تريد الهوى لك على ما تباه
وقلبك تريده يحصل مناه
وخل توده تريده عطوف
صدوق يعاهدك عهد الوفا
فلا شفت مغرم فواده امريح
ولا ريت خود هواها صحيح
فكم من متيم طعنه طريح
جفنه وقالن نحن ما نباه
بلاني هواهن مثل ما تشوف
انا فرد واحد وغيري الوف
عيوني تهامل ودمعي هتوف
وقلبي متيم وشطه عناه
عن احباب قلبي انا ما سليت
وعن عذلكم يلحواسد صليت
جزاكم على الله انا مارايت
على وصف خلي احد سواه
سلبني وداده ولا راف بي
وحالي امعلل وجرحي غبي
ولو صاب غيري لذي حل بي
فلا ظن يهنا بلذة عشاه
عشير تلفني بكثر الصدود
وكثر التماني وكثر الوعود
يواعد ويخلف ومره يعود
و انا طول عمري وانا في رجاه
جبرني وداد الحبيب المليح
انا به متيم وهو مستريح
ومره نغني ومره نصيح
وقزرت عمري على مستواه
سهير الليالي حليف الغرام
خليع مليع الحشا مستهام
ونومي وقوتي وشربي حرام
ولا يلام من ليعته في حشاه
اشاكي واباكي ولا من يجيب
ولالي نديم عليه يثيب
ويا عونت الله انا مستصيب
وجرح المحبه عسرني دواه
ادور حبيبي فريد الجمال
غضيض التصابي حسين الدلال
عليه المثل من تهايا الغزال
عيون وجيد كجيد المهاه
هلال تكمل سنا بهجته
وحياة مسر على غرته
وورد مفتح على وجنته
وخد لبيب تشعشع سناه
سنا نور ثغره بروق تلوح
وريجه رحيق يداوي الجروح
وريحه نسم عنبري يفوح
زكيم الهوا لو يشمه شفاه
اشبه ……. كبيض الربيب
و……. لبيب وخصره جبيب
و……. تعلا سواة الكثيب
ايليمن تمشا يعزل لقطاه
وطا بلجدم مهجتي هو وداس
وكهرب معاليج قلبي وحاس
قلبي وخلاه فيه التماس
امشوط افيوزي ولحد طفاه
تطاول قميص الحشا وملكه
وغزلي شعا والبعد شربكه
شنقني بحبل الهوا وفركه
وخلا فوادي امعلق وراه
ترى الشوق له ذوق يا عاشقين
ومحلى المعاتب ما بين اثنين
اذا ذاك مغرم وهذا ظنين
عتاب المحبه ترى له حلاه
