يوم الأحد 1:04 مساءً 25 أغسطس، 2019

طريقة تورتة بالصور

صور طريقة تورتة بالصور

نبدتي الاول بعمل الكيكه الاسفنجية

مقادير الكيكه الاسفنجية(لصينية 30

– 12 بيضات مفصولين البياض عن الصفار)
– 300 جرام سكر مطحون اوزن السكر الاول و بعدين اطحنه السكر الخشن بيهبط الكيكة)
– 400 جرام دقيق منخول مضاف عليه ملعقة نشا كبيرة
النشا بيطري الكيكه)
– فانيليا

– 6 ملاعق مية من الحنفية يضاف عالصفار)
-ملعقة خل كبيرة يضاف عالبياض باكو بيكنج بودر

الطريقة:
– طبعا استخدام كوب المقياس المدرج هو افضل حل بتكون المقادير مظبوطة جدا
– مرحلة التجهيز اهم من مرحلة الاعداد لانها بنسهل و تقلل الخطوات و تخليكى تركزى في مراحل ضرب البيض و اهم حاجة في التجهيز هي
– يبات البيض في الثلاجة قبلها بليلة و يفصل قبل عمل الكيكة تقريبا بساعتين و يترك ليصل لدرجه حراره الغرفه
نجهز الصينية بدهنها بسمن سايح و فرش ورق زبدة من القعر و الجوانب ورق الزبدة اسهل من رشة الدقيق باضمن بيها ان ما فيش نقطه سمن توصل للكيك و تهبطة و كمان و هو ده المفيد اسهل في فصل الكيك عن الصينية من غير ما حاجة تلزق في قعر الصينية – ينخل السكر البودرة و يقسم لنصفين نصفة يضرب مع الصفار و النصف الاخر مع البياض
– ينخل الدقيق و البيكنج باودر بعد و زنة و يمكن اضافه ملعقة نشا و خصم و زنها من الدقيق-نضع صفار البيض في و عاء و نخفق بالمضرب الكهربائي على البطيء ثم على السريع ثم نضيف نصف كميه السكر تدريجيا و الفنيلا و ملاعق الماء ال6 و نستمر في الخفق لمدة خمس دقائق تقريباحتى يتضاعف حجمة 3مرات و يتغير قوامة تماما يصبح ابيض و كثيف جدا جدا كانة كريمه-ضعى الصفار المخفوق في و عاء و اسع و اغسلى العجانة و المضارب كويس جدا و نشفيهم جامد و ابداى في ضرب البياض اضيفى باقى كميه السكر ستجدين انه اصبح يكون رغاوى زي الصابون زودى السرعة الثانية و اضيفى ملعقة شاى خل يثبت القوام و يبيضة اكثر
اضربى على اقصى سرعة و ادخلى الجوانب بملعقة بلاستيك نظيفة و جافة استمرى في الخفق حتى يتحول لميرانج

]-نضع الميرانغ على جنب .

 

.

 

ثم ننخل الدقيق تدريجيا نصف المقدار اولا ثم النصف الاخر على صفار البيض و نخلط بواسطه ملعقة خشبيه او بلاستيكيه حتى يتجانس الدقيق مع صفار البيض .

 

 

-بعد ذلك نضيف الميرانغ بياض البيض المخفوق بالسكر و المثبت بمعلقه الخل نصف المقدار اولا ثم النصف الاخر .

 

.

 

و نحرررررررص في هذه المرحلة ان لا نخفق بشده .

 

.

 

ما نريد عملة هو مزج الخليطين مع بعض قلبي بهدؤ الهدف هو خلط المكونان من دون ما نفقد جزيئات الهواء المتجمعه في بياض البيض الذى كلما حافظنا عليه كلما زادت نسبة اسفنجيه الكيكه .

 

.صبى الخليط المتجانس في الصينية المدهونة و زعية بالملعقة الخشبية و ساوية جيدا – ثم ادخليها في الفرن سبق تسخينة لدرجه 180 لمدة 20 دقيقة قبل الخبز في المنتصف و اقفلى باب الفرن بلطف دون حدوث اي ارتجاج ,تستوي خلال 40 دقيقة ان شاء الله ودة شكلها بعد ما طلعت من الفرن

اولا لازم تسيبى الكيكة تبرد شويه قبل ما تشيلى الورق من عليها او تطلعيها من الصينية و تتاكدى اصلا انها استوت جيدا قبل خروجها من الفرن عشان ما تهبطش
برديها كويس على منخل سلك و بعدها نقسمها على حسب السمك انا قسمتها 3 طبقات

*ندخل بقي على المهم طريقة عمل العروسة

– نحضر بوله استيل او بيركس دة شكلها

ودة و هي مقلوبه – على حسب مقاسات البوله حضرت دواير من الورق المقوي متدرجه في المقاس عشان اقص عليها طبقات الكيكه و ممكن تستعيضي عن دواير الورق المقوي دة باطباق لها نفس المقاسات , انا حضرت دواير بقطر10 ,13 ,16 ,22,19 سم

بس الدايره اللي قطرها 22 سم دي طبق مسطوح هيبقي قاعده التورتة – نضع الدواير على طبقات الكيكة

ونقصها على مقاسها

هنحصل على 5 دواير متدرجه القياس

والباقي طبعا من الكيكه تعملي بية احلى بورفيترول او ترتيفل نبطن البوله بكيس بلاستيك

لمنع الالتصاق و نبدا في رص الطبقات نبدا باصغر طبقه كيك

وبعدها كريمه و مكسرات و هكذا لحد اخر طبقة

وبعدها نقفل الكيس على اخر طبقه و نضع الطبق المسطوح قاعده التورتة على اخر طبقه و نضع ثقل عليه كيس سكر مثلا

وتبات كدة في التلاجه عشان تتماسك و تاخد شكل القالب

 

نشيل بعدها الكيس البلاستيك هنلاقيها بقت شكل القالب بالظبط

وبعدها نغطيها بالكريمة

 

ونجيب عروسه و نشيل هدومها و نلفها لحد و سطها بالفويل و نلف شعرها برضة عشان الكريمه ما تبهدلوش

 

ونعمل خرم للعروسه بالسكينه في و سط التورتة عشان نحطها فيه

 

وبعدها نكمل زينه التورتة و نعمل فستان العروسه و كل واحده و مزاجها في لون و شكل الفستان انا عملتة بالابيض و البمبي عشان بنتي بتحب البمبي جدا و ضيفت بودره جيلي فراوله للكريم شانتية عشان يدي اللون البمبي و كان مدي طعم الفراوله للكريمه و كان شكلها رقيق قوي و دة شكلها بعد ما خلصت

 

واللي على و سط العروسه و الفيونكه بودره جيلي فراوله رشيتها مباشره على جيبه العروسه كانت مديه لمعه و منظر جميل ودة شكلها على السفره من كل الاتجاهات

404 views

طريقة تورتة بالصور