3:44 صباحًا السبت 23 فبراير، 2019


مركز رويال الطبي بالدمام ليزر

بالصور مركز رويال الطبي بالدمام ليزر 12587

اول شى انى اروح ل مجمع رويال الطبى بالدمام هو عياده اسنان و جلديه هاتف: 1038426699 – هاتف 1038421199

طبعا ما كنت سمعت عنه من قبل و جيت سالتكم هنا ما احد كان يعرفه لكن مسوقين كانوا جايين كليتنا بجامعه الدمام بمناسبه يوم مفتوح و جايبين عروض من المركز و صراحه تحمست لعروضهم و اجد .. و هذا اللى دفعنى اروح ليهم اول شى اخذت عرض تنظيف اسنان ب 50 ريال و انى جربت التنظيف من قبل و لقيت تنظيفهم ممتاز مع ان اللى تسويه مساعده الطبيبه الفلبينيه و عرض ليزر الجسم كامل عدا البطن و الظهر ب 1350 ريال و يشمل الوجه بجهاز جنتل ليزر برو و هم جددوا العروض بعدها بفتره و انى سالت الاخصائيه اليوم قالت لسه مستمره العروض و اللى بتروح تكلمنى خاص اعطيها رقم الاخصائيه مباشره على العموم انى قبل اول زياره ليهم اتصلت عليهم و عطونى رقم الاخصائيه اللى تسوى الليزر عشان يكون بينا تواصل و احجز عندها مباشره و طبعا في اكثر من و حده لكن هم اختاروا لى و هذى تعاملها عسل و مواعيدها مضبوطه يمكن مره و حده بس اللى انتظرت فيها نص ساعه لانى تاخرت ربع ساعه فقدمت قبلى اللى شغلهم بسيط مثل الشنب بس لكن بالعاده اروح تكون تنتظرنى و ادخل على طول اول جلسه رحت فيها استقبلتنى بترحاب شافت بشرتى و اقترحت عليى اجرب الجهازين .. جنتل ليزر برو جهاز سبرانو و قالت عندى الحريه اختار بعد التجربه و كانت تجاوب على كل اسئلتى باريحيه و تشرح ليى و عرفت منها ان عندها شهاده دبلوم ليزر من الاردن جهاز جنتل يكون ضربات ليزر معاها غاز تبريد .. مجرد تنتهى الضربه يختفى الالم .. و ياخذ وقت عشان تخلص الجسم كامل تقريبا ساعه و شوى و بهذا الجهاز تخطط الجسم بقلم تحديد و تتابع الخطوط عشان ما تغفل منطقه قدر الامكان .. و اذا انى نبهتها منطقه ما ضربتها تتقبل منى عادى جهاز سبرانو تحط جل و بعده تمرر على المنطقه الجهاز بسرعه و بدون توقف لين الجهاز يطلع صوت بانتهاء الوقت المحدد للمنطقه المحدده و انى فضلت جهاز جنتل حسيته اقل الم بالنسبه لى و ما فيه ازعاج الجل يتلصق اذا نشف و لازم تمسحيه بعدما تخلصى الاعدادات اللى استعملها حاليا بجهاز الجنتل 9 .. و على المناطق الداكنه مثل الركبه تستعمل 8 و انى بشرتى حنطيه ثانى جلسه كانت بعد شهر من اول جلسه .. و صراحه من ثانى جلسه لاحظت الفرق في ظهور الشعر خصوصا في سيقانى كان يظهر ببطئ اكثر ثالث جلسه كانت بعد شهر و شوى من ثانى جلسه و كانت اوك و نفس الشى الشعر يظهر بعد وقت اطول طبعا قبلها كنت جيت اقرا هنا بالمنتدي و كان و اجد تتكلموا بنقطه ان لازم الاعدادات تكون اعلي شى تتحمله البشره و قبلها كانت تستعمل ليى قوه 8

و كلمتها و استشرتها اذا تزيد القوه ل 9 و وافقت قالت نجرب و قولى اذا حسيتى بالم ما تتحمليه و جربت قوه اعلي وفالبدايه تاثرت بشرتى يعنى صارت متنفخه بشكل خفيف مع لون احمر خفيف لكنه كان محتمل و ولا سبب ليى تصبغات او حروق و استمرينا على نفس هذى القوه و مع الجلسات اللى بعدها صارت بشرتى ما تتاثر و اجد رابع جلسه بعد شهرين و شوى من ثالث جلسه و مناطق تقريبا صار ما يظهر مثل سيقانى و صار و اضح بالنسبه ليى المناطق اللى بالغلط ما ضربتها بالليزر طبعا منطقه صغيره يعنى بحجم دائره ضوء الليزر خامس جلسه كانت بعد 4 شهور من رابع جلسه قبل اسبوع من الحين و الشعراغلبه نما و طاح .. يعنى هو ما يطيح لحاله لكن لما امسك الشعره و اشدها على خفيف تطلع معايى بسهوله و بدون الم طبعا عدم ظهور الشعر كان بالتدريج و على مناطق متفرقه من الجسم .. يعنى كان جزء يستفيد اكثر من جزء لكن اقدر اقول 50 او اكثر من شعر جسمى اختفي .. و اذا ظهر في بعض المناطق يكون خفيف وفاتح

بالنسبه للمنطقه الحساسة

هى تقبل تسوى للزبونه او تعلم الزبونه تسوى لنفسها و تتركها بالغرفه لحالها و بدون تكلفه اضافيه و متوفر عندهم مخدر للبشره ممكن تحطيه اول ما توصلى تخلص هى باقى مناطق الجسم و بعدين تكملى لنفسش

 

4٬359 views

مركز رويال الطبي بالدمام ليزر