطلع وراي

    خلود = سالم زعلان يقول ماهو رايح للمدرسة بكره ,

    ,,

    زعلان عشان الشنطه

    انا = اووه خليه يزعل مصيره يرضى ,

    ,,

    وحنا تونا في اول اسبوع عادي لو يغيب

    رحت عنها وطلعت من البيت ,

    ,,

    انتبهت ان السيارة المرسيدس اللي قبل شوي ماهي موجوده بمكانها

    اخذت سيارة ابراهيم ولبقتها عند بيتهم و شكرته

    ثم رجعت للبيت

    اليوم اللي بعده انا ماكان لي نفس اروح المدرسة وسالم فعلا كان زعلان ولا راح اما خلود كانت متحمسه للعوده للمدارس وراحت

    طبعا لان خلود بالمدرسة فاضطريت انا اسوي الغدا ,

    ,,

    العام كانت تسوي الغدا في الليل وتحطه بالثلاجه او تتبرع احدى الجارات و تبلغ خلود بانها ماتسوي الغدا وان غدانا بتجيبه لنا

    على الساعة 11 ونص قام سالم وجاني في المطبخ

    سالم = وين خلود .

    ؟

    انا = خلود احسن منك راحت المدرسه

    سالم = خالد ابي شنطه كل اصدقاي شروا ليش انا ماتشتريلي

    قالها وهو شوي ويصيح

    التفت له احاول افهمه وضعنا وعساه يفهم

    انا = سالم انا مامعي شي مابقي معي الا فلوس شوي واكيد بنحتاجها في اشياء مهمه
    فسحه لكل واحد منا مثلا او امممم اغراض للبيت او اي شي مهم ,

    ,,

    الشنطه مو شي مهم خاصة ان عندك شنطه ,

    ,,

    صح والا لا .

    ؟

    برطم سالم ولا رد علي

    انا = صح سالم والا لا .

    ؟

    دمعت عيونه

    سالم = صح

    كسر خاطري

    انا = سالم انا اذا صار معي فلوس زياده راح اشتريلك بس اهم شي ماتغيب مثل اليوم
    خلاص لازم تدرس وتجتهد عشان تنجح والا ماتبي تنجح وتصير كبير

    ساكت ومايرد علي

    انا = رح سلوم رح العب مع سلمى ومعاذ وان شاء الله اذا صار معي بشتري لك كل اللي تبي

    طلع سالم من المطبخ ,

    ,,

    وانا قعدت اكمل شغلي وبالي ماهو معي

    شسوات الحين .

    ؟

    قيمه جوالي مابقي منه الا شوي وسيارة ماعندي عشان اكد

    على اذان الظهر رجعت خلود وكنت وقتها انا وسالم وسلمى ومعاذ في حجره التلفزيون

    خلود =

    انا = وعليكم السلام

    ركضت سلمى ومعاذ يستقبلون خلود

    سلمى = خلوووود جبتيلي شي معك

    خلود = اووووه لا نسيت ,

    ,,

    كنت جوعانه ونسيت

    التفتت لي

    خلود = خالد تذكرت شي وانا في المدرسه

    انا = يالله ظهر خير ,

    ,,

    وش تذكرتي .

    ؟

    خلود = سلمى ومعاذ

    انا = وش فيهم .

    ؟

    خلود = اذا كنت انا وانت وسالم في المدرسة سلمى و معاذ وين نوديهم .

    ؟

    انا = مثل العام

    هذي السنه الثانية من تيتمنا ,

    ,,

    وكنا اذا رحنا للمدرسة مررنا سلمى ومعاذ ببيت ابو سعد واذا طلعت انا من المدرسة امر بيت ابو سعد وارجعهم معي

    خلود = عند مين تبيهم هالمره .

    ؟

    انا = مثل العام ,

    ,,

    عند ابو سعد عنده بنات كبر سلمى يلعبون معهم لين نرجع

    خلود = اهاا

    والتفتت خلود هالمره على سالم

    خلود = ساااااالم بكره ياويلك ان غبت ,

    ,,

    علمتك ترا

    برطم سالم

    سالم = انا محد يحبني

    خلود = ايه ماحد يحبك

    انا = قم قم صل ,

    ,,

    مذن من زمااااان

    سالم = ماااابي اصلي ,

    ,,

    بلعب

    سلمى = انا بروح معك

    خلود = انتي صلي معي

    سلمى = لا ابي مع خالد

    خلود = تصلين مع رجال ,

    ,,

    كللللللللللهم رجال مافيه حريم

    سلمى = ولا حرمه وحده .

    ؟

    خلود = ولا حرمه وحده

    سلمى = اوووه لا خلاص مابي

    خلود = واحد

    سلمى = لا لا بس

    ضحكت انا وخلود عليها ,

    ,,

    شكلها مضحك كان احد يعزمها

    طلعت من البيت صليت ورجعت

    في الليل جانا عمي ابو مشعل يقاله يزورنا

    انا = عم

    ابو مشعل = نعم

    انا = عمي محتاج فلوس ,

    ,,

    مامعي شي والبيت يطفر هذا غير خلود وسالم محتاجين لاشياء تنقصهم ووو

    ابو مشعل = وو ,

    ,,

    وش بعد ياكثر طلباتكم

    انا = عمي المدرسة تطلب علينا اشياء للدراسه اللي يبي هندسه واللي يبي بدله واللي يبي كراسه وماادري ايش الاغراض كثيرة ياعم ,

    ,,

    هذا غير متطلبات البيت ,

    ,,

    ومعاذ بعد ,

    ,,

    وانا مامعي شي ,

    ,,

    والله مامعي شي

    دخل عمي يده في جيبه وطلع محفظته ومدها علي 1000
    ابو مشعل = خذ هذا اللي اقدر عليه

    انا = بس .

    ؟

    ابو مشعل = ايه بس وش تبي بعد .



    متزوج حرمتين واصرف على بيتين تجي انت تزود علي بطلباتك اللي ماتنتهي

    انا = 1000 مايكفون

    ابو مشعل = انت ليه ماتشتغل وتفكني من شرك

    انا = وانا لاقي شغل وقايل لا

    ابو مشعل = اشتغل لو حارس

    انا = وظيفه الحارس ماتناسبني

    ابو مشعل بسخريه = ليه ان شاء الله تبي وظيفه بمكتب وتحت مكيف

    انا = ماقدر اصير برا البيت للفجر واخواني بالبيت لحالهم

    ابو مشعل = خالد دبر نفسك ودور لك وظيفه ترا هذا اخر شي اعطيكياه

    نزلت راسي وانا اشوف الدنيا بدت تصغر بعيني

    ابو مشعل = يله مع السلامه

    وطلع من دون مارد عليه

    السبت

    انتهى الاسبوع الاول من بداية الدراسه

    انا مارحت للمدرسة في الاسبوع الاول الا مره اما خلود وسالم كانوا يرحون يوميا

    الحين عاد بدا الجد خاصة اني في اخر سنه من الثانوي لازم اجتهد واجيب نسبة لكن وشلون اجيب نسبة وهذي ضروفي والمبلغ اللي معي ماباقي عليه شي ويخلص من وين اصرف على اخواني وعلي من وين .

