يوم 23 سبتمبر 2020 الأربعاء 2:57 صباحًا

احبك موت كلمه مالها تفسير

صور

احبك موت كلمه ما لها تفسير

ولين اليوم ما ادري كيف افسرها

لاني من عرفتك و انا احسك غير

مثل روح(ن لقت روح(ن تدورها

كاني روضتك و انته سحابه خير

وصوتك لا هما روحي ابشرها

معك صار الغلا احلى بلا تبرير

لان الناس للناس الله سخرها

كبير انته بقلبي و بعيوني كبير

تغار العين من قلبي و اصبرها

وهم باسمك اساسا ما غلو تقدير

ونفسي بحلالك كيف اخيرها

لكلن وصف عندك يعجز التعبير

تعبت اتخيل اوصافك و اصورها

في قلبن من طبع ميلك افالي الخير

وانا الفرحه مع انفاسي اكررها

كلامك عذب و لحروفك على تاثير

مثل ياعونك الي من تعبرها

احس من شوقي و دي اخذك و اطير

والف الدنيا بحساسك و اعطرها

نعم لعيونك الي ما يصير يصير

اجيب النجمه لو بالك تصورها

وحتى النجمه لو جاتك فيها تقصير

اسافر للسما لجلك و اغيرها

 

810 views