((الجزء الاول ))
دانة :اففففففف طفش
ريهام :شفيك عافسة وجهك
دانة :والله طفشت من هالدنيا
سارة:وش الجديد اخت دانه
دانة تجلس وتقابلهم :والله العظيم مو حالة مع هالاهل طفشوني زهقوني بعيشتي
ريهام :عادي تعودنا على الوضع
دانه تحط ايدها على خدها :اااااه ياليتني ولد على الاقل اريح لي من الهم
سارة :اقول مالت عليك بس
دانه :وعليك اجل عاجبتك عيشتنا من البيت للجامعة ومن الجامعة للبيت مافي طالعة
ولاروحه والا اهلك معك حتى بيوت بعض مانقدر نروح
ريهام :اي والله ليه لهدرجة معدومة الثقة بالبنت ليه كذا
دانه :والله مي لو عليها حتى ملابسي الداخلية بتدخل فيها من كثر ماتدخل بحياتي حتى
لاجيت اجي
الجامعة مو كان التنورة ضيقة شوي مو كان البلوزة شفافة “وتمسك ملابسه “والله من القهر
ودي
اخلعهم وارميهم في وجيههم ولا الي مكملها بعد حضرة الوالد يوم فرحت وركب النت لنا
يقول جهازك ماراح اعرفه لك تبين بالجهاز الي بالصالة ومن الحين احذرك مسنجر مافيه وكلا
طبعا
من بركات اخوي الغثيث
ريهام :حمدي ربك على الاقل عندك لاب توب ونت مو انا خلف الله علي
سارة :والله مادري شلون تجمعنا مع بعض سبحان الله كل واحده حالها من حال الثانية
دانه :والله قاهريني الولد عادي يغلط ويغلط ولاحد يقول له شئ اما البنت حتى لو
ماغلطت يجيها
التهزيئ والله حاله
سارة : وش تسوين هذا الي الله كاتبه نتحمل يمكن لاجاى قيس يفكك من هالعيشة
ريهام : لا ابشرك بصير مثلهم وازيد بعد
سارة :ليه هالتشائم تفالوا بالخير تجدوه
دانه : اقول قوموا بس مايقى شئ على المحاضرة قوموا
وقاموا البنات وراحوا للمحاضرتهم وكل واحده تحلم بالي يخلصهم ويرحهم من همومهم
دانة (بنت عمرها 23 سنه اخر سنه جامعه بنت جميله بيضا وجسمها رهيب مليان شوي
وشعرها
بني غامق وطويل وقصته كوكتيل يوصل لحد اخر ظهرها ونعومه كثير كل شئ فيها صغنون
ومناسب لشكلها وطولها )
ريهام وسارة (اصدقاء دانه الروح بالروح من ابتدائي وماعمرهم افترقوا والي جمعهم
مع بعض اكثر ان تفكيرهم مشابه لتفكير بعض وحياتهم مشابها لحياة بعض )
ببيت دانه
ابو عماد :يلا وين الغدا
ام عماد:ان شاءالله الحين احطه
ابو عماد : وين العيال مااشوف احد
ام عماد : ابد عماد جاى من العمل وراح يريح وبندر نفس الشئ وهنادي ومنى
فوق بغرفهم اما دانه
لسه ماجات من الجامعه
ابو عماد : ومن بيجيبها
ام عماد : ولدك راكان وهو جاي من المدرسه بيمرها
ابو عماد : طيب يلا حطي الغدا وناديهم
ام عماد : ان شاءالله
بعد ربع ساعة انحط الغدا وجلسوا يتغدون دخل راكان مع دانه :السلام عليكم
الكل : وعليكم السلام
راكان : والله خيانه مافيكم صبر
ام عماد : تعال تونا حطينه
راكان : وانا بنتظرك تعزمين جاي من غير قول
عماد: اكيد من غير قول وانت تفوت شئ لبطنك
راكان : عماد اتركني وخليك بعيد افضل لك
