جبت لكم قصص بنات ليلة خطوبتهم وزواجهم كيف ينزل عليهم الهبل
الله لا يبلانا
1- وحده جاب زوجها لها تمر وجلس ياكلها حبة حبة … طبعا البنت استحت منه
تطلع نواة التمر قدامه قامت تبلع وهو يعطيها واختنا في الله
تبلع الى ان انتهى بها الموضوع في المستشفى..!
2- وحده جا خطيبها يشوفها وطبعا هي خجولة جدا.. وفيها حيا كثير!
المهم دخلت عليه وابوها كان موجود فجاة دخل خالها وبعدين عمها وشوي يدخلون خوانها كلهم
_يا حبيبي _ صار المجلس مليان ناس وكلهم عيونهم عليها ومن يوم شافتهم المسيكينة متجمعين
وكان يغمى عليها…!!
3- وحده جات بتخطب صديقتها لاخوها عزمتها في بيتهم وقالت لاخوها طل عليها من الشباك
وشفها اذا اعجبتك نخطبها لك .. وافق اخونا ما كذب خبر ولما جات البنت عطتها
شوكولاته والبنت رفضت تاخذها وهذي تلزم عليها والبنت مصرة ما تاخذ .ولما طلعت تسال اخوها
عن رايه في البنت .. الاخ شاف البنت وهي تخش الشوكولاتة في شنطتها ..ولما سالته
اخته وش رايك؟ قال موافق على طول وتم الزواج ..!
وفي ليلة العرس يسال الزوج البنت : وين الشوكولاتة اللي خذيتيها من بيتنا؟؟؟ “ما ترضين
واحد ياخذ من بيتكم شي وما يستاذن”..!!
4- واحد في ليلة عرسه جالس في زاوية وزوجته في زاوية يكلمها وهي مستحية وتطالع
الارض .. ينطل نكتة (يستهبل) عليها .. البنت ماش تطالع في الارض ولا كن فيه
احد جالس جنبها…!!
الولد من كثر ما يكلم نفسه وبنت الناس ساكته ..قال ياولد خلني اطنش واسكت شوي
.. فجاة اصدقاء الرجل قالوا لازم نكد عليه ليلة
زواجة (والله الغثاثة) ونحرجه قدام زوجته .. المهم قام واحد منهم واخذ
حصاة وحلتها بها الشباك …عاد تخيلوا سكون البنت وصمتها وصوت ضربة الشباك _قوية_ كانت مفاجاة
للبنت اللي يوم سمعت الصوت ومن الخوف والرعب طمرت وضمت زوجها من الخوف …الرجال استانس
واعجبته الحركة ترك البنت على جنب وطالع من الشباك لقاهم اخوياه صاح لهم وقال :ثانية
شباب ثانية..الا وحدة حصاة في راسه …ويا ليل ما اطولك ….وصارت البنت هي اللي تداويه
ذيك الليلة وتنظف جروحه
راح الحيا وراح الخجل .. والسبب حصاة….!!!
5 وحده اول مره بتشوف الي خطبها ويوم قالها ابوها يالله ادخلي المجلس دخلت ومن
قوة الحيا دخلت وسلمت على اخوها
6 واحد وده يتزوج وقال لامه دوري لي وحده دلوعه وشكلها بيبي فيس وجسمها صغيير
وشعرها طويل واهم شي مو دبة
وكل مرة يروح ويشوف البنات ما يعجبه الشكل ,
وفي يوم لقت الام وحده وقالت له روح وشوفها يوم راح ودخل المجلس جلس علا
الكنب وقال ابوها لبنته يالله ادخلي يوم دخلت وجلست علا الكنبه الي جنبه وشافها
من قوة الفرحه وانا طلعت زي مايتمنى اخونا ماقصر قام وباس البنت قدام
ابوها
