السلام عليكم ورحمةالله وبركاتةازيكو ياحلوين ياقمامير عاملين اية
جابتلكو شوية اغاني مية مية علشان تبقي تخلي وحدها قربتك تغنيلك الاغاني دي
ماشي اي خدعة
بس امانة اللي تخش
تدعيلي ان ربنا يعجل جوازي علي خير انا ومحمد ويعجل فرحي قريب عاجلا وليس اجلا
انشاء الله باذن الله
امين يارب العالمين
اسبكو مع الاغاني باقة
الفرح الشعبي والفرح الريفي وجهان لعملة واحدة.. هذه العملة هي (الفرحة الحقيقية) سواء للعروسين او
الاهل، والفرحة هنا لا تقتصر علي يوم او ليلة واحدة او فترة زمنية محددة كما
هو الحال في افراح المدينة في القاعات والنوادي والفنادق.
فمراسم الاحتفال في الافراح الشعبية والريفية تمتد لاربعة ايام او اكثر من ذلك، ولكل يوم
من هذه الايام طقوسه واغنياته الخاصة النابعة من تراثنا الشعبي المصري.
التنجيد و الاثاث
يبدا الفرح ب (ليلة التنجيد) حيث يجتمع اهل العروسين للاعلان عن بداية الافراح واقتراب موعد
الزفاف وهنا نسمع اغاني خاصة بهذه المناسبة فنسمع مثلا ما تعلي باب الاوضة يا واد
يا بنا… وعلي باب المندره يا واد يا بنا… وعلي باب القاعة يا واد يا
بنا…
ثم تاتي ليلة (نقل الاثاث) من منزل العروسة الي عش الزوجية، فتنطلق الزغاريد والاغاني من
فوق السيارات التي تحمل الاثاث ويبدا الجميع في الغناء من حول السيارات فنسمع :
افرحي يادي الاوضة.. جياكي عروسه موضة…
افرحي يادي المندرة.. جياكي عروسه سكرة…
افرحي يادي القاعة.. جياكي عروسه الساعة…
وما ان يقتربوا من المنزل الذي سيجمع العروسين حتى نسمع :
رشوا الشارع ميه.. عروسة الغالي جاية .
رشوا الشارع كاكولا.. عروسة الغالي منقولة.
ايوة يا حارة ضالمة .. اجنا اللى نورنا
ايوة يا حارة هس هس .. احنا اللى عمالنلكم حس
ليلة الحنة
ثم ياتي بعد ذلك مظاهر الاحتفال بالحنة او(ليلة الحنة) والتي تكون غالبا في بيت العروسة
فنجد العروسة تجلس وسط صديقاتها وتتولى احدى السيدات رسم الحناء علي يديها، ويبدا اهلها واقاربها
في الغناء علي دق الطبلة فنسمع
مدي ايدك يا عروسه.. مدي ايدك للحنة…
مدي ايدك يا عروسه.. مدي ايدك وتحني…
وكذلك تتغنى السيدات طلبا للعريس
بس الوله يجي.. بس الولة يجي…
يجي عالمحطه.. وادبحلوا بطة…
يجى عند دارنا .. وادبحلة حمامنا ، واشاورلة يجى
يجي عالتسريحة.. واحطلوا ريحه…
واسكاتا للاب تغني السيدات
يحيا ابوها يحيا.. يحيا ابوها يا جدعان…
يحيا ابوها وشنبه.. اللي ما حدش غلبه…
وطبعا مالناش الحق نسال اللي ابوها حالق شنبه يعمل ايه.
