يوم الخميس 11:41 مساءً 5 ديسمبر، 2019

احدث لفات الطرح للبنات الصغار


اغلب البنات النهاردة يهتمون بالحجاب يوازى او يفوق اهتمامهم بشعرهم،

 

و اصبح البديل للكوافير و البحث عن قصة جديدة او لون مختلف هو لف الطرحه بالوان زاهيه على اخر موضة..

 

اشكال ربطات على هيئه تسريحه شعر “ضفيره و كحكة”،

 

واما الاقمشه دى فيها كلام كتير “تل” و ”شيفون” “وترتر”،

 

الصبح و الضهر و في كل و قت…

المعادله الصعبة في كل الحاجات دى كيف اكون محجبه احترم “حجابي” و في نفس الوقت شكلى حلو ستايل على الموضه و مش “مبهرج” و لافت للنظر لدرجه تثير انتقاد الاخرين..

 

نصائح ذهبية لكل بنت محجبه كيف تتعامل صح مع الحجاب..

 

الوان الموضه في الايشاربات

 

لون الطرحه حسب لون اللبس و لكن اللون البنى هو الاساس السنه دى و بيدخل معاة البرتقالي, التركواز,الروز, الزيتى بدرجاته, البنى لوحده, البنى المحروق مع البنى العادي موضه جدا و استخدام الالوان الجديدة و تداخلها بيعطى نتيجة حلوة جدا..
هل البنى المحروق ممكن “يغمق” البشره و خاصة ان لوننا خمرى احيانا ما ئل للاسمرار؟

 

لا ابدا البنى جميل جدا مع كل الوان البشرة،

 

على فكرة انا عندي مبدا ان كل الالوان تليق على البشره السمراء
او البيضاء بنفس الدرجة،

 

حكايه ان الروز و الموف لا تصلح للبشره السمراء او الخمريه او انه “بيسمر جدا
دة كلام مش صحيح،

 

النهاردة ما فيش لون صريح..

 

الروز له درجات مختلفة و موجوده في كل انواع المكياج كمان الموف, و الاخضر..

 

المهم اختيار الدرجه من اللون القريبه من درجه لون البشره و اكيد هتكون مناسبه و لا تعطى نتيجة عكسية

– كيف تختارى خامه او قماش الايشارب صح؟

نوع القماش او خامه الايشارب تعتمد على نوع اللبس،

 

كمان فيه انواع من الاقمشه من المفضل نتجنبها حتى لو عجبك لونها او تطريزها او نقشتها..

 

من الاقمشه المزعجه في لبس الحجاب “الاوراجنزا الهايشة”..

 

ابعدى عن الاقمشه “الناشفة” لانها صعبة في الربط،

 

خلى عنيك على نوعيه الاقمشه الناعمه و الاقطان،

 

الحرير على قطن،

 

الشيفونات بانواعها كلها خامات حلوة جدا و مناسبه و عملية و التل كمان… باكد ان الايشارب مهم انه يكون عملى في اللف،

 

ممكن الايشارب يكون غالى و وحش في ربطتة و بعد شويه هتكرهى الايشارب و هتركنية على جنب بعد ما غرمتى ثمنه
نوعيه القماش المناسبه و العملية للبنت في الجامعة عشان يكون حجابها مريح و في نفس الوقت شكلها مش مبهدل

 

تختار الاقطان و الشيفونات المطفيه “بدون لمعة”..

 

الاقمشه دى بتستحمل جدا الحركة طول النهار،

 

فالاقطان فيها الوان كثيرة و اشكالها حلوة جدا،

 

و القطن على حرير فيه تطريز خفيف حلو كمان و موضه جدا يكون في طرف الايشارب تطريز او ترتر بس المهم يكون “Simple” جدا..

 

عشان الجامعة ممكن تختار الايشاربات الاقطان المخططه او المنقوشة،

 

فية مساحه تنوع النهاردة و الوان ينفع تدخل مع بعض تعطى شكل جديد في كل مرة.
والتطريز البسيط يعطي جمال و رقة
افكار لحجاب ممكن يناسب لفتره بعد الظهر او بالليل؟

 

 

ممكن تحتفظى بشكل ربطتك اللى بترتاحى معاها و المناسبه لشكل و استداره الوجة و تستخدمى اكسسوار مختلف..

