فلان الفلانى الي كان يومها جنبي
ساعة لما بداوا فضرب الرصاص
فلان الفلانى الي معرفش اسمه
ف دايما بقول يابن عمي و خلاص
فلان الي سابلى بقيت سندوتشه
ليلة لما شافنى بغنى و جعان
فلان الي مش فاكرة غير شكل و شه
فلان الي عداكى جوة الميدان
فلان الي فتشنى بالابتسامه
فلان الي قال هو فعلا حيمشي ؟
فلان الي قاللى طريق السلامة
ساعة لما قولنا زهقنا و حنمشي
فلان الي مرضيش ياخد منى اجره
ساعة لما قلت انني رايح مظاهره
فلان الي قاللى حيتنحي بكره
وحنفرح و نرقص و راح تبقي سهره
فلان الي بالفيسبا طالع و داخل
يجيب الي يتصاب من الضرب جوه
فلان الي بالضرب عند المداخل
يرجع صحابه..
و يستني هوه
فلان الي كان بيناولنى القزايز
ويقفلها بعد اما اعبيها جاز
فلان الي يشرب و يسالنى عايز ؟
فلان الي كان و شة مليان قزاز
فلان الي و زع عليك بطانية
ويسال “فية جنبك مكان على الرصيف ؟
”
فلان الي نازل عشان القضية
فلان الي نازل عشان الرغيف
فلان الي مطلعش جوة البرامج
وكان بس صوتة فقلب الهتاف
فلان الي روح طعام و استحمى
فلان الي ضايع فو سط ال الاف
فلان الي غرقلى خل الكوفيه
و شالنى ساعة لما جت طلقة فيا
فلان الي ما ت يومها تلزملة ديه
من ابن الفلانى الي جميع لحمة حاف
فلان الفلانى الي معرفش اسمه
ف دايما بقول يابن عمي و خلاص
