فوائد دابر املا ( تجربة ) ::
لسلام عليكم ورحوة الله وبركاته
طبعا الكل يعرف زيت الهنود الشهير دابر املا
ومعظم شاف شعور طويلة وناعمه ولما سال قالوا له دابر املا
وهذا الشي صحيح فهذا الزيت اكثر من رائع للشعرولكن مشكلته هي رائحته القوية والسيئه واللي
الكثير مننا ما تقلبلها وخصوصا المتزوجات عشان ازواجهم لا يشمون الريحة ولكن انا عندي الحل
اولا زيت دابر املا زيت معروف وقديم جدا ورخيص ومتواجد في الصيدليات والبقالات والعطارين والسوبرماركتات
يعني في كل مكان
كثرت الاسئلة عن الاصلي والتقليد وكيف افرق بينهم ووش استخدم اللي اسمه دابر املا ولا
بايو املا واملا الياسمين!!!!
الجميع ضاع في هذي الزحمه…
فوائد دابر املا ( من تجربتي وتجارب من حولي ) ::
– ينعم ويطري الشعر وتلاحظين الفرق بشعرك من اول او ثاني استخدام حتى الشعر الناعم
ينعم زيادة ووش راح يسوي بالخشن!!!
– يلمع الشعر ويعطيه لمعان قوي من اول استخدام
– كثير قالوا يسود الشعر والصحيح انه يغمق لون الشعر كم درجة فقط ومافي احد
يكره الشعر الاسود العربيز
-يطول الشعر بسرعه ملحوظه اكثر من اي زيت ثاني والفضل يعود لثمار الاملج ( اللي
لونها اخضر وزي التفاح الصغير) اللي تدخل في تركيبة الزيت
كثر الكلام عن الاصلي والتقليد وناس يقولون ان الاصلي هو اللي مصنوع بالهند والتقليد هو
الاماراتي واكتشفت انهم غلطانين
الزيت اللي يصنع بالهند هذا يجيبونه من الهند انا دورت في المحلات ما لقيت غير
الاماراتي وعرفت ان المورد لدول الخليج هو المصنع الاماراتي المصرح له من قبل الشركة الام
اللي هي موجوده بالهند فالزيت اللي ينكتب عليه:
صنع بواسطة ويكفيلد العالمية ( ا.ع.م) ذ.م.م
الشارقه لصالح دابر العالمية المحدودة
صنع في الامارات العربيه المحدودة
هذا اصلي
وينكتب على زاية الكرتون بالذهبي اصلي
اقسم بالله انه شعري طال وانا استخدمه من شهرين بس حتى قريباتي شعورهم طالت لنص
الظهر والسبب انهم مايزيتون الا بدابر املا
طريقتي في استخدامه:
كانت ازيت شعري وهو ناشف يوم ويوم لا … او مثل مايعرف بعضكم “يوم وترك
”
اتركه على الشعر من 3 الى 5 ساعات … ادهن شعري واغطيه بكيسه حقت البقالات
وبعدين اغسله مرتين بالشامبو ويفضل بموية دافيه اول بعدين ماء بارد
طريقة ثانية انك تغسلين شعرك اول بعدين تدهنين بالزيت وشعرك رطب وهذي الطريقة مره روعه
لجميع الزيت لان المسام تكون متفتحه ولكنها يبي لها وحده ماعندها دوام يعني قاعده بالبيت
.
للبنت خذي راحتك في تزييت شعرك وللمتزوجه لا تحطينه الا اذا طلع زوجك افضل
بالنسبة للريحه:
طبعا وقت وضع الزيت بيكون راسك مغطى بالكيس ومو طالعه الريحة مره لكن بعد الحمام
كيف تروح الريحه من الشعر!!!!!