 

حلق كبير،

 

سلسله فيها دلايه فيها حجر فيروزي،

 

خاتم فضى بفص ملون..

 

النهاردة ما فيش لبس محدد للنهار و اخر لليل،

 

مساحه الحركة تكون اضافه حاجة جديدة للبسك حسب وقت الخروج و طبعا المناسب للمكان.
ازاى البنت المحجبه تختار الربطه المناسبه لشكلها؟

 

 

لازم تعرف هي بتحب ايه،

 

الربطه التقليديه او الربطه “الاسبانش” المربوطه “على و را” عشان تكون مرتاحه و مقتنعه بربطه الايشارب،

 

و لو هي محجبه جديد ما تستعجلش على نفسها “شوية…..

 

شوية” مش معقول
هتقدر تلف الايشارب زي واحده متحجبه من زمان..

 

البنات بتكتئب و بتزعل قوي عشان شكل حجابها مش “مظبوط” عشان كدة لازم المحجبه جديد تلبس في الاول حجاب ربطتة سهلة و لا تستخدم انواع ناعمه جدا ممكن تتزحلق بسرعه و تظهر شعرها،

 

ممكن تستخدم الاقطان في البداية لانها بتثبت،

 

و عشان تلم شعرهاكويس جدا تلبس “بونيه” قطن و لا تظهره،

 

و مهمتة مساعدتها في تثبيت الايشارب و يمسك الشعر كله و تختار ربطه سهلة .

 

 

 

الربطه “الاسبانيش” موضه جدا،

 

ازاى نربطها “صح” خطوه خطوة….؟

 

 

اولا نلبس بونية قطن يلم الشعر كويس و بعد كدة نجيب طرحه مستطيله لون تاني،

 

فلوان البونية بنى محروق تكون الطرحه تركواز تبين جزء من البونية و نحط الطرحه الثانية بمحاذاه خط البونية و نربطها على و را كويس جدا و ممكن نجيب طرحه تانيه شيفون مثلا و تكون لونها بنى محروق و نربطها فوق التركواز،

 

بعد كدة نبين جزء منها زي ما عملنا في الخطوه السابقة و نربط كويس جدا،

 

بعد كدة نبدا في ربط اطراف الطرحتين البنى و التركواز بحيث ممكن نربط طرف الاولي مع الثانية و العكس،

 

و انت قدام المرايا هتلاقى نفسك بتربطي الاطراف،

 

و ممكن تبتكرى تعملى الاطراف “كحكة” او تعملى بطرف “كحكة” و تسيبى الطرفين نازلين على كتفك على حسب ذوق و شكل و جهك.
نصيحتى للف الطرح التقليدية؟

لازم تلبسى بونية قطن و تحطى الايشارب على حرف البونية عشان يختفى و تمسكى الطرف القصير بدبوس مشبك بالطرف الكبير و تلفى الطرف الطويل حول الراس و تثبتى بالدبابيس،

 

و بلاش اكتر من ايشارب في الاول..

 

كفايه لفه بسيطة.

ولو عاوزه تدخل الوان في اللفه التقليدية؟
زى ما قلنا البونية و بعد كدة الايشارب على حرف البونية و بعدها تمسك الطرف القصير بالطرف الطويل عند الرقبة،

 

و بعد كدة الايشارب الثاني بعدة بمسافه من الاول و تمسك اطرافة و تلف طرف الاولي و طرف الثانية في اتجاة واحد بشرط طرف يظهر لونة قبل الثاني،

 

او تحط الطرفين فوق بعض و تلفهم مره واحده و تحط دبابيس للتثبيتصورة احدث لفات الطرح للبنات الصغار
صور
لفات طرح تركية

صورة احدث لفات الطرح للبنات الصغار


1٬066 views