يوم 27 سبتمبر 2020 الأحد 7:45 صباحًا

حامد زيد الحلم

شعر حامد زيد

صور

 

مجموعة رائعة من قصائد الرائع حامد زيد، اترككم مع ابداعه:

ترى حفظ الامانه دين..مجبورة تردينه”

” اجل ، ما به احد قال لك((حفظ الامانة دين))؟!

مرد المقفي بيلفي..ويستوفي ،وتوفينه”

“بعدليله،ثلاثه،اربعه،عشره،شهر،شهرين

اذا انتي ،ماانتي بقد الكلام الي تقولينه”

“حرام…استامنك حاجة،واذا جيت اطلبك تنسين

تخونين،وتبين ارضى!..واحد يرضى تخونينه!”

“انا لاجيت اخونك،مع حبيبة ثانيه،((ترضين))!

من اول ما رجعت من السفر ما شفت لك بينه؟”

“وانا الي كنت احسبك قبل ادوس ارض المطار..تجين

تكونين انتي اول شخص عيني تحتضن عينه”

“وكنت اتخيلك من زود فرحة رجعتي..تبكين

واشوف بدمعتك حكيك..واعرفه قبل تحكينه”

“واجيب اجمل من الي بتحكينه،واتركك تحكين

تقولين:الوطن نور..واقول:بنورمضوينه”

“تقولي لي:غديت احلى،واقول:عيونك الحلوين

كلام نام بشفاهك..وخفتي لاتصحينه”

“ذخرتيه لغرام للي ينام…ويترك تصحين

تغانمتي غيابي..لين رجحتي موازينه”

“تعلم من يدك لمس الكفوف و علمك تجفين

وليتك لاقيه فيه شي…فيني ما تلاقينه!”

“مهو بغرور..لكن خابرك ما لك امل تلقين

تغافلك بغلا..والا الحلا مهو بمن زينه!!”

“تزينه الصور ..بس الصحيح ابن الحلال((زوين))!!

وانا ما ني بنقاص عنه يوم انك تبدينه”

“نصيبي..هو نصيبي لو يسددها من الصوبين

قنوع بمظهري،والسم ما يذبح ثعابينه ”

“على قول المثل((ماني حلو..لكني ما ني شين))!

اذا اهداك الزهر مره،فانا اهديتك بساتينه”

” و اذا الهاك بفرح ليله، فانا تهت لبكاك سنين

واذا استضعفتك املاكه…وشتتك ملايينه ”

” انا حتى فتات الخبزة اقسمها معك نصين

طموحي ،بس اجي و اظفر بشي تستحقينه”

“تدينته،تسلفته،سرقته،مومهم منين؟

كاني من كثر ما ارضى بكل الي تمنينه ”

” لو انك تطلبين الله ..يعنيني، بقول امين

انا ما العب على الحبلين،وقت الطيش و سنينه”

“تبين الحين يوم انني كبرت العب على الحبلين؟!

ترى عند البدو بالذات((عيب الي تسوينه))!!”

“حلاتك لاعشقتي..تعشقيني ليوم الدين

غرام نسكن ضلوعه…حشيمه من مجانينه ”

“جفا،يجمع معزتنا…ولاعشق يذل اثنين

كثار الي تحدوني و قالولي تحبينه”

“امانه..لاتخليني صغير بعينهم (تكفين))!!

لاني كل ما قالوا((تخون))..اقول:مسكينه”

“عليك الله و امانه..علميهم منهو المسكين

انا خايف((لياطاح الجمل تكثر سكاكينه))”

“وانا ما عاد بضلوعي مكان لطعنة السكين

مثل ما قالوا(المكتوب و اضح من عناوينه))”

“لو ارحل منك للغربه..بسافر من ظلامك و ين؟!

كفايه..كل حلم يمر برقادي تزورينه”

“كفاية…من تفارقنا..وانا ما غمضت لي عين

قبل يومين شفتك بالمنام و قمت من حينه”

“ونمت امس،ورجع نفس المنام الي قبل يومين



الجمهره

مشكلتي انني ما عرفت احسب لصدتهم حساب *** قلطتهم صدري على ذكري قصيد و حنجره

صوت يصول بمنبره و اخطاب ما مثله خطاب *** و الطيبه الي زعزعت صوت الخطيب و منبره

مافيه دمع صوبوه احبابي بوجهي و خاب *** و لازرق حزني على غالي و لافج انحره

كل الزهاب الي معي ذكرى من اصحاب الزهاب *** و الي بقالي من عذاب اشرس طريقي و اخطره

لاني تجنبت الغرق.. عديت من فوق السحاب *** لان اكثر اصحابي و رق..ماشفت للطيب اثمره

والله ما حطيت بين الحقد و الخوه حجاب *** حتى غدوا ربعي يحدوني على الضيق اشكره

اثر المصايب ما تجيك الا من الناس القراب *** و بهالزمن حتى الخوي الي تثق به احذره

لابارك الله برفيق تزعله كلمة عتاب *** و لاجمع الله الرجال الي تفرقهم مره

الصاحب الي ما يجي من صحبته غير العذاب *** نذر على ان ما هجرني و الا انا الي باهجره

من يفتح لفرقاي باب افك له عشرين باب *** و اذا خويي ما يقدر خوتي ما اقدره

عقب اكتئاب البارحه ما عاد انا حمل اكتئاب *** الطيب جرجرني و انا ما ني بناقص جرجره

