نزعل ونتكبر وحنا من الطين
والكل منا صد لا اقبل خويه
نفخر نقول انا على الصد قاوين
وهي علينا في الحقيقة قويه
ننسى نهايتنا وعلى وين ماشين
وننسى الزمان اللي جمعنا سويه
المشكلة ماهي ب حاجة ل تخمين
ولاهي بعد ياناس صعبة القضيه
دق الرقم : كيفك هلا فيك واهلين
انا الخوي اللي مزعل خويه
قله : تغيب وصورتك داخل العين
ويبقى ل حبك في خفوقي بقيه
اخوان حنا لو يجي بيننا شين
و مانفترق دام المحبة نديه
خلك قوي لاتحتكرك الشياطين
قبل الفوات وقبل وقت المنيه
كلم اخوك ب اطيب الهرج واللين
واعرف جميل الهرج يمسح رديه
هذي هي الدنيا من الحين ل الحين
لابد بين الناس تحصل خطيه
ومن لايقدر غلطة احبابه الحين
يقرا حروفي ويعتبرها هديه
باكر تمر سنين وسنين وسنين
والكل يرحل في الدروب المديه
صدقني تندم واذكر حروفنا زي
تندم على خلك اذا غاب ضيه
دنيا غريبة واكثر الناس ماشي
وكم صاحب والله دفنته ب يديه