دروس تعليم الكروشيه

الادوات:

-ابرة كروشيه مقاس 5 مم او H
– خيط صوف اسود سميك جدا
– خيط بينك سميك ناعم
– مشابك شعر ( بنس )

الطريقة: مقسمة 3 اجزاء ..

1. الطاقية

2. الاذن

3. الفيونكة

طريقة الطاقية :

( باللون الاسود )
1. نعمل حلقة ،او نعمل دائرة سحرية (يفضل الدائرة السحرية). راجعى الدرس الاول
2. نشتغل عدد واحد سلسلة ( 1 ) بعد الحلقة مباشرة ،كارتفاع اول سطر.
* هنعمل 10 غرزة نصف عمود ( hdc ) بداخل الحلقة .. ثم نوصل اخر غرزة نصف عمود باول غرزة نصف عمود عملناها (يعنى نعمل منزلقة) ونقفل السطر.

السطر التاني :نشتغل سلسلة ( 1 ) كارتفاع، ثم نشتغل 2 غرزة نصف عمود في كل غرزة ، ثم اعملي وصل اخر غرزة باول غرزة ،(يعنى نعمل منزلقة) ونقفل السطر. (هانحصل على 20 غرزة نصف عامود)

السطر الثالت :ارتفاع سلسلة ( 1 ) ،ثم بالترتيب ( 2 نصف عمود في غرزة ثم نصف عمود في اللي بعدها ) ، ثم اوصلي السطر بمنزلقة. (هانحصل على 30 غرزة نصف عامود)

السطر الرابع : سلسلة ( 1 ) ،بالترتيب ( 2 نصف عمود في غرزة ثم نصف عمود في اللي بعدها ثم نصف عمود في اللي بعدها ) ،ثم اوصلي السطر بمنزلقة.

السطر الخامس : ارتفاع سلسلة ( 1 ), ثم بالترتيب ( 2 نصف عمود ثم نصف عمود ثم نصف عمود ثم نصف عمود ) ثم اوصلي السطر بمنزلقة.
السطر السادس : سلسلة ( 1 ) كارتفاع , ثم بالترتيب ( 2 نصف عمود ثم نصف عمود في 9 فراغات ) ثم اوصلي بمنزلقة وقفلى السطر.

* الاسطر من 7 و حتى الطول المناسب : هتكون نصف عمود في كل غرزة و اوصلي في نهاية كل سطر والارتفاع دائما سلسلة ( 1 ) لكل سطر.
ملاحظة مهمة جدا : هنخلي اخر 4 او 5 سطور تعمليهم باللون البينك.

• تردد قناة ابرة كروشية
• تعلم عمل كروشيه