“البارت الاول”
في بيت ابو مصعب (الساعه 6 الصبح)
كانت الشمس مشرقه تنور الدنيا بنورها وعلى احد النوافذ منزل ابو مصعب كانت مرام نايمه
او نقدر نقول في سابع نومه دخلت عليها امها وراحت لي عندها : يمه مرام
يلا حبيبتي قومي الساعه الحين 6 بتتاخرين يلا
مرام بصوت نايم : انزين انزين بس 5 دقايق واقوم
(مرام حلوه بمعنى الكلمه سمره فاتحه واايد لدرجه توصل الى البياض وعيونها مكحله ولونها عسليه
وخشمها صغير يناسب ملامح وجها الطفولي وشفاتها ورديتين غامجين متوسطين وعمرها17 سنه )
ام مصعب تهز راسها : يعني 5 دقايق بتشبعج نوم يلا قومي علشان ما تتاخرين
على المدرسه
مرام بتعب وتكاسل والنوم في عيونها قامت ودخلت الحمام وهي تتحنده : اففففففف متى اخلص
مدرسه مليت
ام مصعب وهي تطلع من الغرفه : وي من حلاه قعدت البيت عاد يلا بسرعه
يمه لا تتاخرين.
بعد ما طلعت ام مصعب من بنتها راحت وقعدت ويا ابو مصعب يتريقون( ام مصعب
: ربت منزل وتحب عيالها وايد واكثر شي تدلع ولدها العود مصعب وعمرها 44 سنه.)
كان مصعب معاهم (مصعب شخص وسيم بنيته الجسديه عريضه وفيها عضلات وهو من الطراز الشوي
قديم ومتشدد شوي بدين عمره 24 سنه )
ام مصعب وهي تصب الجاي حق ابو مصعب : اففف تعبتني هل المرام وايد تحب
النوم
ابو مصعب وهو ياخذ منها الجاي : الله يعينه ويعين الي بياخذها
ام معصب وهي تطالع مصعب وتضحك : ههههههههههههههههه اي الله يعينه وان شاء الله نشوفها
عروس بس خل مصعب بالاول يعرس لانه هو البجر واكيد يبي يفرحني
(ابو مصعب رجل شديد وصارم ويحب عياله وايد وعمره 49 سنه).
مصعب مثل كل مره يحاول يتهرب من طاري الزواج : اقول يبا انا اليوم لازم
اروح من وقت المكتب تعرف وايد اشغال عندي يلا مع السلامه
قام من مكانه على طول وطلع من البيت قبل ما يقولون له مع السلامه
ام مصعب الي تضايقت من الخاطر على مصعب : ياربي
ابو مصعب وهو ينزل الجاي : سمعيني يا شيخه اذا ولدج يبي يتزوج بيتزوج لا
تعورين راسج وقلبج يا شيخه (ام مصعب اسمها شيخه) في هذا الوقت نزلت مرام وهي
لابسه زي المدرسه الكحلي الازرق الغامج ولامه شعرها ذيل حصان ومنزله قذله وكانت لابسه شنطتها
وهي تمشي للباب بتطلع من البيت : يلا مع السلامه
ام مصعب واابو مصعب : تريقي بالاول
مرام : يبا يما تعرفون انا ما احب اتفطر ايام المدرسه
ابو مصعب : شالطبع يلا تعالي تريقي
ام مصعب : لا تحاول ماراح ينفع معاها عنيده وراسها يابس
مرام وهي طالعه : يلا بااااااااااي
اابو مصعب وام مصعب : مع السلامه
————————————————————–
بيت ابو سعد (الساعه 9ونص)
في بيت ابو سعد وبالتحديد غرفه سعد كان يتكلم في التلفون سعد وهو مغمض عيونه
ومنسدح على السرير : حياتي ولهت عليج ودي اشوف عيونج الحلوه
البنت بصوت دلع : ههههههههههه انا بعد يا حياتي متولهه لك من زمان ما شفتك
بس تعرف ظروفي في هاليومين ما اقدر
سعد وهو يتنهد بصوت عالي :اقول رغوده حياتي
