ابيات شعر شعبيه

 

ابيات شعر شعبيه 18880

شعر شعبى عراقي ابيات شعريه                                                                                                                                                                                                                                                              اجيك بلهفه و اتعنه و هملك


ولتضن يوم املنك و هملك


اذا ضنيت متاكد و هملك


لان ميصح مترهم صافي نية

ورد قداح اهديلك و جوري


وريدن ضيمى احجيلك و جوري


مرجو و العشك كمل و جوري


وشبه بركان حبك صار بية

انا الصياد و صادتنى شبكتك


دخيل الله شكثر روعة شبكتك


ادك عليك مشغوله شبكتك


كتلك بالجذب بس رمش علية

اخذ يمك گلبنة و بى تهنه


و طعام من زاد روحى و بى تهنه


حبيبي انت اهلنة و بيت =اهلنه


و اعز من الاهل طلتك عليه

ابطن الحوت يونس و نتة بيهة


المحاسن نسل منك و نتة بيهة


لا تحرك مهجتى و نتة بيهة


خوفى عليك مو خوفى علية

عليه انشد ياصاحب بعد ما بي


وجفن عيوني و شل دمع ما بي


اذا تنسانى شلى بعمري ما بي


شسوى بعمري اذا رحت من اديه

حرت ليهسة احبك هل لساني


وكل ميهل دليلى هل لساني


هلس و لله غيابك هلساني


وصفة جلد و عضم ساتر عليه

احجى شما ردت تحجى على كول


اصيل و ما اهم انه عل يكول


جنت هداف شو جابو على كول


وخساره عشرتك شوطين هية

يروحى اتمعنى ابوكتج و جربيه


وينشدنى الوكت جم نوب و اجربيه


ان جان الملح بية حوبة و اجربيه


اشعجب ملحى انكلب ضدى عليه

العشك موعيب بى رخصه و ذن بي


وذنب الكلب موذنبج و ذنبي


الكلب بى عين بى شفه و ذن بي


شافج و استمعلج صاح هيه

ابيك انه و ابد ما كول..
مابيك


يل كلك محنه و شين .
.
مابيك


غبت عنى و اكول شبيك .
.
مابيك


من اغيبن هم يظل بالك عليه

اجمل من العسل ياناس شفته


وبشارعنة العصر يتمشة شفته


هم يجى يوم اخلى شفتي على شفته


بعدين و الله اتمني المنيه..


