جميع كلمات اغا ني محمود عبد العزيز
/ كلمات البوم خلي باك
خلي بالك
خلي بالك لي ايدي وقت اسالمك لما يازولتي البريدك
امسح من الزمن العداوة واقول بريدك
تفرح الناس الحزينة والاسف الكان مدينة
تهدمو الريدة الحنينة
انت وانا من فوق على قمما سعيدة
نخلي صوتنا دوام يغني
ياصوتنا غني باللهفة والحب والتمني
لاسهاد في ليل بعاند لا الوجع تاني بعاود
بس تغني نهدم الخسران ونبني بالوهج عالم مغني
النهايات
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو البياخد من ملامحك نغمة من طبلة وربابة
يصنعوا اللحن البيدوي يجمعوا الارض والسحابة
نخلة تاخد من ملامحك فرحة النيل في التعابة
طفلة تلعب بين دموعو كايسة لي حرف الكتابة
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو اللي ثابت فينا منك هو اللي ساكن في الحنايا
النهايات التفتش في عيونك للبداية
Arrow Basketball geek
قربك
قربك بفرحني بعدك بجرحني
حبك بسمحني صدك بقمحني
ان شاء الله دايم لي قربك وحبك لي
ان شاء الله لينا تدوم المودة والريدة
ننسى السهر والنوم نحضن اغاريدا
ننسج سوا الاحلام نتفانى شوق وهيام
وهواك يحلق بي وارعاك بضي عيني
الله العليم بالريد جافانا صدا ليه
قسمة ما بالايد وهواك هد الحيل
وهواك شال البال ياغاية الامال
سال الكريم الحي يحميك ويلطف بي
مالينا غير الريد غير الهوى الغلاب
غير رحمتك يالسيد يامجمع الالباب
يجمعنا رغم البين ونعيش سوا الاتنين
ارضيك وتبسم لي يالبي هواك انا حي
لماردتك
لما ردتك كنت عارفك زي نغيمة هاربة من وتر الاسية
كنت شايفك زي نجيمة ضاوية في الفجج القصية
كنت حابسك زي دميعة خوفي لما تسيل روية
تجرف احلام العيون العايشة جنبك لاشقية
لما ردتك كان عمر قصتنا ساعة
الزمن في لحظة نادى كل افراحو المضاعة
ماالمودة معاني سامية والامل للروح مساعة
انتي ترحلي زي مراكب للوداع فردت شراعا
حومي في خاطر حبيبك كوني في زحمة ظروفو
شعري من بهجة عيونك من حنانك ضي حروفو
دنيا فيها الريدة قسمة وكل زول كايس وليفو
ريدي مكتوب في الجبين بكرة ياما العين تشوفو
كل ما سالت عليك
كل ما سالت عليك صدوني حراسك
ردوا الجواب كافين مع اني من ناسك
ردوا الجواب قالوا كم غيرك احتالوا
غير صدهم لاشئ مننا نالوا
يا قاسي يا قاسي هل يرضيك ما قالوا
ام انت ماهاميك ولا حرك احساسك
ياغالي ياغالي يالديمة في بالي
جفاك حارمني من لهجك الحالي
انا في هواك ياجميل اتحطم امالي
انا برضي بستناك والصبر يحلالي
كل ما شذاك يسري في قلبي كالسحر
ييقظ لهيب الشوق والهوى العذري
اهواك واداري هواك لو يتقضي عمري
عمري باقي على عطفك واحساسك انا
مسافتك
لامقدور اسيبك ولاعايش معاكي
لا معدود حبيبك ولا عاشق سواكي
اجيكي بكل طيبة وانا العايزك حبيبة
تجيني بكل ريبة ولاقي عيون غريبة
كانك ما قريبة
اجيكي بكل حناني واقول جنبك اماني
تجيني بشكل تاني تضيع مني الاماني
وافتش لي رضاكي
معاكي غلبت حيلة مسافتك مستحيلة
ولا الريدة النبيلة ولا العشرة الجميلة
ولا التحنان هداكي
بخاف من بكرة بعدك يالاخلفت وعدك
انا البشقيني بعدك يكون في بعدي سعدك
واعيش محروم هواكي
اكون يالله واهم وفاكر الخوة ريدة
وانتي نهاكي فاهم ايه معني القصيدة
وانا الحزنان وباكي
2/ البوم سكت الرباب
خلي العيش حرام
خلي العيش حرام مادام ارى الموت يحل
مابين الرميش فوق للطريف الكحيل
هز صدرو ميل فدع الخصر النحيل
دراج المقل شبه المهر الوحيل
النوم مني فر وقلبي ناوي الرحيل
من غير المنام طيف الخيال مستحيل
ولا لان اشتياقي وقلبي اصبح وجيل
ولا من جمال يرفع لي قدرك يجل
يشتاق الهلال ينصاع لي قدمك حجل
بنخوض الرماح لوكان تزيد او تقل
ونخاف من ضميرا اهيف منفتل
ونقابل المدافع بالثبات والعقل
ونخاف سيف عيونو ان لمعت يضرب صقل
يالمنك معار تكحل شويدن الخميل
علمت الغصون مع الغصون كيف تميل
مختارك رعاك في عشو ودمعو الهميل
التختارو لي لاشك جميل ياجميل
بسال عليك
بسال عليك حزن الشفق
وقت الخيال ينعس ينوم يتوسد احلام الافق
ورعشة الليل الطويل اهة الشوق والارق
بسال عليك لما السؤال يصبح سفر
بلقاك في فيض الاماني الذايبة في رنة وتر
في لمحة الطيف البعربد مرة بالخاطر عبر
ورعشة الامل البفوح يتلاشى زي لون السحر
مطوية في حضنو المسير مخفية في صدف البحر
بسال عليك في زحمة التيه المحاصر بالفراغ
في صحية الوعي المخدر في جبين الكون ضياع
في غربة الشجن المعذب ورهبة الخوف المشاع
بتجيني في وجع الحروف الياسة تشرب من انينا
في شارة الالم البتكبر الجاية من اغوار دفينة
مكسية بي لون الشفق مشحونة من طرف المدينة
بسال عليك لاملت اشواقي السؤال
بسال عليك لا ارتاحت الخطوة الخزينة
سكت الرباب
سكت الرباب قبال يقول غنواتو بي شوق يهمسا
لما النغم الكان بدغدغ فينا احساس واتنسى
علمنا اشواق العصافير للمغارب والمساء
ياحليلو عاد حسو الحنين مابقول همسة شفايف
والعيون لغة الاصابع الراعشة ساعة يلمسا
فقدت ليالي الشوق نجيما زين صفاها وانسا
احبابي كيف سالين عليك
قالوا الرباب ياناس قسى
خلانا لي نار القسى واخوفي من طول الطريق
امشيهو كيف بين المغارب والمساء
سكت الرباب سكت الرباب
عشان نغني
عشان نغني نسوقا خيلا للتمني
كوني انهار العزايم حركي الموج للمغني