    ؟

    = خااااااالد

    انتبهت على صالح وهو يناديني ,

    ,,

    كنا انا وصالح وابراهيم وماجد تونا طالعين من المدرسة ولان المسافه بين مدرستنا وحارتنا ماهي بعيده وكنا نروح للمدرسة مشي

    صالح= وين وصلت ,

    ,,

    يسالك ماجد .



    ,,,

    وش رايك باللي قاله

    انا = وش قال .

    ؟

    ماجد = اقول اليوم العصر فيه مباراه عند الملعب اللي مجنبنا وش رايك ننضم لهم واكييييييد بنفوز

    انا = طيب وانا وش علي

    ابراهيم = كلنا بنلعب وبيجتمعون شباب مدرستنا وسمعت انه فيه من شباب الجامعة بيجون

    انا = مدري اذا كنت فاضي بجي

    صالح = تجي غصبا عنك

    سكتت عنه ,

    ,,

    عليه اسلوووووب

    وصلنا شارعنا ولان ماجد مو من حارتنا كمل مشواره لبيته

    انتبهت ان السيارة المرسيدس اللي شفتها قبل اسبوع دخلت الحارة ووقفت عند بيت ابو عبد الله ,

    ,,

    صح كنت ناسيها طوال الاسبوع اللي فات ماشفتها الا مره

    نزل منها شاب لابس بنطلون اسود وفنيله بيظا مخططه خطوط اي كلام في الصدر وشعره طويل نوعا ما يوصل لكتفه ,

    ,,

    اول ماشفته مارتحت له مااحب هالنوع من الشباب احسه مغرور

    قال صالح مستغرب

    صالح = خالد


    كنت اظنه ينادينه

    التفت له احتريه يقول وش يبي

    ابراهيم = صالح هذا مو خالد ولد اخت ابو عبدالله .

    ؟

    صالح = الا هو ,

    ,,

    غريبة وش جابه بهالوقت من الرياض

    كني تذكرته ,

    ,,

    كان يجي هو واهله بالعطل عند ابو عبدالله لكن ماكان بيني وبينه اي كلام لانه ماكان يطول وعلى طول يرجعون للرياض

    انا = هذا خالد ,

    ,,

    تغير ,

    ,,

    ماعرفته

    قربنا منه قبل يضرب الجرس على بيت ابو عبدالله

    صاح فيه صالح

    صالح = خاااااالد ويييين يابو الشباب ,

    ,,

    سلم سلم

    التفت لنا خالد وجا

    خالد =

    الجميع = وعليكم السلام

    وبعد السلامات

    ابراهيم = وشلونك خالد ,

    ,,

    تصدق تغيرت ماعرفتك

    خالد = بخير شلونك انت .

    ؟

    ابراهيم = بخير دامك بخير

    صالح = وش جابك بهالوقت .

    ؟

    التفت خالد على صالح وابتسم بسخريه

    خالد = وش هالاستقبال .

    ؟

    صالح = لا يكون صحيح اللي سمعته .

    ؟

    ابراهيم = وش سمعت .

    ؟

    سال خالد صالح متجاهل سؤاله

    خالد = خالي ابو عبدالله هنا .

    ؟

    تذكرت ان زوجه ابو عبدالله تكون عمه صالح اخت ابوه
    صالح = وانا وش دراني .



    قلي ليه جاي ,

    ,,

    الرياض مافيها مدارس ثانوي عشان تجي تدرس هنا

    خالد = جالس على قلبك انا .

    ؟

    صالح = جالس ببيت عمتي

    خالد = جالس ببيت خالي

    صالح = واذا طلع خالك .

    ؟

    خالد = مالك دخل

    صالح بعصبيه = انا مالي دخل


    و دفع خالد ناوي على هواش

    تدخل ابراهيم

    ابراهيم = هدوا اللعب ياشباب ,

    ,,

    وشبك صالح خالد ماسوى شي حرام ساكن ببيت خاله

    صالح = وانا مابيه يسكن

    خالد = قلتلك مالك دخل فيني

    صالح = تشوف يانا يانت ببيت عمتي

    خالد = تراك اذيتني بعمتك

    صالح بسخريه = اقوووووول الى الحين ماشفت ابوك ,

    ,,

    وش رايك تدرس عنده هاااااااااااي

    عطى خالد نظره لصالح و راح يضرب الجرس على بيت خاله من دون مايرد عليه

    حسيت من نظرته تالم من سخريه صالح

    ابراهيم = هدوا اللعب شباب تعال خالد تعال وش فيك زعلت

    وراح ابراهيم له

    ابراهيم = اقول خالد بما انك بتدرس هنا فيه مباراه اليوم العصر وش رايك تجي معنا تتفرج ولو تلعب معنا بعد احسن

    صالح بعصبيه = لا مانبيه يجي

    خالد = معليش مره ثانية توني جاي من سفر وتعبان

    وفتح الباب خاله

    ابو عبدالله = هلا هلا بولدي خالد هلا

    وسلموا على بعض حسيت ان ابو عبدالله فرحان بخالد ,

    ,,

    معذور ماعنده عيال

    ابو عبدالله = وينك يابوك الدراسه بدت لها اسبوع شكلك كسلان ههههههه

    سلمنا على ابو عبدالله

    صالح ابراهيم انا =

    اخيرا التفت لنا ابو عبد الله = هلا هلا وعليكم السلام ياحيا الله الشباب تفضلوا حياكم

    انا = الله يحييك تونا جايين ,

    ,,

    بس شفنا خالد بطريقنا وسلمنا عليه

    ابو عبدالله = فيكم الخير والله

    ابراهيم = يله نستاذن منك مع السلامه

    مشينا وكل واحد راح لبيته الا صالح دخل ببيت ابو عبدالله ,

    ,,

    يوم اقول يمرض ان ماتحرش باحد ,

    ,,

    شكله ناوي يكمل هواش مع خالد

  • 2

    بعد صلاه العصر رحنا للملعب

    فعلا كان فيه شباب كثير مجتمعين ,

    ,,

    لعبنا المباراه

    المغرب جلست انا وابراهيم نرتاح شوي

    انا = ابراهيم وش كان يقصد صالح يوم قال لخالد الى الحين ماشفت ابوك .

    ؟

    ابراهيم = الصراحه مدري ,

    ,,

    انا خالد هذا ماعرفه زين ولا اشوفه الا من عطله لعطله

    انا = اهااا

    ابراهيم = وش رايك نرجع

    انا = نصلي العشا ونرجع

    ابراهيم = طيب صار

    بعد الصلاة رجعنا

    كان شارعنا مليان بالاطفال يلعبون

    دخلت البيت ومالقيت فيه الا خلود ومعاذ

    استغربت انا متاكد اني ماشفت اخواني برا

    انا = خلود وين سالم وسلمى .

