هي وصفة اطيب كاتو راس العبد…………ومارح تندموا
وهي طريقة التزيين خطرت ببالي تغيير شكل عن التقديم التقليدي
وامي الله يجبر بخاطرها ويخليلي ياها ويطولي بعمرها
ساوتلي الفيونكات
وطلعو كتير حلوين
المقادير :::
2كوب حليب سائل
كوب سميد
3ارباع كوب سكر
نص كوب جوز الهند
ملعقة صغيرة فانيليا
4ملاعق طعام ممتلئة زبدة
6ملاعق طعام كاكاو
يوضع الحليب والفانيليا والسكر والزبدة على النار مع التحريك
(((اكيد ما منحط الكاكاو مرة وحدة عالخليط لانو بكتل)))
منحط الكاكاو بصحن لحالو ومناخد شوية حليب سخن منضيفو فوقو ومنحرك
لحتى يمتزج ويصير شبه سائل وما يكون مكتل وبعدين منضيفو عالخليط يلي عالنار
يضاف السميد مع التحريك لبضع ثواني حتى يسمك الخليط
ونضيف اخيرا جوز الهند
ونطفئ النار فورا
((((ولمذاق اطيب والذ منضيف رشة قرفة ورشة صغيرة قرنفل ))))
نترك المزيج يبرد
ثم نبدا بتكوير الخليط بالحجم اللذي نفضل
والغطاء بكون حسب الرغبة
انا غطيتهم
منهم جوز هند
ومنهم فستق حلبي مبشور
ومنهم بسكويت مكسر ناعم
وانتوا اذا بتحبوا كمان
تحطوا شوكولا سائلة
وهدول الفيونكات ساوتهم امي الغالية بغرزة خيط نفس لون الريبان وبعدين حطيتهم على اعواد الخشب
تبع تنظيف الاسنان
اكيد موجودين بكل بيت