وابدي مني رحلة هوى لافاتا زول لايصلني
تدخل شمس معنى القصايد وندخل الحب والمعاني
نبقي واحد الحدايق للرضا والشوارع للصبا
وزي ما الاصابع متنوعة نبقي ايد تعزف تغني
ونبقي ايد تفرح تغني
ونبقي ايد تفرح تغني
لي فوق يانيل لي فوق هناك
لي فوق ياخيل لي فوق سماك
لي فوق يابلد عشان نغني
شذى الايام
شذى الايام لقيتك غنوة من وهج الكلام
طاب القلب يحلم بالمنى رحل الغمام
الفرح الجزيل المدي الانسام
ابتديت بيكي اعرف شفت وقتا بيك يصدق
يملا قلبي يسرح سلام
شفت نهرا شد حيلو بيكي يحلف يالحقيقة يالظلام
فاكرك معاي
انا فاكرك معايا وين حبيبي فاكرك معاي
تسعد بي سعادتي وتشقى عشان شقاي
انا فاكرك معاي وانت مع المظاهر
وماراعيت ضنايا وظلمك لي ظاهر
سهرت الليالي سليتني سلبت عودي
باب غفراني فاتح ليك لو عدته عودي
ديمة عشان رضاك انا باذل جهودي
ما راعيت ضناي وبلواي سهودي
تسمع كل واشي قولو عليك يكتر
عدو في توب صديقك اتوارى وتدثر
كل الناس بتغلط ما بحمل عليك
تعال خليني واصل اسفاري في عينيك
3/ كلمات البوم يا عمر
ياعمر
ياعمر خليني انسي والبينسي الريده سيبو
خلي عايش في خيالو بكره ما الايام تجيبو
لا العذر يشفع اليه ولا الندم في يوم بفيدو
ياعمر الفات ودع ماضي ابدا ما بعيده
الزمان ادي الفرح للقليب الما بسيدو
الزمان الداير يصيدنا الزمان باكر بصيدو
لما قسم للشقاوه اداها للناس البريدو
ياما نشقي عشان عيونو لا الفرح كان يوم بايدو
ياعيون حزنانه صبرك مافي زول فايت نصيبو
ياعمر خليها سيره دا الزمان حدد مصيرو
يا عمر ياااااااااااااااااااا
غدر الزمن
شغل القليب بالشوق على زولا بحن
طبع الفراق الجوة احساسي الدفين صورة شجن
زاد الالم سبب الفراق البينا كان غدر الزمن
غدر الزمن مسح الاحاسيس النبيلة وبدلا
عشرة سنين ممزوجة بي احرف وفاء ما اجملا
عزاي حروف بعد الشقاء مسح الليالي وحولا
سلواي قصايد شاعر اتغرب وزادو بقى الصبر
نعمل شنو الا الحصل بيناتنا ما نفذ القدر
يرجع يعاودني الحنين خاطري انكسر يوم انجبر
الحبيب
الحبيب مالو ما جاء وين مالو ما جاء
انتظرتو لما ما جاء رحت زرتو
ياعوازلي انتو جرتو كان عرفتو كان عزرتو
خدو صفقة جوا قلبي ليهو شفقة
الحنان العندو صدقة الدلال الظبية سبقا
حبي عرفو والاذاني سببو طرفو
ياعوازلي انتو جرتو كان عرفتو كان عزرتو
حبي عرفو والاذاني سببو طرفو
ليهو القلوب بوالفو والبوالفو ما بخالفو
الحنان الزي حنانو شوفو لي وين مكانو
الجمال في الدنيا زانو ده بتروح الروح عشانو
الحنين
الحنين البي ليه ما قدرو
العمر من وين بيشترو
ضوق وقاسي الوحدة ياقلبي الرهيف
ياوليف الشوق بقيت فاقد الوليف
ان نساني وباع خلاص حبي الشريف
الكلام البينا كيفن ينكرو
الحنين البي من قلبي الامين
من مشاعرو السامية والريد الدفين
الحنين البي لو طالت سنين
ما بتمر بي خاطري لحظة تودرو
ويا زمان العشرة وين طيبة القلوب و
وين اماني عمرنا والريد الطروب
المحبة البينا لو كانت ذنوب
الذنب في الريدة ليه ما يغفرو
بعد الفراق
بعد الفراق ما عدت تاني تهمنا
ايه الحصل تكتب جواب مضمونو انت تزمنا
ما قلت في ساعة الوداع مافي امل حيلمنا
اخترت انت طريق طويل سكتنا ما زي سكتك
لبس المظاهر والغرور في نص الطريق بنزلك
ايه الحصل تكتب جواب عايزنا نحن نقدرك
ما قلت في ساعة الوداع انت النجوم وايدينا ما بتحصلك
نحنا ما درنا الفراق والله ما درنا الفراق البيهو جيت فاجاتنا
عايشين على ريدك سنين في لحظة جيت بس خنتنا
ايه الحصل تكتب جواب طالب نواصل ودنا
ماقلت في ساعة الوداع مافي امل بيلمنا
جاهل وديع
جاهل وديع مغرور في احلام صباهو
نايم خلي ومسرور ماعرف الهوى
في سور وداخل سور في روضة زهورغناء وقصور في قصور
اية الجمال مبصور اخلاق الرضيع في هيبة المنصور
باهي الدلال موفور محجور الخدود ماهو الخليع وسفور
زاد في نفور نفور اصبح قلبي في ايدو اليمين عصفور
لو ينفع المحزون مالي ومال هواهو الضامر المبزول
قاسي ومنيع ما بزور لكن دابو تاه جاهل صغير معزور
هل الهلال في حجور وتقلد نجوم لافي اعتزار في جور
مابرحم المهجور ماسور الجمال مابرضى حكم الجور
ناعم لواحظ حور قاروط لو راه مثلي كان مسحور
فاق الحسان الحور في خدو الزهور زاهية وجوارا بحور
حبك ياجميل
حبك حبك ياجميل ساهر بي والدنيا ليل
حبك حبك ياجميل ساهر بي في ليل طويل
الليل مابنومو وبترقب عدد النجوم
يالفي خاطري دوام مرسوم وما بقدر على بعدو يوم
جنني في ليل لطويل
داخل قلبي انا لي حبيب وبتالم كل ما يغيب
يا جراحي الما ليك طبيب املي معلق كيف تجي
ساهر بي في ليل طويل
حبيب القلب ساب نسي حسنو بديع بدع المساء
ياجراحي كيف المسا الالامي كيف الامسا
يا جراحي كيف المسا عيني كيفن احنسا
جنني في ليل طويل
4 / البوم سيب عنادك
سيب عنادك
في نعيمك وانت هاني
يا البقيت سلطان زماني
انت ليك حبي وحناني
مافي غيرك ريدا تاني
ما تسيب عنادك ما كفاني
******
انت ليه ليه ليه ديمة ناسي
والزمان علي قاسي
انت يا ربيع حياتي
املي فيك رغم الماسي
ما تسيب عنادك ما كفاني
عمري
عمري بعدو بالساعات عشان خاطر مواعيدك
اماني اللقيا في عيوني متين القاك واضم ايدك
دي حتى عيوني يا غالي بقت ولهانة بتريدك
عمري
