*امرا اتعييك وامرا اتعليك.
*بهت النساء بهتين من بهتهم جيت هارب
يتحزموا باللفاع ويتخللو بالعقارب
*حديث النساء ايونس ويعلم لفهامة
يديروا شركة من الربح ويحسنولك بلا ما
*لا تغرك شمس الشتا ولا تغرك ضحكة النسا.
*ما في الشتا ريح دافي وما في النسا عهد وافي.
*لا في النسا عهد وافي ولا عقد صافي.
*بالك تنسى وتامن النسا.
*النسا كيدهم ما يتنسى.
*انتوما النسا هدرتكم ما تنحصى ومرقتكم ما تنحسى.
*اتولد البغلة واتقمط الجمل.
*خافت من القمرة وهربت في الظلمة.
*النسا اذا تحزمت والخيل اذا تلجمت.
*العايبة تحوس البلدان والعورة اتخيط الكتان والطرشة اتجيب لخبر منين كان.
*ما نديك ياخيري ما نخليك لغيري.
*الي عينو في العذاب يخالط النسا والكلاب .
*الي يحب الهراج يكثر النسا والدجاج.
*كل بلية سبابها اولية.
*اذا حلفوا فيك الرجال بات راقد واذا حلفوا فيك النسا بات قاعد
*ما يغلب الرجال الفحولة غير النسا اقللات الاصل، وما يغلب قللات الاصل غير صفاح القبور.
*اذا حبوك النسا بات اعلى الكسا واذا كرهوك النسا بات اعلى العصا.
*الرجال تهد الجبال والنسا تهد الرجال.
*المرا تغلبها المرا والراجل تغلبه المرا
*اتلاقو عليا ثلاثة ما فيهم احنانة، الفقر والدهر والمرا النقراشة.
*كان سبع كي ازوج ارجع ضبع.
*ما تضرب مرتك حتى اتكتفها.
*اضرب النسا بالنسا ماشي بالعصا.
*اضرب لمرا بالمرا يا ولد لمرا.
*اضرب الغنم بالعصا واضرب الرجالة بالنسا.
*ما يخسر بين الرجال غير النسا والدراهم.
*الدار والمرا ما فيهم شركة.
*اللي يغلبوه الديوكة يرجع على ملوكة.
*مزين النساء بضحكات لو كان فيها يدوموا
الحوت يعوم بالماء وهوما بلا ماء يعوموا
*سوق النساء سوق مطيار يا داخلو رد بالك
ايوريولك من الربح قنطار ويديولك راس مالك
هذي خاصة بالرجال:
*اللي ياكل لقمتي يلزم يسمع كلمتي.
*لمرا ما تدي لا خوها ولا بوها تدي غير عدوها.
*اللي تعمل الراجل صديق والعولة دقيق تعيا وتحكم الطريق.
*اللي تامن الرجال تكوي اسدرها بالغربال.
*الرجال والزمان ما فيهم امان.
