يوم الإثنين 4:17 صباحًا 27 مايو، 2019

كيف تهتمي بالمناطق الحساسة

صور كيف تهتمي بالمناطق الحساسة

ازاله الشعر من المنطقة الحساسة:
طبعا السويت هي احسن و افضل طريقة تشيلى بيها الشعر من المنطقة دى بلا منازع و مفيش كلام غير كدا بتخلى المنطقة نضيفه و ناعمه و ترتاحى فتره طويله عقبال ما الشعر يطلع تانى ،

 

طيب كل دة كويس اية الجديد بقى ،

 

طريقتى بقى اللى هاقولهالكم لازاله الشعر و هي بسيطة بس حلوة و مفيدة و هاتريحك باذن الله

-اول حاجة تعملى تقشير للمنطقة بزيت زيتون و شويه سكر عشان تشيلى الجلد الميت و كمان تتطلعى الشعر اللى بيبقى تحت الجلد
-هاتى معلقه عسل و حطى عليها عصره ليمونه و حطيها على المكان بس يدوبك تلزقية كدا عشان السويت تلزق كويس على الجلد و تشيل الشعر الصغير
-هاتى السويت و سيحيها كويس و خليها حته صغيرة عشان متوجعكيش و انتي بتشيلى بيها ،

 

وشيلى الشعر كله كلة و اعملى السويت مع اتجاة الشعر و عكس اتجاة الشعر الاتنين و دة هايشيل الشعر الصغير و اللى تحت الجلد
-بعد ما تخلصى السويت كلها هاتى ميه و رد و امسحخى المكان كله و بعدين ادهنى مرهم فيوسيدين و دة لمدة يومين بعد السويت عشان لو فيه مسام مفتوحه او اي بكتيريه المرهم يقضى عليها
وبكدا نكون خلصنا اول خطوه و هي ازاله الشعر من المنطقة ،

 

وياريت لو كان الشعر طويل يبقى قصية الاول بالمقص او بماكينه براون الشفره مش الملاقيط لحد ما يبقى طول مناسب للسويت بس مش طويل اوى عشان الوجع ما يبقاش زيادة،ونصيحه تانيه ياريت تعملى دايما السويت اخر يوم خالص من البريود قبل نما تطهرى منها عشان المسام بتكون مفتحه و بتسهل ازاله الشعر جدا ،

 

وطبعا اوعى تعملى السويت قبل ما الدوره تيجى على طول عشان كدا غلط لان مع الدوره بتقل جدا مناعه المنطقة و السويت بتفتح المسام و ممكن بكتيريا او حاجة تدخل و تعمل لاقدر الله خراج او شئ ،

 

خليكى في السليم و استعمليها اخر يوم في البريود
تفتيح المنطقة الحساسة:

طبعا انا مش هاقول اي نوع من الكريمات و الحاجات دى انا اساسا ضد استخدام كريمات التفتيح و طبعا بالاخص في المنطقة دى ،

 

وان كان و لابد يبقى لازم تحت اشراف الطبيب عشان في احتياطات لازم تتعمل ،

 

المهم احنا اللى معندناش صبر و عايزين كل حاجة بسرعه ،

 

بس احنا لازم نتعلم ان الاهتمام يكون جزء لا يتجزا من حياتنا
انا هاقولكم تجربتي مع الوصفات دى لتفتيح المنطقة الحساسه من قبل جوازى لغايه دلوقتي

وصفة البيتادين السحرية:
معظم مشاكل المنطقة دى بتكون نتيجة عدم الاهتمام يعني مبتنشفيش كويس بعد الحمام او مش بتلبسى بانتى قطن ،

 

فبالتالي الفطريات و البكتيريا بتنمو في المكان و هي بتكون السبب الرئيسى في الاسمرار عشان كدا و صفه البيتادين هايله جدا لعلاج السمار تماما في المكان ده

-هاتجيبى مرهم بيتادين مش البيتادين السائل،ودة متةفر في الصيدليات و مش غالي)ووحطى عليه معلقتين زيت زيتون+معلقه كبيرة عسل حطى الزيت الاول و بنفس المعلقه حطى العسل هاتلاقى العسل اتزحلق و ملزقش على المعلقه ،

 

هههههه،معلومه كدا على الماشي)وحطى عليهم ميه و رد لحد ما قوامة كدا يكون زي اللوشن
-كل يوم بليل هاتغسلى المنطقة طبعا ممنوع الصابون في المنطقة دى خالص بيجفف و كمان بيسود و يعمل التهابات)يفضل طبعا بغسول للمنطقة و انا بحب سيتيال
-بعد كدا نشفى المكان بفوطه قطن ناعمه تكون مخصوصه للنمطقه و يكون تنشيف برفق مش جامد،ويكون من ادام لورا ،

 

وبعدين ادهنى الخلطه و البسى شورت لامية و نامي للمتزوجات طبعا ممكن تعمليها في وقت يكون جوزك مش موجود بس اهم حاجة تسيبيها اكتر وقت ممكن)
-لما تصحي الصبح بقى اشطفى المكان كويس و نشفية و ادهنى بقى جلسرين على ليمون روعه في التفتيح)

الوصفة دى هاتستعمليها لمدة شهر هاتكون المنطقة افتحت جدا جدا باذن الله هاتوقفيها بقى و تستخدمى خلطه بسيطة عبارة عن زيت زيتون و ميه و رد و ليمون)تحطيها في الحمام و بعد كل حمام ادهنى منها المكان بس ياريت متكتريش الليمون فيها الزيت و ميه الورد يكونوا اكتر