*******
تمر اللحظة والساعة واقيف يا غالي وحداني
امني عيوني بي شوفتك تعود الفرحة من تاني
عمري
*******
منو القال ليك
منو القال ليك بنتحمل فراق عينيك
وحات الريدة يا اسمر
فراقك ثانية ما بنقدر
ولكن غايتو نتصبر
وكل ما نحن نذكر
وكل ما ليك نذكر
تنزل دمعة تتحدر
نرجع تاني نغفر ليك
******
فراقك يوم بعذبنا
بعادك اه بيتعبنا
وكيفن مدة ما نشوفك
كيفن مدة ما نشوفك
كيفن يعني ما نلاقيك
******
وعاد يا غالي لما تروح
انت وراك تروح الروح
بنمشي معاك ونبقى وراك
وبمشي معاك وابقى وراك
ابقى وراك عشان احميك
*******
لقيتك
لقيتك في زمن ضائع صرخة في الماضي الخرافة
جيتني من عمق المواجع من شقى سنيني وجفافة
كلما القاك وحاتك القى دي السكة البخافة
*******
العمر يا غالي ودع لملم الاموا وجراحوا
عدى بي كل المرافي ودى للحاضر صراحو
قلبك الغلطان معاهو الله يغفر ليه ويسامحوا
*******
جيت تقول البينا روح عدى بي مرو وشقاهو
ولاهب القلب المجرح بي ربيع عزو وهناهو
وياما كم بي حبو صرح اشقى دا العكر صفاهو
*******
الحروف كانت تناجي همسة الصمت العابر
كنتا بستجدي العواطف زي مشرد حظو عاسر
العواطف هي هي ذكرى مرة وجرح كافر
*******
راقصين التويا
راقصين التويا كلمو لي ابوي
خلي النزور التونكي اجيب لي قصعة موية
*******
اخويا يا الطمباري قوم غني لي جراري
انا بركب اللواري بتابع القماري
*******
راقصين التويا كلمو لي ابوي
خلي النزور التونكي اجيب لي حبة موية
*******
الراكب الشبرية بالله حن علي
بفارق المدينة واتابع السعية
*******
كردفان ارضنا وشوف جمال ظباها
بابانوسا قميرة عمري ما بنساها
*******
خداع
خدعتني بدلالة ورمتني بنبالة
خلتني هويتا وقالت لي لالا
لالا والف لالا ولالا لالا
*******
انظر ياخي شوفا وانظر شوف جمالا
قدر ما اعاين ما لاقيت مثالا
لا القاعدين معاها ولا الجلسن قبالا
*******
لونك اسمراني اخضر زرعي لالا
لونك اسوداني او سوداني شالا
لونك لون افريقيا ويا ملكة جمالا
*******
النايرات خدودا والفارع قواما
الحلوات شفايف حلاوة الابتسامة
********
هو الاختار
هو الاختار دنيتو هو المخير في اختيارو
جاي يعمل تاني ايه
وجاي عايز مني ايه
انا لا حبيبو ولا دياروا
*******
جاي كايس لي اعينوا بعد ما راح كل شئ
وكان فؤادي ملك يمينو والغرام بيناتنا حي
عدى راح زمن الندم
ذكرى ضماها العدم
والغرام غير مساروا
*******
الهوى السامي الاباهوا كنتا متخيل يسير
وحدي بتحمل شقاهو غير ما احسب للمصير
الا قدري مسك ايدي بدل الحالة العلي
ساقني من حبك وناروا
*******
ياما في درب الهوى ناس تعيش في وهم كبير
فاكرا انوا الحب دواء تايهة في امرا عسير
والبعيش لي دنيا حلوة يلقى في اياموا سلوى
وينسى كل الليهو رادو
******
ليها
لو تعاين ليها تملا ود عينك
لو تعاين ليك ربنا يعينك
*******
في الجمال معدوم البساويها
ومن زمن مشتاق قلبي هاويها
ديمة ظالماني ،، محتكم ليها
لو تخليني ما بخليها
*******
للجمال نشتاق نشتهي نعاين
ما بنتكلم والجميل باين
لو عذاب الناس للجميل هاين
الله يغفر ليهو ما بنقول خاين
*******
انتكت بانة واتوقلت ريلة
من لطف روحها الهوى الهيلا
نسمة فواحة ،،، والجمال هيلا
والبيتجاسر عينو بتكيلا
********
للجمال احكام تحكما سلوكوا
وفي القلوب احكام تصدرا ملوكوا
الا حسادوا ،،، لو بدر قولوا
ما بسيب حبو لاني مملوكو
5/ البوم جواب للبلد
خدعوك
خدعوك وجرحو سمعتك
نور وجنتيك طفتن مذارف دمعتك
*****
وين لونك الذهبي ونضارة لمعتك
كانت قلوب تخشي وتهاب من روعتك
ربك يجازي الخدعوك لمهالك الشر اودعوك
لابد ليهم يوم عسير يحيو ويقاسموك جرعتك
*****
وين عقلك الفاهم دليل وخبرتك
وين عقلك الثابت اساس وجبرتك
ربك يجازي الخدعوك لمهالك الشر اودعوك
هم ضللوك تخلو عنك سلوك
ما حسبو وراعو زكرتك
*****
خدعوك هل جازوك شئ من منيتك
اغروك فقدت اعز شئ في دنيتك
والخونة ظنوك تنساها وتجاهلو يوم الحساب
لكن تاكد ليك رب ياخد حقوقك وينصفك
جواب للبلد
ضل الضحى الرامي ..
وشمس شتوية دفاية ..
وريحة البن ، لما يفوح في قلاية..
وفروة جدي .
وسبحة جدي لمن جيت امد يدي :
(جدي.. اديني تعريفة )..
(بتقرا الحمدو يا المبروك )..
(بقرها وشان تعريفه القاه)..
بجود في القراية كمان ..
منك يا يمة والله زمان يا يمة .. !
وسبحة ( بنت الفكي)
والطورية .. والواسوق..
وسعف حبوبة ، والحنقوق
وصوت ( سعدية ) بت جيرانا …
تشحد ليها في طايوق.
وصوت (عرفه) لما تخمج الدلوكة غناية…
الصور جوايا محفورة
الصور محفورة جوايا.
ولي الليلة ، ولي وبعد باكر..
شان الزمن غدار وما معروف..
زمن مكار ،
زمانا كلو خوف في خوف
بدور اجيك يايمه ضاقت بيا يا يمه هنا
بشتاق يايمه لي ملاح النعيمية..
وريحة صاجك المحروق
ولما تسوي طعمية
وغباشة روب ،
وعنزة حلوب
بدور اجيك اتمسى بعيونك
واصابحك يا حبيبتي انا
اتاري الدنيا من دونك…
شينة ومرة وحارة زي النار..
ولو دورتي احكيلك عن حالي في البندر ،
ابدا بس من وين ؟؟
ما شيتا غريب وعجيب
ده شيتا كلو شين في شين
هنا الزول العديل ونصيح
وحاتك انت يا الغالية
بعيش حياتو…
بي وشين..
وزولتي الحتي حبيتها . يما وكان شفتي يا
لقيتها بلاي ، تحب زولين.. .
يا يمه والله زمان وايه !!