بندر : اي عماد تركه ولا ياكلك الحين
راكان يهمس باذنه : احمد ربك ابوك هنا ولا سكتك عدل
ابو عماد : يلا دانه تعالي
دانه : لا شبعانة اكلت بالجامعة
وطلعت لفوق لغرفتها غيرت ملابسها وانسدحت على سريرها ونامت وراحت بعالم الاحلام عالم تقدر
تقول رايها بحريه بعالم هي تكون صاحبة القرار بحياتها بعالم يجمعها بزوج حنون ومتفهم
المغرب انتبهت لدق الباب : مين
هنادي :يلاقومي صلي المغرب اذن تقول لك امي
دانه :طيب قمت
قامت ودخلت الحمام وتوضت للصلاة وجلست بغرفتها ودحلوا عليها خواتها
منى : دندون حبيبتي
دانه : خلصي شعندك
هنادي: كاشفتك ماتعدي عليها حركاتك
منى : شب شب بس “وتلف على دانه “دندون عطيني جوالك برسل لصديقتي رنيم
دانه : شوفيه على المكتبه خذيه ولا تطولين
منى تقوم تحضن دانه : مشكورة يااحلى اخت
دانه : اي اي قصي علي بكم كلمة
هنادي : اي ولما تخلص حاجتها تقلب
دانه : ماشاءالله عليك يعني وانتي
هنادي ببرائة : اااااااااانا
منى تتخصر : لا انا
دانه :ههههههههههههههههه
هنادي : المهم دانه اليوم بيجي فلم فلة على mbc2
دانه :اهم حاجة يكون مرعب او مغامرات
هنادي : مرعب بس شئ
دانه : خلاص اذا جى نزلنا للمجلس نتفرج عليه
منى : اجل اروح اخلص دروسي عشان مايكون لامك عذر تكشني
هنادي : وانا بعد
هنادي(عمرها 18 سنه جمالها هادي ودبدوبه شوي متعلقة كثير بدانه )
منى (عمرها 16 سنه حلوة بس هنادي احلى منها نحيفة كثيييير وقزومة بس ملسونه وعليها
حركات ومقالب )
عماد(26 سنه وسيم وطويل وعريض يشتغل ظابط)
بندر (25 سنه احلى اخوانه يشتغل بالاتصالات )
راكان(21 سنه يدرس فاشل بالدراسه وصار له سنتين وهو بثالث ثانوي دبدوب وهمه الاكل )
قامت دانه واخذت جوالها ودقت على ريهام:هلا رهومه
ريهام : اهلين
دانه : تصدقين مالي خلق اداوم بكرة
ريهام : ولا انا بس مااقدر اغيب لاني غبت امس وبتجلس امي تزن علي على
الغياب
دانه :خلاص اجل ماراح اقول لسارة عشان تكون معك بكرة
ريهام : اوكي
دانه : طيب ماقلتي لي شصار على الي تقدموا لك
ريهام بحزن : سكتي شكلي ماعجبتهم حتى ماكلفوا على انفسهم يردون ويقولون مانبيها
دانه : ياشيخة عسى ان تكرهوا شئ فهو خير لكم وماتدرين وش الخيره فيه
ريهام :الحمدالله على كل حال
دانه : ولايهمك ولاتحطين ببالك ان شاء الله يجيك الي يسعدك ويهنيك
ريهام : وانتي بعد
دانه : امييييييين وان شاءالله ثنتينا بليلة واحدة
ريهام : امين
دانه : يلا اخليك الحين تدرين مااقدر اطول
ريهام : عندنا وعندك خير باي
دانه : باي
دانه “ياربي متى اتزوج وارتاح من تحكم وتدخل اهلي بحياتي اهلي مافي احسن منهم بس
مشكلتهم انهم يدخلون
بالكبيرة والصغيرة بحياتي ودايما يحسسوني انه مافي ثقة ابد ااااااااه ليه مايكون حالنا حال غيرنا
من البنات ماابي حريه كامله بس شوي وابيهم يثقون فيني مع اني ماعطيتهم سبب عشان
