هنا ساضع لك بعضا من اشعار الحب النبطية
كتبت الشعر من قلبي وخطيته على صفحات تنزف حبرها الدامي
كتبته والشعر من يوم ناديته. لفاني وحط معنى القاف قدامي
وانا من خيرته طبت وتنقيته وميزت الحروف بلحن وانغامي
وجاذبته وخفضته وعليته ورتبته وخطيته بالاقلامي
ولي ما يستوي بالشعر سويته وفي شعري تحقق كل الاحلامي
عطاني الله زمامه ثم تليته. وطاوعني ولا يرفض لي احكامي
الا يامن على العربان بديته وعن غيره تميز ريم الاريام
فلا شفت الذي مثله ولا ريته كمل والكامل الله رب الانامي
الا يامن فوادي الميت احييته. بطيب القلب مع اخلاق الاحشامي
وكل الحسن عن غيرك توليته. حرام اترك لهم لا اتصيبك اثامي
كتبت الخط لك صافي وعنيته. جداكم يا سليل الناس الاكرامي
كتبته ومن دعاني الشوق لبيته وانا من لي سواكم يسعف الامي
انا لولاك باب الحب ما جيته ولا غامرت في بحره الذي طامي
ولا سجلت به نبضي وغنيته على الحان قلبي المولع الظامي
وذا العالم على شانك تحديته ولا همتني احدوده والايامي
وهذ الشعر في حرفه وفي بيته. كتبته من معاني شخصك السامي
وكف الشعر لك بالحب مديته تفضل ذوق طعم الحب واهيامي
لانك صرت له الاسباب ناديته وهذا رد فعل القلب ما ايلامي.
اللي يقول الحب ولى زمانه——مايدري ان الناس مايستووني
صحيح بعض الناس خان الامانه—–لكن بعظهم مانوى انه يخوني
الحب بقلوب البشر له مكانه—–البعض صانه والبعض مايصوني
اللي يصونه يهتني في كيانه—–يلقى لطعمه الف شكل ولوني
يعيش فيه ويرتوي من حنانه—–ولا يظن بسيئات الظنوني
واللي ماصانه صار محبط وهانه—–يقول ولى قبل جيله يجوني
ماغير يسمع فيه ياليل ادانه—–يفكره روتين ولا فنوني
مايدري ان الحب عظيم شانه——ممزوج بارواح البشر والشجوني
الحب اكبر من مجرد ميانه—–ماهو كلام اعجاب شخص يموني
الحب يلوي القلب كالخيزرانه—–ويميله يم الحبيب الفتوني
غصب عليك الحب يفلت عنانه——ماينتظر جوارحك ياذنوني
بس البشر فيهم جحود ولعانه——-ون صادفك مكروه جو يشمتوني
والحب ماله ذنب يقتل عشانه——بعض البشر للحب مايرحموني
اما البعض ..فالحب فيهم ديانه—-واحبابهم بقلوبهم يسكنوني
هذا جوابي ..يامدور بيانه—–كل البشر للحبمايستووني