    ؟

    التفتت علي خلود مستغربه

    خلود = برا ,

    ,,

    ماشفتهم وانت جاي .

    ؟

    انا = لا

    وطلعت مره ثانية من البيت

    وقفت عند الباب ولا شفت احد منهم

    غريب ,

    ,,

    شفت مجموعة بنات صغيرات يلعبن

    رحت لهن ولا شفت سلمى عندهن ولا حتى سالم

    افففففف وين راحوا

    = خااااااااالد

    التفتت لمصدر الصوت

    وكانت سلمى راكبه بالسيارة المرسيدس بمكان الراكب ومطلعه راسها من الدريشه وتناديني

    وش جابها هذي هنا

    رحت لها وانتبهت ان خالد بالسيارة وبحظنه سالم و يتفرجون على شي ولما قربت كان اللي يتفرجون فيه جوال ,

    ,,

    وسالم يكركر من الضحك

    سلمى = خالد و خالد هههههه 2 خالد

    وقفت عند باب الراكب وفتحت الباب وانا معصب

    بطرف عيني شفت خالد يشوفني مستغرب

    انا = سلمى انزلي ,

    ,,

    سالم انزل اشوف ,

    ,,

    معليش خالد من اليوم وانا ادورهم والحين وقت نومهم تعرف بكره مدارس

    سلمى = انا مادرس

    انا = انزلي وانتي ساكته

    سالم = خالد بس شوي بشوف هذا وبعدين اروح انام

    انا بعصبيه = وش تشوف .

    ؟

    اخذ سالم الجوال من يد خالد ومدة لي يوريني اللي يشوفه

    سالم = هذا ,

    ,,

    يضحك ,

    ,,

    بشوفه بس شوي

    انا = قلت لك رح البيت

    خالد = خلاص سلومي رح نام بكره مدرسه

    سالم = يووووه ,

    ,,

    مدرسة مدرسة مدرسة كل يوم مدرسه

    خالد = هههههههه ايه كل يوم مدرسه

    نزل ونزل سالم معه وانا نزلت سلمى

    قلت لسالم وسلمى

    انا = يله اشوف قدامي

    راحوا يركضون ودخلوا البيت

    التفتت على خالد ,

    ,,

    لقيته يقفل سيارته ,

    ,,

    مدري ليه ماني مرتاحله

    انا = باي سنه تدرس .

    ؟

    التفت لي

    خالد = بثالث ثانوي ,

    ,,

    مع السلامه

    ودخل بيت خاله ,

    ,,

    استغربت وش فيه ذا ,

    ,,

    معقول زعل لاني اخذت اخواني منه

    يولي ,

    ,,

    مو مرتاحله اصلا

    رجعت البيت ,

    ,,

    وحنا نتعشى سالت سالم وسلمى

    انا = وش كنتوا تسوون مع خالد .

    ؟

    سالم = ماسوينا شي

    سلمى = ركبنا معه السيارة وورانا جواله فيه اشياء تضحك مرررررره وفيه العاب

    انا = من متى وانتم معه .

    ؟

    سالم = من شوي

    انا = قال لكم شي .

    ؟

    سالم = ماقال شي

    قلت له احذره

    انا = ساااالم

    فعلا خاف

    سالم = قال باي سنه تدرس ووو قال وقال

    و برطم وسكت

    انا مستغرب = وش قال .

    ؟

    خلود = خالد وش فيك خل سالم ياكل

    انا بعصبيه = سالم وش قالك خالد .

    ؟

    سالم = سال ابوي وينه .

    ؟

    انصدمت ووقفوا اخواني كلهم عن الاكل انسدت نفسهم مثل مانسدت نفسي ,

    ,,

    سد الله نفسك ياخالد

    انا بالم = وش رديت عليه .

    ؟

    سالم = قلت انا ماعندي اب وام

    بكت خلود بصمت

    سلمى = خالد حنا ليه مالنا ام واب مثل صديقاتي .

    ؟

    قلت لها اصرفها

    انا = يله روحوا ناموا بكره مدرسه

    وقمت عنهم رايح غرفتي

    خالد ماسال سالم هالسؤال الا انه عارف من خاله اننا ايتام

    ليه يستعبط ويسال بزر ويجرحه بسؤال مثل وجهه

    ان ماوريته بكره ,

    ,,

    اكيد بيدرس بنفس مدرستنا وين بيروح يعني

    دخل سالم علي الغرفه ودخل فراشه

    انا = صليت .

    ؟

    سالم = لا

    انا = ليه

    سالم = توني صغير

    انا = لا والله احلف

    سالم = والله

    اففففف

    انا بعصبيه = كيفك اقعد لا تصلي

    في المدرسة دورت على خالد ولا شفته ولا حبيت اسال عنه

    وحنا راجعين كالعاده انا وماجد وابراهيم وصالح

    ابراهيم = صالح مادرس خالد اليوم .

    ؟

    صالح = من خالد .

    ؟

    ابراهيم = خالد تركي قريبك

    صالح = وانا وش دراني عنه

    ماجد = قريبك

    صالح بعصبيه = يخسي ماهو قريبي

    استغربت كره صالح له

    انا = طيب وش فيك معصب

    صالح = زوج عمتي يصير خاله ,

    ,,

    ياخال ابوي حك ظهري ,

    ,,

    ماهو قريبي

    سكت وسكتنا ,

    ,,

    وصلنا شارعنا ,

    ,,

    وانتبهت ان سيارة خالد ماهي موجوده

    دخلت البيت وكان فاضي رحت لبيت ابو سعد عشان اجيب سلمى ومعاذ

    ورجعنا ,

    ,,

    لقيت سالم رجع البيت وكان لابس بدلته الرياضه بس

    انا مستغرب = متى جيت .

    ؟

    سالم = تو ,

    ,,

    خالد شف

    واشر على ركبته وكانت بدلته متمزقه من عند الركبه

    فهمت عليه

    انا = خل خلود تخيطه ماني شاري شي

    سالم زعلان = لاااا ابي اشتري وحده جديده

    سالم = لا ماني شاري ,

    ,,

    خيط هذا وخلاص

    سالم = لا خالد لاااا ابي اشتري وحده جديدة كل اصدقاي شروا جديدة الا انا وبعدين انت ماشريتلي شنطه بعد مانت شاريلي بدله وقعد يصيح ابي وحده جديده

    ضاق صدري مامعاي الا 100 ريال اخربها ببدله ,

    ,,

    وش يفهمه ذا الحين

    انا بعصبيه = سالم قلت لا يعني لا

    وطلعت من عنده وانا متضايق شسوات الحين لازم القى وظيفه لازم

    سالم طلباته كثيرة وخلود بعد لكن ساكته عن الاشياء اللي يخصها لكن ادري انها تبي ,

    ,,

    سشوات .

