ماكل من يركب على الخيل خيال
ولا جميع خيل تعجبك هي اصيله
ولاكل من يعجبك هرجة برجال
بعض العرب ملسون و ايدة بخيله
الكل يلبس ثوب و شماغ و عقال
وعند اللزوم افعالهم هي قليله
الرجل تثبت له اقاويل بافعال
لاقال شئ و نفذة هو دليله
والرجل لاشفتة مع القيل و القال
ابعد عنه ذلك صفاتة عليله
والكذب خلة عنك ما فاد لو طال
قول الصدق ياصاح غنم و جميله
وخلك شجاع و ذى صفات للابطال
اللى كما سيوف تبارق سليله
واللى شراك اشرية لو كان بالمال
خلك معه و ان ما ل دور بديله
واصبر تري الدنيا تبدل فيها احوال
وما جميع شئ صافي تشوفة تجيله
وبعدالكدر تشرب صفا عذب و زلال
هذا الزمن به استقامة و ميله
وصاحب خليل لو جفا الوقت ما ما ل
تري الرجل يعرف بقيمه خليله
واقفل على سرك بكتمان و اقفال
بعض العرب يسمع و ينوى بحيله
وخلك امين اذا توليت الاعمال
من خان فيوم الحشر يا حليله
