10:29 صباحًا الأربعاء 19 ديسمبر، 2018

قصيدة الخوي


صوره قصيدة الخوي

 

 

قصيده الخوي
لا جتك زله من رفيق توده
رفيقك اللى ما تعدد مزاياه
رفيقك اللى تقصده وقت شده
وتنحل لامن شفت طله محياه
بينك و بينه خوه مستجده
متجول في قلبك ادناه و اقصاه
حبل الوصل بينك و بينه يمده
يمك يسوقه قلب و تشيله خطاه
نفسه يطمنها و لو فيه حده
لجل الرفيق يكب شى تمناه
ما يتركك في سهله مجرهده
طيب و هذا طيب ساسه و مجناه
صقر ينومس بالقنص من يهده
وافى شبور و طيبات نواياه
احذر خطاه لغير نفسك تعده
واحذر يجى غيره و يجلس بمركاه
ادمح له الزله و حذرا تضده
ودور على عذر يعذره و تلقاه
لا تشيل نفسك و الجبل لاتهده
واحذر تكون اللى نقل داه برداه
باب الجفا لا فك عجل بسده
وابليس لا ابلس بالقطاعه تحداه
اوصل رفيقك عاتبه في موده
وبين له اللى حس بك من خطاياه
واحذر مجالس راكبين الاشده
اشده الغيبه رجال المحاباه
اهل النكد و اهل الوجيه المصده
قوم على نقل السوالف مضراه
رجالهم دايم معشى ببده
عزاه ياللى غير الدرب عزاه
ما ينفعه طيب مسويه جده
لا صار خايب ما يسوى سواياه
والقاف الاول يا رفيقى نرده
رفيقك الطيب من الصعب تجفاه
لا جتك زله من رفيق توده
احذر تنكر له و بالشر تجزاه
…………………………………………………..
الشاعر حمد المخلفى .

504 views

قصيدة الخوي