اما في منزل العريس فالامر لا يختلف كثيرا فنجد فيه (حفلة وداع العزوبية) وهنا نجد
اصدقاء العريس يغنون له فيقول احدهم
حلال عليك ست الحلوين.. عرفت يا عريسنا تنقي…
رشوا الملح يا ناس م العين.. ورقصوني ده انا من حقي…
الليلة ليلة هنا وسرور.. وكوبيات في صواني بدور…
ومالناش دعوة باه الكوبيات دي فيها ايه
ادحرج واجري يا رمان
ونصل الي ليلة الفرح الكبرى .. ليلة الزفاف او ( ليلة الدخلة ) .. فالانوار
معلقة في بيت العروسين .. اصدقاء العروسة يحيطون بها في احدى غرف المنزل حيث تجلس
بين يدي ” الكوافيرة ” فتنطلق اغنية
ما تزوقيني يا ماما.. قوام يا ماما…
ده عريسي هايخدني.. بالسلامه يا ماما…
ومتعرفش بصراحة هي مستعجلة علي ايه، اكنها مخطوبة للسيد نجل…. ولا بلاش
اما بيت العريس فترى نفس المشهد , فاصدقاؤه يحيطون به وهو يرتدي ملابس الفرح وهنا
نسمع
يا اولاد بلدنا يوم الخميس..
ها كتب كتابي وابقي عريس..
الدعوة عامة وها تبقي لمة..
وها يبقي ليه في البيت ونيس… يا اولاد بلدنا.
اما في الليل تنطلق الزفة وتبدا بزغاريد متتالية ثم يبدا الغناء من الجميع، فقد وصلت
الفرحة ذروتها، فعلي نغمات الفرق الموسيقية نسمع :
وهنبدا الليلة.. اه.. اه ..
دة عريسنا الزين كحيل العين وعروستة حلوة وجميلة حنقول يا ليل، ونقول ياعين.. حصوة في
عينك ياللى ياللى ما تصلى ، ماتصلى على النبى ثم يبدءون في
صلي.. صلي.. ع النبي صلي
واللي ما يصلي ابوه ارملي.. صلي
وكذلك
ادحرج واجري يا رمان.. وتعالي علي حجري يا رمان..
دانا حجري حنين يارمان.. يخدك ويميل يا رمان..
ونسمع ايضا اشهر الاغاني الشعبية
دقوا المزاهر يلا.. ياهل البيت تعالوا
جمع ووفق والله.. وصدقوا اللي قالوا
عين الحسود فيها عود يا حلاوة..
عريس قمر وعروسته نقاوة..
واحنا الليلة دى كدنا الاعادي.
وعند توصيل العروسين تزف العروسة ب
طالعة السلالم يا مشا الله عليها..
ست العرايس والعريس في ايديها.
المنافسة مشتعلة
اما الطريف اننا نسمع اغاني كثيرة تعبر عن المنافسة بين اهل العريس اهل العروسة فلكل
جانب اغنياته.
فاهل العريس ينشدون
خدناها ..خدناها ..
طلبناها م الصيف الماضي.. وابوها ما كنش راضي..
وعلشنها بعنا الاراضي.. الحلوة اللي كسبناها..
خدناها بالملايين.. وهما ما كنوش راضيين..
علشنها بعنا الفدادين.. الحلوة اللي كسبناها.
اما اهل العروسة يغنون
اوعيلوا يابت اوعيلوا.. الضابط يبقي زميله…
اوعالها يا واد اوعالها.. ده العمدة يبقي خالها…
وتستمر هذه الاغاني وسط فرحة الاهل والاحباب حتى تنتهي الزفة ومعها تنتهي الاغنيات في هذه
الليلة لتبدا في مكان اخر اعلانا عن ميلاد فرحة جديدة في منزل جديد .