وسفة الدهر شتتكم و طركم


حسافة ما كضة منهم و طركم


بذجركم ذلك انه اهذي و طركم


يعيد الله شتتكم جمع ليه


زمانى جرد اسيوفة و سنهه


عليه اوحرمت عيني و سنهه


وحق الي فرض خمسة و سنهه


بعد هيهات عيش ايصير اليه


حبيبي دك بذرعانة و لجتاف


بضلعى جاسى اللبى و لجتاف


رضينة بحبس دندوشة و لجتاف


وهي سجانى و تفتر عليه


مر و لفى ايهبتنى و مرة هبته


ومرة اوصلت يمة مرة هبته


طحت مقدر يصاحب مرة هبته


اسد يخسة الاسد ملقاة اليه


ابنار الهجر يامهجة دموعاي


علي مصابي السمة يمطر دموعاي


اشما هلن يدندوشة دموعاي


حسناتج تبدل بالف سيه


سريتوا بالضعن ياترف هاوين


جفيتونى و لعند الغير هاوين


هاميت يحلو الطول هاوين


حياتي و النظر اقبالك عليه


وحم الالف و اللامين و الها


روحى بهوي ساهى العين و لها


لها ثغر و جبين و عين و الها


خذ شبة البدر لو سطع ضيه


من مثلى دمع عيني يهلهه


سبب غالب على روحى يهلهه


وعلى تحيولكم ميت يهلهه


من تبدى ترد الروح اليه


حزنى عليك ما يبطل و ناحي


اسب اللامنى بودك و نا حاي


تبات الناس مستورة و نا حاي


ليلى و النجم يشهد عليه


وحك ايه عصا موسي و سينا


الك حثت رجايبنة و سينا


الك حسن النبى يوسف و سينا


الى و النور الك و النار اليه


يحادى روعت قلبي بلحداي


يخايب لفنى و ياهم بلحداي


اون طول الدهر حتي بلحدي


علي الساروا و خلونى شجيه


كل مغرم برت علتة و ناله


سعيد الي حضة بشخصك و ناله


الطارش من سمع نوحى و ناله


ترك شغلة و بجة رحمة عليه


الدمع نهران بخدودى كراهه


حبيبي سلب من عيني كراهه


ليش امحبتك صارت كراهه


اشبدة منى و تشمت اعداى بيه


روحى و الهوي و دنياى و عداي


على و شلون اشيل الجدم و عداي


صابر و انتظر و اشوف و عداي


ابفرح لو دوم و كتى محيط بيه


ابكثر ما نوح ملونى يراني


طحت و الشامت ابعينة يراني


يخوتى السبع من جسمي يراني


اكبال اهلى و عمامي اتشوف هيه


اف من زمانى اة منه


علي الي عشرتى و ياة منه


اكلة الدرب ذلك يكول منه


اكلة فوت بية يرد عليه


دمة دمع البيابي سال و انهات


عليك اكضى العمر حسرات و انهات


بهواك انه اعذلتنى الناس و انهات


ما خذنى الهوة غصبن عليه

المصايب بس على روحى تلافت


يقلبي اعلة النكر طيبك تلافت


اون و عطامي بهجرك تلافت


طريح و ساد دوب النفس بيه

عفانى جيف الى مهجة و لى روح


ادارى بالعلل كلها و لى روح


مانى بحال من يبكة و لى روح


ابحالك يالقطعت الوصل بيه

روحى مشت و ياهم و هامت


علي الما بينت منهم و هامت


اجفوف اعليك اطيرها و هامت


واخلى ادموم تجرى اعلي الوطيه

تهت محد من احباب على شار


ينجينى الذي شمسة على شار


حجيت المصلحة طلعت على شار


رجيت الغانمة صارت رديه

هذا الي لعند اعضاى هد هد


ملهى و ابد ما ينصاد هد هد


اكلة اقرب يقلى ليك هد هد


ارفع مشتهاك اشتظن بيه

ناحل و امشي امكابر تراني


اجلد خاف عدوانى تراني


تارة الموت يدهانى تراني


اصحة من يمر شامت عليه

قوم انصب يصاحب ما تم النه


علي الوياة ليلة ما تم النه


لون الرجل يملك ما تمنه


مهو بالهون فركاهم عليه

يصاحب لو تشوف اشلون كتماي


علي عيوني و يسح الدمع كتماي


اشما اقل للروح سر الهوة كتماي


تحن و تهيج الساكن عليه

تظن انساك و انتة الروح و اسلاك


سبب ما يوم منى انقطع و سلاك


اعيش انه عقب فرقاك و سلاك


معافى و الوشاه اعملوا بيه

هذا البية كنتم لايميني


وعذر ما فاد بيكم لايميني


لو تكتف يسارى و ى يميني


هذاك انه الهوي غالب عليه

اشمالك يازمانى على صليت


ابنار و حمسيت اجلاى صليت


مثل ما صلت ام عمران صليت


فنكحنى الهوة و ذبنى بنويه

مدرى لاتناشدنى على احشاي


بجيت و صب دمع عيني على حشاي


تبعت الضعن و كفوفى على حشاي


اشما ما ل الضعن روحى اتميل بيه

انام و شوك محبوبى يعاني


افز مرعوب و اتخيل يعاني


هلى الدمع مرخوصة يعاني


علي الي بالوصل شحوا عليه

نصحتة اولا نفع و ياة نصحاي


سكارة احنة بهواة ما بعد نصحاي


جفانى و صرت نصى ميت نصحاي


نحيل و لا اثر نكاد بيه

وحق التعبدة شيعة و سنه


ذولة الحرموا نومى و سنه


عليك اسيوف جردنة و سنه


علمك يلعبدت اشميت هيه

اعذرنى و الوكت عنك لهاني


بعزاك الزاد الى ابدا لهاني


تفر من البدن روحى لهاني


بسبب ما شالت التابوت هيه

 

  • ابفرح سعبية
  • ابيات اشعار عن الفقر
  • ابيات شعر
  • صوره شبه وابيات
  • كيف اخلي جسمي كول


ابيات شعر شعبيه