رغد: هلا امر عمري
سعد وهو يعدل في قعدته : انا بصراحه خلاص ما اقدر انتظر اكثر حياتي وراح
اتقدم لج ولي فيها فيها
رغد طايره روحها من السعاده والوناسه : صج حياتي
سعد وبنبره رومانسيه : اكيد يا عمري اكيد
رغد وبصوت فرحان : يالله اشكثر انا مستانسه
سعد : خلاص عيل انا اليوم بكلم الاهل
رغد : طيب حياتي
سعد: طيب ان شاء الله انا الحين باروح الشغل اكلمج بعدين
رغد: ان شاء الله باي حياتي
سعد : رغد
رغد : هلا بعيون رغد
سعد : انا احبج
رغد : ………………………
سعد: رغد انتي معاي
رغد : اي معاك
سعد : انا احبج
رغد : وانا
سعد: وانتي شنو
رغد : مثلك
سعد : شنو مثلي
رغد :انت تعرف يلا اخليك الحين علشان ما تتاخر على الشغل يلا باي حياتي
سعد: اوكو باي عمري
شعره طويل شوي لين تحت اذنه . وعنده سكسووووووكه تجننننن وعنده غمازه على خده اليسار
..
عيونه عسليه )
( اما رغد فهي وايد بنت نعومه وخجوله ورومانسيه وحلوه كلها انوثه وتجذب الكل وعمرها
20 سنه
شعرها اسود طويل وعيونها سوده وواسعه وبياضها بياض الثلج)
سكر سعد التلفون وهو فرحان ومن كثر الفرح ضم التلفون وقام يحببه وبعد الجنون طلع
من غرفته في الصاله كانت ام سعد وسلطان يتفطرون
سعد : صباح الخير
ام سعد +سلطان : صباح النور
قعد سعد علشان يتفطر :الى وين اابوي يما
ام سعد : اابوك راح الشغل يقول وايد عنده اشغال تريق بسرعه وطلع
سلطان : اي احسن من سعد راقد لي هالحزه ولا كانه عنده دوام اليوم
سعد : عشتوا اقول اسكت واكل تبن احسن لك وانسرد لا اعطيك ابوكس الحين
سلطان : افففففففففففففف خلاص شبعت انا باروح الجامعه احسن لي باي
ام سعد : تو الناس
سعد : خليه يمه احسن يفكنا من لسانه
سلطان : يما شفتي ولدج شيقول عني
ام سعد : الله يهداك يا سعد ليش تقول له جذي
سعد : انا ما قلت شي غلط علشان يزعل
سلطان : اففففف شكله اذا قعت زياده بتزيد عندي الغثه يلا باي وطلع سلطان من
البيت اما ام سعد فقعدت تعاتب ولدها سعد على الي سواه حق سلطان
عذااااااااااااااب …. يميل للبساطه في كل شي …شعره اسود نااعم وعيونه عسليه ناعسه وشخصيه مرحه
وااااااايد وغشمرجي والباقي راح تعرفونه من احداث القصه)
(ام سعد : تحب زوجها وعيالها وايد وهي كبيره بسن ومريضه
بمرض القلب وعمرها 47 سنه)
ام سعد : شفت اسويت اكاهوا طلع وهو زعلان
سعد : بطقاق لا تعورين راسج يما المهم يما انا ابيج في موضوع
ام سعد : خير ان شاء الله
سعد وهو يناظر الفراغ : يمه …. ابي… ابي
ام سعد وهي عاقده حواجبها : تبي شنو يمه
سعد : انا يمه قررت اكمل نص ديني واتزوج
ام سعد الي طارت من الفرح : هذي الساعه المباركه مبروك يا نظر عيني
سعد استانس لوناسه امه : تسلمين الله يبارج فيج يمه
ام سعد وبفرح : خلاص اليوم بكلم اابوك علشان نزوجك واذا على البنت انا بدور
لك بنت الحلال الي تناسبك وتسعدك يما
سعد وهو يقوم من مكانه : لالا يمه
ام سعد وهي مستغربه : ليش!!