العنايه المستمره للمنطقة
بصى بقى هاقوليلى الوقت و مش عارف اية انا مليش دعوه احنا لازم نلاقى وقت لنفسنا و اهتمامك بكل حته فيكى دة عنوان انوثتك و جمالك و عشان كمان احنا بنهمل في نفسنا و نرجع نشتكى و نقول مشاكل بالكوم صدقونى الاهتمام المستمر هو الحل ،

 

وزى ما هتدى لجسمك هو كمان هايديكي

-كل اسبوع تجيبى طبق بلاستيك كبير و تحطى فيه ميه سخنه على قدر احتمالك طبعا و تحطى فيها ملح تعقيم و تطهير للمنطقة)وتقعدى فيها حوالى ربع ساعة و تحاولى تجيبى الميه السخنه على كل المنطقة و بعدين هاتقومى تنشفى المنطقة بالراحه و تجيبى اي مقشر بترتاحيلة و ياريت يكون طبيعي و اعملى تقشير بضمير للمكان بس طبعا مش جامد بشويش بس بضمير ،

 

وبعدين اشطغى المكان بميه سخنه بردو و بعدين تكوني مجهزه ما سك عبارة عن ميه و رد+نشا+لبن بودره معلقه عسل+حبه كركم(العادي بتاع الاكل بس يدوبك كدا ربع معلقه صغيرة مش مليانه و حطى الماسك دة على المنطقة و بعدين حطى كيس نايلون عليها و البسى هدومك عادي و سيبى الماسك ساعة او لحد ما ينشف ما انتي لابسه هدومك و بعدين اشطفية بميه مش سخنه و ادهنى زيت زيتون على جنين القمح على زيت لوز حلو تحفه الخلطه دى للترطيب و التفتيح طبعا

غسول لتعقيم و تفتيح و شد المنطقة و كمان ازاله الحبوب و اثارها و اية من صنع اديكي:

هاتجيبى قطعة مره كبيرة و حطى عليها كوبايه ميه مغليه و حطيها في برطمان و سيبيها تنقع لتانى يوم بعد كدا بقى هاتى نص فنجان قهوه من ديتول الاخضر للعنايه الشخصيه مش الديتول العادي البنى دة لا السائل نفسة لونة اخضر و مخصوص للعنايه الشخصيه مش عارفه بقى هو موجود في مصر و لا لا بس متهيالى شوفوة في الماركتات الكبيرة هاتلاقوة ،

 

المهم حطى الديتول على المره و سيبية في الحمام و 3 مرات في الاسبوع هاتى قطنه و حطى عليها الغسول و امسحى المنطقة من جوه و من بره بس مش من جوه اوى لا بين الشفرتين يعني و طبعا الغسول دة للمتزوجات و البنات عادي،ولو ملقتيش الديتول يبقى كفايه منقوع المره لوحدة جميل

تعطير المنطقة الحساسة:

طبعا اوعى ثم اوعى تستخدمى اي معطرات فيها كحول للمكان دة لان الكحول على البشره عموما بيسود و كمان بيعمل التهابات في المنطقة دى بالاخص ،

 

طيب هاتستعملى اية في طريقتين و الاتنين حلوين:

طريقة المسك:
طبعا اكيد كلنا عارفينها بس مشكلتها نوع المسك اوعى تستخدمى المسك الصناعي طبعا غلط جدا جدا اذا عايزه يبقى بس المسك الاصلي و مدام متاكده منه يبقى استخدمية على بركة الله
-تجيبى المسك و تتطحنية بس طبعا مش ناعم اوى يعني يكون حتت كبيرة نوعا ما مش بودره يعني و تجيبى ميه و رد و ميه معدنيه و تجيبى ازازه و تحطى فيها المسك و ميه الورد و ميه معدنيه و رجية و كل اسبوع او مرتين في الاسبوع هاتى قطنه و حطى عليها من الميه اللى في الخلطه و امسحى بيها المكان و للمتزوجات دخلى القطنه جوه عادي هاتلاقى صراحه نضافه و تعقيم و ريحه روعه و بتدوم كمان

-الطريقة التانيه بقى متوفره اكتر بس طبعا طبعا دى هاتمسحى بيها بس المنطقة من بره ممنوع تدخليها جوه ابدا ،

 

دى بقى هاتى من عند تاعطار زيت الورد او زيت الفل او الياسمين الريحه اللى تحبيهايوضع على كريم او يخلط بزيت زيتون ثم يوضع لتعطير المنطقة
وادهنى المكان من بره بيها ريحه روعه روعه روعه و كمان زيت الورد عن تجربه بيدى نعومه مش طبيعية و لو كمان بقى حطيتى عليه زيت الليمون من عند العطار بردو هايبقى تفتيح بقى و لا احلى و جربوا و ادعولي

العنايه اليومية بقى ودى بقى حاجة بسيطة بس مهمه و هي:
-لازم تغيرى البانتى على الاقل مرتين في ليوم عشان تفضلى دايما نضيفه و ريحتك حلوة
-لازم تنشفى بعد دخول الحمام زي ما قلنا و يفضل انك تتشطفى بميه دافيه على طول
-لازم قبل النوم تغسلى المنطقة كويس باى طريقة بقى و تنشفيها ،

 

وترطبي بردو باى و صفه ترطيب من اللى قلناهم قبل كدا
-وقت البريود لازم تغيرى اقل شئ 3 او 4 مرات و تتشطفى بميه دافيه كتير و تاخدى شاور كل يوم عشان دايما تبقى نضيفه و ريحتك حلوة و ميجلكيش التهابات ،

 

وكل ما تيجى تغيري
الحفاضات حطى نشا بس لوحدها كدا هاتمتص الالتهابات و مش هاتخلى الحفاضات تلهبلك المكان

403 views

كيف تهتمي بالمناطق الحساسة