غضن الرياض
غصن الرياض المائد الناحلني هجرك
وانت ناضر جفيتني ليه وانا ليك رايد
ياغصن الرياض المائد
ما اظن عن غرامك لو اموت ماحائد
سهران ليلي طال والعين صحت ماجاير
تعبان قصدي ديمة وانت نافر وزايد
جفيتني ليه وانا ليك رايد
في الجيل جمالك سائد
عينيك لي جنود وانت ليهم قائد
يالنافر جفيتني بنظرة ليك ما عائد
شوفتك زي هلال العيد وفيهو اعاين
انا وحبك ترعرعنا ونشانا ندايد
من زمنا قبيل ايام حنان وعلائل
ماخلص القديم تبين مصايب جدايد
حن ياحبيب كفاني مر العذاب وشقاي
ياخلاصة الحواري المن جنان وخوالد
حسنك ليك يدوم لا ام تلد لا والد
داخل في ظلال مجدك تليد التالد
ياللابس العفاف حلية وعقود وقلائد
عانيت في الليالي متوقد وحائر
مشكلة بين هواك هواك وجفاك وانت محايد
ما ذنبي غير صغت النشيد الشائد
في مدحك برئ قصر الرشيد الشايل
جفيتني ليه وانا ليك رايد
هات لينا صبح
يخجل البدر يخمد المصباح ياليل هات لينا صباح
نحن كل صباح نبني في الامال ماوجدنا رباح
سرنا المكتوم بالدموع انباح والسهاد اصبح امرو لينا مباح
*****
النسيم ان فاح يمتزج بذلال دمعنا السفاح
كم عشوق مهجور مضنى غير اصفاح
عينو في الورد روحو في التفاح
*****
يامنى الارواح انت للعشاق كالشذى الفواح
عطر الدنيا واملا الاسواح
يغرو بيك الكون في غدوك رواح
*****
القلوب ترتاح من كمال التام للجمال ترتاح
اصلو زول لكن صورو الفتاح من سلالة الروح
نهلو للمرتاح
*****
الجمال شراح للصدور لكن للقلوب جراح
قالوا اهل الحب في الزمان الراح
نشوة الاحباب احلي من الراح
السفر
تنساني انا في اليوم بالمرة ياسيدي خاين
يامسافر اتدلا سيب السفر يلا
قلبي العشوق خلا ومن شوفتك اختلا
*****
بردي خاين …
اصلو الحياة زكرى وفرق الاهل مرة
العمر اصلو ضايع وماضامنو لي بكرة
*****
ولسه خاين …
سيب السفر سيبو دة القاسي تعذيبو
شلت القليب عندك وكيفن بتمشيبو
اذكري ايام صفانا
اذكري ايام صفانا واذكري عهد اللقاء
والليالي الفي حبور
*****
اذكري ايام صفانا والليالي الفيها متبادلين وفاءنا
اصطفينا ظروفنا والحظ اصطفانا
جينا بي كل اقتراع بي حديث يشفي الجراح
بمغازلة وانشراح القمربضياءه هاني
النسيم يهدينا انفاس الزهور
*****
كنا داخل روضة مافيش حد سوانا
غير ان القمري يهتف بي هوانا
من اغاريد فنو اسمعنا اسطوانة
اما ارواحنا الخفاف رافية بي اثواب عفاف
زي عرائس يوم زفاف والنجوم بعيون تسامر
في اشتياق تنظرنا من خلف الستور
*****
الرياض في مبتهجة ضاحك اقحوانة
والزهور فرحانة استقبل هوانا
طالعة يانعة زاهية في توب ارجوانة
النهار لينا اقترب والطيور تسجع طرب
وعاملة مزيكة قرب نحن صار مجلسنا عامر بالطرب
في نشوة في غبطة وحبور
*****
ياانيس الحسن ياسامي المكانة
من عواطف الحب لو فاقد مكانة
اهدي لي تفاحة بس او برتكانة
فهي غير شك مرضية منها اقتبس الضياء
بل اذوق طعم الحياة
انت ملهمني الاغاني
انت مصدر فني احساسي وشعوري
عيوني وعيونك
عيوني وعيونك اسباب لوعتي
اسباب تشوق نظرتك اسباب نفورك نظرتي
بالصد تزيد في خبرتك بالحب ازيد في خبرتي
هواي يعجز فطرتك المر رفضت بفكرتي
*****
انت الذي اتعبتني وانت الذي فيك راحتي
لو ان هلاكي ولي دنيت احيا وتحن لي فرحتي
كم استغثت وكم دنيت من سقمي واتلاف صحتي
كم رددت اهاتي كم دوى في الافق صدى صيحتي
*****
جيوش اشتياقي هزمتني زادت انتي
لو كنت قربي باسرها فاجعل لحاظك سنتي
يانوري ياناري ياجنتي يانوري ياناري ياجنتي
اهوى الهلاك في هواك ليتخذ العوازل سنتي
afro afro afro
6/ البوم سبب الريد
سبب الريد
سبب الريد عينيك وعيني هم الجارو عليك وعلي
سبب الريد عينيك فتاكة ترمي الزول مجبور في شباكة
انت تفوت والناس بوراك ومن الشوق لعينيك تتباكى
لي عينيك عيني وروني وديمة علي رامياني عيوني
نظرن ليك عيني تعبوني رغم ازاي منك عجبوني
اشتاق ليك واتدفق ريدة ومن عينيك اخاف تهديدا
لي امال واماني بعيدة وليك في قلبي محبة شديدة
هم الجارو عليك وعليا …
صرف النظر عني
صرف النظر عني وانا اصلي ما لمتو اظنو لايمني
ودايما بقابلني وبالنظرة يسعدني وغير ما يواعدني
نظراتو تنده لي وتجذب نظر عيني واحس بانو حبيبي
وهو مني ولي لكن بعاتبني
نتلاقى في الامال لكن بتبعدنا عن ملتقى الاحوال
وعن عيوني يغيب وشخصي ليهو قريب
والبينا باقي غريب وهو لعيوني حبيب مهما يالمني
حبيبنا الاولاني
حبيبنا الاولاني فلان الفلاني
لينا معاهو ذكرى دايرين نعيدا تاني
لامرة يوم قابلنا نحنا الشوق كتلنا للديمة قلبو حاني
الاسمر الكناري زي نسمة العصاري
قلوبنا الريد تداري في عيونا نلقى تاني
يااول ريد نعيشو بيهو القلوب يجشو
الطير القصو ريشو احزانو في اللاغاني
لو الدرب يجيبو او يفتكر حبيبو
ده الحب محال نسيبو لو نشقى فيه ونعاني
مع السلامة
ما تنسي لي ترسلي يسعدني انك تذكريني
وعني دايما تسالي
اذكري الريدة الكتبنا حروفا بي اجمل وفاء
اذكري الريدة القبيل عجز الخيال ما يوصفا
اطري الحنان المني ليك ساعة شقا وساعة صفا
اذكري الود الزمان بيناتنا واطري المعرفة
بوصيك انا لو افتكرتي في يوم في زاتك
وبحثتي عن الما انقضى من عمري من فيض امنياتك
ولقيتي في جواك اوصافي وصفاتك
انا لسا ما سكت النغم في صدري من فيض امنياتك
على اي حال ان شاء الله ما اخر وداع
عشم اللقاء بيك ما انقطع لو مستطاع
اصلو الحياة بين الامل والشوق صراع
لكني زورق حبي ليك ياغالية ما داير شراع
ابتسامة حبيبي
ابتسامة حبيبي تكفي لما كان بينا الغرام
حقك انت اقلو توفي لو تفوت بس بالسلام
سبتنا نغالط عيونا عيونا لو بغالطن فيك عيون
يعني لو خانت ظروفك الظروف منك تخون
بتفوت ولابتدي السلام ابتسامة حبيبي تكفي
لما يوم انا قلت ليك خايفك انت تسيبني يوم
ياتو لوم في الدنيا انت مارميتو علي لوم
قلت لي يحلي الكلام …
ست اللهيج السكري
انتي الجمال بتسكري وجوه القلوب بتعسكري
ست اللهيج السكري
صاحب الصبابة توكري وليك بي رحالو تكركري
طاش نومي ياريت من كري ونام الحسود بالدكري