سعد يحرك يده في الهواء على دليل الشرح : انا يمه الي حبيت اقوله انه
مالا داعي تدورين لانه البنت موجوده
ام سعد وهي تناظره على طرف عيونها والابتسامه شاقه حلجها : البنت موجوده هاااااا من
ورانه
سعد وهو يبتسم حق امه : يمه لاتحرجيني
ام سعد وهي تضحك: ههههههههههههههههه فديته الي ينحرج انزين قولي من هذي البنت يعني عروستنا
سعد: هذي بنت اسمها رغد راشد ال…..
ام سعد : والنعم انزين قلت حق اابوك
سعد : يما ان قلت لو انتي تقولين له احسن
ام سعد : ابشر ان شاء الله خير يما يلا الحين روح الشغل لا تتاخر
اكثر
سعد وهو يحب راس امه : ان شاء الله
طلع سعد من البيت وام سعد تدعي له بالتوفيق
————————————————————–
في الجامعه (الساعه11 الصبح)
كان حمد توه طالع من المحاظره مع ربعه
حمد : اففففففف حشى اليوم المحاظرات ماتخلص الى بطلعت روح
خالد (صديق حمد): اي والله صدقت
وليد(صديق حمد): طيب عيل شباب خلونا نروح الكافتيريا احسن لنا
الشباب كلهم : يلااااااا
راحوا الشباب الكافتيريا وقعدوا يم طاوله كله فيها بنات كانوا البنات يطالعون الشباب واكثرهم حمد
(حمد وسيم يشبه اخته مرام شعره ناعم لونه بني غامج واسمر اللون لكن فاتح وبنيته
الجسديه قويه وهو مفتول العضلات مثل اخوه مصعب وعمره22 سنه) في الجهه الثانيه كانت نوره
مع صديقتها طالعين من المحاظره
نوره : اقول ساره
ساره : هلا قولي
نوره :شرايج تين اليوم بيتنا علشان ندرس مع بعض حق الاختبار تعرفين انا ما ينفع
معاي الدراسه بروحي
ساره وهي تضحك : هههههههههههه والله انتي شي بصراحه كانج ياهل صغيره لازم حد يدرسها
و يوقف فوق راسها
نوره وهي تسوي روحها زعلانه : انا اوكو ايي منج اكثر يا ساره مشكوره يا
الغلا
ساره وهي تراضي نوره: ويه عليج فديتج ياحياتي والله
في هالحظه دق جوال ساره شافت ساره التلفون(خلود) ساره وهي تابوز حق نوره : اففففففففف
هذي خلود الهبله
نوره: انزين ردي ساره وهي ترد : الوو هلا والله ههههههههه والله انتي الي ما
تسالين..هااا …. اي اي انا ونوره تونا طالعين من المحاظره……اوكو وين انتوا…….خلاص الحين يايين …
باي
سكرت ساره من خلود سالتها نوره: خير شتبي
ساره وهي تتافف: افففففففف تقول تعالوا قبل لايفوتكم
نوره وهي تعقد حواجبها : ليش شنو بفوتنا
ساره : والله ما ادري بس قلت لها بنروح لهم
نوره : عيل يلااا
(نوره بنت حبابه وكول وايد نعومه وحلوه وشخصيتها الكل يحبها وعمرها 18 سنه نوره فتاة
رااااائعه جدا وحلوه .. شعرها اسود طويل وعيونها سوده وواسعه …هابوووله واايد…
بس حنونه واايد وحساسه وواعيه واعقل وحده من البنات)
(ساره صديقه نوره بروح من ايام المدرسه ودوم مع بعض بس للاسف السنه الجامعه صارت
محاظرات ساره تختلف مع نوره وما تكون معاها الا في محاظره وحده وعمرها 18 سنه
وجميله وايد بس السانها طويل)
راحوا ساره ونوره الكافتيريا وقاموا يدورون على البنات شافوا طاوله عوده كلها بنات ويمهم طاوله
