ياصقر و اهنيك لك جناح تطير ……. لى طرى لك نزعت وطرت يم الهوا
بين قلبي وبينك فرق والله كبير ……. لى كفخت انطلقت ولى كفخت التوى
انت حايم وانا بالقاع دوبي اسير …… في صحاري زماني ذيب ليلي عوى
فوق جوك سحاب وحدر جوي هجير …. القدم فوق رمضا والخفوق التوى
الحذر يا صقر لا يشبكونك اسير …… ويل صقر يتله مربطه لى نوى
برقعته الليالي فوق وكر قصير …… عقب صفقه جناحه بالهوا لى اهتوى
كل حر الى ضاق انتهض للمطير …… حومته بالسما ساعة لقلبه دوا
واعذاب الجناح اللي يجره كسير …. كلما فز مكسور النواهض هوى