ببراءة تصطادي البرئ وترديهم ان سالوك بري
اياما تحري الجوف حري وفي قلوبنا اسمك تمهري
يالرايقة حامدة وتشكري ست جبرة ما بتتشكري
كدي مرة ارسي وفكري واخلاصنا ليك ما تنكري
امشي الهوينا اتمهلي وهزي القوام السمهري
خلي العزول اتجاهلي وهاك قلبي ليك تستاهلي
يالفقتي كل تصوري وكيف حال كيف تتصوري
المثلي لو كان منطري ومابا السطر بتسطري
هجد الانام
هجد الانام وانا وحدي مساهر
النحول على جسمي ياحبايب ظاهر
اسبابي الحب الطاهر
اسباب سقامي وبكى طرفي الساهر
لي ازاي بعادو ومضى سيفو يشاهر
مرة اندب حظي ومرة اهتف اجاهر
اشكو دهري واناجي النجم الزاهر
انت عاقل وظالم انت ناهي وامر
يتمنى البدر ليك يبقى مسامر
كونك انت دواما بنوري ليك مغامر
واجتيازك عنو انت هادل وضامر
بالبات والاتي بالقوام الامر
على صدرك فنبل كم اسلم كافر
الوريد والضمرة والقوام الماثل
من محاسنك عالي الغزال النافر
Sleep Sleep Sleep
7/ اليوم يا مدهشة
يا مدهشة
انتي مدهشة والله مدهشة يا ريلا يا ريم يا رشا
اغمز سهامك ورشرشا يا تمام قمر العشاء
يا ما حصل يا شوق مشا وجا وما وصل
يالنعمتو الخاتية الفسل يخلق من الصلصال عسل
تمر الفكي السيدو شايلو و مشتهي
يابقة العسل النقي تقول شنو يالما بتشبهي
يا مبدعة ياسمع وشوف يا مترعة
يالفوق خيال فكري الوعي
المابتلحقا جدعا
رغم بعدي
رغم بعدي برسل سلامي يحوي شوقي وكل احترام
رغم بعدي وبعدك المحير والبعاد ماممكن يغير
لي هواي المشتول صغير من جهلتي ايام فطامي
رغم اني بعيد في مقامي انت برضو مسار اهتمامي
انت فجري الماثل امامي انت ريدي وعشري وغرامي
لو اعيش في الدنيا ساعة ليكي بهديها بشجاعة
غيرك الساعات مضاعة والهموم توقظ منامي
السنين العامرة الطويلة والمشاعر السامية النبيلة
باقة اشواقي الجميلة ليك بتغنيك عن كلامي
تفارق كيف
مفارق كيف تخلينا وشوقنا وذكرى ماضينا
كيف بعدك يكون الحال وكيف تصبح ليالينا
فريقنا الكان مفرهد بيك وعاش روعة تلاقينا
صبح حزنان ومامصدق في يوم ترجع تعود لينا
وين بعدك الاقي حنان رقة وخفة يازينا
مشيت خليتنا للايام منو الغيرك بواسينا
سبب الاذى
عيني ياسبب الاذى ساهرتي بي اخر جزا
عيني ياسبب التعب شفتي الجمال شفتي العجب
حبو في قلوبنا انكتب ذكراهو عندي معززة
الريدو علمنا السهر قابلنا مرة وما ظهر
خلاني اكتر من شهر ذكراهو عندي معظمه
ليه يا ليالي المعرفة يتبدل الحب بالجفا
الصد شقا والود شفا
عيني ما تبكي
عيني ماتبكي عيني ما تبكي
كفاية احمل هم واعيش حياتي الم
نارية في جسمي نيرانا مابترحم
ولاهو البحلني ولا الزمن برحم
جزاك ياعيوني بالاصلو ما شفتي
اظلم علي نوري يوم فات وخلاني
خلاني في ناري اندم لعمري الراح
ضاعت علي سنين يارتو ما عرفني
قولي ياهاجر ايه بعدك ايه اعمل
خليتني سبت الحي الباقي لي حصل
خليتني سبت الحي فقدت اعز اهل
نارية في جسمي نيرانا ما بترحم
ولاهو البحلني ولا الزمن برحم
ظالمني شوفتك
ظالمني شوف من كم سنة بعدين معاك انا ياهوى
ودرتو فيك املي الكبير ورميتني في جور النوى
سنيني ضاعت بي وراك وشايل دريباتك دوام
والغريبة بقولوا عنك للقلوب انجع دواء
من بدري صافيتك انا واشعلت في ديرك شموع
ووهبت ليك باقي العمر
العجب حبيبي
ادتي تحيا دموعي سالت والمنام ابى لي انا
العجب حبيبي …
يما زازا اخدت نظرة انا من قصاد الطاقة
توب (الكرب) الجابوبك ( اللقادة)
ياسيد الناس انا عاشقة زيادة
فوق الجيد انا ببقى ليك قلادة
العجب حبيبي…
يوم لاقيتو واقف جنب بيتو
الزول الظريف واقف جنب بيتو
لقاني اشر لي سلاني ما سليتو
شفت الحبيب حتى النوم ابيتو
العجي حبيبي اداني تحية ..
دموعي سالت والمنام ابى ليا انا
العجب حبيبيييييييييييييي
scratch scratch scratch
8/ البوم يا مفرحة
يا مفرحة
الجميل الجاي بكرة
اريتو بس لو عندو فكرة
انو في غيابو انجرحنا ولونت دنيانا حسرة
****
ناس كتار راجين مجيك يا فرح في العيد اطلة
ناس كتار حاسديني فيك وكانوا بس قاصدين مضرة
ناس كتار لو قالو ليك انو ما فرقتنا مرة
اسال ايامنا الخوالي واسال الجاينا بكرة
****
الظروف الفرقتنا علمتني كتير اعاني
افتقدتك وكل لحظة كنت بفقد من كياني
الفراق اشجاني كلي واليقين بارح كياني
افتقدتك ولما ترجع تعرف ايه الاعتراني
****
عقلي انشغل
عقلي انشغل بهواك والحكمة عيني
لاجة ومجافية النوم يا اربعيني
****
هاك بعض حالي البي روقي اسمعيني
جافي الغرام ما لقيت لي منو عيني
لو كان كلام في الطيف مرة اسمعيني
خليني اصل النار في هواك دعيني
****
فوق اللجانية علي لا تجرديني
توب الغرام ودوام عنو انشديني
طايع اريد لي قساك باهي اليديني
مهما يلاقي عذاب قلبي السجيني
****
مهما يزيد ويصيد همي البجيني
لو كان يزورني الطيف مرة ويجيني
تلبس حظوظي السود ثوب اللجيني
اصبحت كل صباح يزداد انيني
****
الودعوا ارتحلوا
الودعوا ارتحلوا
الودعوا ارتحلوا شالوا الهنا ورحلوا
ليه يعني خلونا وما رسلو وسالوا
****
ان قلنا نطراهم تالمنا ذكراهم
ان قلنا ننساهم كيفن بننساهم
عارفين طبايعنا في عيونا شلناهم
ما عرفنا درب الشوق من يوم عرفناهم
****
ترجع خطاباتم ما فيها ذكرانا
ما حسو بي شوقنا والزي ورانا
نحن ناس طيبة وشعورنا انسانا
ونضحي للريدة ونموت علشانا
****
يا حليل محبتنا حليلا اياما
مرت بدون ذكرى وما ظلتا غمامة
ياما سعينالا مشينا قداما
فتحنا ليها قلوبنا وحفظنا الزاما
****
حبيب فؤادي
طبعا يهواك
وطبعا يهواك
ولا ارضى هلاكي ولا ارضى سواك
يا حبيبي فؤادي طبعا يهواك
****
يتلالا خدك يلمع ضواك
يتمايل خصرك ما حملو هواك
يا مساوي البدر هو لا يسواك
لحظك يمرضني حق من سواك
****
يا الزهر اليانع رايق في ضراك
والعين لي غرامك شوقا تتباكى
ما اصعب حبك ياما اطراك
انا قابل هجري لو كان سراك
****
انا عندي هدية هي روحي فداك
يا ظالم رفقا بمن حباك
يا ساكن قلبي ومتى طرفي يراك
هل تدري عشوقا هو من اسراك
****
طبعا لا اعلم في الحب لولاك
يا منعش روحي يا معنى هلاكا
مهما تسلاني انا لا اسلاك
في قولت لالا ما احلاك ….