    ؟

    العصر طلعت من البيت وانا الدنيا مسوده بعيني

    شسوات الحين الشهر اللي فات لقيت وظيفه لكن حارس سوبرماركت و كانت الفتره من العصر الى الساعة 3 في الليل

    اترك اخواني لحالهم من العصر الى الساعة 3 في الليل .

    ؟

    صعبة ,

    ,,

    ماقدر اتركهم ,

    ,,

    شسوات الحين ,

    ,,

    اترك الدراسه واشتغل حارس في الفتره الصباحيه والا وشلون

    مالي الا اكد

    بس وشلون اكد وانا مامعي سيارة ,

    ,,

    ليتني مابعت سيارتي ياليت

    بعد تفكير طوييييل بهمي

    رجعت البيت وانا مقرر اطلب سيارة احد جيراننا واغيب بكره عن المدرسة واروح اكد طوال اليوم لين احصل مبلغ يسدني على الاقل يومين ,

    ,,

    مع اني عارف ان ماورا المكده مكسب ,

    ,,

    كل اللي اكسبه يروح بنزين للسيارة ,

    ,,.

    لكن ان شاء الله ماني كاد الا بوسط المدينه اما اللي يبون توصيلهم خارج المدينه ماني موصلهم ,

    ,,

    ماعندي حل الا كذا

    وصلت شارعنا على اذان المغرب لقيت اخواني سلمى وسالم يلعبون كالعاده مع اطفال زيهم

    رحت المسجد وصليت ورجعت البيت

    وبعد العشا بفتره طلعت من البيت عشان اطلب سيارة احد جيراننا

    جيت ابروح لابو عبدالله بس تذكرت خالد وشفت سيارته واقفه

    لا لا ماني رايح لابو عبدالله اخاف يطلعلي الخايس خويلد

    ورحت لابو سعد واستاذنت منه سيارته ليوم كامل

    وطلعت من عنده ورجعت للبيت

    وقلت لخلود

    انا = خلود تراني بكره ماني راجع للبيت الا اخر الليل لا تحتروني لا على الغدا ولا على العشا

    والتفتت لسالم

    انا = سالم اذا رجعت بكره من المدرسة هات معك سلمى ومعاذ من بيت ابو سعد ,

    ,,

    مفهوم

    سالم = طيب

    خلود = ليه وين بتروح .

    ؟

    انا = بكد

    خلود = وشلون ماعندك سيارة .

    ؟

    انا = اخذت سيارة ابو سعد

    خلود = وبتتاخر .

    ؟

    انا = مدري على حسب

    يوم الاثنين

    غبت عن المدرسة وطوال اليوم وانا اكد اوصل هذا واوصل غيره اروح جنوب المدينه واوصل شخص لشمالها لكن كل اللي وصلتهم 6 اشخاص

    اكثرهم يبون توصيل خارج المدينه ,

    ,,

    وليتني كسبت مبلغ زين ,

    ,,

    ماصفالي من المكده بسبب البنزين الا 140 ريال

    بعد صلاه العشا كنت تعبان وهلكان ونعسان مانمت اليوم بطوله وفوق هذا جوعان

    خلني ارجع البيت واشوف اخواني يمكن محتاجين شي ثم ارجع اكد مره ثانية لاخر الليل

    دخلت الحارة وماشفت سالم وسلمى يلعبون مع الاطفال

    دخلت البيت

    انا =

    خلود مستغربه = خالد



    وعليكم السلام ,

    ,,

    مو تقول بتجي اخر الليل .

    ؟

    انا = برجع مره ثانية بس جوعان ,

    ,,

    سويلي اي شي

    التفتت على سالم وسلمى ومعاذ لقيتهم يلعبون بالعاب اول مره اشوفها

    سلمى تلعب بعروسه كبيرة نوعا ما

    وسالم يلعب بسيارة على شكل همر كبيره

    استغربت وسالتهم

    انا = وش هذا .

    ؟

    خلود = وش .

    ؟

    انا = وش الالعاب هذي .



    من وين .

    ؟

    ترك سالم لعبته وراح شوي وجا ومعه بدله رياضيه جديده

    سالم بفرح = خالد شف ,

    ,,

    اليوم اخذني خالد للسوق وشرالي بدله وسيارة وسلمى شرالها هذا واشر على الدميه

    انا مستغرب = مين خالد .

    ؟

    سالم بغرور = خالد صديقي

    اخذت مدة عشان استوعب ,

    ,,

    نقزت شيطاني قدامي ,

    ,,

    الحين انا غايب عن المدرسة وطوال اليوم تحت الشمس اكد وتعبان وحارم نفسي عن النوم بس عشان اوفر قيمه احتياجاتهم

    واخر شي ,

    ,,,,,,,,,,,,,,,,,,,,,

    توجهت لسالم بعصبيه وعطيته كفففف وقعدت اضربه

    انا = وش قلت انا ,

    ,,

    مو قلت لا تاخذ شي من احد

    واخذت اضربه ,

    ,,

    طلعت كل التعب و الجوع اللي احس فيه ,

    ,,

    وقعدت اضرب سالم

    اسب واشتم وابرد كبدي فيه

    جت خلود وقعدت تجرني عنه

    خلود بخوف = خالد بس ابعد عنه خاالد ,

    ,,

    هو جا استاذن مني ابعد ابعد

    تركت سالم والتفتت لخلود

    انا بعصبيه = انتي كنتي تدرين انه راح للسوق .

    ؟

    خلود وهي خايفه مني = ايه

    دفعتها على ورا

    انا بعصبيه = وانا رايح اكد لمن .



    ليش خليتيه يروح لييييش

    خلود بخوف = قال ابروح مع خالد وسمحتله

    عصبت وعطيتها كف

    انا = ولييييييش تسمحينله لييييييه وانا معلمك اني ابروح اكد لييييييه

    بكت ,

    ,,

    التفتت على سالم اللي الى الحين يصيح

    انا = متى رحت معه ياحماااااار

    يبكي ولا رد علي

    انا بعصبيه = متااااااااا

    خلود وهي تبكي = العصر

    سالت سالم

    انا بعصبيه = معكم احد .

