ربات البيوت المتميزات

كيفكون اخواتي
ارغب بنصيحتكون لانني بلا تنظيم واشعر كانني ضايعة متل الابرة بكومة قش
بركض ومابلحق
كيف بقدر نظم وقتي بين تنظيف المنزل واشغاله من كوي وغسل ةتعزيل وتدريس بنتي السنة
القادمة صف اول ابتدائي وابني الرضيع 7 اشهر وابني الوسطاني 3 سنوات وزوجي والاعتناء بنفسي
والله كل مابحاول ارتاح باكول بشكل مو طبيعي وبشتغل بعيد عنكون متل الحمارة ومافي ودائما
بحس حالي مرهقة بسبب السمنة 106 كيلو ياريت وحدة منكون اتواصل معها مشان تفيدني كيف
نظم وقتي
وسؤال ولو انو غريب بالتعزيل ايمتى بيكون وشو بتعملوا بالضبط صرلي متزوجة 6 سنين بس
والله ماعندي بهالموضوع لانو دائما عم اشتغل ومابلحق شي ودائما عصبية وعياط يعني صريخ بالبيت
وبنيم ولادي الاتنين بالخناق لانو بكون متوترة والمسا بعد مايناموا بدل مااشتغل او نام برتاح
من عياطهون على الكنبة امام اللاب توب بدل مااشتغل او نام بكير بنام الساعة 1
وبفيق الساعة 5 الصبح وبيناتهون بفيق شي مرة او تنين مشان ترضيع ابني الصغير
حاولت اعمل ريجيم بس فشلت كتير حتى كتير اوقات بقوا خليني صوم بكرة بس تاني
يوم بشرب نسكافيه اول مافيق وبنسى شغلة الصيام
دروجي مكركبة كلها ياريت تساعدوني بتوضيبها من اول وجديد وتشجعوني غير حياتي للافضل لاني حاسة
الي حزينة لاني سيدة بيت فاشلة من العيار الثقيل
ساعدوني والله يجزيكون خير بالجنة يارب وضعي صار رهيب ماني عرفانة نظم وقتي ابدا خايفة
مااقدر بعدين على تدريس بنتي مع انها زكية بس الزكاء لازمو متابعة وقلة الاهتمام فيه
بتخليه يضمر لكم جزيل الشكر صبايا لاتنسوني ساعدونيييييييييييييييييييييييي