افكر فيه
افكر فيه واتامل اراه جل واتجمل
هلالي الهلا واتكمل
****
تفاصيل قولي والمجمل
ساصبر ياخي ايه اعمل
اذا قلب الفتى اتحمل
مصايب الدهر والامو
ارى الصبر الجميل اجمل
****
حديثي ودمعي اتسلسل
فصول في رواية تتمثل
اقيف في مواقف استبسل
وعن رؤيا الحبيب حالا
ابيت في مواقف اتوسل
****
هواك لي جسمي اتخلل
مجاري الدم اذا اتخلل
وقيع لي رضاه ادلل
وماهماه يا سيدي
دا واحدا اصلو بدلل
****
تذكر عهدنا الاول
صحي الايام بتدول
قريب يوم داك ما طول
مضت ايام ويا حليلا
بقت احلام بتتاول
والله يا زول بقت احلام بتتاول
****
الماضي
وجاي تفتش الماضي خلاص الماضي ولا زمانو
وجفت مقلتي الباكية ونامت من سنين احزانو
****
ارجع بالزمن مرة واتذكر حكايتي معاك
تلاقى القصة جد مرة لاني راعيت شعور مضناك
وكل ما تزيدني في هجرك اقول ليك زيدني ما احلاك
لا نفع التوسل ليك ولا هجراني يوم هماك
****
وجيت تترجى بالدمعات اسامحك انسى اغفر ليك
اجفف دمعك الغالي مسامحك ما عشان عينيك
عشان تتعلم الغفران وتصفح لو الزمن جار بيك
وحاول لو قدرتا كمان تقدر رقة الحابيك
****
عزت نفسي مابية علي اسلم قلبي ليك تاني
سنين الهجر بيناتنا وحاجات تانية حامياني
ورجع الحنين عاد ليك من تاني وداني
ولو مكتوب علي احب بحب انسان يكون تاني
elephant elephant elephant
9/ البوم في بالي
قالوا لي سرو
قالوا لي سرو سر غامض ماقدرت احلو
قريب قريب خلاص نبدا بحر الزراف
نزور ونشوف اهلي الدينكا اللطاف
*****
املنا على نهاية المطاف ومنا الكان هواب وخاف
دخلنا الميس خلاص وين فوق للرجاف
*****
ياجونقولي حاشا مانسوك اهلك تضافرو ونسوك
ياجونقولي حاشا مانسوك اهلك تضافرو هندسوك
بقيت مازي زمان
بقيت مازي زمان
كنت بدورنا وتزورنا وتسعدنا ياامل من زمان
*****
الريدة بين الناس صلة ريدتنا الحق حصلا
ليه يعني داير تفصلا ما الدنيا حب ومواصلة
*****
اسعدنا حبك ياجميل بقينا فيهو زمن طويل
ريتا ايامنا القلبيل ترجع تنوم العين قليل ا
*****
كل ليل تملي الروح هفا ليه رحت سبت المعرفة
علمتنا الحب والوفى من نار جفاك ياجميل كفى
سمحة الصدف
سمحة الصدف حلوة الظروف
وانا ياجميل دايما بزيد الحروف
بقول حلوة الظروف وادائما
*****
اصلي ماقادر اصف كل الحصل انا
اصلو الحصل مابتوصفولابي حرف لابي غني
غايب سنة وفي لحظة بس نلقاك هنا
بالله شوف سمحة الصدف حلوة الظروف
*****
اللقيا عاد مااجملا والله من يوم الرحيل
لاشوفتك السمحة اتلقت ولاضقنا من بعدك حلا
الشوق يزيد والنار تقيد ولا عيني خاتيها الاسى
ولاشوقي قال للدمعة لا
الليلة بي شوفة الجميل عيوني تبقى مكحلا
بالله شوف سمحة الصدف حلوة الظروف
الحبيب
الحبيب مالو ما جاء وين مالو ما جاء
انتظرتو لما ما جاء رحت زرتو
ياعوازلي انتو جرتو كان عرفتو كان عزرتو
*****
خدو وجا جوة قلبي غاص وفجا
في الغياب ما عندو حجة صد صاب الريد ولجا
*****
حبي عرفو طرفي صاحي يرعي طرفو
ذوقو والاحساس وظرفو كم قسى وقدرت ظرفو
*****
الحنان الزي حنانو شوفو لي وين مكانو
الجمال في الدنيا زانو ده بتروح الروح عشانو
*****
*****
الليلة جا جا اللية جا الليلة جا
*****
بعيد الدار
طال بي بعدك متى يامولاي تنجز وعدك بعيد الدار
بعيد الدار انت جميل جمال ودار جميل جدا لكن غدار
اراك ياخلي جرمت علي جنيتو علي كوكب سعدك
*****
بعادك طال تزيد كل يوم نفور ومطال
نفورك كم ضيع ابطال
متين يا ظبي تكون حاس بي تزيل البي
انا في عرضك
*****
كفانا بعاد كفاك تعال تعال عفوا من غير ميعاد
تجدني امين كاني خلي عشان ياجميل قلبي بحبك
*****
عليك غنيت وجدتك قاسي ما حنيت
اكون معزور انا لو جنيت
فقدت سكون فؤاد ممكون
ضروري يكون موجود عندك
ياسميري
قلبي المانساك اسمح لي بنظرة لو في الطيف عساك
بدلك وتيهك مع تشديد قساك جوة فؤادي ساكن صبحك ومساك
حسنك خف قلبي وتقلك رساك بغرامك كساني بالانوار كساك
*****
انت سالي جيلك وجيلك ما سلاك
انت بتتجلى حلية ومابتجلوه حلاك
كيف الاما تهوي وتعشق بلاك
يامراهم جروحا ياملاكا وملاكا
*****
جلي الباري ابدع في خلقك براك
عشت قليبي يتعب في حبك وراك
صحوا مابتزورني هل في الطيف اراك
يالرشا المكحل يالشويدن الاراك
*****
ياغزال لهلاكي فكري مين هداك
الموت بين كواحلك يانويعس هداك
عصفور الخمائل بالنظرة اشتهاك
تزدري بالزهور اكمام دهاك
*****
يالفي الخطرة لينك في جيدك بهاك
نومي الشلتو جيبو هاك قليبي هاك
المدفع الرزام
المدفع الرزام طلقاتو من صدرك
ياحبل الضرة المافي سيل حدرك
النار ولعا اتوطا فوق جمرك
*****
لزام التقيلة والعافية دراجة
وروني العدو واقعدو فراجة
شتت شملهم واديهم الحاجة
مابرجع تاني ليها ازلنا دوعاجة
*****
من عصرا كبير حس النحاس كح
الفارس برز والخاين اتنح
وقت الشوف يشوف اخوكي يالسمحة
فرتاق للصفوف في اقل من لمحة
*****
غربلت الفراسة واخدت صافيها
ان جات لي الالوف غير شك بكفيها
بتعرفنب الخدود وانا بعرف الفيها
النار ولعت بي قلبي بطفيها
في بالي
في بالي حبيبي ياغالي كيف انساك
حبيبي انت غالي وانا ساهر الليالي
سابح مع خيالي في العالم الجمالي
*****
انا في الظلام هلالي نور وجهك البلالي
شفاي من اعتلالي رحيقك الزلالي
*****
ياحبيبي خمري لونك زان الكحل لعيونك
برق الظلام سنونك والبدر نورو دونك
*****
ليك كم وهبت درة يامنتهى المسرة
والجفوة مستمرة ليه ماعطفت مرة
*****
حبيبي حن علينا وجود بالمودة لينا
اخلصنا ماسلينا بغرامك ابتلينا
نريدة
نريده ونريدة بنريدا بالصيدة
اسرتنا بعيونا وفتننا بالريدة
ريدتنا عذرية صادقة ومصيرية
في دنيا ودرية افراحها عيدية
اذيانا بعيونا وفتننا بريدا
الباقية في عمرنا نسمات بتغمرنا
لو ريدنا ودرنا تحنانا اسرنا
نريدة ونريدة ……
