بيت اكتب مقال افيد به اخواتي زي ما استفدت منكم كتير و يارب اقدر افيدكم
كيفية سهلة و من مكونات بسيطة و متوافره معظمها بالبيت و غير مكلفه لعمل سنفره للجسم
اول حاجة افتحي ميه سخنه جامد عشان تحصلي على بخار يفتح مسام الجسم بس بالتاكيد ما تجيبيش على جسمك الميه السخنه اوي دي عشان ما تحرقش جلدك و ثم اغسلي جسمك عادي بالليفه و الصابونه و اشطفية كخطوه لتليين الجسم لاستقبالالسنفره و ثم هاتي طبق ستانلس صغير تكوني محضره به مكونات السنفره و هي عبارة عن التالي :
ارز مطحون و ده معروف انه بيفتح البشره و بيشيل الخلايا الميته ,
اطحنية فالبيت عادى
ترمس مطحون و بالتاكيد معروف بفوايدة للبشره بجيبة من عند العطار مطحون جاهز باتنين جنية بيديكي كيس متوسط يكفي كتير
ملح
لبن بودره كيس او كيسين على حسب حتعملي اد ايه
وباخر مكونين بنحصل على ملح حليب بدل ما تشترية و بالتاكيد كدة ارخص
بتجيبي كميات متساويه من جميع حاجة على حسب ناويه تعملي اد اية و تخلطيهم و تحطيهم فبرطمان كبير او صغير على حسب ما حتعملي انا بعمل برطمان كبير,
وشيلية فالتلاجه و لما تيجي تاخدي الشاور تاخدي البرطمان و تحطي شويه فالطبق الاستنالس على حسب احتياجك و تعصري عليهم لمونتين و تقلبي و ثم تاخدي بايدك و تفركي جسمك كله بحركات دائريه بحيث تكوني غطيتي جسمك كله بالسنفره و ثم تجيبي ليفه خشنه اي ليفه بس تكون خشنه مش لازم الليفه المغربي الى ب15 جنية و مش متوافره عند جميع الناس هاتي من اي محل بلاستيكيات او ادوات منزليه ليفه خشنه بتتلبس فالايد زي الجوانتي ب2,5 جنية ,
هي بالتاكيد الليفه المغربي اقوى بس لو مش موجوده مش معقول حنعفن يعني ,
حتقضي الغرض بردة ,
المهم,
تفركي السنفره على جسمك بضغط متوسط يعني خير الامور الوسط عشان الجسم بشرتة حساسه يمكن تستعملي الفرك الجامد لكعب الرجل و الركبه و الكوع و الظهر و الكتف و ظهر الرقبه عدا هذا بدرجه و سط ,
و ثم ركزي على مناطق ثنايا الجلد و هاتي قشر الليمون و غمسي فالخلطه و افركي المناطق دي ,
و ثم اشطفي جسمك بالميه الدافيه حتحسي بالتاكيد بفرق شاسع و ان جسمك بيزحلق كدة و نعم و افتح ,
و ثم خطوه اختياريه و هي عمل ما سك تفتيح و اروع شئ هو الطين المغربي نتايجة بالتاكيد معروفة فالتفتيح و التنعيم ,
الربع كيلو من عند العطار بخمسه جنية ,
هاتي شويه بطبق و اعجنيه بكوبايه زبادي و شويه ماء و رد او اعجنية بلبن مع حته كريم مرطب او فازلين عشان ما ينشفش و يتفرد عالجسم كويس,
وده يمكن تستخدمية على و شك انما السنفره لا جامدة عليها,
و ثم سيبية على اد ما تقدري المفروض لحد ما ينشف و ليكن تلت ساعة مثلا ,
بالتاكيد شئ ممل تقعدي مستنيه كده فاغسلي شعرك مثلا ساعتها ,
و ثم افركي الطين مش حقولك عالفرق الي حتحسية بجد قبل و بعد ,
و ثم اشطفي جسمك مش حقولك شاور جيل و لا معرفش اية ,
صابونه عاديه يستحسن صابونه طبيه لايف بوي مثلا مع صابونه كبريت رخيصه و روعه جدا جدا لانها مطهره بتقتل المكروبات و بتفتح الجسم مع الاستمرار و بتطفي الحبوب لو عندك بس رغيها جامد و افركي بيها و خاصة مناطق ثنايا الجلد ,
وبس كده.
بالتاكيد لو و اظبتي على السنفره مره اسبوعيا و ما سك الطين مرتين او حتي مره بالشهر ,
ان شاء الله حتحسي بالفرق و حتتعودي و حتتشجعي لان نتايجها روعه جدا جدا و بتبان من اول مره و بمكونات بسيطة سهلة متوافره و مش مكلفه خالص.
لو عجبكم المقال حبقي اكتبلكم ان شاء الله تجاربي الي حسيت انها جابت نتايج سواء فالبشره او الشعر
احبكم فالله و بطلب منكم الدعاء ان ربنا يفرجها على و على اهلي و على المسلمين اجمعين عاجلا غير اجل
- تمرين اشان جسم يكن جامد
- صنفرة كبريت الغور للجسم