يشكون
بس لاني بنت اففف”
نزلت للصالة وكانت امها وابوها جالسين يتقههون :السلام
الام ولاب:وعليكم السلام
جلست دانه على الكنبه المقابله لهم ومعها الاب توب فتحته وبدت تصمم استايلات بالفوتوشوب
ام عماد : دانه
دانه : نعم
ام عماد :ابيكم انتي وخواتك يوم الاربعاء تجهزون عند المغرب لانا بنطلع
دانه :وين بنروح
ابوعماد:بنروح مزرعة واحد من الربع مسوي تميم ولد ولده وعزمنا
دانه :اي بس وش دخلنا احنا انت وامي روحوا
ابوعماد :وعزمكم انتوا بعد
ام عماد:انتوا بس جهزوا وبس ولابسوا احسن حاجة عندكم وكشخوا
دانه بتعجب : ليه
ام عماد :انت سمعي الكلام وبس
دانه “ياربي ماني مطمنه اول مره يسونها ويودونا معهم بعزايمهم “:ان شاءالله
( الجزء الثاني…….. )
اليوم الاربعاء الكل كان متجهز دانه كانت لابسه فستان ناعم لنص الساق وكم جبينيز لونه
برتقالي وداخل عليه
البني وحاطه ميك اب ناعم كحل وغلوس وشوية شدو بني ومسيحة شعرها وطالع شكلها كيوت
ونعوم
اما هنادي لبست تنورة حمرا طويله غجريه مع بلوزة بيضاء بوسطها رسمة وردة حمرا ومسيحه
شعرها
اما منى فلبست بنطولون جينز اسود مع بلوزة طويله على شكل فستان لونه اصفر وفيه
ورود صغيرة سوده
ومسيحه شعرها وكلهم شعورهم طويله لانه ممنوع عندهم القص
على المغرب حركوا للمزرعة وبعد نص ساعة وصلوا الكل انبهر من المزرعة كانت كبيرة وفخمة
مرة
اول مانزلوا من السيارة شافوا صديق ابوهم جاي يهلي ويرحب فيهم وهم واقفين مع امهم
دانه “ووجع بعيونه مايستحي يغز كذا هذا وابوي واقف جنبه قليل الحيا “نزلت الغطا على
عيونها
دخلوا المزرعه وراحوا جهة الحريم واستقبلوهم وهلوا فيهم دخلت الام عند الحريم والبنات في قسم
البنات
سهام :دانه تدرسين
دانه : اي بالجامهة اخر سنه
سهام : ماشاءالله وش تخصصك
دانه : انجليزي
اسماء :مثلي بس غريبة ماشفتك بالجامعه
دانه : انتي معنا ولا انا
منى : الا يابنات مافي مافي مسجل ورقص واستهبال
دانه خزيتها “هالبنت بتفضحنا “:منى
عائشة :عادي دانه “وتلف على منى “الا في بس بعد العشاء عشان يصير تحفيف مرة
واحدة
منى :اي طمنتوني ترا موتي الرقص والوناسة
سهام : واحنا بعد
دانه :سهام
سهام : هلا
دانه :ممكن تدليني على دورة المياه
سهام : تشوفينهم على طول اذا طلعت لفي يسار وفي وجهك
دانه “ياربي ذي مش قايمه معي “:يعني مافي احد برا
سهام : لا تطمني مافي احد
طلعت دانه وراحت على المكان الي قالت لها سهام عليه ولما خلصت وهي راجعه لفت
نظرها بزر يتوجه
للمراجيح وظنته انه لوحده وراحت له :تعال يانبي على الصغنون تبي العبك
الصغير ياشر براسه اي
دانه :تعال “وشالته وباسته على خده “يلا الحين اركبك
وركبته وصارت تدفه بشويش : وش اسمك ياحلو
الصغير:عهمن
دانه بضحكه :ايش
:عبدالرحمن
دانه “انفجعت من الصوت ومن خوفي مالفيت على ورى وجمدت “:…………..