اللي يخاف من الظما يترك لنا طرد السراب *** و الي ما هو بقد الظلام و وحشته لايسهره

انا تجرعت الظما لين احترق و جهي و ذاب *** انا كسرت بخاطري قبل الصداقه تكسره

انا اكثر انسان تعلم من كثر ما اخطا و صاب *** انا احدث لسان يتكلم بزمان الثرثره

جفني و جرحه السهر ، حيلي و هدت الصعاب *** دمعي هدر،ضحكي ندر،عمري و ضيعت اكثره

شيبت بعقول العرب..هيبت روس ما تهاب *** جمهرت ناس عمرهم ما يعرفون الجمهره

ماصرت ذيب الا لان الي تحدوني ذياب *** ما كنت اغيب الا لان العفو عند المقدره

ترى حلاتك لاحملت لصاحبك كلمة عتاب *** ان ما نطقت فيها بوجهه ما تذمه بظهره

ودك اليامن جاتك الغلطه من الناس القراب *** الصاحب الي ما كسبت محبته ما تخسره



انتي و لا شي

والله و صرتي تستهينين فيني

وانا الذي سويت لك قدر بيدي

تدرين و ش كنتي قبل تعرفيني

ان قلت لك كنتي و لا حاجة شوي

انا الذي فرشت لك رمش عيني

وعملت منك شي و انتي و لا شي

جيت اعشقك ما جيتك لك تحقريني

جيت اسكنك بسمة ما هو بسكنك غي

لا صرت عامل لك قدر قدريني

ترا الكرامة صفحة ما لها طي

ما دام ما جيتي غلا لا تجيني

نار الجفا عندي و لا الذل بالفي

والله لاهجرك قبل لا تهجريني

اجل تبيعيني و اجيلك برجلي

يا تتركين الكبر يا تتركيني

لان المحبة شي و المهزله شي

ان كانت الدعوة غلاي و حنيني

يمكن يزول الحقد و يشعشع الضي

لكن حكاية ينحني لك جبيني

في ذمتي ما ينحني لك و انا حي



اهل الجنوب

وعيني الي كل ما ذعذع من الغرب هبوب

يحلا لها لون الغروب الي يذوب قبالها

ويا و يل حالي كل ما يحلالها لون الغروب

تطري لي الريم اللعوب و سالفة ترحالها

وعز الله انني كل ما تطري لي الريم اللعوب

حرمت امد ايدي على حاجة و انا ما اقوالها

من سافرت ريم الفلا صديت عن كل الدروب

ما هو قصور بالعذارى بس ذيك لحالها

من فارقتني ما خطف قلبي من الحور محبوب

ولا لقيت الجادل الي تستحق احيالها

لان القلوب ان ما و فت لاحبابها ما هي قلوب

والعشره الي ما ترد الروح ما نسعى لها

اما الوفي الي يستر الرجال من كل العيوب

والا الجفى الي يستر عيوب العرب برجالها

ما اقسى من فراق الجنوب الا فراق اهل الجنوب

ويلي على الي كل ما تزعل تشد رحالها

اللي مذيره العتب لا شبت بصدري شبوب

عييت اراضيها و هي عيت تطول بالها

كانت معي مثل النصيب يحدني من كل صوب

كانت دروبي من متاهات الظلل لظلالها

كانت هروبي لا شعرت انني بحاجة للهروب

كانت سماي الي ليا ضاقت على الجالها

ليه اتحداني و انا بكل الاحوال مغلوب

ليه حرمتني من قهر عذالي و عذالها

ليه اتجاهلني و انا لاني جبان و لا كذوب

ليه ارخصت دمعي و انا الي ما بكيت الا لها

ما ترحم الي له سنه كانه على النار محطوب

ما هزها دمع الفقيد الي بكته اطلالها

ما خافت تهدم السنين الي بنتنا طوب..طوب

ما فكرت تشفق على حالي و ترحم حالها

قولوا لها لو ما تذوب انا بخليها تذوب

قولوا لها لو ما عنت لي مستعد اعنالها

اليا ادمحت لي هالخطا بدمح لها كل الذنوب

وان جابت الحسنى معي تبشر بعشر امثالها

افرش لها صدري وطن و اجمع لها ضلوعي شعوب

وارقى لها المكانه الي ما حد(ن يرقى لها

ان كاني مخطي فانا ما ني خلي من العيوب

الذنب يغفر و البشر تجزى بقدر اعمالها

البعد قاسي و الفراق يضيق الصدر الرحوب

وانا تعبت ادور الحيله و ارد احتالها

قولولها ترجع ترا ما ني على الحزن مغصوب

والا ترا نذر(ن على انه ما هو ب اشوالها

اما اجتناب هالهبال و تترك البعد و تتوب

والا بتبشر بالهبال الي ما هو بهبالها

كافي زعل ترا الظروف مقفله من كل صوب

وانا حملت من الهموم نوعياتها و اشكالها

يكفيني انني كل ما هبت على صدري هبوب

تحن عيني للجنوب و تلتفت بلحالها

والمشكلة انني كل ما حنت عيوني للجنوب

تطري لي الريم اللعوب و سالفة ترحالها

وعز الله انني كل ما تطري لي الريم اللعوب

حرمت امد ايدي على حاجة و انا ما اقوالها

485 views