خلقت لي شموخ وهامة
ماطالها طويلين الانفاس
وكونت لي عرش رفيع مقامه
مايوصله جن ولا يوصله ناس
ورفعت نفسي فوق هام الغمامة
اشوف زلات البشر وارفع الراس
واليوم كلن خصني باحترامه
واللي معاديني بالاقدام ينداس…
انا لاجتني الزله من الجاهل وهو كذاب ..!
.. تركت القافله تمشي وراها تنبح كلابه ..!
ترى بدري على مثلك يعيب وساسه معياب ..!
ياليت اللي يعيبني يحاول يستر ثيابه
ما عشقت تراب رجلك**ولابنيت احلامي لجلك**في حياتي شي اغلا **من ضياع انسان مثلك
افضل بصمتي اموت ولا اشكي لك حالي
جرح السكوت ارحم ولا تضحك على دمعتي
ياولد طبعي ماترجى مقفين
من صد عني حالف ماترجاه
ننسى هوى من لايبينا محبين
ننسى غلاه وباقي الود نمحاه
ننسى هوى من باق عهد المحبين
ناقض عهود الحب لابد ننساه
نعلن جفاه ومن غرامه متبرين
فراق حبه عزة النفس ورضاه
قلب ذبحته بالغدر صار ينساك
والنفس عافت من عذابك وعدها
انا الذي تلعب بقلبه وخلاك
وانا الذي عنك المواجع حشدها
باحرق بقايا مابقا من خطاياك
واطوي صروح بالحشا تعتقدها
ياشينها لاصرت للناس محتاج تصغربعين الناس من شان حاجه
مايخلي حالة الرجال حاله غير بنت في مواقفها رجوله
لاتفرحين بضيقة الخلق يابنت بكره تبدل ضيقتي بابتسامه
السيل يبقاله مع القاع مجرى ويبقالك التذكار لو كنت فارقت
توقعت ان بفراقك تقوم الدنيا وتقعد واثاري الفرقى عاديه ولا حسيت بفراقك
قالت بمشي قلت عفوا”على وين
قالت بقفي قلت مرواح جدي
وش صار يعني لابغيتي تقفين
باموت يعني لانويتي بصدي
انا قوي الباس ماني بمسكين
واموت في شيء اسمه تحدي
انا العزيز ولاهمني لو تجفين
بترجع ذليل وتحب راسي ويدي
تحسب اني بجي عندك حبيبي وانحني لرضاك
ورب الكون ذا بعدك ولا يمكن اسويها
انا طبعي عزيز النفس مهما دارت الافلاك
بمشي نفسي بكيفي ابد ما احد يمشيها
محبة ما ابي منك محبة لو تجي برضاك
ابلعنها وبلعن كل شخص لي يطريها
من مد لي يمناه مديت له خمس ومن صد عني عفت شيفت بلاده لاني عزيز
وعزتي تحكم النفس والنفس ماترضى بهون المكاده
(( من باعنا برخيص بتراب ينباع .. ومن عافنا كل الجوارح تعافه ماني بحاجه حب
راعيه خداع .. والحب ماهو بالغصب والكلافه ))
(( مابيني وبينك مشاريه وعتاب::شف دربك اللي جيت منه تدله ماراح تغلبني لو الحب غلاب::من
حضرتك عشان قلبي تذله ))
(( قولي لهم ياعزوتي ماعابنا موت النخيل .. !!…….. اللي يوافيهاالاجل ..تموت لكن واقفه ))
انت عمري وابتساماتي والعذاب……..وانت من غيرك ترى ماني محسوب
مثل صفر خالف ارقام الحساب……….في شماله تاه يبحث عن جنوب
لو تناديني وانا وسط “التراب”………جاوبك عظمي ولو قبري “عميق”
الروح ولهانه على شوف شرواك……وان ما حصل قلنا عليها السلامي
القلب واحد والمشاعر ترجاك………..ترجي وصالك يا رفيع المقامي
تبقى رفيق الروح والروح تفداك…….ويفداك عمري يا رفيع المقامي
يا صاحبي فرقا الحبايب كليفه…….والبعد من بين المحبين حراق
يا صاحبي لولا الظروف العنيده……ما طاحت يديني على بيض الاوراق
يوم السديري قالها في وليفه……..”ياليت ربي ما خلق حب وفراق”
وصلك مثل غيم الربيع استخيله……..وانا على باب المحبه رجاوي
حاولت قربك مالقيت الوسيله………..انا اشهد اني بالمحبه شقاوي
مالي على ما يجري اليوم حيله……..ولاني على بعد المحبين قاوي
انا غرب واللي خاطري ينتحيله شرق……….بعيد وطن مظنون عيني عن اوطاني
حصل في غروب الشمس بيني وبينه فرق…..عسى الله يقرب دار من حبه اشقاني
بنيت لك بالقلب قصر من الماس…….ما ينهدم لو حاولوا يهدمونه
عليه يوقف وسط الابواب حراس……ممنوع قصر تسكنه يدخلونه
امر تدلل وش تبي دق الاجراس…….حنا حرس قصرك وحنا عيونه
وقتي معك ما ينحسب بالدقيقه………وقتي معاك بفرحة العمر محسوب
بسمعي لصوتك تنفرج الف ضيقه……ولاشقت زولك ما بقى بعمري كروب
وصلك يبلل خافق جف ريقه…………حرام لو هو معصيه ما اشبع ذنوب
يا صاح دمعي من عنا البعد همال……..شوف الليالي كيف هزت زماني