ودلوقتى علشان تبقو مستعدين للفرح اتفضلو شوية الاغانى دول
امسك يالا حرامى – حلق يالا حرامى مالك يا بت انتى وهية على الشباب رايحة
وجاية مافيش جواز النوبة دية وامسك يالا ( حرامى – حرامى ) مالكم كدة يا
بنات هايمين على الشباب رايحين جايين مافيش جواز واغسلو مواعين وامسك يالا ( حرامى –
حرامى ) شوف الشباب التعبانة بتحب البت المليانة وراحت عليكى يا نشفانة وامسك يالا (
حرامى – حرامى ) شوف الشباب الفقرية بتحب البت الغجرية وراحت عليكى يا بلطية وامسك
يالا ( حرامى – حرامى ) شوف البنات التعبانة بتحب الواد ابو لبانة وراحت علينا
يا رجالة وامسك يالا ( حرامى – حرامى ) يا سلام يا سلام على المحبة
والغرام في بنات تسعد تريح وبنات تودى اللومان هجبهالكو على بلاطة البنات خلوها بطاطة اللى
امها رايحة الخياطة وهى مواعدة عشر جدعان هجبهالكو على طبلية البنات خلوها ملوخية اللى امها
رايحة الكلية وهى مواعدة ابن الجيران اول يوم انا رايحة النادى تانى يوم انا رايحة
النادى البنات ذى الزبادى تاكلها وتصبح جعان يا ليالى ياليالى يا ليالى ياليالى الفرح تعالى
وقفنا النمل طابور ( يا ليالى ) ركبنا الفيل حانطور ( يا ليالى ) اكلنا
الفرخة جاتوة ( يا ليالى ) لابسنا المعزة مايوة ماما نجوى صباح الخير( يا ليالى
) ماما نجوى مساء الخير ( يا ليالى ) ماما نجوى فكر ثوانى ماما نجوى
تكسب صوانى انا شايف طبلة وزار ( يا ليالى ) وشباب بتولع نار ( يا
ليالى ) دة الحزن في سطرين والباقى كلة هزار كتاب حياتى يا عين ( يا
ليالى ) ما شفت زية كتاب ( يا ليالى ) الحزن في سطرين والباقى كلة
حنان انا شايف زينة ونور ( يا ليالى ) وعريس ( وشباب ) حلو وامور
( يا ليالى ) دة الحزن في سطرين والباقى كلة زهور ادلع يا عريس يا
ابو لاسة نايلون ادلع يا عريس وعروستك نايلون الواد احمد دة حماتة حباة ( لاى
لاى ) من صغرة راحة جاية وراة وبتديلى على قفاة ابو لاسة لاسة نايلون الواد
احمد دة حلو وزين( لاى لاى ) احترت اجبلة انا اكل منين تدة داهية في
طقة ياكل حمارين ابو لاسة لاسة نايلون الواد احمد ركب الحنطور( لاى لاى ) وزمايلة
واقفين لة طابور بيقولولة يا ابو بربور ابو لاسة لاسة نايلون الواد احمد دة كلة
شباب( لاى لاى ) ومراتة واقفالة على الباب واقفة ومسكالة القبقاب ابو لاسة لاسة نايلون
ليلا ليل لايل لا يلا – لا لايل لايلا ليلى ليلا ودخلت زراعة برجليا ودخلت
ولا سمو عليا وخرجت منها بعد سنين لابس سديرى وجلابية ودخلت بطرى برجليا ودخلت ولا
سمو عليا وخرجت منها بعد سنين باربع رجول وليا ودخلت طب برجليا دخلت ولا سمو
عليا وخرجت منها بعد سنين فشلت في اول عملية ودخلت حقوق برجليا ودخلت ةلا سمو
عليا وخرجت منها بعد سنين خسران اول قضية ودخلت جيولوجيا برجليا ودخلت ولا سمو عليا
وخرجت منها بعد سنين ماسك حجارة بايديا
الموضوع دة والله يا جماعة انا اللى كتابتة لما فية من الاهمية علشان اوقات كتيييير
ممكن الدى جى يقطع تقوم انت تشتغل بس اوعى يكون صوتك وحش وتودينا في داهية
الف مبروك لكل اللى هايتجوز وعقبالى يا رب وسمعونا بقى احلى ردود ولو حد منكم
حافظ اغانى من النوعية دة يا ريت يضيفها