جاى لعندي واخذ الصغير :مو قايل لك لاتجي هنا لحالك
الصغير :بابا مليحه اعب
:معليش العب بس وين سونا عنك ليه ماجات معك
دانه وانا طول الوقت معطته ظهري ومش قادرة الف لانه مافي مجال اروح مكان لانه
ساد الباب
ومانتبهت الا هو بوجهي :مين انتي مامرة شفتك هنا
دانه نرفزني مع وجهه مو متحرك لا وطاقها سالفه بعد رفعت وجهي وانصدمت هو نفسه
الي برا :انت
استح على وجهك بعد عني خلني اطلع لا وجالس يقز بعد
:والله وطلع لسانك طويل بس معليش على حلاتك بمشيها
دانه “شف ذا مع خشته “:اقول بعد عن طريقي
:واذا مابعدت ايش بتسوين
دانه وانا احاول امسك نفسي عشان مااصرخ :اقولك بعد انت ماتستحي مايجوز تجلس تناظر فيني
كذا
انا مو من محارمك بعد
:بس انا لسه ماشبعت منك
دانه من قهري من قلة ادبه عطيته كف :كل تبن ياقليل الحيا
وهو بقمة عصبيته مسكني من كتوفي :انا تعطيني كف
دانه المني وهو ماسكني :اي لانك تستاهل وفكني احسن لك لا اصرخ والم الناس عليك
قدرت افلت من ايده وعلى طول ركضت وتحبيت بدورة المياه وقفلت على نفسي واحاول اهدي
من حالي
“يمه قلبي بيوقف من قليل الحيا ذا لا والشيخ متزوج ومعيل وعينه زايغة واكيد مرته
هنا ولا محترم
وجودها الاخ ”
سهام :حمد شتسوي هنا
حمد بارتباك :ها ايه جالس اغسل عبدالرحمن
سهام تاخذه منه : وماتغسله الا هنا اخاف تطلع واحده من الحريم الحين وتفشلنا معهم
حمد :بعد شسوي اخليه يعفسني بوسخه وبعدين ليه تاركينه لحاله هنا
سهام : وسونا مو معه
حمد : لا مو معه
سهام :طيب اطلع الحين وانا اتفاهم معها
حمد يتلفت يمين ويسار :………
سهام : تدور شئ
حمد : لا ولاشئ يلا انا عند الرجال انتبهي له
سهام : ان شاءالله
وراح عند قسم الرجال وعلى طول انا طلعت قلت فرصه وسهام موجوده عشان مايطلع لي
وهي معي :سهام
سهام متعجبه :دانه
دانه وحاولت قد مااقدر ابان طبيعيه :افففففف مابغى زوجك يروح انحبست هنا
سهام بضحكه :اسفه والله بس حمد مو زوجي اخوي
دانه :اها وهذا ولده
سهام :ايه عبدالرحمن
دانه بسته على خده “حسافه هالملاك ويطلع هذا ابوك “:يارب يخليه لامه وابوه
سهام بحزن :امه توفت
دانه :الله يرحمها اسفه مادريت
سهام : لاعادي ولايهمك صار لها خمس سنين من توفت
دانه :اها
سهام : يلا نرجع للبنات
دانه :يلا
ورجعوا للبنات وانبسطوا كثير
احمد :يابو الشباب اكلمك انا
حمد :ها
احمد:لا اخ رايح فيها لا يكون زوجة جديدة
حمد :لا مو زواجة جديدة
احمد :اجل وين سارح
حمد :اما شفت هناك وحدة انما ايه
احمد:حتى اهلك ماسلموا منك ومن عيونك
حمد:لا مو من الاهل على مااظن بنت خوي الوالد
احمد:اي واحد فيهم
حمد :هذاك الجالس جنبه الي على اليسار
احمد:وش عرفك انها بنته
حمد بابتسامه :لاني قزيتها وهي داخله اما عليها عيون تذبح
احمد :يعني نويت عليها
حمد بخبث:من اول مالمحتها
احمد:وبتقدر تجيب راسها
حمد بثقة :وعلى عشرة من امثالها بعد
احمد:بس شكل ابوها مو من الناس الي يبيعون بناتهم بسهوله
حمد وهو يتحسس خده :اجيبها اجيبها وانا حمد ولد ابوي
احمد: وانا اشهد مادام فيها ولد ابوي لا البنت راحت وطي
ابوعبدالمحسن :حمد
حمد :سم يبه
بوعبد المحسن :قوم يبه شوف العشاء
حمد:ان شاءالله
راح يشيك على العشاء تبع الحريم والرجال الا وجواله يدق :هلا وغلا
دنيا بدلع :هلا فيك حبيبي
حمد :كيفك
دنيا :بخير حمد
حمد :عيونه
دنيا :متى راح تجيني اشتقت لك
حمد يعض شفته :وانا بعد واشتقت اكثر للتركوازي بعد
دنيا بحيا :حمودي
حمد:لا كذا مااقدر ان شاءالله الساعة واحده عندك خليك جاهزة اوكي
دنيا :اوكي استناك
سكرمنها وتوجه للمطبخ
دانه :انتي ايش اسم
سونا : سونا
دانه : طيب سونا عطيني مويه
سونا :تيب
راحت وجابت لها المويه وصارت تلف على المطبخ لان جذبها تصميمه ومنبهرة فيه ومانتبهت للي
دخل الا لما سمعت الباب يتسكر :سونا ل……..