بنريدا زي ريدا في غنانا تغريدا
دي النافرة زي صيدة راجين مواعيدا
التبري زي لونا ما عشقنا من دونا
عدينا لكولا وحبينا لعيونا
اذيانا بعيونا وفتننا بريدا
rendeer rendeer rendeer
10/ لهيب الشوق
نور بيتنا
نور بيتنا و شارع بيتنا يوم ما جيتنا
يالهليت فرحت قلوبنا اطريتنا الليلة وجيتنا
كنا فرشنا السكة ورود لو كلمتنا كان بالجية
خطوة عزيزة ويوم موعود الخلاك تطرانا شوية
تسال فينا وتجي حارتنا ودابة الفرحة الليلة غشتنا
الحظ الجانا غشى سكتنا جانا وجابك لينا هدية
يالهليت فرحت قلوبنا اطريتنا الليلة وجيتنا
شوف شتلاتك كيف نشوانا والفل فرهد فرحان في البيت
والريحان طربان يتمايل غازل زهرة وعاين ليك
كل البيت خليتو في فرحة ضحكه قلوب وقلوب منشرحة
جيت واكتملت بيك اللوحة تسلم سيرتك اهلا بيك
اللالاية
اللالاية لالا جبينا
الضوايية ضي الرتينة
يقولو جافية نقول حنينة
يقولو نافرة نقول رضينا
يقولوا جاهلة نعد سنينا
دايرين فراقا خافين علينا
بنية تربالة طبعتها الرزينة
نظرتا الساحرة بي طرف عينا
تبرد حشاي تشفي الغبينة
صبرنا في ريدا اخرتا نضيع
صديرا العوامة صديرا الوزينة
جدايل التمايم لوحة في زينة
منضوم السكاسك لولايو عايينا
الحنونة بي ريدكم الله بالينا
شدولة الشبرية فوق البعيشيبا
تتمايل وتقدل الملكة بي جيشا
قلوبنا يالسمحة نبنيها تعريشة
رضينا بالحالة حرمان بلاك عيشة
ليالي الخير
ليالي الخير جادن من المحبوب نسايم الليل عادن من المحبوب
شفت في الاحلام ظبى يتهادن في رخيم تغمات خلي تنادن
عبرات الشرق بي ازدادن تلك الاحلام ليت تمادن
شفت الحسن الرافل حافل في ثياب الغز والعز كافل
رائع واحل تايه غافل لادن هادن ضامر كافل
بوبح جيدو وابصر واقل ظن مراقب صدق العاقل
قلب المخضوب فوق للفاقل تل اليمنى ومشى متاقل
صحيت ندمان نومي اتقلل اتناوم غش وقواي قلت
حاولت النوم لكن كلا هيهات يعود الكان ولى
ياليتو يعود الكان ولى
سلامتك
سلامتك والالم بيزول كفارة ليك يازول
وكم كفارة لي عينيك عشان تاعباك خلايق الله
يالعسل النقي المسنون وكت بنداك ينبلا
وعينا صادفت عينيك حاسدا شافا ما صلى
سلامتك والالم بيزول
سيدا
روحي يا سيدا وجدي ما بفيدك الا قلبك دة تعلمو الريده
انت ياسيدا سيدا ياسيدا ابتساماتا وتغاريدا انت قلبك دة تعلمو الريده
ليه تخليها لي تناهيدا يا منى عينا وقسيم ريدا
حبك اضناني ريدك اضناني زي جمال شخصك ماهو لاقاني
يامنى عيني العندي وحداني في دروب حبك قلبي وداني
ياقمر طلة قمر طله لي زياراتنا عاود الطلة
بي غذاباتنا ليه بتتسلى ولا اسبابك من خلايق الله
في الضمير صيدة وجنة مطروحة مابفيد صيدا
شوفتك الغالية كيف مراصيدا القلوب عندك انت بتصيدا
غنيت ليك
اناغنيت ليك اغاني
ياحبيبي اسمى المعاني وين نتلاقى تاني
انت الليك الشعراء غنوا وانت البيك العشقوا جنوا
قالوا عبادة ليس اظنو قلبي جريح وجروحو انو
لوتعرف الجرحنو في عيونك السر في انو
بعدت ليه ياحبيب ديارك يالبدر الكامل كمالك
الحور العين يتمنوا حالك مناي في النوم اشوف خيالك
اشوفك منعم في دلالك يامناي وريدي وحناني
حماماتن
ينوحن ليل حماماتن حمن عيني غماماتن
بريدن شوقي لي لماتن
اياب رعاب جمال فاتن ولاشئ في الادب فاتن
تتوق الروح لشوفاتن وارجف حين موافاتن
اديب قولي هن ياتن نهات راما وظبياتن
خدودن جل فصادن قلوب الادباء مرصادن
قنابل ترمي قاصادن وهن صادنو ماصادن
بريدن خف جلادن وضيبن هدهد اللادن
عفافن عف تيلادن بسوي القوم على بلادن
لهيب الشوق
زاد بي لهيب الشوق ماعارف احوالا
الحلوه ست الناس ياريتني في بالا
مزروعة في جواي وانا زدت في شوقا
محروسة بي ياسين وقلبي معشوقا
زي نفحة الياسمين سمحة وسمح زوقا
نار الغرام في الجوف زادن لهيب الشوق
الحلوة ست الناس صاحبة معالي وذرق
زي قمرة في دورين قمره في دورين اصلو الجميل معشوق
ليها الحنين دفاق وقلوبنا مشتاقة كاتلانا بي ريدا
ونحن عشاقا السمحة ست الناس حرقانا اشواقا
study study study
11/ البوم زمني الخاين
السكرية
بسيمتك تضوي هاااالة ظلمة سدر حالا
يا صاحبة الجلالة ابدا دمتي ليا
يا حلاة السكرية والبسيمة المظهريا
يا حلاة السكرية والقوام السمهريا
احساسي البحسه من زول ما بدسه
بفاخر بيو وبعده وليه الروح هدية
يا حلاة السكرية تسعد الروح الشقيا
فرايحيا وبشوشا في الوجدان نقوشا
نغطى برموشا ولسيع السكرية
بسيمتك تضوي هاااالة ظلمة سدر حالا
يا صاحبة الجلالة ابدا دمتي ليا
يا حلاة السكرية والبسيمة المظهريا
يا حلاة السكرية والقوام السمهريا
زمني الخاين
زمني الخاين ما ليقتلو شعور ظلمك باين
جافيت النوم زمني الخاين
حبي ليك عذري ويا جميل واضح
يا بدر من بدري في هواي البي
يعهودي معاك غير الله مين بدري
جافيت النوم زمني الخاين
زمني الخاين ما ليقتلو شعور ظلمك باين
يا اليف الصيد يا اب عيون صاد
عني نافر صاد انت ليه يا جميل
ليكا بالمرصاد كل يوم يا جميل
والشرك ما صاد ودعي ما حمد انا
جافيت النوم زمني الخاين
زمني الخاين ما ليقتلو شهور ظلمك باين
زار بعد هجعه طيف حيالي اليوم
فيه مجتمعه وكل محاسن الجيل
يا جميل رجعة لو افوز برضاك
يا جميل رجعة لو احوز لرضاك
يا بهي الطلعة يبقى عيدنا معاك
جافيت النوم زمني الخاين
زمني الخاين ما ليقتلو شهور ظلمك باين
ظالمني شوفتك
ظالمني شوف من كم سنة بعدين معاك انا ياهوى
ودرتو فيك املي الكبير ورميتني في جور النوى
سنيني ضاعت بي وراك وشايل دريباتك دوام
والغريبة بقولوا عنك للقلوب انجع دواء
من بدري صافيتك انا واشعلت في ديرك شموع
ووهبت ليك باقي العمر
ود البجرد الالفية
ود البجرد الالفية الليلة طاري الجية
ود البجرد الالفية الليلة طاري الجية
اب سيرة دوام محبوبا و الكلمته ما مقلوبا
ود سيحة لالبوبا ..
