6:29 صباحًا الأربعاء 19 ديسمبر، 2018

فوازير مضحكة وحلها


صوره فوازير مضحكة وحلها

فوازير جميل و مضحكه جدا عشان تضحكوا و تنبسطوا و اليكم اجمل و احلي فوازير يارب تنال اعجابكم

لو واحد صينى طلع القمر ايه اللي يحصل؟؟
الصينيين حيقلوا واحد

طب لو واحد يابانى طلع القمر ايه اللي يحصل؟؟
حيقابل الصينى فوق
ليه الخشب يتيم؟
علشان مقطوع من شجرة

ليه بنحط اللبن على الشاي؟
عشان التفل يرضع

ليه عمرو دياب و هو بيغى راجعين ما خبطش في اللي و راه؟
عشان طلعت زين كان بيقوله تعالى تعالى تعالى

ليه التعبان بيحط عدسات لاصقة؟
عشان ما لوش و دان يحط عليها النضارة

حاجه طايره في السما و بتقول نياو ايه هي


قطه بيضاء مضروبه بالشلوت

طب حاجه سوده طايره في السما و بتقول نياو ايه هي


غراب بيستهبل

طب حاجه بني طايره في السما و مبتقولش اي حاجه ايه هي


فرده الجزمه بتاعه الراجل اللي ضرب القطه البيضاء

طب حاجه سوده طايره في السما و مبتقولش حاجه ايه هي


غراب عاقل و مبيحبش الاستهبال

حاجه زرقاء طايره في السما ايه هي


ذبابه لابسه بنطلون جينز ازرق

طب حاجه سوده و فيها خط احمر و طايره في السما من الشرق للغرب
ايه هي


ذبابه لابسه فستان سواريه و حاطه روج و رايحه فرح واحده صاحبتها

طب حاجه سوده و فيها خط احمر و طايره في السما من الغرب للشرق
ايه هي


نفس الذبابه نسيت حاجه في البيت فرجعت تجيبها

حاجه سوده ما شيه في الصحراء ايه هي


سرب نمل رايح يعزى

نقطه سوده على الحيطه ايه هي


ذبابة

طيب نقطتين سود عالحيطه


فيشه .

طب 3 نقط سود على الحيطه تبقي ايه


ذبابه و فيشة

طب 54 نقطه سوده على الحيطه تبقي ايه


يبقي الدهان بيقشر

بيضه و قعت و متكسرتش ليه؟
علشان ربنا ستر او عشان مدهونه بمعجون سيجنال تو

ليه الطماطم حمره و مدوره؟
عشان لو كانت طويله و خضرا كانت هتبقي خيار

ليه شجره الدر اسرع من البقره؟
عشان شجره الدر م الجوارى … اما البقره م المواشي

فرخه و قعت م الدور ال 13 لما وصلت الارض وصلت من غير ريش يا تري لييييه؟
عشان و هي نازله عماله تنتف في ريشها و تقول ح موت .

.

مش ح موت…ح موت مش ح موت

نمله بتجري و بيجروا و راها تسع نملات ليه؟
عشان جابت جون

مره 1 2 3 دخلوا الحمام طلعوا 3 2 1 ياتري ليه؟
عشان دخول الحمام مش زي خروجه

طيب مره 1 2 3 طلعوا الجبل نزلوا 3 2 1 ليه؟
عشان في حمام فوق الجبل

ليه عسكري المرور بيلبس حزام اصفر؟
عشان البنطلون ما يقعش

ايه اللي بيطير في السماء و بينور و يطفى؟؟
عصفوره لابسه اميجو بينور

ما هو التشابه بين الكمبيوتر و الاستريتش؟؟
الاثنين بيجيبوا ادق التفاصيل

صعيدى حاطين صورته على اشاره ليه؟
احذر مفاجات الطريق

هل تعرف من هو اوفى مخلوق؟
نمله ما ت زوجها الفيل و قعدت طول حياتها تدفن فيه

ليه السمك بيخاف من الجنية.؟؟
علشان الجنيه فيه 100 قرش

ايه اللي يعدى البحر و ما يتبلش؟
الطياره

ايه الفرق بين امريكا و الفلاشه؟
USB و الفلاشه USA امريكا

لو واحد ما ت ايه اللي يحصل


نبتدي العد من 2

ليه الميكانيكيه بيحبوا الكمبيوتر؟
عشان بيقعدوا على الفتيس بوك

واحد ميكانيكي ياتري هيعمل ايه في فرحه؟
اوبل بوفيه

ليه اللي بيلعبوا طاوله بتبقي ريحتهم مش حلوه؟
عشان بيشوفوا الدش كل فين و فين

واحد رجع م السفر يا تري ما مته قالتله ايه؟
قالتله بيضتين

ماهو الشئ اللى ننام عليه و نجلس فوقه و نغسل اسناننا بيه؟
السرير و الكرسى و فرشاةالاسنان

طب ايه الحيوان اللى بياكل و يشرب بديله؟
كل الحيوانات بتاكل و تشرب بدلها .

.

عمرك شفت حيوان ساب ديلو و راح ياكل…!!

فى نمله نايمه على بطنها ليه؟؟
بتحل الواجب

ليه الكدب دايما بيركب عربية؟
علشان ما لوش رجلين يمشى عليها.

واحد شرب بنزين و راح المستشفي جري و على الباب و قع ليه


البنزين خلص

واحد قتل ابوه و امه و خاله و بعدين قطع رجله …ليه؟
عشان رجله ما تجيش في القضية

البدو في الصحراء بيركبوا ايه


بيركبوا ابل فيكترا

ليه القطنه مش حتدخل النار


علشان مدام نظيفه قالت القطنه ما بتكدبش

ايه اسرع حاجه بتيجى من اي مكان في الدنيا؟
الجون بييجى في ثانية

ايه اخره كل شيء؟
الهمزه اللى على السطر.

ليه العربيه الجامبو سموها عربيه جامبو؟
عشان فيها مكان لاتنين بيركبوا “جمب”بعض

ليه الكيبورد حتتدخل الجنه؟
عشان عندها زرار تاب

372 views

فوازير مضحكة وحلها