حمد يقرب منها :انا مو سونا
دانه “يمه قلبي بيوقف شيبي ذا يمه وين اروح “:اان ت
حمد يقرب اكثر :اي انا
دانه حاولت اهرب بس هو اسرع مني ومسكني من ذراعي :اتركني
حمد :وين تو الناس
دانه حاولت ماابين له خوفي :اتركني احسن لك
حمد يقرب اكثر وانا ابعد لحد ماصار الجدار بظهري وهو حاصرني بيديه على الجدار :الحين
وش اسوي
فيك ..اجل انا تعطيني كف
دانه وجسمي يرجف من الخوف اول مرة اكون قريبه من رجال كذا:الله يخليك بعد عني
حمد لاحظت رجفتها وخوفها وهذا الي جذبني اكثر لها :ليه احنا حلوين كذا مو
دانه غمضت عيوني وحاولت استجمع قوتي ودفيته باقوى ماعندي :بعد زين مو تعتقد انك بتخوفني
باسلوبك هذا بالعكس انت اثبت لي انك منت رجال
حمد بان عليه التعصيب وهو يصر على اسنانه :انا انا توجهين هالكلام لي انا
دانه بثقة : اي انت لوانك رجال كان راعيت حرمة صديقك وضيفك
حمد مسكت فكها بقوة :انتي عارفة من تكلمين
دانه وقلبي بيوقف من الخوف : مايهمني بعد
حمد طالعتها بنظرة تفحص من فوقها لتحتها :تدرين جمالك يشفع لك عشان كذا بعديها
دانه بخوف :بعد
حمد :الا ماقلتي لي انت ايش اسمك
دانه :………
حمد :وين لسانك تكلمي
دانه :……………
حمد :طيب ياحلو “طلع كرته من جيب ثوبه وبحركه جريئه حطه بجيب صدرها ”
دانه جسمي انتفض من حركته بس ماقدرت اسوي شئ :…………..
حمد:هذا رقمي بكرة انتظر اتصال منك طيب
دانه حاولت قد مااقدر مااستفزه بالكلام عشان اقدر اهرب منه :…………..
حمد :يلا ياحلو اتركك الحين طيب “وبنظرة خبث “مع انه ماودي افارقك بس ايش اسوي
مشغول
دانه :……………….
طلع حمد على طول انهرت على الارض وبديت ابكي ماني مستوعبه ايش حصل لي ماني
مصدقه
اني انحطيت بهالموقف رحت على دورة المياه غسلت وجهي ورتبت شكلي وحاولت اكون طبيعيه
لحد مانطلع واقول لابوي عن هالخسيس وهو بيتصرف بس تفجات بصوته ورجعت قفلت على نفسي
الحمام :اذا تفكرين توصلين الي صار لحد ماتلومين الا نفسك وبقول لهم هي الي رمت
نفسها علي
دانه بقهر :كذاب وانا بقولهم انك كذاب
حمد :ماراح يصدقون تدرين ليه ؟ولا اقول سالي سهام قولي لها ليه حمد ماتزوج للحين
وتعرفين
ليه بيصدقوني انا
وراح لمجلس الرجال
دانه رحت طيران للبنات وحاولت ابان طبيعة لهم بس الفضول ذابحني ابي اعرف ليه قال
لي
اسال اخته :سهام
سهام : هلا
دانه وانا مترددة :ممكن سؤال
سهام : تفضلي
دانه :عذريني بس اخوك ماتزوج من بعد زوجته
سهام بحزن : ياليت امي عجزت منه تبيه يتزوج بس مو راضي يقول من بعد
المرحومه مافي مرة
تملى عينه ومع انه تزوج بعده مرتين بس ماقدر ينسى المرحومة وطلقهم ومن بعدها مافتحنا
له سيره
وهو بعد معتكف عن الحريم وكل همه الشغل وولده بس
دانه “باين الخسيس والله انكم مخدوعين فيه وهو جالس يلعب بذيله من وراكم “:اها
سهام :الله يهديه بس على مش علشانه على شان هالوالد
دانه “ياربي الله يعدي هاليوم على خير بحاول قد مااقدر مااطلع من الغرفة لحد مانروح
البيت “:الله يهديه
بعد العشاء دق الابو عليهم وقال لهم يطلعون ودانه احمدت ربها انها اخير بترجع البيت