    ؟

    سالم وهو يبكي وخايف مني = سلمى

    تفاجات ,

    ,,

    سلمى بعد ,

    ,,

    التفتت على سلمى و لقيتها هي الثانية تصيح

    عصبت اكثر ,

    ,,

    ان ماوريتك ياخالد

    طلعت بعصبيه من البيت ورحت لبيت ابو عبدالله ,

    ,,

    ان ماطحنت عظامك ياخالد ,

    ,,

    امس جارح الولد بسؤال مثل وجهه والحين يتصدق عليه ,

    ,,

    ان ماوريتك

    لقيت سيارته واقفه ,

    ,,

    وضربت الجرس بعصبيه ,

    ,,

    طلع لي ابو عبدالله

    حاولت اكون طبيعي قدامه

    انا =

    ابو عبدالله = هلا وعليكم السلام ياهلا والله بخالد تفضل تفضل ياحيا الله خالد

    انا = تسلم ياعم لكن ماعليك امر تناديلي خالد

    ابو عبدالله = خالد رايح للدكان مرسلته العجوز الحين يجي اقلط

    حظه فلت مني لكن وين يروح

    انا = اجل مره ثانية انا بس بغيت خالد ان جا ياعم قله اني بغيته

    ابو عبدالله وهو يشر على مكان وراي = هه هذا هو جا

    التفتت وراي لقيت خالد لابس بنطلون جنز وفنيله سودا ومعه كيسه ,

    ,,

    ذا مايلبس الا بناطيل ماعمري شفته لابس ثوب ,

    ,,

    مالت عليه وعلى شكله

    قرب خالد ووقف عندنا ,

    ,,

    هالمره مهمل نفسه شعره الطويل صاير حوسه

    خالد بهمس =

    استغربت صوته متغير

    ابو عبدالله = وعليكم السلام

    والتفت ابو عبدالله لي

    ابو عبدالله = وهذا خالد جا ,

    ,,

    اقلط ياحياك الله

    انا = تسلم ياعم لكن بغيت خالد بحاجه

    والتفتت لخالد لقيته ماسك راسه بيد ويالله يفتح عيونه كانه مصدع

    خالد بتعب = بغيتني انا .

    ؟

    ابو عبدالله لخالد

    ابو عبدالله بخوف = خالد فيك شي ياولدي .

    ؟

    خالد = لا ياخال ,

    ,,

    تعب بسيط ,

    ,,

    ماعليك

    ابو عبدالله = اكلت دواك .

    ؟

    هز خالد راسه بلا

    ابو عبدالله بتنهيده = الله يهديك

    استغربت دوا ,

    ,,

    وش دواه

    التفت لي خالد وكان زاد عليه الالم

    خالد بتعب = اعذرني خالد مصدع وتعبان

    وراح وسلم على راس خاله

    خالد = اعذرني ياخال تعبان وابي انوم ,

    ,,

    شف هذا وش يبي ,

    ,,

    وهو يشر لي

    ابو عبدالله = تعشى اول ياولدي

    خالد = ماشتهي

    وراح ,

    ,,

    ياسلام ,

    ,,

    الحين انا جاي له يروح ويتركني ,

    ,,

    مالت عليه احرجني قدام ابو عبدالله

    انا متفشل = جاي له ياعم يتركني ويروح

    ابو عبدالله = والله مادري وش اقولك ياولدي ,

    ,,

    اعذره وانا عمك خالد عنده صداع مزمن يجيه من فتره لفتره تنهد ابو عبدالله وكمل بحزن بعض الاحيان يفقد وعيه ,

    ,,

    ادعله وانا عمك ان الله يشفيه ,

    ,,

    انا وامه مالنا غيره

    انصدمت صداع مزمن ويفقد وعيه

    انا مستغرب = وووشش صداع مزمن ,

    ,,

    ااا ,

    ,,

    ليه وش عنده بالضبط ياعم .

    ؟

    ابو عبدالله = والله مدري ياولدي ماجاله هالمرض الا بعد حادث صار له بالرياض

    صدمه ثانية حادث ,

    ,,

    واخذت وقت عشان استوعب

    انا = اا ,

    ,,

    الله يشفيه ,

    ,,

    طيب انا استاذن مع السلامه

    ابو عبدالله = محتاج شي ياخالد اعتبرني زي ابوك لا تستحي

    انا = تسلم ياعم ماحتاج شي ,

    ,,

    مع السلامه

    رجعت وانا افكر بخالد

    حادث و صداع مزمن لدرجه يفقد وعيه

    اهاااا توني افهم ,

    ,,

    دايم اشوف على وجهه التعب لكن مانتبهت انه بسبب مرض كنت اظن انه هو شكله كذا ,

    ,,

    بس صح وش يقصد ابو عبدالله انه ماله وامه الا خالد ,

    ,,

    يعني خالد ماله اخوان .



    والا وشلون

    اول مادخلت البيت خاف مني سالم وهو مازال عليه اثار الصياح

    جلست بحجره التلفزيون وانا الى الحين افكر بخالد

    خلود = خالد تبي اجيب العشا الحين .

    ؟

    تذكرت اني جوعان

    انا = ايه

    وحنا نتعشى سالت سالم

    انا = سالم خالد قال لكم شي .

    ؟

    خلود بخوف = خالد خلاص عاد ماصارت ,

    ,,

    ااا ,

    ,,

    ضربتني و ضربت سالم بس عشان بدله وكم لعبه ,

    ,,

    ماصارت

    انا = ايه خلاص صار اللي صار ,

    ,,

    بس انا ابي اعرف وش قالهم خالد

    والتفتت لسالم

    انا = سالم وش تكلمتوا عنه .

    ؟

    سالم بخوف = ماتكلمنا عن شي بس ودانا للسوق ودخلنا الالعاب ولعبنا شوي ورجعنا بس

    انا = طيب هو وشلون عرف انك تبي بدله .

    ؟

    سالم = انا علمته

    عصبت وجيت بهاوشه لكن وش اسوي اذا الله بلاني باخو بقره مثل سالم

    انا بعصبيه = كلللل ابلعععع

    كملت عشاي وانا افكر فيه

    يضحك مع اخواني ويكلمهم وانا يتهرب مني

    كل ماحاولت اكلمه تركني وراح ,

    ,,

    ليه .

    ؟

    رجعت السيارة لابو سعد ورجعت البيت انام

  • 3

    الثلاثاء

    طوال اليوم وانا في المدرسة ماشفت خالد ,

    ,,

    لا يكون الى الحين تعبان عشان كذا مادرس اليوم

    الظهر بعد ماطلعنا من المدرسة وحنا داخلين الحارة سال ابراهيم صالح بعناد

    ابراهيم = اقوووول صالح قريبك اليوم بعد مادرس ,

    ,,

    وييييينه .

    ؟

    صالح بعصبيه = ياليل الليل ,

    ,,

    تفهم انت والا ماتفهم قلتلك ماهو قريبي ,

    ,,

    وبعدين انا وش علي منه درس والا مادرس

    انتبهت ان سيارة خالد ماهي موجوده

    انا = سيارته ماهي موجوده

    ابراهيم = شكله يدرس بمدرسة غير مدرستنا ,

    ,,

    قليل ماشوفه وماسولفت معه الى الحين

    انا = صالح هو له اخوان .

    ؟

    صالح بملل = له 4 اخوات ,

    ,,

    تراكم اذيتونا فيه انت واياه

    ابراهيم = انا ابي اعرف وش بينك وبينه

    صالح = اففففف اروح للبيت احسن

    وراح

    ابراهيم = وش فيه ذا .