كلها شباب والحاله مصخره لدرجه انه نوره وصديقتها ساره استحوا يروحون يقعدون معاهم ساره بصوت
اشبه للهمس : نوره شنو بنقعد معاهم
نوره :هههه والله ضحكتيني اكيد لا يلاا يبا نمشي مالي انا على هالسوالف اخاف احد
يشوفنا مع هالبنات ويقولون عنا حجي
ساره : اي والله وانتي الصاجه يلا نمشي
نوره: مشينا
توهم بلفون الى صوت وحده من البنات تصارخ بسمهم : سااااااره نوووووره في هالحظه ساره
ونوره انصدموا يقولون في روحهم فشلتينا الله يفشلج فضحتينا نوره تطالع ساره: بل بل بل
حشى فضحتنا بصوتها الحين ما اعتقد احد في الجامعه ماعرف اسمنا
ساره وهي تهز راسها :اي والله
في الطرف الثاني كانوا الشباب يدورون ساره ونوره الي ياهم فضول يعرفون من هم وانصدموا
يوم عرفوا ساره ونوره لانه شكلهم محترمين ولابسين شيلات ومحتشمين في لبسهم يعني مو راعين
سوالف وخصوصا حمد الي تفاجا بنوره بنت عمه طبعا ما يحتاي اقول لكم شلون شكل
نوره وساره بهل اللحظه ويهم طماط ويطلع منهم شرار من الحمق الي هم فيه والموقف
المحرج الي ما ينحسدون عليه تجدموا لطاوله البنات وحده من البنات راحت لهم تسلم وانصدمت
منهم لانهم صدوا عنها وراحوا حق خلود الي هي صارخت عليهم
ساره وهي تصر على ضروسها : خلود شالحركه الي سويتيها انتي ماتستحين انتي لين متى
بتمين جذي تدرين هذا الي سويتيه يسمونه قلة ادب ومحد يسوي مثله الا الي ما
تربه ما خليتي احد في الجامعة ما سمع وعرف اسمي واسم نوره
خلود وهي رافعه حاجب : نعم عفوا شقلتي انا شنو
نوره وهي تطالعها من فوق الي تحت : اعتقد سمعتي شقالت ساره مالا داعي تعيد
وتزيد ياخلود هانم
خلود عصبت وقامت ولزقت بساره ونوره وهي تهمس لهم : انا ماسويت شي غلط اولا
ثانيا انا ما اسمح لكم تكلموني بهالطريقه اوكو
(خلود بنت والعياذ بالله وايد شايفه نفسها ومغتره بعمرها على انها بنت عاديه يعني مو
جميله ولا هي بكريها لكن مقابوله وتحب تلفت انظار الشباب وهي من النوع الي عادي
يبيع عمره وهي بعمرساره ونوره)
نوره وهي تتهزء فيها :وثانيا شنو يا ابله مفيده
ساره تبي تحر خلود : هههههههههه حلوه منج يا نوره
نوره وهي تطالع خلود بكل احتقار: سمعيني بلا هالحركات بايخه مثل ويهج اوكو اولا وثانيا
انا انسانه ما ابي انزل مستواي لي مستواج
خلود بصوت يرتفع تدريجيا: وثالثا يا نوره محمد يا انسه الشرف
نوره ما استحملت وعطت خلود كف حار خلا خدها يصير حمر الكل مستغرب ويطالع الي
قاعد يصير
————————————————————
هل اابوه سعد ابوافق على زواج سعد من الي ملكه قلبه رغد ؟؟؟؟؟
هل راح يقتنع مصعب بانه يفكر بالزواج؟؟؟؟؟؟؟؟ وهل كانت عنده تجربه وما يبي يكررهااااا؟؟؟؟؟ او
انه عنده سر وراه رفضه وتجاهل الموضوووووع؟؟؟؟؟؟؟
شنو راح يصير بين حمد ونوره؟؟؟؟؟؟؟؟
وشنو الموقف الي راح تنحط فيه نوره بعد الكف الي عطته خلود؟؟؟؟
كل هذا راح نعرفه في الاجزاء القااادمه واتمنى انكم استمتعتوا في هذا البارت
