قالوا علامك صامت و قلت ياناس
كثر الكلام يقل لاجلة مقامي
الصمت و الحكى مصدر افلاس
ولقيت فصمتى يزيد احترامي
الصمت له معني و له ذوق و احساس
مركب نجاتك فبحور الظلامي
تري الرجل صورة من الراس للساس
ثم يتبين جوهرة بالكلامي
اما نطق فكلمه ترفع الراس
تضفى على شكلة جديد الاسامي
والا يعود معدنة معدن نحاس
يرمية سهمة بعد ما كان رامي
لا صار عندك من ثمينات الالماس
خلة بصدرك لين وقت التمامي
اخاف يطلعلك من الناس بلاس
والا سفية ما يرد السلامي
الله خلق خلقة على عده اجناس
وكلن يسوقة مذهبة للامامي
والله خلق بالطير قمرى و قرناس
ووقت الهدد ما ينغزى بالحمامي
لا جال فصدرك من الهم هوجاس
وعينك يحاربها لذيذ المنامي
ونفسك عليلة و الفكر صار محتاس
اترك طمان القاع و ارق السنامي
عليك بالعالى ليا هب نسناس
يبرى الجروح الخافية و العظامي
وخلك لربعك دايم الدوم نبراس
وخص القريب و خص ولد العمامي
خلك لهم فداجى الليل مقباس
ولصاحب اصدق من حقوق الغمامي
ربعك ذراك ليا لحق راسك الباس
قدم لهم شربك و لو كنت ضامي
وخلك لثوب الطيب و العز لباس
واترك دروب تنتهى بالحرامي
وفعل الرائع و واجب الضيف نوماس
ومن لا نفع بالضيق نفعة عدامي
بيت الكريم ابوابة بدون حراس
وبيت البخيل يعد كالهدامي
كل فيها الدنيا نصيبة بمقياس
ياخذ نصيبة لوجفوة الانامي
- أشعار عن الصمت
- خلفيات عن الصمت