    ؟

    انا = انا ادري

    استغربت كرهه لخالد فعلا وش بينه وبين خالد .

    ؟

    بعد صلاه العصر بفتره وقفت عند باب البيت طفشان

    وكانوا اطفال الحارة يلعبون ومنهم سالم وسلمى

    لقيت ابراهيم واقف مع خالد عند سيارته وطاقينها سوالف

    التفتوا لي وناداني ابراهيم ,

    ,,

    رحت لهم ووقفت عندهم

    انا =

    خالد وابراهيم = وعليكم السلام

    التفتت على خالد ,

    ,,

    شكل صحته اليوم احسن من امس لكن فيه هالات واضحه تحت عيونه ,

    ,,

    تفاجات يوم ابتسم لي

    خالد = معصب امس ,

    ,,

    وش عندك

    تلعثمت شاقوله قدام ابراهيم

    انا = اا ,

    ,,

    انا امس معصب .



    ما عصبت

    خالد بابتسامه = امس واضح من شكلك انك معصب ,

    ,,

    لا يكون جالس ببيت عمتك وانا مدري

    ضحكت انا وابراهيم

    انا = شكل صالح مطلع ريحتك

    خالد بتنهيده = اي والله والمشكلة خالي وخالتي ساكتين هو اللي مدري وش يبي

    ابراهيم = ما عليك منه والتفت لي خالد اثر خالد مايدرس عندنا يدرس بمدرسة اهليه هههه وحنا ندوره بمدرستنا هههه

    انا = اهاااا

    خالد = خالد

    التفتت له

    انا = نعم

    خالد = انت ماعندك سيارة .

    ؟

    تفاجات من سؤاله ,

    ,,

    نزلت راسي

    انا = لا ,

    ,,

    كانت عندي وبعتها

    رفعت راسي

    انا = ليه تسال .

    ؟

    خالد = لا مجرد سؤال

    وش فيه ذا اسالته دايم مثل وجهه ,

    ,,

    مالت عليه

    ابراهيم = وش رايكم نفرفر بالشوارع شوي .

    ؟

    لان معاذ يومه كله حرارته مرتفعه عشان كذا ماقدر اترك البيت يمكن تحتاجني خلود او شي

    انا = مره ثانية ,

    ,,

    ماقدر اروح الحين

    ابراهيم = وراه .

    ؟

    انا = مشغول

    التفت ابراهيم على خالد

    ابراهيم = وانت .

    ؟

    خالد = انا ابمشي الحين للرياض .

    ؟

    ابراهيم = الرياض .



    والمدرسة ,

    ,,

    بكره الاربعاء يالحبيب

    خالد بابتسامه = غيااااااااب

    ابراهيم = اوووووه مافيكم خير اروح لماجد وصالح ابركلي

    وراح ,

    ,,

    التفتت على خالد

    انا = خالد بتسافر للرياض وانت امس تعبان

    خالد باستغراب = ماني تعبان ,

    ,,

    من قالك اني تعبان

    انا =

    !!!!!!!!

    خالد = قصدك امس



    ,,,

    امس تعب عادي وبسيط يمكن لاني مانمت بالامس كله

    انا = والصداع اللي يجيك دايم

    طير عيونه فيني وسكت ,

    ,,

    وطول وهو مارد علي

    انا = وش فيك .

    ؟

    خالد = خالي قاللك .

    ؟

    هزيت راسي بايه

    خالد بتنهيده = الحمد الله على كل حال ,

    ,,

    وش تبيني اسوي يعني ,

    ,,

    اقعد في البيت ولا اسافر لاهلي

    تلعثمت انا = ااا ,

    ,,

    لا ماقصدت ,

    ,,

    اا ,

    ,,

    اممم

    ماادري شاقوله

    خالد = وش فيك معصب امس .



    كنت تبيني

    زين سالني ,

    ,,

    لازم اعلمه كيف يتادب عشان مايتصدق على اخواني مره ثانيه

    انا = كم قيمه بدله سالم والالعاب .

    ؟

    خالد باستغراب = ليه .

    ؟

    انا = انت اللي ليه تشتري لسالم ,

    ,,

    احد شكالك .



    احد طلب منك تتدخل في شي مايعنيك .

    ؟

    سكت ومارد

    انا بعصبيه = كم .

    ؟

    خالد = هديه لسالم وسلمى

    انا = ماني بزر عندك تكذب علي ,

    ,,

    انت ماشريت البدله لسالم الا لما هو علمك ,

    ,,

    صح والا لا .

    ؟

    سكت ولاني عارف اني ماقدر اسدد قيمه البدله والالعاب سكتت عنه

    خالد = تاخرت لازم امشي ومد يده لي اشوفك على خير ,

    ,,

    مع السلامه

    انا = توصل بالسلامة وصافحته

    ركب سيارته وشغلها ,

    ,,

    تفاجات بسالم وسلمى جوه اول ماركب سيارته

    سلمى = وين بتروح .

    ؟

    خالد بابتسامه = الرياض

    سالم = امك وابوك ليه مايجون هنا .

    ؟

    ضحك خالد = هههه ان شاء الله اجيب امي هنا بس هاه لازم تسلم عليها ,

    ,,

    اتفقنا

    سالم بفرح = اتفقنا

    ومد سالم يده يصافح خالد يقاله توكيد اتفاق ,

    ,,

    ضحك خالد وصافحه

    تذكرت سؤال صالح لخالد عن ابوه ,

    ,,

    قلت احرجه

    انا = وابوك ماتبي سالم يسلم عليه .

    ؟

    طالعني وسكت ,

    ,,

    ابتسمت شكلي احرجته

    انا بابتسامه = ليش ماترد .

    ؟

    خالد = اذا شفته انا خليت سالم يشوفه ,

    ,,

    وثاني مره لا تتدخل في شي مايعنيك والتفت لسالم وسلمى يله مع السلامة ياحلوين اشوفكم يوم السبت ان شاء الله

    وراح ,

    ,,

    انصدمت ,

    ,,

    وش يقصد بالضبط اذا شفته انا خليت سالم يشوفه توني ادري انه يتيم ,

    ,,

    الصراحه ندمت على احراجي له ,

    ,,

    يالله كيف النعمه اللي هو فيها والسيارة الفخمه اللي معه مخليته كانه مو يتيم ,

    ,,

    ليتني ماحرجته ياليت

    الاربعاء

    خلود غابت عن مدرستها عشان معاذ ,

    ,,

    مع ان جارتنا ام سعد طلبت منها تجيبه عندها لكن خلود عيت

    في الليل كانت سلمى جالسه عندي في حجره التلفزيون وتلعب بعروستها ,

    ,,

    فرصه افهمها ان عروستها هذي حرام

    انا = سلمى تخلصي من الدميه هذي

    التفتت لي سلمى موب فاهمه شي

    سلمى = ليه ,

    ,,

    ابيها

    جلست عندها احاول افهمها

    انا = سلمى شوفي هذي لها عيون كانها عيون حقيقيه والمسي فمها وخشمها شوفي بارز ,

    ,,

    الملائكه مايدخلون بيتنا لان هذي فيه ,

    ,,

    فيه عروسات اسلامية مالها ملامح مثل هذي ,

    ,,

    هذي صارت كانها صنم ,

    ,,

    تبين بيتنا يصير فيه صنم .