(( الجزء الثالث ……………))
ريهام :حلفي
دانه : والله مااكذب عليكم
سارة : الحيوان وليه ماقلتي لابوك
دانه : ومن بيصدقني من بعد الي قالت لي اخته
ريهام : صدق انه خسيس
دانه : والله ماتتخيلون الرعب الي مريت فيه بسببه حتى النوم ماصرت انام عدل من
الخوف
سارة : وكرته
دانه : على طول رميته
ريهام : لو انا بمكانك كان رحت فيها ولا قدرت اتحمل الي صار
دانه :احمد ربي الي عطني القوة اني ماانهار قدامه بس
سارة شافت رجفتي وحبت تغير الموضوع :الا ماقلت لي شخبار الحبيب
دانه بتنهيده :بخييييير
ريهام :شفتيه
دانه :اكيد وهو يقدر مايجي
سارة :طيب ماقال متى ناوي يتقدم لك
دانه : على حسب كلام اخته انه لما يترسم بشغله بيتقدم لي
ريهام : بذمتك مامرة كلمتيه
دانه : والله حدي سلام وكيف الحال مااقدر اكثر اخاف من خالاتي وبناتهم ينتبهون وبعدين
هو
محترمني ولا مرة حاول انه يكلمني مباشرة دائما اخته الي توصلي كلامه وهو مايدري
ريهام :الله يوفقكم ان شاءالله
دانه : امين
:دانه ..دانه
دانه لفيت على مصدر الصوت :اسماء اهلين
اسماء :اهلين فيك ياعمري كيفك
دانه :تمام وانتي
اسماء : الحمدالله بخير
دانه : هذول صاحباتي ريهام وسارة وهاذي اسماء ال..الي عزمونا بمزرعتهم
ريها وساره :اهلين
وجلسوا يسولفون لحد ماراحت كل واحده لبيتها
ببيت ابو عبدالمحسن وهم مجتمعين على الغدا
اسماء :سهوم تدرين من شفت اليوم بالجامعه
سهام :مين
اسماء :دانه بنت ال..الي جاوونا المزرعة
سهام :والله
اسماء :والله وجلسنا وبسطنا واتفقنا نلتقي بكرة بعد
سهام : والله ان هالبنت دخلت قلبي ماشاءالله عليها جمال واخلاق
اسماء : اي ماشاءالله عليها تهبل
سهام : والا شرايك يمه تخطبينها لنايف
ام عبدالمحسن : والله صادقه ليه لا
حمد :الحق نايف دبسوك بزواجه
نايف شرق بالاكل : كح كح
حمد يضحك ويعطيه الماي :خذ اشرب
نايف بعد ماشرب : الحمدالله
ام عبدالمحسن : شفيك يايمه بسم الله عليك
نايف : يمه الله يهداك انا توني صغير على الزواج والمسؤليه
ابوعبدالمحسن :اي صغير الي كبرك معيلين الحين
نايف : يبه الله يطولي بعمرك لاتجيبون لي هالطاري انا لما احس اني مستعد نفسيا
راح اجيكم واقولكم
خطبوا لي
سهام :كيفك انت الخسران ولا شرايك حمني
حمد : وشدخل عبدالرحمن
سهام :يوه ماشفت كيف متعلق فيها مبسوط الخ لانها لعبته بالمراجيح
حمد”لايكون هي ..طيب شلون اتاكد انها هي “:لعبته متى
سهام بعفويه :لما شفتها يلعب لحاله هي تقول سمعت حسس وراحت لدورة المياه
حمد”اجل اسمك دانه والله يلوق عليك الاسم “:اجل هي معك بالجامعة اسوم يعني كبرك
اسماء :لا انا اكبر منها بسنه
حمد “حلو “:اها
عبدالمحسن (46سنه متزوج من بنت عمه طرفه وعنده غرام 26متزوجه وعندها ولد وفواز
25سنه وريان 18 سنه )
عبدالاله(41متزوج رحاب وعنده زين 24سنه وزينه 24توام )
سهام (39سنه ارمله )
حمد(36سنه وسيم لابعد درجة ومايبان طويل وعريض وجسمه رياضي ان عمره كذا تزوج
بنت عمه سهى وتوفت وهي تولد عبد الرحمن وعمره الحين 4سنين ومفهم اهله انه مافي
