احبك موت كلمه مالها تفسير
ولين اليوم ماادري كيف افسرها
لاني من عرفتك وانا احسك غير
مثل روح(ن) لقت روح(ن) تدورها
كاني روضتك وانته سحابه خير
وصوتك لا هما روحي ابشرها
معك صار الغلا اجمل بلا تبرير
لان الناس للناس الله سخرها
كبير انته في قلبي وفي عيوني كبير
تغار العين من قلبي واصبرها
وهم باسمك اساسا ماغلو تقدير
ونفسي في حلالك كيف اخيرها
لكلن وصف عندك يعجز التعبير
تعبت اتخيل اوصافك واصورها
في قلبن من طبع ميلك افالي الخير
وانا الفرحه مع انفاسي اكررها
كلامك عذب ولحروفك علي تاثير
مثل ياعونك اللي من تعبرها
احس من شوقي ودي اخذك واطير
والف الدنيا بحساسك واعطرها
نعم لعيونك اللي مايصير يصير
اجيب النجمه لو بالك تصورها
وحتى النجمه لو جاتك بها تقصير
اسافر للسما لجلك واغيرها