    ؟

    سلمى = الملائكه مايدخلون بيتنا .

    ؟

    انا = اذا كانت هذي فيه مايدخلون بيتنا

    سلمى = بس ابيها

    انا = انا ابحاول اشتري لك وحده اسلاميه

    برطمت سلمى وكان ماعجبها الكلام

    انا = خلاص تخلصي منها ,

    ,,

    شاطره سلمى ,

    ,,

    واوعدك اشتريلك وحده غيرها بس اسلاميه

    قمت عنها ,

    ,,

    افففف الله ياخذ وجهك ياخالد ورطتني ,

    ,,

    الحين لازم اخرب الفلوس القليلة اللي معي بدميه ,

    ,,

    شسوات الحين افففف

    طلعت من البيت اسولف مع ابراهيم وصالح وكان معهم ماجد

    بعد مرور يومين ,

    ,,

    فجر السبت

    قمت اصلي الفجر وكالعاده حاولت اقوم سويلموه وعيا يقوم

    طلعت من البيت وتفاجات بسيارة خالد واقفه قدام باب بيتي ,

    ,,

    الحمد الله والشكر قضن الاماكن مايوقفها الا هنا ,

    ,,

    بيوريني انه عنده سيارة والا ايش ,

    ,,

    مالت عليه وعلى شكله

    بعد الصلاة وقبل ادخل البيت

    = خاااااالد

    التفتت وكان خالد يناديني ,

    ,,

    وش يبي ذا ,

    ,,

    كان لابس بنطلون كالعاده وشكله توه جاي من المسجد ,

    ,,

    وصل عندي

    خالد =

    انا = وعليكم السلام

    خالد = بترجع تنوم .

    ؟

    ابتسمت قالها بلهجه اهل الرياض

    انا = تبي شي .

    ؟

    خالد = لا ,

    ,,

    بس طفشان وماعندي احد اسولف معه ومابي ادخل البيت

    انا مستغرب = ليه ماتبي تدخل البيت .

    ؟

    خالد = البيت مافيه الا خالتي وخالي ماهو موجود

    ضحكت عليه ,

    ,,

    مطير عيشته صالح

    انا = هههههههههه

    خالد بابتسامه = لا تضحك يبليك الله بواحد مثل صالح عمتي وعمتي كان محد له عمه الا هو ,

    ,,

    اذا شافني بالبيت وخالي مو هنا قام يتهاوش معي

    انا = لا مابرجع انام

    ابتسم و مسك ذراعي وسحبني

    خالد = اجل تعال نسولف في السياره

    فتح سيارته وركب وركبت معه ,

    ,,

    هذي اول مره اركب سيارته ,

    ,,

    الصراحه فخمه لكن المرتبه الورانيه صايره حوووووسه ماينركب فيها كتب ودفاتر وكم بنطلون وفنيله والثوب والشماغ معلقين ,

    ,,

    والله مادري وشوله هالثوب وهو مايلبسه

    التفتت له

    انا = خالد ليش موقف سيارتك هنا .

    ؟

    خالد = شف صالح وين موقف سيارته

    وكان صالح موقف سيارته بالمكان اللي بالعاده خالد يوقف سيارته فيها قدام بيت ابو عبدالله

    انا = شكله يبي يضايقك ,

    ,,

    من يوم ماعرفت صالح ماعمري شفته يوقف سيارته هنا ,

    ,,

    ماعليك منه وانت ماسويت شي غلط ,

    ,,

    ساكن عند خالك

    خالد تنهد = الله يصبرني عليه بس المشكلة كره العجوز فيني

    انا باستغراب = اي عجوز .

    ؟

    خالد = مره خالي وكمل بسخريه خالتي

    انا = ليه وش سوت .

    ؟

    خالد = يوم جيت امس من الرياض

    قاطعته

    انا = انت متى جيت .

    ؟

    خالد = اممم اظن الساعة 11 في الليل

    انا = ايه كمل وش سوت خالتك .

    ؟

    خالد = يوم جيت امس من الرياض لقيتها ناقله غرفتي للملحق تبيني انام واذاكر واحل واجباتي في الملحق ,

    ,,

    مدري وش غيرها علي ,

    ,,

    اول ماجيت كانت تعاملني مثل ولدها ,

    ,,

    والحين ,

    ,,

    تنهد وسكت

    انا = اكيد احد نقل الغرفه لها هي عجوز ولا تقدر تنقل شي ,

    ,,

    تتوقع خالك موافق على اللي تسويه .

    ؟

    خالد = لا طبعا ,

    ,,

    اصلا خالي من يوم الجمعة وهو ماهو فيه ,

    ,,

    وبعدين مايبيلها تفكير اكيد ياصالح يامحمد او اي احد من عيال اخوها

    انا = طيب وش حادك تدرس هنا ,

    ,,

    الرياض مليانه مدارس ,

    ,,

    وغير كذا اهلك كلهم هناك

    غمض عيونه ونزل راسه على الدركسون ,

    ,,

    مدري ليه حسيت انه متالم ,

    ,,

    حاولت فيه يجاوبني

    انا = خالد قلي وش حادك تدرس هنا .

    ؟

    رفع راسه وسند ظهره على المرتبه مره ثانيه

    خالد = انا اقدر استاجر شقه ,

    ,,

    بس اعرف خالي مايبيني اطلع من بيته واستاجر … بيزعل مني

    انتبهت ان الشمس طلعت وصار لازم اقوم اخواني للمدرسه

    انا = عن اذنك خالد شوي ابروح اقوم اخواني

    خالد بابتسامه = صح تعاااال وشلون سالم وسلمى ,

    ,,

    ههه تصدق اشتقت لهم

    انا = هههه تسلم ,

    ,,

    سالم وسلمى بخييييير

    وطلعت ,

    ,,

    قومت خلود واخذت نص ساعة عشان اقوم سالم ,

    ,,

    غيرت ملابسي على السريع ويوم تاكدت ان سالم قام طلعت لخالد ,

    ,,

    فتحت باب الراكب لكن تفاجات بخالد نايم ….