مرة ملت عينه من بعد سهى وهو طايح زواج مسيار من غير علمهم عشان كل
مامل طلق واخذ
غيرها وعنده شركه خاصه فيه ويعتبر من انجح رجال الاعمال )
نواف(26سنه وسيم وطويل يشتغل مع ابوه بالشركه )
اسماء (24سنه اخر العنقود مخطوبه لولد عمها خالد )
بالجامعه
اسماء :يلا دانه ماجاوا اهلك
دانه :ياربي مدري وش فيه راكان تاخر
اسماء :طيب دقي شوفي
دانه :طيب “طلعت الجوال “:هلا يمه
ام عماد :اهلين
دانه :ادق على راكان مايرد وينه تاخر
ام عماد :اخوك بيتاخر موقفينه الشرطه الاهبل قاطع الاشارة
دانه :يوه وش اسوي الحين
اسماء : شصير
دانه “قالت لاسماء السالفه “:يمه تقول اسماء بتوصلني
ام عماد :خلاص تعالي معها
سكرت من امها وطلعت وركبوا السيارة
اسماء :السلام عليكم
حمد:وعليكم السلام
اسماء :شصاير بالدنيا حمد جاي بنفسه ياخذني
دانه “انقبض قلبي ياربي وش ذا الحظ النحس “:………..
حمد:ابد فضيت وقلت بغديك انتي وحمني برا
اسماء :تسلم بس قبل وصل صاحبتي بيتهم بعدين غدني
حمد:ومين هي
اسماء :دانه ال..
حمد”هلا والله وانا اقول هالعيون مو غريبه علي “:اها طيب تدلين بيتهم
اسماء :لا بس هي تعرف “وتلف على “دندون وين بيتكم
دانه “ياربي ماابي احتك معه “واظطريت اتكلم معه عشان اوصف البيت وحسيت ان الطريق
طريق سفر بالموت وصلنا لا والشيخ مركز المرايه على ويغز ويتبسم لي نزلت بسرعه من
غير
ماانطق بكلمه
دانه :هنوده جيبي لي بيبسي
هنادي :وليه ماتقومين انتي
دانه مندمجه مع المسلسل :يلا عاد جيبي ابي اتفرج على المسلسل
منى وهي جايه :خذي ولامنتها
دانه مستغربه :شصاير في الدنيا منى بنفسها جايبه لي البيبسي من غير مااطلبه
منى تجلس على الكنبه :ايه مسكينه انا دايما مشكوك في امري
هنادي : اكيد لانك مستحيل تسوين شئ من غير مقابل يلا خلصي وشو المقابل
منى تجي تجلس جنبي :دندون
دانه :خير
منى :ابي منك شئ وابيك ماترديني
دانه :خير اللهم اجعله خير وشو
منى :ابي البس فستانك البرتقالي الي لبستيه بالعزيمه
دانه :ووين تبين تلبسينه
منى :بيت جدي بعد وين
دانه :اها طيب افكر
منى :وشو تفكرين فيه يااي يالا مايحتاج الموضوع تفكير
دانه :انا الموضوع عندي يحتاج كيفي
منى مبوزة :ابد الواحد اذا طلب منكم طلب لازم تذلونه
هنادي :والله ماتعلمنا هالشئ الامنك
منى ترميها بالمخده :كلي تبن بس
قمت لغرفتي عشان بكلم رهومه اسالها عن المحاضرة اخذت جوالي وتوني بدق الا برقم غريب
دانه :الو نعم
: نعامه ترفسك
دانه استفزني : وترفسك يالثور
:لسانك مسكيه احسن لك
دانه باستهزاء :واذا مامسكته وش بتسوي
:ابد بمسكه واقصه
دانه :تخسى تقصه اقول انا عطيتك وجه اكثر من الازم يلا ولا عاد تدق مرة
ثانيه
وسكرته ثواني الا بمسج منه”بدق الحين لو مارفعتي تحملي الي بيجيك”
دانه “ياربي من ذا بعد انا ناقصه بلاوي “:الو
:اي خلك مطيعه
دانه:خير خلصني شتبي
:ابيك انت
دانه عصبت من كلامه :كل تبن
:انا
دانه :لا انا اكيد انت وبعدين منو انت
:انا حمد عبدالرحمن ال
دانه انفجعت من وين جاب رقمي :…………
