والله انني مفارق شعر الغزل
بس من شفتك و انا ببحرة غريق
كامل الاوصاف و الحسن اكتمل
كملك ربى و خصك بالخليق
من كحل عينك عيوني تكتحل
وان تناظر بى يجى بعيني بريق
القمر و ان شاهدك غاب و افل
يستحى فمحجر عيونك يويق
صورك ربى سبحانة و جل
تاج زين الكون بك و حدك يليق
القصايد كلها لك و الجمل
تستحق الشعر دامك تستذيق
ياصلك شعري و انا ما بعد اصل
كل ما اقدم دروبك لى تضيق
ارتويت الشعر فينى للثمل
وصرت اهوجس فقصيدى و استريق
ليتنى يازين فعمر الجهل
وليت ربى ما جعلنى لك عشيق
قبل اعرفك كنت مو هاوى غزل
ومن عرفتك شب فقلبي حريق