12 / البوم الحجل بالرجل
الحجل بالرجل
الحجل بالرجل يا حبيبي سوقني معاك
****
الليلة العزول جاب لي خبر بالسو
نسام البحر قلب الخبر باللو
قال لي دام هواك يا حبيبي مهما تسو
الحجل بالرجل يا حبيبي سوقني معاك
****
يا مسافر براك شاقي المفاذة بليل
يوم قلبا طراك اهداك المحبة دليل
بحق المودة حق الهوى والليل
الحجل بالرجل يا حبيبي سوقني معاك
****
يا مسافر براك قبل السفر زامل
يوم قلبا طراك بالمحنة ما بجامل
بحق المودة حق الهوى الكامل
الحجل بالرجل يا حبيبي سوقني معاك
الاهيف
اه الاهيف ابى ما يليم
من بعدو صار قلبي ضريم
يا ناس بي نار الفرقة
****
ولمتين يا كريم
الحظ يخدمني وحبيبي يليم
واراه الناعس الفاطرو كريم
يالفني ويترك لطباع الريم
****
هو جسمو سليم
وانا جسمي معنى وقليبي كليم
نور محيو البدري والليل يظلم
ليهو راحت الدنيا ولي التاليم
****
ولو مر نسيم
يتمايل غصنك منو مقيسيم
قبال الحاظك وما رايت يا وسيم
والاعين تفعل فعل المكسيم
****
ما لي نديم
غير نجم الليل ومنامي عديم
لو كان يا مدلل لهجري تديم
اتعذب وتمنع حظي التقديم
****
وبقى شغلي نميم
وفراشي كتار وغطاي حميم
لو كان لي وصالك اوجد تتميم
لي سرك بحفظ في قليبي صميم
****
اه الاهيف ابى ما يليم
من بعدو صار قلبي ضريم
يا ناس بي نار الفرقة
يا روحي
يا روحي انصفني في حكمك
لانو قاسي علي انا يا حبيب ظلمك
****
تظلمني والايام ما بتنصف الانسان
تشاهد المحبوب عفوا عيان وبيان
بالنسبة لي لطفك والرقة يا فتان
ما كنتا تظلم من قد اضحى بيك ولهان
تتركني للماضي مع انو في الامكان
تجدد الذكرى وتنسى كل الكان
****
انا يا حبيبي غرامي تركتو للايام
تركتا حب ودموع تركتا شوق وهيام
عودتا نفسي اذا ما اشتدت الالام
اصبر على الحرمان واضحي بالاحلام
جنات هواي العذري ندية الانسام
تخلي نار الشوق بردا علي وسلام
****
هيامي بيك يا فاتن مصدرو الانصاف
انصفتا حسنك حب وانصفتا حبي عفاف
ذوبتا قلبي معاني انيقة في الاوصاف
هومتا نفسي خيال في معبدك طواف
سكبتا روحي على كاس المحبة سلاف
هل بعد هذا اكون لسهام نواك اهداف
****
ناعس الاجفان
انا من صفاك مسحور
وبالله انت ملاك ولا من حسان الحور
يا ناعس الاجفان
****
وتزرف عيوني بحور
واقضي الليالي غيام مابين شوق وهيام ارى النجوم في سحور
وفؤادي اه منحور
مقتول بغير سلاح واقول بكل صراح سببي العيون الحور
****
وفيك الكمال محسور
اكظمتا كل حسود حسنك ضراه يسودعلى كل جيل بعصور
وطرفك لحاظو سريع اسدا شجاع وجسور
وليك نفرة الغزلان مع جبرة الفرسان في هيبة الاسطور
****
واهيف رشيق مجبور
تتهادى تيه ودلال وما بين غرف وظلال لعب وترف محبور
سهمك علي مكفور
وايه ذنبي غير هواك انا يا جميل بهواك من قلبي ما مجبور
****
ويا البي العطاف مشهور
ندك عبير فياح وقوامك المياح اينع ثمر وزهور
وبي حبي دمعي جفور
وانا في دجاك يا ليل نجمك بقى لي خليل وفارقت نور ودهور
****
انا لي زمن ماسور
هجراني ما هماك ويا اللي قاسي لماك من طول جفاك محسور
وحيات خديدك وجيدك وطريفك المكسور
انا شعري ما بوفيك مهما ما ابالغ فيك منظومي والمنثور
****
مساء الخير
مساء الخير يا الامير
يا الحبك شغل الضمير
غيرك ما لي سمير
****
وباهي طلعة ما ليك نظير
الزهر بخديك نضير
وطيف خيالك صار لي سمير
بي حنانك انا مستجير
****
ارى الصيد منك عيون
اهدى فيك البانة لون
وبين ثمارك وهدر الغصون
تقسى كيف يهون
****
انت منظر يفرح رؤاك
انت ديمة الخير في خطاك
ونشقى نحنا وطالبين رضاك
تمسى بالخير يسعد مساك
****
اجلي النظر
اجلي النظر يا صاحي
في منظر الانسان الطرفو نايم وصاحي
صاحي كالنعسان
****
وفي الضي جبينا النادي والبدر خلان
تجمع كل لطافة ورقة ونفرة الغزلان
مابينوجسيما اللادن الكسلان
يزري الحرير الناعم والفريع اللان
****
وداعجة ومكحلة خلقة عظما الرحمن
بي الجمال جمال الخلقة اتوشحا الايمان
هي في الجمال زي يوسف والوهيبة كمان
تمتاز بديسا طال وبي لهيج رمان
****
انا قلبي طار من صدري يا حبيبي عشان
شوفتا حور الجنة داخل الحيشان
شوفتا العيون بتقهقر ضابط النيشان
شوفتا الجمال الوافر بي عظيم الشان
****
ومني السلام ما غنا شادن او رطان
ومني السلام ما دنا بفارق الاقطان
يخضب بنانك حنة والوريد قيطان
والايد رضاك يا ملكة نجلة الصلان
- تحميل أغأني ألحوت مأفي زول فأيت نصيبو
