الشااعره الاماراتية – ريم تواق
الاسم الشخصي : الشيخه مريم بنت محمد ال مكتوم
مواليد:- 1987 م
الاهتمامات : ركوب الخيل – التزلج على الجليد – المطالعه و الشعر
و غنى له العديد من المطربين، وقد نااالت اشعارها الاعجااب الكبير من الجماهير
ودول الخليج والوطن العربي ..
من اشعار الشاعره (ريم تواق) الشيخة مريم بنت محمد ال مكتوم
سياسة«. – راشد الماجد
عذرك بعد طول انتظارك وبعدك
مانقبله والحر شوره في راسه
كنت احسب انك غير واصلك يردك
وفي دولة العشاق عندك سياسه
لكن شورك ماهو امبين يدك
شورك سجينن تحت ظل الحراسه
رجعت دارك بين ناسك وسعدك
ونسيتني والشوق معلن حماسه
خمسة شهورن عند عهدك وعدك
واليوم قربك مانريد التماسه
*انا حبيبك صح مانيب عبدك
وفي مجال الحب عندي مراسه
ويوم ان عندي شي بجي لعندك
تعالي عندي كان تبغي دراسه
خلك صريح وبعدها تشوف سعدك
عند المحبه ماتفيد الدساسه
ودي تودد فالموده وودك
ومن كثر وده قام حظي وباسه
ياخدعة الايام في مثل خدك
في وجهك البسمه وتخفي العباسه
*لاتعتذر وتقول هالظرف حدك
من كان يبغي الشي يعرف قياسه
اخر مسج جاني من الشوق عندك
في ليلة 14 ابريل ساسه
اسهر واحيد الشوق يازين وجدك
واقول باكر يمكن الشوق جاسه
واثرك قتلت النار في وسط بردك
ماتنفعك باكر جموع الوناسه
اللي معك يومين بعدين ضدك
اهل التملق والوطى والرساسه
*ماعدت الوح ياغناتي لردك
ولا عاد يعنيني وجودك اساسه
النفس طابت بعدما ذقت صدك
عفته فوادك بعدما الغير داسه
انا الشموخ ان كان قبلك وبعدك
ماهزني خيل الوغى والوطاسه
بعدك وصدك وانكسارك وردك
مايهمني والحب كسرت كاسه
لاتعتذر لو كنت مجبر ع بعدك
وخل تنفعك يازين هذي السياسه
- اشعار ريم تواق
- ريم تواق ماهزني بعدك
- شعر ريم تواق البيان
- من هي ريم تواق
