اخواتى اليوم جبتلكم نوع جميل من القريوش
وهو كنت شفتو البارح فقناة سميرة
قلت نسييه
جربتو جا هايل و جربوة على مسؤوليتي
العجينة
1كلغ فرينة
علبه ما رغارين نتاع250غ او صومعة
1مغرف كبار خميره الخبز
1خميره نتاع القاطو .
.كيميائية
1مغرفه فاني
1بيضه كاملة
ماء
الزيت و العسل
كيفية التحضير
اخلطى كل المواد الجافة
تذوبى كميه الزبدة و تصبيها فوق الفرينه و تخلطى مليح حتي تولى كحبيبات الرمل تزيديلها البيضه و تخلطى و زيدى و الماء و تلمى حتي تتحصلى على عجينه ما شي طريه بزاف لا زم تدلكيها مليح
وتخليها ترتاح على الاقل ساعتين
ولا تقدرى تخليها تبات احسن
كل ما تركح جميع ما يجيك لقريوش مليح
قسميها لقطع متوسطة و حليها بالرلو بعدها بالمشينه نتاع العجين رقم3 قطعى منو حبات بطابع المارغوريت المتوسط و الكبيروالصغير كى تكمليها حطى ما رغوريت كبار و ادهنى الوسط بشويه بياض بيض و زيدى و حده كبار و زيديه و حده ثانية كبيرة
لازم ثلاث و ردات و خالفى الريوس على بعضاهم و زيدى و حده متوسطة و فالاخير و حده صغيرة
وثبتيها بحبه لوز او كاوكاو حسب المتوفر الي عندك
ولما تكملى كل العجينه اقليها بلون ذهبى و خليها تبرد ملييح
ثم عسليهاوديرى فوقها البيستاش او الجلجلان و كانت النتيجة رائعة
نخليكم مع الصور
- قريبش بالمشينة
- قريوش 2019
- قريوش الوردة طريقة مع الصور