ما جيت ابي منك ملايين واموال………ربي وهبني للنعيم وعطاني
جيتك رفيق سابقه حلم وامال…………راجي وصلك ولا ابي شي ثاني
عهد قطعته ابد ما انساك…….عهد علي اوفيه واوفيك
من يوم قلبي صار يهواك……والفكر دوم بشوق يطريك
لا تفتكرني بيوم بجفاك……….وانسى ودادك او اخليك
افداك وافدى بسمة شفاك……وادعي الهي لي يخليك
طالت الغيبات يا غالي علينا……..لو يطول البعد ما والله سلينا
المشاعر همها لحظة لقاك………يا كريم النفس مثلك ما لقينا
لك معزه زادها عندي وفاك……..ليت قربك يا هنا العمر بيدينا
ما هو بكيفي اعلن الحرب وياك…………..لو قال عقلي قام قلبي يصده
والله احبك صدق وش فيك وش جاك؟…….ابغي محبه بس من غير شده
ولا جاك غيري لا تحبه اذا جاك…………..تكفى طلبتك..لعنبو جد جده
يفداك يا خلي سلاح الاشاره…………..والهندسه واركان حرب المغاوير
ويفداك من علق على الكتف شاره……ويفداك سرب كامل بالطيايير
ومن نام ليله وامن في نهاره………….ويفداك من يمشي على الارض ويطير
الضحك ما هو علامة مستريح……..والبكا احيان ما يوحي بحزن
وان بكيت يجوز ابكي من صحيح……من جرح من ظلم من صدمة زمن
او يجوز ابكي على شان استريح……او نتيجة شوق او زود الشجن
احسن التفكير وافهم يا مريح……….ان قلبي فيك هايم ممتحن
حبيبي شالذي عاقك…….وغير في الهوى مبداك
احيده ايحن خفاقك………ومن هذا انا اهواك
رميت بقلبي اعواقك…….وتمنعني اجيب ادواك!!!
حاولت في قلبي وانا اقول بنساك…….واعيش دنيا في حياتي جديده
اثر الغلا ما تعجبه غير دنياك………..والقلب غيرك ما سكن في وريده
اشتقت لعيونك وصوتك ونجواك………واشتقت لظروفك ولو هي عنيده
اروي ضمى غيري وانا يابس الريق……….واضحك واجامل ولو ماني برايق
وان ضقت اسلي خاطري بالطواريق……….واستلهم الفرحه لنفسي دقايق
وان شا فتك عيني ولو في خاطري ضيق…..انزاح هم القلب واقفيت رايق
رحبت انا برساله من معاليك………………منها كثير الهم والغم ينزال
ترحيبة باسمك ورقمك وطاريك……………حيثك بوسط القلب والفكر والبال
ما غبت عن بالي عسى الرب يحميك……..لا والذي نزل تبارك والانفال
ينساك ناس ما توقعت ينسونك…….ويذكرك شخص تحسبه عنك ناسي
ما دام قلبي لك شفوق وميلاف…….وراك يا خلي قليل المروفه
عزالله اني للمخاليق عياف………..الا انت ياللي هيمت بي طيوفه
في غيابك صار لي شي كثير………قصتي قصه وكيف ابدى بها
طال ليل كان بعيوني قصير………..وكل ذكرى دق فكري بابها
وضعي اصبح بعد غيبتكم خطير……والليالي ما حسبت حسابها
يا وداد النفس يا حبي الكبير……….يا مناة الروح واغلى احبابها
بسالك ليه الهوى منك وفيك؟
ليه المشاعر ما تعيش الا بساعة شوفتك؟
ليه المحبه والوفا وابيات شعري تهتويك؟
ليه انت وبس اللي اموت ببسمتك؟
تدري لو مره اقول اني كرهتك ما ابيك؟؟؟
يرجع لي صوت الصدى يقول الله ما اكبر كذبتك…!!
اكبر عيوبي ما اتحمل غيابك…….لا غبت عني كل هم ندبني
عطني جواب الله يخلي شبابك……قلي وش اللي فيك غصب جذبني
انت سؤال الحب وانا جوابك……..انا كتبتك والغلا لك كتبني
قالوا هلي وشفيك ما ترقد الليل………….ترى السهر ماله عواقب حميده
كانك مريض روح واعمل تحاليل………..يشرح لك الدكتور وصفه مفيده
قلت انشدوا راعي الرموش المظاليل…..اليوم صار الحل والربط بيده
تامر على روحي عسى الروح تفداك……يا عزوتي يا نور شمسي وظلي
قلبي صويب وطاح في كف يمناك……….يمناك فيها عزتي عقب ذلي
في القلب وحشه والدوا في محياك……..ذاب الخفوق وكاني اخطيت قلي
خاب يالغلا ظني فيك
كنت احسبك مثلي تبالي
اثر المحبه ما اثرت فيك
ما تتفكر ولا تدري بحالي
بعت قلب كان شاريك
كنت عنده اغلى من الغالي
بعته وخليته دايم يناجيك
ونسيت عشرتنا وضيعت الامالي
ياليتني في حارة الزين خباز……..اسابق المذن واسوي عجينه
ابيه لامنه صار للخبز معتاز…….امدله خبزه والمس يدينه
مستهم وحالتي حاله………..من الحزن خلصت انا الدله
مابقالي غير لحثاله…………مهجتي والكبد معتله
لي حبيب قاطع اوصاله……..ذابحني والعقل شله
والمصيبه مب على باله…….ويل حالي من فقد خله