    شكله تعبان بس لا يمكن اخليه يكمل نومه على الاقل عشان مدرسته يمكن تروح عليه نومه ,

    ,,

    ركبت وسكرت الباب ,

    ,,

    لكن ماقام شكل نومه ثقيل

    انا = خالد ,

    ,,

    خالد قم

    قام وقعد يتلفت كانه متفاجئ

    خالد = اوووه شكلي نمت ,

    ,,

    وينك تاخرت

    انا بابتسامه = سالم وسلمى نومهم ثقيل

    خالد = شف بدا الطلاب يطلعون من بيوتهم

    انا = بعضهم يرحون بدري

    = صدتكم ,

    ,,

    وش تسوون .

    ؟

    نقزت انا وخالد متفاجئين ,

    ,,

    وكان ابراهيم مدخل راسه من عند دريشه الراكب من عندي وفاجانا

    انا = ,

    ,,

    تنحنح ياخي

    ابراهيم = ههههههه ماذا تفعلان ايها الخالدان .

    ؟

    خالد = نسرق ,

    ,,

    من وين طلعت انت .

    ؟

    ابراهيم = من تحت الارض

    خالد = ماخبرك شيطان

    ابراهيم = يله عاد

    خالد = ههههههههه امزح معك يارجال

    ابراهيم = بتروحون مشوار هالحزه ,

    ,,

    الحين وقت مدارس

    انا = ندري ,

    ,,

    اففففف متى نفتك من هالمدارس

    ابراهيم = هااااانت ,

    ,,

    هذي اخر سنه ياسلااااام ,

    ,,

    تصدقون ماني مصدق

    شفت صالح جاي لنا ,

    ,,

    اووووه ,

    ,,

    التفتت لخالد

    انا = خالد شف صالح جا

    خالد متضايق = اشوفه

    وصل صالح وعلى وجهه ابتسامه سخريه ودخل راسه من عند دريشه السواق من عند خالد

    صالح = اشوفكم مجتمعيييييين

    والتفت على خالد وتوسعت ابتسامته

    صالح = قايم بدري اليوم ,

    ,,

    ليه مارتحت بالنوم .

    ؟

    خالد بعصبيه = وش قايل لخالتي انت .

    ؟

    صالح = ههههههههههاي ,

    ,,

    حلوة ذي خالتي ,

    ,,

    اقووووول متى جيت

    خالد = مالك دخل

    همس باذني ابراهيم

    ابراهيم = بدت الهوشه

    صالح = قلتلك ياخي من البداية لا تجي عندنا اذلف لابوك وعيش عنده ,

    ,,

    وفكنا من وجهك ,

    ,,

    بس انت دجاجة ماتفهم

    طوال ماصالح يتكلم اخذ خالد ربع ورقه من احد الدفاتر اللي ورا ودخلها بفمه واخذ يعلجها ولما انتهى صالح من كلامه تفل الورقه بوجه صالح ,

    ,,

    كلنا تفاجانا من حركته ,

    ,,

    لما استوعب صالح الحركة ,

    ,,

    فتح باب خالد بعصبيه وهجم عليه ,

    ,,

    مال خالد علي بسبب ركوب صالح عليه ,

    ,,

    وصاروا يتهاوشون ,

    ,,

    حاولت ابعد صالح عنه ,

    ,,

    وابراهيم دار حولين السيارة و حاول يجر صالح ,

    ,,

    حاولنا نبعدهم عن بعض لكن صالح اخذ يضرب خالد كفوف وخالد يحاول يضربه و يدافع عن نفسه ,

    ,,

    لين اخيرا قدرنا نبعدهم

    صالح بعصبيه = ان ماوريتك يالكلب ,

    ,,

    وسحب يده من ابراهيم فكني

    خالد بعصبيه = مالكلب غيرك

    صالح = قسم لردها لك

    وراح وهو يسب ويشتم

    انا = ابراهيم رح له

    ابراهيم = خلك مع خالد

    وراح يلحق صالح ,

    ,,

    التفتت على خالد ,

    ,,

    كانت انفاسه سريعة ,

    ,,

    اخذ منديل و مسح خشمه عن الدم ,

    ,,

    كان باب خالد مازال مفتوح و بسبب الهوشه منزل رجل وحده بالارض
    تفاجات بسالم واقف قدام خالد وهو يتفحصه ,

    ,,

    متى طلع ذا

    سالم = ليه تتصارعون انت وصالح ,

    ,,

    اشووووف ورني

    وركب بحضن خالد وشنطته على ظهره

    انا = سالم متى طلعت .



    يله رح مدرستك

    مارد علي مازال يتفحص خالد

    خالد وانفاسه سريعة = سالم يله رح مدرستك لا تتاخر

    ونزل سالم من حضنه ,

    ,,

    والتفت لي

    خالد = وانت بعد رح مدرستك

    انا = وانت .

    ؟

    خالد = وانا بعد

    انا = خالد ابعد عنه تراه يحب المشاكل

    نزل خالد من السيارة وفتح الباب اللي ورا واخذ الثوب والشماغ المعلقين

    خالد = ابروح اغير واغسل وجهي ماراح اطول

    ودخل بيت خاله

    دخلت البيت حاولت اقوم سلمى وعيت تقوم شلتها ومعاذ يمشي وراي ,

    ,,

    طلعت خلود وراحت مدرستها ,

    ,,

    نزلت سلمى ومعاذ ببيت ابو سعد ,

    ,,

    ورجعت البيت وقفلته ,

    ,,

    جاني خالد ولاول مررره اشوفه لابس ثوب ولا وبعد كااشخ بشماغ

    خالد = خالد شفتك تودي سلمى وهي نايمه لهذاك البيت ,

    ,,

    ليه ,

    ,,

    ومن البزر اللي كان معك .

    ؟

    انا مستغرب = بزر .

    ؟

    خالد = ايه البزر اللي كان يمشي وراك ,

    ,,

    من ولده .

    ؟

    انا بابتسامه = هذا اخوي

    خالد مستغرب = لك اخو غير سالم .

    ؟

    انا = ايه

    خالد = تصدق توني ادري … طيب ليش وديت سلمى لهذاك البيت … ومن بيته هذاك .

    ؟

    صوره غموض خالد
    انا = اجل اخلي سلمى لحالها في البيت

    خالد = دخلها الروضه

    على باله كل الناس قادره مثله

    انا = ومعاذ ادخله الروضه بعد .



    و تراك بتاخرني عن المدرسة ,

    ,,

    مع السلامه

    مشيت عنه ,

    ,,

    لكن هو مسك ذراعي

    خالد = تعال بوصلك بطريقي

    انا = لا مايحتاج مدرستي قريبه

    خالد = الا يحتاج ,

    ,,

    اركب اركب

    ركبت معه ووصلني وراح ,

    ,,

    دخلت الفصل ,

    ,,

    لحظه لحظه وشلون نسيييييييت ,

    ,,

    مو كني سمعت صالح يقول لخالد اذلف لابوك ,

    ,,

    حركة خالد نستني ,

    ,,

    وشلون يعني ,

    ,,

    يعني خالد موب يتيم مثل ماكنت متوقع

  • صور الغموض
504 views

غموض خالد