الموضوع دة ينفع للمخطوبين واللى فى بدابة الجواز
علشان ياخدو الموضوع كدة من اوله
اولا احنا لازم كلنا نحس اننا بنات رقيقة
لازم الاحساس دة يبقى واصلك
علشان تبداى تتعاملى برقة كدة ونحنحه
وهنشتغل بالاكتر على الرااااااااااااااااااااجل
هوة دة الهدف ههههههه
زوجك الحبيب
اولا لازم معاه صوتك يبقى واطى ورقيق
وطفولى
هتقولولى ازاى هقولك اسمعى
يعنى مثلا يناديلك يقولك يا حبيبى او ياحبيبتى او يا اسم الدلع
تردى تقولى نحم
او مثلا كلمة خالص اانطقيها خالس خالس
كلمة ازيك فى الدلع اسيك حبيبى
واحشنى فى الدلع وشحتنى خالس خالس
كويسة لما يسالك عاملة ايه تردى تقولى حلوة
مش عارفة فى الدلع تقولى مش احرف او مش احلف خالس
مش عايزة فى الدلع تتقال مش حايز
انا مش بحب فى الدلع مش بحب انا
لا فى الدلع تتقال الاة
نيجى بقى لشغل البيت
اوعى تفتحى اى ازازة متبرشمة ولا جامدة ولا حتى يعنى نص نص
نادى عليه قوليلة حبيبى انا مش اعرف افتح دى
جامدة خالس
افتحهالى بس بدلع كدة ووقفه معووجه
لازم تحسى برقتك وضعفك وان معاكى هيروووووووووووووووو
علشان توصلى لدرجة الدلع دى
اى تنقلات فى البيت اكيد فهمتى قصدى
متشليش حاجة تقيلة نهااااااااااااااااائى
ومتنقليش حاجة
ولو طلب منك قوليلة حبيبى انا مش اقدر
انت جامد خالس اعملها انت
لو حصلتلك حاجة فى المطبخ ودة كل شوية يحصلنا
نتلسع نتخدش فى السكين
حجات من دى اذا حصلت
تنادمية وتقوليلة وجعانى اوى مش قادرة
نيجى للقعدة
تقعدى ضهرك منصووووووووووووب
اتعودى انا مكنتش واخدة بالى من الحوار دة
اه القعدة وانتى تانية ضهرك هتحسيها بتريحك اكتر
بس اذا مرة على مرة اتعودتى
هتلاقى بترتاحى وانتى ناصبة ضهرك اكتر
ورجل على رجل
او اقعدى بطريقة بناويتى كدة رقيقة
بلاش القعدات اللى شبة قعدات الرجالة
نيجى بقى للبس
هنا مواضيع كتيييييييييييييييييييييير اكيد عن اللبس
مش هحتاج انى اتكلم فيه او فى الدلع بتاعه
اللى اقدر اقولة بلاش لبس البروشات العبايات اللى مش لذيذة دى
غيرى كله ببجامات دلع
وبنطلونات على باضيهات وبرمودات
والعبايات خليها عبايات شيك للاستقبال بس
شعرك بقى وضبيه
ولاااااااااااااااااااااااااازم تقصى القصة بتاعت شعرك
ولو شعرك مش ناعم اوى اغسليها وادهنيها كويس
واقسميها نصين يمين وشمال
ولفيهم ببكرة
وتانى يوم افلتى البكرة وهتشوفى القصة شكلها ازاى
وشوية توك كدة حلوين ودلعى نفسك
خليكى مميزة يعنى مش اى حاجة تتقلد لا ابتكرى
ولما يقولك على حاجة حلوة فى التليفزيون ولا فى الشارع على وحدة
طلعى فيها العيوب الفطسانة
بس مش فى وقتها علشان ميحسش انك بتغيرى
وقتها تقولى انا احلى
يعنى بمعنى اصح خلى ليكى شخصيتك
اعملى حاجة لنفسك يعنى اقرى كتير دايما اخرجى اشترى كتب تقريها
لازم يحس ان فى هواية ليكى انتى بتعمليها
يعنى متغيرتيش قبل الجواز زى بعده
متخليش الجواز ياثر عليكى
العبى رياضة
اهتمى بصحتك
هاتى مجلات
كل دة هيحس بشخصيتك وانك مميزة
الرجالة بتحب الحجات دى
وغير الرجالة لنفسك هتحسى انك مبسوطة اوى
وغيرك من اللى حواليكى ممكن يقلدوكى
